Ka Nupepa Kuokoa, Volume XLI, Number 52, 25 December 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha

 

@LAHA OIHANA WAI.

 

            @ like ai me ka Pauku 1 o ka Mo@ XXVI o na kanawai o ka maka@ e olelo ana.

            @ poe paa kuleana wai apau loa @ o ka poe e uku ana i na auhau @ ma keia ke haawila aku nei ka @, o na auhau wai apau no ka @ e pau ana i ka la 30 o Iune, a hiki mai ana ka manawa hoo@ ukuia ma ke Keena Oihana o Honolulu ma ka la 1 o Ianuari.

            @ na auhau wai apau e uku ole ia @ no umi-kumamalima la mahope iho a manawa i hoopukaia no ka uku @ e pakulia aku ai he umi pa-keneta @lele.

            @ na kuleana wai no lakou na auhau @ i uku ole ia a hiki i ka la 15 o @eruari, 1904, (he kanakolu la mahope iho o keia hoolaha ana) e pau ai @ kuleana wai me ka hoike hou ole ia @.

            @ na uku wai apau loa e ukuia ma @ Keena Oihana Wai iloko o ka hale@ o ka Hale Mana Hooko.

ANDREW BROWN.

@ o ka Oihana Wai o Honolulu.

Honolulu, Dekemaba, 19, 1903.

@5--Dec. 25.--Jan. 1, 8, 1904.

 

Nuhou Ku oko

 

            I keia la e malama ai ka Luakini Pelekane e ku nei ma Makiki i na hoomanao no ka La Kalikimaka.

 

            @ maikai maoli na hoikeike o na kula aupuni a na haumana i hana ai o ka hoouna ana i Sana Lui. Eia ia@ ke waiho nei ma ke Keena o ka Papa Hoonaauao o ka Teritori.

 

            Ua lonoia mai i ka pa-hu ana o ke @-pauda ma Alea a ua loaa he he@ Iapana i na palapu me ka ehaeha. I ka Poalua auwina la ka loaa ana o keia ulia.

 

            Ua hoolakoia aku na paahao o Kawa me na mea ai no ka lakou paina o keia la Kalikimaka a he puaa kekahi a ua @ keiki la o ka hale o ka nohona ik@ki.

 

            I ka Poakolu nei i loaa makana aku ai ke Kiaaina wahine Mrs. Carter he ekolu mau kahili maikai mai kekahi mau lede Hawaii aku i hoike no ka lakoa hoomaikai a aloha nona.

 

            I ka po o ka Lapule nei i loaa aku ni kekahi kaa-hale huila-ha e waiho aluhee ana, ua nahaha a ua manaola he kaa hoolimalima paha na kekahi mau sela o na mokumanuwa e ku nei.

 

            O John C. Lane ka Hawaii opio i lilo iho nei i iaia no ka Papa Oia ma kahi o Loio S. K. Ka-ne i make ua hoau mua ae oia i kona kulana iaia ma ka halawai i malamaia i ka Poakolu nei.

 

            Ua oleloia ae o na manuwa ame na koa o na mokukaua e ku mai nei, o lakou kekahi poe ano keonimana mamuli o ka loaa ole o na hooaunaele iloko o ke kulanakauhale nei. Maikai kela.

 

            Ua telegarapa aku nei ke Komite Kuwaena Repubalika i ka Elele Kuhio e hooikaika aku oia e like me ka hiki iaia ke hana no ka puka pono mai o ke Kanawai Kalana mai ka Ahaolelo Nui mai.

 

            Maikai na hana hoomanao i maiamaia no ka la hanau o Pauahi Alii e na kula o Kamehameha ma ka Poaono i hala iho la, ka la 19. Mauka o ka pa-ilina o na alii a ma ka paina a iloko o ka anaina haiolelo.

 

            I keia ahiahi e malamaia ai he aha hoohauoli Kalikimaka ma ka Luakini o Kaumakapili ma Kapalama. He mau himeni ame na haawina pualu na mea e hoikeia mai ana. Ua maikai loa ka naue aku ilaila.

 

            Ua kakau aku o Mr. G. W. Berry i ka Kiaaina e hoike aku ana i kona makemake e kukulu kula no na kuli ame a-a, iloko o ka Teritori nei, a ke holopono ia mau hooiaia e ike io ana o Hawaii ia ano kula.

