Ka Nupepa Kuokoa, Volume XLII, Number 23, 3 Iune 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KE

KAUNAWAHINE

:O KE:

Kulanakauhale o Tarevis.

 

KE ALOHA I KA MAKA PAHIKAUA.

 

MOKUNA XXVII.

 

NO KONA ALOHA I MAUNA AI O KONORADO I KONA

“Owau ke koa o ke Kauna Paele ,” wahi a ke kanaka malalo l@@.

“O oe anei ia e ka panapua?” i ninau aku ai o Konorado me ka @@iwa nui.

   “Ae,” i pane like mai ai na panapua a elua i ka manawa hookahi a ia manawa koke no ua hookuu ae la o Konorado i kana umii ikaika maluna o ke kanaka ana e umii ikaika ana ma ke kania-i. a @ookuu pu iho la no hoi ua kanaka a-i umii ia nei, i kana umii ikaika @na i ke kania-i o ke kanaka malalo loa, no ka mea, ua hoomaopopo @@a iho la oia ma ka leo i hoopukaia e ua kanaka lalo loa nei, oia @oi o ka Panapua Sure no oia kona hoaloha maikai loa, o ka oihana kaua like.

   Alaila hoomaopopo koke iho la lakou pakahi apau he hoaloha kekahi no kekahi, oia hoi , ua maopopo iho la ia Konorado o ka Panapua Sure no kekahi o keia mau kanaka e aumeume ana, a pela no hoi i hoomaopopo ai o Sure no Konorado, a no Roga Kenta kona hoaloha pilipaa ma ka oihana panapua ke kanaka loihi hoi ana e akena mau ana i ka noeau i ka haku mele; a pela no hoi ua Roga Kenta nei i hoomaopopo ai – oia hoi, o ke kanaka ana e umii ikaika ana maluna iho oia no o Panapua Sure kona hoaloha.

  Alaila he mau manawa ano nui loa ia ia lakou pakahi no ka hoike ana i ko lakou mau kulana pakahi iho no ka mea aole he mea o huna ai mamuli o keia manaoio he hoaloha wale no lakou apau no lakou pakahi iho.

  A maopopo ae la no Konorado– oia hoi, ua hemo aku oia iwaho no ka ike ana ia Hilda, a o Roga Kenta hoi, ua hele mai oia no ka hui pu ana me kona hoaloha, ka panapua Sure a pela no hoi o Sure ma ia misiona hookahi, oia hoi, o ka hui ana me kona hoaloha Roga Kenta.

  “E pono wau e hoi i keia manawa,” wahi a Konorado i pane aku ai a huli hoi mai la no hoi oia no ka kakela.

  “E oluolu anei oe e Konorado e ku kiai aku ma kou wahi no kekahi mau minute,” wahi a Panapua Sure. “ Ua makemake wau e hui pu me kuu hoaloha nei no kekahi mau minute.”

  Alaila hulihoi aku la o Konorado no loko o ke kakela a ma kahi @ ka hana a ka panapua Sure i ku iho ai oia no ke pani ana i ka makalua i hoohakahakaia a ano wehewehe mai ai o kaiao oia no hoi ka manawa i hulihoi aku ai ka Panapua Sure.

   Ma ka manawa i haalele iho ai o Konorado i na panapua ua hui hauoli loa ae la laua me ka hilinai nui loa ana o kekahi i kakahi mahopo iho no nae o ka maopopo ana o lana pakahi iho no laua iho ame ka hana naaupo i hanaia e laua ma keia aumeume ikaika mawaena o laua me ka hoomaopopo ole ae he mau hoaloha laua no laua pakahi iho.

   Eia nae, ua hauoli loa laua ma keia hui ana ame ko laua akaaka nui ana no keia hui kupaianaha loa ana a hoomaka iho la no hoi ko laua hooluana ana. Ma ka aoao o ka Panapua Sure aia ia ke hoolohe hoolono la i na lalaui mele a kona hoa panapua i haku ai a e olioli haawi hoopaanaau ana, a ua nanea maoli no na hoaloha ma keia mau hora puanuanu o ka wanaao. A hala kekahi manawa o ka hoonanea ana alaila ua haalele iho la laua ia wahi no ka hoi ana– o ka Panapua Roga Kenta no ke kahua hoolulu o na Akibihopa a o ka Panapua Sure hoi no ke Kakela Turona, ma kahi o kona wahi o ka hana, ke ku kiai ana kahi o Konorado e ku kiai ana nona.

