Ka Nupepa Kuokoa, Volume XLII, Number 18, 29 April 1904 — Page 5
| This text was transcribed by: | Jean Howard |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Aperila 29, 1904
Nuo Kuloko
@ makou e like me
@ ko nei me ka piha
@ mau koiamu, He
--------------------
@ Kanaka o ka La
@ Hawaii i ka ai maia.
@ la e kuai i aina
@ e like me kana
@ ma kona aina.
-----------
@ hihia ke hooloheia
@ Aha Hookolokolo
@ i nalowale ai
@ o na lilo o ka
@
-----------
@ hoomaka ai ke kau
@ hiki ma ke kahua
@ Punahou ku-e
@ H.A. C. ku-e la
@ la la
---------------
@ kekahi poe kaahele
@ Amerika i o kakaou nei
@ iho no ka pii ana i
@ Hawaii nei, a lakou hoi
@ ka maikai no ke kaa
----------------
@ polohuku (dala)
@ Lunakanawai Dole i
@ maluna o F. J. Testa.
@ o ka nupepa In
@ hewa hoouna i kekahi
@ manao pono ole.
-----------
@ kekahi ahamele, ma
@ iho o ka halekula o
@ o Kamehameha
@ apopo no ka pomai
@ Keiki ame ka Home
@ kakua @ ana o Lo@ Kau
@ o ia po. Mai poina i
@ He kanalima keneta
@ ke komo ana aku iloko o
@ i na mele e mele ia.
@
-------------
Makemake e Maopopo Mua
---------
@ kukai ana aku o Mr. J. C. @ Kiaaina Carter no na mea @ ka lawe ana aku i ka bana@ ka hoikeike e malama ia @ Lui, aole i waiho aku ke @ ae. Aole i makemake @ lala o ka bana e hele @ o ka houpaa ana o ka @ e ukuia ai na lilo o @ kaikaia hoi e na maka@ iho ia lakou mau ke @ e like me ka ke Kinaina @ iloko o ka Ahaolelo. Ua @ mamua o kona wai@ kona manao ae i keia noi, @ ma ka aoao o Cohen e ho@ i na hooia kupono ana, @ i ka bana a e hoihoi @ a hiki i Hawaii ne me ka @ kuia.
@ pu no hoi keia manao i ke @ mea pono e noho iho no ka @ Hawaii nei, oiai o ia ke kumu @ ua makemake no na ma@ iho no ka bana ianei @ i koonei mau kini.
@ loaa ae ai na hooia ma ko @ a ike ke Kiaaina i ka poe @ alaila ia manawa e wai @ Kiaaina i kana pane. A@ make ke Kiaaina e lawe aku @ hiki i Amerika, alaila pau@ like hoi me kekahi mau @ i lawela aku mai Hawaii @ loaa na pomaika ma ka @ ka poe na lakou i lawe aku la @ nae ua haalele ia aku na @ hele i ka aina malihini @ i ko lakou alahele e huli hoi @ aina nei.
-----------------------
Hoohuoi Poholalo
----------
@ Poalua nei i haalele iho ai o @ Aupuni M. F. Prosser ia @ holo ak maluna o ka @ hanau no Hilo no ka noii ana @ William Ragsdale. Ua loaa @ ia Klaaina Carter mai @ hoike ana i ka pokole o na @ haole ola hoi he huina o @ ua waihoia aku he ma@ hoihoi ae ai i ua huina @ pokole. Ma na mea i loaa @ ua ike la eia no o Ragsdale @ mai nei ma ke Keena @ a e holo pu aku ana o Ko@ me Loio Prosser no ka @ keia pokole.
@ Kiaaina Carter i hiki aku @ ma kela huakai ana i hele @ mau mahina i hala ae nei. @ ua lawela aku he mau @ i ka pokole o na dala @ ia manawa e noho ana oia @ he komisina no na Aina @ huli aku o Luna Hooia @ Komisian Pratt i na buke @ a loaa iho la ke ano o ka @ a keia haole i kana mau @ ma na ano apau. Ia @ kapaeia ae oia mai ka oi@ ke kumu he mau tausani @ hope o kana mau buke ma @ ole ia. Ua hookohula aku @ i keia mau dala. Ma@ mai ua waihoia aku oia i mea @ iloko o keia keena.
