Ka Nupepa Kuokoa, Volume XLII, Number 11, 11 March 1904 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

  6     NUPEPA KUOKOA, MARAKI 11, 1904.     

 

Ke Kaikamahine

ame ka Wahine

 

E Malama mai ka wa Kamalii a

hiki i ke Kanakamakua ana.

 

  HE NUI KA POE I LOOHIA I NA NAWALIWALI MAMULI O KA HOOHEMAHEMAIA MAI KA WA KAMALII MAI O KE KINO.

 

  He mea pono i keia ame keia makuahine ke hoomanao iho e hiki mai ana ao ka manawa e lilo aku ai ua kaikamahine nei ana i wahine a i makuahine hoi no kekahi ohana. Ina aole e haawiia  na malama maiki ana i ka wa kamalii a-hooneleia hoi i na laau kupono nana e waele ae i ke kahua o ka nawaliwali  e hiki mai ana no ka manawa e loaa ai ua kaikamahine ia ana i na nawaliwali ikaika ma ke kino. Ua kakau mai o Mrs. John MacKinney o alanui Umi-kumamakolu, Helu 478 he mau huaolelo e pili ana i keia mau manao i hoikeia ae la maluna, penei:

  "Aole i loaa mai ia'u na malama maikai ana mai ko'u manawa kamalii mai a no ia mea he umi-kumamahiku o'u makahiki o ke kaama'i ana, he hopena hoi o ia malama maikai ole ia ana. He loaa mau wau i ke poniuniu, me ka loaa pu ia'u o na manao haupuupu e hana ia aku ana kekahi mea pono ole a no ia mea ua komo mai ka maka'u iloko o'u a hiki ole ia'u ke hele hookahi aku. O ko'u hanu ana he mama pu a he kapalili hoi ke pana ana a ko'u puuwai a ua hiki ole ia'u ke pii aku ma ke alapii a hiki ole no hoi ia'u ke hele awiwi. Ua nui ko'u manene e hiki ole ai la'u ke noho maikai iho. No na manawa lehulehu iloko o ka makahiki aia wau malalo o na malama ana a na kauka like ole me Detroit a ua nui no hoi na laau i hoolahaia iloko o na nupepa a'u i hoao ai. O keia mau mea apau aole loa he mea o lakou i haawi mai i ka maha a hiki i ko'u oleloia ana mai e kekahi o ko'u mau hoaloha e hoao i ku laau Huaale Akala a Dr. Williams no ka Poe Haikea, a e ia no hoi ko'u manawa i hooko ai. Mamua o ka pau ana o ka pahu mua hoomaka mai ia wau e ike i ko'u maikai n ai a hoomau aku la wau i ka lawe ana i ua mau huaale la a hiki i ko'u maikai loa ana a loaa no hoi ke ela ia'u.

  " I kela kau anu aku nei, ua loaa iho kla ka'u kaikamahine i ka ma'i rumatika a ua haawi aku wau iaia i ka Dr. Williams' Pink Pills for Pale People a loaa aku la no hoi ka maha iaia. O ia kaikamahine hanauna a'u, ua manao wale na kauka e loaa ana i ka ma'i akepau, a mamuli o ka'u mau kuhikuhi ana iaia, ua hoao iho la oia i keia huaale. Ua ola kona kunu a i keia manawa ua ikaika kona kino a ua maikai hoi kona ola. Ua nui ka mahalo o ko'u ohana holookoa i ka D. Williams' Pink Pills for Pale People a ua hiki ia makou ke waiho aku i na hoomaikai ana he nui no keia laau."

  O ke kumu o ke ola ana i keia mau huaale oia no ke komo loa ana aku o keia mau huaale i kahi i hookumu ai na ehaeha apau. O kekahi mau laau kapaau ala wale no ka lakou mau hana maluna o na hoailona o ka ma'i--o keia mau huaale hoi he komo loa i ke kumu e ka loaa ana mai o na ehaeha apau. Ma na hoike lehulehu i loaa mai ua maopopo aole he wa i hooneleia ai ke ola no na ma'i apau i loaa mai mamuli o ke koko ino ame na aakoko nawaliwali--o keia no hoi na mea waiwai nui elua a ke kanaka, e malama ai a e ke kikowaena hoi o na nawaliwali apau e loaa ana i ke kanaka. Ke kuaiia nei na Huaale Akaia a Kauka Williams no ka poe Haikea ma na pahu, he hookahi pahu no 50 keneta, a i ole he eono pahu no $2.50, a e loaa no hoi ma na halekuai laau lapaau apau, a i ole e hoounaia aku no mai ia Dr. Williams Medicine Co., Schenectady, N. Y.

 

Ka Poe a makou

i ike ai.

 

  HE POE LAKOU NO HONOLULU A O KA LAKOU E HOIKE AI HE POMAIKAI KULOKO IA.

 

  I ka manawa e loaa ai kekahi ano hana hou e like me ia malalo iho, alaila he haawina hoohiki koikoi ia na ko kakou poe heluhelu e kilohi iho ai. He nui na mea ano malihini e hoolahaia mai nei maloko o na nupepa he mau mea oiaio no, eia nae, hoomaloka no kanaka. Ma ke kumuhana hookahi ua nalohia aku ke ano hoomaloka. Ua loaa mai ia mamua o ka ike mai na kupa e kakou nei a o ka lakou mau hoike ua pili no ia ia lakou. O ka poe i kanalua e hoopauia ko lakou kanalua mamuli o keia maikai i ikeia ma ke alo. O na olelo hoike e waihoia ae ai i ke akea no kekahi kupa e noho nei no iloko nei o Honolulu, he mea hoi nau e ike ai iaia i keia ame keia la he mea ia e hoopau loa ai i ke ano hoomaloka.

