Ka Nupepa Kuokoa, Volume XLII, Number 7, 12 February 1904 — Page 5

Page PDF (1.66 MB)

This text was transcribed by:  Lani Lofgren
This work is dedicated to:  edwina makinney romig

Ka Nupepa Kuokoa, Feberuari 12, 1904.

 

Nuhou Kuloko

---------

Aole i malama ae ka Papa Ola i ko @haiauai o ka Poakolu nei.

---------

@ka Poalua nei i holo aku ai o @ ka Lunakula ame Miss Rose @ Lanai no ka huli ana i no kolaila halekula.

---------

@ pono ole i na kaauwiia ke paa i @ mau manawa holo i keia mau @ ka hana pono ole no paha hoi @ Kulanihakoi.

---------

@ o ka ino  e pahola nei, ua @ pau ia ae ka hana a ke kao eliawa.  @ ke ku wale mai nei no ka ma@.

----------

@a ka lanai o ka Hotele Hawaii i @hula ae ai na aliikoa o ka moku @koa Sheridna ma ka po Poalua nei.  @ ka hauoli o ua poe ia i ka hoooo@ i ko lakou mau pakana.

----------

@a hoomanao ae ka Hui Ma@lu Kamehameha ma ka Poakolu nei, i ko @ home hou ma alanui Nuuanu. @ haiolelo ame na himeni na @ hoomanao i hanaia.

----------

@ o ka nui o ka ino, o ka ha@ ke Komite Kuwaena o ka Aoao @lika i manaoia ai no keia po @ aku nei, ua hoopaneeia mai a alawai ma ka po o ka ia apopo.

-----------

@ Olepolepo ke kai o ke awa o Kou nei @ keia mau ia.  No ka loku hala ole @ kekahi o na eepa o Waolani e @alaku mai nei i Nuuanu.  Hele ka @ a pakika i ka ihona pali a pupu @ ana i ke kahawai o Nuuanu.

----------

@ lokowai nui hoi ia e waiho mai @ ma Kolulu.  Hele na hala o Sena@ Aohi a au i ka wai me he mau @anu kaka la.  Pono loa e hoopihala @ wahi a kiekie i ole e lana @a au@ i kahi haiki.

----------

@ Nui na manao heluhelu o ke kilohana e puka aku nei, ua hele kona papa@ina a luluu i na ono like ole a nau e @a heluhelu e wae a kau mea e @makemake ai.  Hoonuu iho hoi ha!  O @ka hewa o ka haalele me ka pau pono @ i ka heluhelu.  Pololei!

-----------

  O ke kuaua o ka auwina ia Poakolu @ ka mea nana i holopapa ae ka mahi @ki o Kapalama me ka wai.  Ma ka @ mauka o ke alanui Moi, he moa@awai wale no.  O ka paa koke ana @ho nei no ia oia wahi i ke kanu@a i ka @aiki, eia nae ua lilo iho ia ia i mea@

-----------

  Ke loaa mai nei na lono telegarapa i kekahi poe Kepani o kakou nei, mai @o lakou mau ohana mai e noho e kau @na keia mau huaolelo, --"E hoi koke @ai, ke kaheaia nei na koa kuikawa."

-----------

  I ka wa i lona mai ai ka lono o ke @kana mawaena o Rusia ame iapana, ua @kauia ae he hoolaha mawaho o ke kee@na o ka Hui Telegarapa e papa ana i @ hoouna ana i na manao no Iapana @ma ka hua alualua, ua weheia no nae @ma hoolaha nei mahope mai.

-----------

  Eia ka Bea me ka La ke hakoko mai nei.  O ka La@paha ke poalo ia ana na maka a i ole e pau ana paha na hulu o ka Bea i ke koala ia.  E nana aku kakou i ka hopena e hoea mai ana, ina @no hoi na Rusia ka lanakila pau na maka o Iapana i ka poalo ia, a ina no hoi na Iapana, e pau ana ka hulu o ka Bea i ka olala ia.  He mau keikiane no laua a i elua.

-----------

  Ua hooholo lokahi iho nei ka Ahahui Kukuhale ame ka Ahahui Poo o na Limahana ma ka lakou halawai hui i malamala ina ka po Poakahi nei, he olelo hooholo e noi aku ana i ka Elele Hawaii ma Wakinekona e waiho aku i ka lakou mau hoopii iloko o ka Ahaolelo e noho mai nei.  O ka manao nui o ka lakou mau hoopii i waiho aku nei e pili ana no ia i ke kulana o na hanalima ma keia Teritori.