  E like me ke ano mau o na hoaloha pela no hoi na panapua i @mili ae ai kekahi i kekahi no ka haawi aloha ana a kaawale ae la me ke ohohia ohaoha i loaa iloko pakahi iho o laua me ka hauoli nui no laua pakahi iho.  

 

MOKUNA XXVIII.

 

“I HAAWI AU IAU IHO I PANAI NO KOU ALOHA.”

 

  I na la e maalo mau ae ana, a o-ku ole ae kekahi mau hana hoolele oili, pela i nee mau aku ai ka hamau ana iloko o na paia hakumakuma o ke Kakela.Turona, a ano pakuwa iho la no.hoi na hana limaikaika o na Akibihopa i ka noonoo pililaula o ua kakela nei, no ka mea oia ka manao i loaa like i na mea apau o ua kakela nei.

  E like me ka mau ua akoakoa ae la ke Kauna Paele me kana waaine ame ke Kaunawahine Tekela ame ka Emepera ma ka lanai hui o ka aleo o ke kukulu akau no ko lakou ainaahiahi, mahope iho o ka hoopau ana i na hana o ia la a hooluana iho la ma ka lakou papaaina, oia no ka manawa a Kapena Setinameta i komo aku ai no ka hoike ana i kona haku i ka makemake o kekahi moneka e ae ia oia e komo iloko o ke kakela.

 “ Maihea mai oia?” i ninau aku ai ke Kauna Paele i kona kapena.

“ A pehea hoi oia i ae ia mai nei e na koa o na Akibihopa?”

 “Ua manao wau mai Palesetina mai nei oia, a i hookuuia mai nei hoi e na Akibihopa.” wahi a ke kapena, “ a he meahou kana e pili ana i ka Emepera.”

 “O ka Emepera ?” i hooho puiwa ae ai o Rodolofo.

 “ Ae e kuu Haku.” wahi hou a ke Kapena Setinameta no ka pane ana i ka ninau a Rodolofo. “Aina ka Mea Kiekie loa ka Emepera i ka aina hemolele kahi i kaua ai , au e manao nei he meahou ka ka moneka pili i ke kaua a ka Emepera.”

 Ua huli nana ae la o Rodolofa i kona poe e noho pu ana me ka pane leo ole a pela no hoi ke Kaunawahine Tekela e hakapono ana maluna o ke Kapena Setinameta no keia mea hou hauoli.

 “ Aohe o makou nana ia meahou o ke kaua a ka Emepera,” wahi a ke Kauna Paele i hooho leo nui ae ai. “Heaha ka waiwai o kana kaua ia makou, eia nae ,ha hoike ia no ka hawawa nui o ka Emepera i ka hele iwaho e hoopau ikaika wale ai no a waiho hemahema iho la i kona wahi o ka hana, e like me ia e ala kaua nei iloko o kona aina ponoi. E hoike aku i ka moneka aole oia i makemakeia iloko nei.”

 “Aole hoi pela,” wahi a ke Kaunawahine Tekela i pane aku ai, me na h@ohiona olioli maluna o kona helehelena. “He poe makaainana maikai wale no kakou no ka Emepera a i aloha hoi iaia, au hoi e manaolana nei e lohe aku i ka holomua o kana hana e hana mei nei ilaila. Ke noi aku nei wau ia oe e ae ia mai keia makua hemolele.”

 “ Malia paha he kiu hemolele oia na na Akibihopa a o ko kakou poino no ia.”

 “No ia mea,” wahi a Rodolofo i pane aku ai “owau ka mea e makaala loa aku ina he kiu io, aka nou iho ua makemake loa wau e ike i keia makua hemolele, a ina nei no kona kulana kiu io na na Akibihopa alaila ua oi loa aku ka maikai o kona komo io mai, a i hoi aku ia i na haku ona nana ia e hoike aku aia no ke Kauna Paele ma ke kulana makaukau i na manawa apau a hala wale no keia mau la loihi o elua makahiki o ke paniku ana o laua me ka manao e hoopololi i ke Kakela Turona, eia nae aole i uhalu iho ke Kauna Paele.”

  “ Ke manao nei wau,” wahi a Rodolofo i hoomau aku ai, “he mea hookuhau manao ia i na Akibihopa ke hoike aku keia kiu a laua i ka lawa piha mau o ke kakela nei me ka ai no kekahi mau makahiki elua aku i koe. au hoi e manao nei. e haalele koke no laua i ke kahua hoomoana ina iho la pela ke kahua o ke kakela nei”

“ Ina.pela e ae aku i keia moneka,” wahi a ua Kauna Paele nei i pane ae ai me ka olioli no keia mau manao a Rodolofo. “eia nae. e pani mua ia kona mau maka me ka-lole i ole oia e ike i na pa@a o ke kakela nei. a e alakai ia mai oia imua ou.”