  O kahi noho o Mrs. N. Joseph aia ma ke kihi o na alanui Liliha ame Moi.

  No ehiku mahina i eha ai ko'u kua, a e loaa ana hoi i keia ame keia wa i ke anu ame ka lia o ke kino. He maikai ole maoli no ko'u ola ana, a nolaila ua kuko nui loa au e loaa ona laau e loaa ai la'u kahi oluolu. Ua loaa io la'u ka'u mea i makemake ai i ma na huaale a Doan. Kuai aku ia wau ma ka halekuai laau o Hollister ma a ua hauoli loa au i ka hoike ana aku, aole wale no i haawi mai ia'u keia mau huaale, he maha aka he ola loa maoli no a no ia mea aohe o'u wahi kanalua iki ma ka hoomaikeike aku ia mea, oia hoi i ola au i na HUAALE A DOAN NO KE KUAHANEENEE AME PUUPAA. He laau maikai keia no na ma'i puupaa.

  He kuaiia na huaale a Doan no ke kuahaneenee ame puupaa e ka poe kuai laau lapaau apau, he kanalima keneta no ke poho hookahi a he eono poho no $2.50. E hoounaia aku no maloko o na Eke Leta e Hollister Drug Do. Honolulu, na agena kuai nui no ko Hawaii Paeaina ke loaa mai ke kumukuai.

 

  Ma Kohanaiki, Kona Akau, ma ka la 24 o Feberuari, ua hala aku ma kela aoao o ka muliwai make o Mrs. Kaili Kanohoanu. He makuahine oia i aloha nui i a a he wahine kristiano hoi ma kona nohona. He hoahanau oia no ko Kristo pa-hipa malaila.

 

He Noonoo Hawawa.

 

  Ua manao ia i kekahi manawa o ka laau ea hohono a mulea ke hoopa iho oia ka i oi ae no ka hoopomaikai ana i ke kino. Ke ike nei kakou oia ano noonoo he hawawa. Aole he kumu e hoopoino ai ka laau i na ike o ke kanaka e like no me ka hoopoino ole ana o na mea ai e aiia ana e ke kanaka. Nolaila, o kekahi lanakiia haaheo i loaa i ka hana laau o na makahiki pokole i kaahope ae nei oia paha ka kakou e olelo iho ai o ka hoopakele ana i ke ake mai ke anu mai. Ua ike no na mea apau i ka awahia ame ke ea ohonohono o keia laau oiai oia ma kona ano. Aohe no i hoohewahewaia ka olelo a ka hapanui o na kanaka e olelo nei e aho no e noho kaumaha mau me ka ma'i mamua o ka lawe ana i ka cod liver oil, a e hooikaika e hoohalike aku ua like no kona pelapela ame ka ino me ko ka aila maoli, me ka nana ole ae i na hoike e hoike ana ma ke ano okoa. Ano o kekahi o na kanawai o na mea mau, o ka laau e hoapono ole ai ke honi iho a pela no hoi ke hoopa iho me ka lehulehu, a e hoinoipo ana i ka opu, aole ia e hoopuka mai ana i ka maikai ma ke ano he laau, no ka mea, ke kahea nei ka waihona loko o ke kanaka e hoopakeleia mailoko ae o ka umii ana o ka eha. Iloko o ka

WAMPOLE'S PREPARATION

Aia ilaila kahi o ka hookalakupua i noho ai, a eia hoi me makou ka hana oia aila aole hoi he hapa okoa ae. O keia laau o keia au hou he onoono elike me kau e minoinoi ai i ka hone a i awaiauluia me na mea waiwai nui o ke ola ana o ka Pure Cold Liver Oil i lawela mai e makou mai ke akepaa mai o ka i'a cod makamaka hou loa, a hoohuihuiia me ka Compund Syrup o ka Malt ame Wild Cherry. E ae oluolu ana no ka puu moni ai iaia e komo aku ai iloko o ka opu e like me kona ae oluolu ana i ke kopaa, na mea ono i hanaia o keia ame keia ano a i ole o ke kilima, e pahee oluolu aku iloko o ka opu. Ma ka lawe ana mamua o ka ai ana e hele aku no ia me ka maaiahi no ke kahua paa o kahi e halawai ai ka ai lioko o ka opu me ka lumilumiia me ka pono ole a hakoko aku no kou pono; e pale ana a e hoola ana i ka ma'i haalulu, ka nele i ke koko, na ma'i o ka puu ame ke akemama ame na ma'i i loaa mai mamuli o ke koko maemae ole. Ua olelo ae o Kauka G. C. Shannon o Canada, penei. "E hoomau no au i ka'u lawelawe ana me ia, ke hooia nei au ua loaa mai ka pono nui i ka'u poe ma'i ame ke kuio ana o ka manao iloko ou." E pono e lawe aku i ka oiaio o ka cod liver oil; aole hoi o ka epaepa. O kana hana kamahao mai ka hookumuia ana oia ka mea nana e ha'i aku i ka oiaio. E kuaiia no keia laau e ka poe kuai laau apuni keia poepoe honua.

