Ka Nupepa Kuokoa, Volume XLII, Number 9, 26 February 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Nuhou Kuloko

He Paikau ke malamamaia ana i keia Poalua @e na pualikoa Lahui Hawii

 

Ua loheia mai eia na Kepani o Maui @ haawi nei i ka lakou mau kokua no @ puipui ana i na lilo kaua o ko @ aina me ka puuwai lokahi.

 

@ ale i na mea hou o na Aina @ puka aku nei, a e loaa no kekahi @ mea hou kaua mawaho a’e o na @ kaua o Rusia ame Iapana.

 

Ua loaa mai he lono maanei e hoea @ ana kekahi poe kumu o kekahi @ kula o Amerika maanei no ka @ ana i ko lakou manawa hoo@.

 

Kia ma ka haiekuai o Kukima na @ maikai loa no na wahine e aia pu no hoi malaila e loaa ai na holoku maikai no ke kuai ana ame na kimo@ no hoi.  Eia kona halekuai ma ke @ o na Alanui Hotele ame Nuuanu.

 

Ua kipa mai ka Anela o Haili, Rev. S. L. Desha, i kela mau la iho nei e ike ia makou.  Me Kiaaina Carter oia @ hele mai nei, a huli hoi aku no kona home i ka Ua Kanilehua ma ke Kinau @ ka Poalua nei.

 

Ma na lono i loaa mai, ua waiho aku la o Mr. F. W. Pogue ka Lunahooma@ ke Komite Kuwaena o ka Aoao Repubalika o ka mokupuni o Maui, i kona kulana, a ua hookohuia aku o Mr. George O. Cooper o Hana ma kona wahi.  He manaolana e hooholomua ia aku ana na hana o ka aoao Repubalika ma keia mua aku.

 

Ua loaa mai he lono ma Honolulu nei maluna mai o ka mokuahi Mikahala o olelo ana, ua hoopahuia a’e kekahi hale e nohoia ana e kekahi Kepani ma Koloa i ke kiana pauda, o ke Kepani na’e nona ka hale aia oia ma Waimea.  Eia ka ‘Oihana Makai ke huli nei i ka mea nana i hana i keia hana.

 

Anoninoni no o Iapana e kaua mai nei, eia na’e us haaheo nui ko Iapana Emepera no ka maikai o na kaua a kona mau mokukaua e hoohana mai nei.  Ma ke ano no na’e hoi o ka loaa ana mai o na mea iou kaua me he mea la ua hoomaiolo iki na hana kaua a he liuliu kaua oia ka hana nui e hana mai nei.

 

Ua waiho a’e nei ka aha kiure nieniele i na lilo o ka Ahaolelo i ka lakou hoike imua o Lunakanawai Kaapuni Robikana e hoahewa ana ia Meheula, Enoka Johnson ame Jonah Kumalae.  Ua Ahewaia o Meheula no ka hewa apuka, a o Enoka Johnson ame Kumalae no ka ohumu ma ke degere ekahi e apuka i ka waiwai o ke Teritore.  He hewa hou a’e no kekahi o Enoka Johnson oia hoi ke apuka.  Ua waihoia aku keia mau kumu hoopii imua o ke kiure hookolokolo no ka hooiaio ana ina ua ku i ka hewa.

 

Ua paa ae nei ka Buke Moolelo o “Na Onamiliola Lawe Malu-ia,” i ke pa’lia, a e kuai ia aku ana i ka poe e makemake mai ana e hoohialaai hou me ua mau Onamiliona la no 30 keneta o ke kope hookahi, a e loaa no ma ke keena o ka Hui Hawaiian Gazette:  kuike oia no hoi ka rula, a ua hiki no hoi ke hoouna mai ma na pooleta elua keneta ame hookahi keneta i ke kumukuai o ka buke.

 

Mamuli o ka nui o ka poe e ninau mai ne ia makou no na mea e pilio ana i ka hoouna ana mai i ke ola o kakou hiwahiwa, nolaila ke hoike ia aku nei.  Ua hiki no i keia ame keia mea e makemake ana e hoouna mai i ke oia o ka pepa ma ka hoouna ana mai ma ke poo leta hookahi a i ole elua keneta, ua like no hoi ia me ka hoouna ana mai ma ke dala maoli.  Ina no hoi he hale leka ma la wahi, alaila e hoouna mai ma ka bila kikoo hale leta.

 

O Puowaina ka Papu o Oahu nei.

Ua nui na mea i hoomaopopoia no ka pono o Hawaii nei ke hiki mai ka ma@awa e ala mai ai o kekahi paio anamawaena o ke Aupuni Makua ame kekahi o na Mana Nui o ke ao nei.  E pono e hoomanao ia, aole i loihi loa ae nei ua nui ka noonoo ana o ke Keena Kaua i na hooiaia ana no ke kaupale ana i na enemi mai keia awa aku a ua lehulehu na mea i noonooia.

