Ka Nupepa Kuokoa, Volume XLII, Number 11, 11 Malaki 1904 — I POE KOKUA IA RUSAWELA WALE NO. [ARTICLE]
I POE KOKUA IA RUSAWELA WALE NO.
Iloko o ka halawai Komite Kuwaena o ka Aoao Repubalika o ka Poaono i hala, ua waihoie* ae he olelo hooholo o John C. Lane, a o ka manao nui o ia olelo hooholo, i poe kokua wale no i ka lilo ana o Peresidena Rusawela i moho peresidena no ka Aoao Repubalika i keia kau ae, oia ka poe a ka Aha Wae Elele e noho ana ma Hilo e wae ai a hoouna aku i Amerika. Eia iho malalo iho nei ua olelo hooholo la: "Hooholoia, O ka manao nui o keia komite, o na elele ame na hoa hanohano e kohoia āku ana mai keia Teritori aku i ka Ahahui Lahui o ka Aoaō Repubalika, i poe kanaka wale no e kokua ana i ka wae 'ana ia Peresidena Rusawela, a e waiho ae kela ame keia elele ame na hoa hanohano i oleio hoopaa e kakoo ana, imua o ka. Aha Wae Elele, mamua o ko lakou wae ia ana aku, e hana ana lakou me ka oiaio no ka wae ana ia Peresidena Rusawela i moho Peresidena."