Ka Nupepa Kuokoa, Volume XLII, Number 23, 3 June 1904 — Page 6
| This text was transcribed by: | Paige Okamura |
| This work is dedicated to: | No Anake Lolena!!! |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, IUNE 3, 1904.
E Hoopakele i na Keiki
A@ o na opio ka ikaika ino loa o @ Ua make ka hapanui o na @ i ka wa ka@ opio. Aole nana o na makua i ka ma'i o ka lakou mau keiki. He makapo a aiunu ka poe oo ame ka poe elemakule. O na kamalii ka mea e malama pono ia a e hoopa@. No na makahiki he loihi ae nei, aohe he loaa o kekahi laau kupono no @ ma'i o na keiki. Aole i loaa keia i @ hana a ke akamai, e like no me kona hiki ole ke pale ae i ka ma'i fiva mahope o ke koi ana a ke Kauka, a i ole i ka pepehi ana i na anoano o na ma'i lele. I keia wa, ua loaa ia lakou ma o ka WAMPOLE'S PREPARATION he kuhikuhi pololei a oiaio no ka pale ana aku i na ma'i e hoohakahaka nei i na moe o na kamaiki a he kumu hoi e wawahi ana i ka puuwai o na makuahine. Ua loaa i keia laau na mea hoonoono ai a hoola hoi o ke Cod Liver Oil Maemae, i loaa mai ai mai ke akepaa mai o ka i'a cod hou loa, ame ke Compound Syrup of Hypophosphites ame ka Extracts of Malt Wild Cherry. E hauoli no na makuahine i ka maopopo ana he laau momona keia e like me ka hone meli. Ina he ma'i hopapailua ko kekahi wahi keiki, aole oia e hoole i ka lawe ana i keia laau, a e ola a ikaik no oia, e like hoi me na keiki e ae i hoao i keia laau. He laau keia i oi ae ka maikai mamua o kekahi mau laau e ae no na kanaka makua, he hiki no ke hoomaemae i ke koko a e hoolaia no na ma'i o ka Puu ame ka ake mama, nawaliwali, Hi Koko, ame Emi pu o ke kino. Olelo mai o Kauka J. I. Brown: "Ua hoohana wau i kau laau a ua maikai na mea i loaa mai.
Ua haawi wau i keia laau i ka'u mau keiki, a ua nui ka pomaikai i loaa ia lakou mamua o kekahi mau laau e ae." E loaa no ia oe ka maha i ka lawe mua ana. He hiki no iaia ke hooko i kou makemake, aole oe e hoka. E kuaiia no e ka poe hana laau a puni o Europa, Asia, Aferika, Auseteralia, Amerika Akau ame Amerika Hema.
-----
MAKE I ALOHA NUI IA.
Ma ka wanaao Poakahi, Mei 23, 1904, ua oluolu i ka Makua Mana Loa ke kii ana mai i ka uhane aloha o Mrs. Lilia Kaloi Ezera a lawe palanehe aku la me ke aloha nui.
Ua hanauia mai oia ma Kamaole, Maui, na Mr. ame Mrs. Ku i ka la 3 o Iulai, 1865.
Ma ka la 29, Augate, 1885, ua paa ae la maua i ka berita ia e Rev. Z. S. K. Paaluhi ma Wailuku, Maui.
Mailoko mai o ka makuahine he 10 keiki ka nui he 9 e ola nei a hookahi mai a mamuli o ia kumu ua liloia i ma'i hoomailo i ke ola o ka makuahine a hiki wale i kona moe ana aku la.
Ua noho mai maua e lawelawe i ka hana a ka Haku Iesu Kristo ma Ewa nei i ka la 12 o Iulai 1890 a ma ke kihapai no o kona Haku a hiki i ke kahea ana mai la o ka leo mana o ka Makua a kuu iho la ke kino a oili aku la ka uhane. E waiho ana he ohana he mau keiki ame kana kane i aaloha ai e kanikau aku nona me na hoahanau o ka Ekalesia aloha ma Ewa nei.
He makuahine aloha a he oluolu i kona Haku, a o ke kane, kana mau keiki, he mea nui no ia iaia.
I kulike ai me ka olelo a ka buke Baibala, "Nana no i haawi mai nana no i lawe aku la e hoomaikalia kona Inoa."
J. M. EZERA,
Waiawa, Ewa, Oahu, Mei 31, 1904.
-----
OLELO HOALOHALOHA NO MRS. LILIA EZERA.
Ua oluolu i ke Akua Kiekie Loa iloko o kona Hoano mau loa ia, ka lawe ana aku i ke E-a mai ka Hale uhane aku o Mrs. Lilia Ezera, ma ke kakahiaka poniponi o ka Poakahi nei, Mei 24th ma ko laua wahi noho ma Waiawa, Apana o Ewa, MOkupuni o Oahu nei, a ua waiho iho oia mahope nei, he kane, he mau keiki, he hoahanau a he mau hoa aloha.
