Ka Nupepa Kuokoa, Volume XLII, Number 23, 3 June 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, IUNE 3, 1904.

 

KA Nupepa Kuokoa

NO KA MAKAHIKI - - - - $2.00

NO KONO MAHINA - - - - - 1.00

 

SUBSCRIPTION RATES

ONE YEAR - - - - - - - $2.00

SIX MONTHS - - - - - - - 1.00

            O NA OLELO HOOLAHA APAU E HOOUNAIA MAI ANA NO KA HOO@A@A MALOKO O KEIA NUPEPA, E @OOUNA PU MAI ME KA AUHAU, A INA AOLE, AOHE NO E HOOKO@OIA. E HOIKEIA AKU NO KA AU@AU OLELO HOOLAHA KE UI MAI I KE KEENA NEI.

 

O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.

 

HOOPUKAIA E KA Hawaiian Gazette Co., Ltd.

 

Hookomoia ma ka Hale Leka o Honolulu, Panalaau o Hawaii, ma ke ano Mea o ka Papa Elua.

 

DAVID L. A-I, : : Lunahooponopono

S.K NAWAA, : Kokua Lunahooponopono

A.W. PEARSON, : : : : : Lunanui

HONOLULU, OAHU.

 

POALIMA : : : : IUNE 3, 1904.

 

KA LA KAU PUA.

 

            O ka Poakahi iho nei oia ka la kau pua o keia makahiki e like me ka maa mau i hanaia iloko o Hawaii nei iwaena o na Amerika oiai he la nui ia no lakou no ka hoomanao ana i ka poe moe lepo i komo kaua aku iloko o ke kaua kuloko o Amerika Huipuia a kakou hoi i komo pu aku ai a ua maikai na hana apua i hanaia, oi loa aku iloko nei o ke kulanakauhale o Honolulu.

            Ma ko makou noonoo iho ua hoomaka na Hawaii e ike i ka waiwai o ka manao o ke kukuluia ana o keia la ma ke ano he la hoomanao i ka poe i make a i haalele mai i keia noho honua ana, oiai iloko o na pailina kupapau ua ike ia aku na Hawaii e hoonani ana i na he o ka lakou poe mea aloha i hala aku i ka make me na pua o na ano like ole – o na pua pepa ame pua ulu maoli ame na launahele, a he wehi maoli ke nana aku a ua maikai maoli ke nana aku a ua maikai maoli i ka nana aku, ke kumu i nele ole ai ka hooho mahalo o na makaikai i maalo ae ma ia mau wahi, e like me keia o ka Pailina o Kawaiahao ame Makiki ame ko na wahi e ae ame kela o Maemae kahi i malamaia ai na hana hoomanao o ka la maluna o ka poe i make.

            Ua oleloia ae ua maikai ae na hana o keia la i ko kekahi o na hana o na la kau pua i hala mamuli o ke komo pu ana mai o na koa marina ame na kela o na mokumanuwa Amerika o ka moana Pakipika malalo o ka mana o ka Hope Akimarala Glass, a mawaho ae no hoi o na hana i hoohui pu ia mai no ka piha pono o na hana i hanaia iloko o ua ia la.

            He maikai io no na hana o keia kau pua, eia nae aole no e hiki ke hoole ia ka nani o na hana o ko na la kau pua i hala, a o keia la iho la kekahi hooko ana i ka makemake o keia hoomanao ana i hanaia no ka poe i make, pili loa aku i ka poe koa i komo kaua iloko o ke kaua kuloko o Amerika Huipuia e like me ia i hoike mua ia ae nei.

            O ka la kanakolu o Mei o kela ame keia makahiki e malamaia ai keia hoomanao ana a i hoomaamaaia e ko Amerika poe makaainana mawaena o na makahiki 1861 ame 1865, oiai oia ka manawa i hoohalaia iloko o ke kaua kuloko o Amerika, eia nae iwaena o na makaainana o na mokuaina o ka Hema ame na teritori o ia hapa he malamaia keia hana hoomanao ma kekahi mau la o ka malama o Aperila, a aole no hoi o ke kau pua wale no ka hana nui o ia la, emi iho mamua o na hana hoomanao, no ka mea, oia ka lakou i koho ai aole nae i hoole i ke kau pua ana. A e like me ka nee ana o ke au o ka manawa ua nee pu mai ka loli ana o na hana a hiki wale i o kakou nei ua hiki ke hoomaopopoia iho iloko o Hawaii nei – o keia mau mahele a elua – ke kau pua ame na hana hoomanao ma na hoike manao ana ame na ka’i huakai ana. na mea e lawelawe ia nei, oia hoi, ma kekahi olelo maopopo ana ae ke lawelawe like ia nei keia mau mahele i ka manawa hookahi a i hooaio loa ia ma o na hana la i maa i ka hanaia iloko o Hawaii o na la i hala a i ka Poakahi iho nei.

