Ka Nupepa Kuokoa, Volume XLII, Number 1, 1 January 1904 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

JANUARI 1, 1904

 

Makai Kiu

KALOKE HOME

@AME KA

 

Hihia i Huliia me ka Noeau

--------

 

MOKUNA IV

SIR. HANALE BASEKAVILA

 

                “E ike aku ana oe i na mea apau mamua o kou haalele ana iho ia nei  Sir Hanale,”  wahi a Kaloke i panai aku ai.”  E pono ia kakou i keia manawa e noonoo no keia mea pohihihi au, a kakou @ e ike nei ua hookuikuiia ae a hoounaia mai i ke ahiahi nei.  Eia anei me oe ke kope o ka nupepa Manawa o nehinei e Wakekona?”

 

                “Eia ua pepa la me keia kihi.”

                “E oluolu anei oe e lawe mai—o ka aoao maloko—ina oe e @ ana, me ka manao alakai.”  I ka loaa ana aku o ua pepa la @ na hoomau hou aku la ia.—“He manao ano nui keia e pili ana @ Hoopae Dute’ole maluna o na waiwai komo mai.  Ina oukou e @ mai ana e heluhelu aku wau i kekahi mau manao pokole.  Oiai @ hauoli oe ke ike iho o kou hana nui a i ole o kou pno ponoi @hoihoiia ana ma o ke kanawai auhau dute, aka ma ka noonoo @ ana he kumu no ia e hookaawele ana mai ka aina aku no ka @ i ka waiwai komo mai na aina e a hoohaahaa iho hoi i ke @ ola o ka aina e like me na mea i manaoia a ikeia.  Pehea @ la kou manao i keia, e Wakekona?  Wahi a Kaloke me ka @ hauole ame kona puili ana ae i kona mau lima.  “Aole @ manao ke oiaio nei ka’u mau mea i manao mua ai?”

 

                Ua kau aku la na maka o Kauka Matimea iluna o Kaloke me ka @ a o Sir Hanale Basekavila hoi ua nana aku la ia me ka paha’o@.

 

                “Aole wau i ike nui no ia mea he auhau dute ame na mea like @ ano,” wahi a Sir Hanale.  “Aka, me he mea la ua loaa aku la kakou kekahi mau mea e pili ana no kena leta.”

 

                “Ke manao nei wau, e Sir Hanale, eia kakou ke komo kukonu@ loa aku nei maluna o keia mea.  O Wakekona nei ka mea @ i ke ano o ka’u mau hana, aka ke manao nei wau aole oia i @maopopo loa mai la i keia mea.”

 

                “He oiaio kau, e Kaloke, a ke hooia aku nei no hoi wau aole @ aku la ia’u kahi i ili ai o keia mau mamala olelo ma kau @ mea i heluhelu mai nei.”

 

                “Eia nae hoi, e kuu Wakikona maikai, ua moakaka pono loa na mea apau ame na huaolelo i laweia.  E hoomaopopo nae kaua i na @olelo e lawe ae ai mai ka manao i ikeia ma ka nupepa penei; Oia” “oe ke” “kou” “nui” “e” “ke” “ma” “kupono” “he kumu” “e hookaawale” “mai” “aku” “no” “na” “a” “ola” “mea” “manaoia” e @ ana hoi ia “ia” ma ka hapa hope o “manaoia.”   Aole anei ou @ ae i kahi i laweia mai ai o keia mau huaolelo?”

 

                “Auwe no hoi e!”  i hooho ne ai o Sir Hanale.  “He kiekie mao@ kou akamai, e Kaloke”

 

                “Inaaia kekahi mau manao kanalua ua hiki ke hoopan=uia ae ia manao ma ka nana ana i ka huaolelo ‘e hookaawale’ i okiia mai keia manao aku, a no ko’u akamai, e Sir Hanale, e hoomanao oe o kela ame keia no kana hana iho, a o keia hoi ka’u ai ame ka’u i’a.”