HOOHOLOIA: -- Nolaila: o makou o na makua, ame na keiki, e noho ana ma Halawa, ame Aiea, ma ka Apana o Ewa i oleloia, ma o ko makou komite la, ke komo pu aku nei makou me ka waiohia, e kaana pu i na ehaeha, me ke kane i hooneleia i ka wahine ole, na keiki i hooneleia i ka makuahine ole, a me na hoahanau pu iloko o ka Haku, ma ka Ekalesia a laua i noho kahu ai, ame na poe apau loa e komo pu mai ana iloko o keia pili aiku.
HOOHOLOIA: -- Ke nonoi nei makou, na ke Akua Kahikolu, iloko o Kona lokomaikai palena ole, e hoomama i ko kakou mau u a e hoopomaikai mai,
Ma o ko makou Komite la,
DANIEL P. HOOLAPA,
MRS. H. K. HOOLAPA,
SAME KAMA,
MRS. POOLOA
JOHN SCHUTTE.
-----
MRS. KEALOHA PAUOLE LANAKILA UA HALA.
Ma Waimea, Hawaii, i Aperila 23, 1904, hora 8, ua kii hou mai ka lima menemene ole o ka Anela o ka make a lawe aku i ka hanu o Mrs. Kealohapauole Lanakila. Ua hanauia oia ma Hamakua i 1848; mare ia oia me J. Lanakila, i hala mua i ka make i 1899, ua waiho iho oia hookahi keikikane, e u aku nei ma keia ao mauleule. Na ke Akua no i haawi mai, nana no i lawe aku e hoomaikaiia ka inoa o ke Akua.
Owau iho no ko'u oiaio,
JOHN HELENI,
S. Waimea, Aperila 29, 1904.
-----
Mai ka mokupuni mai o Kama i loaa mai ai na lono aole he makemake ia o ka aoao kalaiaina Demokarata, a na hoike ae na makaainana, ina e haule ana ka Home Rula e hui ana lakou me ka aoao Repubalika, kahi e loaa ai na pono ia lakou.
-----
He mea pono i ka poe hookahekahe wai o ka lakou mau mea kanu o ke kulanakauhale nei e malama pono loa i na rula o ka hookahekahe wai ana, oiai he koikoi loa na haawina e loaa ana ke ku-e i keia mau rula. O ka
Na Hoomanao o ka La Kaupua
(Mai ka aoao 1 mai.)
ka home hoi i kaua aku ai na koa aina ame na koa moana a hiki i ka lilo ana aku o ko lakou mau ola, a o lakou hoi na hoomanao ana o keia la i hookaawaleia ai no lakou.
Ano hoi i keia manawa eia ua hae la o ka aina a kakou i aloha ai ke welo nei maluna o keia mau mokupuni o ke kai, a eia hoi maanei kona mau poo nana e hooko nei i kona mana nui, na aliikoa ame na koa o ka Oihana Kaua Moana ame Kaua Aina, o keia mau mea apau ke hoopu'ipu'i mai nei lakou i na hoomano ana o keia la.
Ke hauoli nei no hoi kakou i ka ike ana aku i ko kakou mau makaainana Hawaii e huipu ana ma na hoomanao ana o keia la. O na mele i meleia mai na pokii mai ke hoike mai nei lakou i ko Hawaii nee mua ma na hoomanao ana.
E like me ka loihi o ka manawa e koe ai na hanauna a ka poe i komo iloko o ka Pualikoa nui o keia Repubalika, o ka lakou hana eehia loa, a o ko lakou kuleana maoli no hoi la, oia ko lakou hoohiwahiwa ana i na he o ko lakou mau hoa me na pua; a aole loa e haule ana keia hana, ma ko'u manao ana, a e hookau like aku hoi lakou ia hoomanao hookahi ana maluna o na koa Conofedereta, no lakou hoi na keikikane ame na kaikamahine, i keia la, i hookau aku i ko lakou mau manao aloha iloko o ka nohona lokahi ana.
Maanei i hoomau aku ai o Hakuwela i kana haiolelo ana, e kalai ana hoi maluna o ka moolelo o ke ala ana mai o ke kaua ame ka hopena o ia kaua ana, e haaheo nei hoi na Paele i ka lanakila i haawiia aku ia lakou mamuli o ka mauna ana he mau tausani olakino ma na aoao a i elua i komo ae iloko o keia kaua ana.
Mahope o ka pau ana o kana haiolelo ana i malamaia ae ai ke kahea inoa o na koa i make, a oia no hoi ka manawa i nee ae ai o na hoa e ola nei a hoowehiwehi ae i na he e waiho nei maanei. Mahope aku o keia ka hoohiwahiwa a na haumana o na kula. Maanei i hui ae ai ka huakai holookoa a maki mai la no ke taona nei. Ma ka halepaikau i makaikai ae ai o Kiaaina Atkinson i na pualikoa Hawaii, a pahola aku hoi i na hoomaikai ana i na koa no na hana o ia la.