I keia wa ua loaa mai ne he mau hooiaio ana mamuli o ke kukala ana o ke Keena Kaua ma Wasinetona, eia ke poopooia nei ka hoolilo ana aku i ka puu o Puowaina i kahua e kau ia aku @ pu a e hana ia ana hoi ia wahi i papa ikaika loa no ka malama ana i i ke kulanakauhale o Honolulu nei.

Ua hui ae o Koneia McClellan, e noho poo mai nei ma ke kahua kea o na Amerika, me ke Aupuni Teritori o kakou nei uo na mea e pili ana i keia @ hoolilo ia Puowaina i papu.  Ua @ e kau aku i na pu mauka loa @ o ka lihi pali o Puowaina i mea e @ ele ai na pilikia i ke kulanakauhale nei ke hiki mail ka manawa e ki ia ai ua mau pu la.  He mea maopopo @ ana no keia mau pu i ka wa o ka maluhia ma ke ano hoomaamaa i hiki ai ke hoomaopopo na hoohana ana @ mau pu la, nolaila, i manaoia ai e hookahua aku ma kahi mamao aku mai ke kulanakauhie nei aku.

Ku kukaiia ne ke Aupuni Teritori i @ ai na manao o ka poe e hoho ne @ ke kulanakauhale nei, olai oia ka makemake o ke Keena Kaua e loaa aku na hoapono ana mai ko Honolulu nei @ aku.

Ua manao ke Aupuni Teritori, ina @ lawe ana ke Keena Kaua ia Puowaina, alaila he mea pono e hoihoi mai ke Aupuni Americka i ka pa koa i lilo @ ke Aupuni Nui, oiai ke makemake @ nei ke Aupuni Teritori e loaa ke kapua o na pualikoa kumau o Hawaii @.

Ua hoikeia mai, ke kau keia mau pu @luna o Puowaina, e hiki ana ko lakou ikaika hoolele poka i ka 12,000 i-a.  O ka ikaika hoolele poka o na mokukaua hou o keia au, e hiki ai ke loaa na po@no, he @000 i-a, nolaila, ua loaa kela @ ua hiki i ka papu o Puowaina ke @ aku i na mokukaua mai ka hoo@okoke ana mai i ke kulanakauhale a na ia ano e loaa ole ai i @na poino, ke @oea mai ke kaua.

 

Kukakuka no ko Kakou Waihona Dala

Ma ka Poalima o ka pule i hala i hui ae ai na hui hoowaiwai o keia kulanakauhale ma na laia o na oihana Aupuni no ka noonoo ana i ka waihona o ke Aupuni.  Ma ia halawai ana i ikeia ae ai aole he ae o na banako e lawe i na palapala kikoo dala a ke Aupunii e hoopuka ai maluna o keia haawina dala o umi-kumamawatu mahina a ka Ahaolelo i hooholo ai no na lilo o ke Aupuni.  O ka lakou mea e lawe ai ola na palapala o na ukuhana ame na lilo mau o ke Aupuni.

O ka manao hoahewa o na mea apau iloko o ia halawai aia maluna o Lolena Analu, ka Loio Aupuni, mamuli o kona lawe oie ana ae i keia mea imua o ka Aha e hooloheia ai.

Ua manao o Puuku Kepoikai ua hewa maoli no o Lolena Anaru, olai mamua o ka holo ana aku o ke Kiaaina Carter no Hawaii ua loaa mai keia manao e lawe ae i keia mea imua o ka Aho Hookolokolo.  Ma kona manao he mea pono e kahea koke ia ka Ahoolelo e noho mai a e hoopau ae i keia pilikia nele dala e ikeia nei; eia nae aole i kulike aku ka manao o na oihana aupuni e ae oiai o keia poino aia wale no iloko o ke Keena o ka Puuku.

E hoomanao ia o na haawina dala apau a ka Ahaolelo i haia i hookaawale ai no keia mau mahina e nee nei ua kaa aku no lakou maiaio o na lawelawe Aupuni Kalana ana, a i ka wa i komo mai ai ka Aha Kiekie a kiola ae i ua Kanawai Kalana nei oia ka manawa i helehelei iho ai ua mau bila haawina dala nei a o’ka hopena i loaa mai oia ka hoaa i ke dala, e like hoi me ka Puuku Kepoikai i hoolaha mua aku ai i na poo o kela ame keia keena Aupuni, a i hoolahaia ma ke Kilohana he mau pule i hala ae nei.

