Ka Nupepa Kuokoa, Volume XLII, Number 3, 15 January 1904 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

2     NUPEPA KUOKOA, IANUARI 15, 1904.

KA

NUPEPA KUOKOA

No ka Makahiki ...      $2.00

No Eono Mahina ...       1.00

SUBSCRIPTION RATES.

One Year  ...               $2.00

Six Months ...                1.00

O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

O na Dala a pau o ka Pepa nei e hoouna pololei mai i ka HAWAIIAN GAZETTE COMPANY.

HOOPUKAIA E KA

HAWAIIAN GAZETTE CO.

Hookomoia ma ka Hale Leka o Honolulu, Pa-

nalaau o Hawaii, @ a ke ano mea o ka

Papa Elua

DAVID L. A-I, Lunahooponopono.

A. W. PEARSON, LUNA NUI.

Honolulu, Oahu.

POALIMA :   IANUARI  15, 1904.

KA AHAOLELO KUIKAWA.

O ka hoonoaia ana o ke Kanawai Kalana i ka Poakolu nei aole ia he mea nana e kono aku i ke Kiaaina Kaaka e kuhea oia i ahaolelo kuikawa e noonoo no na haawina hoolilo o ke aupuni no ke koena manawa o elua makahiki e hele aku nei.  Ua olelo moakaka na olelo o ke Kanawai Kumu a ua hoomana pu mai no hoi ia mau olelo i ka Puuka, me ka a'o pu ana a ke Kiaaina, e uku aku i na hoolilo apau o ke aupuni mai ka waihona dala ma o ka bila haawina i hooholoia ai e ka ahaolelo o ke kau mamua iho.  Oia hoi, ma kahi a ma na haawina hoi a ka Ahaolelo o na makahiki 1902-3 i haawi ole ai i ke aupuni Teritori ma o ka lilo ana malalo o na hooponopono ana a na Kalana, a ma keia haulehia ana o na kalana, ke ku hou mai nei no keia mau haawina a ke koi mai nei i ko lakou mahele, a no ia mea, o na mahelehele ana i aponoia maloko o ka bila haawina o 1900 oia no ko lakou haawina no ke koena manawa e hele aku nei, a ma ka hoopokole ana ke hoi hou nei kakou malalo o ke kulana aupuni mua i hookahuaia ai e ka ahaolelo ma Wasinetona, a i ka bila haawina hoi i hooholoia ai ma ia makahiki e ka ahaolelo mua a i hoomau hou ole ia ai e ka ahaolelo hope mai.

KO KAKOU KULANA E KU NEI.

O ka olelo hooholo lokahi a ka Aha Hookolokolo Kiekie i hoopuka ai i ka Poakolu nei, Ianuari 13, e hoonoa ana i ka mana o ke Kanawai Kalana, ke kanawai hoi i lilo i kanawai ma ka la 4 iho nei a hoohiolo koke ia no, ua ili iho ke koikoi o ka hana i keia wa maluna o ke Kiaaina ame ka lehulehu holookoa.  He nui na alalai e ku nei a e ikeia aku nei a he mea ia nana e kono mai i na noonoo maikai i ka mea kupono e hana ai.  Ua maopopo i ke Kiaaina keia kuia nui a no ia mea ua kuhea oia i aha kukakuka o ka poe koikoi e hui halawai aku me ia.

A ma ka nana hou ana no hoi me he mea la no ua hiki ke hana a ke alo ia ae ko kakou kulana kupilikii e ku nei i keia wa.  Oia hoi ma ka olelo ana, o ke kuhea ana i ahaolelo kuikawa no ka hooholo ana i mau haawina dala no ke koena manawa aku i koe o na hoolilo aupuni, a o ke kii no a hoohana aku i ka bila haawina o ka makahiki 1900.  O ka hana hope wale no ka mea i ku i ka pono.

Ke Kalana o Hawaii Hikina i

Lilo Ole i Kalana.

Ma na lono i loaa mai Hilo mai malalo o ka la 8 o Ianuari nei ua hoikeia mai ka lohe ua kukulu io ia no ke aupuni kalana ma ke kalana o Hawaii Hikina me na leo pule kalokalo no kona holomua.  Ua hoaponoia na bona o na luna kiai apau ame na bona o kekahi mau luna e ae; ua hookohuia na luna oihana; ua ulu ae no hoi he mau hoopaapaa kuee ano malani i like ole ka hahana me na mea i ikeia ma na hana o ko Maui mau luna kalana ame na luna oihana (a oi aku la no o Maui ma ia wahi); ua hoolalaia kekahi mau hana okoa ae; a no ka manawa hope ua hoopaneeia ka halawai.