-----------

  He kanaha-kumamalua piha kaa oia ka nui o ka bibi a ka mokuahi Korea e lawe ia ma ka moana no ka pualikoa o Rusia e noho mai ia ma Korea.  Mai Kapalakiko mai nei keia lako ai a ua manaoia e hoolele ma Nagasaki a mailaila aku e lawe loa ia ai no kahi e hoounaia nei.  Ua maopopo loa ma ke aia ana mai nei o ke kaua e lilo ana keia lako ai o Rusia ia Iapana.  Ola no ka ia maka pehu o na Kepani ia!

------------

  Ua paa ae nei ka Buke Moolelo o "Na Onamiliona Lawe Ma-luia," i ke pa'iia, a e kuai ia aku ana i ka poe e makemake mai ana e hoohialaai hou me ua mau Onamiliona ia no 30 keneta o ke kope hookahi, a e loaa no ma ke keena o ka Hui Hawaiian Gazette; kuike, oia no hoi ka rula, a ua hiki no hoi ke hoouna mai ma na pooleta elua keneta ame hookahi keneta i ke kumukuai o ka buke.

-----------

  Ua kipa aku na hoaloha o ke Kanekela lapana e noho nei maanei a hui aku me ia, i ka wa i loaa mai ai ka lono mua loa o ke kaua mawaena o kona aupuni ame Rusia.  Ua ninauia aku oia ina paha e hauoli ana oia no ka lono lanakila o kona aupuni, a o ka pane i loaa mai, "Aole wau e hauoli ana a loaa mai ka lono oiaio la'u a@ai ko'u aupuni mai."

------------

  Ina e kanuia na huli kaio iloko o na wahi pohopoho o na alanui o ke kulanakauhale nei a pau keia mau ia eloelo o kakou nei, e kupu mai ana noua mau huli ia, ke ole no nae e holo ia e na kaa.  O ka ukele anei keia a lohe mai i ke a'o.  O ka nakolokolo mai o ka hekili hui pu me ka uwila, he helelei hoi kau o na kuluwai o Kulanihakoi.  Ola ka aina, ea!

-------------

  Mamuli o ka nui o ka poe e ninau mai nei ia makou no mea e pili ana i ka hoouna ana mai i ke oia o ka kakou hiwahiwa, nolaila ke hoike ia aku nei.  Ua hiki no i keia ame keia mea e makemake ana e hoouna ana mai ma ke poo leia hookahi a i ole elua keneta, ua like no hoi ia me ka hoouna ana mai ma ke dala maoli.  Ina no hoi he hale leta ma ia wahi, alaila e hoouna mai ma ka bila kikoo hale leta.

------------

HE BILA HOOLOLI KANAWAI KUMU O HAWAII NEI.

------------

  O keia malalo iho nei kekahi o na Bila Kanawai i waihoia aku iloko o ka Hale o na Lunamakaainana e Mr. Spalding e pili ana no Hawaii nei:

  He Bila e hoololi ana i ke Kanawai i kapaia "Ke Kanawai e hookumu ana i aupuni Teritori no Hawaii,  i aponoia i Aperila kanakolu, umi-kumamaiwa haneri.

  E hooholoia e ka Senate ame ka Hale o na Lunamakaainana o na Mokuaina i Huila me ka Ahaolelo e noho nei.  O ka pauku kanalima-kumamalima o ke Kanawai o Aperila kanakolu, umi-kumamaiwa haneri, i kapala "Ke Kanawai e hookumu ana i aupuni Teritori no Hawaii," ma keia ke hooiolila nei ma ka hoopau ana i na huaolelo "me ke apono ole ia e ka Ahaolelo" e paa nei iloko o ua pauku ia i hoikeia.

  O ua mau mamalaolelo ia i hoikeia oia keia *  *  *  *  *  aka aole e hiki i ka Ahaolelo o Hawaii ke haawi i kekahi mea ku pakahi i kekahi pono i hoakakaia a i ole mana piha, a pono lawelawe oihanam ne ke@a pono ole ia e ka Ahaolelo Nui."

-------------

MAKEMAKE I KO KAKOU MAU KAAUWILA.

-------------

  Ma ka mokuahi Korea o ka Poakahi nei i kepa mai ai kekahi o na haole o ka Hikina o Aemirka, e holo ana no Manila no ke kukulu ana i kaauwila no ia wahi, i o kakou nei.  Ua makaikai ae oia i ko kakou mau kaauwila a ua komo ka makemake iloko ona ou ka maikai ame ka holopono o na hana a ko kakou hui kaauwila e hana nei.  O Mr. Richards T. Laffin kona inoa.

