Ka Nupepa Kuokoa, Volume XLII, Number 13, 25 March 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KE KAUNAWAHINE

O KE

Kalanakauhale o Tarevis

___

KE ALOHA I KA MAKA PAHIKAUA

MOKUNA XVIIL

KA HAAWINA A'O A KA MAKA PAHIKAUA

 

            "Alaila o ka panapua ko kaua hoike no keia mau olelo hoopaa @ ko'u kiai no keia mua aka, a ma na wahi apau a'u e hele ai @ kahi. O ka'u mau kauoha wale no ke hooleoheia e ia me @ ole i ka ha'i. A na'u no koho ko'u wahi moe ame ko @. A e loaa pu no hoi ka hoomaopopo ma keia hope aku @ pu aku ame kuu panapua. A e loaa pu no hoi ka hoo-@ keia hope aku i ko'u komo pu aku ama kuu panapua @ kaua a na Akibihopa no ke kokua ana ia oe."

            "Aole a'u hoohalahala i koe ma ia mau mea a ua hooholo mai-@ wau i kuu manao i like me kau i hoike mai nei a oia no na @ hanaia aku ai." wahi a ke Kauna i pane aku ai.

            @ keia manawa ua loheia aku la kekahi kikeke ikaika ma ka @ ke kumu i huli nana mai la ua Kauna nei i ka Emepera me ka @ nui a na ka Emepera i kauoha aku i ka panapua e wehe i ka @.

            I ka hemo ana o ka puka oia no ka manawa i komo mai ai ke @ S@tinameta me ke kunahihi nui o kona helehelena a hoopuka @ la o ke ano kunahihi no.

            "@ kuu Haku, eia ka Akibihopa ame na koa ma Alakena i keia @. Ua komo ae nei lakou ilaila a ke hoomoana  nei malaila

@ pu hoi kakou i na koa."

            "I @ hoi mai anei ka mea nana i lawe aku nei i na wahine mai @ mai?"

            "Ae, e kuu Haku a o kona hoea ana mai nei no ia a eia iloko o @ kela nei."

            "A ua waiho aku nei oia ia lakou ilaila?"

            "Ae e kuu Haku."

            "@ aa wau e hoouna aku i elele e kii hou aku i keia mau @ ina oia ka makemake o kuu Haku," wahi a ke Kauna @ aku ai ia Rololofo.

            "Ua hala ka manawa kupono e hana ai ia mea a ke manao nei @ he pilikia e ili mai ana maluna o Hilda, a o ka hoouna @ he mea hoonawaliwali ia ia kakou."

 

MOKUNA XIX.

HUI NA ALOHA I KA MAKA O KA LAMALAMA.

           

            Alaila pii aku la ke Kauna Paele ame ka Emepera iluna i ke kahuakaua aleo i ukaliia hoi e ka panapua. Ua napoo ka la ia mapawa a o ka ;i'ula ka mea e pahola ana ia manawa a no ia nanaina nani i lawa ai ka malamalama no laua e ike ai i na halelole o na koa a ka enemi.

            "Ma ka inoa o kuu mau kupuna," i hooho leo nui ae ai ke Kauna, e hoolele no wai i elua pohaku nunui mai ka pu hoolei pohaku aku iloko o kela mau halelole mamua o ka poeleele loa ana."

            "Aole oe e hana ia ano hana i keia manawa," i a'o aku ai ka Emepera. "O ka hana maikai, oia no ke kali aku na ka Akibihopa @ lele mua mai, alaila hoohana aku i ko kakou ikaika, e lilo auanei ka pono ma kou aoao, no ka mea, e kaa ana oe ma ke kulana kupale a hoopakele ia oe iho a kaa ka Akibihopa ma ka aoao kipi."

            "O, ua pono kena a'o au. Ua wikiwiki loa wai ma ke kamailio ana."

            "Aole," wahi a ke Emepera i pane aku ai me ka leo oluolu, "o kau'u wale no i manao ai e olelo aku oia no ka hoomaopopo aku ia, oe, a nau no ia e haua aku e like me ka mana piha i loaa ia oe. Aole @ e hooka'ulua i ka hana aku i kau mau mea pau i manao ai @ a aoloe no wau e ke'ake'a aku."