O ka pualikoa Hawaii malalo o ke alakai ana a Kapena Coyne, o ia ka puali i haawi ae i na hoomaikai ana i na koa Amerika i komo ai i ke kaua me Sepania, oiai lakou e hoi ana no luna o na mokukaua.
-----
Na Elele Repubalika no Kikako
(Mai ka aoao 1 mai.)
Me ka puapuahulu ka opeope ana i na wahi pono kino o ke kaahele ana, a o keia o keia pupuu hoolei loa noho ana i ka uwapo o ka moku, a ikeia aku la oia e kalele mai ana ma ka palekai o ka moku, me kona kikalika e pu-a mai ana ka uahi, a e minoaka mai ana kona helehelena me he mea la aole he mau mea i ala mai mamua o kona manwa i kau ai iluna o ka moku. Ua holo aku ka moku i kona manawa i hoolahaia ai e haalele iho ana ia Honolulu nei, a o ka hapalua hora a ke Alii i noi ae ai, a hooleia, ua hala ae ia me kona manawa hou ole e hoea ae ai.
O kekahi mau lala o keia Aha Elele Repubalika o Hawaii nei ua hala mua lakou, a e hui ae ana lakou me ko lakou mau hoa ma ke kahua o ka hana a lakou i hele aku nei.
-----
E KALI ANA NO CARTER.
O ka hookohu ana i na komisina no ka noonoo ana i ka hana no ka mahelehele ana i na lawelawe loaa ana ma keia ame keia mokupuni u hoopaneeia a kiki i ka hoi ana mai o iKaaina Carter mai kana huakai aku nei no Amerika. Ua hooholoia na komisina e lawelawe ana i keia hana, aka nae ua hoole ne kekahi poe iloko o keia komisina i ko lakou lawelawe ana, a ua hooholoia e kali aku a hiki i ka manawa e hiki mai ai o Kiaaina Carter.
O keia ka papahana a Kiaaina Carter i hiaai nui ai a ua manao oia e komo pu iloko o na hana a keia komisina. O keia kekahi o na kumu i hooka'uluaia ai na hookohu, a ua makemake no hoi ke Kiaaina e hiki mai oia maanei i ka manawa e hoomaka ai na komisina i ka lakou hana.
-----
KUU LEI ALANI SONG.
Aloha kuu lei pua Alani
Kahiko nani ia no ko kino
Ua lei hoi oe ua lei au
I na la lealea o kaua
Aloha ia home i walea ai
Iahona i ka leo o ke aikane
Aloha ko leo i ka pane mai
E noho hoi au me ka maluhia
Ilihia kuu kino mahope ou
Kaulana i ka waha o ka lehulehu
A nau no wau i kii mai
Maluna o ke kaa he huila ha
I ke kula maua o Keoneula
He moani ke ala o ka Miulana
Me he la e i mai ana ia'u
O oe kuu hoa e pili mau
Aia ilaila kuu lei nani
He lei kahiko no ka wahine
Nani wale kuu ike ana ia oe
Kuu lei oe a'u e li'a nei
Ua lawa ka manao me ka iini
Kuu ipo i ka poli pili maanei
He nui no wau na ka makua
Na ka mana kahi kolu e kokua mai
Mahope no wau a o ko aloha
A kau i ke kau o ka lanakila
Kilakila Maliko a e ku nei
Kahiko i ka malu a o ke Kiawe
Nawai e ole hoohihi ia
I ka wai aniani e pipii nei
Aole no wau a e hopo ana
I ka makani nui hele uluulu
Uluulu ka helena a kuu hoa
Kukala ia ae i ke akea
I ka hola eiwa ia me ka hapa
Huli hoi i ka home a o ka makua
Ua lawa kaua e kuu lei
Uumi ka manao me ke aloha
Haina ia mai ana ka puana
Ke aloha o kaua ua paa loa
Haina hou ia mai ana ka puana
Kuu lei Alani poina ole.
MRS. ESTHER AH HOONG.
Kapalama
------
Ka Mokukaua Iowa
-----
KEKAHI HOPENA O KANA HANA MA KE KAUA ME SEPANIA.
-----
KA IKE I LOAA AKU I KEKAHI O KO BOB EVANS KOA MARINA. -- HE HOOILINA HOOMANAO NO NA LA O KE KAUA.
-----
O ka hapa o ke kaua i kauaia e ka mokukaua Amerika Iowa ma Santiago ame na wahi e ae o na kai o Inia Komohana ma ke kaua me Sepania ua maopopolea i na mea apau. Eia no nae aole i loaa aku i kekahi poe he mau moeuhane ana no ke koikoi o na hana e hanaia ana ia manawa ame ka hopena i hoea ae mamuli o ia mea.
