Ka Nupepa Kuokoa, Volume XLII, Number 14, 1 April 1904 — Page 5
| This text was transcribed by: | Kina'u Mckeague |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, APERILA 1, 1904.
Nuhou Kuloko
@ lono i loaa mai nei, e @ ka mokuahi hou o @ Pakipika, Managoli. @ ae nei o Mei.
-----
@ mai nei mai Kona. Ha@ ka kope ke ulu mai nei @ . He haawina keia i loaa a kau ua o kakou @
-----
@ ana ka noonoo ana i na @ ka poe a Kiaaina Carter i @ ma na oihana o ke @ keia kau Ahaolelo Kui@ @ mai.
-----
@ ae e noho ai ka Aha@ e like me ke kahea ana @. O na mokuahi holo @ la iho oia na moku @ kala o ia Ahaolelo.
-----
@ nei ka wahine a Ko@. Elele a Peresidena @ i hoouna mai ai i @ huli pono ai i na mea e @ ka hookahuliia ana o ke @. E noho iho ana oia maa @ ana no kekahi ma@.
-----
HOOIKAIKA I KA HANA.
---
@ Mar. 23 i lilo nui loa ai @ Kiaiaina Carter i ka @ h@ilio o ke Aupuni Te@ @ ke kaa mai maloko o @. M kela huli ana ua @ huahelu i kupono ma@ @ na p@lena loaa a o ua hua@ @. @ no umi-kumama @. Penei kekahi mau olelo @ e pili ana i keia hana @ hana ai ma ka Poakolu @.
@ ua hiki aku nei ka'u @ i na lilo i ka $1,730, @ ka loihi o ka hoomau @ ana pela no e ikaika @. He mea maikai ka @ iho i @ $250,000, aka nae ua @ ana aku i kahi e loaa aku @ ka huli ana i kekahi @ uku i nalowale iloko o @.
@ o keia mau huahelu aole @ pono loa, aka nae ua loaa @ na kela ame keia oihana @ Aupuni e hoonohonoho ai @ mau lilo. O keia mau papa @ e waiho ia aku ana imua @ kela oihana no ko lakou @ mau a hoololiloli paha. Malia @ loa ka pokepoke ana ma @ oihana, a o ka hana a @ keia poo o kela ame keia @ hooponopono ana mai i @ heluhelu. E pono no nae i @ poo ka hookomo mai i ka @ papa hoonohonoho lilo iloko @ kupono ma ka pokepoke ana @ mau @amu no ka hoopiha @i ka lakou mau makalua i @ ae e hoomahuahua ae."
@ hoike ae o Kakauolelo Atkinson i @ i kulike aku no me ko @ maluna o na hoonohonoho @ lilo no keia kau i koe.
-----
HOOKOIA KA HOOPII.
---
@ na hoopii a Herbert Kendall, ku-e @ Thomas R. Lucas, Charles Lucas @ John Lucas, e noi ana aole e @ i ka poe no lakou na inoa @ ka aelike no ke kukulu ana i @ kula o Lahainaluna, ua hoo@ @ noi a ka mea hoopii e Lunakanawai@ Kaapuni De Bolt, ma ka Poa@.
@ ke kumu o keia hooopii ana a Herbert Kendall, oia hoi, oia kekahi o na @ waiho ae i ke koho no ka hana @ halekula la, a i ka wa e huli @ kela ame keia haku kamana i ka @ huahelu no na lilo o ka @ ua halekula la ua hoololila @ hoonohonoho hana, a o ua @ aole i hoikeia aku iaia, a @ hana ana a ka Luna o na @ ua hookomo mai oia i ka@ na kiekie ae mamua o ka @ oiai no nae in a e hoololi 2 mau huahelu e like me @ o ka palapala hoonohonoho @ i hana hou ia ai, ua kaa @ k@h@ malalo o ka Lucas ma, @ ana o kana noi aole @ ana ua halekula la.
-----
@a Onamiliona Lawe Ma-luia
---
@ ka moolelo a ke Kuokoa i hoo@ a i keia manawa ua makau@ Hawaiian Gazette Co., me na @ buke ia no ka hoouna aku @ pau i makemake e loaa i mau @ moolelo maikai a hoonanea @ na kauoha buke me ka hoo@ i ke kumukuai o kanakolu @ keneta) o ka buke hookahi, @ dala haleleta a i ole ma ke @ elua a hookahi keneta.