            A ma ka aoaoo ke Kuokoa ke ike nei oia i ke komo laulima pu ana o na Hawaii iloko o keia hana me ka hookonokono ole ia. aka, mamuli o na hoomanao aloha ana i ko lakou poe i hala aku i ka make. a na ia aloha i kono ia lakou e hui pu a hoomanao iho la lakou no ka lakou poe make ma ke kau pua ana iluna o ko lakou mau he no ka hoowehiwehi ana, a he maikai maoli no i ka nana aku. a makou e manao pu nei. aole o keia la kau pua i hoomaopopoia e na Amerika no na koa kaua kuloko o Amerika wale no, aka no ka poe make no apau, a he maikai hoi ia.

            Ma ka noonoo maikai ana aole e hiki ke hooleia ka maikai o ke kukulu hana hoomanao ana no ka poe make, aole no ka hoomana ana ia lakou aka no ka hoala ana mai i na hoomanao o ka poe e ola ana no na hana wiwoole ame na hana maikai e ae a ka poe i make i haawi ia lakou e make no ka pono o ko lakou aina a no ka maluhia o ka poe ola i koe iho, alaila aole e nele ke kunipaa ia o ia iini aloha aina iloko o ka puuwai o na makaainana e ola ana no ke kakoo mau ana i ko lakou aina. kahi hoi e ku ai i ke aloha aina oiaio no ka mea he puai ana mai ia mailoko mai o ka puuwai o ke kanaka. ka haawina hoi e loaa ai iaia e pono ai.

            Ua maikai keia hoomaamaa ana o kakou Hawaii iloko o na hana hoomanao no keia la kau pua, iwaena o na mea aloha i hala e aku i ke ala hele loa no ka mau loa.

 

UA MAKAI NO KANAKOLU MAKAHIKI.

 

            O ka meahou@@ hoopukala iloko o ka helu i hala o ke Kuokoa pili ia George Waipa kekahi makai o ke kulanakauhale o Honolulu nei. oia kekahi hoike o ka noho loihi ana o kekahi kanaka ma kekahi oihana me ka loli nui ole iloko o na hana lehulehu e ae. a oia no hoi ke alai loa o ka moekahi o ka noho oihana ana o Mr. George Waipa ma ke ano he makai a piha ka manawa ma kahi o kanakolu makahiki. a makou e hooho kanalua ole ai. “oia io ka makai piha pono.”

            Ua noho makai o Mr. Waipa i ka la 1 o Dekemaba, makahiki 1874, malalo o ka noho kiaaina ana o Mr. W. F. Allen no ka manawa, no ke pani ana i ka makalua i waiho hakahaka ia e Mr. J. O. Dominis, a mai ia manawa mai a hiki i keia la eia no oia ke hana nei ma ua oihana la a ke hana aku nei no a ke hiki aku i ka la 1 o Dekemaba ae nei e piha pono ai iaia keia kanakolu makahiki. he manawa loihi maopopo hoi ia i noho hanaia e keia kanaka hookahi e kohu ai ka olelo ana he “makai io oia”

            Aole wale o keia noho loihi ka haawina e ikeia ai ma kona aoao aka o ka lawelawe pono ia o ka oihana iloko o keia manawa loihi, he haawina paakiki hoi i ka hooko mau ana no ka manawa loihi e like iho la me ia kekahi kumu i ano okoa ae ai oia mai ke ano mau e ike mau ia nei, no ka mea, o ke ano mau e ikeia nei oia ka paa loihi mau ole iloko o ka oihana hookahi (aole hoi he hoohalahala ana i ka loli o ke kulana oihana ina nei ma ka hoopii ana ae), oiai o ka hapanui aia ka hoololi oihana ma ka haalele kumu ole ana ame ka inoino o ka lawelawe ana iloko o ka oihana.

            Ma keia kulana hoomau o Mr. Waipa iloko o ka oihana hookahi no ka manawa loihi me ka lahilahi loa o na kina’una’u i hanaia e ia, oiai aole no paha e nele ka loaa o kekahi mau hemahema ma kona aoao, he hemahema nae i ku ole i ka hewa ke kumu o kona hoomalele ole ia ana, koe wale no kela kapaeia ana he hookahi makahiki, a oiai he kanaka Hawaii maopopo o Waipa, ke olelo nei makou ua a’o mai keia haawina maikai ona ia kakou Hawaii a i na kanaka no apau, e hoike ana i ka hoohanohanoia o ka oihana e ke kanaka hana moekahi a hoomau ma ka mea hookahi, a ua hoohanohano pu mai ia i kona lahui a i kona aina a makou e manaoio nei oia ka hana kupono a ke kanaka e hana ai aole o ka hapaia lepo aku.

            Ma ka hoomoekahi ana i ka hana ua oi ae ia mamua o ka hoololiloli hana a holoholo i o a ianei e hana ai, no ka mea ina e ku ka ninau heaha la ka hana a ke kanaka nana na hana mau ole, -lolelole hana mau, paa ole ma ka mea hookahi, e loaa ana ka ike he kanaka oia i maopopo ole kana hana ame ka waiwai o ka hana ana, oiai hoi ke kanaka nana na hana ma ka moekahi, oiai ke ku i kahi o ka ninauia aole e hiki ke hoohewahewaia, he kanaka oia o ka oihana e like me Mr. Waipa la, he kanaka hoi i ikeia ka waiwai mau o kana mau hana, oiai aole oia e noho loihi malaila ina aole i waiwai kana lawelawe hana, a na keia noho loihi no hoi ma ka oihana ka mea nana e hoike ae i ka nui hilinaiia ke kanaka hana i kona haku a ua hilinai no hoi ka haku i kona kanaka hana.

