Ka Nupepa Kuokoa, Volume XLII, Number 12, 18 Malaki 1904 — E PIO ANA KA HOME RULA. [ARTICLE]
E PIO ANA KA HOME RULA.
1 Eia i keia mau la ke lioomaopopo nei na kalaiaina o na mokupuni i ka hiki io mai, me ka ike pu iho o ka make ana o Wilikoki oia ka hoomaka ana mai o ka ikeia aku o ka hua o keia e like me ke ano mau, oia hoi, ka hehee aku o ka aoao kalaiaina Home Rula. O Kalauokalani wale no ka oi o ka aoao Home Rula o keia mau la a ke hala ae kona kulana alakai alaila he elua wale no aoao maopopo iloko o ka Pa:eaina nei a oia no hoi na aoao kalaiaina o Amerika Nui, ka aoao Repubalika ame ke Demokarata. j He mea maopopo e paio ikaika ana o Kalauokalani e paniku i ka hiki io mai o Jca oiaio o keia hopena, eia nae, e haule pa-hu ana, a o ka hopena o ka aoao Home Rula e hiki koke io mai ana ia,—Mai ka Nupepa Maui mai.