Alaila huli ae la oia a haawi kauoha aku la i kona kapena a emoole ua nalo aku la ua kapena nei, a hoea ana ua moneka nei me na maka i paluluia a e alakaiia ana hoi e ka Kapena Setinameta.

“ Mai ka aina hemolele mai anei oe e ka Makua?” i ninau aku ai o Rodolofo no ka manawa mau loa.

“Aole pela e kuu HHHH Haku ,” wahi a ka moneka. “Mai Palanipoka mai wau a i lawe mai nei hoi i ka meahou maikai pili i ka Mea Kiekie ka Emepera Rodolofo mai ka aina hemolele mai ma o kekahi elele la i hoounaia mai mailaila mai.”

“Pela io. A nawai i hoouna mai ia oe ianei, a nau no anei i hele mai nei nou iho?”

“Ua hele mai au mamuli o ka hoouna a ka Barona Sigifarai vona Burunofela, ka mea e noho nei i Palanipoka i keia manawa, ka mea hoi iaia ka malama ana i na pono apau o ka Emepera, a he hoaloha pilipaa loa no ka Mea Kiekie Rodolofo, au no hoi e hilinai nei he poe makaainana oiaio oukou no ka Emepera, e like me ia.”

“Ae, he poe makaainana oiaio makou apau no ka Mea Kiekie ka Emepera Rodolofo,” i hooho ae ai ke Kaunawahine Tekela me ka olioli nui.

Alaila kulou haahaa loa iho la ka moneka imua o ka wahine opio ui.

“Ke manao nei wau ua maikai no ke olakino o ka Barona Burunofela,” i ninau aku ai o Rodolofo. “He hoaloha maikai oia nou.”

“ He maikai no kona olakino eia nae he ikeia aku na hiohiona ano kaumaha maluna o kona helehelena, me he la , e hoike mai ana i kona noonoo nui no kona Emepera ka Mea Kiekie Rodolofo, aka ua ano hoihoi mai oia i keia manawa mamuli paha o ka lohe ana i na meahou maikai pili i kona Haku.”

“Me ke kanalua ole oia aku la ka mea ona i kaumaha ai,” wahi a Rodplofo i pane aku ai. “Ua loaa anei ia oe ka hoomaopopo o ka mea hea la ka hana koikoi loa ana e hana mai nei?”

“I kau hoomaopopo aku ke hooikaika nui loa nei oia ma ka hoomahuahua mau ana i ka ikaika o ka mana kaua a ke pee mau nei ka nui o na koa i pili aloha loa i ko lakou Emepera mai ka akau mai ame ka hema. Ua olelo pu ia ae eia oia ke hoala nei he puali kaua panapua, a ke ikaika nei ia manao iwaena o na makaainana e loaa nui ana ka makaukau i keia puali no ka hooikaika hoomahuahua loa ana ae i ka ikaika kaua o ke Aupuni o ka Emepera.”      

“ A heaha ka manao nui o keia hoomahuahua mau ana i ka ikaika o ka mana kaua?”

“Ua manao wale ia no ua loaa ka manao i ka Barona e hoouna i kekahi mau pualikoa i ka aina hemolele e hui aku ai me ko lakou Haku.”

“E kuu Haku.” wahi a Tekela i pane aku ai ia Rodolofo , “ke ike aku nei wau aia kau mau ninaninau maluna wale no o ka Barona, a aohe he hoohalahala ana malaila, aka ua makemake nui wau e lohe aku no na mea pili i ka Mea Kiekie ka Emepera Rodolofo ame kana hana o ka aina hemolele e noho mei nei.”

“Pololei oe e kuu Hakuwahine ,” wahi a ke kanaka opio, a e kala mai oe iau no ia mea. Me he la ua poina wau iau iho, eia nae e oia kekahi kumu o kou ninaninau nui loa ana pili iaia. Ano e ka makua heaha ka mea e pili ana i ka Emepera?”