 

                “He mea oiaio e Kaloke, ua oi aku keia mau mea a’u e ike nei mamua o ka’u mau mea i ike mua ai.”  wahi a Kauka Matimea.  “Aole e hiki ia’u ke ike aku i ka hiki i kekahi mea ke i mai ua laweia mai keia mau huaolelo mailoko mai o kekahi nupepa me ka ha’i pu mai i ka nupepa nona ka manao i laweia uiai, a o keia au i hoike mai @ oi kekahi mea ano pohihihi loa.  Peha la i hiki ai ia oe?”

 

                “Ke manao nei wau, e Kauka Matimea, ua hiki loa ia oe ke ike i ka like ole o ke poo o ka Paele mai ko ka Esekimo mai ma ka haha @?”

                “He oiaio ia.”

                “A pehea oe e ike ai?”

                “No ka mea oia ku’u hana; o na kumu no hui ua maopopo loa.  @ ke poe, ka wiwi o ka papalina, ka apiipii o ka---“

 

                “O keia no hoi ka’u hana.”  I pane aku ai o Kaloke me ka pau @ ae @ ka Matimea kamailio ana, “a o ka like ole he mea maopopo@  Ma ka ike a ko’u maka na hiki ia’u ke ike i ka like ole mawaena @ hua kepau o ka nupepa Manawa ame ko na pepa e puka ahiahi mai nei, e like hoi me kou ike ana i ka like ole mawaena o ka Paele @me k@ ka Ekekimo.  O ka hiki ana ke ike i ka like ole mawaena o na @na @epau o kekahi pepa me kekahi oia kekahi ike kupono loa e loaa i kekahi mea e hana nei i ka hana a’u e hana nei, a no’u hoi ua hana wau i ko’u wa opio ma ka hana pa’i palapala a na ike wau a kamaaina i na hua o na pepu Leeds Mercury ame Na Meahou Kakahiaka Komohana.  O na hua o ka pepu Manawa he mau mea hou ia i laweia mai keia mau huaolelo o keia pepa wale no.  A oiai ua hanaia Leia hana ma ke ahiahi nei, nolila, ua loaa mai ka ike o ka pepa wale no o ke ahiahi nei kahi e loaa ai.”

 

                “E like me ka hiki ia’u ke hoomaopopo aku ma kau mau olelo Kaloke.” Wahi a Sir Hamale, “ma kekahi mea i oke iho i keia mau @uaolelo me ka upa.”

 

                “Me ka upa-kui.”  Wahi a Kaloke.  “Ua hiki ia oe ke ike iho i ke @no o ke oki ua okiia me kekkahi upa pokole oiai he elua manawa i @ ai ka huaolelo ‘e hookaawale.”

 

                “Oia io no.  Ua okila ae ua mea la me kekahi upa maka pokole a hoopipili iho me ka mea hoopipili -----------.”

 

                “Aole me ka mea hoopipili aka me ka halaau,”  i pane aku ai o Kaloke.

 

                “Pela io no.  Eia nae ka’u mea e paha’oha’o nei, pehea ia hoi @ maoli ia ai ka huaolelo ‘kula me ka lawe ole ia mai ka pepa mai?”

 

                “No ka mea aole he hua oia ano i pa’iia,”  wahi a Kaloke, ma oia iho la, alaila ua maopopo ae la.  Ua loaa anei ia oe @ mau mea e ae ma keia leta, e Mr. Kaloke?”

 