 

Aneane e Lilo i ka Wai

HILO, Feb. 19.—O ke kahewai nui o ka Poaha o ka pule i hala a ma kahi uwapo ma ke alanui Luapele he eha mile mai ke kulanakauhale aku i aneane ai kehahi mau kanaka elua e lilo i ka wai.

O S. Decker ame J. F. Neves kona hoahele keia mau keonimana a e hoi ana maluna o ka laua wahi kaa huilalua e hukiia ana e hookahi lio.

Ma ko laua hiki ana aku i kahi o ka wai ua au aku la no laua me ka maalahi a hiki wale i ka hiki loa ana o ka wai e uhi i ka papahele o ke kaa, nolaila ua hoohuli hou ae la laua i ke kaa no ka hoi hou i hope, a no keia hoohuli ana ua huli iho la ke kaa a pihilo ka lio iloko o ka wai.

Alaila hoomaka ae la ka lio e kupaka no kona lanakila a lanakila hoi na kiakaa ma ka au ana aku i kapa.  I ka manawa e kupaka ana o ka lio oia no ka manawa i hihia ae ai ka wawae o Decker i na kula-kaohi ame ka hooikaika nui oia i lanakila ai oiai aia ke kaumaha ame ke kupaka ikaika o ka lio he huki la iaia iloko o ka wai a au aku la oia a pae i kapa.

Alaila ike aku la no hoi oia i kona kokoolua e hooikaika ana hoi no kona lanakila a mahope o na kokua ana ua palekana like ae la laua.

 

O na Kona kahi maoli o na Mahiai.

KAILUA, Feb. 19.—O na Kona maoli ka aina no na mahinaai liilii, o aia no hoi ka aina i ikeia ka holomua o ka nohona ulakolako i oi ae mamua o kekahi mau wahi o na mokupuni a puni ka Paeaina, a aole wale o ia, aka, o na hana no kahi e loaa mai ai na kenikeni.

Mai Hookena a hiki wale i Kailua aole e nele ka, ikeia o na malaai liilii i piha me na mea ulu hoowaiwai aina.  O ke kope ame ka hala kahiki ame ke kalo ame na mea ulu e ae ke ikeia ana i ko lakou ulu maikai.

O na Kona ka aina i loaa nui aku keia haawina maikai mamua o na apana e ae no ka mea aole he nui o na eka aina i paa i ke ko e like me na wahi e ae, koe wale no na eka i mahila e ka Hui Muhiko o Kona.

I keia manawa he kuakea wale no na eka aina i paa a i uluia e ke kope mamuli o ka pua nui, oiai nae, o kekahi mau wahi kope ua oo a ua pau na kope i ka ohiia no ke kuai ana.  O keia ka hana hoowaiwai oi loa o na Kona a malalo mai na mea e ae.

O na hala kahiki kekahi mea waiwai nui no ka mea ke hoouluia ae nei kekahi manao ikaika iwaena o ko na Kona poe iho no ke kukulu hale hana kini hala kahiki, a ua maaoia, e ku ana ia hale mamua o ka paia ana o na hala kahiki o keia kau hua ae.

Alaila o ke kalo mai, no ka mea, o ke kaio maloo oia ke kalo ulu nui iloko o na Kona, a ke manaoia nei e hoonui aku i keia hana maikai a e hoolawa i na makeke o ke kulanakauhale o Honolulu me keia o Kalaupapa, Molokai.

Mawaho ae o keia ke hanaia nei ke kanu ana i na vanila kekahi mea kanu hoowaiwai aina i laweia mai na mokupuni mai o ka hema.  He mau tausani ka nui o ia mau mea kanu, aka, i ka hiki ana mai i ka aina nei he nui o lakou i pau aku i ka make aka mai na mea i koe iho ua lawa no ia no ka hoopulapula ana a i keia manawa ua loaa ka maaolana ikaika e puka mai ana ka hua no ka mea ua ikela ka ulu maikai.

Aia iloko o na Kona na mea kanu e ae i ulu nui ai he mea kokua i ka noho ana e laa ke ko, ka maia, ka papaia ame na mea like.

 

Nui ka Ino o Honokaa

Ma ka hoike a ke kupakako o ka mokuahi Niihau Mr. McNamara i ku mai ai i ka Lapule nei i loheia mai ai ka ino o Honokaa o Hawaii, o keia maialo iho na anoai:

Ku ka moku i Honokaa i ka hora 3:30 p.m. o Feb. 18, a hoolele no ke eke leta ame ka ukana pu.  Hoomaka ka hana i ka hora 4:30 a hoaumoe ka moku i Waipio a i kekahi ia ae hoi hou no kamoku no ka hoolele ukana a hoi hou no i Waipio e hoaumoe ai.

