Ka Nupepa Kuokoa, Volume XLII, Number 3, 15 January 1904 — Ahaaina a ka Poe Kau Lei. [ARTICLE]

Ahaaina a ka Poe Kau Lei.

Klniklu no ktt lokomaikai ame ka puuwai hamama i piha i' ke aloha o Mr. ame Mrs. Stpiber o Denver, Colora<Jo; ua haawiia ae kekahi ahaaina luau no na poe kau lei o Jfonolulu nei i ka Poaono o ka pule i hala ma Haaleliea Lawn i ka hora elua o ka! auwina la. Na hoaloha hoi na laua i kukulu keia papaaina manawalea aole o laua kekahi ma ka papaaina, aia laua ma Paris, Palani i keia manawa. Ua hoouna mai laua i ke dala no ka hoomakaukau ana ( keia papaaina ia Mrs. John S. McGrew. Ua ae mai hoi o Mrs. Haalelea me ka maikai no ka malama ana i keia papaaina ma kona pa akea i uluia me ka maniania, a ua ae mai o Mrs. J. W. L. McGuire iaia ka hooponopono ana o ka hoomakaukau ana o na mea ai. Mawaho' ae o na mea i maa mau i na papaalna he nui no ka bia i hooihakaukaiiia no na poe kau lei. Ua loaa mai ia Mrs. McGrew ka inoa o na poe kau lei a pau loa mai kane

a ka wahjne mai ia lakou mai no, a ua kakauia ka inoa pakahi o lakou maluna o ka pepa, a i ko lakou manawa e hele mai ai, e haawi mai lakou i kela pepa me ka inoa iluna i kakauia ma ka puka-pa, a o ka manao hoi o keia hana oia no hoi ka hookaawale ana i ka poe e ae e komo pu mai ma keia papaaina i hoomakaukauia no na poe kau lei Wale no. Kanaono paha poe a oi i konoia i hiki aku malaila no ka ai ana i ka lokomaikai ame ka hanohano o na mea i hoohanohano mai ia lakou. Ua makaikai o Mr. ame Mrs. Stoiber ia Honolulu nei no kekahi manawa i hala ae nei, oia no hoi ka manawa a laua i haawi ai i kekahi mau haneri dala i na nui manawalea o Honolulu nei. Ua kuai nui no hoi ka wahine i ka pua ame ka lei o na poe kau lei, a oia no hoi ka manawa ana i ike ai i ka maikai o na hana a ka poe kau lei iaia, a no ia mea ua loaa aku iaia ka manaolana no ka hoomaikai ana mai i keia poe hoaloha ana i hookamaaina ai i Hawaii nei mai na aina e mai, oia no hoi ka mea i kukuluia ai o ikela papaaina manawalea e keia wahine o ka puuwai i piha i ka lokomaikai a na ka Makua Nui no e hoopomaileai mau aku iaia. A no keia mau hana no hoi i puka ae ai kekahi olelo penei: "E hana aku oe i ko'u mau hoalauna e like hoi me ka lakou i hana mai ai nou."