---------------
NO KA WELA AHI AME NA MOKU
@ mea maa mau ka loaa ana o keia @ ano a ke kanaka hoi i @ ma na home ame na wahi a @ kanaka e hana ai. Olai no nae aole @ mau mea he mau mea e pilikia @ koe wale no i ka wa e loaa ai @ koko laaumake, eia nae ae mau mea @ nui no keia i ka oia kino. @ oia koke keia mau haawina @ e @ koke ia i ka laau Chamberlains’ @ E hoopay koke ia no ka @ ka wa e hooka koke ia ai o keia @ a he hoola hikiwawe hoi – i kahi @ me ka loaa ole o na alina mahope mai a he hookahi hoi hapa-kolu o ka manawa a kela laau e hoola al i @ na laau e ae. O keia hookahi ka laau @ ae o ka maikai i hoomakaukau @ o ka wela ahi, moku, pepe am @ like i loohia iluna o ke kanaka. @ pono no e hooka koke maluna o @ i eha a pehu ae. Ke kuai la nei @ na halekuai laau lapaau apau, Benson, Smith Co., Ltd., @ Agena @ Hawaii nei.
Hopuia no ka Mare Lehulehu
-------------
I ka Poalua iho la i hopula ae ai o D. A. Mackintosh he haole opio i ike nui ia iloko o Honolulu ne e Makaikiu Renear no ka hewa mare lehulehu ma ka hoopukaia ana o kekahi palapala hopu i hoohi@iia e Daniel Nicolson, ka makuakane kolea o Clara Neidering ka wahine mare elua a ka mea i hoopiia. O keia mea nana i hoopii oia ke kokua lunahoomalu elua o ka Hui Kaauwila o Honolulu nei a ma kana palapala hoopii i hoohiki ai ua hoikeia ae keia mau mea oia hoi he kanaka mare waine mua oia i ka wahine nona ka inoa o Marion C. Tunstead, a me ia kulana mare no ona ua mare hou aku la oia he wahine hou ma ka inoa i hoike mua ia ae nei—o Clara Neldering.
Ua oleloia ae ua haalele aku o Mackintoch i kana wahine mua ia Marion Tunstead i Kapalakiko he mau makahiki i haia. Mahope mai ua lohe iho la ka wahine mare mua aia kana kane i Hawaii nei a ua mare he wahine hou alaila kakau leka mai la oia i kekahi hoaloha ona oonei ke kumu hoi i lohe ai ka wahine mare elua Clara Neldering he kanaka o Mackintosh i mare wahine mua a aole laua i okiia.
A ma ka lohe ana o Nicolson i ka manao o Mackintosh e haalele ia Honolulu nei a kau aku ma ka mokuahi Kina alaila ua eleu koke ae la oia i ka hoohiki palapala hopu a paa ana i ka Poalua nei o Mr. Mackintosh.
He kanaka opio keia Mackintosh i ike nui ia i Honolulu nei iwaena o na ahahui paani hooikaika kino a panai lealea, a oia no hoi kekahi o na hoa paani popo peku o ke kau paani o ka makahiki i hala iho la.
----------------------
Ei Aku a Hoea Mai
----------
TACOMA. Apr. 25—Ua loaa mai nei ke kauoha mai ke Keena Kaua Moana mai i ka mokukaua holo mama Tacoma e holo aku no Honolulu a mawaena hoi o Honolulu ame Kapalakiko no ka huli ana i kekahi mokupuni i nalowale, i hoike pinepineia ae hoi e na kapena moku, a e manao kanalua ia nei hoi aole ia mokupuni ke ku nei i keia manawa.
O ka mokukaua holo mama Tacoma o Amerika oia kekahi o na moku i hoomanala ai e ka Ahaolelo o Amerika e hanaia i ka makahiki 1890, iloko hoi o ka mahina o Malaki. Ua hoomakaia ka hana ana o keia moku iloko o ka mahina o Sepatemaba, 1900 a iloko o ka mahina o Iune o kekahi makahiki mai i hoolanaia ai oia. He 292 kapuai kona loihi, a he 44 kapuai 1 1-2 iniha hoi kona akea, a he 15 kapua 1 1-2 iniha hoi kona akea, a he 15 kapuai 1 1-2 iniha hoi kona akea, a he 15 kapuai kona hohonu, nona hoi na tona he 3200; 4700 lio ka ikaika o kona enekini e hooholo ana hoi iaia no na mile he 16 1-2 iloko o ka hora hookahi. O kona mikini he eha ku-e pakolu no lakou hoi na ku-e ana he 18, 29, 35 1-2 ame 35 1-2 iniha, ua like hoi ia ma 175 kakaa ana me na paona kaumaha o 225.