 

            O Achibald McKillop, ka mea i maaio ae i Honolulu nei ma ka mokuahi Siberia mai na Aina Hikina mai, ua olelo ae oia no ke komo kaua aku o Rusia ame Iapana, ina aole no ka manawa koke alaila mamuli aku aole no nae e liuliu loa.

 

            H weheia ana he aha ike akea nui ma ka Home Makuahine Kapiolani ma ka la 31 o Dec., 1903, oia hoi ka la hanau o ka Moiwahine Kapiolani i hala, mawaena o ka hora 2 ame ka hora 5 o ia la, ke kono aku nei ka Ahahui Hooulu a Hooia Lahui i ka lehulehu holookoa e naue ae e ikemaka i ua Home ia o @kou.--Eugenia K. Reis, kakauolelo A. H. H. L.

 

Ke Hoomaka nei na Piliwaiwai Ano Nui.

 

            Ua oleloia ae aia he hana piliwaiwai o ke kulana nui ke lawelaweia nei iloko o kekahi hale o ke kulanakauhale nei. Ua olelo pu ia ae aia ke kulana o keia wahi piliwaiwai iloko o na wehiwehi o keia mau la e nee nei.

            Ua olelo pu ia ae ala he kaukani dala ka loaa o keia hui piliwaiwai i ka po hookahi. Ma keia hana ua kuha'u na piliwaiwai a na Pake. Ua hoomaka ae ka lakou hana i ka hoomaka ana o keia makahiki aka i ka manawa a ka oihana makai i hoohaunaele ai i ka holomua o ka lakou piliwaiwai ua kuha'u io iho la ka nee ana imua.

            O na piliwaiwai liilii iwaena iho o ke kulanakauhale aia no ke nee liilii nei ma na wahi kakaawale no nae.

 

HAKAKA NA MAKAI ME NA POWA.

 

            LOS ANGELS, Kaleponi, Dec. 18--Iloko o kekahi hakaka uluao'a mawaena o na makai me na powa, elua kanaka i make; he mau mahuka laua mai ke Kanawai mai o Illinois.

 

Make Kekahi Sela o ka Helene.

 

            No na mea e pili ana no ka make ana o kekahi sela o ka mokuahi Helina o ka Hui Mokuahi o Waila ma, o Kia kona inoa, ua kakau aku o Peresidena Wight ia Ilamuku Balaunu penei:

            Ua menemene au a minamina makou i ka hoike ana aku ia oe no ko makou mokuahi Helina i haalele ai ia Honolulu nei i ka Poaono iho nei, Dekemaba 19, i ka hora 4:40 p.m., no na halekukui o Molokai, Mahukona ame Kawaihae a hiki hou mai la i Honolulu nei, ua nalowale aku kekahi sela moku; ma ka hai ana mai a Kapena Likeke Nelekona:

            Holo mai Honolulu aku ma ka Poaono, Dekemaba 19, i ka hora 4:40 p.m.  Mamua iki iho o ka holo ana ua ikeia iho ke kanaka i nalowale ai (Kia) maluna o ka uwapo, a ma ka hoomaopopo ana, ua ona oia a aole e hiki iaia ke ku pono iluna, aole nae i ikeia kona wa i kau ai maluna o ka moku a pela no hoi na malamamoku apau i hoike ai. I ka manawa maamaama no hoi ua kauia na pea iluna, a mai ka haalele ana o ka moku ia waho o Honolulu aole i kaheaia na sela no kekahi mau hana a hiki i ke kaalo ana mawaho o ka halekukui o Molokai.  Ma ka hiki ana mawaho o ka halekukui, ua hookuuia na pe'a i ka hora 8 o ia la no, a ua pau loa mai no na limahana iluna o ka oneki i ka wa i kahea ia ai lakou.  Ku ka moku ilaila a ao ia po.  I ka wa nae o ka moku i hiki ai i kahi i ku ai, ua hoouna koke ia kekahi waapa malalo o ke alakai a kekahi malama moku no ka aina, a o ko Kia waapa no hoi ia, aka aole i kau pu aku o Kia maluna o ia waapa.  Haalele ka moku ia Molokai i ka hora 6:47 o ke kakahiaka Sabati iho nei, Dekemaba 20. Ume minute mahope iho o ka haalele ana ia Molokai, ua oleloia mai la ua nalowale o Kia.  Ia manawa ua nee ka huli ana a puni ka moku no Kia, aka nae aole i loaa.