I kekahi la ae aole e hiki ke hooili ukana no ka mea ua nui ino loa ka ino.  He 7,000 e hiki ke hoopihaia, aka no ka ino aole e hiki ke hoolawa a hiki ia heluna.

Ua hooikaika nui na kela ma ko lakou waapa no ka hoopili aku i ka uwapo ame ke akahele ame ka makaala e nana ai i loaa ka manawa kupono e hoopili ai.  O ka ua ame ka makani ke kumu kupikipiki o e ke @.

 

He mai ka Mokukuna Ada

I ka wa e pahoia ana ka ino, ua nui ka nune o kekahi poe oioko o ke kulnakauhale nei no ka mokukuna Ada, a ua ninau ae kekahi poe:  “Aia ihea ka mokukuna Ada.”

Ua hoopauia nae keia mau nune ana a me keia ninau mamuli o ka hoea ana mai o ua moku la ma ka Poalima o ka pule i hala mai ka puupohaku i “lii ai ka mokukiapa Farani Connetable.

Ua haalele iho keia moku i keia awa iloko o ka mahina o Dekemaba o keia makahiki aku nei, a hiki aku la i kahi o ua mokukiapa nei, kahi hoi o kona mau luina i hooikaika mai nei e hoolana i ua moku ia.  Wahi a ka hoike i loaa mai, ua hiki ke hoolana hou ia ua moku Farani ia, a ina aole keia ino i pahola iho nei, ina ua pau na hana no ka hoolana ana a iloko o ka manawa pokole o ka hiki mai no ia o ua moku la ma keia awa.

O ka ino i pahola iho nei, oia ka mea nana e hoihoi hou i na hana hoolana o keia moku e like me kinohi a na luina aku nei o ka Ada i hana ai.  Ua loaa nae ka manaoiana, ina aole e noha ua moku la apau keia ino, e hiki ana no ke hoolana aku.

Ua makemake na luina o Ada e holo hou, a e haalele hou ana ua mokukuna la i keia awa ma keia mua koke iho, a e lawe aku ana i na lako ai ame ka wai no na kanaka e noho aku ai i ka hana.

 

Kauohaia e bolo no ka Hikina

Mamua aku nei ua loaa ma he lono e kauohaia ana o Lutanela Rodman o America e noho nei ma keia awa e holo aku no ka Hikina, a i keia wa ua maopopo loa e holo i’o aku ana no oia no la wahi.  O Rodman, oia ke kapena o ka mokukolo Amerika Iroquois e ku nei ma keia awa.  Ke manaoia nei, e like me na hoike i loaa mai, e hiki mai ana kona kauoha i kakauinoaia ma ka la 3 or Maraki ae nei, a ma ka la 15 paha oia mahina no e haalele iho ai oia ianei.

I keia manawa aole i maopopo iaia kana hana e hana aku ai, aka, ua manaoia e hoouna ia aku ana oia no ka lawe ana i kekahi o na mokukaua o Amerika e ku mai nei ma na kai o Kina, a o keia palapala e hoea mai ana oia paha ka mea nana e hoakaka i na mea apau no kana hana e hana aku ai ame kona moku e kau aku ai.

 

Eia ka he Virginia o Hancock i make ai.

O William Hancock, ke kanaka opio i lawe ai i kona ola ma ka Hotele Hawaii ana i ki ai iaia iho me ka pupanapana i ka makahiki hou i hala iho la, a ke Kuokoa i hoolaha ai, eia ka he kanaka oia no Virginia o Amerika Huipuia.

Ua loaa mai nei keia mea hou mamuli o ka leta i loaa i ka Hotele Hawaii mai ia Julius A. Brown, he makuakane hanauna no ke kanaka opio e hoakaka mai ana i ke ano ame ke kulana o ke kanaka opio.

No ka oihana ua hoike mai o Mr. Brown he hana kawili laau lapaau ka hana a ke kanaka opio e like no me ia ma ia kulana, a no ka nawaliwali kino o Hancock ua hoohala aku oia i kekahi mau la ma Amerika Waena a loaa ikaika mai la iaia ka eha a no ia mea ua hoi aku oia i Nu Olina no ka lapaau ana, eia nae, aole he mea a maha ae.

Mai keia kulanakauhale hope ua kakau leta aku oia i ka makuakane e hoike aku ana e hele ana oia i ke komohana a make aku ilaila.

Ma ka hoike a ka makuakane he keiki makua ol oia i kona wa liilii eia nae ua hoonaauaoia oia iloko o ke kula nui o Ohaio, a he kaikuahine hookahi kona e ola @ ei e noho nei no i ua mokuaina la i hanau ai.

