Ka Nupepa Kuokoa, Volume XLII, Number 6, 5 February 1904 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, FEBERUARI 5, 1904

 

Nuhou Kuloko

 

            E malama ana ke Komite Kuwaena o na aoao Repubalika i ka lakou nalawai mau ma ko lakou keena hana, ma ka po o ka la apopo, Feberuari 6.

-

            He mau po kuahi pahi keia iloko o ke @ulanakauhale nei a me na wahi ma@aho aku. Nana aku oe ia la pupue @ i ke anu o Alika. He anu koi kau!

-

            Eia ke hoomakaukau mai nei na hui maupopo e paani aku ana i keia kau. Ke hoomaamaa mai nei kekahi mau hui no ka manao e lawe a lilo i ka @ o ka lanakila. Imua a lanakila!

-

            Ke hoea mai na koa marina i ma@a ai no keia awa, e kukulu ia aku ana e ka oihana kaua maanei he wahi @ kinaiahi mailoko mai o keia poe @ ka malama ana i na uwapo o Amerika.

-

            Ua ku aku imua o ka aha kiure, ma ka Poakolu nei, ma ke ano he mau hoike no na bila hoolilo o ke Kau Aha@ olelo iho nei, na Lunamakaainana Chillingworth, Kumalae. Harris ame long.

-

            Ua hookohuia aku o David L. A-i i Agena no ka Ahahui Hoolewa Hono@ a i manao kekahi mea e lilo i laia @ ua ahahui la e hele ae iaia ma ke keena o ke Kuokoa.

-

            O ka nananina o na aouli e hekau nei maluna iho o kakou i keia mau la ke hoike mai nei no, aole i pau na hana a Kulanihaloi. He nani hoi paha ia ulu pono na mea kanu a kakou. Hewa ia la?

-

            Mai poina i ka alawa ana ae i ka hoolaha a James F. Morgan e puka aku nei. O ka poe apau e noho nei ma Kapiolani Tract, ma Kalihi, he mea pono ia lakou ke nana iho i ua hoolaha @ olai ua pili ua hoolaha la i ko lakou mau pono.

-

            Ma ka la 17 o keia mahina e hoomaka la ai na hana hoike i ka poe e makemake ana e loaa na hana Federala. He hana mau keia e hanaia nei e Amerika nolaila o ka poe e makemake ana e loaa na hana aupuni e pono no e makaala ae i keia la.

-

            Mamuli o ka nui o  ka poe e ninau mai nei ia makou no na mea e pili ana i ka hoouna ana mai i ke ola o ka kakou hiwahiwa, nolaila ke hoike ia aku nei. Ua hiki no i kela ame keia mea e makemake ana e hoouna mai i ke ola o ka pepe ma ka hoouna ana mai ma ke poo leta hookahi a i ole elua ke neia, ua like no hoi ia me ka hoouna ana mai ma ke dala maoli. Ina no hoihe hale leta ma ia wahi, alaila e hoouna mai ma ka bila kikoo hale leta.

 

 

 

Ke Noi Pono Aila Ea

-

            O ke noi  pono aila ea a Dimond ma, i hookomoia ai iloko o ko kakou mau Hale Kau Kanawai iho nei, eia ke waiho mai nei iloko o ka lima o na Komite o na Teritori o ko Amerika Ahaolelo, a me hea mea la e halawai ana keia pono me na kuia e like me ka mea i ikela ai no ka pono o ka Hui Kukui Uwila. I mea e hoike aku ai i na Komite nana e noonoo mai nei i keia pono aila ea, eia o Mr. Emil Berndt ke lawe nei i kekahi palapala no ke kakauinoa ia ana o ka poe waiwai o ke kulanakauhale nei e apono ana i ua pono aila ea la. Ke manaolanaia nei e ka poe apau i makemake i keia mea e holopono mai na mea apau, a e haawi ia mai keia, pono i ka mea nana ke noi.

 

Make ia Makapo Hawaii.

-

            Ma ka hora 1 o ka auwina la Poalua nei, ma ka Halema`i o ka Poe Olaole, ma Kaimuki, ua hookuu mai la i keia @ola ana, o Kakaio Haupu, kela makapo @ kamaaina i na kanaka o ke kulana@auhale nei e hele ana ma na pi-pa alanui me kahi ilio e alakai ana iaia. He nui kona mau hoaloha ma ke kula@akauhale nei iwaena o na Hawaii ame @a haole no hoi, a iaia e hele ana ma @a alanui o kakou nei, ua komo ke @John Hoko o na mea apau i loaa ka @hane aloha no keia makapo a ua haa@i aku i na kokua ana i loaa ia lakou @a na wahi kenikeni. O kona hala ana @ku la, oia ka nalo ana aku o kona mau @aka i kamaaina i ko ke kulanakau@ale nei, a pau ae la no hoi kona ike @ ana e paikau hele ana me kana wahi @io.

