Ka Nupepa Kuokoa, Volume XLII, Number 7, 12 Pepeluali 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KAUNAWAHINE

O KE KULANAKAUHAL O TAREVIS.

KE ALOHA I KA MAKA PAHIKAUA

MOKUNA XIII

HOOMALIELIELA KE KAUNA PAELE AOLE E LI I KONA

EMEPERA.

 

     “Alaila, e ka wahine ua hiki keia hana au ke hoopokoleia ma ka hopuna hou ana ia oe I kea lo o ka Akibihopa a i ole i kekahi o kona alakai, a e hiki aku hoi oe ilaila e like me ka hikiwawe i ka i’o o k ko ke hoohanaia aku. E Kapena Setinameta, e lawe koke oe I keia wahine imua, ka Akibihopa i Kakele Kokima a ina aole oia malaila, alaila, e waiho aku iaia iloko o ka lima o ka mea iaia ka mena o ua Kakela la. E hana aku oe me ka hoohakalia ole.”

     I kela Manawa koke no ua eu mail la ua kapena nei no kahooko ana i ke kauoha o kona Haku oia no ka Manawa i lele mai ai ka wahine opio me ka leao uwe nui e na leo uwalo ku i ka walohia no ka hoopakeleia mai.

     “E hou makua, e kuu makua, e hoomanao aole oe e hana mail i keia hana hoopilikia loa e kau mai maluna o’u. E hoomanao, e kuu makua owau walke no ke kaikamahine kookahi o ko’u kaikuahine hookah wale no. Ua kauoha ikaika mai ka Akibihopa ia’u e mare me ke Kauna Bitarika, a______.”

     “ A he hana kupono loa ia a ka Akibihopa i hoolala mai la. O kona kuleana no ia no ka mea oia no ka i kuleana i ka malama ana ia oe. Aole e hiki ia o eke hole ia mea. E manao anei oe e ae wale aku au e mauna I kuu Kakela nei no kou makemake ole I ke Kauna Bitarika? Aole loa. He hookah mea I maupopo, iloko o kuu ohana he hookahi o lakou i ano pupule, a ke hauoli loa nei au aole owau kekahi iloko o ia ano haawina.”

     “ Ina aole oe e hoopakele mai ana ia’u mai keia pilikia ae o’u alaila, e hookuu oluolu mai oe ia’u no ko’u hele loa aku i Palanipoka e waiho aku i keia noi iaia no ka hoopakele mail ia’u. He mea oiaio, no, he kuleana kou e hookipa ole mai ai ia’u, eia nae, aole ou kuleana e hopu mai ai ia’u a e hoihoi i ka Akibihopa.”

     “Na keia hana hope au i hoike mai i kou pupule io, no ka mea, ua ika no oe aole ka Emepera ilaila i keia manawa no ka mea aia oia i ka aina hemolele, a ke manao nei au ina no eia oia ilaila aole no oia e hookipa mai ana ia oe aka e hopu mai ana oia ia oe a hoihoi aku i ka Akibihopa ka mea iaia ke kuleana malama ia oe. Aole e hiki iaia e uhai i ke Kanawai Konohiki. No ko’u hopupio aku ia oe aia no ia’a ke kuleana a’o e ike mua aku nei e hoapono mai ana ka Akibihopa ke hana aku wau pela.”

     “E kuu Haku, e pili ana i ka Emepera, “ i pane aku ai o Rodolofo a ia manawa hookahi no i o i aku ai oia imua me ka maopopo ole ‘nae ia a o na olelo jupono e pane hou aku ai.

     “Ae, i ka Emepera? He mana anei kou e hoopuka nona? Owai oe a @ha kou pili i keia kumuhana?”

     Ma keia mau ninau a Rodolofo i ke Kauna Paele ua lilo ia i mea nana i hoa ae i ke ahi o ka huhu iloko ona, no keia komo e wale ana mai o kekahi kanaka mawaena ona ame kana kaikamahine hanauna, a huli ai la oia a nana aku la i ke kanaka opio me na maka huhu.

     “Owau o Rodolofo o Palanipoka, ka mea hoi nona ka inoa i like loa me ko ka Emepera, a he hoaloha oiaio oia no’u,” wahi a Rodolofo i wehewehe aku ai.

