Ka Nupepa Kuokoa, Volume XLII, Number 3, 15 January 1904 — Hookuukuu Wale i ka Nani o na Paka [ARTICLE]

Hookuukuu Wale i ka Nani o na Paka

Mal ka hoomaka ana Ynai o ke kukuluia ana o ke aupuni kalana o Oahu nei, pela ka nui o ka manawa o ka wale ia ana o ka hana ole ia o na Paka o Kamaki Kuea ame Aala. O ke kumu o keia pilikia oia no ka loaa ole ana o na haawina dala o na kiai paahao o na wahi hana o na paahao, mamuli o ka hana ole ia ana o kekahi haawina iloko o ka bila haawina o 18 mahlna. < No ka hiki ole i na paahao ke hoohana na kiai ole pela i ha'o ai keia mau la i ka hoomaeanae ole ia d keia mau Paka e lakou rto ka mea o lakou no ka poe i maa 'i ka hoomaemae. 0 ka mauu i ulu maikai ae o Kamaki Kuea, I ka, manawa e malama mau īa ana e na paahao ua ikeia ka ulu maikai mai, aka, i keia manawa ke ikeia aku nei ka homimi māi, o kekahi kumu no ka hoohainu ole ia i ka wai ke kumu e mimino mai nei, a o na kumulaau opiopio o ka Paka Aala—i ka wa l kanuia ai a e malamaia ana hoi e na paahao ua ikeia ka ulu maikai mai, aka ia ha'o ana iho la o ka lawelawe ana mai o na paahao ua ikeia mai ko lakou ulu homimi ana mai. 1 keia mau la i hoohanaia ae ai na paahao malalo o ka hoohana ana a Luna Alanui Nui Vida aole nae iloko o na Paka, aka aia ma na alanui aupuni. • He hookahi pule o keia hookuukuu wale ana a o ka mea wale no i koe o ke kali aku owai la ka mea iaia ke koikoi loa o ka nana ana i keia mau wahi ano nui o ka lehulehu. Malia nae o nana ae ka Luna Alanul Nui Vida 1 keia .pilikia a ina he wahi pilikana iki kana iloko o ia mahele aole e nele ke komo laulima ia aku o ia mau wahi. Oia iho la no ka hana maikai o ka laulima i ka hana ano nui o ka lehulehu.