                “He elua a’u mea e ike nei, eia nae hoi ua hooikaika maoli no a mea nana i hana i keia hana i ka huna ana i na mea e ikeia ai, ke nana iho oe ma ka inoa i kauia ai mawaho o ka wa-hi leta e iko pau oe ua pono kakauia.  O ka nupepa Manawa aole ia he pepa laweia @ mea apau, aka na ka poe i hoonaauao maikai ia.  Ma ia ano @ kaua ua hakula keia leta e ka mea i naauao me kona manao e Spole iaia iho aole ona naauao a ma ia hana ana i manao ai oia e hana iho i kona lima kakau ua manao oia e kii aku i ka mano i ikeia e na mea apau a i ole i ikeia e oe.  Eia hoa no, e ike ana aole i hoopaaia keia mau huaolelo ma ka laina pololei a e ike ana oe uan hala ae kekahi huaolelo maluna o kekahi.  E nana iho oe i ka huaolelo ‘ola’ ua hala aku ia mai kahi kupono.  Malia pahu ua uapuahulu a pihoihoi ka mea nana i oki i keia mau huaolelo.  O ko’u manao e Laulele ana wau maluna o ka mea hope, a he mea maopopo no hoi o ka mea nana keia leta e pihoihoi anan no oia.  Ina ua awiwi a puapuahulu oia alaila e loaa ana keia ninau ano nui, heaha la kona mea i puapuahulu ai olai o ka leta e hoounaia aku ana i ke kakahiaka nui o kekahi ia ae e loaa aku ana no ia ia oe mamua o kou haalele ana i ka hotele.  Ua mak’u anei ka mea i haku keia mau manao—a owai hoi kana mea i maka’u ai?”

 

                “Ea, ke hora aku neikakou i kahi e pono koho wale ai.”  wahi a Kauka Matimea.

 

                “E i iho oe ke hoea aku nei kakou i kahi e kaupaona ai a koho iho i ka mea oialo.  He oiaio e koho wale ana, aka eia me kakou kekahi mau mea e hookumu ai i ka hana.  Ano, e olelo nei oe he koho wale, aka, kemanao nei wau ua hanaia keia hana iloko o kekahi hotele.”

 

                “Peheaiho i hiki ai ia oe ke olelo ne peia?

                “Ina oe e naua pono ana o ka pilikia i loaa aku i ka mea nana i kakou ole no ka laika ame k peni.  Ma kahi wahi ua mahae ae ka peni a palua hoi ke kakau ana, a he elua a ekolu hoi manawa i maloo ai ka iaika, e hoike ana ia aole he nui loa o ka inika iloko o ka ipo.  Ina o ka peni ame ka inika a na ka mea nana i kakau i keia lets.   Ka mea i ikela e mau ana no ko laua ano, a he hookahi no hoi ano e loaa ana.  Ma ka hotele kahi nui o ka poe e noho ana he nui na ano a ua like ole hoi na peni.  Aole o u kanalua ke i ae ina kakou e huli aku ana i ka hotle e kokoke ana ia Ke’a Kalalina e loaa ana ia kakou kekahi kope o ka nupepa Manawa ua pau i ka okiokiia a ma ia ano na hiki ia kakou he hopu aku i ka mea nua mai keia lets.  Halo! Halo! Heaha hoi keia?”  i hooho aeai o Kaloke iaia e nana pono ana i ua letu ia.

 

                “Heaha iho la la ?”

 

                “Aole,” wahi a Kaloke me kona kiola ana iho i ka mea ana i ike ai.  “He wahi pepa wale no aole no nae he mau huaolelo oluna.  Me he mea la ua pau ae la ka hapanui o na mea e loaa ana ia kakou mai keia leta anoe au, e Sir Hanale.  Aole anei he mau mea ano nui e ae i hoea mai nou ia oe i hiki ai i Ladana?”

 

                “Aole, e Mr. Kaloke.  Pela ko’u manao.”

                “Aole anei oe i ike i kekahi mea e uhai ana mahope ou a i ole kiai mai paha ia oe?”

 

                “Ua hiki mai wau me ka noonoo ole ae no ia mea.  Heaha hoi keia e uhai nei kekahi mea mahope ou a i ole e kiai nei hoi?”  i panai aku ai o Sir Hanale.

 

                “E hiki aku ana kakou i kahi o ia mea.  Aole anei au mau hoike e ae mamua o ko kakou nee ana aku imu?”

 

                “Ina paha ua manao oe he mea pono kekahi e ha’iia aku.”