 

            O ka loaa ana mai nei o ka bila dala nona ka huina o $19,000 ia Mr. Kapena McK. Williamson, ka lunakoa o ke kahua hoomoana kaua o Amerika ma Honolulu nei, he huina dala i loaa mai iaia mai ka Waihona Waiwai mai o Amerika Huipuia, a i ka Poaono i hala i loaa mai ai ma ka moku lawe koa Solace, oia ka ikeia ana ae o ka makaukau io o ke Aupuni i ka lawe ae ia Kahauiki i wahi hoolulu kaua ma keia teritore a no ka pomaikai o Hawaii nei kekahi. He pomaikai nui keia no Hawaii ma ia mahele o ke kumuhana.

            Eia nae, aia a pau ka huli pono ana o ka Loio Kokua Amerika Mr. J. J. Dunn, no na palapala hoolimalima o na aina o Kahauiki, i kahua hoolulu kaua no ka pono ame ka ewaewa ole e kaulike ai no na aoao a elua – o Amerika Huipuia ka aoao elua ame na mea aina hoolimalima, Star Dairy ame ka waiwai o Dowsett, a ke ku i kahi o ka pono kaulike e hoohalahala ole ai na aoao elua a apau i ka hanaia alaila o ka holopono no ia o ua kumuhana nei, he kumuhana hoi i kamailio nui ia i na wa i hala iho nei a oia no hoi ka oiaio o ka loaa io ana o ia mahele pomaikai ia Hawaii nei.

            A i ka manawa kupono, a i ka manawa e hiki io mai ai o Kapena C. F. Humphrey i manaoia e hiki mai ana i ka la 8 o Iune ae nei, a o kona hiki ana mai oia ka hoea pu ana mai o na papahoonohonoho hana o ke kukulu hale ana ame na mea like, alaila o ia ke ku ana ae ma o ua papahoonohonoho hana la ka hale paikau e like me keia o Hai’imoipo ae nei ame na hale e ae i kupono no ka oihana kaua e nele ole ai ka hooliloia o kekahi huina dala nui no ua mau pono hale la ame na mea apau e hiki aku ai ka huina nui i manaoia aneane a ma kahi no o ke $30,000.

 

LOAA MAI KE DALA NO KAHAUIKI.

 

            Ma ke ku ana mai o ka moku lawekoa Amerika, Solace, i ka Poaono o ka pule i hala. i loaa mai ai ke dala no ke kuai ana i ka hoolimalima o Kahauiki, he huina hoi o $19,000. He mahina a oi i hala ae nei i loaa mai ai ka lono ma Honolulu nei, ua ae ke Aupuni Amerika e kuai i ka hoolimalima o keia aina, a e hoolili aku ana ia wahi i wahi e noho ai o na koa o Amerika maanei. a ua waiho wale na hoolaia ana no ke kuai ana me ke kali aku o ka hoea mai o ke dala, O ka palapala hoolilo o ua wahi la, ua waihoia ae i ka Hope Loio Amerika J. J. Dunne no ka huli pono ana i na hemahema.

            O keia huina oia ke kumukuai no ka manawa hoolimalima i koe iho i ka hui waiu bibi Star Dairy ame ka Waiwai o Kimo Pelekane, a ma ka noonoo ana o ke Keena Kaua o Amerika ua kupono keia huina, a ma ia ano i makaukau ai ia keena no ka uku ana i keia huina dala a lawe koke ae ia wahi. E hiki mai ana o Kapena C. F. Humphrey, mai Kapalakiko mai ma ka la 8 o keia mahina a e lawe pu mai ana oia i na kii o na hale e hana ia aku ana ma keia wahi. E kaa aku ana malalo o kana lawelawe ana na hana o keia wahi, a e hiki aku ana i ke $80,000 ka nui o na dala e hoolilo ia aku ana no na hana.

 

Aole kanalua o Iapana a manaolana ekolu pule lilopio o Poto Ata.

(Mai ka aoao 1 mai.)

 

Generala Oku i ka hoolaha i na kamaaina o Liaotung e ae ana i ka hoomalu ia o na ola ame ka panai ana aku i na lako ai i lilo mai i na koa. Ua kaulono pu aku no hoi oia ia lakou e hookau ia aku no na hoopa’i koikoi i ka poe e kokua aku ana ia Rusia.

            Eia ke malamaia nei na haipule ana ame na anaina hoomanao kaua no ka hoomanao ana i na aliikoa ame na koa i make o ka mokukaua Hatsuse ame ka mokukaua holo mama Yoshino. O ke ka’i huakai hoolewa nui ua malamaia ae e na tausani Kepani i komo ae iloko o ka huakai.