     “Pela anei? Ke hauoli loa nei au i ka lohe ana. Alaila he mohai maikai loa oe na’u e like me ka maikai ana imua o ka Akibihopa no na molui o keia ano. Nolaila, e Kapena Setinameta, e hoomakaukau koke mai kou kanaka li-kanaka i ke kaula o ka amana, a e li aku i keia mahaoi nui ma ka amana i hiki mai ai ka Akibihopa a ike mai i ka mohai.”

     “E kuu Haku.” Wahi a ka Emepera i pane aku ai me ka leo koikoi, “Ua makemake loa wau e kamailio pu me oe ma kahi kuakapu maunua o ka hookeia ana aku o keia kauoha au.”

     “Aohe ko’u he alo hana ma kahi ma lu, aka i ke akea e hanaia ai na mea apau i ike ae ai na mea apau i pili aku ma ia kumuhana.”

     “Alaila ua oi loa aku kou lapuwale,” wahi a ka Emepera i pane aku ai me ke kanalua ole. “Ua hana mai oe i na hana i kulike loa me ke kulana o ka olelo a’u i waiho aku nei imua ou, a no ka hiki ole ke alo ae, a oiai oia ka olelo hope e waihoia aku imua ou pela i puka aku la. O ka Akibihopa au e’ manao nei he hoaloha ia nou, ua kulihewa lea oe malaila, no ka mea, he enemi io oia nou, a aia kona mau kiu mawaho o kou Kakela nei kahi i kiu ai no ka hoomaopopo ana i na wahi e hiki ai ke ulaa pu ia oe mai kou kakela ae. Ina no e hoohoaloha aku ana oe iaia aole no kela e maliu mai, a iloko o ka manawa kupono e hiki mai ai oia mawaho o kou kakela me kona mau puali koa no ka hoopuni ana ia oe, a ke nana pono ole oe i keia e lilo ana oe i pio nana. Ua makemake anei kuu Haku e lilo i pio nana a i ole e hoomakaukau koke i keia manawa no ka paio aku? Ke manao nei au o ka hiki ana mai nei o ko kaikamahine, ke Kaunawahine Tekela he leo moakaka loa ia o ka hoopakele ana ia oe mai keia po’ipu a ka hoaloha au e manao nei he hoaloha.  A o kou manao ana e hoihoi hou i ka wahine opio i ka Akibihopa, aole e nele ka oleloia mai o no kou maka’u wahine wale ke kumu o keia hana ana pela. E noonoo pono oe i keia mamua o kou hooko ana i kekahi mea e ae a aole he manawa aku i koe e hoopaneenee ai.”

Mamuli o keia ano mahaoi ou, ke kapae nei au i kuu kauoha mua e li ia oe ma ka amana, aka, ma kona wahi e okiia ae kou poo mai ke kino ae,” wahi a ua Kauna Paele nei i pane aku ai me ka huhu nui.

     “O, e kuu makua, “ wahi a ke Kaunawahine Tekela, “E hana mai i kau mau kauoha maluna o’u a e hookuu aku i ke kanaka opio, no ka mea, aole oia i hewa, a aole no oia i komo mai noaa iho iloko nei aka no’u a na’u no i noi aku i kona oluolu e kokua mai ia’u ma keia juakai a’u. Nolaila ke noi aku nei___________.”

     E Kapena Setinameta,” wahi a ua Kauna Paele nei, “E lawe koke aku i keia kanaka ma ka li amana me ka hoonui olelo hou ole aku.”

     Ma keia manawa ua eu hou ae la ua kapena nei no ka lua o ka manawa no ka hooko ana i ke kauoha a kona Haku oia no ka manawa a kekahi leo i pae mai ai ma ke kikina pula ke kumu hoi i puiwa ai na mea apau oloko o ka lumi e hoolohe ana i na olelo i kukai mua ia iho.