 

                “Ke manao nei wau o na mea a pau i anoe ae mamua o na mea i maa ia oe he mau mea ia i pono e hoikeia.”

 

                Ua mino aka aku la o Sir Hanale me ka pane ana aku:  “Aole wau i maa i ka nohona o na Pelekane no ka mea ma Amerika a ma Canada ko’u noho ana i na makahiki loihi i hala ae nei.  Eia nae hoi o ka lilo ana o kekahi o ko’u mau kamaa puki aole paha ia o kekahi o koonei nohona.”

 

                “Ua lilo ka kekahi o kou mau kamaa puki?”  i nanau aku ai o Kaloke.

 

                “E ka hoaloha.”  I puana aku ai o Kauka Matimea, “ ua hemahema pahu kau waiho ana i kou kamaa.  Ke manao nei wau ina no hoi e hoi hou aku ana oe i ko hotele o ka loaa no ia.  Heaha ka waiwai o kou ha’i ana aku la ia mea ia Kaloke?”

 

                “No kona ninau mai hoi paha ia’u me ka i mai e ha’i aku wau i na mea anoe apau i loaa mai ia’u i ko’u hiki ana mai.”

 

                “Ua pono oe e Sir Hanale,”  wahi a Kaloke, “ina no ia he mea ano ole e pono no ia oe ke ha’i mai.  Ua i mai nei oe ua lilo kekahi o kou mau kamaa?”

 

                “Well, e i ae wau ua hemahema ka’u waiho ana.  Ua waiho iho wau i ua mau kamaa nei o’u mawaho o ka puka o ko’u lumi i ka po nei, a i ko’u ala ana aku i keia kakahiaka he hookahi wale no e waiho ana.  Ua ninau aku wau i ka mea e hoomaemae ana a aole he wahi mea i loaa mai iaia mai.  O ka mea apiki loa inehinei iho la no ko’u kuai ana a lilo koke iho la no me ko’u komo ole.”

 

                “Heaha no hoi kou mea o ka waiho ana iwaho ina aole oi i komo?”

 

                “He mau kamaa puki hoi aole i hoohinuhinuia, oia hoi ke kumu o ka waiho ana mawaho no ka manao hoi e hoomaemaeia mai.”

 

                “Alaila e i mai ana oe i kou hoea ana mai i Ladana oia kou wa i kuai ai?”

 

                “Ua nui ka’u mau mea i hele ai e kuai.  O Kauka Matimea kekahi me a’u.  E hoomaopopo iho oe ina wau e hoi aku ana ma keia kulana hooilina he mea pono ia’u e hooponopono ae i ko’u ano oiai ua maa aku nei wau i ka nohona o ka’u wahi i noho aku nei.  Iwaena o ka’u mau mea i kuai ai o keia mau kamaa kekahi—he eono dala ko’u lilo—a aole i pili mai i ko’u mau wawae a o ka lilo no hoi ia.”

 

                “He mea ano ole no hoi keia e aihueia ai.”  wahi a Kaloke, “a ke manao nei wau ua pololei ka Kauka Matimea i ha’i mai nei ua waiho oe ma kekahi wahi a na poina paha oe i kau wahi i waiho ai, a me he mea la aole no paha e loihi a o ka loaa no ia ia oe.”

 

                “Ano, e n keonimana, ke manao nei wau ua lawa ka’u mau olelo a o ko oukou wa hoi keia e hoike mai ai i ka mea a’u i ike ole ai a i lohe iki iho nei hoi ia oukou e kamailio ana.  O ka manawa keia a oukou e hooko mai ai i ka oukou mau olelo,”  i olelo aku ai o Sir Hanale.

 

                “Ua pono oe, e Sir Hanale,”  i pane aku ai o Kaloke.  “E Kauka Matimea, ke manao nei wau o oe o kakou ka mea i kupono e ha’i ae i keia mea oini o oe o kakou ka mea i ike.”