O kekeahi o na koa wiwoole oluna o ua mokukaua la ua hele ae oia no kekahi mau makahiki loiki me ka loaa ole o na hoopoina ana i na haawina ehaeha i kau aku maluna ona oiai oia e noho ana iluna o keia mokukaua kaulana. O Mr. George E. Parquette, oia ka inoa o keia kanaka, a eia oia i keia manawa ke noho mai nei ma ka helu 3346 Sixth Avenue, Troy, N. Y., a he koa marina kona kulana maluna o ka mokukaua i alualu aku i na moku o na enemi ma na kai o Poto Riko. Penei ka hoike a Mr. Parquette e pili ana no ia manawa o ka hoolelehauli:
"I ka manawa e loaa mai ai na kauoha e ala koke mai ana kekahi paio ana, oia ka manawa e maopopo ole ai ka manawa e paina ai, a i ka manawa o makou e ai, e pono e ai wikiwiki no hookahi minute. O keia ka mea nana i hoopoino i ko'u opu a hookomo aku la hoi ia'u ma ke kulana maikai ole no eha makahiki oiai no nae wau e malamaia ana e ke kauka. Ua hiki ole ia'u ke paa iho i ka'u mea e ai ana iloko o ko'u opu a e loaa mau mai ana hoi na ehaeha ma ka hapalalo o ko'u opu. Ua maikai ole mai ko'u puu a ono ole mai hoi ka ai, a no eha mahina ko'u waiho ana maluna o kahi moe.
"Ua loaa hou mai la he mau pilikia hou. Ua loaa mai la kekahi ma'i eha ikaika loa ma ko'u poo, a i kekahi manawa he ike no wau i ka paa o kekahi mea iloko o ko'u puuwai. Ua inoino loa mai ko'u koko a ua loaa pinepine wau i ka ma'i fiva ame ke kunu no hoi. Ua inoino loa mai la ko'u opu a ua loaa ia'u ka manao aole loa he mea nana e hoola mai ia'u, a hiki i ke kau haulelau o 1903 oia ka manawa mua loa o'u i lohe ai no ka laau Huaale Akala o Kauka Williams no ka Poe Haikea, a hoomaka iho la wau e lapaau ia'u iho me keia mau huaale a o keia ka mea nana i hoopuiwa nui mai ia'u oiai ua loaa mai la ke ola ia'u."
O ka laau Dr. Williams' Pink Pills for Pale People oia ka laau kupono loa i na opu nawaliwali a he laau hoonoono ai no hoi. O keia na huaale nana e hooponopono i ka waihona ai a hoomaemae hoi i ke koko i hiki ke holo ma kela ame keia lala o ke kino. Ke kipaku nei keia mau huaale i na wai laaumake a hoola hikiwawe i na wahi i nawaliwali e haawi ana hoi i ka ikaika hou i na aakoko. Ke kuai ia nei keia mau huaale ma na halekuai laau lapaau apau apuni ke ao holookoa.
-----
KA EHA ILOKO O KA OPU, ua like no ia me ka niho popo, aole he poino eia nae he mea hoopilikia i ke ano o ke ola ana. O ka poe i maa i ka loaa mau ia ano e hauoli ana lakou ke ike i ka loaa ana o ka mea nana e hoola hikiwawe ma ka lawe ana i hookahi a i ole i elua manawa i ka laau Chamberlain's Colic, Cholera and Diarrhoea. Eia ke kuaiia nei ma na halekuai laau lapaau apau. Benson, Smith & Co., Ltd., na Agena ma Hawaii nei.
-----
HOOLAHA HOOKO MORAKI.
-----
HOOLAHA MANAO PANIKU A KUAI A KA MEA PAA MORAKI.
-----
K. KULIKE AME J. KULIKE.
-----
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia i ka la 27 o Iulai 1903, i hanaia e Kaaluea Kulike ame James Kulike no Honolulu laua a elua, Mokupuni o Oahu Teritori o Hawaii, na Mea Moraki Mai, ia Mrs. M. McInerny o Honolulu i olelo mua ia ae nei, ka Mea Paa Moraki, a i kakau kopeia iloko o ka Buke Helu 252, aoao 6, 7, ame 8, o ke Keena Hoona Aina o ke aupuni, o Mrs. M. McInerny i oleloia ke manao nei e paniku i ka moraki i oleloia no na kumu i uha'iia, e hoike ana: o ka uku ole o Kaaluea Kulike ame James Kulike i oleloia i ka manawa e uku ai i ka ukupanee maluna o ke kumupaa nona ka huina o $400.00 i hoopaaia malalo o ka moraki i oleloia.
Ke haawi pu ia aku nei no hoi ka hoolaha o ka aina i oleloia ame na hana hou i hoopaaia maloko o ua moraki la i oleloia e kuaiia aku ana ma ke kudala akea ma na keena kudala o James F. Morgan, ma Alanui Kaahumanu, Honolulu, ma ka Poaono, ka la 18 o Iune, 1904, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia oia kela mahele a apana o ka aina apau loa e waiho ia a e moe la i Keehia, Apana o Hamakua. Mokupuni o Hawaii, oia no hoi ka aina i hoakakaia iloko o ka Palapala Sila Nui (Grant) Helu 2333 ia Kailikahuma, a i apoia a hoakakaia penei:
E hoomaka ana ma ka ihona kiekie o ke Alanui Aupuni a holo:
Hem. 80 deg. Kom. 1000 kapuai a ke awawa o Kealakaha:
Hem. 18 deg. Kom. 1200 kapuai, a malaila aku
Akau (oiaio) 1050 kapuai, a malaila aku
Hem. 82 def. Hik. 1200 kapuai, a malaila aku
Akau 9 deg. Hik. 2100 kapuai, a malaila aku
Akau 20 deg. Hik. 2100 kapuai a hiki i kahi i hoomaka ai nona ka iliaina o 95 Eka, 2 Ruda (Roods).