@ ke Keena nei e pa'i buke @ e hoopukaia nei ma ke Ku@ @ na moolelo o na aina mamao @ kakou nei no hoi, he waiwai nui @ ka pa'i buke ia o na moolelo @ kumu e ola ai lakou ilo@ @ pililaula o kakou iho. @ ia i noonoo ai no ka po@ @ aka aole e holopono loa @ @ ke ole e laulima pu ia @.
@ ka heluhelu moolelo oia kekahi ala@ @ ka hoomakili noonoo no ka hoo@ @ ana, aka, e oleloia mai ana paha @ e no i ka heluhelu aka, he ma@ hookahi wale no ia, a i kekahi @ mamao e hiki mai ana e ma@ @ hou ai oe e heluhelu hou, a i ka @ i heluhelu piha i ua moolelo @ ka manawa maikai loa keia e loaa @ kope.
@ hoouna mai i na kauoha ame ke @ (@ keneta) ma ka inoa o Hawaiian Gazette Co., Honolulu, P. @ 208, a e hooko koke ia aku no @ kauoha. Ua makemake nui ia no@ i mea lawe pepa kumau no ke @ a ua hauoli nui makou no ia @ loaa mai kau kauoha ame ke @. He $@ no ka makahiki a he $@ no mahina.-L.H.
-----
HOAO E LAWE I KE OLA O KANA WAHINE.
---
Ma ka hora 10:15 o ka po Sabati nei i hoohikileleia ai na poe e kau ana iluna o ke kaauwila helu 3 e holo ana ma ke alanui Liliha mamuli o ke kani ana mai o kekahi mau piha pu panapana elua mai kahi mai a kekahi haole e ku ana. O George Harrison oia ka inoa o keia kanaka nana i ki i kiea mau piha pu elua, a i kiia mai i kana wahine oiai oia e kau aku ana iluna o ke kaauwila. Ua hopu koke ia aku keia kanaka ki-pu e C. Lambert. kekahi o na makai o na wa i hala ae nei, a laweia ae a hoopaaia aku iloko o Kuapapanui.
I ka wa i aia mai ai o keia hana, e iho mai ana ke kaauwila i hoikeia ae nei mai Puunei mai, a ku iho ia ma ke kihi o na alanui Liliha ame Kula mamuli o ke kahea ana aku o Mrs. Harrison i ke kiakaa e ku mai. I ka wa i aneane aku ai oia e kau iluna o ke kaa, oi no hoi ka manawa i kani mai ai o ka pu, a ia manawa hookahi no hoi i hina iho ai oia ilalo a kakaa ana iluna o ka lepo, aka nae, ua aia koke ae la oia iluna a kau koke aku la iluna o ke kaa me ka loaa ole o ka poino. Ua huli koke ae la oia a kauoha aku ia i ka mea ohi dala e hooholo koke aku i ke kaa me ka awiwi.
O Lambert, oia kekahi iluna o ke kaa i ka manawa i hanaia ai o keia hana ki-pu, a ua haalele koke iho ia oia i ke kaa a hele aku la no kahi ana i lohe ai i ka leo o ka pu. Halawai aku ia oia me George Harrison, a hopu aku ia no hoi iaia. I ka nanaia ana o ka pu au loaa iho ia he elua waihona poka i pau i ke kiia.
I ka luau o Mrs. Harrison ia la a mai kahi mai i malamaia ai keia luau i hoi mai ai oia me ka hauoli me ka loaa ole mai o ka manao eia kana kane ke hoohalua nei iaia. No Harrison hoi, me he mea la ua huli aku oia i kana wahine a pee iho la ma kahi e hiki ai iaia ke ike aku i ka hoi ana mai o kana wahine.
-----
PAU NA LUNAPAAHAO ME NA MAKAI NO KA HOEMI LILO.
---
E like me ka ke Kiaaina Carter e hana nei ma ke kaomi ana i na lilo aupuni pela oia i waiho aku ai ia mea hookahi i ka Makai Kiekie Brown no ke kaomi ana mai i na lilo o kona keena, ke Keena Makai a hiki i ka huina a ke Kiaaina i makemake ai oia hoi he $97,236.