 

HOALOHALOHA.

 

Ia Mrs. Henry Waterhouse aloha oe:

  Oiai ua oluolu i ka Mea Mana Loa, ka lawe ana aku i ke ola makamae o kau kane i aloha nui ia, a hoa paahana pu, me makou, iloko o ka hana nui a ke Akua i haawi mai ai iloko o ko kakou mau lima, Hon. Henry Waterhouse, nolaila, o makou ka Ekalehia, ke Kula Sabati, ame ka Ahahui Hooikaika Kristiano o Paia, Maui, ma ko makou komite la, ke hooholo nei. Akai--Ke komo pu aku nei makou i ke kanikau pu ana me oe no kau kane aloha i hala aku ma ka aoao mau o ka honua. Elua--Ke @omo pu nei makou i ke kanikau pu ana me na keiki makua ole, ame na ohana e ae apau ana i haalele iho nei. Ekolu--Ke pule pu nei makou i ke Akua, e hoomama mai i ko oukou mau naau luuluu.

O makou iho no me ke aloha,

  Jno. Kalino, Peter N. Kahokuoluna, Jno. Kaluna, Sarah A. Kahoukoluna, Kawahine Kaluna, Komite.

  Paia Maui, Maraki 3, 1904.

 

HOALOHALOHA NO HENRY

WATERHOUSE

 

  Ma ka lokomaikai o ka Makua Lani ua oluolu oia i ka lawe ana aku i kana o ka Uhane mai ke kino aku o ko kakou hoaloha Henry Waterhouse i aloha nui ia, a ua haalele iho oia ma keia ao he wahine i aloha nui ia, he mau keiki, ka ohana ame na hoaloha he nui mai o a o o ka aina, nolaila:

  Hooholoia--O makou o na hoahanau, na haumana Kula Sabati ame na lala o na Ahahui Hooikaika Kristiano o Pukaana, Kona Hema, Hawaii, ma o ko makou komie la, ke hoike nei i ko makou aloha nui ame na hoomanao poina ole nona, ma kona launa oluolu ana me na Hawaii ame kona mau hooikaika ana o hooholomua i na hana Kristiano ma Hawaii nei, a ke komo pu aku nei makou iloko o ke kanikau pu ana nona me ka ohana i hoehaehaia a ke noi nei i ka Makua Lani e hoomama mai i na manao luuluu o ka ohana.

O makou iho no me ke aloha,

  T. K.  R. Amalu, E. K. Amalu S. M. Kaai, Katy M. Kaai, M. Keomau, E. K. Kaaua, G. W. Waiau, Thos. N. Haae, Pilipo Haae, Komite.

  Hookena, S. Kona, Hawaii, Feb. 28, 1904

 

HOALOHALOHA.

 

  E Mrs. Namoolau Ayers ame na moopuna i hooneleia i ke kupunawahine ole, luuluu, lihaliha, waiania, Aloha:

  Oiai, ua oluolu i ke Akua manaloa iloko o Kona lokomaikai palena ole, ka lawe ana aku i ka uhane o kou makuahine, ke kupunawahine hoi o na moopuna i hooneleia iho mahope nei i ke kupunawahine ma ke Sabati la 14 o keia mahina, Feb., A. D. 1904, ma Lahaina nei, mokupuni o Maui, ua ili iho maluna o oukou ka haawe luuluu o ke kaumaha nona ma ke kino, a oia haawina hookahi ua kau like mai maluna o kakou pakahi apau: a

  Oiai, o ka makuahine i moe e aku nei, he hoahanau oiaio oia i aloha nui loa ia, he haumana eleu a naauao i hilinai nui loa ia, a he iaia makaala no ka Ahahui Hooikaika Kristiano o ka Ekalesia makua o Wainee, Lahaina Maui.

  Nolaila, e hooholo ia Akahi:--O makou o ka Ekalesia, ke Kula Sabati, ame ka Ahahui Hooikaika Kristiano o Wainee, ma o ko makou komite ia i koho ia ke komo pu aku nei me oukou iloko o na U pu ana no ka mea aloha i moe aku nei me ka maluhia.

  Elua:--Ke pule nei makou i ka Makua Lani, e hoomaha mai i ko oukou luuluu. E hoomanao hoi "Nana no i haawi mai, a nana no i lawe aku, e hoomaikai ia Kona inoa."

  O makou iho no iloko o ka luuluu pu.

  S. Kapu, Kahu; Philip Pali, Kahu Kula Sabati; J. M. Kaiwipunakea, Peresidena o ka Ahahui Hooikaika Kristiano; Mrs. L. Kauwenaole, Puuku o ke Kula Sabati Mrs. Kualau, ame Mrs. Bateuba Otis.

 

Kue Kahea Ahaolelo Kuikawa.

(Mai ka aoao 1 mai.)

 

ana ka maha keia nele dla e kau nei."

  Ma ka Poalima o kela pule aku nei ua hui aku o Kakauolelo Atkinson me Kiaaina Carter a kukakuka no keia ninau nui, a ma ka laua kukakuka ana i loaa mai ai keia manao, eia ke Kiaaina ke manao nei pokepoke aku i na hoolilo o kela ame keia oihana o ke Aupuni a hiki i ka wa e loaa ai ke kaupaona like ana mawaena o na loaa ame na lilo o ke Aupuni. Ua loaa mai no na laulahea olelo ana e kahea ana ke Kiaaina i ka Ahaolelo Kuikawa, aka e like me keia mau manao e hoikeia nei, aole e kahea ia ana.

