Ka Nupepa Kuokoa, Volume XLII, Number 22, 27 May 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KUPEPA KUOKOA, MEI 27, 1904.

 

MAKAI KIU

 

KALOKE * HOME

 

: AME KA :

 

Hihia i Huliia me ka Noeau

 

MOKUNA XIV.

 

KA ILIO O BASEKAVILA.

 

I ko lakou hiki ana aku i ka hale e hamama mai ana no ka puka, pohuila ua komo aku lakou nei me ka hikiwawe a hoomake aku la e @@@@ iloko o na lumi apau, me ka paha'oha'o mai o kahi kauwa elekule e noho ana iloko o ka hale. He hookahi wale no kukui e a ana @@@k@ @ ka lumi aina, a o keia hoi ka Kaloke i lalau aku ai a hoomaka aku la e pii i ke alapii o ka lua o ka hale. Huli aku la lakou nei ia inoa aole hoi he mea a ike ia aku o ke kanaka a lakou nei i hele mai @@ no ka hopu ana aku. Ua loaa aku la ia lakou nei kekahi wahi @@@i ua paa i ka lakaia, a ia lakou nei e ku ana mawaho o ka lumi @@ lohe aku la lakou nei i ka nu mai o kekahi leo iloko o ua lumi la.

 

"Eia kekahi mea iloko mai o ka lumi oia ka nu nawaliwali o kekahi mea. Peku aku la o Kaloke i ka puka ma kahi o ka laka a ne ka pu panapana ma ko lakou mau lima ua komo like aku la lakou nei iloko o ka lumi.

 

Ia lakou nei i nana aku ai ma o a maanei aole loa a lakou mea @ike aku ai, a ia lakou nei i nee loa aku ai iloko a ma kahi hoi e paa @@@ o na kua kaupoku o ka hale, ua halawai mai la me ka ike a ko hikou nei mau maka kekahi haawina manaonao.

 

E ku mai ana imua o ko lakou nei alo ke kino o Miss Sepeletona ua hoopaaia me ke kaula a ua nakinaki pu ia aku me ke o'a o ka hale. He kawele oia ka mea i hauhoaia ae ma kona a=i a hoopaaia aku i ke kua. I ko Kaloke ike ana i keia haawina hoomanaonao i hanaia iluna o ka opiowahine, ua lele koke aku la oia me kana pahi a okioki ae la i na kaula i hoopaaia ai o Miss Sepeletona, a iaia i komo mai ai, oia no hoi ka manawa i hina maula mai ai oia, a ike aku ia no hoi lakou nei i kahi i okiia ai o ka a-i.

 

"Ka lapuwale nui!" wahi a Kaloke i puana ae ai. "E Likeke, homai i ko omole palani! E hoonoho aku i ka wahine iluna o ka poho! Ua maula oia mamuli o ka hana ino i kau aku maluna on a a ua paupauaho hoi."

 

Mahope o ka haawiia ana aku o ka omole palani a mahope hoi o ko ka opiowahine mukiki ana iho i ka wai a komo iloko o kona puu, na hoomaka mai la e mohala kona mau maka a ala mai la no hoi oia a nana mai la ia lakou nei.

 

"Ua palekana anei oia?" wahi ana i puana mai ai. "Aole anei oia i holo aku me ka maalahi?"

 

"Aole e hiki iaia ke holo aku me kona loaa ole aku ia makou," wahi a Kaloke i pane aku ai.

 

"Aole, aole, aole wau i manao e ninau aku no ka'u kane. No Sir Hanale ka'u ninau. Ua palekaua anei oia?"

 

"Ae."

 

"A pehea hoi ka ilio?"

 

"Ua make ua ill la."

 

I ka lohe ana o ka opiowahine i keia pane ua mohala loa ae la kona helehelena, a hooho ae la, --

 

"E hoomaikai ia ke Akkua! E hoomaikai ia hoi na Lani! O, ke ino nui wale! E nana mai ia'u a e ike mai i kana haua i hana mai ai maluna o'u!" Iaia i hoopuka mai ai i keia mau olelo oia no hoi kona manawa i unuunu aae ai i na pulima o kona lole a hoike mai la ia lakou nei i na palapu e kau ana maluna on a. "Eia nae," wahi hou a ka opiowahine i hoomau mai ai i kana mau olelo, "aole keia he mau mea ano nui. O ka mea i oi aku oia kana mau hana i hana mai ai maluna o ko'u mau noonoo ame ko'u uhane. Ua hiki ia'u ke ku aku imua o kana mau hana apau e hana ino mai ana maluna o ko'u kino, in a no nae he mea hiki ia'u ke ike aku ua pulama iho oia i ke aloha po'u iloko on a; aka i keia manawa ke ike nei au ma keia ua nele kona aloha ia'u a ua hoolilo mai hoi oia ia'u i maunu hoowalewale nana," iaia i hoopau ae ai i keia mau olelo ana, oia no hoi kona manawa i kulou hou iho ai ilalo a uwe iho la me ka ehaeha nui o kona puuwai.