Ua hooko aku ka Makai Nui Brown ma ka pokepoke ana mai i kekahi mau limahana o ua keena nei ona a he $8, 103 ka malele ae mai ka lilo kumau mua no ka mahina hookahi a ua waihoia aku la ua hoike la a ke Makai Nui i ke Kiaaina i ka Poakahi iho la, a o ka huina a ke Kiaaina i makemake ai no ka makahiki hookahi.
I ka hanaia ana nae o keia kaomi ana a loaa aku la ka huina i hoikeia ae la ua pau ae la na lunapaahao ame kekahi mau makai, aole wale o ko Oahu mei aka a puni ka Paeaina. No Oahu he 17; Hawaii, he 19; no Maui pau pu me ke Kahua Ma'i Lepera, he 19; Kauai, 8; huina pau o na makai i malele aku he 63.
Mawaho ae o keia ua hooaiai aku ka Makai Nui no ka hoololi ana i kekahi mau hana e pili ana i ka hoohana ana i na paahao no na hana o ka lehulehu a i ka manawa e hookuuia ai lakou iwaho no ka hana e uku ana ka oihana makai i mau lunapaahao a wahi a ka Makai Nui he mea pono na ke Keena o na Hana Hou e uku ia mau lunapaahoa no ka hooko ana i kona mau hana ponoi a pela i okiia ae ai he 10 lunapaahao no lakou ka uku pakahi he $75 no ka mahina hookahi ua like hoi ia me $750 no lakou apau no ka mahina a $9000 hoi ia no ka makahiki.
He mau iaia e ae kekahi a ka Makai Nui i pokepoke ai a i ka houluulu anan i na mea i kaomiia ua hiki aku ka heluna i ka $295,700 a oia no hoi ka makemake o ke Kiaaina.
-----
HE IWAKALUA MANAKUKE I LAWEIA NO INIA.
---
Mamua o ka holo ana aku nei o ka Mokuahi Siberia mai keia awa aku i ka Poakolu iho nei ua laweia ae he iwakalua lole manakuke i ka hui o Hakapila ma, (Hackfeld & Co.,) a i ka manawa ona i holo aku ai au lawe aku oia i keia mau iole manakuke he iwakalua ana hoi e waiho aku ai i Hongkong a malaila aku e lawe loa ia aku ai no Inia.
O kahi o lakou i makemakeia ai e hookuu he wahi mokupuni uuku no ia ma na kapakai o Inia, a o ka lakou hana i hoomaopopo mua ia oia ka pepehi nui ana i na iole.
He manawa koke i hala iho au loaa mai ia Kanikela Isenberg he noi e hoouna aku i heluna nui o na iole manakuke. O na manakuke i hookomoia i Hawaii nei e Joe Marsden he mau makahiki i hala aku nei ua laweia mai Jamaica mai, o ke kumu nae o ka iole ua hoounaia ae ilaila (Jamaica) mai Inia ae.
(Aia he mau ninau i loaa mai ia makou e ui mai ana i ka mea nana i makemake ke kuai iole manakuke ma ka meahou pili i keia kumuhana iloko o ka helu o ke Kuokoa i hala i hoike ole ia ka inoa o ka mea makemake kuai iole, a o keia maluna ae ka Hackfeld & Co., kekahi wahi kupono e ui ae ai i maopopo ai na mea apau pili ia mea.-L. H. Kuokoa.)
-----
WI KA AINA.
---
O keia malalo iho ka hoolaha "manawa puikaika" i kakauinoaia e ke kakauolelo kiekie no ka pono o na kakauolelo o ka aha hookolokolo he hoolaha hoi i kauia ae iloko o ka hale hookolokolo.
@E hooholoia no keia manawa e like me ka manao e pokepoke mai i ko makou ukuhana kumau a uku koke ole ia mai hoi na kikoo dala no na ukuhana, ke kapae nei makou i ka uku ana i ka makou mau hapaumi mai keia keena aku no "Kalahea Kaua" (War Cries) ame kekahi mau pepa pili hoomana e ae apau na buke ame na mea like a hiki i ka manawa ulakolako e hoea hou mai ai. Hooholo iokahi ia.
HENRY SMITH.
Malaki 18, 1904.
-----
KEKAHI MAU ANOAI O KE KAUA.
