Ka Nupepa Kuokoa, Volume XLII, Number 24, 10 June 1904 — Ka Halepaahao o Kawa. [ARTICLE]

Ka Halepaahao o Kawa.

Eia ke nee mua nei ke kukuki ana i ka halei>aahao hou o Kawa, a ke pii ae nei rio ka elua o na hale maluna. O keia halepaahao hou e hiki ana ke noho na paahao he elua haneri, a ke kukuluia nei 'hoi me ka pohaku uinihapa i hamo paa' ia i ka puna. Eia keia halepaahao hou ma ka aoao ma Ewa o ka halepaahao kahiko, ma ikahi paha o kanawalu kapuai ka mamao aku. O ka halelua o keia haleeaahao ua hanaia me na pale pohaku e ku laina ana no 117 kapuai me na lumi i ma'heleheleia. E kukuluia aku ana kekahi pa kiekie nona na kapuai kiekie he kanawalu, a he kanalima hoi kapuai ka loihi, a e hooku'i mai ana keia pa me na paia o keia halepaāhao hou. E hoohui ia ana ka pa o ka halepaahao kahiko me ka pa o 'keia halepaahao hou, a e kukulu ia aku ana kekahi pi'o ma ka puka-pa nana e hoohui ana i keia mau pa elua. O ke pani-puka o keia pi'o he pani hao, a o keia ka mea nana e hookaawale i ka poe e noho ana iloko o na pa. Wahi a Henry, ke poo nui o Kawa, ina i paa keia halepaahao mamua akū nei ina aole e hiki ia Sanchez, he paahao Poto Rico, ike mahuka aku.