Ma keia hoike a Mr. Brown i ikeia ai he kanaka opio maikai oia hoopono a oiaio, aole ke uhaai, a aole no oia he lawe i ka mopine e like me na hoolaha aka he puhipaka no nae.

He opio keia nona na makahiki he 22 a i ka hoounaia ana mai o ka leta ua loaa pu mai he kii a ua like loa ua kii la me na hiohiona o ua kanaka opio nei.

Ma kela leta no hoi waiho mai ai o Mr. Brown he koi e hoomaopopoia, aku na waiwai i pili i ke kino o ua kanaka opio nei i kona manawa i make ai, a wahi a Mr. Brown maloko o ka nupepa o Nu Olina kona ike ana i ka mea hou o ka make ana, a homaopopo iho ia ua Mr. Brown nei he keiki keia Hancock i make i Hawaii nana.

 

He mau Hoololiloii Kumukula

Ma ka Poalima o ka pule i hala i malama ae ai ka Papa Hoonaauao he halawai kuikawa no ka hoolohe ana i kekahi hoopii i waihola ae e kekahi kumukula poo o kekahi o na kula Aupuni.  Ua waihoia keia hoopii iloko o ka lima o kekahi komite a na ia komite e huli pono aku i ka oiaio o ka mea i hoopiiia mai a hoike ae i ka Papa.

Ma ia halawai no hoi i hoike aku ai o Kahukulanui Atkinson i na mea e pili ana no kana huakai aku nei ma ka mokupuni o Maui.

Ua hooponopono hou ia ae kahi o na kumukula a puni, a o keia malalo iho nei na hoololiloli i loaa ae:

O J. N. Bell e hoi ae ma Honouliuli mai Kahuku ae, ma kahi o Mr. Wishard, a o Miss Augusta Bruce mai Honouliuli ae no Kahuku, a o Mrs. J. N. Bell ke lawe ana i kona wahi.

O Miss Mary France e hoi ae ma Kalulani mai Waipahu ae, ma kahi o Mrs. Bell, a o Miss Adeline France no Waipahu.

O Miss Mabel Wilcox no Lihue, Kauai, ma kahi o Miss Susie Akamuhou i make.

O Mrs. Kawena Kaulili no ke kula o Koolau, Kauai.

O Miss Matilda Napaipai no Honokowai, ma kahi o W. Kaluakini i waiho mai.

O Miss Susie Aki no Mahukona, Hawaii, ma kahi o Mrs. Amy Irish i waiho mai.

O D. P. Haleamau no Kalaoa, Kona Akau.

Ua waiho ae o Miss Mary Rasmussen i kona noho kumukula ana no Waimanalo, a ua holo aku oia no Amerika mamuli o ka nawaliwali o kona makuahine.

Ua waiho pu ae o Miss Etta Loebenstein i kona noho kumukuia ana no ka kula o Papaikou,Hawaii.

 

Nuhou Kuwaho

KE NUNU NEI.

ST. PETERSBURG, Feb. 19.—Eia ke noonooia nei ka pono ia Geremania.  Farani ame Rusia ke kukala kaua ena ae ia Beritania Nui.

LIULIU KAUA.

LADANA, Feb. 19.—Nui ka liuliu kaua e hanaia mai nei no ke kaua mo ana.  Eia na hale hana mea kaua me hana nei i ka po ame ke ao, a ua piha hana kahi kapili moku e hooponopono ana i na mokukaua kahiko.

HE AELIKE NA IAPANA.

BELINA, Feb 19.--Ua hoike ae nei o Barona Kurimo ina e Ianakila ana o Iapana ma keia kaua e ike aku ana o Iapana i ko Kina mana maluna o Korea.

KUE O RUSIA.

WASINETONA, Feb. 19.—Ua kue ae nei o Rusia i ka noho ana o ko America Kanikeia ma Dainy.  He manawa mamua ae nei ua kukalaia ae keia awa ua hamama no na aupuni apau.

LILO IA MAU OLA.

OGDEN, Feb. 20.—U hookui ae he elua kaaahi ma ka hookeena o Lucin a pahu ae la ke dainamaita e waiho ana iloko o kekahi kaa ukana a make iho ia he iwakalua-kumamaha poe lawelawe a he umi-kumamalua poe i eha.

EHIKU POE I KU I KA PU.

MADISON, Ill., Feb. 20.__Ua hui ae kekahi mau makaainana a komo aku la iloko o kekahi hale pahupahu no ke wawahi ana i na hana ino e hanaia ana malaila, a iloko o ka hakoko ana ua ku iho la he heiku poe i ka pu a he elua i make.

HOAIE DALA O PILIPINE.