---
POTO ATA, Mar. 1@.-E like me na hoike i loaa mai mai kekahi poe Rukini e noho nei ma Kanahai, ua hokeia mai. I ka wa e kipokala ana ke awe o Poto Ata nei ma ka la 19 ame 11 o Feberuari, ua loaa aku la ka mokukaua papa ekahi. Mikasa, o lapana i kekahi mau poka a ua poino. He elua mokukaua a he elua mokukaua hoio ma@a o Iapena i hoihoiia aku a hukiia ae iluna o ke alahuki moku o Nagasaki ame Sasebo, a he 2,000 poe i eha e waiho mai nei iloko o na halema'i O ka poe Rukini ma'i a i eha e waiho nei ma Poto Ata nei eia lakou ke maikai ae nei.
POTO ATA, Mar. 14,- Ua hoi mai he elua mau kanaka Rukini i paa ai i na Kepani mamuli o ka hopupioia ana o ka moku lawe ohua Argun mawaho ae o Korea e ko Iapana mau mokukaua ma ka la 7 o Feberuari a laweia aku no Sasebo. Ua hoike ae keia mau Rukini ia laua ma Sasebo a iluna hoi o ka mokuahi Tokai Maru, kahi o laua ame ko laua mau hoa holo moana i hoopaaia ai, ma ka la 17 o Feberuari, ua ike laua i ke koloia ana mai o ka mokukaua holo mama Asuma o Iapana iloko o ke awa. Ua pau kona pukauwahi i ka nohaha, ua noha hoi kona aleo oluna, a ua poino hoi oluna o kona oneku i na poka i kiia mai maluna ona. O na moku i liiopio aku ia Iapana eia no lakou apau ke paa mai nei iloko o ke awa o Sasebo. Ua hoike pu ae no hoi lakou ua hoole ae na Kepani waiwai i ka hoaie ana aku i ke Aupuni.
TOKIO, Mar. 23.- Ua loaa mai nei kekahi lono mai ia Moji mai e hoike ana au lele kaua aku na aumokukaua o Iapana i ke awa o Poto Ata ma ka la 18 nei, a ua kipokaia aku na papu. Ua oleloia o keia ke kaua hahana loa, oiai ua puka mai na mokukaua o Rusia a hui pu mai ma keia kipoka ana a ma keia no hoi ua poino kekahi mokukaua o Rusia. He ehiku ka nui o ka poe i make ma keia paio ana ma ka aoao o na mokukaua o Iapana. Aole i loaa mai i ke Keena Kaua maanei he lono no keia mea.
-----
HOAO E PUHI I KA HALE.
---
Ma kahi o ka hora ekahi o ka wanaao Poakahi nei i hanaia ae ai kekahi hana hoao e puhi i ke ahi ka hale e ku nei ma ka aoao mauka o ke kihi o ke alanui Muliwai ame Pauahi, a e nohola nei hoi e kakahi mau Kepani malama halekuai. I ka manawa i hoikeia ae nei e noho ana kekahi mau Kepani maluna o ka pa pale o ke kahawai o Nuuanu, e nanea ana i ke konane mai o ka mahina, a ia lakou malaila ua ike aku ia lakou i ka a ana mai o ke ahi iluna o ka lanai o ka hale i koikeia ae nei. Ua holo like aku la keia mau Kepani me na pakeke wai a hiki i kahi e a ana o ke ahi a kinai iho la a pio. I ka huli nui ana o keia mau Kepani i ke kumu o ka a ana o ke ahi, ike iho la lakou nei ua nininiia oluna o ka lanai me ka ailamah, a pela no hoi kekahi moena e waiho ana. Ua hiki aku ka makai ma kahi o keia hana hoao e puhi ahi, a hanu aku la mahope o ka meheu o ka mea nana i hana i keia hana, aole no nae he wahi mea a loaa aku.
-----
Nui ka poe hoohalahala
---
E PAU NO NA HOOHALAHALA O KO HONOLULU NEI POE KE HOOLOHE I KEIA OLELO A'O.
---
O ke kuahaneenee ka hoailona mua o ka hoohalahala.
Na na puupaa ia i hoopuka mai ke nana pono ole oe.
E makaala no keia pilikia, oiai e hoea io mai ana no ia.
O ka ma'i puu-mimi, ame ko na puupaa ame na ma'i e ae he nui.
O na Huaale Kuahaneenee a Doan ka laau kupono wale no no na ma'i puupaa.
He hoolaia e lakou na ano ma'i apau o na puupaa.
O ka ike o ko Honolulu nei poe ka mea nana e hooiaio i keia.
Eia kahi moolelo pili ia mea.
