Ka Nupepa Kuokoa, Volume XLII, Number 2, 8 Ianuali 1904 — He Make ka Hopena o ka Luau a na Keiki Hoe Waapa [ARTICLE]

He Make ka Hopena o ka Luau a na Keiki Hoe Waapa

Mamuli o ka paakiki ame ke ake o kona manao ikaika i kana mau mea i makemake ai ma ka papaaina luau a lakou no, na keiki hoe waapa i hoomakauleau ai, ame ka ai ana mamua o ka mea kupono, ua loa!l o "01d Sam," kekahi o na keiki hoe waapa kahikō loa ma kela oihana a i kamaaina pu hoi, ua make iluna o ka uwapo o Brewer i ke kakahiaka nui o ka Poaono iho nei, i ke kanaka kiai. O Samuela Kailiahi, a i maopopo loa ia ma ka inoa kapakapa "01d Sam," oia ke kanaka kahiko o keia hui. Iloko 0 na makahiki loihi ana i noho ai ma keia oihana, ma ka hale waapa no oia e moe ai me kahi palaumoena ame kkhi kihei huluhulu, i lawa kupono nona hooleahi. Oia kekahi o na kanaka oluolu ma na uwapo, a ua nui no hoi ka poe hele iaia no ka lawe aku ia lakou i na mokumanuwa, a i ole no ka ana aku ia lakou i na wahi a lakou e makemake ai. I 'ka o ke aumokukaua i ku iho nei i Honolulu nei, nui no na hapaha 1 loaa aku iaia mai ka poe mai o na manuwa ame lea poe no hoi kekahi..o ke kaona nei, a ua hoolilo oia no ka pono o kona kino ame kona opu. Oia no ka mea i lulu nui no ka paina iho nei a lakou i ka Hapenuia nei, aka 0 na waiona no ka hapanui i hooma•kaukau'ia. Ua inu ino oia i ka bia, gini ame ka >visike, me ka noonoo ole 1 ka hopena, a i kona manawa i hoi ai e moo, ua lilo oia i ka moe hooheno a niolopua, i ka moe hoi ona i ala hou ole mai ai. Mawaena o ka hora ekoiu ame ka hora 'eha o ka auwina la o ka la Hapenuia, ua hoi aku oia e moe maluna o kekahi paila mauu maloo ma ka uwapo o Brewer ma, a aohe no hoi he hoomanao iki o na.hoa no kona moe loihi. Ma kauwahi o ka hora ekolu o ka wanaao Poaono ae, ua loaa aku oia ua make. Ka mea nae i manao ai ke kanaka kiai ua make, no kona ike ana i na manawa apau ana e maalo ae ai ma kahi a Kailiahi e moe ana, e ike mau ana oi£L hookahi no ano o kona moe ana, aole oia i oni iki. I kona manawa i ike ai i keia mea ua hoike koke aku oia i 'ka ojhana makai. Ua hana o Kailiahl mamua loa me ka Paclflc Hardware Company, a i kona manawa i noho ai i ka hoe waapa, aole oia i liuli aku no kekahi oihana okoa ae,. ma keia oihana no oia a hiki wale i kona make ana aku la. Aohe ona ohana. I na la opiopio o Kailiahi, he sela moku oia, ola no ka manawa e okohola ana o Hawaii nei, a ua holo oia a hiki 1 na kai Atica (Artic) i paa mau i ka hau. Ua holo mo}cu oia me Kapena Tripp o ke Keena Haku o na awa ku meku.