  Ma kana mau kukai olelo ana me ko Honolulu nei poe ma Young Hotele, ua hoike ae oia i kona makemake e hana aku i ko Manila mau kaa e like me ko kakou nei.  Ua hai pu mai no hoi olia ua laha loa aku na hoolaha ana e pili ana ia Hawaii nei ma na mokuaina hikina, a ma kana mau mea i ike iho nei no ko kakou kulanakauhale nei, ua kulike me kana mea i lohe ai ma kona wahii, a ua kakau leta aku nei oia i kona hoaloha e hai aku ana o keia ka "Malapua o Edena."

  O ka hui nana oia e hoouna nei no keia hana ma Manila oia kekani ona hui nui o ka aina Makua, a e nui ana na dala a keia hui e hoolilo ai no keia hana.  O ka heluna kanaka o Manila ua hiki aku i ka 325,000, a mawaho ae o keia huina, e hoomoe loa aku ana keia hui a hala kona aiahao mawaho aku o ke kulanakauhale a ma ia ano e hiki ana ka huina ohua e wawe ia ana e na kaa o keia hui i ka hapalua miliona.

----------------

LOAA MAI HE LONO NO ADACHI.

-----

                        Ma ka Poakahi nei i noho ai ka aha kuikawa o ka Aha Hookolokolo Federala, a maloko oia aha i laweia mai ai he ekolu mau Kepani ma ka hihia ohumu, a ua hooie ae ua poe ia i ko lakou kumu i hoopilia ai.  Ma ke noi ana o ka Loio Federala Breckons, ua hooponeeia ka hookau ana i ko lakou mau hoopa'i a i elua pule mai ia la aku, e haawi ana hoi i manawa no keia poe e hoopau ai i ka hooponopono ana i ka lakou mau hana maanei.

  Ua waiho pu ae no hoi o Loio Federala Breckons he mau hoike e ku-e ana ia Loio Davis, a hoopau ae ia no hoi i kana hoike me ke noi ana e hoonau ia o Davis mai ka lawelawe loio ana iloko o ia aha, a i ole e hookau aku maluna ona i ka uku kupono a ka aha i manao ai.  Ua like no na kumu hoopii e ku-e ana ia Davis @e na kumu hoopii i laweia ae ai imua o ka Aha Hookolokolo Kiekie e hoopauia o Davis mai kona lawelawe loio ana ma na aha hookolokolo o keia Teritori.

  Ma ia la hookahi no i loaa mai ai i ka Loio Federala Breckons he leta mai ia Adachi, keia Kepani a ka Ilamuku Hendry i kii aku nei.  Wahi ana, ua manao oia e aia io mai ana no ke kaua, a ua oi aku kona pono e noho ma Honolulu nei mamua o Iokohama i ka manawa iho ia e like me keia.  Ua hoike mai nei no hoi oia i ka inoa o ka poe ana e noho pu mai nei a me kona wahi e noho nei.  Ua loaa mai keia manao i ka Loio Federala, he mau hana apuhi keia a keia Kepani e hana mai nei oiai ua maopopo no iaia kona hewa ame kona kumu hoopii e waiho nei maanei, a ke ake mai nei oia e hoolaiau i ka mana kanawai maanei.

------------------

ANEANE $20,000 KE POHO MA KEIA MAU LA INO.

-------

  Aneane $20,000 ke poho o ke aupuni mamuli o ka ino i pahola iho nei, a e pahola nei hoi, ma ke kulanakauhale nei.  Ua loaa mai keia koho ia Luna Alanui Johnson, mamuli o kona makaikai ana i na wahi like ole o ke kulanakauhale nei.

  O na wahi i nui loa ka poino aia ma Makiki a ma Puowaina, a o ke alanui o Waikiki a ma Kapalama ua hoolanaia e ka wai.  O kekahi o na paniwai o na auwaha liilii e waiho nei ma Wakiki ua pau i ka noha, a e hiki ana hoi ke hana ia me na wahi haneri dala uuku.  Eia ke hoohana nei ka Luna Alanui i kekahi poe kakaikahi ma na wahi like oie o ke kulanakauhale nei, e hooponopono ana hoi i na wahi i poino.

  O ka hapanui o na alanui o Makiki ua kaheia e ka wai a o ke a wale no ke waiho nei.  O ka auwaha i palaina puna ia ai o Kewalo ua ulaa pu ia a aia ke ino ke waiho ia malalo o ke poo makai o ke alanui Kewalo e hui ana hoi me ke alanui Lunalilo.

  O keia auwaha o Makiki e kahe nei makai iho o ka Home Lunalilo, oia kekahi o na auwaha hoopoino nui loa i na waiwai e kokoke ana malaila.  I kekahi manawa i hala ae nei ua paniia kahi e kahe mua ana ka wai o keia auwaha, a hoohuliia aku ka wai a hui me ke kahawai o Makiki.  I ka hoomaka ana o ka ua o ka po Poaono nei, ua hoopihaia keia wahi i paniia ai me ka opaia mamuli o ka lawe ana mai o ka wai, a ia po no ua wahi la i paniia ai a hoomaka aku ia ka wai e kahe ma ke alanui Waila a iho aku ia me ke alanui Kewalo.