O. Mr. F. Metcalf o keia kulanakauhale ka mea nana i hoike mai ia makou i keai malalo iho: "No elima makahiki i noho mau aiau iloko o ka ehaeha ma kuu kua. Nui na laau lapaau i hoohanaia, a aole lakou i haawi mai ia'u i ka oluolu a hiki wale i ka loaa ana ia'u he olelo a'o mai kekahi hoaloha mai o'u (o Mr. W. J. Maxwell) a o ko'u kii no ia ma ka halekuai o Hollister ma, (Hollister Drug Co.,) he mau Huaale Kuahaneenee a Doan."
"Aole i pau loa keia mau huaale ia'u i ka aila." wahi ana i hoomau aku ai, "o ka haalele pau loa mai no ia o ka eha ia'u a'u e ike nei i ko'u hoola loa ia ana mai keia ma'i weliweli nui wale a'u i hoomanawanui ai. Ma ko'u malama mau ana i mau poho huaale o keia ano iloko o ko'u hale, he kupale ana aku ia i ka hoi hou mai o au kupua hoehaeha nei no na manawa e hiki mai ana. Me he la he hana mana ka i hanaia e keia mau huaale ma ka pau koke ana o ka eha me ka hikiwawe. He mea pono i ka poe apau i loaa i ke kuahaneenee e kii i na Huaale Kuahaneenee a Doan."
He kualia na Huaale Kuahaneenee a Doan e ka poe kuai laau lapaau apau no 50 keneta o ke poho hookahi eono poho i ka $3.50 a e loaa no ma ke ekeleta mai ka Hollister Drug Co., aku ma Honolulu, na agena kuai kukaa no ka Paeaina Hawaii, ke loaa aku ke kumukuai.
-----
Makemake ia Kahapula ka Lunahoomalu.
---
(Mai ka aoao 1 mai.)
olelo e manaoia e hilinaiia aku a o ka apono wale mai no ka na hoa ahaolelo oiai aole e manaoia ua loaa pau loa ia lakou ka ike piha no ke kulana o ke Aupuni oiai ma kahi o elua wale no a lakou manawa e komo ai iloko o ka hana.
Wahi ana ina e hookuu na Repubalika i ke kalalaina ma ka lawelawe ana iloko o keia kau kuikawa alaila e hana aku no na Home Rula pela. O na hoa Repubalika haole ehiku ua olelo aku lakou ia Beckley e koho no lakou iaia i lunahoomalu in a nae e ae o Beckley e waiho koke i kona kulana lunahoomalu, eia nae aole e ae ana o Kahapula e hana pela.
-----
Nuhou Kuwaho
O HEARST KA MOHO PERESIDENA DEMOCARATA.
NU IOKA, Mar. 12.-O na elele mai Roda Aliana mai i ka Ahahui Lahui o ka aoao Demokarata e hele ana lakou no ke kakoo ana ia William Randolph Hearst. Ua hoike ae na elele malalo o kekahi olelo hoohoia.
E HOOKOLOKOLOIA NEI.
KAPALAKIKO, Mar. 15.-Ua hoomaka hou ka hookolokoloia ana o Mrs. Cordelia Botkin.
(O keia wahine e hookolokolo hou ia nei, me he mea la aole paha i poina i ka poe i heluhelu i ka moolelo o kana hana i hana ai ma ka hoouna ana. I ke poho ko omoomo ma ke ano he makana, a pau ai kekahi poe i ka make ma Delewea. O ua wahine ia keia e hookolokolo hou ia mai nei mahope no nae o kona hoopaiia ana no ka pepehi kanaka ma ke degere ekahi.)
LADANA, Mar. 16.-O ka hiki ole ana i ke Aupuni ke lawe ae i ka ikaika o ka Hale Makaainana maluna o ka ninau e pili ana i ka hooponopono Aupuni o Irelana ua hoikeia ae oia ka hoike no ka nawaliwali o ke Aupuni. Ke manaoia nei aoie paha e hookuu koke ia ana na hana Ahaolelo.
KUIKAHI ENELANI AME FARANI.
PARISA, Mar. 17.-Ua loaa ae nei keia manao, ua hiki aku nei ko Farani ame ko Enelani keehina hope ma na nu-ne ana ia Nufaunelani. O na kukai ana e pili ana no Morocco, Aitupita ame Siama he maikai. Ua hookuu aku o Farani i kona pono ma Nufaunelani aka nae ua paa iho no i kona pono ma na aekai.