 

"Ke ice nei wau aole ou manao maikai nona," wahi a Kaloke i pane aku ai. "E ha'i mai ia makou i kona wahi e loaa aku ai ia makou. Ina ua kokua aku oe iaia ma kana mau hana ino, alaila o ka wa kupono keia au e kokua mai ai ia makou i uku no kana mau hana pono ole i kookau mai ai maluna ou."

 

"He hookahi wale no ana wahi e hiki ai ke holo aku," wahi a ka opiowahine i pane aku ai. "Aia he wahi lua waiwai iwaenakonu o kahi moku e ku nei iloko o ka Lua Mimilo o Kalipena. Asia ilaila kahi ana e malama nei i ka ilio a o keia hoi kahi ana i hoomakaukau ai nona ke hiki mai ka manawa e lalau aku ai na lima o ke au iaia. Ke manao nei wau aia oia ilaila i keia manawa."

 

Hele aku la o Kaloke a ku aku la ma ka aoao o ka pukaaniani a kau aku la i ke kukui a nana aku la iwaho. E halii mai ana no ka ohu iluna o ua wahi la.

 

"E nana ae paha olua la," wahi a Kaloke i pane aku ai, "aole loa he mea e hiki ke hele aku iloko olaila me ka paa mai o kela ohu."

 

I ka lohe ana o ka opiowahine i keia olelo a ka makai-kiu, ua aka mai la oia me ka pa'ipa'i ana ae i kona mau lima.

 

"E hiki ana paha iaia hele aku iloko o ua wahi la, aka aole loa e hiki iaia ke puka mai iwaho. Pehea e hiki ai iaia ke ike i na hoailona o ke alahele i keia po. Na maua like no i hana i keia mau mea, i hiki ai ke ike ia ke alahela e komo aku ai iloko o ua wahi la. O, in a no hoi i loaa ia'u ka manawa e huhuki ae ai i ua mau hoailona la i keia la iho nei, in a no hoi me nei ua paa la oia ia oukou."

 

Ma keia mau kukaiolelo ana a lakou i maopopo loa aku ai i na makai kiu aole a lakou hana e hana aku ai no ia po, nolaila mahope o na hooponopono ana i ka wahineopio, ua haalele aku la o Kaloke Home ame Wakekona ia Likeke e noho iho a waiho iho la i ka malama ana i ka Hale Meripa iaia, a huli hoi aku la no hoi laua nei no Bassekavila Hale ia po. Malaila i ha'i aku ai o Kaloke Home i na mea a pau e pili ana no Sepeletona ame ka opiowahine ana i makamea a pau e pili ana no Sepeletona ame ka opiowahine ana i makaleho ai a i manaolana loa ai e hoolilo mai ana iaia i hoa pupuu pu i keanu ame ke koekoe. I ko Sir Hanale lohe ana i ka moolelo oiaio mai ia Kaloke aku ua ano ikiiki no kona mau manao no keia mea. O ka haawina i kau aku maluna on a i ka po mamua iho, ua oi aku ia mamua o ka mea i hiki iaia ke hoomanawanui, a maua o ka puka ana mai o ka la o kekahi la ae, aia oia ke waiho la iluna o kona wahi moe me ka haawina ma'i @va ikaika loa maluna on a a malalo hoi o na lapaau ana a Kauka Matimea. Mamuli no hoi o keia haawina, ua kukakuka like ae lakou a ua hooholo like, e hele aku o Sir Hanalei ka makaikai honua e ukali ia ana hoi e Kauka Matimea, a o keia ka papahana i hookoia mahope o ka oluolu ana o Sir Hanale.

 

E na makamaka heluhelu o ka Makai-kiu Kaloka Home, ke aneane loa aku nei kakou i ka hopena o keia hoinainau ana, aka nae he mea maikai no ia kakou ke ike aku i ka hopena i kau aku maluna o Sepeletona.

 

I ke kakahiaka o kekahi la ae, ua hele hou aku la o Kaloke ame Wakekona no Meripa Hale, kahi hoi a laua i hui aku ai me Likeke e kiai ana i ka opiowahine. No Mrs. Sepeletona, (ua pono ia kakou ke kapa aku iaia ma ia inoa oiai ua loaa ka laua meahuna i ka Makaikiu Kale) ua loaa aku na lapaau maikai ana nona, a ia kakahiaka a na makai-kiu i hoea aku ai i kona hale ua ikaika oia.

