Ka Nupepa Kuokoa, Volume XLII, Number 12, 18 March 1904 — PAKE HANA NAAUPO. [ARTICLE]

PAKE HANA NAAUPO.

Ma ka hora 9 o ka po Poalua nei, ua hoao ae Ia o Leong Tung Kee e lawe i kona ola iho mamuli o kona oki ana i kona opu me kekahi kila oki laau. I kinohi ua ikaika kona manao e lawe ae i kona ola a i ka wa mua i komo aku ai ke kila iloko o kona opu ua pau ae la kela ikaika a haalulu iho la ■kona kino nie ka menemene i ka hana ana ' hana ai maluna o kona kino. Mamua o ka manawa i hoikeia ae nei, ua holo aku la kekahi poe keiki Hawaii a loaa aku la' ka makai kaulio, Mulleitner, a hai aku'la iaia i ke kupaianaha o na hana a kekahi Pake e noho ana ma ke alanui ololi o Aehi. Ua ike aku keia poe keiki i ua Pake la e moe ana iluna o kekahi mau papa i hoholaia iluna o kekahi mau pahu, a e namunamu ana kona waha me ka hoopuka ana i kekahi mau huaol§]p Beritania a ka poe holo kahiki. Ua hele aku la ka makai no kahi i kuhikuhiia mai ai iaia. laia i komo aku ai iloko o ka hale loaa aku la iaia ua Pake nei e moe ana, a o ke kila e kau ana ma kahi ana i oki iho ai. Ua kailiia mai la ke kila, a laweia ae la ua Pake nei no ka halewai. I ka. huliia ana o ke eke o ua Pake la loa'a aku la e waiho ana, kona lauoho iloko o ke eke. Ua okiia no e ua Pake la kona lauoho mamua o kona hoao ana e lawe ae i kona ola. I ka wa i hopuia ai o keia Pake ua hoopuka pinepine ae oia i keia mau huaolelo—"Molokai"—"lepera." Ua ma« nao wale ia e ka Oihana Makai ua noono paha keia Pake he mai lepera kona, ai. ma ia ano oia i manao ai e lawe ae i kona ola. I ka nana ia ana o kona wahi i eha ua ikeia aole no I kukonu&onu loa.