Ka Nupepa Kuokoa, Volume XLII, Number 23, 3 June 1904 — HOOHOLO O HOLLOWAY E HOOPAU I NA HANA. [ARTICLE]

HOOHOLO O HOLLOWAY E HOOPAU I NA HANA.

Ma ka noonoo ana ua loaa aku ka manaoio i ka Lunanui o na Hana Hou o ke Aupuni nei Mr. Holloway e hoilioi i ka pomaikai o na hoolilo i na loaa aupuni no kā poe ola oi ae mamua o ka poe make, nolaila ua hooholo iho oia e hoopau i na luna e malama nei 1 ka pailina o Makiki he koe ana iho hoi ia no ka w'aihona aupuni i ka huina o $125 o ka mahina, a na ka poe mea moe lepo no ia e nana aku i ka malama i ka maikai o ka lakou poe moe lepo. Ua hooholo pu no hoi ka lunanui e hoopau i keia poe malalo iho: Pailaka Cameron o ke Keena Pailaka, Kapena Wilier o ke Keena Lunaawa. O Kauka Kahā Shaw o Honolulu nei a o Kauka Kaha H. Bell o Hilo, ua hoopauia laua. Oloko o ke Keena o na Hana Hou— oia ke Kakauolelo Kokua Harry Murray, ua hoopauia. O Sam. Chillingworth ua hoopiiia ae mai ke kulana kakauolelo eluaakuaka lunanana piulawai. O kahl keiki malama keena Sam Oneha ua hoopiiia ae i ke kulana kakaUolelo haahaa loa. Hoopauia o Pierre Jones o ke Keena Kokua Lunanui, a pela no hoi o Henry C. Vida o ke Keena Lunaalanui ma ke ano koktia lunaalanui nui.