 

Hoomaka ke Kaua Aina

(Mai ka aoao 1 mai.)

 

Yang ame Haichung. He hahana loa ke kaua ana. O na koa Iapana e nee nei no keia mau wahi ua panaiia mai me ka lanakila no na manawa lehulehu iloko o na hakoko kikipu ana.

  CHEFOO, Mar. 10.--Ua hoikeia mai maanei ua hoea mai nei na kou Iapana ma Fung-Wang-Chan, he kanahakumamalima mile ma ka huli akaukomohana o Antung, a o ko Rusia awa hoi ma ka lihi-kahawai o Ialu. He mea hou ano nui keia oiai mai ia ano eia na koa Iapana ma ka aoao aku o ko Rusia kahua kaua, a malia o hiki aku mahope o ko Rusia kahua a oki ae i ko Rusia kahua ana me kona mau pualikoa, a ma ia ano no hoi e hiki ai ia Iapana ke lawepio ae ia Mukden ame ke alanui hao a o ka lilopio no ia o Poto Ata.

  LADANA, Mar. 10.--Ua moakakalea ia Iapana e lilopio ana ko Rusia mau kahua paa ma ka Hikina a nolaila eia o Iapana ke kukai nei no ka lawe ana aku i ka lanahu mai Enelani aku no Poto Ata ame Vladivostok.

  OKIO, Mar. 10.--Eia no na koa o Rusia ke hoomau nei i ka nee ana aku no ka hema e hiki aku ai i ke Kaikuono o Possiet.

  WEI-HAI-WEI, Mar. 10.--Ua hoikeia mai nei, i keia halawai ana ae o na koa o Rusia ame ko Korea ma Haiju, ua kaa ka lanakila i ko Korea poe.

 

HOOPAUIA KO LOIO ALULI

KOMISINA.

  MAUI, Malaki 5,--He hookahi la a oi mamua iho o ka haalele ana iho o ka Loio Aupuni Andrews ia Hawaii no Amerika ua hookohu iho la oia ia Loio N. W. Aluli ma ke ano i hope nona e loio ai i na hihia o ka Aha Kaapuni Elua i ka manawa e noho ai iloko o Maraki nei ma Wailuku.

  Mamuli o keia komikina ona ua noho hana aku la ua loio opio nei no na hihia i kukuluia imua o ua aha nei ame ka holomua no hoi ka hana ana. Ma ka Poakahi aku nei i hala ua hoea ae la ka Hope Loio Kuhina Peters ua hoopauia ae la ke komikina o Mr. Aluli no ua hana nei a hoopuka aku la he komikina no Loio M. F. Prosser o Kauai no ka noho ae ma ia hana.

 

  Ma ka Poalua o keia pule, ma Waikiki, ua hala i ke ala hoi ole mai o J. W. Kawai, he Hawaii i oleloia ua ola loihi no 104 makahiki. Ua hanauia oia i ka makahiki 1800.

 

  AOLE HE LAAU HAMO i hiki ke hoola i ka moku ame ka pepe o kou mau laia e ike me ka Chamberlain's Pain Balm. Aole no hoi he hoola hikiwawe loa o ka rumatica e like me keia. Aole he hoola kupono loa no na eha e like me ke kua haneenee ame ka eha ma ka umauma. E hoao i keia laau hamo i kamaaina ai oe no kona mau lala o ke ola a e loaa no ka makemake iloko ou nona. Ke kuaiia nei e na Halekuai Laau apau, Benson, Smith & Co., Ltd., na Agena ma Hawaii nei.

 

HOOLAHA A NA MEA PA'IKII.

 

  Ma a mahope aku o keia la e noila aku ai e uku mai i kekahi hapa o ke pa'i ana mai ka poe e pa'ikii ana e na mea no laua na inoa malaio iho nei.

         J. J. WILLIAMS

         RICE AND PERKINS.

3006--Mar. 11, 18.

 

HOOLAHA HOOKO MORAKI.

 

  HOOLAHA MANAO PANIKU A KUAI A KA MEA MALAMA MORAKI.

 

SEJI AME SHIMA FUKUDA.

 

  Ma keia ke haawiia aku nei ka hoohala mamuli o ka mana kuai iloko o kekahi moraki i hanaia i ka la 17 o Iulai, 1902, i hanaia e Seji Fukuda ame Shima Fukuda no Wailuku laua a elua, Maui, na Mea Moraki Mai, ia George Hons o Wailuku, Maui, ke Mea Paa Moraki, he moraki hoi i kakau kope ia iloko o ke Keena Kakau Kope o ke Aupuni, Oahu, iloko o ka Buke Helu 236, aoao 330 ame 331, a o ua moraki nei i oleloia ame ka nota i pii aku ua hoopaaia e kekahi palapala i hanaia i ka la 7 o Iulai, 1902, a i kakau kope ia iloko o ke Keena Kakau Kope o ke Aupuni, Oahu, iloko o ka Buke Helu 247, aoao 402-403, i hanaia e Ferdinanad Hons o Kahului, Mokupuni o Maui, Mea Hooko o a malalo o ka Palapala Kauoha hope loa o George Hons, mea i make, e hoolilo ana hoi ia R. R. Berg, a oia hoi ka mea kuleana a o ka mea malama hoi o ka moraki i keia manawa, o ka mea malama moraki i olelota ke manao nei e paniku i ka moraki i oleloia no na kumu i hoikeia iloko o ua moraki nei i oleloia e hoike ana: o ka uku ole la o ka ukupanee ame ke kumupaa i ka manawa e uku ai.