O kona mau mea kaua, he umi pu kani pinai o elima iniha, ewalu pu eono iniha, he elua hookahi iniha a he eha mau pu otomakika. O ka nui o kona mau kanaka, he kanakolu aliimoku ame 281 luina.
O keia ka mokukaua mua loa i hanaia ai ma ka huli Pakipika nei i uhiia hoi kona iwikaele me ke kepau. Ua manaoia ma keia hanaia ana o keia moku me ka uhi kepau he mea ia e nui ole ai ka manawa e hooponopono ia ai o kona iwikaele. O na moku hao e holo nei i keia manawa i uhi ole ia me ke kepau ke hukiia nei lakou iluna o na pa-kapilimoku i kela ame keia eiwa mahina no ka hoomaemae ana, a ma keia hoi i hoohanaia ai maluna o keia moku, ua manaoia e hala ana he manawa loihi mamua o ka huki ia ana iluna o ke alahukimoku no ka hoomaemae ana, oia hoi he hookahi paha manawa iloko o kela ame keia eha makahiki. He hana hoemi lilo keia, a o ko Amerika mokukaua holo mama mua loa hoi keia i hanaia e like me keia.)
Hoopaneeia ka Hoopa’i
------------
Maloko o kekahi mau pepa i loaa mai nei lanei mai ke Kulanakauhale mai o Kansas i ikeia ia iho ai kekahi mau mea e pili ana no “Baraunu” ke kanaka Hawaii i hoahewaia al e make ma ka amana no ka hewa pepehi kanaka. Maloko o ia pepa ua hoikeia ua kauoha aku o Kiaaina Dockery ia ilamuku Thomas Pendergast e hoopanee i kona hooko koke ana aku i ka haawina o ka make maluna o Baraunu, a e waihoia hoi no na la he kanakolu. O ke kumu o keia hoopanee ana i ka hooko ana i ka hoopa’i mamuli no ia o ke noi a Lunakanawai E. P. Gate, ka mea nana e huli nei i ko Baraunu pno ma keia hihia. Ua manao oia ua loaa ole na kumu kupono e hookau ia aku ai ka make maluna o Baraunu, a ke hooikaika nei oia e hooiaio aku imua o ka Aha Hookolokolo, o ko Baraunu hihia ua kupono no ka kdegere elua a e hoopa’lia hoi ma ka hoopaa ana apoau ke ola.
Ua kukuluia ka amana e @ ai o Baraunu, a mamulu hoi o keia kauoha a ke kiaaina e hoopanee i ka hooko ana i ka hoopa’i a hala na la he kanakolu, ua pau hou ae i ka weheweheia a kukuluia aku ma kahi kupono no ke kii ana aku a kukulu hou ae iloko o ka manawa pokole.
----------------------------
E Hoi ana na Koa Amerika
------------
Ma ka moku lawekoa Sherman e hoea mai ana i Honolulu nei ma ka la 6 o Mei ae nei, e haalele iho ana na koa Amerika e noho nei i kela manawa ma Kaimuku ianei a hoi aku no Amerika, a no kekahi manawa e noho iho ana kakou malalo o ke kiai ana a ka Pualikoa Kiai Lahui e ku nei i kela manawa.
Ua loaa mai ke kauoha ia Konela McClellan e kauoha ia Konela McClellan e kauoha ana i kona mau mahele koa e hoi aku no Presidio, Kapalakiko, a ua hoomakaukau ae nei na koa i ko lakou mau wahi oepope a e hoi aku ana maluna o ka moku lawekoa mua loa e ku mai ana i keia awa ma kona alahele no Amerika . O Sherman oia ka moku mua loa e ku mai ana lanei mai Naila mai, a aia hoi maluna ona ka mahele koa Iwakalua-kumamaiwa.
O na mahele koa elua e noho nei maanei , o lakou wale no ke hoi aku ana, a e pani ia mai ana ko lawa mau makalua e na mahele koa 28 ame 22 e noho mai nei i keia manawa ma kahi i ha’i mua ia ae nei a e noho iho ana no o Koneia McClellan ianei a hoea mai keia mau mahele koa pani.