KO IAPANA AUHAU KOPAA.
TOKIO, Mar. 18.-Ke manaoia nei e auhau aku i ke kopaa e like me keia: Ko Denemaka papa-ko. Helu 1, hookahi iana no ka haneri paona; Helu 2, hookahi iana ame kanaha sen; Helu 3, hookahi iana ame kanawalu sen; Helu 4, eha iana ame iwakalua sen.
UMI-KUMAMAKAHI POE I POINO.
LADANA, Mar. 19.-Ua hookui aku kekahi moku lawe ukana me kekahi waapa marina mawaho ae o Plymouth. He umi-kumamakahi poe i piholo a make.
AUHEE KO GEREMANIA MAU KOA
BELINA, Mar. 19.-Ua hoikeia mai nei ua ala mai kekahi hakoko kaua ikaika ma Geremania Aferika Komohanahema ma ka la 13 iho nei. Ua auhee aku na koa Geremania me 28 poe i make a he heluna nui hoi o ka poe i eha.
KAPEKEPEKE KA PILINA A KA NIHONIHO.
PARISA, Mar. 20.-Ke puikaika nei ke kulana launa mawaena o Farani ame Vatican. Aole e kipa ae ana o Peresidena Loubet, ma kana huakai mo Roma, e ike i ka Pope. Ke kulanalana nei ka Aha Kuhina.
MAKE A KANUIA I KA OPU O KA MOANA.
DUBLIN, Mar. 21.-Ua hookui ae ka moku kalepa Geremania, Mona, me ka moku Pelekane Lady Cairns iloko nei o ke kaikuono i keia la. Ua piholo iho o Lady Cairns. He iwakalua poe i make.
SOUTH HAMPTON, Mar. Mar. 21.-Ua hookui ae i keia la ka mokuahi Nu Ioka o ka Hui Mokuahi Amerika me ka mokukoa Assail. He kanalima ka nui o na koa iluna o ka mokukoa Assail ia manawa. Ua loaa like na poino he nui i keia mau moku a i elua.
MA'I BUBONIKA MA AFERIKA.
JOHANNESBURG, Mar. 21.-Ua puka ae nei ka ma'i bubonika iwaena o ka poe limahana Inia. He kanakolu ka nui o ka poe i make mai ka Poaha mai.
HE MAU MOHO NO KEKAHI HANA O HAWAII NEI.
WASINETONA, Mar. 24.-O na moho e makemake nei e lilo i mau lunakanawai no ka Aha Kiekie o Hawaii oia o E. P. Dole, Henry Highton, Lunakanawai Kaapuni Robikana ame Henry E. Kupa, e hui aku ana hoi me na Lunakanawai Kiekie Frear ame Perry e noho mai nei i keia manawa. Ina e loaa ae ana he makalua ma kahi o ka Aha Kaapuni e komo ae ana o Loio Matthewman i moho no ia kulana.
APONOIA O STACKABLE.
WASINETONA, Mar. 25.-Ua apono ae nei ka Aha Senate i ka lilo ana o E. R. Stackable i Luna Kuke Awa no ke Awa o Honolulu.
NUI KO KUPA KOPAA MA AMERIKA.
NU OLINA, Mar. 26.-Ua piha koonei hale kuke i na kopaa komo mai. He kanaiwa miliona oia ka loaa no na mahina ekolu i hala ae nei a mai ka manawa hoi i holo ae ke kanawai hoemi o 20 pa-keneta maluna o ko kupa mau waiwai komo mai.
LANAKILA KE KULA NUI O CAMBRIDGE.
PUTNEY, Mar. 27.-Ma ka heihei waapa i keia la mawaena o ke kula nui o Cambridge ame Oxford ua kaa aku ka lanakila i ke kula nui o Cambridge he eha me hapa waapa ka mamao. O ka manawa i holoia he 22 minute, 34 sekona. Ma ka hookuku i malamaia ma na hana hooikaika kino ua kaa aku no ka lanakila i ke kula nui o Cambridge he ewalu ia elua.
NA ALII O PELEKANE.
LADANA, Mar. 29.-Ua haalele iho nei ke Aliikane ame ka Moiwahine ianei no Kopenahakina no ka hui ohana ana.
KA MOKUAHI LIKELIKE HOU.