            Wahi a kekahi o kona mau hoaloha, @e ehiku makahiki i hala ae nei, ua @oomamala kekahi wai ilio e Haupu @o ka lawe ana iaia ma na wahi like @le o kona hale ame na wahi hana o @e kulanakauhale nei a pela no hoi me @a kanaka i hoohoaloha aku i kona @ahu. I kela ame kela la e alakai ana keia wahi ilio i kona kahu no keia mau @ahi i hoikeia ae nei, a ua loaa no na wahi kenikeni liilii e ola ai oia ame kona kahu makapo. No kekahi mau makahiki loihi ka hana ana o keia @io keia hana aloha, a loohia iho ia oia ka haawina hapauea, a i kekahi la make iho la ua lilo la. O keia ka mea @ana i hoopilikia la Haupu, pau iho la kona hiki ana ke hele no kahi o kona mau hoaloha i kela ame kela la. O ka @ana hiki wale no iaia e hana ai oia ka hele ana a kekahi mau wahi o ke @lanui a kali aku o ka hoea mai o kona @mau hoaloha.

            Mahope mai ua loohia iho la oia i ka@awaiwali, huipu me keia nele ana i na kokua a kana ilio, nolaila ua kau nui aku ka poina maluna ona, a no hookahi mahina kona waiho ana maluna o kahi moe, a ma ka Poakolu o ka @le i @la., ua hoea aku la kekahi o kona mau hoaloha i kona hale a nana i lawe aku iaia ka home i hookaawaleia no ka poe ma`i ola ole, a malaila no hoi i kuu aku la kona hanu hope loa. He kanakolu-kumamahiku ka nui o kona mau makahiki a hala aku la.

            He waiohia ka moolelo o keia maka@o ame kana ilio, a me he mea la aole @aha e naio koke ana na hoomanao ana @ona iwaena o ka poe i kamaaina i ke @no o kona oia ana. Ua hoihoila mai kona kino make ma keena kupapau @Townsend, ka haole lawe kupapau @ ka Hui Hoolewa Hawaii, a ma ka @-ilina o Kawaiahao i waihoia aku ai kona kino e hoomaha no ka wa pau ole. Aloha wale!

 

Hoomaka ke A`o Hanalima ma ke Kula o Punahou

-

            Ma ka Poaha o keia pule aku nei, Ianuari 28, i hoomakaia ai ke a`o ia ana o na hanalima ma ke kula o Punahou, a o ka nui o na haumana i komo ne ma keia ike ua hiki aku i ka iwakalua. He manawa i hala ae nei, ua paa ka hale no keia laia o ka ike e hoohanaia mai nei ma ia kula, aka, aole i loaa mai na mea hana, eia nae ua hooliloia ka manawa e kali ana no keia mau mea hana ma ka hooponopono ana i ke kahua a me na ponooioko o ka hale hana. E hooliloia ana ka hapamua o ka auwina la ma ke a`o ana i na keiki o ke kula pokii, oia no hoi mai ka hora elua a hiki i ka hora ekolu, a mai ia manawa aku a hiki i ka hora eha me ka hapa e lilo ana i na keiki nunui. O ka poe haumana e noho ole nei Hoko o ke kula, e lilo aku ana ia lakou ka manawa o ke kakahiaka.

            Ke manaoia nei e hoohalike aku i keia hana e like me la e a`oia mai nei ma na kula o Kamehameha. Hea mea maikai keia e hoohanaia mai nei ma keia punana o ka ike, a he mea pono loa e hoomau ia aku.

 

O`eia o Kiaaina Carter e ka Bibi

-

            Ma ka nupepe Avalakaika o ke kakahika Sabati nei, i loaa mai ai keia mea hou nona ke poo e kau ae la maluna, mai kona mea kakau mai. Penei na mea i hokeia ma keia mea hou:

            Waimea, Ian. 28. –Ua o`eia ae o Kiaaina Carter i keia la e kekahi bipi bulu ma ka pa hoopaa holoholona o Samuel Paka. O Mr. Atkinson, Hosmer, Makai Nui Baraunu, A. W. Carter ame Damon, o lakou ka poe me ke Kiaaina ia manawa a e kokua ana lakou i na keiki paniolo ma ka hoohuli ana i ka bipi iloko o ka pa—he umi paha mile ka mamao o keia wahi mai ke taona aku o Waimea.