------------------------
Ua hoopaaia o Mau Chong, keia Pake nana i pepehi ia Makai Mahelona ma Aaia ae nai, ma ka hoopaahao me kahana oolea no na makahiki he iwakal@a-kumumalima.
PIHOLO PAHA KA NIPPON MARU
-------------------
Ma ke kakahiaka o ke Sabati Apr. 17. I hookomo mai ai ka mokuahi Amerika Maru ma ke awa o Kou nei mai Iapuana mai. O keia wale no ka moku o ka Hui Mokuahi Toyo Ki@n Kaisha i malele mai ka liko ana i mokukaua no laua make oia iloko o ke ahi.
Maluna mai ona i loaa ae ai he ninau, a o ua ninau ia oia iho kela e kau ae la maluna. Mamua o ka haalele ana aku nei o Amerika Maru ia Yokohama, ua loaa mai he lono laulahea malaila ua piholo ka mokuahi Nippon o Hakedate ame Vladivostok o keia lono nae aole i hoike akea ia ae, a aole no hoi he hoike i loaa ae i ka Aupuni o Iapana e pili ana no ka piholo ana pana, mahope no nae o ka weheweheia ana o kona mau lumi me ka manao e hoolilo aku iaia i mokukaua no Iapana. Mahope o ka loaa ana ae o na hoike e waiho ana iaia mai ka lilo ana aku i mokukaua no Iapana, ua kii hou aku na ona o keia moku a lawe ae iaia a hooponopono hou a hoouna awiwai mal nei iaiai e holo mai no ka lawe ana i ke kahu oia hui mokuahi e like me na manawa i hala ae nei.
Mahope o ka hooponoponoia ana o keia moku a lilo i mokukaua no Iapana ua hoounaia aku oia no ke Kai o Iao o ia moku, pana e hoolilo ana hoi ia Hakodate i awa nona e ku ai, a o keia lono o kona piholo ana ua manao ia o ia kekahi poino i loaa aku ma ko Iapana aoao i keia mau la koke iho nei.
Ua loaa pu ae no hoi he hoike i ke keena kaua o Iapana e mahalo ana i na moku elua o keia hui i lilo aku i mokukaua no Iapana, a ke manao wale ia nei e lilo loa aku ana Hongkong Maru i mokukaua no Iapana. Ua hooponoponoia keia moku a ua hiki ke kau aku na pukuniahi iluna ona a ma kona hoaoia ana mai nei ua ikeia ka holopono.
---------------------------
Piholo Iloko o ke Ka
--------------------
Ma ka auwina la o ka Poalima aku nei i hala, Aperila 22, ua hele aku la o Winfield S. Crouch, kekahi o n ohua i hiki mai ai ianei maluna mai o ka mokuahi Korea o ia kakahiaka, no Waikii i ka auau kai me kekahi o kona mau hoa aumoana. He nui na haole malihini a pela no hoi me na kamaaina i hele aku i ka auau kai ia la, a ua hiaai maoli no ka poe e auau kai ana.
O ka haole nona ka inoa maluna ae me kona hoa ua hele aku laua iloko o ke kai me na papa heenalua, e au hele ana hoi ma kahi papau o ke kai. Pela ka laua hele ana a hiki mawaho pono ae o ko Frank Hustance wahi, a o ia no hoi ka manawa o laua i puiwa ai i ka hehi ana aku o ko laua mau wawae iloko o kekahi lua hohonu. O ka lua o na haole ua kupaka ae la a hiki i kahi papau, o ka haole hoi nona ka inoa maluna ae ua hookuu aku la oia i kana papa heenalu e paa ana a hoomaka ae la e au no ka aina. Ma keia hana no nae ua piholo iho la oia, a i k ona ea ana ae iluna, kahea mai la oia i kona hoa e kokua aku iaia, a na kona hou hoi i kahea ae a lohe aku la ka nui o ka poe e auau ana, a au pu aku la no hoi oia e kokua i kona hoa. Ua piholo hou iho la no ua haole nei, a loaa aku la no hoi i kona hoa a nana i paa aku iaia me kekahi o kona mau lima a au mai la oia no ka aeone. Malaila i loaa hou aku ai na kokua, eia nae ua make mua ua haole la.