            No kei mau olelo ua huli koke mai la ua Kauna nei a hopu mai la i ka lima o ke Emepera no ka lululima ana ame ka pumehana no @ i ka umii ana a pela no hoi ka Emepera i umii ikaika iho ai e hoika ana i ka lokahi like o ko laua mau noonoo i ka pana hookahi e ka nohona maluhia.

            "Ua pololei kau ae i waiho mai ne a hewa ka'u manao i hoike @ nei a e hanaia aku no e like me kau. Aole au i hui me kekahi @ e like me oe mamua a ua oi aku ko'u pili me oe e komo iloko @ ka pailo kue aku i na Akibihopa mamua o ko'u pili ana ma ka @ o na Akibihopa a kaua mai ia oe."

            "Aole he mau elele hoolana manao kiekie e ae i oi aku mamua @ olelo hoolana a kuu Haku i haawi mai nei, a he hookahi mea i maopopo loa oia no ko kaua ku pu ana e paio aku ina nei no ka lanakila a haule pio paha."

            Alaila huli ae la lakou no ka hooko ana i ka manao o ka Emepera i wahimoe nona a no ka panapua. Ua kiho ae oia he elua keena iluna o ka aleo o ke kukulu hema o ua kekela nei a o ka lumi maluna @ oia kona a o ko ka panapua ka lumi malalo iho. Ma ka pii loa ana aku iluna o ua aleo nei ua loaa koke iho la ka ike iaia he wahi maikai loa ia no ka panapua e hoohana ai i kana mea kaua ke hiki @ i ka manawa o ka hakoko.

            Ma ka maopopo ana o keia mea ua haalele iho la oia i ka panapua iloka o kona lumi a iho hou mai la ilalo no ka makemake ona @ hui aku me ke Kaunawahine Tekela no ka hoolana manao ana aku iaia mamuli o ha hiohiona i ikeia ia la ame na hana aloha ole a @ makuakane hanauna.

            I kona haawi kauoha ana i na kauwa oloko o ke kakela no ka hoike aku i ke Kaunawahine Tekela no kono makemake e hui me ia ua hooikaika aku aole uae he mea i lanakila ma ka hui ana aku me ua wahine opio nei.

            Mamuli o keia ua komo pu aku la no Rodolofo e huli pu i kahi @ e noho ana, me ka nui piloke iloko o kona noonoo, e manao ana malia paha ua ukali pu aku ke Kaunawahine ia Hilda, a ina pela aia oia iwaho o ke kakela i keia manawa a he mea hookaumaha loa iaia.

            Ua nui loa kona kaumaha a piloke pu ae la no hoi kona noonoo i keia ike ole ia o ua wahine opion nei ana hoi i haawi maoli ai i kona @ e ukali mahope ona a hiki i kona palekana loa ana mai na @ ana a ka Akibihopa aka i keia hoi ua haule paha kona noonoo @ kona manao maikai oiai aole he ikeia a aole he maanolana i @ iloko ona ina aia iloko o ke kakela.

            Alaila pii hou ae la kona huhu no ke Kauna Paele no ka mea oia ke @ nui o keia hoao ana o ke Kaunawahine e ukali mahope o Hilda e like me kana i olelo uwe ai, aka ua hooholo koke iho no eia e hulihele aku iloko o na lumi i koe o ua kakela nei a no ka nui @ oloko ua lawe ae la oia i kekahi lamalama i ho a mua ia a me ia iho la oia i hele ai e huli iloko o ua kakela nei.

            Iloko o kele ame keia lumi oia i hele ai me ka lamalama iloko o kona lima a aole he wahi mea a ikeia. Ma ka lumi hoi o Tekela i hoonohoia ai a oia no hoi kona lumi aole he hemo iki o ka puka a pela iho la i manaoia ai aole iloko olaila a hele loa aku ai ka huli ana iloko o na lumi e ae.

            He elua a ekolu manawa a Rodolofo i maalo ai ma ua lumi nei o ka wahine i lilo maoli ai kona puuwai pele iho la no ka nui o na hoopoho manaolana i loaa mai iaia, aka i kekahi hoi ana ana malaila e hoomalamalama ana no me ka lamalama ana e paa ana a mak ka puka aniani ua ike aku la oia i kekahi kino wahine ua aa@ uhi paa me kekahi kihei lahilahi o ke ano maikai loa a i ka manawa mua loa o kona ike ana ua manao maoli oia he anela i hoounaia mai no ka nani maoli, a no ia mea aole i hiki koke iaia ke hoopuka leo aku.