WASINETONA, Feb. 19.—Ua hoolaha ae nei ke Aupuni i ke kahea no na manao kuai i ekolu miliona o na palapala hoale o Pilipine.

HOLO AE NO AMERICA.

TOKIO, Feb. 21.__E holo ana o Takahira, ka hope peresidena o ka Banako o Iapana, ma keia Poakolu iho (Feb. 24) no America no kekahi hana nui.

PII HOU NA KUMUKUAI.

KAPALAKIKI, Feb. 20.—O ka pii ana o ke kumukuai o ka palaoa ame ka huita oia kekahi hua o ke kaua ma ka Hikina.  He iwakaiua keneta oia ka pii ae o ke kumukuai o ka palaoa ame ka huita oia kekahi hua o ke kaua ma ka Hikina.  He iwakalua keneta oia ka pii ae o ke kumukaui o ka paiaoa no ka barela hookahi, a ua hiki aku nei i ka hookahi dala ame ka hapa no ka barela huita i keia la.

HOAIE DALA A IAPANA.

TOKIO, Feb. 20.—O ka hoaie lahui no ke kaua ua palua ia ka loaa mamuli o na manawalea a ka lahui.  O ka hoaie no 100,000,000 ma ka pa 95, a no 5 pakeneta.

AOHE AE E HOOKUU IA MANUCURIA.

PARISA, Feb. 20.—Ua hoolahaia ae nei manao o Rusia ma kana pane hope loa ia Iapana.  Ua ae ke Aupuni o Rusia i ke kuokoa o Kina, aka aole i ae i ka hookuu ana aku ia Manucuria.

KUE NA PAKE I NA RUKINI.

TIENTSIN, Feb. 22.—He elima haneri poe Pake powa i lele kaua aku i ke kahua o na Rukini ma Foochow.

KE HOLO NEI NA KALOHE.

SAN DOMINGO, Feb. 22.—Mahope o ka paio ana no elua la ua lanakila ae la na koa Aupuni.  Eia na hoala kipi ke auhee nei.

KUE O RUSIA.

WASINETONA, Feb. 23.—Ua hoouna palapala ae nei o Rusia i na Mana.  Nui e hoopii kue ana ia Iapana no ka wawahi ana i ke kanawai lahui.

(Me he mea la o keia hoopii kue a Rusia malalo no ia o ko Iapana lele kaua ana i na aumokukaua o Rusia mamua o ke kukalaia ana o ke kaua.)

PAPAIA NA TELEGARAPA.

TOKIO, Feb. 22—Ua hoolahaia ae nei e papa loa ana i ka hoouna ia ana aku o na lono telegarapa mai Iapana nei aku.

MAU MOKUKAUA FARANI HOLO NO KINA.

PARISA, Feb. 22.—He nuhou ka i hoikeia ae nai ua kauohaia aku nei kekahi mokukaua Farani e holo no Indo Kina a e holo hou aku ana he hookahi mokukau no ia wahi hookahi no, oia ka mea nana i hoouluaoa ae i na kanaka i keia la.

E AE ANA PAHA IA RUSIA.

KONOKANAKINOPELA, Feb. 22.—Ua hoikeia ae nei eia ke Aupuni a Oto ke makemake nei e hooko aku i ke koi a Rusia e hookuu ia aku kona mau mokukaua o ke Kai Eleele e puka aku ma Dardanelles a me he mea ia e hooko aku ana oia i keia noi.  Aole i loaa mai nei ka haina a ke Aupuni, a i ole he mau hana hoao keia e ike ia ai ka manao o na Mana Nui i kakauinoa ai i ke kuikahi o Belina.

HAULE HOPE O VENEZUELA.

WASINETONA, Feb. 23.—Ua hooholo mai nei ka aha uwao i noho ma Hague e hoolohe i ke koi a na Mana Nui la Venezuela us pono ia Pelekane, Geremania ame Italia ke lawe ae i kanakolu pakeneta o ko La Guayra ame Puerto Cabello mau loaa dute awa.

KUE I KA BILA KAUA MOANA.

WASINETONA, Feb. 23.—Iloko o ka Aha Senate i keia la, ua kue ae o Senatoa Burton o Kansas i ka Bila Haawina Kaua Moana.  Ue kue loa oia i ka pa-ha ana iho i ka ikaiki kaua moana.

NUHOU O PANAMA.

WASINETONA, D. C., Feb. 23.—Ua aponoia ke Kuikahi Alawai o Panama, i aponoia e ke Aupuni Kuikawa o ka Repubalika o Panama, e ka Aha Senate i keia la, ma o 66 ae a he 14 hoole.  Ke manaolana la nei e hookoia ana keia mea e na Aupuni elua ma ka Poaha ae nei (Feb. 25), a o ka wa koke no ia e hoomaka ai ka hana i ke Alawai.

