Ka Nupepa Kuokoa, Volume XLII, Number 16, 15 ʻApelila 1904 — NOHO KE KAU KIURE O APERILA NEI. [ARTICLE]

Kōkua No ke kikokikona ma kēia Kolamu

NOHO KE KAU KIURE O APERILA NEI.

Ma ke kakahiaka Poakahi, Apr 4, i weheia ae ai ke kau kiure o Aperila nei e Lunakanawai Kaapuni De Bolt ma kona hoonohonoho ana i na la e noho ai a hoolohe ia na hihia e waiho nei iluna o ka papa kuhikuhi hana o keia kau. Eia iho kekahi mau hihia e noonoo ia ana ma keia kau: Ka hihia pepehi kanaka o Edward M. Jones, e hoolohe ia ana i ka la 2 o Mei. Ka hihia pepehi kanaka o Osumi, hooloheia i ka Poalua mai. Ka hihia pepehi kanaka' o Yoshikawa Dengiro, e hoolohe ia ana i ka la 18 o keia mahina. Ka hihia pepehi kanaka o Man Chong, hooloheia ma keia Poakahi iho nei. Ma keia kau 'no hoi o ke kiure e noonoo ia ai na hihia o W. H. Wright; ka Puuku i alapoho iho.nei i na dala o ka waihona dala o na Pake. E noonoo pu ia ana hoi na hihia elima e ku-e ana ia B. H. Wright, me ke kali pu ana hoi i ka olelo hooholo a ka Aha Kiekie. Ma ka la 20 no hoi o keia mahina e hoolohe ia ai na hihia o Jonnah Kumalae, Enoeh Johnson ame Meheula. O kekahi mau hihia e ae e waiho nei ua hookaawale ia no ko lakou mau la e hoolohe ia ai.