            Eia nae na hooikaika loa ae la oia e kau loa aku i ka lamalama oiai ua mea kino la e nee malie mai ana ma kahi o ka puka-aniani i hanaia me na kukuluhao mawaho aku a iloko o ka manawa koke no ua loaa aku la iaia ka ike o ke kino ana e ike la imua pono ona i hoomalamalamaia hoi e ka malamalama o ka malamalama ana e paa la oia no ke Kaunawahine Tekela.

            Ua nui koke ae la kona olipoli i ka ike ana a maha koke iho la kona uluku nui a olu koke iho la no hoi kona noonoo eia nae ua piha loa oia me na noonoo hooho mahalo i ka nani o ke kino e ku la imua ona, a he nani maoli i kana noonoo ana ana hoi i noonoo ai me he la he anela i hoounaia mai no ka hui ana me ia.

            Mamuli  o keia eehia nui loaa iaia mamuli o ke kokua a ka maka-o ka lamalama, oiai o ka malamalama o ka malamalama ana e paa ana oia ka maka nana i hoike aku iaia o ka wahine opio io na ia i lilo maopopo ai kona puuwai, a oia no hoi ka loaa pu ana aku i ke Kaunawahine Tekela, o ke kanaka opio imua o kona alo oia no ke kanaka opio i ahai ae a lilo ka pana o kona puuwai lahilahi ke kumu in komo like aku ai ka hauoli iloko like o laua a elua ma keia hui kamaha'o ana.

            O ke kanaka opio ka i eehia loa mamuli o keia hui kamaha'o ana ana i manao mua ole ai e hui ana pele, a no ia mea ua hakalia iho ka pane leo ana ma kona aoao nolaila ua kaa e mai l ka pane ana ma ka aoao o ka wahine opio.

            "O oe ane ia e kuu Haku Rodolofo? Ke hauoli nui ne au i kuu hui ana me oe?"

            "Ae owau no, e kuu Hakuwahine Tekela," i pane aku ai ka Emepela oiai oia e ku anan mawhao o ka puka-aniani a maloko mai no hoi ka wahine opio o kona lumi. "Aole i hiki ia'u ke noho pono me ka ike ole hou aku ia oe no ka hoolana ana i kou noonoo no na me i hanaia i keia la a no ia mea ua hooikaika nui wau e huli ia oe a hala wale kekahi manawa hoihi mamua o ko kaua hui ana. A ke hauoli loa nei au no keia hui ana o kaua no ko'u hoike aku ia oe, o na ano i hanaia i keia la ua olelo hoopaa mai ke Kauna aole oia e hana hou aku ma keia mua aku, a oia iho la ka nuhou maikai a'u i makemake nui loa ai e hoike aku ia oe no ka mea ua ike wau oia ka mea e hoolana ai i kou noonoo kaumaha."

            "Eia maua he mau paahao," i pane hou aku ai ke Kauanawahine. "Na'u no i hooholo iho e hana pela a ua lakaia ka puka e a'u a ua paa loa, he mau manawa iho nei ko kuu makuakane i hele mai nei e wehe i ka puka a me ke kahea ana mai ia maua e wehe aku aole nae o'u kii iki e wehe. A me ia nele oia i hoi aku ai me ka hana ole mai i kekahi hooweliweli e ae."

            "Eia no kuu makuahine hanauna ke moe mai ne no ka nui loa o kona maka'u a weliweli loa i na hana i hanaia, a ke manao nei wau aole ona lohe i ka kaua mea e kamailio nei. No ka olelo hoopaa a ke Kauna he mea paakiki ia'u ke hooia iho e hooko ana oia i kana olelo a pehea la ke ola maikai ana o na kanaka o na hana hooweliweli o keia ano iloko o keia honua maikai: a i ko'u manao he mea pono e ulaa pu ia keia ano kanaka."