 

Ua Ao na Kaa Hapaumi.

 

            Ma ka hora 9 o ke kakahiaka o ka Poakolu nei i pau loa ae ai ka holo ana o na kaa hapaumi ma na alanui o Honolulu mahope iho o ka hala ana o kekahi mau makahiki i ka holoia e keia mau kaa hapaumi.

            Aia a hiki aku i ka la 1 o Ianuari, 1904, e piha pono ai i keia mau kaa hapaumi o ka holo ana iloko o na alanui o ke kulanakauhale nei na makahiki he 16 ua like ia me eiwa ia i koe mai ka la aku o ka pio ana o ka lakou holoholo ana.

            E like me ia i hala aku la pela i oiaio ai ka nalowale io aku o ko lakou mau helehelena ma ka maaio ana iloko o na alanui o keia kulanakauhale aka aole e hiki ke hooleia ka nui o ka lakou waiwai i haawi ai i ka lehulehu o keia kulanakauhale e like me ka nui o ko lakou wahi kuleana.

            Ua nui na pomaikai i ka lehulehu, i ka poe no nae no lakou na home e ku ana ma na alanui e holoia ana e keia mau kaa ame ka poe no apau, a o ka lakou pono i haawi ai i ka lehulehu he helu ia malalo iho i ko na kaauwila i noho pani aku la ma ko lakou makalua.

            Ua pau mua no ka holo ana o na kaa hapaumi o na alanui e ae e laa ko ke alanui Moi ame kekahi mau alanui e te a koe ke alanui Beritania, a i ka manawa i hoikeia ae nei i pau loa ai ka holo ana o kekahi kaa hapaumi oiai o na kaa o keia alanui wale no ka mea i holo ai mamua iki iho o ka manawa i hoikeia ae nei.

            O ka hoomoeia ana o na alahao o na kaauwila ma ke alanui Beritania oia ka mea nana i hoohaiki loa ae i kahi e holo ai o na kaa hapaumi a i ka manawa e paa loa ai keia alahao hou oia no ka manawa e holo ai na kaauwila ma ia alanui.

            Ma ka hoomoe alahao a ka Hui Kaauwila o Honolulu e hana mai nei ma keia aianui aole e liuliu loa o ka paa no ia a maalahi ke ala no ko alanui Beritania poe e noho nei.

 

Pau ka Halekuai ike Ahi.

 

            Aneane e pau loa kekahi halekuai e ku nei ma ke kihi Alanui Waila (Wilder) ame Keeaumoku i ka hapalua hora ewalu o ka po Sabati iho nei. He halekuai no keia i noho mua ia e ka Washington Mercantile Company, a i noho koke ia iho nei no e kekahi Pake o Yee Kui kona inoa; a lilo iho nei he halekuai nona.

            I ka po Sabati iho nei ua hele mai o Yee Kui i ka pule i kekahi o na halepule o ke taona nei, a o kana wahine, San Kyau; i maopopo loa ma ka inoa o Eva me na keiki elua no koe i ka hale.  E paani ana na keiki liilii maloko o ka halekuai i ka wa ahiahi loa no, a he elua kukui i ho-a ia no ka hoomalamalama ana i ka halekuai.

            I ke ano aumoe ana iho hoi aku nei lakou a noho mawaho, a hoonanea iho nei e kali pu ana no ka hoi mai o ko lakou haku. Oia ka manawa i hoomaka ai o ke ahi e a, a ua manaoia ua kokoke kekahi apana lole i kekahi o na kukui, a i ka manawa i weia loa ai ua hoomaka e a.

            He manawa pokole ua lapalapa ke ahi a ua pohu o loko i ka uwahi.  A aku ia ke ahi ma na rumi moe, ame ka halekuke.  I ka manawa o ke oeoe pauahi i kani ai, ua hiki koke aku ke kaawai o Makiki ilaila, a iloko o ka hapa hora ua pio koke no ke ahi.

            Ua inisuaia no keia hale aohe no he nui loa, aka e hoi ana no kekahi poho malaila.

 

Haule Pahu ke Kukulu Paka o Nuuanu.

 

            Ma ka ninau kuapo aina mawaena o ke Aupuni Teritori o Hawaii ame ka Papa Kahu Waiwai o Bihopa i kukuluia iho nei e H. E. Cooper ka Lunanui o na Hana Hou i pau ua hoomoe loa ia no ka manawa maopopo ole.