Maanei i uhi pu ae ai ka uwahi o Pele i ke kalana holookoa o Hawaii Hikina a pau aku la ka ike ana a ko makou mea kakau, a i ka mao ana ae o ka uhi paa ana a ka uwahi i ka auina la o ka Poakolu nei, Ianuari 13, ua lohe aku la oia i kekahi mau leo wawalo e kalahea ana ma ka waonahele e i ana, O ke Kanawai Kalana i lilo i Kanawai ma ka la 4 iho nei o Ianuari, ua hoonoaia mai nei ma o ka olelo hooholo a ka Aha Hookolokolo Kiekie o ke Teritori o Hawaii.

A pela iho la, e ka mea heluhelu, i lilo ole ai ke Kalana o Hawaii Hikina i mahele kalana.

Ua Hoonee Aenei i ko Lakou Kahua

Mai keia manawa aku aole e loaa ana i ka poe ohua makemake palapala holo a poe makemake hoouna ukana a ukana hoounaia mai.  ke makemake ae lakou paha e kii ana i ka lakou mau ukana e hana pela a kii aku i ka lakou mea i makemake ai ma ka hale oihana ma ka uwapo o ka hui o Poka Ma.  No ka mea, ua wawahiia ia keena oihana a pela pu me ka malumalu o luna iho, a i keia manawa he lani iluna a he honua ko lalo na mea a ka maka e ike ai.  Aka, e loaa ana no ina e hoomanawanui loa ka hele ana a hiki i ka makeke hou a ma ia pili lalani uwapo makai pono iho.  Ilaila e loaa ai, aia ilaila e pili nei na mokuahi o Poka Ma, a mai laila no hoi e holo nui aku ai no ko lakou mau awa pakahi.  Nolaila, e hoomanao i keia a mai hoopalaka.

O na kii pena i hanaia iho nei e Matteo  Sandona o Mr. ame Mrs. Samuel Parker, Kamaliiwahine Kawananakoa, Miss Alice Campbell, Mrs. H. Highton, James Campbell ame W. H. Konuwela i make ame kekahi poe e ae, he mau kii nani ia i penaia me ka maiau ame ka like loa o na ano e hoohewahewa ole ia ai.  Ua hooikeikeia keia mau kii i ka Alexander Young Hotel i ka auina la o ka Poalima i hala a ua nui ka poe i hele ae e makaikai.

Ae, a i ole, Hoole.

KE NOI IA AKU NEI KA LEHU-

LEHU E HA'I I KA HAINA O

KEIA MAU NINAU.

He oiaio no anei kekahi iloko o ka hoike ana a na ike o kekahi kanaka?

He waiwai no anei kekahi iloko o ka hoike ana a kekahi no kou mau hoaloha?

Ua hiki anei ia kakou ke hilinai i na hooia ana mai kekahi poe mai a kakou i ike?

Aole anei i oi ae ka waiwai o na olelo hoike mai kekahi poe mai e noho ana ma kekahi mau aina mamao mamua o na olelo ike mai kekahi mai o na kamaaina e noho nei ma keia mau aina?

Penei ka Mr. W. J. Maxwell o keia kaona, he makai kula, i hoike ae ai:  "Ua loihi ko'u hoomanawanui ana i kekahi eha ikaika ma ko'u kua (he mau hoailona o ka ma'i puupaa i loaa ia'u) a ua piha na makahiki oia noho ana.  Ua noi ia mai la au e kekahi o ko'u mau hoaloha e hoao i na Huaale Kikala Haneenee a Doans no ka hoola ana i keia eha i loaa ia'u.  Ua ae aku la au e hoao a hele aku la no ka Halekuai Laau o Hollister ma, ma ke alanui Papu, a kuai i kekahi o keia mau huaale.  Aole i loihi ko'u ai ana i keia mau huaale ua ike iho la au i ko'u maikai mai, a ua hiki loa hoi ia'u ke olelo ae, me ke kanalau ole, o na huaale maikai loa keia no ke kikala haneenee ame na kua eha e ae.  Ua hoike aku au i ka maikai o keia laau i kekahi o ko'u mau hoaloha, a mawaena o lakou o Mr. Frank Metcalf, ua hoao oia i keia laau a ua loaa iaia ka oluolu, a oia kekahi o na hooia ikaika loa no ka maikai o na Huaale Kikala Haneenee a Doans."

E loaa no na Huaale Kikala Haneenee a Doans ma na halekuai laau apau loa, he kanalima keneta no ke poho hookahi, a he eono poho no elua dala me ka hapalua, a e hoouna ia aku no i kela ame keia i ka manawa e loaa mai ai o ke dala kumukuai ia Hollister Drug Co., Honolulu, na agena kuai nui no ko Hawaii Paeaina.