     “E ae mai anei kuu Paele,” wahi a ka panapua i pane aku ai, “o kou jooko aku i keia kauoha au, aole ia e ko ana mamua o ka lilo ana o ke ola, no ka mea, aole he kanaka e hiki ke alo ae i ka maka o keia pua a hakalia a hemo aku mai kuu lima aku e mmoni ana oia i ke koko o kou puuwai. He hookahi leo mai kuu Haku e lele no ka pua. Nolaila, e kuu Haku Rodolofo, ala ke ola o keia Kauna Paele iloko o kou lima a hookahi kauoha mai ia oe mai e kuu Haku o ka lele no ia o keia pua iloke o kona puuwai. Pehea? E hooko anei au?”

     “Ua pololei ka olelo a ka panapua, a o kou mau koa ka i ike pono i ka oiaio o kana olelo. Aole i mamau loa ka hanaia ana mai nei o kekahi hana a lilo ana ke ola o kekahi o noa koa o ka Akibihopa i ka manawa pokole loa, a no kou ola e kuu Haku Paele e noonoo pnon oe mawua o ko’u waiho aku i ke kauoha no kou ola.”

     “Aole ia he hana hoohilahila o ka haawipio ana, oiai he oiaio na mea i weheweheia iho nei. Aole he hiki ke alo ai i keia mau olelo oiai ua ike pono aku nei makou, e hiki ole ai i kou Kapena ke hoole i ka oiaio o na mea i hapaia.” O na olelo keia i pae mai ai mai kona Kapena mai, a no keia mea ua kunana nui ua Kauna Paele nei me ka maopopo ole iaia o ka hana e hana aku ai.

     Aole anei oe e hoihoi hou i kau mau olelo a e kala mai ia makou?” i ui hou aku ai o Rodolofo.

     ‘Ina aole au i makee i ka hanohano o ka’u mau kauoha alaila oia no ko’u malama ole ia lakou. Nolaila, ke hoihoi hou mai nei au i ka’u olelo a ke hoopaa nei au me ka oiaio aole e hanaia aku kekahi o ia ano.”

     “Ke lawe mai nei au i kau olelo, a e huiia makou apau ma ia ano hookahi, eia nae, e ku makaukau mau no ka panapua ma kona wahi no ka makaala ana i kou mau koa.”

     “Aole loa e hoopilikia wale aku ko’u mau kanaka ia oukou,” wahi a ke Kauna Paele pane hou mai ai, “a ke hoopaa io nei au i ka’u olelo, aole e kauia ako maluna o oukou, a ma ka oukou huakai no Palanipoka e hele malaelae oukou me ke ke’ake’a ole ia. Aole anei ua iawa keia mau olelo hoopaa a’u.:

     “Ua lawa, e kuu Haku,” wahi a Rodolfo i pane aku ai. E ka panapua, e hookuu i kau mea kaua.”

    Ma ka aoao o ka panapua ua hookuu iho la oia i ka pua mai ka pana ae ana no joi e hoomau ana i ka paa ana a i makaukau maoli no no ka hoohanaia, a me ke ano lawa ole o kona manao i ka nana aku ma kona mau hiohiona, i kona jookuu ana i ka pua.

     Ia manawa koke no ua loheia aku la ke kani ana mai o ka leo o ka o le, a me ka hoohakalia ole no hoi ua hele koke aku la ke Kapena Setinameta, a aole no hoi i liuliu ua hoea hou mai la oia me ka i ana:

     “Ua makemake loa ke Kaua Bitarika e ike ia oe no ka hoihoi hou aku i ke Kauna wahine Tekela i kona Kahuhanai. Malalo o ke kanoha a ka Akibihopa keia hiki ana mai nei o ke Kauna.”

     “Ma kana kauoha ea? E olelo aku iaia e kali iki a hiki i ko’u manawa e makaukau ai no ka hookipa ana iaia i o’u nei.” A me keia mau olelo ua huli ae la oia a waiho kauoha aku la i kekahi o kona mau kauwa e hoike aku i kona makemake i ka lede o ka home e hele u ai i ona la.

     Aole liuliu loa ua komo mai la kekahi wahine i aahu me ka aahu eleele piha o ke an kaumaha i ka nana aku.

     “O ke kaikamahine keia a kuu kaikuahine, o Tekela o Tarevis, a e hele ioa aku ana kana huakai no Palanipoka, aka e hoaumoe iho ana oia i ke Kakela nei a apopo e hele ai. Nolaila, ke waiho aku nei au iaia iloko o kou lima a malalo o kau malama ana.”