            ST. PETERSBURG. Mei 30. – Ua hoopuka ae nei ka mana aupuni i kekahi hoolaha e olelo ana o ka hapanui o na pukuniahi i lilo mai mai na Kepani mai oia na pukuniahi i lilo mua ai i na Rukini ma ke kaua o Kina.

            TOKIO, Mei 30. – Ua haule i ko Iapana pualikoa he 2,000 koa Cossacks ma ke kaua o Ai Yang Pienmen. Ua lilo mai i na Kepani he eha pukuniahi. he huina nui o ka pauda ame eono kaa ukana ma Linshutun. Eia na Rukini ke auhee nei.

            CHEFOO, Mei 30. – He eha mahele koa kaupale o Rusia e ku nei ma Nanshau ame Poto Ata.

            WASINETONA, Mei 30. – Ua hoouna ia ae nei kekahi pualikoa nui o Iapana no kahi o ke kaua.

NA LONO KAUA O KA LA 31.

            TOKIO,Mei 31. – Eia na moku lawekoa o Iapana ke hoolele nei i na koa ma ka Hikina o Korea. Ke manaoia nei o ka lelekaua ia Poto Ata e hoomaka ia ana ma ka la 15 o Iune.

            SANTIAGO, Kile, Mei 31. – Ua waiho ae nei o Charles Flint o Nu Ioka he elima miliona dala ia Rokekaila o Parisa, oia no hoi ka waiwaiio o na mokukaua holo mama Esmerada ame Chacabuco.

            (O keia na mokukaua o Kile i hoolaha mua ia aku ai ma ko makou mau helu i hala i kuaiia mai ke Aupuni mai o Kile e Flint, kekahi o na haole waiwai o Nu Ioka. I ka manawa i kuaiia ai keia mau moku a loaa ae na lono o ia kuai ana, aole i maopopo no wai la ke Aupuni a keia haole i kuai ai i keia mau mokukaua. Mahope mai ua loaa mai ia na hooiaio ana no Iapana keia mau mokukaua.)

            LADANA, Mei 31. – Ua loaa mai nei na hoike i ka like ole o Alexieff ame Generala Kuropatkin. Ua loaa ae no hoi he mau laulono ana ua ala mai keia like ole ia laua i halawai ai ma Mukden. Ua hoike pu ia mai no hoi ke makemake ole nei ka Czar i keia mau alakai a elua, oiai i ka manawa e noho ana o Kuropatkin ma ke Kuhina Kaua, ua hoolako ole oia i na mea e hiki ai ke lawelawe aku i keia kaua nui.

            TOKIO, Mei 31. – O na koa Iapana malalo o ke alakai ana a Generala Oku ua noho ae lakou ma Dalny ma ka la 30 o Mei. Ua loaa aku ia lakou na uwapo, na hale hoahu ukana, ka uwea telegarapa ame ke kahua hoolulu kaaahi aole i wawahi ia. Ua lilo mai he elua haneri mau kaa ukana alahao ame kekahi mau waapa mokuahi. O na hoike a Rusia i hoike mua ai e pili ana no ka wawahiia o ke kulanakauhale mamua o ko lakou haalele ana iho ia wahi ua hoonuinui wale no lakou. O ke kulanakauhale kaulana i kukuluia ma ke ano oia ke kikowaena o na lawelawe kalepa ana o ka Hikina ua lilo mai i na Kepani iloko o ke kulana maikai.

            MUKDEN, Mei 31. – Ua hoikeia mai nei ua hoopuipui hou ia aku nei ko Generala Oku, ke Generala Iapana e paa nei ia Da@ny, me na koa hou.

            VLADIVOSTOK, Mei 31. – Ke manaoio ia nei maanei ua hoomoe ae nei na Kepani i na mea hoopa-hu iloko o ke ko-wa o Petero-ka-Nui i mea e hiki ole ai i na mokukaua o Rusia ke hemo aku iwaho.

NA LONO KAUA O KA LA 1 O IUNE

            NEWCHWANG, Iune 1. – Ua hoike mai nei na Pake i holo mai nei mai Poto Ata mai i ka pilikia ai malaila, a ke kau nei na kumukuai o ka wa wi. Ua piha na halema’i i ka poe ma’i.

            He kaua i hoomauia mai ka la 27 mai o Mei ke kauaia nei ma ka huli hikina-akau o Fengwangcheng. Ua nui ka poino ma na aoao a i elua. Mahope mai ua auhee aku la na Rukini no Simatki.

            CHEFOO. Iune 1. – Ua loaa mai nei kekahi lono i hooiaio ole ia mai no kekahi kaua he eono mile mai Poto Ata mai.

            KANAHAI, Iune 1. –Ua li ae na Rukini i kekahi mau Pake i loaa aku e haawi ana i na hoailona i na mokukaua o Iapana ma kahi e kokoke ana i Vladivostok.

            CHEFOO, Iune 1. – Ua hoikeia mai nei ua hoomaka ae nei ke kaua aina e kii ana ia Poto Ata.