 

                E like me ke kono i loaa aku ia Kauka Matimea pela oia i hooko mai ai, a unuhi ae la oia i ka palapala a hana iho la e like me kana i haua ai i ka la mamua iho.  Hoolohe aku la o Sir Hanale i na mea apau me ka hiaai a i kela ame keia manawa e hoopuka ae ana oia i kona pahaoha’o.

 

                “Well, me he mea la ua loaa mai keia hooilina ia’u me he panai la no kekahi hewa i hanaia,’’ wahi a Sir Hanale mahope o kona hoolohe ana i keia moolelo loihi.  “I ko’u wa e hanaiia ana no ua lohe wau no keia ilio.  He moolelo paanaau kena iloko o ko’u ohana, eia nae aole wau i noonoo nui loa no ia mea.  E pili ana no ka make ana o ia makukane o’u—me he mea la aia kekahi mea ke hoowela nei i ko’u noonoo, nolaila aole he hiki ia’u ke hoomaopopo pono aku.  Me he mea la ole oukou i hooholo i kahi e waiho aku ai i keia mea, i na makai paha a i ole i ke kahunapule paha,”

 

                “Oia ka mea oiaio.”

                “A pehea hoi keia leta i loaa mai ia’u ma ka hotele, aole anei i pili aku me keia mau mea i ikeia ae nei?”

 

                “Me he mea la aia kekahi mea i oi ae kona ike i ko kakou no na mea e pili ana i keia kula,”  i panai aku ai o Kauka Matimea.

 

                “A pela no hoi,” wahi a Kaloke, “aole he mea i manao ino aku ia oe, oiai ua ha’i mai la oia i ka poino e hoea mai ana.”

 

                “A i ole ke makemake mai la oia, no kona pono iho, e hoomakaukau ia oe.”  Wahi a Kauka Matimea.

 

                “Ae, he mea oiaio no ia,”  wahi a Kaloke.  “He aie nui ko;u ia oe e Kauka Matimea i kou lawe ana mai i keia hihia nui o na mea hooulu noonoo.  Aka eia ka mea a kakou e hooholo ai, e Sir Hanale, oia hoi, ina paha he mea pono nou e hoi aku no Basekavila Hale.”

 

                “Heaha hoi ko’u mea e hoi ole aku ai?”

                “Me hea la aia kekahi mea e poino ai kou ola.”

                “Ke manao nei anei oe aia he mau poino mai keia mea ino iloko o ko makou ohana a i ole mai kekahi mea kino mai paha?”

                “Well, oia ka mea  a kakou e imi aku ai.”

                “Aole o’u nana ia mea, ua paa hoi ko’u manao.  Aole he diabolo i ka luahi o Gehena, e Mr. Kaloke, a aole hoi he kanaka maluna iho o ka ilihonua nana e kaua mai i ko’u hoi ana aku no kahi o ko’u mau kupuna,”  wahi a Sir Hanale i panai aku ai me ka pupuku ana iho o kona mau maka me ka pii pu ana ae hoi o ka ula ma kona mau papalina, me he mea la ua hoi mai la kela ano i ikeia no na ohana Basekavila.  “I keia manawa, “ i pane hou aku ai oia, “aole i loaa ia’u ka manawa e noonoo ai no na mea a oukou i ha’i mai nei.  He mea nui keia a ke kanaka enoonoo ai mamua o kona haawi ana aku i kona manao, nolaila ke makemake nei wau i manawa no’u e noonoo hookahi iho ai no keia mea a hooholo i ka’u hana e hana aku ai.  O ka hapalua hora umi-kumamakahi keia, e Kaloke, a e hoi koke aku ana wau i ko’u hotle.  Ina paha o oe ame kou hoaloha, Wakekona, e hele ae ana a paina pu me a’u ma ka hora elua?  Malia paha ia wa e hiki ai ia’u ke ha’i aku i ka mea i loaa mai ia’u no keia mea.”

 

                “Ua pono anei keia ia oe, e Wakekona?”

 

                “Aole he mea e hoopaapaa aku ai.”

 

                “Ina pela, e Sir Hanale e hiki aku ana maua i ka wa au i ha’i mai nei.  E kaoha ae paha wau i kaapio no olua?”

