Ka Nupepa Kuokoa, Volume XLII, Number 11, 11 March 1904 — I HALE HOOMAEMAE KOPAA. MAI KA "EVENING BULLETIN" MAI O FEBERUARI 29, 1904. NA MANAO ALAKAI O W. C. ACHI. [ARTICLE]

I HALE HOOMAEMAE KOPAA.

MAI KA "EVENING BULLETIN" MAI O FEBERUARI 29, 1904.

NA MANAO ALAKAI O W. C. ACHI.

I ka lehulehu: —O ka holomua o kela ame keia kanaka, me ka nana ole, eleele, melemele, ulaula a keokeo paha kona ili, ke kau nei no ia maluna 9 ke kumukuai o ke Kopaa maloko o ka pihana mahiko. Ke manaoio nei au, ua hiki mai ka manawa no kakou e huipu'ai me ka lokahi a hakaka aku no ko kakou mau pono. O ko'u manao ma keia mea, oia no keia, e ku ae kakou na poe ma Hawaii nei i keia wa, a kukala ae ke kokua nei kakou i ka manao e kukuluia i Hale Hoomaemae Kopaa ma NŪ loka a i ole ma Piladelepia, a i hookahl ma ke kahakai komohana o Amerika, no na lilo i $5,000,000.00 a i ole i $10,000.Q00. Malia paha o oleloia mai, o na poe , e lawelawe nei ma ke ano Agena no na Mahiko ka poe kupono .e hana ia hana, ke olelo nei au, aole pela, no ka mea, ke hauoli nei no lakou, no ka mea, he mea ole no ia lakou ia meā, oiai, na mahiko e puka ole ana, e ohi ana no lakou i ko lako'u mau uku Komikina, oial no nae na ona mahele iloko o na mahiko e noho ana me ka ohi ole i kahi puka; a o na poe e ae hoi e hana ana ma kē ano uku mahina e hana ana no na uku mahina emi mai. Nolaila, ke olelo nei au, aohe keia he ninau na na *Agena,-mahiko wale no e noonoo ai; ua ike no kakou, o na uku mahina o na mea apau, ina no e hana ana lakou no na poe Kalepa a i ole no ke Aupuni, ke kau nei no ia maluna o ka holomua o ka Aina; a oia holomua o ka Aina, ke kau nei no ia maluna o ke kumukuai o ke Kopaa. Pela no hoi me ka poe e hana nei noJakou iho, o ka holomua o ka lakou mau oihana ke kau nei no ia maluna o ke kūmukuai o ke Kupaa. O na.,.poe apau e hana nei a e loaa ana kahi dala, he mea pono e komo pu lakou iloko o keia paio ana; oia hoi, e haawi mai kela ame kela mea i kona mahele e like me kona mau loaa mai, iloko o kekahi Hui e kukulu ai i keia mau Hale Hoomaemae Kopaa. E ae mai hoi na Agena Mahiko e kuai mai i ka lakou mau Kopaa apau i keia Hui no kekahi mau makahiki. E hookomo mai -hoi na Mahiko i ko lakou mahele e like me ka nui o ko lakou loaa mai, o na Agena Mahiko hoi i ko lakou - mahele; na Kalepa hoi i ko lakou mahele; na luna Aupuni hoi i ko lakou mahele; na Kakauolelo hoi iloko o na Hale Kalepa i ko lakou mahele; a pela aku a hikKi na Pake ame na lapana. Alaila, e hoouna aku kakou i kanaka mai nei aku e malama i ko kakou mau hana; e like paha me* Senatoa L. L. MeCandless, Hon. Henry E. Cooper, a kanaka kupono e ae paha ma ke ano i Luna nui no ka Hui. E komo' ae na Hui, na Kaleoa, na Loio a pela wale aku; penei paha, e hookomo ae na mea apau i Umi pa keneta o ko lakou mau ioaa makahiki iloko o keia Hui; ke manaoio nei au, he mau makahiki pokole wale no, e lawa ana ke dala ia kakou e paio ai a loaa ka lanakila ma keia m^^. E hanaia hoi ka Hui ma ke ano i Umi dala no ka mahele, i hiki ai i na mea apau ke iawe i na mahele iloko o keia Hui. E noi aku hoL kakou i na Agena Mahiko e konio pu mai ma -keia a na lakou e alakai ia kakou ma keia hana. - He mea pono ia kakou ke hana, a e hana hoi me ka awiwi ma keia mea; i mea e hiki ai ia kakou ke hoopakeie ae ia kakou iho. O ka kakou mea kupono e ake aku ai e loaa i kumūkuai kupono no ko kakou mau Kopaa. Ke manaolana nei au e lohe lhai ka lehulehu mai. W. C. ACHI, Honoluiu, Feberuari 29th, 1904.