Ua Hala!  Ua Kuu @a Luhi.

Ma ke kakahiaka nui poniponi o ka Poalua nei, la 12, mahope koke iho no o kona maneleia ana no uka o Kalihi, kona home, ua pauaho mai la o Mr. Vincent Fernandez i keia ola ana a niau aku la i ka poli pumehana a Kane.  No kekahi makahiki i aala ae nei ua ano emi pu wale mai no kona kino a no keia kumu ua hala aku la oia no Kona, Hawaii, me ka manaolana hoi na na ea huihui o ia aina e hoomahala hou ae iaia mailoko mai o keia ma'i hoonawaliwali, aka, aole i hookoia ia manao ona a ua hoihoi hou ia mai la oia no ka aina hanau.

He opio Hawaii hoopono keia a he opio i hoolilo i keia mea o ka hoomakaulii i momi imua ona, ua nui kona mahaloia e na kanaka apau i ike iaia.  Ua haalele mai la oia mahope o keia ao luuluu he wahine, he mu kaikuahine ame na hoahanau he ekolu, a o Aberahama hoi ko lakou mua loa.  Ua hoolewa ia aku kona kino puanuanu ma ka hora 3 o ka Poakolu nei ma ka pa ilina o Makiki.  O kona mau hoa o ka imi naauao pu ana i na la opio ma ka halekula Alii o Kahehuna kona mau hapai pahu, oia hoi o Mr. Henry Viera, Pat. Sylva, Lui Kekumano, Solomon Kaleiopu, A. O. K. Kahulualii ame Geo. K. Kaia.

O ka halekuai oi loa ae o ka maikai ma ke kulanakauhale nei kahi hoi e loaa ai o na lole paikini hou loa, oia no ka halekuai o Goo Kima e ku nei ma na kihi o na alanui Nuuanu ame Hotele.  e hele nui ae a e ike no oukou iho.

HOOLAHA MANA HOOKOLOKOLO

WAIWAI O HANI PARKER.

ILOKO O KA AHA HOOKOLOKOLO KAAPUNI O KA APANA EKOLU, Teritori o Hawaii.  Ma  ka hana o ka Waiwai O Hanai Parker i make. Kauoha e hoolahaia ka Palapala Noi no ke apono ana i ka papa helu, mahelehele ame ka hookuu ana.

 

Ma ka heluhelu ia ana a waihoia ana mai o ka Palapala noi ame na papa huahelu a Alfred W. Carter, Lunahooponopono o ka Waiwai o Hanai Parker i make, e noi ana e ae ia aku oia i ka huina o $219.00 ame kona uku hoi o $436.54 ame ka noi e nana a e aponoia ua noi la, a e hoopukaia hoi ke kauoha e maheleia ka waiwai i koe iho e paa ana ma kona lima i ka poe i kuleana malaila, a e hookuu ana hoi iaia ame kona mau hope mai ka noho lunahoopono ana.

Ua kauohaia o ka Poaono, ka la 27 o Feberuari, A. D. 1904, ma ka hora 10 o ke kakahiaka, imua o ka Lunakanawai o ua Aha la, ma ke Keena Hookolokolo ma Kailua, Mokupuni o Hawaii, oia kahi ame ka manawa e hooloheia ai o keia noi ame ka papa huahelu, a o ka poe apau i kuleana malaila e hele ae lakou e hoike ina he mau kumu ka lakou e ae ole ia ai ua noi la, a e waiho pu aku hoi i na ike i ka poe i kuleana i ua waiwai la.  A o keia hoolaha, e paiiia ma ka olelo Beritania ame ka olelo Hawaii maloko o na nupepa Pacific Commercial Advertiser a me ke Kuokoa, he mau nupepa i pai a hoolahaia ma Honolulu no ekolu pule pololei, a o ka hoopuka hope ana aole no ia e emi malalo o elua pule mamua ae o ka manawa i hoakakaia no ia hoolohe ana.

Kakauia ma Kailua i keia la 30 o Dekemaba, 1903.

 

Na ka Aha:

J. P. CURTS,

Kakauolelo.

HOOLAHA MANA KUAI AKU.

HOOLAHA MANAO KUAI A NO KE

KUAI AKU.