  O ka uwapo o Manoa oia kekahi i poino ma keia ino nui.

E HANA KOKE IA ANA PAHA KA LUAWAI O KALIHI.

  Me he mea ia e waiho koke ia aku ana ke kohokoho ana no ka hana ia o ka luawai o Kalihi i keia mau ia iho e ke Keena o na Hana Hou.  Ke manaoia nei e hana i keia luawai e hiki ai na galani wai i ka eha miliona (4,000,000) a o kahi e manaoia nei e hana i luawai oia no ke kiekiena mahope aku o ke Kula Kamehameha he wahi hoi e hiki ai i ka ikaika pauma o ka pauma e ku nei ma Waipilopilo.

  I keia manawa eia ke paumaia nei ka wai e keia pauma iloko o na paipu nunui e moe nei ma ke alanui Moi, i ke ao.  O ka pauma e ku nei ma ke alanui Beritania eia ke hoohanaia nei i ke ao ame ka po.

  Wahi a ka Lunawai Baraunu o ka mea e makemake loa ia nei oia na luawai, a ke ake nui nei oia e paa ae keia luawai o Kalihi.

------------------------------

PAUAHI NUI MA BALATIMOA.

--------

  Ma ka uwea telegarapa i hoea mai ai keia lono nona ke poo e kau ae ia maluna, ma Honolulu nei.  Wahi a ua lono ia, ma ke awakea o ka ia Sabati nei Feberuari 7, ua hoomaka ae la ke ahi e a ma ka hale oihana o ka Hui o Rurst i ka manawa i haiia ae la maluna, @ i ka wa i lawela mai ai keia lono ma ka uwea telegarapa, e a ana no ke ahi, eia nae ua pau kekahi hapa o ke kulanakauhale i ke ahi.  Ua puku aku na kaa kinalahi o ke kuianakauhale a paio aku me ke ahi, aka ua lilo ka lakou mau hana i mea ole, a nolaila ua kauohaia aku na kaa kinaiahi o na kulanakauhale o Nu Ioka ame Piladelefia, a ua hiki ae keia mau kaa aole nae i hiki ke kaomi mai i ka nee ana o ke ahi.

  Ua hoohanaia aku na dainainaita e wawahi ana i na hale, aka nae aole no ia he mea e kuemi mai ai ka a ana o ke ahi, a ma ka lono mua i loaa mai, he iwakalua-kumainaha kuea naie i pau i ke ahi, a o ke kahua kalepa no hoi ia o ke kulanakauhale.  O na keena pa'i nupepa apau oia kuianakauhale ua pau i ke ahi, a ua hoihoi ia aku ke keena o ka nupepa La o Balatimoa ma Wasinetona; a malaila e hoopuka ia aku ai ua pepa ia.\

  O ka lono elua i loaa mai no keia pauahi nui, ma ka ia 9 nei no ia, a e hoike ana ma ia lono, aole no i oio ua ahi ia a ua pau loa na wahi kalena pau o ke kulanakauhale a ua kukalaia ae e na ona ame ka mana aupuni he ia kulaia no na kanaka hana apau o keia kulanakauhale e hookuu ana hoi i na limahana e kokua i ke kinai ana i keia ahi.

  Ua manoia, ia manawa, o ke poho ma keia pauahi ua hiki aku i ka $200,000,000.  Ua hookuuia mai na koa o ke aupuni e kokua i ke kinai ana i ke ahi, a ua lilo na kanaka apau ma ia hana.  E kahea ia ana ka ahaolelo e noho a e noonoo no ke kokua ana i ka poe waiwai mai keia haawina kaumaha i kau aku maluna o lakou.  Ua manaoia e hookaawale ana ka ahaolelo i ka huina o $25,000,000 no keia hana kokua.

--------------------------------

WI KA NIHO O KE ALII O NA AIHUE.

-------

KE KEPANI KEIA KOLOHE--UA NUI NA HANA AIHUE I HANAIA O DAN RENEAR O KA OIHANA MAKAI KA MEA NANA I HOPU.

  O Asa, he Kepani, ke alii o na aihue i manaoia, ua wi ka niho o ua kolohe ia ma ka Oihana Makai o Honolulu nei a eia ke paa mai nei iloko o Kuapapanui.

  O kekahi keia o na kanaka aihue inoino loa a ka oihana makai i hanu nui ai mahope o kona meheu no kekahi mau la i hala ae a akahi no a loaa.  He nui ka ia nei mea apau e loaa na iaia, mai na mea haahaa o ka waiwai io a na mea nunui o ka waiwai io.