            LIAOYANG, Iune 1. – O ka poino ma ko Iapana aoao ma ke kaua ma Vagefuchu he 200 i make a he mau lio.

            HARBIN, Iune 1. – Ua loaa mai nei na lono lehulehu maanei no ke ala ku-e o ko Mongolia poe.

NA LONO KAUA O KA LA 2.

            MOSCOW, Iune 2. – E kukulu hou ia ana na papu no ka paa ana ia Harbin mai ka Pelekaua ia aku.

            MUKDEN, Iune 2. – Ua loaa mai nei ka lono ua ili ka mokukaua Fuji o Iapana mawaho ae o ka mokupuni o Maotao, ma ke ko-wa o Pechili.

            ST. PETERSBURG, Iune 2. – Ua telegarapa mai nei o Alexieff i ka Emepera ua loaa aku nei he lehulehu o na mea hoopahu a na Kepani iloko o ke awa o Poto Ata.

            Ua loaa mai nei ka hoike a Generala Kuropatkin he maluhia ke kulana ma Fengwangcheng. He 10,000 ka nui o na koa malalo o Kuropatkin i makaukau no ke kaua.

 

            Ma ke kakahiaka Poalua nei i ku mai ai ma ke awa o Kou nei ka mokuahi Manuka o ka hui mokuahi o Theo. H. Davis, a holo loa aku no Vitoria ia auwina la no. O keia kana huakai mua loa no Hawaii nei. i holo mai nei hoi ma kahi o ka mokuahi Moana.

 

            Ma ka Poalua ne i pau ai na hana hoike o ke Kula Hanai o Kawaiahao aole no nae i hookuu ia na haumana a ka Poaha iho nei.

 

HOOLAHA MANA HOOKOLOKOLO

 

ILOKO O KA AHA KAAPUNI O KA APANA KAAPUNI EKOLU, TERITORI O HAWAII, MA KE KEENA HOOPONOPONO WAIWAI. ILOKO O KA HANA O KA WAIWAI O LUKIA KUAIMOKU, MEA I MAKE.

 

            Kauoha o ka Hooiaha no ka Hoolohe ana i ke Noi no ka Aponoia o na Hoike Helu Waiwai Hope loa. Mahelehele ame Hookuu ana.

            Ma ka heluheluia ana ame ka waihoia ana mai o ke Noi ame ka Hoike o na Helu Waiwai o John D. Paris, Lunahooponopono Waiwai o ka Waiwai o Lukia Kuaimoku i make, iloko olaila i noi ai oia e aeia aku i $820.42 a auhau no oia iaia iho me ka huina o $4,108.00, ame kana noi e nana pono ia mai ka hoike ame ke aponoia mai, a e hoopukaia mai i kauoha hope loa no ka mahelehele ana i ka waiwai i koe iho iloko o kona mau lima i ka poe apau i kuleana iloko oiaila ame ka hookuu mai iaia ame kona mau hope hoopaa mai na ko’iko’i aku apau ma ke ano lunahooponopono o ka Waiwai o Lukia Kuaimoku i make.

            Ua kauoha pu ia no hoi o ka Poaha, ka la 30 o Iune, A.D. 1904, ma ka hora 10 a. m., imua o ka Lunakanawai o ka Aha i oleloia ma ke Keena Hookolokolo o ua Aha Hookolokolo la i oleloia ma Kailua, Mokupuni o Hawaii. oia kahi ame ka manawa i hooholoia no ka hoolohe ana i ke Noi i oleloia ame ka Hoike Helu Waiwai, a o ka poe apau i kuleana iloko olaila e hele ae ma ia wahi a i ka manawa i hoikeia a hoike aku i ke kumu, ina he mau kumu kekahi a lakou, no keaha la e ae ole ia ai ia mea ame ka waiho pu ae i mau hoike no ka poe apau i kuleana iloko o ka waiwai i oleloia.

            A he hoolaha no hoi o keia Kauoha, iloko o na olelo Beritania ame Hawaii, e hoolahaia iloko o pa nupepa Evening Bulletin ame Kuokoa i pa’iia a hoopukaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua iho o ka manawa i hooholoia iloko nei no ka hoolohe i oleloia.

            Hanaia ma Kailua, i keia la 9 o Mei, 1904.

            Na ka Aha:

            J. P. CURTS,

            Kakauolelo,

3016 – Mei 20, 27 – Iune 3, 10.

 

HOOLAHA HOOKO MORAKI.

 

HOOLAHA MANAO PANIKU A KUAI A KA MEA PAA MORAKI.

 

JESSE P MAKAINAI.

 

            Ke haawi ia aku nei ka hoolaha, i kulike ai me ka mana kuai i hoopaaia iloko o kekahi moraki i hanaia i ka la 10 o Aperila, 1902, i hanaia e Jess P. Makainai, o Honolulu, Mokupuni o Oahu, Teritore o Hawaii, Mea Moraki ia Joshua K. Brown, Jr., o Honolulu i oleloia, Mea Paa Moraki, a i kakaukope ia iloko o ke Keena Kakaukope, Oahu, iloko o ka buke 236 a ma na aoao 123 a hiki i ka 124, ke manao nei ka mea paa moraki e paniku i ka moraki i oleloia no na kumu i uha’i@a, oia hoi::ka uku ole ia o ke kumu@aa ame ka uku-panee i ka manawa e uku ai.