Malaila ae o Kauka Archer Irwin, kekahi o na ohua i kau mai maluna o ka mokuahi Korea, a peia no hoi me Kauka St. D. G. Walters o Honolulu nei; o laua a elua e noho ana laua ma ka lanai o Moana Hotele. Ua hana laua i na hana apau e hiki ai ke hoihoi ia mai ke oia o ua haole nei, eia nae ua poho ka manaolana. Ua hoikeia mai keia ulia i ka Oihana Makai, a ma ke kaheaia ana o na koronero, ua loaa mai ka hoike ua make keia haole mamuli o ke piholo ana iloko o ke kai.
Ma Hotele Young kahi i hoopaa iho ai keia haole i kona inoa, a maanei no hoi i hoihoiia ae ai kona mau pono mailuna mai o ka moku. He haole keia i holo mai ianei ma ke ano he agena no kekahi mau hui kalepa o ka Hikina o Amerika, a ua manao oia e noho iho mnaanei no kekahi manawa mamua o kona holo loa ana aku no na aina malalo aku nei. I kona hiki ana mai i Honolulu nei ua hoea mai la kekahi telegarapa mai kana wahine mai e ninau mai ana iaia i ke ano o kona holo ana mai nei ma kana huakai. He haole keia nona na makahiki maluna iki o ke kanakolu.
----------------------------------
Koe ke Ola o Man Chong!
----------
Ma ka noho ana iho nei o ka Aha Hookolokolo Kaapuni i kela mau la aku nei o ka pule i hala, ua laweia ae ka hihia pepehi kanaka o Man Chong kela Pake aihue moa i pepehi ai ia Mahelona, kekahi o na makai o ke Aupuni, i kela mau mahina aku nei i hala, a hooloheia ae imua o Lunakanawai De Bolt. I ka wa e ninainauia ana na hoike, he hookahi hoike nui i ala mai he mau ninau ano nui, a o ua hoike la oia ka aikaia o Mahelona i komo ai ma kela po ona i make ai. Ua lawe ae ka Hope Lolo Aupuni i na hoike apau imua o ka Aha Hookolokolo, a ua ike hoi na kiure la ma mea, a koe ka a-ikala.
I ke kukuluia ana ae o Makai Nui Baraunu imua o ka Aha no ka waiho ana ae i kana hoike, ua ala mai ka ninau no ka a-ikala o Mahelona, a me ka puiwa nui o ka Aha ame ka aoao i hoopilia ua unuhi ae la o Baraunu i ua a-i kala la a hoike aku la i ka Aha. O keia kahi a ka loio o ka mea i hooiila i manao ai e loaa ana ka hookuu ia aku o kana hihia, a o ka loaa ana ae o keia mea oia ka mea nana i hoopuiwa i na mea apau iloko o ka Aha.
Ma ka Poaono nei i pau ai ka noonooia ana o keia hihia imua o ka Aha a ia la no hoi i waihoia aku ai keia hihia imua o na kiure no ka lakou olelo hooholo. Mahope o ka noho ana o ke kiure no ekolu hora a oi ua puka mai l lakou me ka olelo hooholo e ahewa ana i ka mea i hoopiila, aole no nae hoi ma ke degere ekahi e like me ke noi a ka aoao hana ka hoopii aka ua ahewaia ma ke degee elua; nolaila ua koe ka a-1 o ua Pake la, a ua hoike aku no hoi ka aoao nanaka hoopii i ka ae i ka i ka olelo hooholo.
---------------------------------
Ke aneane loa nei e pau ka hoomoe ana i na paipu lawe mea ino o ka huli Kapalama aku nei o ke kulanakauhale. Ua pau na paipu i ka hoomoeia a o na paipu hoohui ia e hoomoe la mai nei.
Nuhou Kuwaho
REPUBALIKA KO NU IOKA POE NU IOKA.
Apr. 12 ---Ma ka halawai elele o keia mokuaina i ka la apoo e noho iunahoomalu ae aha o Senatoe C. M. Depew no ka manawa a o K@ aina Odell oia ana ka lunahoomalu. E kauohaia aku ana na elele e ka aha e hele aku no Rusa wela.
E HOLO MAI ANA I HONOLULU NEI KAPALAKIKO.
Apr. 12 --- Ua ku mai nei ka mokuahi Kaleponi ianei. Me he mea ia e holo aku ana oia mai kela awa aku no Honolulu.
