Ka Nupepa Kuokoa, Volume XLII, Number 20, 13 May 1904 — H. A. C. AME PUNAHOU. [ARTICLE]

H. A. C. AME PUNAHOU.

Ma ka hookuku kinipopo o ka Poaono i hala i kaili ae ai na hui H. A. C. ame Punahou i ka lanakila. O ka paani mua oia la oia na hui H. A. C. ame Kamehameha, a o ka lua mawaena o na hui Punahou ame Elks. O keia mau paani a elua ua maikai maoli a ikaika ka hakoko ana no ka lanakila. O ka hui Kamehameha, oia krt hui o na keiki Hawaii wale no aole loa he ilikea iwaena o lakou e like hoi me na hui e ae e paani ftei. Hookahi hemahema i loaa i keia hui, oia no ka loaa ole o ka hopu popo mahope o ka pahu hahau i kupono no ia kulana, a ina e hooponopono hou ana keia hui i ko lakou kulana a loaa ke keiki ma keia wahi. me he mea la oia ka mea nana e hooikaika i keia hui a loaa kona leulana e Uke me ko ka makahiki i hala. Mahope o na komo ana eiwa a Kamehameha ame H. A. C., ua lilo ka lanakila ia H. A. C., ma o na ai-puni he 11 a he ewalu wale 110 a Kamehameha. O ka paani v elua mawaena o Punahou ame Elks, a o keia no hoi kekahi paani apu'epu'e loa, eia nae ua lilo aku ka lanakila ia Punahou ma o ka loaa ana o na ai-puni he 11 a he 10 hoi a kona hoa paio. y Ma keia Poaono ae o Maiie Ilima ku-e ia Elks, oia ka paani mua, a o Punahon ku-e ia Kamehameha ka paani elua. Jt. maikai ana keia mau paani a me he mea la e piha ae no ka paka kinipopo ia la e like me keia mau Poaono i hala ae nei.