Ma keia ke hoolahaia aku nei, i kulike ai me ka mana kuai i hoikeia maloko o kekahi Pauku o kekahi Palapala Aelike i hanaia ma ka la 1 o Maraki, 1902, mawaena o G. Schumann, Limited, he hui Hawaii i hoohuiia malalo o na kanawai, no ka aoao mua, G. Schumann o Honolulu, Mokupuni o Oahu, Teritori o Hawaii, no ka aoao elua, ame W. S. Withers, he mea e noho ana mamua ma Honolulu i oleloia, no ka aoao ekolu, ke manao nei ka Hui Schumann Carriage Company, Limited, he hui Hawaii, i ikeia hoi mamua ma ka inoa G. Schumann, Limited, e kuai a e kuai aku ana no ka uhakiia o na kumu aelike oia ka uku ole ia ana o eha mau palapala aie i kakauia ma ka la 1 o Maraki, 1902, i hanaia ia G. Schumann, Limited, i oleloia, ma ke kudala akea ma ka ia 6 o Feberuari, 1904, ma na keena kudala o Jas. F. Morgan, alanui Kaahumanu, he 1100 mau mahele o ke Kumu Waiwai o ka Hui Honolulu Stockyards Company, Limited, he hui Hawaii, nona ka waiwai io o Umi Dala ($10) o ka mahele hookahi, me na pono, kuleana a pomaikai apau o W. S. Withers i oleloia maloko a ma ua mau mahele la, a o ua mau mahele la ua hooliloia mai e W. S. Withers i oleloia ia G. Schumann, Limited, i oleloia, nona hoi ka inoa e ku nei i keia manawa Schumann Carriage Company, Limited, i oleloia, ma ke ano he waiwai hoopaa e ukuia ai o ua mau palapala aie nei i oleloia, a oia no na mahele i hoakakaia ma ka Palapala Mahele o na Helu, a nona hoi na helu 168, 170, 171, 172, 173 ame 174.

Kuai na mea i koe e ninau ia Holmes & Stanley, na loio no Schumann Carriage Company, Limited.

SCHUMANN CARRIAGE COMPANY,

LIMITED.

Kakauia Ianuari 9, 1904.

HOOLAHA MANAO PANIKU A KU-

AI A KA MEA PAA MORAKI.

Ma keia ke hoolahaia aku nei, i kulike ai me ke kanawai ame ka mana kuai i hoikeia maloko o kekahi palapala moraki i hanaia ma ka la 6 o Sepatemaba, 1902, a hoopaaia ma ke keena Hoona Aina, Oahu, ma ka Buke 237 ma na aoao 374 a hiki i ka 377, i hanaia e S. K. Ka-ne, o Honolulu, Mokupuni o Oahu, mea moraki, ia C. Bolte, Kahu, mea paa moraki, ke manao nei o C. Bolte, i oleloia, Kahu, e paniku aku i ua moraki la, no na kumu i uhakiia, oia hoi, ka uku ole ia i ka wa e uku ai o ke kumupaa ame ka ukupanee o ka palapala nota aie a ka mea moraki i oleloia i hoopaaia mamuli o ua palapala moraki la.

Ma keia no hoi ke hoolaha hou ia aku nei, mahope iho o ka hala ana o na pule ekolu mai ka la aku e puka aku nei o keia hoolaha, o ka waiwai i hoopaaia ma ua palapala moraki la e hoolahaia aku ana no ke kuai ana a e kuaiia aku ana no hoi ma ke kudala akea, a o ia kuaiia ana e malamaia no ma na keena kudala o Jas. F. Morgan, ma alanui Kaahumanu, Honolulu, ma ka Poaono, ka la 6 o Feberuari, 1904, ma ka hora 12 awakea o ua la nei.

O na waiwai i hoopaaia ma ua palapala moraki nei a e manaoia nei e kuai aku elike me ia i hoakakaia mamua ae nei, penei ko lakou mau hoakaka ana:

1.  O kela apana aina apau e waiho la ma Kaliu, Honolulu, i oleloia, nona ka ili aina o 5477 kapuai kuea nona hoi na palena i hoakakaia penei:  E hoomaka ana ma ka aoao Hikina Hema o alanui Liliha, 250 kapuai mai ke kihi Hikina Hema o ka hookuina o na alanui Liliha ame Kuakini a e holo ana ma o ke kaha awakea pololei penei:

S.     39o  38'  E. 105.6  kapuai ma ka Apana 5;

S.     44o  30'  W.   27   kapuai ma L.C.A. 7179;

S.     29o  50'  W.  25.5  kapuai maL.C.A. 7179;

N.     39o  38'  W. 117   kapuai ma ka Apana 7;

N.     50o  23'  E.  50   kapuai ma ke alanui Liliha a hiki i kahi i hoomaka ai.

2.  O kela apana aina apau e waiho la ma Pelekunu, Mokupuni o Molokai, i hoakakaia ma ka Palapala Sila Nui 4732, L.C.A. 6373, a i hoakakaia na palena penei:  E hoomaka ana ma ke kihi Akau Komohana o keia aina a e holo ana

S. 53 1/2o  E. 7.83  kaulahao ma ka muliwai.

S. 36 1/2o  W. 6   kaulahao ma kahi o Nahelehele;

S. 53 1/2o  W.  7.83  kaulahao ma kahi o Pali;

N. 36 1/2o  E. 6  kaulahao ma kahi o Mahi;

Ili aina 4 eka, 844 anana.