“O ka meahou e pili ana i ka Emepera he mea hoolana manao ikaika ia iwaena o na makaainana, no ka mea ua loheia mai kona wiwoole ame kona kulana koa oiaio maoli a he alakai maopopo e puka pono ai a loaa ka lanakila ma ke kahua kaua. He nui kona makaukau ma ke kaua ana, a he noeau maopopo ma ka hookele pualikoa ana a ma na hoolala ana ana apau aole he lua e hiki ke hookukuia me ia iloko o ka aina hemolele.”  Ua ulipaia aku na kanaka o kela wahi a aohe o lakou mea i lanakila i ke alakai kamahao loa a ka Emepera.”

“ Ina pela ka ikaika i loaa i keia Emepera. no keaha kona mea e hoi ole mai ai a ulupa aku i keia mau alii hookiekie e noho mai nei na Akibihopa?”  Ua hoike aku anei oe i keia lanakila o ka Emepera i na Akibihopa?” i ninau aku ai ke Kauna Paele mahope iho o ka hoike manao ikiiki ana.

 “Ae ua hoike aku wau ia laua.”

“A heaha ka laua pane?”

“O ka laua pule e ola mau loa ka Emepera a e lanakila mau oia maluna o kona mau enemi.”

“ Aole he waiwai o ia mau mea iau a aohe he waiwai o kana (Emepera) hana no kona aina nei .”  Me keia mau oeolo ua ku ae la ua Kauna Paele nei a mahope iho o kona haawi kauoha ana i kona kapena no ke kiai ana i ka moneka ua haalele iho la oia i ua anaina la.

“E kuu Haku ,” wahi a Rodolofo i pane aku ai i ke Kauna Paele mamua o kona hala loa ana aku. “Ke makemake nei wau e hui kamailio pu me ka makua – o maua wale no. a e haawiia i mau mea ai anei kahi au no ia mea?”

Alaila huli mai la ke Kauna a nana mai la i , ke anaina e noho aku ana iaia e ku kokoke ana i ka ipuka , alaila pane mai la i kona kapena:

“ E Setinameta, e hoolohe i na kauoha apau a ka Haku Rodolofo e like me oe iau” a hala aku la no hoi ua Kauna nei. a pau iho la no hoi ka haawi hoomaikai ana a ua makua nei maluna o na wahine.

Mahope iho o ka pau ana o ka ai ana o ka moneka ua hoom@ka hou iho la na kukaiolelo ana.

“O oe wale no anei ka elele e hele nei ma keia mikiona?” i ninau aku ai ka Emepera.

“He nui makou i hoounaia e ka Barona a eia lakou ma na wahi like ole o ka aina nei no ka hoike ana i keia meahou au i hoike aku nei ia oukou.”

“A mai nei aku anei oe e hulihoi ai i Palanipoka?”

“A haalele wau ia oukou, e kamoe loa aku ai kau huakai no Kolone ame Tarevis ame kekahi mau wahi aku nei, mamua o kou hulihoi ana no Palanipoka.”

“Ina pela ke noi aku nei wau ia oe, e oluolu oe e hoololi i kau papahana o kau huakai a e hulihoi aku i Palanipoka mai nei aku.”

“ He hiki no iau ke hana pela ina he hana waiwai nui kau e waiho mai ai iau no ka waiho aku imua o ka Barona a aole ma kekahi ano e ae. Aole e hiki iau ke malama ole i kana kauoha.”

“Eia , e hooiaio aku wau ia oe e llilo no oe i hoaloha maikai loa no ka Barona ke hana oe e like me kau e hoike nei ia oe. a aole e nele kona hoomaikai mai ia oe no keia malama kauoha ole ana ou. A e like me kau i olelo mai nei ina he hana waiwai nui kau e waiho aku ai nau e lawe i ka Barona. ke hoike aku nei wau ia oe o ke aloha hoaloha pilipaa mawaena ona ame ka malihini o Turona nei oia ua hana waiwai ano nui la au i makemake ai e lawe oe. oiai o ua mana aloha la ka mea nana e hooholo hakalia ole me ka pukapono o na mea apau e manaoia ana e hooko. Eia nae he mea pono loa ia oe e hoomaopopo loa i ua mea nei au i makemake ai ia oe e hoike aku ame ka pololei no hoi oe e hoike aku ai.”

“A oia keia,” wahi a Rodolofo i hoomau aku ai . “e hai aku oe iaia pili i ke kanaka kalepa waiwai silika ana i hele pu ai me ia no Tarevis, eia ia i ke Kakela Turona nei a he maikai no oia.”