            "No ia mea e kuu Hakuwahine, e manaolana aku kaua e hanaia mai ana ia hana e na Akibihopa oiai aia laua mawaho nei o kakou no ulaa pu aua i ke Kauna Paele a e waiho aku ia hana ua laua e hana mai a aole ho na kaua. Ua ike wau ua pioloke kona noonoo i ka nuhou a Konorado i hoike mai ai, a ----------------"

            "Alaila eia o Konorado me kakou i keia manawa? Ua huli hoi mai anei oia?"

            "Ae e kuu Hakuwahine. Ua hoi mai oia ka eha palapu ma kona kino a nana i hoike mua mai i ke kahua hoomoana o na Akibihopa o Kolone i kona hoa o ka oihana hookahi."

            "Aia anei na Akibihopa i Alakena i keia manawa?"

            "Ae. Aia ilaila a aia mawaho nei o kakou a puni."

            "A pehea ana la o Hilda i hooleiia aku nei iwaena o na enemi?"

            "Ua oi aku ka palekana o Hilda iwaho mamua ou e kuu Hakuwahine e noho nei iloko nei. Ua manao ke Kauna e hoouna i elele e hoihoi mai iaia aka na'u i ka-ua aku nei aole e hana pela, no ka mea he mea hoonawaliwali ia ia kakou a ua manao wau ua oi aku ka palekana o Hilda e noho mai la iwaho mamua o kona noho ana iloko nei a mamua o kakou e noho nei."

            "Ina he palekana io ia nona a he hiki iaia ke hele i o a ianei alaila ua maikai loa, no ka mea e hiki no iaia ke komo mai iloko nei e ike ai ia kakou a pela no hoi oia e hoi ai iwaho. Aka aole o'u nana no'u iho mamua o ko'u ike aku i ka maikai o kona noho aua ame kona ola!"

            "Aia anei he kupilikii no ka lilo pio aku o ke kakela nei?"

            "Aia he pilikia maopopo e hiki mai ana aole nae o ka nui. A o ka mea i maopopo ia'u i keia manawa aole he mea hiki ke hoike ae ahea la e hoomaka ai keia paio."

            "He ano powehiwehi loa kela, aole anei pela?"

            "Eia nae ua makaukau no kakou no ka paio aku, a ke manaolana nei au ua hiki no ia kakou ke ku aku me ka nana ole ae i ka manawa hea la e hoomaka ai."

            Alaila hanu kaumaha iho la ke Kaunawahine a hoopuka mai la no ka lawa o ko laua kukaioielo ana ia ahiahi. "Ua hoolana iol mail oe ia'u e kuu Haku Rodolofo ma keia hui ana o kaua a ke haawi aku nei wau i ko'u aloha ahiahi ia oe."

            "Ke hauoli nei wau no ia mea, a pehea la e hele hou mai no anei au e hui pu me oe i ka la apopo i ka manawa e like no me keia no ka hoike nuhou ana ia oe?"

            "Ae, e kuu Haku, aole hoi e hoohakalia ma ka hele ana mai. He hauoli nui ia no'u o kou hui mau mai me a'u i ike au i ko kakou kulana maoli e ku nei."

            Alaila nalowale koke iho la ke kino nani imu o ko Rodolofo alo, a huli hoi aku la uo hoi oia i knoa lumi iluna i ka aleo ma ke kukulu hem me kona noonoo me he la he moeuhane i aana e hooninipo ana.

 

MOKUNA XX.

KE KOI E HAAWIPIO I KE KAKELA TURONA.

 

            I ke kakahiaka ana ae ua ala ae la ka Emepera mamuli o ke kani kapalili o na ole o ke kakela,  a i kona pii ana aku iluna pono o kaupoku o ua alea nei aia hoi ua ike aku la oia i ka panapua ilaila a i na kanaka hoi o ke Kauna e ku laina ana ualalo o ka hooponopono ana o ko lakou Haku.

            O ka panapua hoi e hana pua ana no ka hoomakaukau ana no ke kaua a aole i kala kona pii ana ilaila - i ka wanaao okoa no a hiki wale i ka malamalama ana ua nui kana mau pua i makaukau.

(Aole i pau.)

 

MAKAI KIU

KALOKE HOME

AME KA

Hihia i Huliia me ka Noeau

 

MOKUNA X

HE MAU MEA ANO NUI I LAWEIA MAI KA HOIKE A WA KEKONA.