Ua hoounaia aku nei ka mahele koa pukaa umi-kumamakolu e hoi ae ma kahi o na koa marina e kiai nei ia Panama.  O kekahi mau koa marina e hoouna ia aku ana no Pilipine.

AUPUNI KUIKAWA.

WASINETONA, Feb. 24.—Ua hookomo ae nei o Senatoa Kittredge he bila kanawai e kukulu ana i Aupuni Kuikawa no ka mahele aina e moeia ana e ke alawai ame ke malama ana i kona maluhia.  Iloko o ua bila la e waiho ana i ke Aupuni iloko o ka lima o kekahi poe ekolu.  (Komisina paha.)

EKOLU MILIONA DALA.

KALIVILANA, Ohio, Feb. 22—Ua hoike akea ia ae ka palapala hooilina a Senatoa Hanna i keia ia.  Ua waiho iho oia he ekolu miliona dala i maheleia i kona ohana.

ke pani ma ko senetoa hanna makalua—b. h.

KE PANI MA KO SENETOA HANNA MAKALUA.

COLUMBUS, Feb. 24.—Ua maopopo loa e kohoia ana o Generala Dick i pani ma ko Senetoa Hanna makalua.

HE OLELO HOOHOLO.

WASINETONA, Feb. 24.—Ua hooholo mai nei ka Aha Kiekie o ka ohua e holo ana maluna o ke kaaahi a i oie mokuahi paha malalo o kekahi palapala ae kaahele, aole e hiki iaia ke ohi i kekahi poho i loaa aku iaia oiai oia e kaaahele ana ma ia ano.

KANAWAI KOA.

WASINETONA.  Feb.24.—Ua loaa mai he hooaiaha ma ke Keena Aina e hoike ana o kela mau mahele aina e holoia nei e ke alahao o Siberia ua paa ae nei malalo o ke Kanawai koa.

PAU PAHA NA NUNE O TUREKE AME BULAGARIA.

KONOKANAKINOPELA, Feb. 25.—Ke hoea aku nei o Tureke ame Bulagaria i ka hopena o ka laua mau hoopaapaa e pili ana no Bulagaria.

 

GOO KIM

[KUKIMA]

KIHI O NA ALANUI NUUANU ME HOTELE.

Na Waiwai Lole ame na Waiwai Mamae, Lole mauu etc.  Ke kuaila nei na waiwai me ke kumukuai haahaa loa.

 

O KE

Koko Ino ka mea e loaa ai na Pilikia ma ke Kino.

E Heluhelu i keia mau Manao.

O KA LAAU

AYER’S SARSAPARILLA

KA

Iaau nana e hookaawale na ma’i ino mai kou koko aku.  He laau hoonoon@ ai, a he laau e hooikaika ana i kou mau laia apau.  O ka Laau Ayer’s Sarsaparilla ka laau kaulana loa a pun@ ke ao holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu’iopu’i makai kou mau papalina, a loaa ke kulana ola kino maikai.

He loaa na pu’u paa o ke kino i ka laau Ayer’s Sarsaparilla, e hoopakele ana mai ka ma’i puu paa (Brights Disease ame na ma’i oia ano.  Ke ko ikaika aku nei makou e lawe ia keia ano laau ma kahi i ike ia na ma’i Puu paa apau.

Hoomakaukau ia e Kauka J. C. Ayers.

E loaa no @ mau Huaale ma @ hale kuai laau apau.

 

He Ili Nani Lima A’ia’i

ME KA

LAUOHO ULIULI.

KA HUA O KE

Kopa Cutikura.

HE MILIONA A OI ka nui o na wahine e auau mau ne me keia KOPA CUTICURA no ka malama ana, hoomaemae ana, a no ka hoenani ana i @ lakou ili, i pau ai ka papaa o ke poo, ka unahi-pil, a i mea no hoi @ pau ai ka helelei ana o ka lauoho, a i hoopalupalu, hoa’ia’i a me ka @ u’i ana i ka ili o na wahi i hele a manoanoa i ka hooikaika i ka @, @ like me na lima, a peia no hoi e hoopau ai i na eha, ma ka holoi ana i @ wahi eha me kaia kopa, i ole oi e ike i ka aai me ka welawela; i ale no @ hou nui, ma ka holoi ana i na wahi pehu a paiahehe; a he oi loa aku @ wai nui o keia kopa i na makuahine e lawelawe ana i na hana lehu@ pili i na keiki a me lakou iho no hoi, a i na wahine no a pau; a he kup@ loa no hoi keia kopa no na wahi auau a pau.  O ka poe i ikemaka i @ kai o keia kopa, aole loa lakou e ae iki ana e hoao i kekahi kopa oi@ ke kolia mai; ina no e oleloia ana, he kupono ia ano okoa aku no na mea, @ pili ana i ka ili, ke poo a me ka lauoho o na bebe a me na keiki.  Ua @ keia waiwai nui o ke KOPA CUTIKURA mailoko mai hoi o keia laau @ ikaika loa i kapaia, KUTICURA, oia ka laau ikaika loa me ke heeia @ na popilikia a pau e pili ana i na mea ika loa i ka pale ana i na mea @ loaa no hoi ke ala maikai o na puailoko o keia kopa.  Aole loa @ hoohalikeia mai kekahi ano kopa e aei hoohuihuiia e ke akamai @ me keia kopa, ma kana mau hana ma-lama, hoola, a me ka hoeu’iu’i @ ka ili, a pela aku.  Pela hoi i ka ili oke poo, ka lauoho a me na wahi @ . 