3.  He hookahi hapalua kuleana i mahele ole ia maloko o kela apana aina e waiho la ma hilea, Kau, Mokupuni o Hawaii, a i hoakakaia ma ka Palapala Sila Nui 7969, L.C.A. 8760 F., a nona hoi na palena i hoakakaia penei:  E hoomaka ana ma ke kihi Hikina a e holo ana

N. 70o  W. 14.75 kaulahao ma ko ke Konohiki;

S. 18o  30' W. 2.90 kaulahao ma kahi o Pali;

S. 56o  E.  16  kaulahao ma ko ke Konohiki;

N. 12o 45' E. 6.8 kaulahao ma ke alanui a hiki i kahi i hoomaka ai.Ili aina 7 1-10 eka.

4.  O kela apana aina apau e waiho la ma ka aoao Komohana hema o alanui Kula, ma Honolulu i oleloia, nona ka ili aina o 35-100 eka, a nona na palena i hoakakaia penei:  E hoomaka ana ma ka huina Hikina o keia aina ma alanui Kula a e holo ana ma ke kahi awakea makeneki

S. 46o  30' W. 113  kapuai;

S. 49o  W.  48  kapuai;

S. 43o  W.  90  kapuai;

N. 38o  W.  51  kapuai;

N. 12o  W. 10.5 kapuai;

N. 42o  30' E. 138.5  kapuai;

N. 47o  E. 98.3 kapuai;

S. 46o  45' E.  66  kapuai ma ke alanui Kula a hiki i kahi i hoomaka ai.

5.  Ka waiwai i hoopaaia ma ka hoolimalima ame na pomaikai i haawiia ma o kekahi palapala hoolimalima i hanaia e Mrs. Akula Woodward ia S. K. Ka-ne, i hanaia ma ka la 9 o Maraki, A. D. 1900, a i hoopaaia ma ke keena Hoona Aina ma ka Buke 206 ma na aoao 39 a hiki i ka 41, no ka manawa o kanaha makahiki mai ka la i oleloia ma ke kanahiku dala ($70) hoolimalima o ka makahiki, maloko o kela apana aina e waiho la ma ke alanui Sereno, ma Honolulu i oleloia, nona na palena i hoakakaia penei:  E hoomaka ana ma kahi a ma ka aoao Akau-Komohana o alanui Sereno 475.8 kapuai mai kona hookuina me alanui Kuakini, a e holo ana ma ke kahi awakea pololeio penei:

N. 39o  20' W. 122    kapuai ma kahi o ka Apana 46;

S. 52o  30' W. 71.3 kapuai ma ka aoao Hikina -Hema o ka auwai;

S. 41o  20' E. 125  kapuai ma kahi o ke alanui olowi he 10 kapuai ke akea;

N. 48o  10' E.  69   kapuai ma ke alanui Sereno a hiki i kahi i hoomaka ai.  Ili aina, 8640 kapuai kuea.

C. BOLTE,

Kahu Mea Paa Moraki.

Kakauia Honolulu, Ianuari 14, 1904.

HOOLAHA MANAO PANIKU A KU-

AI A KA MEA PAA MORAKI.

Ma keia ke hoolahaia aku nei, i kulike ai me ke kanawai ame ka mana kuai i hoikeia maloko o kekahi palapala moraki i hanaia ma ka la 4 o Augate, 1900, e Charles P. Grimwood, no Honolulu mamua, Mokupuni o Oahu, Teritori o Hawaii, (a i hui pu me Clara Grimwood, wahine a Charles P. Grimwood i oleloia, ma o kona hookuu a ae ana e hoolilo aku i kona mau kuleana apau o ka wahine mare maluna o na waiwai apau i hoakakaia ma ua palapala moraki nei) i  ka First American Bank of Hawaii, Limited, he hui Hawaii malalo o na kanawai, Mea Paa Moraki, i hoopaaia hoi ma ke Keena Hoona Aina ma Honolulu i oleloia ma ka Buke 214 a ma na aoao 81, 82 ame 83, ke manao nei ka Mea Paa Moraki, The First American Savings and Trust Company, Limited, i ikeia malalo a nona hoi ka inoa The First American Bank of Hawaii, Limited, a o ka hope hoi no a i kulike ai me, koe ma ka inoa ame ke kulana me ka The First American Bank of Hawaii, Limited, e paniku aku i ua moraki la no ka uhakiia o na olelo aelike, oia hoi, ka uku ole ia o ke kumupaa ame ka ukupanee i ka wa e uku ai.

