Ka Nupepa Kuokoa, Volume XLII, Number 16, 15 ʻApelila 1904 — Apopo Owaowala na Keiki. [ARTICLE]

Apopo Owaowala na Keiki.

O ka la apopo oia ka la e owaowala ae ai na keiki o keia kulanakauhale ma ke kahua paani mauka ae nei o Kauluwela. O ka la keia I hookaawaleia ai no na lealea hookuku o na hana hooikaikakino a na keiki o keia kulanakauhale, a o ka la hoi o keia ame keia kula e hoike ae ai i ko lakou makaukau ma keia hana. Ua hanaia ae kekahi papa kuhikuhi no na hana o ia la, a e hiki ae ana ilaila ka bana Hawaii no ka hooleaf\i ana i na hana oia la. Ke manao wale ia nei e pa'iapa'i ana na hookuku ana a na kula ame na hui e komo ana iloko o na hana o ia la, aole hoi e like me na wa i hala ae nei ka lilo mau o ka hanohano i na keiki o ke kula o Kamehameha. O na kula e komo ae ana ma na hana o ia la oia ke Kula o Kamehameha, Punahou ame na hui Maile Ilima ame Honolulu.

O ke "Kanaka o ka La" oia kekahi kanaka e hahai nui ia nel e ko Honolulu nei poe i keia mau la. Ohuohu ola i ka lei I ka Poakolu nei iaia i hele aku ai e ike I kona mau hoaloha oluna o ka mokuahi Alameda. Mai poina i ka alawa ana ae i ka hoolaha e puka nei ma ko makou pepa e pili ana i na lumi ame na hale hoolimalima e waiho nei ma Kalihi, ma Waiokamilo Camp. E kipa ae e ike ia David Kaahanui, ka lunanui o ia wahi.