A i hoakaka loa ia ma ke ano oia ka aina i hooliloia ia Kaaluea (w) ma ka palapala kuai i hanaia i ka la 1 o Okatoba, A. D. 1894, a i kakau kopeia iloko o ka buke 91 aoao 230, iloko o ke Keena Hoona Aina i oleloia.
MRS. M. McINERNY.
Mea Paa Moraki.
-----
HOOLAHA HOOKO MORAKI.
-----
Ma o kona loio ponoi la,
E. A. McINERNY.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e ike ae ia Frank Andrade, ka loio no ka mea paa moraki.
Hanaia ma Honolulu, Mei 20, 1904.
3016 -- Mei 20, 27, Iune 3, 10, 17.
-----
HOOLAHA MANAO PANIKU A KUAI A KA MEA PAA MORAKI.
-----
LEE CHU, KAHU.
-----
I kulike ai me na manao o kekahi moraki i hanaia e Lee Chu. Kahu Malama Waiwai, ia W. R. Castle, Kahu, i ka la 23 o Iune, 1899, a i kakaukopeia iloko o ka Buke Helu 192, aoao 410, i keia manawa ke paa ia nei e Western and Hawaiian Investment Company, Limited ma ke ano he mea malama moraki, ma keia ke haawiia aku nei ka hoolaha ke manao nei ka mea paa moraki e paniku i ka moraki i oleloia no na kumu i hua'iia e hoike ana o ka uku ole ia o ka uku-panee ame ke kumupaa.
Ke haawi pu ia aku nei ka hoolaha mahope o ka pau ana o ekolu pule mai ka la aku o keia hoolaha, o ka waiwai apau loa i hoopaaia e ka moraki i oleloia e hoolahaia aku ai no ke kuai ma ke kudala akea ma na keena kudala o James F. Morgan, iloko o Honolulu, maka Poakahi ka la 13 o Iune, 1904, hora 12 awakea o ka la i oleloia.
No na mea aku i koe e ike ae ia W. R. Castle, loio no ka mea paa moraki.
Hanaia ma Honolulu, Mei 20, 1904.
W. R. CASTLE, Kahu.
Mea Paa Moraki
O ka waiwai i paa iloko o ka moraki i oleloia oia iho keia:
1. He apana nona ka iliaina o 12.72 eka e waiho nei ma Kaluaolohe, Waikiki, Oahu, o ia no hoi ka hapa o ka aina i hoikeia iloko o ka R. P. 2576 iloko o ka L. C. A. 5873 Kahnaumaikai.
2. He apana o 6.06 eka e pili kokoke ana me ka Pa-hale 1 maluna a he hapa no hoi ia o ia R. P.
3. He mana piha mau e lawe i hookahi hapalua o ka wai e kahe ana mai kekahi wai-aniani iloko o ka pa hale e pili kokoke ana i na aina i hoike mua ia ae nei, me na pono apau i kupono e pomaikai ai keia pono, 3016--Mei 20, 27--Iune 3, 10.
-----
HOOLAHA MANAO E PANIKU A KUAI A KA MEA PAA MORAKI.
-----
LOUISA AME JOHN KALAMA.
-----
I kulike ai me na mea i hoopaaia iloko o kekahi moraki i hanaia e Louisa ame John Kalama ia W. R. Castle, Kahu, i hana ia i ka la 26 o Novemaba, 1897, a i kakaukopeia iloko o ka Buke 174, aoao 63, ke haawi ia aku nei ka hoolaha ke manao nei ka mea paa moraki e paniku i ka moraki no na kumu i uha'iia, oia hoi: no ka uku ole ia o ka ukupanee ame ke kumupaa:
Ke haawi hou ia aku nei no hoi ka hoolaha mahope o ka pau ana o na pule ekolu mai keia hoolana ana o ka waiwai i paa iloko o ka moraki i oleloia e hoolaha ia aku ana no ke kuai kudala akea ana ma na keena kudala, o James F. Morgan, iloko o Honolulu, ma ka Poakahi, la 13 o Iune, 1904, ma ka hora 12 awakea o ka la i oleloia.
E loaa no na mea aku i koe mai ia W. R. Castle, ka loio o ka mea paa moraki.
Hanaia ma Honolulu, Mei 20, 1904.
W. R. CASTLE, Kahu.
Mea Paa Moraki.