Ke hoolaha hou ia aku nei no hoi, o ka waiwai i hooliloia mai ma ua palapala moraki la e kuaiia aku ana no ia ma ke kudala akea ma ka ipuka ma ke alo o Aliiolani Hale ma Honolulu i oleloia, ma ka la 6 o Feberuari, 1904, ma ka hora 12 awakea.

Penei ka waiwai i hooliloia mai ma ua palapala moraki la:

O kela apana aina a mau mahele aina e waiho la ma Kewalo, ma Honolulu i oleloia, a i ikeia ma na inoa Apana eono (6), ehiku (7), ewalu (8) ame eiwa (9), maloko o ka Mahele Helu eha (4), a i hoakakaia hoi ma ka Palapala Aina o na apana aina o Kewalo, Honolulu, i hoopaaia ai hoi ma ke Keena Hoona Aina ma Honolulu, ma ka la 20 o Ianuari, 1897, a i kakau kopeia ma ka Buke 162, ma na aoao 222 a hiki i ka aoao 227, a oia no hoi ka hapa o ka Palapala Sila Nui Helu 5716, L.C.A. 10605, a o na apana aina hoi i hooliloia aku ia Charles P. Grimwood ma ka palapala kuai mai a C. K. Ai aku, i hanaia ma ka la 27 o Iulai, 1900.

Me na hale apau maluna iho, na pono, ame na kuleana apau e pili ana i ua mau apana a mahele aina nei.

The First American Savings and Trust Company of Hawaii, Limited, Mea Paa Moraki.

Kakauia Ianuari 11, 1904.

Frank E. Thompson, Loia no ka Mea Paa Moraki.

 HOOLAHA MANAO PANIKU A KU-

AI A KA MEA PAA MORAKI.

Ma keia ke hoolahaia aku nei, i kulike ai me ke kanawai ame ka mana kuai i hoikeia maloko o kekahi palapala moraki i hanaia ma ka la 21 o Novemaba, 1900, e Tomoziro Masuda, o Honolulu , Mokupuni o Oahu, Teritori o Hawaii, ma ke ano he mea moraki mai, ia F. A. Schaefer, o Honolulu, i oleloia, ma ke ano he Mea Paa Moraki, i hoopaaia hoi ma ke Keena Hoona Aina ma Honolulu i oleloia ma ka Buke 213 a ma na aoao 357-359, ma keia, ke manao nei ka Mea Paa Moraki, e paniku aku i ua moraki la no ka uhakiia o na olelo aelike, oia hoi, ka uku ole ia o ke kumupaa ame ka ukupanee i ka wa e uku ai.

Ke hoolaha hou ia aku nei no hoi, o ka waiwai i hooliloia mai ma ua palapala moraki nei e kuaiia aku ana no ia ma ke kudala akea ma na keena kudala o Jas. F. Morgan, ma alanui Kaahumanu, Honolulu, ma ka Poaono,ka la 6 o Feberuari, 1904, ma ka hora 12 awakea.

Penei ka nui o ua waiwai la i hooliloia aku maloko o ua palapala moraki la:

O kela apana a i ole mahele aina e waiho la ma ka aoao makai o alanui Young, Honolulu, i olelo mua ia, mawaena o na pa hale noho o L. H. Dee ame T. McTighe, nona ke akea o kanahiku-kumamalima kapuai ma ua alanui la i oleloia, a e holo ana ihope o hookahi haneri me kanaha-kumamalima kapuai, a oia no hoi kahi i hooliloia aku e L. H. Dee ame kana wahine i ka Mea Moraki Mai ma kekahi palapala kuai i hanaia ma ka la 11 o dekemaba, 1899, a i hoopaaia ma ke Keena Aina i olelo mua ia ae nei ma ka buke 201 ma ka aoao 297.

Me na hale ame na hana hou apau e waiho la maluna o ka aina ame na pono, ke kuleana ame na mea apau i ua apana a i ole mahele aina nei.

F. A. SCHAEFER,

Mea Paa Moraki.

Kuai kuike ma ke dala gula Amerika, i ka mea kuai ka lilo o na palapala.

No na mea i koe e ninau ia Holmes & Stanley, na loio o ka mea paa moraki.

Kakauia, Honolulu, Ianuari 7, 1904.

 HOOLAHA MANAO PANIKU A KU-

AI A KA MEA PAA MORAKI.