            Maluna o keia ninau i hoouna aku ai ke Kiaaina Carter he leka i ka Papa Kahu Waiwai e hoike aku ana i ka hiki ole i ke Aupuni ke komo aku iloko o na hana kuai aina o keia ano, oiai o ka hoomakaulii ka rula o na hana o ke Aupuni.

            O ka aina i manaoia e hooliloia oia keia apana o ke alanui Nuuanu kokoke i ke alanui e pili la i Pauoa.  Oia ka aina a ka Papa Kahu Waiwai e haawi aku ai no ka aina o ke Aupuni ma ka mokupuni o Hawaii.

 

            Ma ka Poalua i holo aku ai o Mr. J. A. Thompson, ka hope kakauolelo elua o ka Aha Kaapuni no Kauai, no ke kokua ana i ka Aha a Lunakanawai Hardy.

 

Nuhou o na Aina E

 

HOOLE AMERIKA I KA IKE JIMINEZ.

 

            SAN DOMINGO. Nov. 28--Ua hoole aku nei o Kanikela Amerika Powell i ka ike ana aku i ke aupuni P. G., o Jiminez.

 

HAKAKA MAWAENA O NA MAKAI AME KA POE WAWAHI HALE.

 

            OAKLAND, Kaleponi, Nov. 28--Ma ka hakaka mawaena o na makai ame ka poe wawahi hale i ka po nei, ua make o Makai Smith ame hookahi kanaka wawahi hale.

 

HAKAKA NA HAUMANA ME NA MAKAI.

 

            ROMA, Nov. 28--Ke mau nei no keia ku'e Aukekuria ma Italia. Ua paio ae nei na haumana kula me na makai.

 

LAHA KA MA'I FIVA TAIFOI.

 

            BUTLER, Pa., Nov. 28--He umi-kumamakolu haneri poe i loaa i ka ma'i taifoi fiva mai ka hapawaena mai o ka mahina o Sepatemaba maanei, a he umi-kumamalima poe i make. O kahi o ka pilikia oia no ka wai inu o kahi i noho nuiia e na kanaka.

 

KIAI IA THIBET.

 

            TIENTSIN, Dec. 1.--Ua maopopo e ku kiai ae ana o Pelekane ame Kina ia Thibet, ku'e ia Rusia.

 

KANAWAI EWALU HORA HANA O KA LA.

 

            WASINETONA, Dec. 1.--Ua apono ka Aha Kiekie i ke kanawai ewalu hora hana o Kansas, a ua ku i ke kanawai.

 

PERESIDENA AME ALII.

 

            WASINETONA, DEC. 1.--E ike aku ana o Peresidena Rusawela i ke Alii o Servia a kukulu hou ae i ko Amerika keena aupuni ma Belgrade.

 

PII NA LOAA O KA PULU.

 

            NU IOKA, Dec. 4.--He nui ka pihoihoi ma ka makeke pulu mahope o ka hoolaha ana ae nei o ke Aupuni i ka hoike loaa no ia oihana o keia kau ohi pulu.  Ma ka la inehinei ua pii ae ke kumukuai a hiki i ka $3 o ka bena a he 2,000,000 bena i lilo aku.

 

HAALELE KA AHA KUHINA O SEPANIA.

 

            MADRID, Dec. 4.--Ua haalele iho nei ka Aha Kuhina mamuli o ke kue ana mai o ka Repubalika ma Cortes.

 

KUE KANAWAI

 

            ST. PAUL, Minn., Dec. 4.--Ua haawi ae nei ka Aha Hookolokolo Kiekie i ka olelo hooholo i keia la e kukala ana i ke kanawai e haawi wale ana i kekahi mau pomaikai no ka oihana kopaa, he kue kanawai ua kanawai la.

 

KIPAKUIA MAI KA HALE AHAOLELO AKU.

 

            WASINETONA, Dec. 4.--Ua nui ka pioloke ma ke kapitala i keia la i ka wa a Lunahoomalu Cannon i kauoha aku ai ia Schulties ke alakai o na li mahana e puka aku mai ke keena aku o ka Lunahoomalu.  Ua hele aku o Schulties e hui me Cannon a o ka hopena i loaa mai oia no ka hookukeia ana o keia alakai o na limahana.  Wahi a Cannon no keia mea, ua hana aku oia mamuli o ka hoohaahaa ana aku o ke alakai o na limahana iaia.