            O ka pu-a bipi, he ekolu haneri paha ka nui o na bipi iloko o ua pu-a la, ua hoohulila mai e na keiki paniolo, a iloko o keia heluna he mau bipi ahiu. E ku ana o Kiaaina Carter ame Hosmer ma kahi o hookahi haneri kapuai mai kahi aku o ka pu-a bipi, a ia manawa i hoomaka mai ai kekahi bipi bulu e holo mai ka pu-a mai, a e holo pololei ana hoi i kahi a Hosmer e ku ana. Ua lele aoao aku la kona lio a pakele ae la oia a ia manawa no hoi i alualu loa aku ai ka bipi i ke Kiaaina. Ua lohi loa o Carter a ua hikiwawe ole hoi kona hoohuli ana i kona lio, a iloko o ka manawa pokole ua hookui aku la ka bipi me ia, a ma kona wawae hema hoi. Ua kukonukonu no kahi i eha, aka aole i nana ke Kiaaina ia mea. I ka ike ana o na keiki paniolo i keia pilikia, ua alualu mai la kekahi poe o lakou a hoohei iho la i ka bipi a paa a hoopaa aku la iaia ma kekahi kumulaau.

            Ua hoike ae o Kiaaina Carter i kona makaukau hoohei bipi i keia la, ma kona hoohei ana i kekahi bipi a alakai aku iaia a komo iloko a ka pa. Mai poino ke ola o kekahi keiki paniolo ia la hookahi no. Ua hoohei aku oia i ka bipi a paa, a iaia e alakai ana ua hina iho ia kona lio a holo mai la ka bipi maluna ona. Ua moe malie iho la oia ilalo a hala aku la ka bipi ma kekahi aoao, a oia no hoi ka manawa i holo mai ai kekahi keiki paniolo a hoohei aku la i ua bipi la a alakai aku la iaia iloko o ka pa.

 

Ka Mokuahi Kolo Eleu

-

            Mahope o ka hoounaunaia ana no na makahiki loihi, mai ke au mai o ke Aupuni Moi, Aupuni P.G., ke Aupuni Repubalika a i keia wa hoi ke Aupuni Teritori, e hoolilo ia aku ana ma ke kudala akea ma ka la 15 o keia mahina, ka mokiahi kolo Eleu. Aole he waiwai i ke Aupuni Teritori e malama ai i keia moku, oiai ua hapauea mai oiea, a wahi a ka poe e hoohana mai nei i ko kakou mau pono, ua nui ka lilo o ke Aupuni ma ka malama ana i keia mokuahi. I keia wa eia ka mokuahi kolo Makauole ke hana nei i na kolo i na moku e makemake mai ana e komo mai iloko nei a e puka aku hoi iwaho. He moku hou keia i oi aku ka ikaika i ko Eleu, a no ia mea ua lilo keia hana a Eleu i hana ai i na wa i hala ae nei i keia moku hou.

            Ua kamaaina na Hawaii e noho nei i keia mokuahi kolo kahiko, a ke nana aku na Hawaii iaia aole no e nele ke ala ana mai o na hoomanao ana iloko o lakou no ke alii Kalakaua. Mamua aku o ka lilo ana mai o Eleu i moku kolo no ke aupuni, e holoholo ana ka mokuahi Pele ma ka hana huki moku no kakou nei, a i kona popopo ana i loaa mai ai o Eleu. Ua kamaaina no hoi i na kanaka Hawaii kela kapena opu nui, ola no hoi o Kapena Laiki, ola no ke kapena o Eleu i na la i hala aku.

            Ke manaoia nei ke hoolilo ia kau keia moku e loaa mai ana i ke aupuni ma kahi o $5,000.

 

Nui ka Ua ma Maui

-

            Ma ka Poakahi. Poalua ame ka Poakolu o keia pule aku nei, i kipa ae ai ma na Honoapiilani, na omaka wai o Kulanihakoi a hoohanini iho la me ka eloelo i na kula o ua aina ia o ke keiki ha`iha`i kukuna la. Ua hoikeia ae, o keia kekahi o na kau ua koikoi loa i ikeia ma Maui no kekahi manawa loihi. Ma Wailuku, Kahului ame Puunene, ua ikaika loa ka haule ana o ka ua malaila, a ma Maui Hikina hoi ke kukonukonu loa.

            Iloko o na la ekolu, ma Nahiku, mai ka ehiku a hiki i ka ewalu iniha ka ikaika o ka ua i haule iho malaila, a ma Makawao hoi ame Haleakala he eiwa iniha me ka hapa. No keia mahina i hala iho la, ma Nahiku, Keanae ame Kailua-luna, ua hiki aku ka ikaika o kaua i ka iwakalua-kumama-kolu iniha iloko ona laua hoomau he umi-kumamawalu, a wahi a na kamaaina ua oi aku keia mamua o ka mea kupono i ke ola kino. Iloko o keia nui ua, o ka mea maikai loa oia ka loaa ole ana o kekahi poino.