 

                “Ke makemake nei wau e hele wawae aku no, no ka mea ua nui loa ka noonoo iloko o’u no keia mea a’u i lohe iho nei.”

 

                “ina pela, o kaua pu no ke hele wawae aku,”  i panai ak ai o Kauka Matimea.

 

                “Ina pela i ka hora elua e hui hou ai kakou.  Aloha olua.”

               

                Ua baalele iho la o Sir Hanale ma ia Kaloke ma, a ia laua i hala aku ai ua hoomaka ae la o Kaloke e onioini, me he mea la ua makemake oia e hana koke aku ma kana hana huli i na mea e pili ana no keia mea hoopaha’oha’o nui.

 

                “E komo i kou kamaa puki a e kii aku i kou papale, e Wakekona, me ka awiwi!  Mai hoohala i manawa hou!” wahi a Kaloke me kona holo ana aku iloko o kona lumi, a iloko o ka manawa pokole ua puka hou mai la oia me kona koloka.  Ua puka awiwi aku la laua a iloko o ka manawa pokole aia laua ke hele la ma keia alanu.  Aia no o Kauka Matimea ame Sir Hanale ke hele la no mamua o laua, ma kahi paha o elua haneri i-a, a ma ke Alanui Okepoka.

                                                                                                (Aole i pau.)

 

HAWAII ame KONA LAHUI

---------

 

MOKUNA II

O KILA MA

 

                4.  Ua holo hou mai kekahi kanaka mai Kahiki mai o Moekeha kona inoa.  I knoa wa i hiki mai ai maanei o Kalapana ko Hawaii nei alii, noho mai o Moekeha ma Kauai, a moe oia i ko Kauai wahine, o Hinaaulua ka inoa o ua wahine la, a hanau mai ka laua keiki o Kila kona inoa, a ma ko Kila wa i nui ae ai holo aku oia i Kahiki ma ka lae o Kalaekahiki i ko Kila hiki ana i Kahiki, a i kona hoi ana mai, lawe pu mai no oia ia Laamaikahiki, oia ka wa i laha mai ai ke kaekeeke, ame ka aha hoa waa, ame ka lanalana waa, a pae oia ma Hawaii nei.  Oia kekahi mau kupuna o ko Hawaii mau alii, a mau kanaka hoi.

 

                5.            Ua manaoia, hookahi keia lahuikanaka me ko Kahiki, ame ko Nuuhiwa, ame na mokupuni he nui loa, no ka mea, ua ano like pu ka helehelena, na olelo, na kuauhau kupuna, na kaao, ame na akua kii, aole nae i like loa, kokoke like no, a ua kokoke like no hoi ka waa, aia ma ia mau aina i ikeia ka waa nui, he pahi kona inoa, oia paha ko lakou waa i holo mai ai i Hawaii nei.

 

                6.            Penei ka manao o kekahi poe no ka laha anamai o kanaka ma keia pae moku.  I ke kaua ana o kekahi aina, me kekahi aina o ka poe i hee, maka’u lakou o luku ia mai, a holo wale lakou ma ka moana a loaa kahi aina, a noho iho la malaila, a pela hou no, a hiki no na kanaka ma na moku apau.  I ka manao o kekahi poe, ua pupuhi wale ia na waa i holo ma ka moana a pae wale aku i kekahi aina, ua manao wale ia keia mau mea, aole i maopopo.

 

                7.            Uamanao wale ia e kekahi mau kanaka noonoo o keia aina, no ka Iseraela mai paha keia lahuikanaka, eia ke kumu o ko lakou manao, o kekahi mau hana o ka Iseraela ua hana ia e keia lahui ma Hawaii nei.   Eia keia mau hana, Oikipoepoe, o ka Puuhonua, o ke kapu i ke kanu kupapau, o ke kapu i ka wahine kahe koko, ame ka kapu i ka wahine hanau e noho ana i ka walewale keiki i na la ehiku.  No keia mau mea, manao lakou, o ka poe paha keia i ha’i ia mai ma ka ke Akua olelo “o lilo na hipa hele hewa no ko Iseraela hele mai.”  No ka mea,  ke ike maopopo lea nei i ka nana maoli aku ua like pu ko Asia mau kanaka me ko Hawaii nei.