Aole no i lihi launa mai na kopa ona aina e me keia, no ka auhau @ me ka hana o na keiki liilii.  Peia ihola i lilo ai ka waiwai o na kopa @ i HOOKAHI no ke KUMUKUAI hoo-@ a @ Helu Ekahi keia K@ na poino o ka ili a me kahi auau, a hehelu ekahi, no hoi no na kamalii @ ke ao nei.

NO KA HOOLA LOA ANA I NA ANO PEHU A POHAKA PALA@ MA NA WAHI A PUNI KE KINO, e hoomaemae i ka palapu me @ CUTICURA i pau ai ka paapaa lepo a ano e ae paha o ka ili, a peia @ poo, i pau ai ke kepia a me ka papaa piele, alaila, e hooma-u i kahi @ ka Aila Hamo CUTICURA @ mama ae ai ka akiaki ana a ka hu’i a me @ ehaeha, a pela hoi e hoohana ai ka laau i kana hana a ola ka eha, alaila, @ ka Laau Inu CUTIKURA i mea e maemae ai ke koko maloko.  Ke kuaila @ keia laau ma na wahi a pau o ka honua nei.  Ma Aukekulia: o R. @ & Co., o Sydney, N. S. W. ko laila Agena; ma Aferika Hema Depot: @ non, Ltd.  Na “Hoakaka no ka Hoola ana i na Bebe a me ko lakou @ naunau,” he loaa waie no me ke kuai ole.

 

Eia makou ke hoi nei no ko makou Halekuai Hou i noho mua ia iho nei e Lewers & Cooke, Ltd. Ma Alanua Papu.

Pearson & Potter Co., LIMITED.

 

Na Waiwai Hou

Na Apana Waena

Na Silika hookinohinohi, Kimono Silika, na Waiwai o Kina, ame na U’i o Iapana.

S. OZAKI,

Wavely Block, Alanui Hotele.

 

O na Palulu La Makai Lau no kou lanai hale oia no na Palulu Ohe.  Eha a hiki i ka Umi Kapuai laula, no ke kumukua o 20 keneta o ke kapuai.

E loaa no ma ka Halekuai.

FUKURODA

Hele 23-22      -          -          -          Alanui Hotele

 

HUI HOOLEWA HONOLULU

Ke hooiaio ne keia hui i kana @ hana kokua i kona mau laia.  I @ wa ua oi mamua o 1300 laia, a ke @ mau nei i keia ame keia la.

J. H. Townsend, Kakuaoloha.

124 Alanui Beretania              Tel. Main @.

 

HOPENA POINO MAU.  Ma ka @nao ana o kekahi poe he mea @ wale no ka Iapaau ana i ke anu, a @ e nui loa mai ka pii ana, aole no @ he mea nona e noonoo ai.  O ka @ maa mau o ke anu e loaa ana i ke @ anu e hoomau ana no ia a hiki mai kakau ia.  He manao hupo loa keia, no @ mea ina no e mau ana ke anu a @ mai ke kau weia a loaa mai ka @ aia no he poino mamuli o ka nawaliwali ana o na waihona oioko e @ kino nana e hoaia hou mai i @ mau ma’i oi aku o ke ino.  Aole pono e hoohemahema wale i ke anu, ina no ua loaa i kekahi keiki a kanaka makua paha, no ka me he mea hoopoino @ la i ke ola kino ame kou oia.  Ina @ he wahi omole o ka Chamberlain’s Cough Remedy nona hoi kahi ku@kuai haahaa loa he mea no ia e @ ai ka maha, a ma kona hoohana @ ana e kaupale ia aku no na Haawi@ poino apau.  No ke kuai aku @ halekuai laau lapaau apau.  B@, Smith & Co., Ltd., na agena ma Hawaii nei.