 

Na kulu mea hou o Kalaiakamanu, Molokai

-

Ka Nupepa Kuokou.

            Welina pu kaua;--E oluolu oe e lawe aku i na anoai o kuu aina aloha. Ma ka la 23 o keia mahina o Ianuari, 1904, ua hoohuiia ma ka berita o ka mare ma ka hora 2 o Mat. Ako Mika me Miss Halauai Kekino e ka Makua Rev. D. Kaai.

            I ka pau ana o ka ike lulu lima o ka ohana me na paa ma@ ua hoomakaukaula na mea ai ono, a ua ai a lawa, ua hoi puolo ka makapehu o koakua. Ma na hora houhou ili o ke kuluaumoe oiai na mea apau e noho alii ana o John Bulu ma kahi o Hanale, oia ka wa i ikeia aku ai na keiki hooheno o ua lai nei me na mea kani ame na leo mele. A ma @a hora kuliu o ka po ua hookuula na hana. Ma ka la 24, oia ka la Sabati, hora 10. ua akoakoa ae na mea apau ma ka halepule, piha pono oloko i na makua, na opio, na pokii. I ka hoomaopopo a kou mea kakau ua oi aku mamua o ka haneri, kohu Kula Sabati keia la, na ka makua, D. Kaai olai oia ka makua o na hipa.

            I keia makahiki hou, ke ulu nui nei na hana hou oia na hana maikai. Hauoli ke kanaka mahiai i ka ulu maikai o na mea kanu, oia hoi ke puka mai nei na muo liko i ke kupulau, hauoli kou mea kakau i na hana maikai o ka uhane. Maikai ka olelo i halia e ke kahu.

            Hookuu ke anaina pule hora 12, oiai hemau paa mare hou ke hoohuiia ana ma keia la, hora 1. Ua makaukau na mea e awaiaulu ia ana, e ka makua i hai mua ia ae nei, Mat. Joseph K. Uahinui, me Mrs. Halelaia, i ka pau ana o ka male, ua hoomakaukauia na mea ai, ua naue aku na mea apau e ai, ua ai e like me ka mea hiki. He nui no na paa kamaa puki i koe o ka hihia ka umiumi, ina paha he umiumi no ka iole panaia e Pikolakaalaia. He au hoomaemae keia. Me keia mau kulu kehau ke hooki nei au i ka`u makapeni. Me na keiki lima poahi o ka mikini ko`u welina

JOSEPH KOA.

Kaunakakai, Jan. 25, 1904.

 

Hakaka me ka Puaa Ahiu a Pakele Nae.

-

            Ma ka la 12 o keia mahina, ma Ka hauloa, Kona Hema, Hawaii, i loaa ae ai ke poo manao e kau ae la maluna. Penei iho ka moolelo pokole i loaa mai:

            Ma ka la i halia ae la maluna ua hele aku o John Deanish (Palakiko) a me kekahi o kona mau kaikaina ame kekahi wahi ilio uuku iloko o ka ululaau o Kahauloa. Ia lakou i hoea aku ai ma kahi malaelae, a e nanea ana hoi i ka hele, oili mai la me ko laua nei ike mua ole, kekahi puaa ahiu, a holo mai la ma ko laua nei wahi e ku aku ana. I kinohi ua manao laua e alualu aku ana ka puaa i ka ilio aka mahope iki iho hoomaopopo iho la laua nei no laua ka makemake o ka puaa. Huli ae la laua i wahi e palekana ai, eia nae ua hala ka ululaau a aohe hoi he wahi puuhonua kokoke e maha ai. I ka puaa i kokoke mai ai, ike aku la o John Deanish i na niho loloa e oioi ana mawaho o ka waha o ua puaa la a hooholo ke iho la ola e paio koke aku no ko laua mau ola. Hoihoi ae la ia i kona kaikaina mahope ona a lele aku la me ka eleu a hopu aku la i na niho o ka puaa a hoomaka iho la e hakaka. Ua loihi keia paio ana a ua aneane no oia e pilikia, eia nae ua hina iho la ka puaa ilalo a oia no hoi ko John manawa i hooikaika ai i ka paa ana i ua puaa la malalo me ke kuhea ana aku i kona kaikaina e kii mai a wehe ae i kana pahi pakeke, ka laua wahi mea eha wale no me laua ia manawa. Ua hooko aku kona kaikaina, a hoomaka koke iho la o John e pepehi i kona hoa palo ma ke oki ana i ka puana-i o ka puaa, eia nae aole i holopono. Ke nawaliwali iho la o John ia manawa, aka ua komo koke aku ia ka noonoo e hou iho i ka pahi pakeke ma ka hono o ka puaa, a ma ia hana ana, mahope no nae o ka hooikaika ana, make iho la ua puaa nei a lanakila ae ia mai ka poino mai. Ua loaa no he wahi eha ma ka papalina o John i ka wa ana e hoao ana e pepehi i kona hoa paio, eia nae ua lanakila.