 

Malalo o na olakai ana a Mrs. Sepeletona, ua hele aku la lakou iloko o ka Lua Mimilo o Kalipena. Maanei lakou i ike ai i na hana akamai a ku i ka hoomaka'uka'u a Sepeletona i hana ai. E like me ua kuhikuhi ana a Mrs. Sepeletona pela lakou i hele aku ai, a ma ka lakou nei alanui i hele aku ai aia hoi e ku ana he mau have liilii i hoailonaia no kahi kupono i na wawae ke hehi aku. I ko lakou hiki ana iluna o kahi mokupuni uuku e ku ana iwaena o ua lua la, kiei a ha-lo aku la lakou nei i na wahi poopoo o ua mokupuni la, eia nae aole o <> lakou wahi mea a ike aku i ko Sepeletona kino. Loaa aku la ia lakou nei he wahi pupupuhale uuku ma kekahi huli o wokupuni la, eia nae aole o Sepeletona malaila.

 

A pau ka lakou nei makaikai ana i ua mokupuni la, huli mai la lakou e hoi, a ma ko lakou nei alahele, ua kuhihewa o Kaloke i ke aianui pololei a hehi hewa aku la kona mau wawae mawaho o ke aianui. Ma keia ulia i loaa aku i ka makai-kiu, ua kokua mai la kona mau hoaloha iaia, a i ke kau ana o Kaloke iluna o kahi paa, aia hoi e hihia ana i kona mau wawae he kamaa buti.

 

"Heaha hoi keia?" i hooho like ae ai lakou.

 

Nana iho la o Kauka Wakekona a hapai ae la i ke kamaa buti iluna, aia hoi e kau ana iluna o ua kamaa buti la ka ma-ka "Meia, Toronato,"

"Ea, o ke kamaa buti keia o Sir Hanale, a he oia mau no hoi ka ka maikai e like me kona manawa i nalowale ai mai ka hotele ana i noho ai ma Ladana," wahi a Wakekona i puana ae ai.

 

"A i kiolaia hoi e Sepeletona iaia e holo ana," wahi a Kalokei pakui aku ai. "Okeia kana i paa ai ma kona lima a hoohanu aku hoi i ka ilio. Ua holo aku la oia i kona manawa i ike ai ua ahuwale kana hana, me ka paa  no nae i keia kamaa, a maanei oia i kiola ai. Ma keia ke ike maopopo nei kakou ua holo io mai no oia noonei."

 

O keia na mea a na makai-kiu i ike ai, a no Sepeletona hoi, ua piholo aku oia iloko o ka Lua Mimilo o Kalipena, kona luakupapau hoi i waiho ai a popopo kona mau iwi.

 

O keia ka hopena o keia hihi, a he hopena hoi na ka makai-kiu i hauoli loa ai, aka nae i kona manawa i niuau ia aku no keia mea, ua i ae la oia penei:

 

"Ua kuu aku wau i ka'u upena a ua moliolio hoi. Ua ahuwale ka no'a huna a kuu hoapaio, aka nae, mai oi loa aku ka pono in a i paa mai oia iloko o kuu upena me kona ola, a kukuluia aku oia imua o na kiure he umi-kumamalua nana e hoahewa aku iaia ma ke degere ekahi o ka hewa pepehi kanaka. He oiaio ua make oia iloko o ka Lua Mimilo o Kalipena, a ua pono hoi ia make ana, aka mai oi loa aku ko'u hanohano i keia la in a i paa ola mai oia ia'u. No ka Ilio lapu o Basekavila, ua hala ia, a ua hooiaioia hoi ka'u i manao mua ai, aole loa he kuleana o kekahi mea kino uhane iloko o ka poai o ko ke kanaka ola."

 

*                                  *                                  *                                  *                                  *                                  *

 

Ma ka Sir Hanale aoao, iaia i oluolu ae ai a ike hoi ia Makai-kiu Kaloke Home, ua hookau aku la oia i na mahalo ana he nui, a he puu dala mahuahua hoi kana i haawi ai i ka makai-kiu, me ka hamama o na puka o Basekavila Hale iaia. Iaia ma kana huakai holo makaikai honua me Kauka Matimea, a ma na wahi a laua i kipa aku ai, ua kukala aku o Sir Hanale i ka Kaloke hana i hana ai nona, e hooko ana hoi i kana i ha'i mua aku ai ia Kaloke, e hoike aku ana oia i ke ao holookoa, o Makai-kiu Kaloke Home oia ka helu ekahi ana i ike ai.