  Ke haawi pu ia aku nei no hoi ka hoolaha o na aina pakahi apau loa, na hale ame na pono apau i hoakakaia iloko o ua moraki la i oleloia e kuaiia aku ana ma ke kudala akea e James F. Morgan ma ke alo iho o ka Hale Hookolokolo iloko o Honolulu i oleloia ma ka Poaono, ka la 19 o Maraki, 1904, ma

 

HOOLAHA HOOKO MORAKI.

 

ka hora 12 awakea o ka la i oleloia.

  O ka waiwai i hoopaaia iloko o ka moraki i oleloia oia keia malalo iho:

  O kela mahele o ka aina apau loa e waiho la i Nahiku, Maui, i ikeia ka Apana Helu 20, Kuleana o ke Kuai Hoolimalima Helu 24, a i hoakaka piha pono ia iloko o ka Palapala Sila Aina Helu 4526 ia Seji Fukuda i oleloia i hanaia i ka la 5 o Novemaba, 1902, nona ka iliaina o 121 23-100 eka oi iki a emi mai, pau pu me nahale pakahi apau ame na kuleana apau loa i pili aku ilaila.

                                 R. R. BERG,

                      Mea Malama Moraki.

  Ma ke dala kuike ka makemake a ma ke dala gula Amerika no hoi, a ma ka aoao o ka mea kuai mai na lilo palapala apau.

  Hanaia i ka la 26 o Feberuari, A. D. 1904.

                       F. E. THOMPSON,

     Loio o ka Mea Malama Moraki.

      3004--Feb. 26--Mch. 4, 11, 18.

 

HOOLAHA MANAO PANIKU A KUAI

A KA MEA PAA MORAKI.

 

NICHOLS AME HOWARD.

  Malalo o ka pono o ka mana kuai iloko o kekahi moraki i hanaia i ka la 30 o Malaki 1901, e Albert E. Nichols ame Henry W. Howard, no Honolulu laua a elua, Mokupuni o Oahu, Teritori o Hawaii, Mea Moraki Mai, ia Allen & Robinson, Ltd., he hui Hawaii, Mea Paa Moraki a i kakau kope ia iloko o ka Buke Helu 221, aoao 258 a hiki i ka aoao 260, o ke Keena Kakau Kope Aina o ke Aupuni, a mamuli o Mokuna XXXIII o na Kanawai Ahaolelo o ka makahiki 1874, e pili ana i ke "Kanawai i hanaia no ke Kuai o ka waiwai morakiia me ka hoopii ole ame ke Kauoha no ke kuai ana, ame ke Kanawai (Mokuna IX o na Kanawai Ahaolelo o ka makahiki 1890) e pakui ana ia mea hookahi, o ka Allen & Robinson, Ltd., i oleloia, ma keia ke haawi nei i ka hoolaha no ka manao e paniku i ka moraki i oieloia no na kumu i uha 'iia, e hoike ana: o ka uku ole ia o elua palapala aie ame ka ukupanee i pili ia a iloko o laua, a he mau palapala aie hoi i hoopaaia malalo o ka moraki i oleloia.

  Ke haawi pu ia aku nei no hoi ka hoolaha o ka waiwai apau i hoopaaia e ua moraki la i oleloia e kuaiia aku ana ma ke kudala akea ma na keena kudala o James F. Morgan, Alanui Kaahumanu, Honolulu, ma ka Poaono, ka la 2 o Aperila, 1904, ma ka hora 12 awakea o ka la i oleloia.

  O ka waiwai i hoopaaia maloko o ua moraki ia i oieioia oia keia malaio iho:

  O kela palapala hoolimalima, pau pu me ka pa-hale i hooiimalimaia a hookoia e William F. Allen, Kahu no Daisy D. Cartwright ia Albert E. Nichols ame Henry W. Howard i oleloia i hanaia hoi i ka la 16 o Ianuari, 1901, o ka pa-hale e waiho la ma ka aoao Komohana-Akau o ke alanui Alakea mawaena o ke alanui Hotele ame alanui Beritania iloko o Honolulu i oleloia, no ka manawa o iwakalua makahiki mai ka la 1 o Ianuari 1901, no ka uku hoolimalima o Umi-kumamalua Haneri Dala ($1200) e hookaa mua ana ma kahookaa mahina ana; pau pu me na pono apau na kuleana apau o Albert E. Nichols ame Henry W. Howard i oleloia iloko o ua hoolimalima la i oleloia ame ka pa-hale ame na hale ame na hooponopono apau iluna o ua pa-hale la ma ka la o ka moraki i oleloia a i ole i hookahuaia maluna o ua pa-hale la mahope mai.

Ma o B. M. Allen, kona Peresidena.

Ma o James E. Jaeger, kona Puuku,

                          Mea Paa Moraki.

  Ma ke dala kuike ka makemake a ma ke dala gula Amerika no hoi, a ma ka aoao o ka mea kuai mai na lilo palapala apau.

  No na mea aku i koe e ninau ae ia Holmes ame Stanley, na Loio o ka Mea Paa Moraki.