            Ua oleloia ua ehiku a i ole ewalu no paha iniha ka loihi o na niho o ka a olalo a ma kahi paha o eha iniha ka loihi o na niho o ke a oluna. O ke poo ua like me ke poo o ka bipi bulu, a ua oi maluna o eha haneri paona ke kaumaha o ua puaa la. Aia paha na makahiki o keia keiki ma ka iwakalua a oi iki, eia nae ua ikaika kona mau lala ma keia paio ana me ka puaa.

 

Eia a`e na Koa Marina

-

            Ma ka Poakahi nei i loaa mai ai kekahi telegrama ia Kapena Catlin, o na pualikoa Amerika, e i ana ma ua telegrama la, ua haalele aku ia Kapalakiko, ma ia la, na koa marina i manaoia ai no ka hookahua ana iho maanei, a eia lakou ke holo mai nei maluna o ka moku lawekoa Sheridan. He kanaha-kumamaiwa ana paha ko lakou nui me hookahi kapena.

Eia ke hoomakaukauia mai nei ko lakou mau wahi e noho aku ai ma ke kahua hoolulu moku o na Amerika ma keia awa. E kaa aku ana malalo o k@ malama ana o keia poe koa na uwapo o America e waiho nei maanei. Ke manaoia nei e hana ia ak ana kekahi pahu no na kiai e hele aku ai e hoike i ka lakou mau hoike i ke kikowaena, a i wahi hoi e noho ai na  koa ke hiki mai i na la ua, a ia lakou e hana ana i ka lakou mau hana kiai.

            O keia loaa ana mai o na koa nana e kiai i ko kakou awa, aole no ia he mea malihini i na maka o na kamaaina e noho nei. O ka hana paha oia ka mea ano hou, aka o ka ike ana i na koa e kiai ana i na uwapo he mea ia i kamaaina i na kanaka. E hoomanaoia, i ke au noho Moi o kakou, oia no hoi ka Moi Kaiakaua, o Kaimiloa, a ma kekahi inoa o “Hoonuilio,” oia ko kakou mokukaua ia manawa. I kona manawa e pili ana ma ka uwapo ku o na moku o Hakapila Ma, ke hele aku kekahi ona kanaka Hawaii malaila, o ka mea e loaa mai ana iaia oia na elau pu. O keia hana i hanaia he mea ia e malama aku ana i ka maluhia oia kahua. Pela ana ke ano e hanaia oia kahua. Pela ana ke ano e hanaia mai ana ke hoea mai keia mau koa marina ianei.

 

Nuhou Kuwaho

-

UA PAU AE KONA MANAO E MARE.

            VIENNA. Jan. 20.-Ua hoopau ae o Archduke Ferdinand Charies i kona manao a makemake nui hoi i ka mare ana aku i ke kaikamahine a kekahi kanaka kulana haahaa loa a ma ka mea hoi i maa mau i ka olelo ia he kanaka kauwa.

NA LONO KAUA MAWAENA O RUSIA AME IAPANA.

            TOKIO, Ian. 22.-Eia ke pii mahuahua nei na manao e apono ana i ke kukai oluolu ana mawaena o Rusia ame Iapana. Ke umikumamalima miliona dala i hooliloia aku no ka hoomakaukau kaua ana, mailoko aku o ka waihona ame na loaa o iwakaluakumamalima miliona.

            LADANA, Ian. 23.-O ka uiolohi mai o Rusia i kana hana e pili ana i ka like ole mawaena ona ame Iapana oia ka mea nana e hoala nui mai nei i na hauwawa ana e hoala nui mai nei i na hauwawa ana no ke kaua. Ua halia ae ua hoolele aku o Iapana he 12,000 koa ma Masampho.

            LADANA, Ian. 22.-Ua hoikeia mai i ka mea kakau o ka Ahahui Pa`i Palapala aole ka e hoolohe aku ana o Iapana i ke komo ana aku o na Mana Nui o Europa e hooponopono i ka like ole mawaena ona ame Rusia.

            Ua hoike pu ia ae no hoi e kue ikaika ana ka Moiwahine o Kina i ka lilo ana aku o Manucuria malalo o ka hoomalu ana o na mana o na Aina E.