            Ke haawi pu ia aku nei no hoi ka hoolaha o ka waiwai i paa iloko o ka moraki i oleloia e kuai ia aku ana ma ke kudala akea ma na keena kudala o James F.Morgan, alanui Kaahumanu, Honolulu, Teritore o Hawaii, ma ka Poaono, ka la 25 o Iune, 1904. ma ka hora 12 awakea o ka la i oleloia.

            O ka waiwai i paa iloko o ka moraki i oleloia oia iho keia:

            O keia pa-hale a hapa o ka aina apau loa e waiho ia ma Kaluaopalena, Kalihi, Mokupuni o Oahu, Teritore o Hawaii, oia no hoi ka Apana 2, Palapala Sila Nui Helu 4164, L. C. A. helu 1313-B, ia Kauwahi, nona hoi ka iliaina o 92-100 o ka eka a oia no hoi ka aina i hooliloia ia Jesse P. Makainai i oleloia ma ka palapala hoolilo a Lipeka Kauahi. i hanaia i ka la 27 o Dekemaba, 1900, a i kakaukopeia iloko o ka buke 217, aoao 237, ko Hawaii Keena Hoona Aina.

            Pau pu me na pono apau, na mana apau ame na mea e pili ana i ka waiwai i hoikeia.

            Ma ke dala kuike ka makemake a ma ke dala gula Amerika no hoi, a ma ka aoao o ka mea kuai mai na lilo palapala apau.

            No na mea aku i koe e ike ae ia Smith & Lewis, Kauka Hale (Judd Building), Honolulu.

            Hanaia ma Honolulu, Iune 1, 1904.

            JOSHUA K. BROWN, JR.,

            Mea Paa Moraki.

3018 – Iune 3, 10, 17, 24.

 

            MA’I KOLERA O NA KEIKI. –O keia kekahi o na ma’i i ikeia kona hoopoino nui i na keiki a he ma’i hoi e make ai ke keiki uuku. He ma’i hiki no nae ke hoola ia ke loaa na lapaau maikai ana. O kau hana wale no ma kou aoao e hana aku ai oia ka haawi ana i ka laau Chamberlain’s Colic, Cholera Diarrhoea ame ka aila hoohemo i kela ame keia manawa e pau ai ka omole laau, a o ke ola oia ke uhai aku ana mahope. Mai ka manawa i lilo nui loa ai keia laau ma na lapaau ana he kakaikahi wale ka poe i make iwaena o na keiki i loaa i keia ano ma’i, a aole hoi he poe i make i loaa aku na lapaau ana me keia laau. Eia ke kuaiia nei ma na halekuai laau lapaau apau. Benson, Smith & Co., Ltd., na Agena ma Hawaii nei.

           

            Ke hamama mau nei ka Home o na I a Oia ma Kapiolani Paka i kela ame keia la.

 

            Ua haawi ae ke Keikialii Kalanianaole he ahaaina Hawaii ma kona home ma Waikiki no ka hanohano o ke Keikialii Luigi o Italia e noho nei maanei.

 

            I keia po, ma ka manawa mau, e malamaia ae ai ka halawai makahiki o ka hui Kamehameha Alumni ma ko lakou hale halawai mau ma alanui Papu ae nei. Ma keia halawai e koho ia ai na lunanui no ka makahiki e nee aku nei, a ua makemake ia na lala apau e hiki ae.

 

HOOLAHA MA KE KAUOHA.

 

HOOLAHA I KA POE MEA WAI.

 

            O ka nui o ka wai e pau nei ua oi loa aku i ka manawa no kekahi mau la kakaika@i i hala iho nei ke kumu hoi e pono e malamaia na rula ame na kuhikuhi o ka hoohana ana i ka wai no ka hoopulu mea kanu ana a e malamaia keia me ka hooko ana.

            O ka poe mea kuleana wai a o ka poe e uku auhau wai nei ke haawii@ aku nei ka hoolaha ia lakou o ka hookahe wai ana no kahoopu@u mea kanu ua kaupalenaia mawena o na hora 6 ame 8 a. m., a mawaena o na hora 4 ame 6 p. m.

            O ke ku-e ana i keia hoolaha maluna ae oia no ke oki ia aku o kona kuleana wai me ka hakalia ole me ka hoolaha ole hou ana; aole no hoi e hoihoi hou ia aku a hiki i ka manawa e uku mua ia mai ai na koina ame na hoolilo o ka hookui paipu wai hou ana.

            Honolulu, Mei 12, 1904.

(Kakauinoaia)  J. H. HOWLAND,

Lunanui o ka Oihana Wai o Honolulu.

Aponoia e

(Kakauinoaia)  C. S. HOLLOWAY,

            Lunanui o na Hana Hou.

3016 – Mei 20, 27, - Iune 3.

 

HOOLAHA I KA POE AIE.