     I ka wa i hala aku ai na wahine, oia no ka manawa ana i pane aku ai ia Rodolofo:

     “E komo mai ana ke Kauna Bitarika no ka hui kuka ana me a’u, a oiai oe oe kekahi iloko o keia huakai a ke Kaunawahine Tekela e ka-ua aku ana wau ia oe e noho iho iloko o keia kuka ana, malia a nau e pane kekahi mau ninau.

     Ua kunou aku ka Emepera e hoike ana no ka haawi ana i kona ai.

     Aole i liuliu ua komo mai la ua Kauna Bitarika nei me ka hooponopono ole a no ia kulana hikilele o ua Kauna la, ua mau aku kona maka maluna o ke Kauna Paele me ka nana ole ai ma na wahi e ae o ka lumi ame ka ikiiki no hoi o ka nanaina o ke kanaka i ka nana aku.

     “Malalo o ke kauhoa ikaika a kuu Haku a o kou Haku no hoi,” wahi a ke Kauna Bitarika, “ua hiki mai la wau imua on e hooko ai ia kauoha me ka hoohakalia ole ia, oia hoi, e hoihoi koke aku oe i ke Kaunawahine Tekela, a nau no e lawe maoli aku imua o kona alo a e haawieku oe i kou mau manao mihi maopopo maluna o keia ninau, a e waiho aku hoi i na ki o ke Kakela Turona nei, a mahope o kou mihi ana e puka mai ai ka olelo hooholo no kou noho kuleana ou ma keia kakela a aole paha. O kekahi kauoha a kuu Haku oia no kou lawe pu aku i na holahele o ke Kaunawahine Tekela imua o kona alo. Nolaila, e kali aku wau i kau pane a me ka hakalia ole no joi e pane mai ai oe.”

     No keia mau olelo na pii ae la ka ena o ua paele nei a pane aku la me ka ikaika o na olelo:

     “Oiai, he koko ke Kaunawaine Tekela no’u a he hanai hoi na ka Akibihopa o Tarevis, a oia no ka mea i kuleana maoli ma ka malama ana, a oiai o oe kana kane hoopalau i makemake ole ia e ia ke pane aku nei au ia oe, e olelo aku i kou Haku, oia no ka i kuleana i kaua hanai a nana no e kii mai.”

     “E hoke moakaka mai oe ma ka hoole a i ole e ae mai, no ka mea, eia ke ko’i nona ka oi e wawahi ai i kou mana ua makaukau a hakalia a puka mai ka pane hoole mai ia oe mai oia no ka manawa e hoohanaia mai ai ia ko’i maluna ou ame kou hale apau.”

     “No kou nui jookano, ke kauoha aku nei au ia oe e haalele koke oe ie keia Kakela, a e hoike aku i kou Haku aole au he paaua nana, a ina he makemake kona i ka hanai nana no e kii mai e like me ia a’u i hoike aku la ia oe. He hana hoohilahila loa keia i kekahi Kapena nui o ka puali o ka Akibihopa o Tarevis i ka hoohaahaa loa ia e kekahi panapua, a i mea e maopopo ai e kali iki iho oe mamua o kou haalele ane i keia Kakeia___” a ia manawa no ua waiho aku la oia i ke kauoha no ka hele mai o ka panapua, a emoole, hoea ana ua panapua nei ke kumu i ano e loa ae ai o ke Kauna Bitarika i ka ike ana aku i kekahi o na kanaka i hoopuhili aku iaia ma ka paio hahana oluna o ka puu.

     I ka manawa i hoea ae ai o ka panapua ua piha kona waha i ka mea ai, no ka mea e ai ana oia i ka manawa i hiki ai ke kauoha.

     “E ka panapua, “ wahie a ke Kouna Paele, “eia ko pio imua o kou alo, a ua kuleana maopopoo oe maluna o ua pio nei, he hilahila nui hoi maluna ona, a nolaila i mea e maopopo ai ia makou kona pio io nau, e ai mai i ka’u kauoha e pine aku oe i kela mikilima e kau mai la ma ka paia me ka pua o ka pana. A o ka pololei o ka ma ka oia ka hilahila nui o keia kanaka haanui.”