  E like me ka nui o ka manawa ana i aihue ai a ka aihana makai i lanakila ole ai maluna ona pela iho la ka nui o ka manawa ana i hoopilikia wale ai i kakahi mau home lehulehu o ke kulanakauhale nei, a hoopilikia pu aku hoi i ka poe ana i hoolilo kuai aku ai i na waiwai ana i aihue ai.

  Ma ka Poaono nei kona hopu ia ana a pau pu ae na waiwai ana i aihue ai i ka laweia i ke keena oihana makai, malaila i ikeia ai na waiwai makamae o Mrs. Allan Herbert ame Mrs. Gertz i lawe aihue ia me ka maopopo ole i na la i hala nawai la i aihue.

  Ma Alanui Vinia kahi noho o keia mau wahine a ua hoike ae laua i ka oihana makai no keia aihue, pela hoi i waihoia aku ai ka imi pono ana i ka aihue ma ka lima o ka Makai Renear, a i keia Poaono ua hiki hou aku ia ua Kepani nei ma ia mau wahi no ke kuai hoolilo ana i kekahi mau waiwai ana, a i kekahi wahine Pukiki kana kuai ana a oia no hoi ka manawa i hopuia ai e Makai Renear mahope iho o ka hoikeia ana aku.

  Mahope iho o ka hoonuinui ana ua hoike piha mai la o Asa i na mea apau me ka ae pu ana e hoike i kahi ana i waiho ai i na waiwai i aihueia.  A i na home ana i hoolilo aku ma alanui Puowaina kekahi iwaena o na Pukiki ua loaa aku he nui wale o na waiwai ano like ole i pau i ka hooliloiia.  Ma na wahi apau ana i hoolu-a ai ua ikeia na waiwai, e like me ka poia-kopaa dala, ipu-ki dala, noho, pale-holoi wawae, pahi lole-pipi, ipu waiho puna, puna dala, ipu-kopaa wai-gula, puna wai-gula, pale pakaukau, noho lumiaina, pola ti Iapana, he mau o, kiaha aniani, pa waiho meaono, pakaukau koa, na uhi moe, pale uluna pahu, lole silika wahine, pakaukau ohe Iapana uwati i ma-kaia "S. P. B., 1898," lole wahine, mamalo, silika, pahu waiho mamalu, ipulepo, olepelepe puka aniani, pani puka, ipukukui, pa pono aniani, pale puka aniani, na ponoo moe, na pono halekuke, ame na popo hale noho apau e lawa ai ka makaukau no ka noho hale o kekahi mau paa mare.

  He kanaka o Asa i emi iho malalo o elima kapuai ke kiekie a emi iho la malalo o hookahi haneri paona ke kaumaha, a aole ana manawa aihue ole, --e aihue ana i ka po a i ke ai --i ka wa o na kukuna ia e olino ana.

  Ua nui loa ke kaumaha o keia kanaka i keia manawa mamuli o ka nui ino i hanaia ana e ku aku ai imua o ke kanawai ka rula nana e hooponopono mai iaia.

------------------------

NUHOU KUWAHO

------

KEKUAI BIBI NEI O IAPANA.

  MANILA. P. I.  Ian. 23 -- Eia na agena o ke Aupuni o Iapana e noho nei ma Manila nei ke kuai nei i ka bibi ma ka heluna nui.

POINO HE MAU OLA NO KA AI ANA I KA IO I KOMOIA E KA LAAU MAKE.

  BELINA.  IAN. 30 --He ewalu kaikamahine e noho kaumana ana iloko o ke kula a'o kuke ma Dau@intadiet i pau i ka make, a he ekolu e waiho nei me ka maopopo ole o ko lakou palekana, mamuli o ka ai ana i ka i'o holoholona i kauia e ka laau make.

PULE E HOOPAU I KA HAULE ANA MAI O KA UA.

  LOS ANGELES, Cal., Feb. 1. -- Ua haawiia ae na leo pule iloko o na halepule apau maanei e hoopau ae i ka haule ana mai o ka ua i pau ai ke koekoe e halii nei maanei.

AUMOKU KAUA NO CULEBRA.

  WASINETONA, Feb., 2. -- Ua Kauohaia aku nei ka aumoku kaua e ku nei ina na kai o Europa e holo ae no Culebra no ka hookahakaha ana.  O Culebra oia kekahi o na makupuni liilii ma ka huli hikina o Poko Riko.

PUHILA MAI KE ALAHAO AKU.

  DENEVA, Feb. 2. -- Iloko o kekahi pukiki makani nui o keia ia, ua puhila aku e ka makani a haule ana mawaho o ke alahao kekahi o na kaaahi lawe ohua.  He nui na poino i loaa ae ma kekahi mau wahi o ke kulanakauhale nei mamuli o keia ino makani.