 

MOKUNA III

 

NO NA KUKULU EHA

 

1.        Ua kapa ia’ku ka poe kahiko i na kukulu ma ke ano o ka hele ana o ka la.  Ma kahi o ka la e hiki mai ai, he kukulu hikina ia; a ma kahi o ka la e komo aku ai, he kukulu komohana ia; ina e huli ka kanaka ma kahi o ka la e komo aku ai kono alo, e maopopo auanei, o ka aoao ma kona lima hema he kukulu hema ia, a o ka aoao ma kona lima akau he kukulu akau ia.   Ua pili keia mau,  inoa, he kukulu ma kahi e pili aku ana i ka lani wale no, aole ma kahi i ka mokuuni.

2.        He okoa ke kapa ana’ku iamau kukulu ma kahi e pili ana i na aoao o ka mokupuni, penei:  Ina e noho ke kanaka ma ka aoao komohana o ka mokupuni, he kukulu hikina o uka, o ke komohana o kai ia, no ka pii ana i uka ame ka holo ana i kai keia mau inoa; i ole ia, no ke kiekie o uka a no ka haahaa o kai.

3.        A o ke kukulu akau ua kapa hou ia’ku oluna, a o ke kukulu hema olalo, no k pa ana mai o ka makani ma ka akau, oluna ia a ma ka holo ana’ku o ka makani ma ka hema, olalo ia.  Nolaila mai keia mau inoa.

4.        O kahi e pili ana i ka lani o ka paa iluna no ia; o kahi e pili ana i ka honua, o ka paa ilalo ia; o kahi mawaena o ka lani ame ka honua, he lewa ia.  O ka hookui ame ka halawai kekahi ma inoa.

5.        I ka noho ana o ke kanaka ma na aoao o ka mokupuni, ua lole aku a lole mai i ke kapa ana i na kukulu, ma ke ano nae o ko ke kanaka noho ana, ma ka aoao kupono. Ia ia o ka mokupuni.  Ina i noho ke kanaka ma ka aoao  hikina o ka mokupuni, na kapa oia i ke komohana o uka, i ka hikina o kai, a o kona alo, na huli kupono aku ma ka hikinia; nolaila, e kapa aku oia i ke kukulu hema he akau, no ka mea, aia malaila kona lima akau; a e kapa aku no hoi i ka akau, he akau, no ka mea, aia malaila kona lima akau; a e kapa aku no hoi i ka akau, he hema, no ka mea, aia malaila kona lima hema.  Pela no hoi ke noho ke kanaka ma ka hema o ka mokupani ke huli kupono kona alo i ka hema, e kapa oia i ka hikina he mea, a e kapa aku i ke komohana he akau.

6.        Eia kekahi kapa hou ana i ke kukulu hikina, ma ka hiki ana mai a ka la, ua kapa ia aku o ka la hiki; a ma kahi a ka la e komo aku ai, ua kapa ia o ka la kau.  Ua olelo ia penei: Mai ka la hiki a ke kau mai kela paa a keia paa, ua pili no keia mau inoa i na aoao o ka mokupuni wale no, aole ma na kukulu o ka lani, no ka mea -- ua olelo ia penei, o Hawaii ka la hiki o Kauai ka la kau, o ka akau o na mokupuni, o keia paa ia, a o ka hema, o keia paa ia, a ua olelo ia kela a keia paa.