 

            "E nana aku oe i ko Sir Kale make ana! He lapuwale maoli no ia mea, oiai ua hoike ae na koronero pela. E hoomaopopo oe i kei mau hauwalaau ana ma ke kula i ka po. Aole loa he kanaka e hele aku ma ua kula la i ka po. E hoomanao oe i keia malihini e pee mai ne ma ke kula a e kiai mai nei hoi! Heaha kana e makemake nei? Heaha hoi kona manao ma kana hana e manao nei e hana? O ka manao maoli no o keia mau mea apau, oia hoi he mau mea apau, oia hoi he mau pino e loaa mai ana i ka mea e lawe ana i ka inoa o ka ohana Basekavila, a ke hauoli loa uei wai he hiki mai ka la e noho mail ai na kauwa hou a Sir Hanale Basekavila a hookuu i amai hoi wau."

            "No keia kanaka malihini au i olelo mai nei, eia ka'u ninau. Ua hiki anei ia oe ke hai mai ia'u i kekahi mau mea e pili ana nona au hoi i lohe ai mai kou kaikoeke mai? Heaha ka Seledoma i hai mai ai ia oe? Ua kike anei oia i kahi a keia malihini e pee nei? Heaha hoi kana hana e hana nei?"

            "Ua i mai o Seledoma, ua ike oia i ua kanaka la he elua a ekolu paha manawa, eia naei aole he hoopuku iki ua kanaka la i kekahi mea e pili ana no kana hana. I kinohi na manao o Seledoma he makai ua kanaka la, aka mahope mai ua ike iho la oia eia ua kanaka la ke hoohalua nei i kekahi mea. He keonimaua nae ke kulana o ua kanaka ia, ma ko Seledoma hoomaopopo ana aku iaia, aka nae o kana hana e hana nei aole loa i maopopo ia Seledoma."

            "Mehea hoi kona wahi e noho nei, ma kana hoike ana mai?"

            "Eia oia ke noho nei iloko e kekahi mau hala kahiko e ku mai ne ma ke kula - o keia no hoi na hale pohaku a ka poe kahiko i noho ai a e ku mai nei ma ka aoao o na puu."

            "A pehea hoi e loaa nei kana mau mea ai?"

            "Ua loaa aku keia ike ia Seledoma eia kekahi keiki me ia a oia ka mea nana e hana nei i kana mau hana a e lawe nei i kana mau mea i makemake ai. Ua ha'i pu ia mai no hoi ia'u eia oia ke hele nei no Camabe Tarece no kaua mau mea e makemake nei."

            "Ua pono ae la keia, e Baremoa. Ma keia mua aku e kamailio hou no kaua maluna o keia mea."

            I ka wa i pau ai keia mau kukaiolelo ana a laua, a hala aku hoi Baremoa, oia ka manawa a Kauka Wakekona i hele aku ai no ka puka-aniani, a nana aku la oia iwaho. E helelei ana na kulu pakaua me ka pa ana o ka makaui me ka ikaika. Oloko hoi o ka hale he puanuanu maoli no, a me he mea la aole a nele ka loaa ana aku o ka haawina oi ae o ka puanuanu mawaho kahi hoi o ka ino e pahola ana. Komo mai la na noonoo like ole iloko o Wakekona no ke kanaka e hoohalua nei ma ke kula, a loaa mai la keia mau ninau like ole iloko o kona noonoo. Heaha la ka hana a keia kanaka e hoohalua nei ma ke kula a iloko hoi o ka wa ino e like iho la me keia? Me he mea la aia iloko o kela mau pupupu hale pohaku e ku nei ma na aoao o ka puu ilaila e hoopau ia ai keia mau nunu ana iloko ona. Hoohiki iho la ua kauka nei, aole loa e hala hou kekahi la mamua o ka loaa ana iaia o ka mea oiaio mai keia kanaka e hoohalua nei, a malia o loaa mai ke ki o keia mea kupaianaha ana e huli nei i kona mole.

 

MOKUNA XI

KE KANAKA ILUNA O KA PUU.