     “E like me ka makemake o kuu Haku Paele pela e hookoia aku ai,” i pane aku ai ka panapua a ia manawa no joi oia i liuliu a ai no ka hoomakaukau ana, a me he imo ana la o ka maka ua lele makawalu aku la he elima pua, me he la i ka nana aku ua lele lakou i ka manawa hookahi, a o ka mea i ikeia ua puka aku la ka paia i ka pua a ma kahi i komo ai o ka pua mua malaila no ka pua elua a pela aku a hiki i ka lima ke kumu hoi i puiwa loa ai ua Kauna Paele nei.

      “Ua aie nui au ia oe no keia akamai kamahao,” wahi a ua Kauna Paele nei, me ka piha kamahao io no, a ua lawa ia no keia kanaka e ike pono ai i ka haahaa io o kona kulana.

     “E hoike aku i ka Akibihopa e like me ka’u kauoha i waiho mua aku nei, a i makemake oia nana no e kii mai, a e hoike pu aku i ka hoohaahaah loa ia o kana Kapena Bitarika e ka panapua, he mana e ike mai ai oia aole o ka hoonanan mai i ke Kakela Turona.”

     O ka pane keia a ke Kauna Paele a ua lilo loa i mea kuaki loa no ke Kauna Bitarika a no ka hiki ole iaia ke hana aku i kekahi mea ua ku ae la ua Kauna Bitarika nei me ka haawi hoomaikai ole, huli ae la oia no ka hui pu ana me kona mau koa a haalelel iho la i ke Kakela me ka huhu nui i ka Haku o ua Kakela nei.

 

MOKUNA XIV.

 

HOOKIPA ME KA MAKONA

     Mahope iho o ka haalele ana iho o ke Kauna Bitarika i ke Kakela aia no ke Kauna Paele ke ku ia ma a aoao o ke pakaukau me no hiohiona pupuku a i ka manawa i pau ai ka halulu o na kapuai lio a loheia ke koele ana o ke pani puka alaila olu iki iho la kona kulana aka aole no i maalo loa ae ke ano piena, a oia no ka manawa ana i haawi kauoha aku ai i kana Kapena.

     “E Kapena Setinameta,” wahi ana i pane aku ai i kana kapena, “ua makemake loa wau e wae mai oe i ekolu poe kupono loa a hana pololei mailoko mai o ka huina nui a e hoouna aku ia lakou i keia la no ke kuai mea ai no ke Kakela.” E lawe koke ia mai ka ai a i ka la apopo e uku aku ai au no ia mau mea.”

     “E kuu Haku,” wahi a ke kapena, “aole paha e hilinaia mai la kou ke hele aku me ke dala ole_____ia hoi, ina he manao maoli kou e uku aku.”

 

(Aole i pau.)

 

Makai Kiu

ALOKE HOME

:AME KA:

 

     “Ua manao iho nei wau ua mehameha maoli no keia wahi nou, o ka oi aku no nae o kou kaikuahine.”

     “Aole, aole, aole o’u mehameha i ka noho ana maanei,” wahie a ka opio wahine ai pane aku ai.

     “He nui ka maua mau huke a he nui no hoi na mea a maua e kula ai ia maua iho, a aole wale no hoi oia aka he mau hoaloha maikai no hoi ko maua e noho nei ma keia kula. O Kauka Matimea oia kekahi o na kanaka naauao loa ma kana hana. O Sir Kale no hoi i hala aku la oia hoaloha maikai ia o maua. Ua kamaaina maua iaia a o kona hala ana aku la he mea kaumaha loa ia ia maua. Pehea la kou manao he mea pono anei ia’u ke kipa ana aku ki keia au wina la e ike ia Sir Hanale Baskavila a hookamaaina aku iaia?”