 

WAIWAI PAA O J. P MIOI.

 

            Ka haawi ia aku nei ka hoolaha e S. K. Mioi, Lunahooponopono Waiwai Paa o J. P. Mioi i make, o ka poe apau loa he mau koi ka lakou iloko o ka waiwai i oleloia, ke ha’i ia aku nei lakou e waiho ae i ua mau koi la, me na hooiaio i hooiaioia ame na palapala kikoo pololei, ina eia kekahi oia ano ke waiho nei a ina no hoi oia koi ua hanaia ma kekahi molaki maluna o ka Waiwai Paa, i ka mea nona ka inoa malalo iho nei ma Kailua, Kona Akau, Hawaii, a i ole ia G. F. Maydwell, Holualoa, Kona Akau, i hoike mua ia ae nei, kona loio, iloko o na mahina eono mai keia la aku, a i ole e hoole loa ia no ia mau koi no ka wa mau loa.

            S. K. MIOI.

Lunahooponopono o ka Waiwai o, J. P. Mioi i make.

Kailua, Kona Akau, Hawai, Mei 17, 1904.

3016 – Mei 20, 27. – Iune 3, 10.

 

HOOLAHA I KA POE AIE.

 

WAIWAI PAA O EKEKALA MALANI

 

            Ka haawi ia aku nei ka hoolaha e Malani, Lunahooponopono Waiwai Paa o Ekekala Malani, mea i make, o ka poe apau loa he mau koi ka lakou iloko o ka waiwai paa i oleloia, ke ha’i ia aku nei ia lakou e waiho ae i ua mau koi la, me na hooiaio i hooiaioia ame na palapala kikoo pololei, ina eia kekahi oia ano ke waiho nei, ina no o ua koi la ua hoopaaia e kekahi molaki maluna o ka waiwai paa, i ka mea nona ka inoa malalo iho nei ma Keauhou, Kona Akau, Mokupuni o Hawaii, a i ole ia G. F. Maydwell, Holualoa, Kona Akau, i olelo mua ia ae nei, kona loio, iloko o na mahina eono mai keia la aku, a i ole e hoole loa ia no ia mau koi no ka wa mau loa.

            MALANI,

Lunahooponopono o ka Waiwai Paa o Ekekala Malani i make.

Keauhou, Kona Akau, Hawai, Mei 17.

Lunahooponopono o ka Waiwai Paa o Ekekala Malani i make.

Keauhou, Kona Akau, Hawai, Mei 17, 1904.

3016 – Mei 20, 27 – Iune 3, 10.

 

OLELO HOOLAHA.

 

            Ke kauoha nei ka mea nona ka inoa malalo iho nei ia Frank Halstead a i ole ia Henry Wharton. e hoihoi mai ma ko’u lima i kuu Palapala Sila Nui Helu 335 i hoopukaia ia Kuamanu a i hoikeia na eka he 120, oiai ua hooili aku wau i ko’u mau kuleana apau. ka mana apau maluna o ko’u mau hooilina.

 

PUAIOLE MAHELONA.

Honolulu, Iune 1. 1904.

3018 – June 3, 10.

 

HOOLAHA AINA AUPUNI.

 

HOOLAHA AINA AUPUNI.

 

            Ma ka Poaono, Iune 18, 1904, hora 12 awakea, ma ke alo iho o ka Hale Hookolokolo, e kuai ia aku ai ma ke kudala akea ka hoolimalima o na aina malalo iho nei @oko o Waikiki, Honolulu, Oahu:

            Apana 4A, Mookahi, iliaina 24.57 eka.

            Apana 5 Kalia, iliaina 22.22 eka.

            Apana 6C, Kaaumoa, iliaina 1.97 eka.

            Apana 6D, Kapuna, iliaina .53 eka.

            Manawa hoolimalima – 5 makahiki.

            Uku-hoolimalima kaupalenaia - $1. – 250.00 no ka makahiki hookahi, uku mua i kela ame keia hapa makahiki.

            No na kii aina ame na mea e ae e hele ae ma ke Keena Aina Aupuni, Honolulu, Oahu.

            JAS. W. PRATT,

            Komikina Aina Aupuni.

Keena Aina Aupuni, Mei 17, 1904.

3016 – Mei 20, 27 – Iune 3.

 

E KOE ANA IA OE Oi Manua o ka Hapalua o na Lilo ke kuai oe i KE DAIMANA

He Oluolu loa na Uku ana.