KAPALAKIKO, Mar. 29.-O ka mokuahi Likelike, i hanaia no kekahi hou o Honolulu, au hoaoia ae nei kona holo i ka la i nehinei (Malaki 28) a ma ia hoaoia ana au oi aku kona holo mamua o ka aelike i hanaia. E holo koke aku ana oia no Honolulu i keia mau ia iho.
KUNUKALEA.-O keia kekahi o na ma'i poino loa ke ole e loaa e na lapaau ana i ka wa kupono. Ma na hoike make ua ikeia ua oi aku ka nui o ka poe i make mamuli o keia ma'i mamua o ka ma'i fiva lenalena. E hiki no ke hoopau ia ae keia mau pilikia ma ka lawe mua ana i ka laau kunu Chamberlainʻs Cough Remedy. He mea ia nana e hoowali i na mea i paa iloko o ka houpo a he mea hoi ia e hemo pono mai ai ua mau mea la, hoohemo i ke kunu, a hoemi mai hoi i ka ikaika o ka onou ana a ke kunu a emi mai no hoi na ehaeha. Ua hoohana nui ia keia laau i na manawa apau i loaa mai ai na ahulau me ka holopono ame ka maikai. Ke kuai ia nei ma na halekuai laau lapaau apau. Benson, Smith & Co., Ltd., na Agena ma Hawaii nei.
-----
E Malama i kou Ili
KE ANO O KA MALAMA, HOOMAEMAE ME KA HOOUI ANA I KA HI A ME KA HELEHELENA.
No ka malama, hoomaemae a me ka hooui ana i na ili, i ole ai e loaa i ka huehue, ili pohaku, ili akaakaa wale, kolekole, lena, hou nui, ili nakakaka ili lahilahi, a i na ano kinaunau lehulehu wale o ka ili, aole loa kekahi kopa ili a helehelena paha e hiki ke hoohaiikeia me ke KOPA KUTICURA, no ka mea, aohe kopa e ae e hiki ai ke imi aku a loaa na kumu penei: ka paakiki, upehupehu a hoopaaia paha o na pukapuka o ka ili.
E Malama i kou Lauoho
KE ANO O KE PALE ANA I KA LAUOHO HELELEI. NA EHAEHA O KA ILI POO ME KE KEPIA.
E holoi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hamo malie me ke KUTICURA, ka laau hamo maemae loa. Ke komi malie ia a komo iloko o ka ili o ke poo. O keia wahi laau hoonui lilo ole. Iloko o kona ano ole, he oi aku o ka maikai no ka hoomaemae ana i ka ili o ke pooa e pau ana ka ekaeka o ka lauoho me ka ulu, a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana i naa me namea kupono e ulu ai, a e ulu auanei ka lauoho maluna o ka ili maemae, a ole maikai no hoi, ma kahi i nele ai i na laau e ae a pau.
E Malama ikou Lima
KE ANO O KA HANA ANA I NA LIMA PALUPALU ME KE AIAI I KA PO HOOKAHI.
E holoi a lumai i na lima i ka wa e makaukau ai e moe, iloko o ka huahua KOPA KUTICURA HAMO, ka laau hooia ili oi loa a o ka oi aku no hoi o ka laau hamo maemae loa. E komo i mikilima alualu i ka po, me ka hana nae i mau pukapuka ma na manamana. No na lima ula, kalakala, a mokumoku, maloo, nakakaka, maneo, owelawela o na poholima, maiao keke@, me na manamana hu'i. o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.
POTTER DRUG AND CHEM. COMP., Boston. U. S. A., na Ona o na laau CUTICURA a pau loa.
-----
Eia makou ke hoi nei no
ko makou Halekuai Hou
i noho mua ia iho nei e
Lewers & Cooke, Ltd.
ma Alanui Papu.
---
Pearson & Potter Co., LIMITED.
-----
I ka holo ana aku nei o na koa o Iapana i kaheaia ai maanei maluna aku o ka mokuahi Siberia, ua haawi aku ke Kanikela Iapana maanei he mau lipine i kakauia me kekahi mau huaolelo Kepani, a e kau ae ana lakou i au mau lipine nei ma ko lakou mau kuka ke hiki aku lakou i Iapana.