     “Ke manao nei wau e hauoli ana oia ke hana aku oe pela.”
     “Ina pela he mea ponon ia oe ke ha’i aku iaia e hana aku ana wau e like me ia. Malia paha o hiki no hoi ia maua ke hana aku i kekahi ma mea e maikai ai kona noho ana mai maanei. Aole anei oe e pii mai me a’u iluna i ka lua o na hale a e nana i na mea a’u i hoiliili ai, e Kauka Wakekona? Ke Manao nei wau o keia mau mea oia na mea maikai loa i hoiliiliia ai ma ka hema o Pelekane nei. A pau no hoi kau nana ana ia mau mea o ka makaukau no hoi ia o ko maua paina a o ko kakou hoi aku no hoi ia e ai.”

     O ka iini nui iloko o Wakekona ia manawa oia no ka huli hoi ana aku e ike ia Sir Hanale. O keia mau mea apau ana i ike ai makeia huakai ana aole ia i maikai ma kona noonoo ana. Mawaho ai o keia aiaoia ke noonoo nui la i na olelo a ka opio wahine i ha’i aku ai iaia oiai ua oleloia aku keia mau olelo me ke kuoo maoli no a me he mea la aia no he manao nui iloko oia mau olelo. Ua hoole ikaika ‘aku la oia i keia kono, a joomaka aku la oia e hoi, e hele ana no hoi ma ke alahele ana i hele aku ai ma ia kakahiaka.

     Me he mea la aia no kekahi alahele pokole e hele aku ai, no ka mea mamua o kona hiki ana aku ma ke alanui nui, ua hoopuiwaia o Wakekona i kona ike ana aku ia Miss Sepeltona e noho mai ana iluna o kekahi pohaku ma ko ianei ala e hele aku nei. Ua ike o Wakekona i kona manawa i haalele aku ai i kona mau hoa papaleo e noho ana no o Miss Sepeltona i kauhale a ma keia hoi eia ma kona alahele. Ua nana aku la ka opio wahine ia Wakekona me ka oluolu a e popohe mai ana ho ka ula o ka wahine u’i maluna o kona mau papalina lahilahi.

     “I holo ma nei wau, e Kauka Wakekona e hui aku me oe.” wahi a ka opio wahine i pane aku ai. “Ua holo mai nei wau me ka puapale. Aole pono ia’u e ku loihi iho maanei, mahope auanei ha’oha’o mai kuu kaikunane ia’u. O ka’u e makemake nei e ha’i aku ia oe oia hoi e kala mai oe ia’u i ko’u kuhihewa ana ia oe a manao hoi o oe o Si Hanale. E oluolu oe e oopoina iho i kau mau olelo i ha’i mua ai  ia oe oia mau olelo hoi aole i pili ia oe.”

     “Aka, aole wau e hoopoina ana ia mau olelo au, e Miss Sepeletona. He hoaloha wau no Sir Hanale a o kona mau pono apau he mau mea ia ma’u e iini nei e like me kou iini i ko’u mau pono iho. E ha’ mai oe ia’u heaha ia ke kumu o kou makemake loa ana a haalele iho o Sir Hanale ia nei a hoi aku no Ladana?”

     “He wahi manao ulu wale mai no ia, e Kauka Wakekona. I kou manawa e ike ai i ko’u ano oia kou wa e hoomaopopo ai aole he hiki ia’u ke haawi aku i mau kumu no ka’u mea i olelo ai a i ole hana paha?”

     “Aole pela. Ke hoomanao nei wau i ke ano o kou leo ia oe i kamailio mai ai. Ke hoomanao pu nei no hoi wau i ke ano o kau nana ana mai ia’u i ko’u wa e ku aku ana me ke paha’oha’o. E oluolu mai oe e hana mai me ka oiaio, e Miss Sepeletona, oiai mai ko’u wa i hiki mai ai ianei ua ike iho wau i ka nui o na mea nana e hoopouliuli nei ia’u. Nolaila ua like wau me kekahi mea i piholo iloko o kela lua milo a’u i ike aku nei a eia ma ko’u mau aoao he kakaikahi wale o na mea ulu uliuli e ku poai mai nei a ua hele hoi i ka mea nana e alakai aku a puka iwaho. E ha’i mai i ka manao o kau mau olelo a na’u ia e lawe aku ia Sire Hanale.”
     Hoholo ai la ka ula me na papalina o ua opio wahine la, o ka nanaina nae o kona mau maka iaia i pane aku ai he ooi.