            Parisa, Ian. 24.-Ua hoikeia ae imua o ka Oihana Aupuni eia o Iapana ke hoomakaukau nei no ka hoolele ana aku i eha mahele koa ma Korea.

            ST. PETERSBURG, Ian. 26.-E Waiho ia aku ana paha ka pane no ka Iapana kukai i waiho mai nei i kekahi mau la o keia pule. Ua kauohaia na koa kumau e noho me ka makaukau no ka loaa ana aku o ke kauoha e nee aku no ka huli Hikina.

            BELINA, Ian. 26.- Eia ke halii nei ka manao iloko o na poo Aupuni ua hala ae nei ka uluku kaua ma na kai o Kina. Ua manaoia e hiki aku ana o Rukini ame Iapana a i ka panina o keia uluaoa me ka maopopo pono ana i na aoao a i elua. Ke manao ia nei aole e ala mai ana ke kaua.

NA LONO WAIKAHE.

            PETERSBURG, Pa., Ian. 23.-Eia ke pii nei na muliwai Alagehena ame Monogahela. Ua nui ke poho i loaa aku i na waiwai e kokoke aku ana i ko laua mau lihi kahawai.

            TORONOTO, Ian. 23.-Mamuli o ka nui o ka ino ua hoopuehu liilii ia ae ke alahao.

            KILIVILANA, Ian. 23.-Ua hiki aku ke poho mamuli o ka waikahe maanei i ka hookahi miliona dala.

            BAFALO, Ian. 23.-Ua nui ka waikahe maanei mamuli o ka hehee ana o ka hau.

            BIMINAHAMA, Ala., Ian. 23.-He makani toneto kai paiho maanei a ua hoopoinoia na hale he kanaha.

AOLE HAAWINA DALA NO NA AWA KUMOKU

            WAKINETONA, D.C., Ian. 22.-Aole he mau Bila Haawina no na Alahaka ame na Uwapo e hooholo ia ana iloko o keia kau o ka Ahaolelo, nolaila o na haawina lehulehu, e hui pu ana me ko Hawaii, aole e loaa ana.

HOOKUUIA O CARTER HARRISON.

            KIKAKO, Ian. 27.-O meia Carter Harrison, ka mea i paaia iho nei malalo o ka bela o $15,000 mamuli o ka manao ia iaia i pau ai ka hale keaka Iroquois i ke ahi, ua hookuuia ae nei. Ua hoike ae ka aha aole i ili aku maluna ona ka hemahema o ka hania ana o ua hale la.

PONO LAWAIA MA ALASKA.

            WAKINETONA, D.C., Ian. 27.-Ua hooholo ae nei ka Senate he olelo hooholo e hoololi ana i na rula ame na kuhikuhi o ka lawaia ana ma Alaska.

PAUAHI.

            KIKAKO. Ian. 28.-Ua pau ae i ke ahi ka hale o ka Hui Ma-lu i keia la, a ua nui ka uluaoa o na kanaka, i ulu ae hoi mamuli o ka hoomanao ana ae i ka pauahi o ka hale keaka Iroquois. He nui ka poe i eha ia lakou i hoao ae ai e kaawale aku mai ka hale pauahi aku. O ke koho no ke poho o keia pauahi he $50,000.

NA LONO KAUA.

            TOKIO, Ian. 28.-Ua hooholo ae nei ke aupuni e palua aku i ka auhau waiwai aina no ka hoomahuahua ana i na lilo kaua o 20,000,000 iana (dala Iapana.)

            ST.PETERSBURG, Ian. 27.-Eia o Barona Lansdorff ke kukai nei me Kurino, ko Iapana komisina, maluna o ka pane e waiho aku ai i ke Aupuni o Iapana. Ke hoao nei keia mau komisina e hooponopono i ka pane i hiki ai ke ala ole mai ke kaua.

 

            E HOOMAKAUKAU NO KA EHA O KA PUU. O ka manawa i lilo no ka hoouna ana aku i kauka oiai ke keiki e hoike mai ana i na haawina o ka eha ma ka puuoia no kekahi mea hoi e waiho mau ana ma na home a makaukua no ka hoohana koke ana aku oia ka Chamberlain’s Cough Remedy. Aole ona manawa e hoohoka ai a he kaupale maikai loa hoi no keia ma`i i ka wa e hoomaka mai ai ke keiki e kalakala kona puu, a i ole mahope koke iho o ka hoomaka ana mai e eha ka puu. Eia ke kuaiia nei e na halekuai laau apau. O’Benson, Smith & Co,. Ltd., oia na agena ma Hawaii nei.

 

HOOLAHA HOOPONOPONO WAIWAI.