E hoomanao e ko Manoa poe ame ko na wahi e ae, ina he mau kino kupapau ka oukou e manao ana e kanu ma ka pa-ilina o Manoa, e hoike mua ae ia J. Paaniani, ka Lunakiai o ka pa-ilina o eli hewa ia a hu'e ia na iwi o ka poe e moe nei malaila a wawahi ia ko lakou mau pahu.
-----
HE HOALOHALOHA, WALOHIA
---
Ma ke kakahiaka o ka la 23 o Feberuari, 1904, ma Haiku Hamakualoa, Maui, ua oluolu i ka Makua Mana Lani, ka lawe ana aku ia D. Iaea, a haalele mai i kana kane aloha, ka ohana, ame na hoaloha e ae e kanikau pu aku nona ma keia aoao.
Nolaila, o makou o na lala o ka Ahahui Hooikaika Kristiano o Huelo, Hamakualoa, Maui, ame ke Kula Sabati ame ka Aha Ekalesia, a ma o ko makou komite la. E hooholoia:-Oiai he hoalawehana pu me makou, ke komo pu aku nei makou iloko o na ehaeha ame ke kanikau pu ana me ke kane, ame ka ohana apau, oiai ua kaheaia laua, e ka Ekalesia o Hiku, ame ka Ekalesia o Huelo, imau Makua no ia mau Kihapai, nolaila, hala ia Makuahine o ka pono, ma ia hana oia i hoomanawanui ai.
O makou iho no me ka waiohia i ka hoapaahana.
D. N. Opunui, Mrs. Milaina Opunui, Mrs. Abigaila Kahiamoe, Mrs. Kale Keaka Honokaupu, Mrs. Kina Warren, Miss Rebecca Akana-liilii, Master John Namaka.
Huelo, Hamakualoa, Maui, Feberuari 28th, 1904.
-----
E HELE MAI A E IKE I NA MEA PILI I KA
Ahahui Kanukupapau
O AMERIKA
---
Ka Maikai
Ka Pono
Ka Haahaa
---
E LOAA NO I NA LALA O KA AHAHUI HE $100.00 LILO HOOLEWA INA LA E MAKE.
---
H. H. Williams
Mea Lawekupapau
LOVE BUILDING ALANUI PAPU
-----
GOO KIM
[KUKIMA]
KIHI ON A ALANUI NUUANU ME HOTELE
Na Waiwai Lole Hou, na Waiwai
Makamae, âme na Lole mauu etc, Ke
kualia nei me ke kumukuai haahaa loa
-----
S. OZAKI,
Imua o ka lehulehu
KE HOIKE AKU NEI MAKOU KE HOOPAU NEI I KA MAKOU OIHANA KUAI LIILII A E KUAIIA AKU ANA KA MAKOU MAU WAIWAI ME NA KUMUKUAI HAAHAA MA KO MAKOU HALEKUAI MA KE ALANUI MOI.
E HOIKE IA AKU ANA KA MANAWA E KUAI AI.
109-115 ALANUI MOI.
-----
O na Palulu La Maikai Loa no kou lanai hale oia no na Palulu Ohe. Eha a hiki i ka Umi Kapuai laula, no ke Kumukuai o 20 keneta o ke kapuai.
E loaa no ma ka Halekuai o
FUKURODA
Helu 2@ Alanui Hotele
-----
HUI HOOLEWA HONOLULU
---
Ke hooiaio nei keia hui i kana mau hana kokua i kona mau lala. I keia wa ua oi mamua o 1800 lala, a ke nii mau nei i kela ame keia la.
J. H. TOWNSEND, Kakauolelo.
124 Alanui Beritania Tel. Main 411.
-----
Makino Drug Co.
O ka wehe koke ia ana iho nei no ia
HE MAU WAIWAI HOU
NA LAAU LAPAAU APAU
NA WAIALA MAEMAE LOA
He Hui Hawaii keia, a ke hauoli nei makou ke kipa mai ko makou mau hoaloha. He hiki ke loaa na laau lapaau apau i na manawa a pau o ka la i pela no hoi i ka po.
E hoomanao i kahi-kihi o na alanui Hotele ame Muliwai.
He mau waiwai hou-he mau paikini ano hou.
E kipa mai e ike ia makou.
-----
Ua loaa mai nei ka lono ma Honolulu nei ua hookuuia mai nei ka mokuahi Amerika Maru mai ka lilo ana i mokukaua no Iapana, a eia oia ka hoomakaukauia mai nei no ka holo-hou ana mai no ko kakou nei awa ame no Kapalakiko.