 

Maluna hoi o Wakekona, ua haawi aku la o Sir Hanale i kona mau manao mahalo kiekie loa, a haawi aku la iaia he makana mawaiho ae o kana i uku aku ai iaia, ma ke ano he hoailona aloha no ko Kauka Wakekona noho kiai ana iaia, oiai laua e noho ana ma Basekavila Hale, a ua hamama hoi na puke o Basekavila Hale nona i na manawa apau ana e makemake ai e kipa aku ilaila.

 

Ua hoi aku o Kaloke ma no Ladana, kahi hoi e waiho mai ana he mau hihia hou nana e hanu aku ai i ko lakou mau mole, a no Sir Hanale hoi, iaia i hooko ai i kana huakai, a hala kekahi mau mahina loihi mahope mai ua huli hoi mai la oia no kona home, a malaila ola i noho ai me ka maluhia.

 

No Mrs. Sepeletona, ma Meripa Hale oia i noho ai me ka walania o kona naau i na hana a kana kane i hana aku ai, e pale, ana hoi i na kono i waiho ia aku iaia no ke koena o kona mau la.

 

KA HOPENA.

 

HAWAII âme KONA LAHUI.

 

MOKUNA XXI.

 

NO NA HANA A NA MISIONARI MAI KO LAKOU KOMO ANA MAI MA KEIA PAEAINA A HIKI I KA MAKAHIKI 1840.

 

Elua Nupepa i pa'iia i kekahi manawa, o ka Lama Hawaii, ame ke Kumu Hawaii. I hookahi makahiki, ua pa'i ia ke Kumu Hawaii; a o ka Nonaona ka inoa o kekahi Nupepa--A o ka Elele kekahi.

 

Ua heluheluia keia mau buke ame na palapala liilii e na kanaka, ame na kamalii he lehulehu, no ia mea, ua mahuahua ka ike ame ka naauao ma keia paeaina.

 

No ka hemahema o na kula i a'oia e na kumu naaupo, ua kukuluia na Kulanui. Ua imiia na kamalii, ua hanaiia, a hoaahuia me ka lole, a ua a'oia lakou i ka palapala ame ka hana. Aia i Lahainaluna ka mua o kei poe kula, no na keikikane ia kula. I keia wa, aia ekolu kumu e a'o ana malaila. Nui na haumana i a'oia malaila i na makahiki i hala aku nei. Ua hale kekahi poe iloko o ka hewa; ua lilo kekahi poe i mea ole, a o kekahi poe, eia lakou ke hooikaika nei ma ke a'o i na kamalii, ame ke kokua ana mamuli o ka pono.

 

<>

 

HOTELE HALEIWA MA WAIALUA. <>

 

O ke kula kaikamahine, oia kekahi. Aia ma Wailuku, i Maui@ M. H. 1837, ua komo mai na haumana iloko o ia kula. Hookahi kumu e a'o ana, ame kana wahine, ame ka wahine kane ole. Hookahi kumu maoli, a he kahu hoi, ama kana wahine e kokua ana mamuli o keia hana. Ua make keia kula i keia manawa. Aole he kulanui no na kaikawahine ma keia paeaina o Hawaii nei. He mea hilahila keia--He mea e hemahema ai ka hana a na Misionari i keia wa. He mea hoi e poino ai keia lahuikanaka. Aloha ino! Ua nele na kaikawahine o Hawaii nei i ke Kulanui ole. Aole he wahi a lakou i a'oia ai ma na mea e nui ai ko lakou ike, ame ko lakou makaukau no ka lakou ha@a. No wai la keia hemehema? No na Misionari anei? No ke @upuni paha?

 

Ma Hilo i Hawaii, aia elua kula hanai: o ke kula keikikane kekahi i hoomakaukau ia na kamalii e komo iloko o ke Kulanui i Lahainaluna. He kula kaikawahine kekahi malaila, na make keia kula e like me ke kula kaikawahine ma Wailuku. Aia ma Waialua, i Oahu, ke kula kamalii ia wa, me ke kumu hookahi, e a'oana i ka palapala ame ka wahiai ana, o ka hana ka mea nui ma ia @ula, ua pau aka la ia kula i keia manawa.

 

Ma keia hebedoma aku e ikeia ananei kekahi mau hua e ae o ka hana i hana ia ma Hawaii nei ma ia mau makahiki he iwakalua."

 

NO NA HUA O KA HANA I HANA IA MA KELA PAFAINA, MAI KE KOMO ANA MAI O NA MISIONARI A HIKI I KA MAKAHIKI 1840.