 

KUIKAHI ME PANAMA.

 

            PANAMA, Dec. 5.--I keia la i haawiia aku ai me na hoohanohano ana i ke kuikahi i kakauinoaia, a i wiliia me ka hae Amerika ame Cuba, ma ka lima o Kanikela Gudger o Amerika.

 

HOAO I KE OLA O GEN. HUERTAS.

 

            COLONA, Dec. 6.--Ua loaa ae nei kekahi hana ohumu i ke ola o Generala Huertas.  Ua manaoia e hoomaka aku ma keia hana i hoalaia ai ka haunaele iloko o ka pualikoa o Panama a kukuiu ae i ke kaua kipi e kokua ana ma ka aoao o ke Aupuni Colombia kue i ka Repubalika hou.  He eha koa i hopuia ae ma ke ano oia na alakai nana e hoala nei i keia hana.

 

E HULI PONO ANA NO PANAMA.

 

            WASINETONA, D. C., Dec. 6.--Ua hookomoia ae nei kekahi bila iloko o ka Ahaolelo no ke koho ana i kekahi komisina no ka huli pono ana i ke kue a Colombia i waiho ae ai i ka Peresidena Rusawela ma o Generala Rafael Reyes la, e kue ana i ka ike ana aku nei o Amerika i ka poe kipi.  Ua hoikeia ae ua i aku o Peresidena Rusawela ia Reyes o kana hana i hele aku nei ma ka aoao o ke Aupuni Colombia aole e ae aku ana o Amerika a aole e holopono ana kana hana o ka hele ana aku nei.

 

PAA KA HALEAINA O KAPALAKIKO.

 

            KAPALAKIKO, Dec. 7.--He elua haneri haleaina e paniku ana i keia la mamuli o ka ae ole ana o na ona o keia mau haleaina i ke koi a na kuke ame na kuene no ka hoomahuahua ana i ko lakou uku hana.

 

HOEMI AUHAU DUTE.

 

            WASINETONA, Dec. 7.--Ma ka leta a Kakauolelo Oihana Root i hoike akenia ae nei na hooia aku oia e hoemiia ka auhau dute o na waiwai e puka aku ana mai Pilipine aku, o keia he hana no ka pulama ana i na hana kuleko oia mahele o Amerika.  O keia no ka manao o ka Peresidena Rusawela.

 

MOKUAHI PIHOLO ME NA OLA KINO.

 

            ATHEN, Dec. 8.--Ma ka hooku'i i loaa ae i keia la ua pihoio iho ka mokuahi Piyones, he mokuahi Helene, a he kanalima mau oia kino i moe aku i ka opu o ka moana.

 

NOHO KE KAU AHAOLELO MAU.

 

            WASINETONA, Dec. 7.--Ma ke awakea o nehinei i hookuu ai ka Hale i na hana o ke kau kuikawa, a hui hou ae la no ka Aha Senate ame ka Hale no ka noho ana ma ke kau mau.  Mahope koke iho o ka pau ana o na hana mau ua loaa aku la ka palapala a ka Peresidena.

            No na mea e pili ana no Hawaii nei ua hooikaika aku ka Peresidena e hookaawaleia i haawina no ke kukulu ana i na halekukui a e lawe ana hoi i na hale e ku nei i keia manawa a hoihoi mai i na lilo o ka Teritori no ia mau hale.

            Ua waiho pu ae ka Peresidena he hoololi i ke Kanawai Kumu a e hoomana ana i ke Kiaaina e hoopau a e kapae i kekahi luna aupuni o ka Teritori me ka ui mua ole aku i ka Ahaolelo.

            No na mea e pili ana i na mea i ulu ae nei ma Panama ua paa kona manao ua pono na mea apau i hanaia ai.

            O na hana kolohe apau o na hookuleana aina ame na haleleta ua kue ikaika ae oia.

            Ma na mea apau e pili ana i ka ninau limahana e ku nei imua o ka lahui, ua hoike ae ka Peresidena i kona kulana ma ka olelo ana "o na kanaka apau e pono e loaa aku ia iakou ke kulana lanakila ame kona mau pono a e hana aku hoi e like me kana i manao ai he pono me kona kue ole aku i ko ha'i pono."