HOLO IA MA UBILA NO HAWAII NEI
WASINETONA. Apr. 12. --- O na bila e haawi ana i ka Hui Kukuiuwila Hawaii he pono e lawelawe aku ia hana ma Honolulu a pela no hoi me ko Oahu Ailaea pono ua hoohoioia ae nei iloko o ka Hale i keia la. O ka pono ailaea ua hooholo mua ia iloko o ka Senae.
NA ELELE O NU IOKA
NU IOKA. N.Y. Apr. 12—Ma ka noho ana o ka Aha Waemoho o keia Mokuaina i keia la u akohoia ae na Senaoa Plat ame Depew. Kiaaina Odell ame F.S. Black i mau Elele-koho-laulaia no Nu Ioka i ka Aha Waemoho Lahui o ka Repubalika.
HE ULIA MALUNA O MISOURI
PENSACOLA. Apr. 14 – He elima aliimoku a he iwakalua-kumamaha poe luina o ka mokukaua Amerika Misouri i make ma ka la inehinei mamuli o ke pa-hu ana o ka pauda o kekahi pukuniahi umi-kumamaha iniha nona hoi na paona he 2000 i ka manawa e malamaia ana kekahi hoomaamaa kikipu. O na aliimoku i make oia na Lutane’a Davidson, Weichert ame Girdley na Pikimana Numana ame Ward. O Gridley na Pikimana Numana ame Ward. O Gridley oia ke keiki a kekahi o na kapena kaulana iloko o ko Adimarala Dewey aumokukaua a o ko Numana makuahine hoi eia ke noho nei ma Honolulu.
O Numana i hoikeia ae nei maluna ola kekahi o na keiki a Loio Paulo Numana o Honolulu nei i make).
HAULE O HEARST MA NU JESE
TRENTON, Apr. 15 – O ka poe ku-e ia W. R. Hearst ua paa ae nei lakou i ka Aha Elele Demokarata a wae ae la i moho e paio aku ai.
HOOLANA WAI MA OREGONA
PORTLAND, Ore., Apr 16.---O ka hoolanaia ana o ka huli Hikina o Oregona oia ka mea nana e houlolohi nei i na hana o ke alahao.
HE HOTELE PAUAHI
INDIANAPOLIS. Apr 18 – O ka pauah o ka Hotele Occidental ua nee loa aku a ka Halema’i St. Vincents a ua pau pu ia hale i ke ahi. He eha poe ma’i iloko olaila i make, mamuli o ka make manaonao ana iloko o ka ula ahi. He ehiku poe i eha.
NU IOKA NO A. B. PARKER
NU IOKA, Apr. 19 --- Ua kauoh aku nei ko Nu Ioka nei Aha Elele i na Elele mai nei aku no ka Aha Elele Lahui e kakoo aku ia Lunakanawai Alton B. Parker ma o na Balota he 301 ia 149. Aole i hoopukaia ka inoa o Hearst.
KU-E LAHUI ASIA.
WASINETONA, Apr. 19. ---Ua hooholo like ae nei ka Hale o na Lunamakaainana i ka bila e kakoo ikaika ana i ke Kanawai Ku-e Pake.
HOOHOLOIA KE KANAWAI MOKUAINA
WASINETONA, Apr. 20 --- Ua hooholo iho nei ka Hale o na Lunamakaainana i ka bila e hoonoho hui ana i mokuaina no na Teritori o Okalahoma ame Indian malalo o ka inoa o Okalahoma a no Arizona hoi ame Nu Mekiko malalo o ka inoa o Arizona.
PAUAHI NUI
TORONTO, Apr. 20 --- O ke ahi i a ae ma ke kahua kalepa waiwai o keia kulanakauhale oia ka mea nana i hoopoho i na waiwai o umi miliona dala. Ke lawe ia mai nei na kaa kinaiahi mai na kulanakauhale e kokoke mai nei maanei. Ua nalowale ke poo o ka Oihana Kinaiahi a ke manao wale ia nei
OLNEY KA MOHO DEMOKARATA
BOSTON, Mass., Apr. 21 --- Ma ka noho ana o ka Aha Elele Demokarata o keia Mokuaina i keia la ua koho ae ia Aha i na Elele e holo ana no Sana Lui no ka wae ana ia Kakauolelo i pau Olney i moho Peresidena. Ua aponoia na rula e apo ana i na Elele iloko o ka lokahi.
