Ka Nupepa Kuokoa, Volume XLII, Number 16, 15 ʻApelila 1904 — He Moku nani ka Likelike Hou. [ARTICLE]

He Moku nani ka Likelike Hou.

Ma ke kakahiakanui o ka Poalua nei i hookomo mai ai ka mokuahi Likelike Hou ( o ka Hui Mokuahi o Waila Ma, i ke awa o Kou nei mai Kapalakiko mai, mahope o kona holo ana mai ma ka moana no na la 9 a oi. He moku nani keia o 130 kapuai ka loihi, i ha-. naia me ka hao, a he 13 1-2 mile hoi kona holo 1 ka hora hookahi. Ma kana huakai mai nei mai Kapalakiko, he elua ona la iloko o ka ino, a ua hoike ae o Kapena F. M. BerK, ke kapena nana oia i lawe mai nei, i ka maikai o ka holo ana o keia moku a aole hoi he mau kuia i loaa aku i kona mau mikini, oiai. ka moku iloko o ka ino. Ma na ano apau he moku paa keia e haaheo ai ka hui nona ia moku ame ke kapena nana oia e hooholo aku maanei. I kona hoopili ana mai i ka uwapo ua hiki aku na lala o ka Hui Mokuahi o • Waila malaila a hoomaka aku la e makaikai i ka moku. Ua hoolele koke ia ae kona mau ukana i lawe mai ijei no keia awa a hoomakaukau koke ia no ka holo ana aku no kona mau awa ma Molokai, Lanai ame Maui. Ua hiki kino ae o Kapena Napala, a oia kekahi o na lAnaka Hawaii haaheo loa i ka hiki ana mai o kona moku hōu. O Kapena Napala, oia kekahi o na kanaka Hawaii i pii iluna o ke anuu kapena, a he Hawaii hoi i hoomaka i ka hana ma ke ano he sela no na moku 0 Walla ma. O Likelike kahiko, oia kekahi o na mokuahi a Kapena Napala 1 holoholo ai ma ke ano he sela, a me he mea la ia manawa ana e holoholo ana ma ia kulana, aole paha i . loaa mua iaia he moeuhane e hiki mai ana ka la ona e lilo aku ai i kapena no ka mokuahi e holo aku ana ma ia.inoa hookahi. He kanaka Hawaii o Napala i hilinalia e kona mau haku, a he Hawaii hoi i halawai ole na moku ana e noho kapena ana me na poino. Ua kamaaina oia i na kai o Hawaii nei, a ua hookele aku oia i kona mau moku me ka maalahi iwaena o na puko'«, ame na pilikia o ke alaholo moana me ka loaa ole o na poino. Oia npi kekahi o na kapena Hawaii noonoo maikai, a hoopono ma ka hana, a o kona hookiekieia ana ae i kapena no kekahi mokuahi hou loa, he haawina ia e hoike mai ana i ka hilinai piha o kona.mau haku iaia.