  Hanaia ma Honolulu, Malaki 9, 1904,

3006--March 11, 18, 25,--Apr. 1.

 

HOOLAHA MANAO PANIKU A KU@I

A KA MEA PAA MORAKI.

 

JAMES H HAKUOLE.

  I kulike ai me ka mana kuai iloko o kekahi moraki i hanaia e James H. Hakuole o Honolulu, Mokupuni o Oahu, Teritori o Hawaii, ia A. L. Shaw o Honolulu i oleloia, ma ka la iwakaluakumamaiwa (29) o Novemaba, A. D. 1902, a i kakau kopeia iloko o ke Keena Kakau Kope o na Palapala Aina ma Oahu, iloko o ka Buke helu 247, aoao 62 ame 63 ma keia ke haawiia aku nei ka hoolaha ke manao nei ka Mea Paa Moraki e paniku i ka moraki i oleloia no na kumu i uha'iia e hoike ana i ka uku oie a o ke kumupaa ame ka ukupanee i ka manawa e uku ai, a maluna o ua paniku nei i oleloia e kuai ia aku ma ke kudala akea ma na keena kudala o James F. Morgan, Alanui Kaahumanu, Honolulu, ma Poaono, ka la 2 o Ianuari, A. D. 1904, hora 12 awakea o ka la i oleloia, ka aina i hoakakaia iloko o ka moraki i oleloia e like me ia malalo iho:

  E loaa no na mea aku i koe mai ka mea aku nona ka inoa malalo nei a i ole ma na keena kudala o James F. Morgan.

                    A. L. SHAW,

                      Mea Paa Moraki.

  O kela apana a mahele o ka aina apau loa e waiho la ma Kunawai, Kawaiolena, Honolulu, Oahu, oia no hoi ka Apana 2 o ka Palapala Sila Nui Helu 6764, L. C.A. Helu 6247, hoopukaia ia Kanaulu, nona ka iliaina o 3 68-100 Eka, a oi@ no hoi ka aina i hooliloia i ka Mea Moraki Mai ma ka palapala kuai aina a Kekuialono (w) i hanaia i ka la elua (2) o Ianuari, A. D. 1900, a i kakau kope ia iloko o ka Buke Helu 201, aoao 333.

2993--Dec. 11, 18, 25, and Jan. 1.

 

  O ke kuai kudala o ka mooraki maluna ae ua hoopaneeia a ka Poaono, Feberuari 13, 1904, i ka hora 12 awakea o ka la i oleloia ma na keena kudala o James F. Morgan, helu 857 Alanui Kaahumanu, Honolulu.

  Ma keia ke hoolaha hou ia aku nei ua hoopanee hou ia ke kuai o ka moraki maluna ae a ka hora 12 awakea o ka Poaono Feberuari 27, 1904, ma ke Keena Kudala i hoikeia maluna ae.

                           A. L. SHAW,

                            Mea Paa Moraki.

3003--Feb. 19, 26.

 

  O ke kuai maluna ae ua hoopaneeia a ka Poaono Maraki 26, 1904, hora 12 awakea ma kahi i hoikeia maluna.

                 A. L. SHAW, Mea Paa Moraki.

  3006--Mch. 4.

 

HOOLAHA HOOKO MORAKI.

 

HOOLAHA MANAO PANIKU A KUAI

A KA MEA PAA MORAKI.

 

A. B. LOEBENSTEIN.

 

  Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia i ka la 6 o Sepatemaba, 1897, e A. B. Loebenstein, Kahu, no Hilo, Mokupuni o Hawaii, ko Hawaii Paeaina, Mea Moraki Mai , ia W. O. Smith, Kahu, no Honolulu, Mokupuni o Oahu, ko Hawaii Paeaina. Mea Paa Moraki, i kakau kope ia iloko o ke Keena Kakau Kope Aina o ke Aupuni, Oahu, iloko o ka buke helu 171, aoao 237, 238 and 239, a o ua moraki ia i oleloia ua hooliloia e W. O. Smith i oleloia, Kahu, ia A. S. Wilcox, o Hanamaulu, Mokupuni o Kauai, Teritori o Hawaii, ma kekahi palapala i hanaia i Sepatemaba 6, 1897, a i kakau kope ia iloko o ke Keena Kakau Kope o ke Aupuni, Oahu, iloko o ka buke helu 171, aoao 307, o A. S. Wilcox nei i oleloia, ka mea malama o ka moraki o ka mea paa moraki, ke manao nei e paniku i ka moraki i oleloia no na kumu i uhakiia, e hoike ana o ka uku ole ia o ke kumupaa ame ka ukupanee i ka manawa e uku ai.

  Ke haawi pu ia aku nei no hoi ka hoolaha o ka waiwai i hoopaaia iloko o ua moraki la i oleloia e kuai ia aku ana ma ke kudala akea ma ka hale Hookolokolo o Hilo, Mokupuni o Hawaii, Teritori o Hawaii, ma ka hore 12 awakea o ka Poaha, ka la 24 o Maraki, 1904, e I. E. Ray, ka Mea Kudala.

  O ka waiwai i hoopaaia iloko o ka moraki i oleloia oia keia malalo iho:

  O kela apana a mahele o ka aina e waiho la iloko o Hilo, Mokupuni o Hawaii, ko Hawaii Paeaina, i kapa laulaha ia hoi ka "Mokupuni o Reeds" (Reeds Island), oia no hoi ka mahele o ka aina i apoia e na hapa o ka Muliwai o Wailuku, a oia no hoi ka hana o ke Ahupuaa o Piihonua, i kapaia "Koloiki," nona hoi ka iliaina o 26 eka oi iki a emi mai.