NA LONO KAUA A RUKINI ME IAPANA.

  VANCOUVER, Feb. 2. -- Eia ke kuai nei na Iapana i na lio na ka pualikoa Iapana.

  TOKIO, Feb. 2. -- Ua hoikeia ae nei ma ke akea kekahi kanawai e hoopaa ana i na lilo o ka Oihana Kaua Aina ame Moana.

  ST. PETERSBURG, Feb. 2. -- Ua hoounaia aku nei ke kope o ka pane a Rusia ia Iapana imua o ka Czar.  Ua hoikeia na mea apau iloko olaila aka he mau ku-e e ae no kekahi.

  ST. PETERSBURG, Feb. 1. -- Ua hoike ia ae nei ka houluuluia ana o na koa i manaoia no Manucuria.  Ke manaola nei e hiki aku ana i ke 50,000 koa e hoopuipui aku ana i ko Vladivostok kahua hoomoana.

KIPU NA ENEMI I KA MOKUKAUA AMERIKA.

  SAN DOMINGO, Feb. 6. -- Ua kipu ae na koa hoala kipi i ka mokukaua Ianaki o Amerika ma ka la i nehinei, a make iho la ka wiliki.  Ua kauohala aku ke kapena o ka mokukaua e panai aku i keia hana hoohaahaa i ka hae Amerika.

HOOLE O SIXTO LOPEZ I KA LAWE ANA I KA HOOHIKI.

  MANILA, Feb. 6. -- Ua hoole ae o Sixto Lopez i ka lawe ana i ka hoohiki e noho aku malalo o ka malu o Amerika, i kona hiki ana mai nei ianei, a ua kepaku loa ia aku oia no Kanahai.

KAKOO NA LNAHOOPONOPONO NUPEPA IA RUSAWELA.

  WASINETONA, D. C., Feb. 5. -- Ua kakoo ae nei ka Ahahui Lunahooponopono Lahui Repubalika i keia la i ko Peresidena Rusawela lilo ana i maho peresidena no ke kau elua.

KAUOHA IA ADIMARALA WISE.

  WASINETONA, FEB. 7. -- Ua Kauohaia aku nei o Adimarala Wise e malama ae i na ola ame na waiwai o na Amerika e noho nei ma San Domingo, E hoolele ia no na koa marina ke manao ia pela.  E hana ia aku ana he hana koikoi no ka hana hoohaahaa i ka hae Amerika i aia mai hoi manuli o ke kipuia ana o ka mokukaua Ianaki.

HE HIHIA NO HAWAII NEI.

  LAPALAKIKO, Feb. 8. -- Ua apono ae nei ka Aha Hookolokolo Kaapuni o na Hoohalahala i ke koi pono a Kamuela Palapala no $3,000 ku-e ka Hui Mahiko o Paauhau.  O ua hoopii koi poho la ua hoohalahalaia mai ka Aha Hookolokolo Apana o Hawaii.

MAKE MA KE ALANUI KAAAHI.

  KIKAKO, Feb. 10. -- He umi-kumainalima mau oia kino i make a he nui hoi ka poe i eha mamuli o ka hookui ana o na kaaahi ma ke alahao o Soo.

PAUAHI MA KIKAKO.

  KIKAKO, Feb. 10, -- Eia ke holo papa nei ke ahi@ma ka pana e ulu nei na laau hana hale.

  CHEFOO, Feb. 7. -- Eia ke pa nei kekahi makani nui a me he mea ia e kupilikii ana na mokukaua o Rusia i poino mai nei.

  WASINETONA, Feb. 10. -- E hoopuka ae ana o Peresidena Rsawela I ke kuahaua i na Mana Aupuni e kaokoa ae mai na mea e pili ana no ke kulana ma na Aina Hikina.  Ua ae na Aupuni e ae e hana ana lakou ia hana e pili ana no ke kaua mawaena o Rusia ame Iapana.

  Ua kauohaia aku nei na aumokukaua malalo o Adimarala Cooper e holo ae no Kanahai a mailaila ae no Chemoipo.

  O ko Amerika Kuhina ma Korea ua hoi ae nei no Tokio.

EIA HOU NO UA PAUAHI.

  OSWEGO, N. Y., FEB. 11 -- O ka hale hana pia lole o ka Hui Corn Products, ka hale hana pia lole nui o ke ao nei, ua pau i ke ahi a o ke poho he hookahi miliona dala.

KAUOHA IA ADIMARALA WISE.

  WASINETONA, Feb. 10. -- Ua kauoha ia aku o Adimarala Wise e lawelawe lima ikaika aku no ka malama ana i ko Amerika mau pono ma San Domingo.