 

A. L. C. ATKINSON I KAKAUOLELO NO KA TERITORI.

 

            WASINETONA, Dec. 7.--Ua hoouna ae nei ka Peresidena i ka inoa o A. L. C. Atkinson i Kakauolelo no ka Teritori o Hawaii, i ka Aha Senate, a o Arthur Fisk i Lunaleta no Kapalakiko.  Eia no ke waiho nei no ka noonoo ana i ko Generala Wood inoa ame 167 mau luna aupuni e ae.

 

            RUSIA KINA, AME PANAMA.

 

            ST PETERSBURG, Dec. 7.--Ua hoike aku nei ke Aupuni o Rusia i kona ike ana aku i ke Aupuni hou o Panama.

            PEKINA, Dec. 7.--Eia ke Aupuni o Kina ke kukai aelike nei me Rusia no ke kulana aupuni e kukulu aku ai no Manakuria.

 

NEE NO NA HANA KUE IA PANAMA.

 

            COLONA, Panama, Dec. 8.--Ua pu-a ae nei he lono ua haalele aku he 3,000 koa ia Carttagena no ka nee kue ana aku i ka puali.  O ka moku hoomaamaa kaua Atlanta ame kekahi mau mokukaua o Amerika ua holo aku nei e huli i ka oiaio o keia lono.

 

$18,000,000 KONA WAIWAIIO.

 

            KIKAKO, Dec. 8.--Ua waiho ae nei o John Alexander Dowie i kona manao i kona poe e paa nei i kona aie e uku liilii aku ana oia ia lakou.  Wahi ana ua hiki aku kona waiwaiio i ka $18,000,000 a o kona loaa kumau aia ma kahi o $4,000,000.

 

LELE NA KOA MARINA MA EMPIRE.

 

            COLONA, Dec. 8.--Ua lele ae nei na koa marina o ka mokukaua Dixie a hoomoana iho la ma ke taona o Empire, e kokoke ana ma Panama, o ka manao o keia oia no ka malama ana i ke kulana maemae o ka nohona o na kanaka.  Ke manao pu ia, nei no hoi eia ke Aupuni o Colombia ke hana nei i kekahi hana a he mea pono e makaukau mua mamua o ka hoea ana mai oia mea.

            WILLEMSTAD, Dec. 8.--Ua kuai ae nei o Geremania ia Venezuela he 150,000 mau pu raifela ame 10,000,000 poka pu.  Ua hoikeia ae ke manao nei o Venezuela e kaua kue aku ia Colombia ina e ala mai ana ke kaua mawaena oia Aupuni ame Amerika.

 

LELE ILOKO O KE KAI A MAKE LOA.

 

            KAPALAKIKO, Dec. 8.--Ma ke ku ana mai nei o ka mokuahi Moiwahine o ka Hui Piliaina Pakipika mai Seattle mai, ua hoikeia mai ua lele aku o Mrs. Oldt, ka wahine a kekahi kanaka kakau nupepa o Seattle, iloko o ke kai i ka po a ma keia lele ana ua lalau iho oia i kana bebe o hookahi makahiki a lele pu aku iloko o ke kai a ua make laua a i elua.

 

Ke Hoomakaukau nei ua Kula.

 

NA MEA HOIKEIKE NO SANA LUI.

 

            Ua makemakeia na kula aupuni apau loa o Hawaii nei, e hoomakaukau mai i ka lakou mau mea hoikeiki no Sana Lui ina ia he mea hiki ia lakou mamua o ka pau ana o keia mahina.  He nui no na mea oia ano i loaa mai ma ka lima o ka Lunakula nui Atkinson o ka Papa Hoonaauao.

            Ke kakau nei na kamalii kula o Hawaii nei he mau pepa e hoouna ai ame na mea hana lima a na haumana, e like me na lihilihi, mau mea lauhala, moena liilii a pela aku.

            Aohe no e nui ana ka hoolilo ana i keia mau mea ame ka hoouna pu ana, aka e hoike aku ia Hawaii ame ko Hawaii nei imua o Amerika, he panalaau i hiki ke lawelawe i na hana like ole, mai kanaka makua a hiki i na keiki, ame na mea hoi e a'o ia nei iloko o na kula o Hawaii nei.

