Ka Nupepa Kuokoa, Volume XLII, Number 12, 18 March 1904 — MAKEMAKE E KUAI I NA MANUKUKI. [ARTICLE]

MAKEMAKE E KUAI I NA MANUKUKI.

Ēia ke makemake mai nei ka poe e noho nei ma Kina e laweia aku na iole manakuki no ko lakou wahi no ka pepehi ana i na moo. Eia ma Honoluiu nei kekahi kanaka i hoounaia mai nei no ka huli ana i keia iole manakuki e laha loa nei i o kakou nei, a ua makemake keia kanaka e lawe aku ka poe e hikl ana ke hopu i keia ano iole iaia a nana e haawi mai i ke kumukuai kupono no ka iole. O ikeia iole manakuki ua laweia mai i Hawaii nei he mau makahiki loihi i hala ae nei no ka manao oia ka mea nana e pepehi aku i na iole maoli e noho nei iloko o na mahiko a pau ke ko i ka ai ia. Mahope mai ua ikeia ke ino mamuli o ka pilikia i ikeia maluna o na moa ame ka huamoa. He mea hoopilikia maoli no keia ano iole i ka poe e hanai moa ana, a oiai ke makemake ia mai nei keia ano iole e ka poe o Kina, aole anei he mea pono i ka poe e hat)ai moa nei ke hooikaika a loaa ka iole a lawe ae l keia kanaka e makemake mai nei? Ua 'hoikeia mai, o ka iole manakuki oia kekahi enemi ino loa o «ka moo a he pau ka moo i ka pepehiia e keia ano iole. Mai Inia mai i laweia mai ai keia iole a komo iloko o Hawaii nei.