            Ma ka hana o ka waiwai o Keawe Kailua, o Kalaupapa, Molokai, i make, ua hookohuia ka mea nona ka inoa malalo iho, i lunahooponopono i ua waiwai la e Hon. J. W. Kalua, L.K. Kaapuni o Maui: nolaila, ma keia ke kauoha ia aku nei ka poe apau he koi ka lakou e waiho mai ia mau mea Hoko o na mahina eono mai keia la aku, ma ke Keena o Henry Smith ma Aliiiolani Hale. Honolulu, Oahu, o hoole loa ia auanei.

            A o ka poe i aie i ka mea i make, ke kauoha ia aku nei e hookaa koke mai lakou i ko`u hope ia Henry Smith, ma Aliiolani Hale, Honolulu, Oahu.

            Kakauia i keia la 4 o Feberuari, M. H. 1904.

MALA KAILUA,

Lunahooponopono Waiwai o Keawe Kailua.

@1-FEB. 5, 12, 19,26-Mar. 4

 

Laau Ili no na Bebe

NO KONA POO AME KONA LAUOHO

Kekahi Mea ano nui loa a na Makuahine e noonoo nui ai

            Ua hanauia kela a me keia keiki iloko o ka honua nei me ke ewe o na mai lehulehu e ulu mai ana iloko o ka ili., ke poo a o like aua hoi ke koko ia wa i mea hui loa no ka panee ana i keia popilikia, a pela @ ai ia i mea nui loa e hookaumaha mau ai i ka noonoo o keia a me keia mea i oohia i ka nali ana a na ma`i lehulehu. Aole keia mea i hookaumaka ia @ kekahi ano e ae, aka, mamuli no o ka hoopaialehala ana e ka mea i ku@ e malama a makaala mau ai i ka lakou mau keiki e loohia ana i na popilikia lehulehu e ulu mai ana mamuli o ke koko ino, e hookama@ mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke oia maikai, malalo o na lapaau no eau ana me ka hikiwawe a me ke ola loa no hoi.

            Ua olelo ia o k aauau me ka wai pu mehana a me ke KOPA CUTIKURA no ka hoomaemae ana i ka ili no ka papaa i ka lepo a me kahi mau @ awe, a pela hoi no ka unahi-pii, a peia hoi, ina ka e kapili maile i ka @ Hamo CUTIKURA no ka hooki koke ana i ka maneo o ka ili, ka @ ana manene o ka ili ame ka pehu, a pela hoi no ka hoomalielie ana i ka hu`i a me ka hoola ana i na palapu, a mahope aku oia wa, ina ka e inu i ka @ Hoohainu CUTIKURA, oia wale ae la no ka na mea a pau e hana ai @ pale ana aku i kela mau kinaunau o na keiki liilii i na wa apau e hoomaka mai ai, a ina no ua loaa mua, ne mea pau wale no la i keia mau laau @ la, ke malama pono ia na kuhikuhi. Ma keia hana ana pela, e loaa ai i na makuahine hoomanawanui ka maha a me kkoluolu o ka naau, a he mea @ hoi`ia no lakou e hookaumaha ole ia ai i na wa a pau. Ua hoolaia keia mea haawina pomaikai ma na home lehulehu a puni ka aina.

            Mamuli o ka momona ka maemae ame ka hikiwawe o ke ola o kula laau, i makemake nui ia ai i na lahui kanaka a pau i hoao a ikemaka i kona @wai nui ma ke ano hoola, a pela no hoi i hilinai nui ia ai kona waiwai me ka hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

            HE HOOLA MAOPOPO NO NA MA`I MALOKO A MAWAHO O KE KINO.

            Oia hoi ke KOPA CUTICURA e hoomaemae ai i ka ili a me ke ku ke@ o ke poo a hoowaliwali i ka alualu, o ka AILA CUTICURA HAMO no ka @ pau koke i ka maneo a hooluolu a hooia, a me ke CUTICURA RESOLVENT no ka hooluolu a hoomaemae ana i ke koko. Ke kuailia nei ma na wahi a pau o ka honua nei. Keena Kuai ma Auseteralia. R.Towns & Co., Sydney, N @ W. Keena ma Aferika Hema., Lamron Ltd., Capte Town. “I loaa ai ka @ hee maikai, ka lauoho a me na lima.”

            POTTER DRUG AND CHEM. COMP., Boston U.S.A., na Ona a @ laau CUTICURA a pau loa.

 

Eia makou ke hoi nei no ko makou Halekuai Hou i noho mua ia iho nei e. Lewers & Cooke, Ltd. ma Alanui Papu.

-

Pearson & Potter Co., LIMITED.

 

HOIKE A KA FIRST AMERICAN SAVINGS AND TRUST COMPANY OF HAWAII, LTD.