O ka waiwai i paa iloko o ka moraki i oleloia oia iho keia:
He pa-hale maikai ma Kapua, Kona Hema, Hawaii, nona hoi ka nui o elua eka, i hoikeia hoi iloo o ka L. C. A. 10380 ia Naluhielu, me na hale e ku nei maluna o ua waiwai la. 3016--Mei 20, 27--Iune 3, 10.
-----
HOOLAHA MANAO PANIKU A KUAI A KA MEA PAA MORAKI.
-----
KALAMA.
-----
I kulike ai me na manao o kekahi moraki i hanaia e John Kalama ia W. R. Castle, Kahu, i ka la 6 o Novemaba, 1897, a i kakaukopeia, iloko o ka Buke Helu 174, aoao 64, ma keia ke haawiia aku nei ka hoolaha ke manao nei ka mea paa moraki e paniku i ka moraki i oleloia no na kumu i uha'iia e hoike ana o ka uku ole ia.
Ke haawi pu ia aku nei ka hoolaha mahope o ka pau ana o ekolu pule mai ka la aku o keia hoolaha, o ka waiwai apau loa i hoopaaia e ka moraki i oleloia e hoolahaia a ku ai no ke kuai ma ke kudala akea ma na keena kudala o James F. Morgan, iloko o Honolulu, ma ka Poakahi ka la 13 o Iune, 1904, hora 12 awakea o ka la i oleloia.
No na mea aku i koe e ike ae ia W. R. Castle, loio no ka mea paa moraki.
Hanaia ma Honolulu, Mei 20, 1904.
W. R. Castle, Kahu.
Mea Paa Moraki.
O ka waiwai hoopaaia maloko o ka moraki i oleloia oia keia malalo iho:
1. He apana ma Waiaha 1, Kona Akau, Hawaii, i hoopaaia e ka R. P. 6672, ma ka L. C. A. 7241B ia Kalama, me na hale ame na hana hou.
2. He apana i Moiliili, Honolulu, o 20-100 eka oia no hoi ka hapa o ka L. C. A. 5240 ia Kalama ame Nakookoo. O keia no hoi ka aina i hooliloia ma ka palapala kuai aina i kakaukopela iloko o ka Buke 73, aoao 367.
3. He apana iloko o Moiliili, Honolulu, o 75-1000 eka, a i hoakaka pono loa ia iloko o ka palapala kuai i kakaukopeia iloko o ka Buke 38, aoao 339, he hapa hoi keia no ke kuleana i ha'iia maluna ae.
3016--Mei 20, 27--Iune 3, 10.
-----
HOOLAHA MANAO E PANIKU A KUAI A KA MEA PAA MORAKI.
-----
MALIE (w) AME H. Y. WELEWELE
-----
E like me na mea i hoopaaia iloko o kekahi moraki i hanaia e Malie (w) iloko o kona pono ame H. Y. Welewele, kana kane mare, ia Pae Kamaka, kahu ao na keiki o@ ole a S. K. Kamaka
-----
HOOLAHA HOOKO MORAKI.
o Honolulu, Oahu, i hanaia i ka la 22 o Ianuari A. D. 1901, a i hoopaaia iloko o ke Keena Kakaukope Hoona AIna, iloko o ka buke 215 a ma na aoao 458 a hiki i ka aoao 460 ke haawi ia aku nei ka hoolaha ke manao nei ka mea paa morak! e paniku aku i ka moraki no na kumu i uha'iia, oia hoi: ka uku ole ia ana o ke kumupaa ame ka uku -panee i ka wa e uku ai.
Ke haawi pu ia aku nei no hoi ka hoolaha mahope o ka hala ana o na pule ekolu mai ka la o keia hoolaha ana, o ka waiwai i paa iloko o ka moraki i oleloia e hoolahaia aku ana no ke kuai kudala akea ana, ma na keena kudala o James F. Morgan, iloko o Honolulu, ma ka Poaono ka la 19 o Iune, A. D. 1904, ma ka hora 12 awakea o ka la i oleloia.
E loaa no na mea aku i koe mai ia J. M. Vivas, loio o ka mea paa moraki.
Hanaia ma Honolulu, Mei 4, 1904.
PAE KAMAKA, Kahu.
Mea Paa Moraki.
O ka waiwai i paa iloko o ka moraki i oleloia oia keia malalo iho nei:
He apana a mahele o ka aina (mahi laiki) nona hoi ka iliaina o 1 A. 3 R. ame 30 Per., e waiho ia ma Hanamaulu, Puna, Mokupuni o Kauai, i hoakakaia hoi iloko o Palapala Sila Nui (grant) Helu 7210. Kuleana Helu 8600 ia Keolanui.
3016--Mei 20, 27--Iune 3, 10 17.
-----
HOOLAHA MANAO E PANIKU A KUAI A KA MEA PAA MORAKI.
-----
DANIEL POHAKAHI.
-----
I kulike ai me na mea i hoopaaia iloko o kekahi molaki i hana ia e Daniel Pohakahi ia Albert N. Campbell, Kahu, i hanaia i ka la 23 o Feberuari, 1903, a i kakaukopeia iloko o ka Buke 244, aoao 232, ke haawi ia aku nei ka hoolaha ke manao nei ka mea paa moraki e paniku i ua molaki la no na kumu i uha'iia, oia hoi no ka uku ole ia ana o ka ukupanee ame ke kumupaa.