MOKUKAUA ITALIA MA KAPALAKIKO
KAPALAKIKO. Apr. 24 --- Ua ku mai ka mokukaua Italia Liguria ianei ma ka la inehinei malalo o ke alakaila ana e Duke D’Abruzzi, ke kaikaina o ka Moi o Italia.
HAUNAELE KEKAHI HALAWAI
BUDAPEST, Apr. 23—Ma kekahi hau naele i ulu ae ma kahi e kokoke ana i Groswarden, he hopena hoi i ala mai mamuli o ka malamaia ana o kekahi halawai o ka aoao makaainana, ua make iho la he iwakalua-kumamakolu poe hoohaunaele ame na alakai o na kiai kaulio. He kanaha poe i eha. Ua kahea ia ka pualikoa e puka mai. Ua haule pa-hu ka olohani limahana o ke alahao a ua paa ae na alakai i ka hoopuia no ka hewa ohumu kipi.
---------------------------------------------------------------
Ina He Makemake
--KOU I KA—
Lauoho Maikai
E HELUHELU I KEIA
Malia paha ke pau nei kou lauoho ka helelei, a koe kakaikahi. E kau i ka laau mamua o ka pau loa ana i ka helelei, e hana i laau e ulu hou ai. O ka laau
“Laau Hooulu Lauoho a Ayer’s”
Ka mea e ulu hou ai. He nani ka lauoho ke ulu mai, a he nui hoi. Ina he nawali ka ulu ana o kou lauoho, o ka
“Laau Hooulu Lauoho a Ayer’s”
ka laau e pau ai a maemae kou poo Ke loaa i keia laau e hoi hou ana ka ulu ana o kou lanoho a like me ko kou wa bebe.
Hoomakaukau ia e Kauka J. C. Ayer & Company, Lowell, Mass. U.S.A E loaa no keia mau Huaale ma ka Hale Kuai Laau o Hollister, alanui Pap@.
He Ili Nani Lima Aia’i
--ME KA—
LAUOHO ULIULI
KA HUA O KE
Kopa Cutikura
HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ke lakou ili, i pau ai ka papaa o ke @ ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoa’la’i a me ka hoeu’iu’i ana i ka ili o na wahi i hele a manoanoa i ka hookaika i ka hana, o like me na lima, a pela no hoi e hoopau ai i na eha, ma ka holoi ana i na wahi eha me keia kopa. I ole oi e ike i ka aai me ka welawela; I ele no hoi o hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine o a pau; a he kupone loa no hoi keia kopa no na wahi auau a pau. O ka poe i ukemaka i ka @ kai o keia kopa, aole loa lakou e ae iki ana e hoao i kekahi kopa okea aku ke koiia mai; ina no e oleloia ana, he kupono ia ano okoa aku no na mea @ keia waiwai nui o ke KOPA CUTIKURA mailoko mai hoi o kela laau hoola ikaika loa i kapaia, KUTICURA, oia ka laau ikaika loa ma ke hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa. Aole loa e hiki he hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola, a me ka hoou’iu’i ana i ka ili, a pela aku. Pela hoi i ka ili oke poo, ka lauoho a me na wahi e @
Aole no i lihi launa mai na kopa ona aina e me kela, no ka auhau ana a me ka hana o na keiki liilii. Pela ihoia i lilo ai ka waiwai o na kopa a pau i HOOKAHI no ke KUMUKUAI hoo@ Helu Ekahi kela Kopa no na poino o ka ili a me kahi auau, a hehelu ekahi no hoi no na kamalii a puai ke ao nei.
NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi @ poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA @ mama ae ai ka akiaki ana a ka hu’i a me he ehaeha, a pela hoi e hoohana ai ka laau i kana hana a oia ka eha, alaila, e inu ka Laau Inu CUTIKURA i mea e mae ai ke koko maloko. Ke kuaiia ne keia laau ma na wahi a pau o ka honua nei. Ma Aukekulia; o R. Towne & Co., O Sydney, N.S.W. ko laila Agnea; ma Aferika Hema Depot; Lennon, Ltd. Na “Hoakaka no ka Hoole ana i na Bebe a me ko lakou mau ki@ nau,” he loaa wale no me ke kuai ole.
------------------------------------
HOOLAHA I KA PO@ HAHAI HOLOHOLONA, KAA@ ELE KUAHIWI, oto
***
KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NE KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.