     “Ua oi aku kau mau mea i noi mai nei, e Kauka Wakekona. I ka make ana o Sir Kale, ua kau iho ke kaumaha maluna o ko’u kaikunane ame a’u pu. Ua kamaaina oia ia maua, no ka mea  kahi ana e makemake loa ai e hele holoholo oia no keia kula, a he mea maa mau iaia ka hele loa ana ae a hiki i ko maua wahi. He oiaio ua kau nui aku ka haawe o ke kaumaha maluna ona no keia mea i ili iho maluna o kona ohana, a i ka hoea ana mai o ka haawina make maluna ona ua loaa mail ia’u ka manao me he mea la he mau kumu no kona o ka maka’u ana. Ua kaumaha wau i ka hiki hou ana mai nei o kekahi oia ohana, nolaila, i komo mail ai ka manao iloko o’u e hana aku no kona pono. O keia iho la ka’u ma i makemake ai e ha’i aku iaia.”

     “Heaha ua poino la au e kamailio mai nei?”

     “Aole anei oe i lohe i ka moolelo o ka ilio?”

     “Aole o’u hilinai ia moolelo.”

     “Ke manaoio nei wau ia moolelo. Ina he mea hiki ia oe, e pono ia oe ke lawe aku iaia mai nei aku kahi hoi i loaa aku ai na haawina ino i kona ohana. He akea hoi ka honua. Heaha hoi kona inea e noho iho ai maanei kahi o ke ino?”

     “No ka mea oia iho la kahi a Sir Hanale i makemake ai e noho iho, oiai oia iho la kona ano. Ke manao nei wau he mea puakiki loa kona neeu aku mai keia wahi aku aia no a loaa piha aku na kumu kupono mai ia oe mai.”

     “Aole i hiki ia’u ke haawi aku i na kumu kupono, oiai ke maopopo ole nei ia’u ia mau mea.”

     “E ae mai oe e ninau aku wau ia oe i hookahi ninau, e Miss Sepeletona: Ina oia iho ia kou manao maoli pehea ia oe i makemake ole ai e lohe mai kou kaikunane i ua mea la? Aole he mea e hula ai oiai ua ke na mea apau i keia mea.”

     “No ka mea ke makemake loa nei kuu kaikunane e noho mai kekahi mea ma Basekavila Hale no ka mea ke manao nei oia he mea maikai ia i ka poe e noho nei maanei. E huhu ananei oia ke lohe aku na’u i kamailio a haalele o Sir Hanale i kona noho ana iho @ua nei. Ke hana nei wau i ka mea i hiki ia’u a o ka pau no hoi ia o ko’u manao. E pono ia’ ke hoi koke aku o ha’oha’o loa mai kela ia’u a manao mai ua hele ma wau e hui aku me oe. Aloha kaua! “Ua huli aku ia oia a hoi aku ia iloko o ka wa pokole ua nalo aku ia oia mai na maka aku o Wakekona, a huli ai ia no hoi o Wakekona hoi no Basekavila.

 

MOKUNA VIII.

KA KAUKA WAKEKONA HOIKA MCA.

 

     Ma keia mokuna, e na makamaka heluhelu, e haalele ana kakou  ka hoohialaai ana me ka mea nona keia moolelo no kekahi manawa, a e hoohialaai aku ana kakou me Kauka Wakekona, ko Kaloke Home hoa huli mea pohihihi, no kekahi manawa, a e ike kakou i kona hooko ana i na kauoha a kona hoaloha a me ka hiki ana iaia ke huli i kekahi mau mea e pili ana i ka laua hihia. Eia iho kaua hoike mua loa i hoike aku ai ia Kaloke, mahope o kona hookamaaina ana iho me Sir Hanale Basekavila.

                                            Basekavila Hale, Okatoba 13,___

     I KUU HOME ALOHA, ___Me he mea la o ka’u mau leia ame na teregarama o na la i hala ae nei, oia na mea nana i hoomoakaka ake ia oe i na mea apau e pili ana no ka kaua hana, e like me ka mea i loaa mai ia’u ma keia wahi a ke Akua i hookaawale loa ai mai ka @kau aku o na kanaka. E like me ka loihi o ka manawa a kekahi mea e