Ka Nupepa Kuokoa, Volume XLII, Number 2, 8 Ianuali 1904 — Ua Hauolio Mr. Cuuingham me Kakou. [ARTICLE]

Ua Hauolio Mr. Cuuingham me Kakou.

"Ua pomaikai kuu Jiuakai i ka luapele Kilauea," wahi a Konela James A. Cuuingham i ka Poaono iho nei. Ua hoi mai oia ame kana wahine mai ka laua huakai makaikai ma Hawaii maluna mai o ke Kinau, me ka hauoli nui no ke ko ana o ko laua manao e ike ia Kilauea i ka manawa e a ana o ke ahi. Ua hoea mai o Mr. Cunningham me ka pu-lima i anuuia ame ka puupuu wawae i okupeia, i mea nana e hoomanao ai i kana hua-kai i ka luapele. I kona manawa e ihb ana iloko o ka luapele e-ike aku i kahi o ke ahi, ua ku aku kona wawae i kekahi pohaku pele oioi, ua hina aku oia a ua anuu kona lima a ua moku pu kekahi o kona mau aa koko. Aka, ua mau aku no kona hele ana imua me.Jcona eha no, a ua ukali aku no oia i ke alakai, a he manawa pokole mahope iho, ua hina hou aku la oia ilalo no ka lua o, ka manawa a ua okupe ia kona puupuu wawae, aka ua hele aku no oia imuā a hiki i kona ike maka ana i ke. kapuahi wai wela e boila ana. I kekahi la ae, he mea ole na eha, ua hele aku no oia ma kekahi huakai hele maluna o ka lio no kanakolu-ku-mamahlku mile. Ua hele aina ae o Mr. Cunningham mai Kawaihae mai, a he mau olelo hoohanohano wale no kana no ia mau apaAa- aina ana i ike ai. Wahi ana, "He poe apana aina nani wale no kela a i kupono hoi no ka mahiai ana aku. He nui ka momona o ka lepo e ulir maikai ai no na mea kanu. Aohe i niaikai pono na alanui, aka ua lohe mai au e hana ia aku ana keia mau alanui. Ma ka hele aina ana ua loaa ia'u kekahi nanaina malkai loa o ka mokupuni nui, a ua nui ko'u hauoli no keia mea a'u hoi i ike ai." Keia hoalauna he Peresidena oia no ka Banako Oihana Kalepa o Salt Lake, he Peresidena no ka Hui Eli Walwai Mammoth ame kekahi mau oihana okoa ae, a oia hoi kekahi o na 'kanaka waiwai o Uta, kahi o ka poe Mamona. E noho ana laua i Honolulu nei ma ka Hotele Younir a hiki i ko laua manawa e hoi ai maluna o Korea ma ka la umi-kumamakolu o lanuari no Kapalakiko.