 

            Mai kuai oe i Komolima Daimana @ou a i ole na pihi pulima paha ame na waiwai makamae e a’e o keia ano a hiki i ka wa e ike mua ai oe i ke DAIMANA ZAMB@@A, ke alohilohi nani. Ke kuai aku nei makou ma ka hapalua o ke kumukuai o ke Daimana Trust a ma ka uku liilii ana i kela a me keia mahina me ka oluolu loa o na uku ana. E kauoha mai i kekahi o keia – ina i ku i kou makemake a makemake paha oe e paa iho, ua hiki ia oe ke uku mai me ka haahaa. alaila e hoouna mai ia makou i kela ame keia mahina ma ka uku liilii ana o elua dala a hiki i ka pau ana. Aia iloko o na PALAPALA HOAKAKA e hai ia ai na ninau apau – e kauoha mai i kope nau o keia mau PALAPALA HOAKAKA. O ke @ula maoli o ia ke apo nana e paa i keia mau daimana. a e waiho ia aku no na hooiaio ana i kakau ia no keia mau waiwai no kela ame keia waiwai e lilo aku ana. He hui mak@a i hilinai la i hoohui@a hoi mala@ o kekahi huina waiwai io o $100,000.00 a e hoouna aku no makou i ka makou mau waiwai no ka hoa’o ia mai me ka nana ole ae i na koikoi e ili mai ana. Ke haawi aku nei makou i ke daimana me na kumukuai e hiki ai i kela a me keia ke kuai @ai a hiki hoi ke uku mai i hookahi dala a i ole elua paha i kela ame keia mahina. Ke hooia nei makou e hoouna ia aku no i ka mea kauoha mai a e loaa no ia@a iloko o hookahi pule. E oluolu e kauoha mai i mau palapala hoakaka: no ka mea ua like no kona waiwai io me ke gula i ka mea e makemake ana i ke Daimana

BOYLSTON DIAMOND CO.,

510 Boylston Building,

Chicago, Ill.

 

HOOLAHA KUMAU

 

LEWERS & COOKE L@I AME KUKE, Kaupalena@a

 

Na Mea Hookomo mai a Kuai aku ia na LAKO HANA HALE

O Kela ame Kena Ano.

Malaila e loaa ai na mea malalo iho@

 

            NA PAPA N. W., NA PAPA HOL@, PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI I KA OIHANA KAMANA, NA PONO PENA.

            NA PENA LIKE OLE AME NA HULU PENA, NA ANIANI ,NA PEPA HALE, PALE PUKA ANIANI, MOENA, ETC.

 

            O na kauoha pono hale apau loa a hiki mai ana ia makou e hooko kok@ ia no me ka eleu ame na KUMUKUAI HAAHAA LOA.

LEWERS & COOKE

 

Hui Alahao ame Aina o Oahu MANAWA HOLO Mei 1, 1903

MAI HONOLULU AKU

 

No Waianae, Waialua, Kahuku ame na wahi hoolulu ma ke alahao - *9:15 a. m., *3:30 p. m.

No Pearl City, Ewa Mill, ame na wahi hoolulu ma ke alahao - *7:30 a. m., *9:15 a. m., *11:05 a. m., *8:15 p. m., *3:20 p. m., @4:15 p. m.,*5:15 p. m., @9:30 p. m., @11:15 p. m.

 

MAI WAHO MAI.

 

Ku i Honolulu mai Kahuku, Waialua, ame Waianae mai *8:36 a. m., *5:31 p. m.

Ku i Honolulu mai Ewa Mill ame Pearl City mai - @6:50 a. m., @7:46 a. m., *8:36 a. m., *10:38 a. m., *2:05 p. m., *4:31 p. m.,*5:31 p. m., *7:40 p. m.

 

            *@5:31 p. m., *7:40 p. m.

*Kela ame keia la.

@Sabati wale no.

 

G. P. DENISON,

            Lunahoohana.

            F. C. SMITH,

            G. P. & T. A.

 

Kakela me Kule (KAUPALENAIA)

 

Poe Kalena ma ke Komisina A HE POE LAWELAWE KOPAA

 

Poe Agena no na Ma hiko Lehulehu.

 

KAUKA T. MITAMURA

 

Ala Kukui Ololi Helu 68, Honolulu, Na Hora Hana:

            Hora 9 a. m. a 12 m: 6:30 p. m. a @ p. m. Sabati, Hora 9 a. m. a 10@@ @ m.

Telepone Blue 23@@             P.O. Box @41

 

He Huaale Maikai

 

Aole he like o na “HUAALE A AYERS.” me na huaale e ae no ka mea he mau huaale kokua keia i ka hana a n@ naau, a he laau hoomaha maikai loa noi. Ina he paa kou hanalepo o @@ “HUAALE A AYERS.” ka laau e hemo maikai ai. a e @em@ maikai mau ana hoi maho@@ ak@ o@a manawa.

 

Aole loa he hiki i kekahi kanaka ke Olelo ae he maikai kona o@a k@@@ ina aole he hemo o kona ha@a@epe he hookahi manawa o ka la. a @ @ka paha. Ina i maopopo keia kanawale ke ola i na kanaka apau. a @ @oa e like ka nui o ka poe ma’i me ka mea e ike ia nei i keia mau @a

 

Ua hana ia owaho me ke k@@@a @@ maikai loa ka lawe ana.

 

Aohe mau Huaa@e i oi ae ka m@@@@ mamua o na “HUAALE A AYERS”

 

Hoomakaukau ia o Kauka J. @. Ayers & Company, Lowell, Mass. U. S. A.

 

E loaa no keia mau Huaale ma ka Hale Kuai Laau o Hollister, ala@@@ Papu.