HE MARE ALII.

  LADANA, Feb. 10 -- Ua areia ae nei o Kaikialii Alekanekero o Teka ame ke Kamaaliiwahine Alice.

----------------------------------

AIA NO O WRAY TAYLOR MA KAPALAKIKO.

-------

  Ua hoikeia ae aia no o Wray Taylor ma Kapalakiko, a aole paha oia e hoi hou mai ana no Honolulu nei oiai ua a'o aku kona mau hoaloha aole ia e hoi hou mai.  Ua lohe aku o Bihopa Restarick, ka mea i halawai aku me ia ma Nu Ioka i kekahi manawa i hala ae nei, aia o Wray Taylor i keia manawa ma Kapalakiko.

-----------------------------------------

E Malama i kou Ili

KE ANO O K AMALAMA, HOOMAEMAE ME KA HOOUI ANA I KA @ A ME KA HELEHELENA.

  No ke malama, hoomaemae a me ka hooui ana i na Ili, i ole ai e loaa i ka huehue, ili pohaka, ili akakaa wale, kolekole, lean, hou nui ili makamaka, ili a helehelena paha e hiki ke hoohalikeia me ke KOPA KUTICURA, no ka mea, aohe kopa e ae e hiki ai ke imi aku a loaa na kumu penei:  ka paakihi upehupehu a hoopaaia paha o na pukapuka o ka ili.

E Malama i kou Lauoho

KE ANO O KE PALE ANA I KA LAUOHO HELELEI, NA EHAEHA O KA ILI POO ME KE KEPIA.

  E hoioi pono i ke poo me ka lauoho me ka wai KOPA KUTICURA  pumehana, hoioi i ke kopa me ka wai pumehana, hoomaloo maikai, alaila, hamo malie me ke KUTICURA, ka laau hamo maemae loa, ke komi malie ia a komo iloko o ka ili o ke poo.  O keia wahi laau hoonui lilo ole, iloko o kona ano ole, ha oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili, a me ke kepia, e oluolu ana na ani eha, ka weweia, a e hooikaika ana i na kumu lauoho, e hoolawa ana i naa me ua mea kupono e ulu ai, a e ulu auanei ka lauoho maluna e ka ili maemae, a ole maikai no hoi, ma kahi i nele ai i na laau e ae a pau.

E Malama i kou Lima

KE ANO O KA HANA ANA I NA LIMA A PALUPALU ME KE AIAI I KA PO HOOKAHI.

  E hoioi a lumai i na lima i ka wa e makaukau ai e moe, iloko o ka huahua KOPA KUTICURA manoanoa hoi i hoopumehanaia.  Hoomaloo pono a hamo puni me ke KUTICURA HAMO, ka laau hooia ili oi loa, a o ka oi aku no hoi o ka laau hamo maemae loa.  E komo i mikilima alualu i ka po, me ka hana nae i mau pukapuka ma na manamana.  No na lima ula, kalakala, @ mokumoku, maloo, nakanaka, maneo, owelawela o na poholima, maiao kekea me na manamana hu'i,   o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, makumoku, kalakala a lahilahi paha o na lima.

  POTTER DRUG AND CHEM. COMP., Boston, U.S.A., na Ona o na laau CUTICURA a pau loa.

---------------------------------------

 

Eia makou ke hoi nei no ko makou Halekuai Hou i noho mua ia iho nei e

.  Lewers & Cooke, Ltd.  .

ma Alanui Papu

--------

Pearson & Potter Co., LIMITED.

--------------------------------------

Na Onamiliona Lawe Ma-luia

  O keia ka moolelo a ke Kuokoa i hoopuka ino nei a i keia manawa ua makaukau ka Hawaiian Gazette Co., me na kope i pa'i buke ia no ka hooima aku i ka poe apau i makemake e loaa i mau kope o keia moolelo maikai a hoonanea ke loaa mai na kauoha buke me ka hoouna pu mai i ke kumukai o kanakolu keneta (30 keneta) o ka buke hookahi, ma ka bila dala haleleta a i ole ma ke pooleta o elua a hookahi keneta.

  Ua manaoio ke Keena nei e pa'i buke i na moolelo e hoopukaia nei ma ke Kuokoa mai na moolelo o na aina mamao a i ko kakou nei no hoi, he waiwai nui hoi ia o ka pa'i buke ia o na moolelo Hawaii kekahi kumu e ola ai lakou iloko o ka noonoo pililaula o kakou iho.

  O ka makou ia i noonoo ai no ka pomaikai pililauia aka aole e holopono loa ia hoo hana ana ke ole e laulima pu ia mai.