7.        Eia kekahi kapa ana i na kukulu o na aoao o ka moana ma ka alihi moana e pili aku ana i kumu lani, e moe poai ana ma ka paepae o ka honua a puni, ua kapa ia’ku oia, o kukulu o ka honua ia poai.  O kahi ma ka alihi aouli maluna iho, e hui iho ana ma ka alihi moana e poai ana i ka moana a puni, o kukulu o ka lani ia poai. O kahi mai ka honua aku, a mai ka moana aku, e moe ana’ku ma ka nana ana’ku a ka maka a pili aku i ka alihi aouli, o ka hiki moe ia poai.  A o ka lihi aouli e hui ana me ka alihi moana e pii ae ana iluna o kahikiki ia poai, a maluna ae o kahiki ke papa nui ia poai, a maluna ae o kahiki ke papa lani ia poai, a maluna pono iho o kahiki kapuiholani, ke kuina ia.

 

A o kahi malalo iho o ka lani, o ka lewa lani ia; a malalo iho, olaila, i kahi a na manu e lele ana, o ke lewa nui ia; a malalo ihu, ina i paa ke kanaka i ka laau a lewa kona mau wawae, o ka lewa hoomakua ia.  Pela no ko ka poe kahiko kapa ana i na kukulu.

 

O NA MAHELE O KA AINA

 

1.        Elua ioa i kapa ia ma ka mokupuni, he moku kekahi inoa, a he aina kekahi.  Ma ka moku ana i ke kai, ua kapa ia he aina.

2.        Ina i ku kinikini ka moku, e like me know awaii nei, he pae moku, a he pae aina kahi inoa.  Ina hookahi wale no moku he moku no ia, a he aina hoi.

3.        O ka mokupuni, oia ka mea nui, a ua mahele ia oia i mau apana, a o kela mau apana i mahele ia, ua kapa ia he moku oloko, e like me Kona ma Hawaii, o Hawaii ka mokupuni, a o Kona ka moku oloko o Hawaii, a o Maui ka mokupuni, a o Hana ka moku oloko o Maui, a pela aku no.

4.        Eia he wahi mahele hou okana, a he kalana kahi inoa.  Eia keia, ina i mahele ia ka moku oloko i mau apana hou, he okana ia a he kalana kahi inoa, he poko maloko o ia okana a ua mahele ia i mau ahupuaa hou; aka, malalo o ke ahupuaa he ili, a na mahele ia malalo o ka ili namooaina, a malalo o na mooaina na pauku aina, a malalo iho na kihapai malaila, i mahele ia na kihapai, koele, na hakuone ame na kuakua.

5.        Eia hoi kekahi mahele ana i ko ka mokupuni.  Ma kahi kiekie mawaenakonu o ku mokupuni he kuahiwi no ia, a o na puu maluna pono iho o ke kuahiwi, e ku lalani ana a ku hookahi paha ua kapaia’ku ia he kualono, oia ka inoa o na mea oioi maluna o kuahiwi, a o na wahi e poepoe ana maluna iho, he luaipele ia, a o kahi malao iho o ke kuahiwi e pili ana ma ke kooku o ke kuahiwi, he kua mauna kekahi inoa a he mauna kekahi inoa, a o kahi e ku liilii ana ka laau malalo iho o ke kuamuamu he kuahea ia, a o kahi e ulu maikai mai o ke kuahea, he wao kona inoa he waonahele kekahi, he wao eiwa kekahi inoa o ia wahi, a o kahi o na laau loloa e ulu maikai mai o kawaoeiwa, he wao maukele ia e liilii hou iho ai na laau, he waoakua no ia, a o kahi mai kai mai o ka waoakua e ulu na ke amaumau, he wao kanaka kona inoa, n o ka mea oia kahi a na kanaka e mahiai ai, a o kahi mai kai mai o ka wao kanaka he apaa ia, a mai kai mai o ka apaa, he ilima ia, mai kai mai o ia wahi, he pahee ia, a mai kai mai o ka pahee, he kula, oia kahi e pili ana i ke kauhale, a o kahi ma kai aku o kauhale, he kahakai ia, oia kahi e pili ana i ke kai.  Pela i mahele ia ai ka mokupuni a hiki i ke kai, e ko Hawaii nei poe kahiko.

(Aole i pau.)