  Pau pu me na pono apau, na kuleana apau i pili ilaila, ame na hana hou o luna o ka aina.

  Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.

  No na mea aku i koe e ike ae ia W. O. Smith, Judd Building (Hale), Honolulu, a i ole ia I. E. Ray, Hilo Hawaii.

                                 A. S. WILCOX,

                                 Mea Paa Moraki.

  Hanaia Honolulu, Feberuari 25, 1904.

3004--Feb. 26; Mch. 4, 11, 18

 

HOOLAHA MANAO PANIKU A KUAI

A KA MEA PAA MORAKI.

 

WILLIAM M. CUNNINGHAM.

 

  Ma kela ke haawiia aku nei ka hoolaha mamuli o ka mana kuai iloko o kekahi moraki i hanaia i ka la 23 o Iulai, 1901, i hanaia e a mawaena o William M. Cunningham o Honolulu, Teritori o Hawaii, Mea Moraki mai, ame F. A. Schaefer, H. Focke ame W. Lanz o lakou apau no Honolulu i olelo mua ia ae nei, he poe lawelawe oihana pu hoi iloko olaila ma ke ano hui malalo o ka inoa hui o "F. A. Schaefer & Company," ma ke ano Mea Paa Moraki, he moraki hoi i kakau kope ia iloko o ka Buke Helu 220, aoao 474 ame 476 o ke Keena Kakau Kope Aina o ke Aupuni, o ka "F. A. Schaefer & Company i oleloia ke manao nei e paniku i ka moraki i oleloia no na kumu i uhakiia, e hoike ana:--o ka uku oie ia o ka ukupanee i ka manawa e uku ai o William M. Cunningham i oleloia.

  Ke haawi pu ia aku nei no hoi ka hoolaha o na waiwai lewa i hoopaaia e ua moraki la e kuai ia aku ana ma ke kudala akea ma na Keena Kudala o James F. Morgan, Alanui Kaahumanu, Honolulu, ma ka Poaono, ka la 19 o Malaki, 1904, ma ka hora 12 awakea o ka la i oleloia.

  O ka waiwai lewa i hoopaaia e ua moraki ia i oleloia oia kei malalo iho:

  1. O kela palapala hoolimalima i hanaia i ka la 18 o Iulai, 1900, a i kakauia iloko o ke Keena Kakau Kope Aina o ke Aupuni, iloko o ka Buke Helu 211, aoao 332 ame 333 i hanaia e a mawaena o Edward S. Holt ka Mea Aina Hoolimalima ame Christopher J. Holt ka Mea Hoolimalima Aina i ka apana a mahele o ka aina a pahale ma ke Alanui Nuuanu ma kahi aoao mai o ke Alanui ololi Chaplain, iloko o Honolulu i oleloia kahi e ku nei ka hale Mint Saloon building (hale) a o ua palapala hoolimalima nei ua hooliloia ia William M. Cunningham i oleloia e Christopher J. Holt i oleloia ma kekahi palapala i hanaia i ka la 11 o Feberuari, 1901; a

  2. O ka mahele waiwai pakahi apau loa iloko o ka hana, pono hale na pono o ka Mea Hoolimalima Aina ame na waiwai e ae apau, na waiwai lewa, na pono lewa e ae o na ano apau e waiho nei iloko a ma kahi o ka hale Mint Saloon i oleloia i keia manawa, pau pu me na papa-kuai, na pahu dala, na ume, na pakaukau, na noho, na uwati, na papa-aoao, na kii kau hale, ka pahu hoopaa helu dala ame na pahu haupaa.

                             F. A. SCHAEFER & CO.,

                                     Na Mea Paa Moraki.

  Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.

  No na mea aku i koe e ike ae ia Holmes & Stanley na loio o na mea paa moraki.

  Hanaia i Feberuari 20, 1904.

3004--Feb. 26; Mch. 4, 11, 18.

 

HOOLAHA HOOKO MORAKI.

 

HOOLAHA MANAO PANIKU A KU@

AI A KA MEA PAA MORAKI

 

N. L. AME M. F. SCOTT

 

  Ma keia ke haawiia aku n@

laha mamuili o ka mana kuai @

kekahi moraki i hanaia i ka ia

Okatoba, 1902, a i kakau kope la i@

Keena Kakau Kope Aina o k@

iloko o Honolulu, Teritori o Hawaii

iloko o ka Buke Helu 239, aoao @

390, i hanaia mawaena o N@

Scott ame M. F. Scott, na M@ M@ai

Mai, ame H. Hackfeld & Co @

hui, ka Mea Paa Moraki,  o @

Paa Moraki ke manao nei @

ka moraki i oleloia no na kun@

ia, e hoike ana:--o ka uku o@

kumupaa ame ka ukupanee i ka @

wa e uku ai.

  Ke haawi pu ia aku nei @

hoolaha o ka waiwai apau i @

e na Mea Moraki Mai i oleloia @

aku ana ma ke kudala akea u@

iho o ka hale hookolokolo ma@

Kona Akau, Hawaii, ma ka Po@

la 19 o Malaki, 1904 ma ka hora @

kea o ka la i oleloia.