  He buke keia nona ka nui kino o 8 1-2 iniha ka loa a he 6 iniha ka laula a he 3-8 iniha ka manoanoa, a he 138 aoao o 24 mokuna.

  O ka heluhelu moolelo oia kekahi alanui o ka hoomakili noonoo no ka hoonaauao ana, aka, e oleloia mai ana paha ua pau e no i ka heluheluia aka, he manawa hookahi wale no ia, a i kekahi manawa mamao e hiki mai ana e makemake hou ai oe e heluhelu hou, a i ka poe aole i heluhelu piha i ua moolelo ia o ka manawa maikai loa keia e loaa ai na kope.

  E hoouna mai i na kauoha ame ke kumukuai (30 keneta) ma ka inoa o ka "Hawaiian Gazette Co., Honolulu, P.O. Box 208, a e hooko koke ia aku no ia poe kauoha.  Ua makemake nui ia no hoi oe i mea lawe pepa kumau no ke Kuokoa a ua hauoli nui makou no ia mea ke loaa mai kau kauoha ame ke ole pu.  He $2 no ka makahiki a he $1 no eono mahina.  -- L.H.

-----------------------------------

. . O KE . .

Koko Ino ka mea e Ioaa ai na Pilikia ma ke Kino.

----

E Heluhelu i keia mau Manao, O KA LAAU

AYER'S SARSAPARILLA

-- KA --

laau nana e hookaawale na ma'i ia mai kou koko aku.  He laau hoonoonoai, a he laau e hooikaika ana i kou mau iaia apau.  O ka Laau Ayer's Sarsaparilla ka laau kaulana loa a puni ke ao holookoa.  Ina e hoomau ia ke lawelawe ana i keia laau e loaa ana ka ke ola kino maikai a me ke koko maemae, hoi lou mai ka ula o kou maolehelehe, pu'ipu'i maikai kou mau papalina, a loaa ke kulana oia kino maikai.

  He loaa na pu'u paa o ke kino i ke laau Ayer's Sarsaparilla, e hoopakelana mai ka ma'i puu paa (Brights Disease) ame na ma'i oia ano.  Ke kou ikaika aku nei makou e lawe ia keia ano laau ma kahi i ike ia na ma'i Puupaa apau.

  Hoomakaukau ia o Kauka J. D. Ayers.

  E loaa no keia may Hosale ma ne & Co., Lowell Mass., U.S.A. hale kuai laau a@au.

----------------------------------------

Na Waiwai Hou

---

Na Apana Waena

Na Silika hookinohinohi, Kimono Silika, na Waiwai o Kina, ame na U'i o Iapana.

------

S. OZAKI,

Waverly Block, Alanui Hotele.

---------------------------------------------

O na Palulu La Maikai Loa no kou lanai hale oia no na Palulu Ohe.  Eha a hiki i ka Umi Kapuai laula, no ke kumukuai o 20 keneta o ke kapuai.

E loaa no ma ka Halekuai.

FUKURODA

Helu 28-82.....................Alanui Hotele

-------------------------------------------

HUI HOOLEWA HONOLULU

---

  Ke hooiaio nei keia hui i kana mau hana kikua i kona mau laia.  I keia wa ua ei mamua o 1300 laia, a ke @ mau nei i keia ame keia ia.

            J. H. TOWNSEND, Kakauolelo, 124 Alanui Beritania,  Tl. Maia 411.

--------------------------------------------

KA HALEKUAI

GOO KIMA

  E ku nei ma na kihi o na alanui Nuowale no e loaa nau mai nei o na waiwai hou loa ma na mokuahi apau, anu ame Hotele, ka halekuai hookahi

----------------------------------------------

E HOOMAKAUKAU NO KA EHA O KA PUU.  O ka manawa i lilo no ka hoouna ana aku i kauka oiai ke keiki e hoike mai ana i na haawina o ka eha ma ka puu oia no kekahi mea e pono ai.  O ka laau i hilinaila a he mea hoi e waiho mau ana ma na home a makaukua no ka hoohana koke ana aku oia ka Chamberlain's Cough Remedy.  Aole ona manawa e hoohoka ai a he kaupale maikai loa hoi no keia ma'i i ka wa e hoomaka mai ai ke keiki e kalakala kona puu, a i oole mahope koke iho o ka hoomaka ana mai e eha ka puu.  Eia ke kuaiia nei o na halekuai laau apau.  O Benson, Smith & Co., Ltd., oia na agena ma Hawaii nei.

----------------------------------------------

  E like me na mea i hoolaha mua ia aku ai e hoea mai ana he mau kea marina ma ko kakou nei awa, pela ia no, a eia ke kiai mai nei i ke kakua e na Amerikak ma Ainahou ae nei.