Ma keia ke hoolahaia aku nei, i kulike ai me ke kanawai ame ka mana kuai i hoikeia maloko o kekahi palapala moraki i hanaia ma ka la 23 o Okatoba, 1901, ame Ianuari 13, 1902, a i hoopaaia ma ke Keena Hoona Aina ma Honolulu, Mokupuni o Oahu, Teritori o Hawaii, ma ma ka Buke 230  ma na aoao 219 ame220, a i hanaia e a mawaena o T. Masuda ame T. Ozawa, no Honolulu laua, i oleloia ma ke ano he mau Mea Moraki Mai, ia Heinrich Renjes, o Wiesbaden, Geremania, ma ke ano he Mea Paa Moraki, e paniku aku i ua moraki la no ka uhakiia o na olelo aelike, oia hoi, ka uku ole ia o ke kumupaa ame ka ukupanee

Ke hoolaha hou ia aku nei no hoi, o ka waiwai i hooliloia mai ma ua palapala moraki nei e kuaiia aku ana no ia ma ke kudala akea ma na keena kudala o Jas. F. Morgan, ma alanui Kaahumanu, Honolulu, ma ka Poaono, ka la 6 o Feberuari, 1904, ma ka hora 12 o ke awakea.

O ua mau waiwai la i hooliloia aku ma ua moraki la, penei no ia:  O na apana aina apau i hoakakaia malalo iho nei, apana, mahele, moo, a pela aku, e waiho la ma Hauhaukoi, Honolulu, i oleloia, a i hoakakaia na palena penei:

Ekahi---O kela apana a mahele o Apana 1 o Palapala Sila Nui Helu 2258, L.C.A. Helu 2133, a i hoakakaia na palena ma ka aoao mauka ma ko Unualoha aoao, ma o ka hoike kila mageneti a ka mea ana aina, penei no ia:

1---S., 42 1/2 deg.; E., 116.2 kapuai ma ka aoao ma Waikiki ma o ka aina o Kaeo la;

2---S., 45 1/2 deg.; W.,  63.4 kapuai; alaila

3---S., 40 deg.; E.,  93.1 kapuai ;

4---S., 47 deg.; W., 141.2 kapuai ma o ka aina o Nahina, ma ka aoao ma Waikiki;

5---S., 40 1/2 deg.; W., 197.4 kapuai ma o ka aina o Kaeo la; alaila, ma ka aoao ma Ewa ma o ka aina o Kipi, he kahawai na palena;

6---S., 41 3/4 deg.; E., 196.7 kapuai a hiki i kahi i hoomaka ai.

Nona ka ili aina o 58-100 eka.

Elua---O ka Apana 2 o ka Palapala Sila Nui Helu 2397, L.C.A. Helu 1405, e hoomaka ana ma ke kihi hema a e holo ana

1---N., 45o 00' E., 32.34 kapuai ma ko Luiki aina;

2---N., 20o 00' E., 33.00 kapuai ma ko Maui aina;

3---N., 43o 00' W.,  85.8 kapuai ma ko Auwai ame ko Kupee aina;

4---S., 45o 00' W., 68.00 kapuai

5---S., 47o 00' E., 99.7 kapuai ma ko Kuluahi aina a hiki i kahi i hoomaka ai.

Nona ka ili aina o 153-100 eka.

O keia mau apana a mau apana a mahele aina i hoikeia ae la maluna ua hooliloia aku no ia ia T. Masuda ma o ka palapala kuai e W. F. Jocher, i hanaia ma ka la 13 o Maraki, 1900, a i hoopaaia ma ka buke 203, aoao 454.

Ekolu---E hoomaka ana ma ke kihi akau-komohana o keia apana ma kahi ma ka aoao makai o ke alanui, a e holo ana mai laila aku penei:

1---S., 39o 25' E., 59 1/2 kapuai ma ia laina pololei o ke alanui ma ka aoao makai, alaila

2---S., 37o 50' W., 124 3/4 kapuai ma ka apana aina 2, alaila

3---N., 48o 25' W., 58 kapuai; alaila

4---N., 37o 35' E., 134 kapuai a hiki i kahi i hoomaka ai nona ka ili aina o 7225 kapuai kuea, a oia no na wahi i hooliloia aku ia T. Ozawa ma o ka palapala kuai e Victoria S. Ellis i hanaia ma ka la 3 o Mei, 1900, a i hoopaaia ma ka buke 208, aoao 196.

I huiia me na hale apau maluna iho ame na hana hou apau, na pono ame na kuleana i pili i ua mau apana a mahele aina la.

HEINRICH RENJES,

Mea Paa Moraki.

Ma o kona loia ma ke kanawai,

F. A. SCHAEFER,

Mea Paa Moraki.