  O ka waiwai i hoopaaia @

moraki la i oleloia oia keia m@

  1. He umi (10) mahele @

ia) iloko o keia aina i ikeia K@

Aina Holualoa" e waiho la @

Akau, Hawaii, i kuai hooliloa @

palapala kuai aina i ua Hui @

e W. R. Castle ame kana wah@-

re, i Dekemaba 31, 1887, a he p@

kuai hoi i kakau kope la iloko @

Buke Helu 108, aoao 451-3.

  2. O kela palapala hoolima@

hanaia e Kalihiwa Davis ia N@

Scott, pau pu me ka aina i ho@

iloko olaila, ame ka manawa @

kahiki i koe aole i pau: E hook@

no nae i keia hapa o ka aina i@

e paa nei i ke kahua ame na hai@

Kula o Holualoa, ame ka hapa @

a paa i ka pahale ame ka apana @

hale o na Mea Moraki Mai, a p@

no hoi na hale e ne ame na han@

e waiho la maluna iho.

    H. HACKFELD & CO., LTD

                           Mea Paa Mor@

  Ma ke dala kuike ka makema@

ma ka dala gula America no hoi @

ka aoao o ka mea kuai mai n@

palapala apau.

  No na mea aku i koe e ike a@

Hackfeld & Co., Ltd., Honolulu. @

Kailua, a i ole ia G. F. Maydwei@

o ka Mea Paa Moraki, Holualoa, K@

Akau, Hawaii.

  Hanaia ma Honolulu, Feberuari @

1904.

3004--Feb. 26; Mch. 4, 11, 18

 

HOOLAHA MANAO PANIKU A KUAI

A KA MEA PAA MORAKI.

 

JAMES McQUEEN.

  Ke haawiia aku nei ka hoolaha a@

muli o ka mana kuai iloko o kek@

moraki i hanaia i ka la 27 o Sepetemaba

1901, a i kakau kope ia iloko @

Buke Helu 227, aoao 170-171, iloko o k@

Keena Kakau Kope Aina o ke Aup@

hanaia e a mawaena o James M@

o Honolulu Mokupuni o Oahu, Teritori

o Hawaii, ka Mea Moraki Mai, @

August Dreier o Honolulu i olelo @

ia ae nei, ka Mea Paa Moraki, @

August Dreier nei i oleloia, ke ma@

nei e paniku i ka moraki i oleloia po@

kumu i uhaiia, e hoike ana: o ka uku

ole ia o ke kumupaa ame ka ukup@

i ka manawa e uku ai.

  Ke haawi pu ia aku nei no hoi ka

hoolaha o ka waiwai apau i hoopa@

iloko o ka moraki i oleloia e kuaia ak@

ana ma ke kudala akea ma na K@

Kudala o James F. Morgan, Al@

Kaahumanu, Honolulu, ma ka Pua@

ka la 12 o Maraki 1904, ma ka hora 12

awakea.

  O ka waiwai i hopaaia iloko o ka

moraki i oleloia oia keia malalo Pho.

  O kela apana apau loa he apana a

mahele o ka aina e waiho ia ma P@-

waa, Honolulu, Mokupuni o Oahu, Teritori

o Hawaii, i apoia a i hoakaki @

like me ia malalo iho, e hoike ana.

  E hoomaka ana ma ke kihi ko@ hana o ke Alanui Beritania ame ke@ anui o 30 kapuai akea iloko o Pawaa Track (mahele-aina) a hoko,

  1. Hema 19 deg. 43 min. Kom. 70 kapuai holo ma ke alanui:

  2. Akau 68 deg. 52 min. Kom. 75 kapuai holo ma ko Winter;

  3. Akau 19 deg. 43 min. Hik. 75 kapuai holo ma ka Apena 16;

  4. Hema 68 deg. 32 min. Hik. 75 kapuai holo ma ke Aalanui Beritania a hiki i kahi i hoomaka ae nona ka @aina o 5250 kapuai kuea, oia no hoi la hapa o ka Palapala Sila Nui (Grant) Helu 177, i hoopukaia ia P. J. Gu@ck, a oia no hoi ka aina i hooliloia i ka Mea Moraki Mai ma ka palapala ku @ aina a William C. Achi i hanaia i ka la 3 o Sepatemaba, 1898, a i kakau kope @a iloko o ka Buke Helu 188, aoao 339, iloko o ke Keena Kakau Kope Aina i oleloia.

                          AUGUST DREIER

                              Mea Paa Moraki.

  Ma ke dala kuike ka makemake a ma ke dala gula Amerika no hoi. a ma ka aoao o ka mea kuai mai na lilo palapala apau.

  No na mea aku i koe e ike ae ia @mea ame Stanley, na Loio o ka Mea Paa Moraki.

  Hanaia ma Honolulu, Feberuary 5, 1904.

3002--Feb. 12, 19, 26.--Mar. 4, 11.

 

Na Kauka Huki Niho Noeau,

 

  hana pololei a hiki i keia manawa, a he haahaa ka auhau o ka huki ana. O ko lana no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me na lako oihana o ke ano hou loa a maikai no hoi.

  He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a o ia no hoi ka makou e ake nei. Aohe auhau no ka nana ana. He wahine Hawaii ke kokua iloko o ke keena hana.

  Keena hana ma Arlington Block, Helu 215, Alanui Hotele, ma o aku o Alanui Union.