Ke haawi hou ia aku nei no hoi ka hoolaha mahope o ka pau ana o na pule ekolu mai ka la aku o keia hoolaha ana, o ka waiwai i paa iloko o ka moraki i oleloia e hoolaha ia aku ana no ke kuai kudala akea ana ma na keena kudala o James F. Morgan iloko o Honolulu ma ka Poakahi la 13 o Iune, 1904, ma ka hora 12 awakea o ka la i oleloia.
E loaa no na mea aku i koe mai ia W. R. Castle, ka loio o ka mea paa moraki.
Hanaia ma Honolulu, Mei 20, 1904.
ALBERT N. CAMPBELL, Kahu.
Mea Paa Moraki.
O ka waiwai i paa iloko o ka moraki i oleloia oia iho keia:
Pa-hale Helu 28 iloko o Palama Tract (aina) iloko o Honolulu, ma ka aoao mauka o ke alanui Moi, e like hoi me ia i hoakakaia iloko o ka Buke 193, aoao 302. He 5850 kapuai kuea oia ka iliaina o keia pa-hale a he wahi maikai hoi no ka lawelawe oihana a i ole home paha.
3016--Mei 20, 27--Iune 3, 10.
-----
HOOLAHA MANAO PANIKU A KUAI A KA MEA PAA MORAKI.
-----
S. K. KUPIHEA.
-----
I kulike ai me na mea i hoopaaia iloko o kekahi moraki i hanaia e S. K. Kupihea ia Henry N. Castle, i hanaia i ka la 10 o Augate 1885, a i kakaukope ia iloko o ka Buke Helu 95 aoao 297 a i keia manawa ke paaia nei e W. F. McWhirter, ma ke ano he mea malama moraki, ke haawi ia aku nei ka hoolaha ke manao nei ka mea paa moraki e paniku aku i ka moraki i oleloia no na kumu i uha'iia, oia no ka uku ole ia ana o ka ukupanee ame ke kumupaa.
Ke haawi pu ia aku nei no hoi ka hoolaha mahope o ka pau ana o na pule ekolu mai ka la aku o keia hoolaha ana o ka waiwai i paa iloko o ua moraki la e hoolaha ia aku ana no ke kuai aku ma ke kudala akea ma na keena kudala o James F. Morgan, ma Honolulu, ma ka Poakahi la 13 o Iune, 1904, ma ka hora 12 awakea o ka la i oleloia.
No na mea aku i koe e hiki o ke loaa mai ia W. R. Castle, ka loio o ka Mea Paa Moraki.
Hanaia ma Honolulu, Mei 20, 1904.
WM. F. McWhirter,
Mea Malama Moraki.
O ka aina i paa iloko o ua moraki la i oleloia oia iho keia:
He mau pa-hale e waiho nei ma ka Mokupuni o molokai a i hoakaka pono loa ia hoi e like me keia malalo iho nei:
(1) 8 mau apana ma Waialua i hooliloia mai i ka mea moraki e S. B. Dole et al., ma kekahi palapala hoolilo i kakaukopeia iloko o ka Buke Helu 78 aoao 455.
Pa 1.--1.38 eka; 2, 1 lo'i 15-100 eka; 3, 1 lo'i i kapaia o Pehu 12-100 eka; 4, 1 lo'i 7-100 eka; 5, 1 lo'i i kapaia Keoahu 8-100 eka; 6, 1 lo'i i kapaia o Aipuaa 8-100 eka; 7, 1 lo'i i kapaia Hokau 10-100 eka; 8, 1 lo'i i kapaia o Ilikoele 2-100 eka.
(2) Kuleana o Palu, R. P. 3379 iloko o ka L. C. A. 5029 i Honomuni he 43 roda (ua like me 5 1-3 i-a o ka roda hookahi, 274 1-2 i-a pau loa).
(3) He hapaha i mahele ole ia iloko o ko Paakai kuleana iloko o Waialua
-----
HOOLAHA HOOKO MORAKI
-----
R. P. @ eka ame @
@ He @
3016--Mei 20, @
-----
HOOLAHA MANAO PA@ A KA MEA PAA M@
-----
VINCENT FERNANDEZ
-----
Ma keia ke haaw@ laha i kulike ai me @ ka pono o ka mana @ moraki i hanaia e Vincent Fernandez ia W. O. Smith, Henry @ ame Mary S. Parker, @ malalo o ka Palapala @ Lunalilo, i make, he @ i ka la 16 o Iune, @ ia iloko o ke Keena @ iloko o Honolulu @ 192, aoao @ raki i oleloia ke @ i ka moraki i oleloia @ uha'iia, e hoike ana @ i ka manawa e uku @ ame ka ukupanee @ o ka Mea Moraki @ ale hoi i hoopaaia ma@ i oleloia.
