Ka Nupepa Kuokoa, Volume XLI, Number 52, 25 Kekemapa 1903 — E Haalele Ana Paha o Iaukea. [ARTICLE]

E Haalele Ana Paha o Iaukea.

Ma ka halawai a ka Papa Lunakiai 0 ke Kalana o Oahu i malamaia i ka auwina la o ka Poalua nei i maopopo loa ai ka nui o ka bona o ka Luna auhau ame ohi ame ka Puuku o ke Kalana, oia hoi no ka mea hookahi he ekolu haneri tausani dala hona. Ua oleloiā ae ua hoike manao ae o Mr. C. P. laukea ka moho Home Rula 1 puka lanakila no ka oihana luna auhau ame ohi no ke Kalana o Oahu, aole e hiki iaia ke lawe i keia heluna bona. Ina. nei no ka hiki ole iaia ke hoopiha ia bona a ka Papa .Lunakiai i hooholo ai a waihoia aku ia hiki ole imua o ka Papa Lunakiai alaila e kaa aiia ka hoopiha ana ia makalua ma ka aoao o ua Papa Lunakiai la e like me ka olelo a ka Pauku 59 o ka Mokuna 13 o ke Kanawai Kalana e olelo ana no ke komo hana ana 'o ua luna aupuni la: O kelā ame keia luna aupuni o ke kalana ame apana mamua ae o kona komo ana ma' ka oihana o kona keena e kauohaia oia e haa\Vi bona i ka Panalaau o Hawaii no ka huina i kauohaia e ke kanawai a e hoopaaia hoi ia bona no kona lawelawe hoopouo i na han% apau o kona oihana $ like me ka hoakaka o ke kanawai a e malama maluhia hoi oia i na <3ala apau e komo ana ma kona lima mamuli o kona oihana. Nolaila ma keia aole he luna e -hoomaka i ka hana ke ole e'maopopo mua kona bona. Alaila i ka manawa e haule ai a waiho hakahaka keia oihana a oihana e ae paha o ke kalana alaila e komo mai ka Papa Lunakiai no ka wae ana i kanaka e hoopiha makalua ai e like me ia i hoakakaia iloko o ka Mahele 15 o ka Pauku 22 o ka Mokuna 8.

Mawaho ae o keia ninau he nui no na hana i koe e makemakeia e hoolawa pono a o kekahi o lakou i hanaia ae oia ke noi a ka Lunakiai Harvey a hooholoia e huli aku i mau keena kupono no na hana o ke Kalana iloko o ka Hotele Young. Ua hookuuia keia halawai no ka noho hou ma keia Poalua ae, a o kekahi i manaoia e hanaia ana ia manawa oia no ka makemakeia o na,kokua ma na keena nana. O keia malalo iho na Lunakiai i noho ma ia halawai: Messrs. Giiman, ka mea ma ka noho hoomalu, Robinson, Lucas, Hocking, Harvey, Mahoe ame Kealoha.