“Aole loa e hiki iau ke lawe i ka meahou o ke kanaka kalepa silika aka no ka poe Emepera wale no.” i hooho ae ai ka moneka me ke kalele ikaika ana iho o ka leo. mamuli o kona hoomaopopo koke ana iho i ka hoohaahaa loa ia o kana mikiona no ka mea ua hele mai oia me ka meahou o ka Emepera a he meahou o ke kanaka maauausilika hoi kana e hoihoi aku ai i kona haku Barona.

(Aole i pau.)

 

MAKAIKIU

WATE DETONA

Ke Ahi Lalapa Pio ole i na Nihiliti

Ke Kanaka Amerika Koa lua ole

 

MOKUNA II.

“UA HAAWI OLA IAIA IHO NONA..

  “Aole. O kona makuahine he Polo. O ko keia kaikunane hoi he Rukini. O ko laua makuakane he Rukinu. I kekahi la ua hoowalewale ae keia wahine ia Ivana i kona hale. Iaia malaila ua komo mai la o Kauna Bazarofa a aole hoi oia i liuliu iho iloko o ua hale la ua haule iho la oia iluna o ka papahele a make loa – ua hanaiia i ka laaumake.”

“Hanaiia i ka laamake?” 

“ Ae . Ua hopuia o Ivana ma ke ano nana i hana i keia karaima. O ka wahine hoi eia oia ke hele lauakila nei no. Eia nae eia no oia ke kiai ia mai nei.”

Iloko o kana mau olelo hope i hoopuka mai ai he mau anuu ko@koi o ka hoowahawaha.

“Ma kou manao.” wahi a Wate i pane aku ai, “me he mea la he mea pono o ua wahine la ka mea e hoopaa ia aku a o Ivana hoi ke hookuu ia mai, ina nae hoi aolo he mau hoike e hoike ana i kona komo pu ana aku ma keia hihia.”

“Ua oleloia,” wahi a ke kaunawahine i pane aku ai me ka leo ku i ke aloha, “he mau pepa Nihiliti kekahi i loaa aku ma ko Ivana poli i kona manawa i hopuia ai. a aia iloko o kekahi o keia mau pepa ua hoakakaia o Kauna Bazalofa kekahi mea e make aua.”

 “Aole maikai o kela.”

“Ka! Aole anei ou ike mai o keia mau pepa na ua wahine Polo la, a ua lawe ae hoi o Ivana mai iaia ae i mea e palekana ai oia? Aole anei ou ike mai ‘UA HAAWI OIA IAIA IHO NONA?’ no ka mea he menemene oia i ke kau aku o na pilikia maluna o kekahi wahine ke hiki ole iaia ke pale aku.”

“A ua ike no anei oe i kona wahi e paaia mai nei?”

“Aole.”

“Aole anei he mau mea e ae i pili aku iaia?”

“Aole. O kau mau mea i hai aku nei ia oe oia iho la no na mea i maopopo iau.”

“ E kala mai oe i kou hele ana mai nei e hoouluhua ia oe, aka no ka maopopo ole iau o kahi e hoomaka aku ai i kau hana oia kou mea i kipa mai nei i ou nei.”

“ Ua pono loa kou hele ana mai nei iau,” i panai aku ai ke kaunawahine.

Ua ku ae la o Wete Detona mahope o keia mau kukai olelo ana a kunou aku la imua o ke kaunawahine. a puka aku la oia mailoko aku o ka hale , me ka nui o na noonoo like ole e holopapa ana iloko o kona waihona noonoo, a ma ke auo o na hiohiona e halii mai ana maluna o kona mau maka ua hiki ke ikeia aku kona kaunmaha.

 

MOKUNA III.

HILIKAU NA PAHIKAUA.

Ia Wete i iho aku ai ilalo ma ke alapii ike aku la oia i ka holo ana mai o kekahi kaapio a ku iho la ma ke alo o ka hale. Iho aku la keia me ka hoolohilohi i hiki ai iaia ke ike i ka mea iluna o ke kau,a i ke ku ana iho o ke kaa lele mai la kekahi kanaka kino loihi a ikaika mailina mai o ke kaa. Pii mai la oia ma ke alapii e kaulono pono ana hoi kona mau maka iluna o Wete, a iaia i maopopo ai he malihini o Wete i kona mau maka ua pii loa aku la oia me ka hopohopo ole. Iho loa aku la no o Wete a hele aku la ma kekahi aoao o ke alanui a hiki i ka wa i komo loa aku ai ua kanaka la iloko o ka lumi, alaila huli ae la oia a hoi hou aku la ihope a hiki i kahi o ke kaa e ku ana, a ninau aku la i ke kiakaa me ka awiwi:

 “O keia anei ke kaa o ke Keikialii Paranodizofa?”

