Ka Nupepa Kuokoa, Volume XLII, Number 2, 8 Ianuali 1904 — E Noho Hana Ole ana na Paahao no Kekahi Manawa. [ARTICLE]

E Noho Hana Ole ana na Paahao no Kekahi Manawa.

E ka mea i ikeia ua loaa keia manao e noho hana ole ana na paahāo o Kawa a hiki i ka manawa e pau pono ai 'ka hooponopono ana o ka Papa Lunakiai o ke Kalana o Oahu nei no na mea e pili ana i ka ukuhana o na lunanana o na paahao i ka manawa e hana ai. I ka manawa i noho ai ka Ahaolelo o ke kau i hala ua nui ka lakou hana maluna o na bila haawina aka iloko o la nui hana ame ka hoomaopopo ole ia, s a i keia manawa ua~ ikeia aoie i hanaia ka haawina uku o na makai hoohana i na paahao ma na wahi like ole o lakou e hoohanaia ai. No keia kumu, aole e hiki ke loaa na lunakiai o na paahao i ko lakou manawa hana owaho mai ka halepaahao ae; ke kumu hoi e hiki pono ole ai ke hoohana i na paahao me na kiai ole. Aia a loaa ka haawina a na kiai o na paahao e hoolawaia ai e na kalana raa o na hooponopono ana o na Lunakiai o na kalana e hoohanaia ai na Paahao. O ke kahua o ka Halepaahao o Oahu ua kukuluia aka o ka hoopau pono ana e pau ana ka hana iloko o ka manawa kupono, aka, ua ano ulolohi no ka hana mamuli o ke kali ana a hiki mai na o'a hao mailoko mai.