NA AHAMAKA, NA NOHO KAAHELE, AME NA NOHO KULE, NA PU AME NA POKA
-------------------
PEARSON & POTTER CO.,
LIMITED
931 ALANUI PAPU
-------------------------------------------
HUI HOOLEWA HONOLULU
---------------
Ke hoolaio nei keia hui i kana mau lala. I keia wa ua ei mamua o 1300 lala, a ke @ mau nei i kela ame keia la.
J. H. TOWNSEND, Kakauolelo
-------------------
Fidelity Funding Co.
Kukuluia maluna o ke Kanawai o Kaleponi
Kumupaa i uku piha ia $ 200,000
Waihona Kuwaho 25,000
Aole he mau koi mawaho mai.
E haawi no makou i manawa i ka poe apau e makemake ana e hoopukapuka i ka lakou mau dala a e waiho kakoo aku ana hoi he loaa o 50 pa-ke-neta ia lakou e loaa no malalo mai o na makahiki Elua (2).
E haawi ia aku no na hoike apau me ka haule e
R. D. HIGHTOWER
Agena Nui ma Hawaii nei, 41 ame 42, Young Block,
Honolulu
----------------------------------
E HELE MAI A E IKE I NA MEA PILI I KA
Ahahui Kanukupapau
O AMERIKA
-----------
Ka Maikai
Ka Pono
Ka Haaha
---------------
E LOAA NO I NA LALA O KA AHAHUI HE $100.00
LILO HOOLEWA INA IA E MAKE
---------------
H. H. Williams
Mea Lawekupapau
LOVE BUILDING ALANUI PAPU
------------------------------
Ke Hamama nei ka Home o na l’a Ola
--I KEIA MANAWA MA—
Kapiolani Paka
E WEHE HAMAMA IA ANA KA HOME O NA I’A ma na ia apoau o ka pule mai ka hora 10 a.m. a hiki i ka hora 3.30 p.m.
Ma na La Sabati e wehe ia ana ma ka hora 1 p.m.
E WEHE HAMAMA IA ANA ma na Poaha apau me ka AUHAU OLE. Ma na la e ae e auhau la no he 10 keneta no na kanakamakua a he 5 keneta hoi no na keiki malalo mai o umi-kuma-maha makahiki.
O na Palulu La Maikai Loa no kou lanai hale oia no na Palulu Ohe. Eha a hiki i ka Umi Kapuai laula, no ke kumukuai o 20 keneta o ke kapuai.
E loaa no ma ka Halekuao o
FUKURODA
Helu 2@-82 Alanui Hotele
--------------------------
Makino Drug Co.
O ka wehe koke ia ana iho nei no ia
HE MAU WAIWAI HOU
NA LAAU LAPAAU APAU NA WAIALA MAEMAE LOA
He Hui Hawaii keia, a ke hauolo nei makou ke kipa mai ko makou mau hoaloha. He hiki ke loaa na laau lapaau apau i na manawa a pau o ka la a pela no hoi i ka po.
E hoomanao i kahi—kihi o na alanui Hotele ame Muliwai.
He mau waiwai hou—he mau paikini ano hou.
E kipa mai e ike ia makou.
*****
HE MAU HALE A RUMI HOOLIMALIMA ME KA EMI LOA NO UMI
MAKAHIKI KA LOIHI
E loaa no i na poe apau e makemake ana i mau HALE a mau RUMI hoolimalima, me ka emi a haahaa loa o ka auhau. Mai ka $1.50 o ka rumi no hookahi mahina, a pii aku.
He home kupono keia no ka poe apau mai ka poe waiwai a ka poe ilihune; eia ke noho nei he mau ohana lehulehu ma keia wahi, ua kani-a-moopuna kekahi poe. Nolaila, ela ka wa no na Hawaii e loaa ona wahi kupono e noho ai me ka oluolu loa o ka uku hoolimalima.
No na mea aku i koe, e ninau ia MR. DAVID KAAHANUI, ka Lunanui puuwai hamama ma Waiakamilo, Kalihi Camp.
---------------------------
GOO KIM
(KUKIMA)
KIHI O@ A ALANUI NUUANU ME HOTELE
Na Waiwai Lole Hou, na Waiwai Makamae, ame na Lole maua etc.
Ke kualia nei me ke kumukuai haahaa loa