Teritori o Hawaii         )

Mokupuni o Oahu       )ss

Kulanakauhale o Honolulu)

-

            Ma o ka hoohikiia ana o M. P. Robinson ame W.G. Cooper, ua hoike ae laua ma ka palapala a olelo ae he mau lunanuui laua, o M. P. Robinson, ka Hope Peresidana, a o W.G. Cooper ka Mea Malama Dala no ka First American Savings and Trust Company of Hawaii, Ltd., a o ka papa huahelu malalo iho nei he hoike piha pono ia, he oiaio, pono a pololei no na hana o ua hui la i oleloia ka First American Savings and Trust Company of Hawaii Ltd., a hiki i ka la 31 o Dekemaba, 1903, a pau pu me ia la.

            O ke kumupaa o ka hui he $250,000 i maheleia iloko o 250,000 mahele o $100.00 waiwai io o ka mahele hookahi. O ka heluna o na mahele i hoopukaia 250,000 a ua uku piha ia na mahele.

            Na loaa no na aie o ka Hui ma ka ia 1 o Ianuari oia keia malalo iho:

            Kumupaa. . . . . . . . . . . . . . . . . . . . . . . . . . . . . . . . . .$250,000.00

            Na Dala i hookomoia . . . . . . . . . . . . . . . . . . . . . . . . 308, 352.07

            Puka ame Poho . . . . . . . . . . . . . . . . . . . . . . . . . . . . . . . . . 318.77

Na Loaa Waiwai e ae o ka Hui ma ka la 1 o Ianuari, 1904, oia keia malalo iho:

Na Bila loaa mai . . . . . . . . . . . . . . . . . . . . .$368,458.40

Na Bona ame na Mahele Huikau . . . . . . . . . 107,930.00

Dala Kuike ma ka Banako . . . . . . . . . . . . . . . 68,899.27

ukkupanee i pii ae a Dekemaba, 31, 1903. . . . .6,108.17

Wai wai Paa . . . . . . . . . . . . . . . . . . . . . . . . . . . 7,275.00

                                           ___________   ___________

                                                                  $558,670.84       $558,670.84

M.P. ROBINSON, Hope Peresidana.

W.G. Cooper, Mea Malama Dala.

            Hooia a hoohikiia imua o`u i keia la 19 o Ianuari, 1904.

W.P. ROTH, Notari no ka lehulehu, Apana hookoiokoio Kaapuni Ekahi.

3001-Feb, 5, 12, 19.

 

            O na Palulu La Maikai Loa no kou lanai hale oia no na Palulu Ohe. Eha a hiki i ka Umi Kapuai laula, no ke kumukuai o 20 keneta o ke kapuai.

            E loaa no ma ka Halekuai o FUKURODA

Helu @ . . . Alanui Hotele

 

HUI HOOLEWA HONOLULU

-

            Ke hooiaio nei keia hui i kana mau hana kokua i kona mau laia. I keia wa ua ei mamua o 1200iaia, a ke @ mau nei i kela ame keia la.

            J.H. TOWNSEND, Kakauelela

            121 Alanui Beritania Tel Mai 411

 

HOOLAHA KUMAU

 

Na Waiwai Hou

-

Na Apana Waena

Na Silika hookinohinohi, Kimono Silika, na Waiwai o Kina, ame na U`i o Iapana.

 

S. OZAKI,

Wavely Block, Alanui Hotele.

 

Ina He Makemake

-KOU i KA-

Lauoho Maikai

E HELUHELU KEIA.

Malia paha ke pau nei kou lauoho ka helelei, a koe kakaikahi. E k@ i ka laau mamua o ka pau loa ana i ka helelei, e hana i laau e u@ hou ai. O ka laau

“Laau Hooulu Lauoho a Ayers”

ka mea e ulu hou ai. He nani ka lauoho ke ulu mai, a he nui hei.

Ina he nawaii ka ulu ana o kou lauoho, o ka

“Laau Hooulu Lauoho a Ayers”

ka mea e manoanoa ai ka ulu ame, a ke loaa i keia laau pau loa ka helelei ana. I na he piha kou poo ke Kepia, o ka

“Laau Hooulu Lauoho a Ayers”

ka laau e pau ai a maemae kou @ Ke loaa i keia laau e hoi hou ana @ ulu ana o kou lauoho a like me @ kou wa bebe.

Hoomakaukau ia e Kauka J. C. Ayer & Company, Lowell, Mass., U.S.A E loaa no keia mau huaale ma ka Hale Kuai Laau o Hollister, alanui Papu.

 

KA HALEKUAI O

GOO KIMA

            E ku nei ma na kihi o na alanui @wale no e loaa mau mai nei o na waiwai hou loa ma na mokuahi apau, anu ame Hotele ka halekuai @