Kuai kuike ma ke dala gula Amerika, i ka mea kuai ka lilo o na palapala.

No na mea i koe e ninau ia Holmes & Stanley, na loio o ka mea paa moraki.

Kakauia, Honolulu, Ianuari 7, 1904.

O ka mea kuhohonu loa e loaa mai ana mai ke anu ame ka nalulu mai oia no ka ma'i numonia.  Ina e malamaia keia me ka noonoo maikai a hoohana pu ia ka laau kunu  Chamberlain's Cough Remedy e hoohaawaleia no keia mau pilikia apau.  E hoola no keia laau i ke anu ame ka nalulu iloko o ka manawa pokole mamua o kekahi mau ano laau e ae.  He hoola mau keia laau a he hoola iloko o ka manawa pokole.  E loaa no ma ka halekuai laau o Benson, Smith & Co., Ltd., na Agena e kuai aku, no ke kumukuai kupono.

HOOLAHA KUMAU

LEWERS & COOKE

LUI A ME KUKE, Kaupalenaia

Na mea Hookomo mai a Kuai aku

i na

LAKO HANA HALE

O Kela ame Kena Ano.

Malaila e loaa ai na mea malalo iho:---

NA PAPA N. W., NA PAPA HOLE, PILI HALE, NA PUKA, NA OLEPELEPE. AME NA PONO PUKA ANIANI, NA KUI, AME NA MEA PILI I KA OIHANA KAMANA, NA PONO PENA.

NA PENA LIKE OLE, AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.

O na kauoha pono hale apau loa e hiki mai ana ia makou e hooko koke ia no me ka eleu ame na KUMU KUAI HAAHAA LOA.

LEWERS & COOKE

Hui Alahao ame Aina o Oahu

Manawa Holo

Mei 1, 1903.

[graphic: engraving of locomotive steam train]

MAI HOOLULU AKU

No Waianae, Waialua, Kahuku ame na wahi hoolulu ma ke alahae---

*9:15 a.m., *  3:30 p.m.

No Pearl City, Ewa Mill, ame na wahi hoolulu ma ke alahao--- +7:30 a.m.

*9:15 a.m., * 11:05 a.m., *8:15 p.m.

*3:20 a.m., +  4:15 p.m., *5:15 p.m.

#9:30 a.m., + 11:15 p.m.

MAI WAHO MAI

Ku i Honolulu mai Kahuku, Waialua, ame Waianae mai *8:36 a.m.,

*5:31 p.m.

Ku i Honolulu mai Ewa Mill ame Pearl City mai--- +6:50 a.m. +7:46 a.m.,

* 8:36 a.m., *10:38 a.m., *2:05 p.m.

* 4:31 a.m., * 5:31 p.m., *7:40 p.m.

*5:31 p.m., * 7:40 p.m.

* Kela ame keia la.

+ Sabati wale no.

# Koe ke Sabati.

G P. DENISON, Lunahoohana.

F. C. SMITH, G. P. & T. A.

Kakela me Kuke

[KAUPALENAIA]

Poe Kalepa ma

ke Komisina

::HE::

POE LAWELAWE KOPAA

Poe Agena no na Wa-

hiko Lehulehu.

KAUKA T. MITAMURA

Alanui Kukui Ololi Helu 68, Honolulu.

Na Hora Hana: 

Hora 8 a 10 kakahiaka; hora 1 a 3 ame hora 6 a 8:00 p. m. Sabati:  Hora 6 a 8 p. m.

Telepone Blue 2366.     P. O. 842.

..O KE..

Koko Ino ka mea e

Loaa ai na Pilikia

ma ke Kino.

E Heluhelu i keia mau Manao.

O KA LAAU

AYER'S SARSAPARILLA

--KA--

laau nana e hookaawale na ma'i ino mai kou koko aku.  He laau hoonoono ai, a he laau e hooikaika ana i kou mau iaia apau.  O ka Laau Ayer's Sarsaparilla ka laau kaulana loa a puni ke ao holookoa.  Ina e hoomau ia ka lawelawe ana i keia laau e loaa ana ka ke ola kino maikai a me ke koko maemae, hoi hou mai ka ula o kou mau lehelehe, pu'ipu'i maikai kou mau papalina, a loaa ke kulana ola kino maikai.

He loaa na pu'u paa o ke kino i ka laau Ayer's Sarsaparilla, e hoopalaele ana mai ka ma'i puu paa (Brights' Disease ame na ma'i oia ano.  Ke koi ikaika aku nei makou e lawe ia keia ano laau ma kahi i ike ia na ma'i Puu paa apau.

Hoomakaukau ia e Kauka J. C. Ayers

E loaa no kela mau Huaale ma ka Hale Kuai Laau apau.