Ke haawi pu ia aku @ hoolaha o ka waiwai @ hoopaaia a i hoakakaia @ raki i oleloia ame na @ loa maluna o ia mau @ ia nei mahope iho nei @ ma ke kudala akea e @ raki i oleloia ma ke @ James F. Morgan, ma Alanui Kaahumanu, iloko o Honolulu, Oahu ma @ Poaono, ka la 4 o Iune, @ 12 awakea o ka la i oleloia.
O ka waiwai i hoopaaia iloko o@ moraki i oleloia a i manaoia e @ aku e like me ia i hoike mua ia ae @ oia kela waiwai paa ame na @ maluna iho apau loa, e waiho ia @ Kalihi, Honolulu, i hoike mua ia @ a i hoakakaia e like me @ nei:
Akahi: O kela pa-hale ame ka @ waiho ia ma ka aoao Ewa o @ Kalihi iloko o Kalihi, Honolulu @ mua ia ae nei, a i ikeia ka Apana @ 1 e like hoi me ia i kahaia a i @ iloko o ka Palapala Aina i @ W. Wilikoki hanaia hoi iloko o @ 1897, a oia no hoi ka aina i hooliloia @ Vincent Fernandez i oleloia ma kekahi palapala hoolilo a Abraham Fernanadez i hanaia i ka la 1 o Iulai, 18@ a i @ kau kope ia iloko o ke Keena @ kope i oleloia iloko o ka buke @ na aoao 140 a hiki i ka 141, a i hoakaka@ pono loa ia hoi e like me keia @ iho nei:
E hoomaka ana ma ke kihi @ keia pa-hale a e holo ana:
Hema 35 deg. 00 min. Kom. @ e holo ana ma ka aina o S. C. @ malaila aku;
Hema 50 deg. 00 min. Hik. @ e holo ana ma ka pa-hale 2, @ aku;
Akau 35 deg. 00 min. Hik. @ e holo ana ma ke alanui Leilani @ laila aku;
Akau 50 eg. 00 min. Kom. @ e holo ana ma ka aina e nohoia @ Domingos J. Lopes a hiki i kahi @ maka ai, nona hoi ka iliaina o @ ka puai kuea, oi ike a emi iki mai paha.
Elua: O kela pa-hale apau loa e waiho ia ma ka aoao Ewa o ke alanui K@ hi (Kalihi Road) ma Kalihi, Honolulu i olelo mua ia ae nei, a i ikeia @ pa-hale Helu 2, e like hoi me ia @ haia maluna o ka Palapala Aina i oleloia a i hanaia e R. W. Wilikoki @ o ianuari, 1897, a oia no hoi ka @ hooliloia aku ia Vincent Fernandez @ leloia ma kekahi palapala hoolilo a Abraham Fernandez i hanaia hoi i ka @ 4 o Ianuari, 1899, a i kakau kopeia @ o ke Keena Kakaukope i oleloia iloko o ka Buke 188, ma ka aoao 633 a hiki @ aoao 334, a i hoakaka pono loa @ like me keia malalo iho nei:
E hoomaka ana ma ke kihi Ak@ keia pa-hale a e holo ana e like me keia malalo iho nei:
Hema 35 deg. 00 min. Kom. @ e holo ana ma ka aina o S. C. @ malaila aku:
Akau 35 deg. 00 min. kom. 100 @ e holo ana ma ka pa-hale @ kahi i hoomaka ai, nona hoi @ o 5,000 kapuai kuea oi iki a emi @ paha.
Pau pu me na kuleana apau, @ apaua ame na mea apau i pili i @ wai i hoakakaia ae la maluna @ hoi olaila.
Ma ke dala kulike ka makemake @ ke dala gula Amerika no hoi a @ aoao o ka mea kuai mai na @ pala apau.
No na mea aku i koe e ike ae @ liam O. Smith, Judd Building, @ Hale) ma ke kihi o na alanui Pa@ Kalepa, Honolulu.
Hanaia ma Honolulu, mei 6, @
WILLIAM O. SMITH
MARY S. PARKER
Na Kahu Waiwa e koe nei ma@
Palapala Kauoha a W. C. @
Mea i Make.
Na Mea Paa Mo@
3014--Mei 6, 13, 20, 27--Iune 4.
NANA ANA
AOHE AUHAU
Niho Gula $5.00
Niho Keokeo 5.00
Papa Niho 5.00
o ka niho Hookahi.
-----
Heaha hoi kou mea e hoohemahema nei i kou mau niho? Ua kuai makou i ka makou mau lako hana niho ma ke kuai kukaa a nolaila he hiki ia makou ke hana me ka uku haahaa. Ke hoopaa nei makou o ka makou mau hana apau e maikai ana. He wahine ko makou kokua. Aole auhau no ka nana ana.
-----
NA KAUKA HUKI NIHO NO@AU
Na Hora hana, 8 a hiki i ka hora 5. Na La Sabati, 9 a 12.
215 ALANUI HOTELE, E HULI PONO ANA I YOUNG HOTELE.