 “Aole, no Kauna Cerenigofa keia,” i panai mai ai ke kiakaa.

    “Mahalo; ua hoounaia mai wau e imi i ke keikialii.”

Huli aku la o Wete a hele aku la ma ke alanui. a iaia e hele ana hoopuka ae la oia i keia mau olelo: “ He wahi hana ana paha kau me oe , e Kauna Cerenigofa,” alaila hoomau aku la oia i kana hele ana e huli ana hoi i kahi o ke Kaunawahine Rodolinisiki.

O ka poe Rusia he poe makaala loa lakou i ka lakou mau mea e olelo ai. nolaila i ka hiki ana mai i ke ahiahi, he uuku loa na wahi mea i loaa mai iaia, a o ka hapanui hoi oia mau mea ua loaa mai mamuli o kona hoohana ana i kona mau maka ame kona maalea.

O kekahi o na mea i loaa mai mamuli o keia huli ana oia hoi, aia he poe kiu ke kiai nei i kahi o ke kaunawahine a he eono hoi ka nui o keia poe kiu. O ka lua o na mea ana i ike ai, aia kekahi mea iloko o ka hale o ke kaunawahine ke hui pinepine nei me keia poe kiu, mamuli o kekahi mau hoailona i aelikeia e lakou.

Ma keia ua loaa ka manao iloko o Wete penei: “ Eia keia poe ke kiai nei i ke kaunawahine ma ke ano he maunu hoowalewale na lakou.”

Ua ike no o Wete e ala mai ana kekahi mau pilikia ke hoao aku oia e hui me ke kaunawahine ma ia ahiahi, eia nae aole ia he mea nana e kuhau iho ai mai ka hele ana aku e hui me kana mea e makemake nei e hui. Ua ake oia e hui kukai aku me ia, nolaila ua hele aku la oia. No kekahi mau kumu maikai ana i manao ai, ua hele aku oia me ka hunahuna ole iho i kona ano, a e like me kona ano mau he maalea ua hele aku la oia me he mea la aole ana hana nui e hana ana , a pii aku la iluna o ke alapii. Ua halawai koke aku la oia me kekahi o na kiu , a ma ka ia nei hoomaopopo aku i ke ano o ua kiu la e nana pono mai ana iaia nei , ua loaa keia ike iaia eia keia kanaka ke makemake mai nei e ike pono i ko ia nei helehelena, a oia no hoi ko Wete manawa i huli pa-pu aku ai imua o ke kiu. E a ana kekahi kukui ia manawa. a o ka malamalama o ua kukui la aia ke pa pono iho la maluna o ko Wete helehelena, a i ka ike pono ana o ua kiu la i ko Wete helehelena. ua huli ae la oia a hele aku la.

“A ha!” wahi a Wete iloko iho ona. “ke manao mai nei oe e keia wahi kiu no kou opiopio loa aole he hiki iau ke hana aku i kekahi mau hana nui. E kali oe a hiki mai ia manawa.”

Hoomau aku la no o Wete i kona hele ana a hiki i ka puka , a @ ka ike ana mai o ke kanaka kiai puka iaia nei a lohe hoi i ka ianei mea i hele aku ai, ua hookipa loa ia aku la keia iloko o ka hale.

“ Ke makemake nei wau e ike ia Kaunawahine Radolinisiki.” wahi a Wete i pane aku ai.

“Ina i kekahi poe okoa aku alaila aole oia i ka hale nei,” wahi a ke kiai.

“ E hai aku oe iaia ua makemake kekahi keonimana mai Amerika mai e ike iaia.”

Laweia aku la keia a hiki iloko o ka lumi hookipa a hala loa aku la no hoi ua kiai la e hoike i kona haku wahine i na olelo a Wete i hoike aku ai iaia

“Ina na keia wahine i kakau i kela telegarama, e like hoi me kau e manao nei, alaila o kela mau olelo au i hai aku nei i ke kiai oia ka mea nana e kono aku iaia e hele mai e hui pu me au,” wahi a Wete i noonoo iho ai iloko ona.

“ Aole he maikai o ke kaunawahine ; e oluolu ana anei oe e pii iluna e hui ai me ia ?” wahi a ke kiai iaia i huli hoi mai ai.

Aole he pane ma ko Wete aoao, aka ku koke ae la oia iluna a hahai aku la mahope o ke kiai.

Ia laua nei e hele ana ua nana pono loa mai la ua kiai nei iaia nei, a ma ko Wete noonoo ana iho ua loaa