Ka Nupepa Kuokoa, Volume XLII, Number 21, 20 May 1904 — LELE KE KEPANI I KE KAAAHI NO KA MAKE. [ARTICLE]

LELE KE KEPANI I KE KAAAHI NO KA MAKE.

O ka manao i ulu ae iloko o kekahi Kepani no ka lawe ana i kona ola ua hoomaopopoia ina kona lele ana mamua pono o ke kaaahi e hoi mai ana i ke kulanaknuhale nei mai Waialua mai a lilo ae la ia i mea hoopioloke i na ohua kaaahi.

Ma ka hoio ana mai o ua kaaahi nei i ka auwina la o ka Poakahi nei a ma kahi hoolulu o Honouliuli i hanaia ae ai keia lele ana me ka manao e make, eia nae aole i ko oiai aole oia i make a aole no i nui loa 'na palapu i kau aku maluna o kona kino.

I ke kaaahi e hookomo mai ana i ke kahua hoolulu i hoikeia ae nei.ua ike e aku no ka wiliki ame ke paoahi i ka nui kanaka e kali mai ana ma kahi hoolulu, a mamua o ka hoopaaia ana o ka peleki hoopaa holo, aia hoi ua lele ae Ia kekahi kino kanaka iluna o ke alahao mamua o ke kaaahi a moe papu iho la iluna olaila.

Alaila ua ike koke aku fa ka wiliki i ka moe kahela ana o keia kanaka iluna o ke alahao a hookahi pinapinai iho la oia i ke beoe a hoohana koko iho la i ka peleki ea. Aka o ka ikaika holo o ke kaaahi ua lawa ia no ka loa ana a kaa aku ma o o kahi a ke kanaka e moe ana, eia nae he ike ana' ka na ohua i ka olepeia ana ae o ua Kepani nei a lele ana i kula.

Ua manao e aku na ohua ua make ke kanaka aka i ka loaa ana aku aole i pilikia loa, he poniuniu waie no mamuii o ka ikaika kiola o ka paleihu o ke kaaahi eia nae ua pehu ino loa kona wawae mamuli o ka pa ikaika ana i ka paleihu.

Ua iawe loa ia mai keia Kepani i ke kulanakauhale no ka nana pono ia e Kauka Cooper malalo o ke kauoha a ka Agena Ohua Rmith.