 

            O na mea i ha iia ae nei ma ka mokuna i hala, oia na mea i hoopaaia maloko o ka Kauka Wakekona buke hoomanao mai ka la 16 mai Okatoba a hiki i ka la 18, a oia no hoi ka manawa i aneane loa mai ai e hoea mai ka hopena o keia mea paha'oha'o e huai ia ae a loaa knoa mole. Elua mea ano nui loa i loaa ia Kauka Wakekona i keia mau la. O ka mua, oia hoi, ua hoopaa o Sir Kale Basekavila mamua o knoa make ana e hui aku me Lola Laiana i ka po ma ka nora ame kahi hoi ana i make ai. O ka lua, oia hoi ke kauaka malihini e hoohalua nei ma ke kula i na hora o ka po. Me keia mau mea elua i loaa iaia, ua hooholo iho la oia i kaua hana e hana aku ai i kehaki la ae.

            Ia kakahiaka, ua ha'i aku la o Wakekona ia Sir Hanale i kana mau mea i loaa ai ia laua me Kauka Matimea i kau ai iluna o ke kaa a hoi mai no Basekavila Hale. Nonoi aku la oia iaia ina paha e makemake ana oia e hele pu me ia no kahi o Lola Laina. I Kinohi ua makemake ka barona e hele i ike ai oia i ka wahine ana ka leta i hoouna mai i kona makuakane, aka mahope mai na hoo@oli iho la oia i kona manao a hookuu aku la ia Wakekona e hele, oiai ma ia hana ana, ma ko laua hooholo like ana, he mea ia e holopono ai ka laua mea i makemake ai e ike. O ko laua hele like ana aku oia ka mea e kanalua mai ai ka wahine i ka ha'i ana mai i na mea apau. Mamuli o keia hooholo like ana a laua, ua hoomaka aku la o Kauka Wakekona e hele ma hana huakai, a kau aka la maluna o ke kaalio no Comabe Tarece ka pahuhopu.

            I kona hiki ana aku ilaila ua kauoha aku la oia ia Pekina e hoihoi aku i ka lio iloko o ka halelio a e hele hoi oia e ninaninau i na mea e pili ana no Lola Laiana. He mea paakiki ole ka loaa ana o kahi a ua wahine la e noho ana, a ia Wakekona i hiki aku ai i ka hale, ua alakaiia aku la keia e kekahi wahine lawelawe, me kona ninaninau ole mai ia ianei, a komo aku la o Wakekona iloko o kekahi lumi, a malaila oia i ike aku ai i kekahi wahine e noho mai aua a e kakau ana me ka mikini huakakau Reminatona, a iaia nei no hoi i ku aku ai imua o ua wahine la oia no hoi ka manawa i ku ae ai ua wahine la iluna me ka mino aka ma kona mau papalina a hookipa mai la iaia nei. I kona ike ana mai no nae he malihini keia kanaka e ku aku nei imu o kona alo, ua haikea ae la kona mau hiohiona a mae koke iho la no hoi na mino aka a Wakeknoa i ike mua aku ai.

            He wahine u'i maoli no kei ma ka Kauka Wakekona nana ana aku. O kona lauoho oia kekahi o na lauoho poni uliuli maikai loa ana i ike ai a ua kulike hoi ke ana o na huluhulu o kona mau ku'eku'e maka me kona lauoho, a o ka ula e popohe mai ana iluna o kona mau papalina ua like me kekahi mau opuu rose e mohala mai ana iloko o na lau uliuli o ke kumulaau rose. Iloko no nae o ka maikai o keia mau haawina a Wakekona i ike aku ai iluna o ka w@aihe, ua komo mai la iloko o kona lunaikehala na hoahewa ana no ua wahine la. Oia hoi aia maluna o na helehelena o ua wahine la he wahi uiuiki o na manao paakiki a manao e hooko wale ia no kona mau makemake, mawaho ae hoi o keia, he wahi wahine puni e hoolilo aku i kekahi mea okoa aku i enemi nui nona.

            Aole i nana o Kauka Wakeknoa no keia mau mea, oiai he hana okoa kana i hele mai ai a he hana hoi i waihola mai iloko o kona mau lima e hana aku. Noonoo iho la o Wakekona i kana hana e hana aku ai ame kana mau huaolelo e hoopuka aku ai uo ka hoolauna ana aku iaia me ka wahine.