 

            H@ AHA IA MEA HE KUNU?  Oia ka hooikaika ana e kiola aku i ka wale mai ka ohe puu aku.  O ke anu oia ka mea nana e hoiliili ae i ka wale, a i ka wa e piha ai ke ake ame na ehe puu, he hopena hoopehu ka mea e loaa mai ana.  Ina aole malama pono ia, e lilo mai ana paha ua anu la i ma'i numonia, a ina ia e loli ae me ka awiwi he hopena poino ke loaa ana.  Ina ke hoomailo nei no ke kumu he mea oiaio e hiki mai ana kekahi ma'i akepau koikoi loa.  Mai hoopalaleha wale i ke anu ame ke kumu.  E lawe koke i ka hamberlain's Cough Remedy.  He oiaio e ola no a he ola hikiwawe hoi.  O Benson, Smith & Co., Ltd., oia na Agena e kuai nei.

 

Lau Ili no na Bebe

 

NO KONA POO AME KONA LAUOHO

 

Kekahi Mea ano nui loa aia Makuahine e noonoo nui ai

 

            UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana lioko o ka ili, ke poo a e lili ana hoi ke koko ia wa i mea nui loa no ka panee ana i keia popilikia, a peia @ ai ia i mea nui loa e hookaumaha mau ai i ka noonoo o kela a me keia mea @ oohia i ka nali ana a na ma'i lehulehu.  Aole keia mea i hookaumaha ia me kekahi ano e ae, aka, mamuli no o ka hoopalalehala ana e ka mea i kupono e malama a makaala i keia poino.  Nolaila, ua lili i kumuhana na kela ame keia makuahine maikai e makaala mau ai i ka lakou mau keiki e loohia ana i na popilikia lehulehu e ulu mai ana mamuli o ke koko ino, e hookamaaina mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke ola maikai, malalo o na lapaau noeau ana me ka hikiwawe a me ke ola loa no hoi.

            Ua olelo ia o k aauau me ka wai pu mehana a me ke KOPA CUTIKURA no ka hoomaemae ana i ka ili no ka papaa i ka lepo a me kahi mau ino e ae, a pela hoi no ka unahi-pii, a pela hoi, ina ka e kapili maile i ka Aila Hamo CUTIKURA no ka hooki koke ana i ka maneo o ka ili, ka eeke ano manene o ka ili ame ka pehu, a pela hoi no ka hoomalielie ana i ka hu'i a me ka hooia ana i na palapu, a mahope aku oia wa, ina ka e inu i ka Laau Hoohainu CUTIKURA, oia wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, ne mea pau wale no ia i keia mau laau ae la, ke malama pono ia na kuhikuhi.  Ma keia hana ana pela, e loaa ai i na makuahine hoomanawanui ka maha a me k oluolu o ka naau, a he mea @ hoi ia no lakou e hookaumaha ole ia ai i na wa a pau.  Ua hooiaia keia mau haawina pomaikai ma na home lehulehu a puni ka aina.

            Mamuli o ka momona, ka maemae, ame ka hikiwawe o ke oia o keia laau, i makemake nui ia ai e na lahui kanaka a pau i hoao a ikemaka i kona waihoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

HE HOOLA MAOPOPO NO NA MA'I MALOKO A MAWAHO O KE KINO.

            Oia hoi ke KOPA CUTICURA e hoomaemae ai i ka ili a me ke kepia e ke poo a hoowaliwali i ka alualu, o ka AILA CUTICURA HAMO no ka hoepau koke i ka maneo a hooluolu a hooola, a me ke CUTICURA RESOLVENT no ka hooluolu a hoomaemae ana i ke koko.  Ke kualia nei ma na wahi a pau o ka honua nei.  Keena Kuai ma Auseteralia, R. Towns & Co., Sydney, N .S. W.  Keena ma Aferika Hema, Lamron Ltd., Cape Town.  "I loaa ai ka ili pahee maikai, ka lauoho a me na lima."

            O POTTER DRUG AND CHEM. COMP., Boston, U. S. A., na Oaa o na laau CUTICURA a pau loa.

 

Na Mea

PAANI AME HOOIKAIKA KINO

Ma Kahi o

Pearson & Potter Co.,

LIMITED.

ALANUI HOTELE ME UNIONA

 

:E KAUOHA AE I KAU MAU:

MEAONO AME HAUKILIMA

KARISIMAKA

Ma ka Halehana Palaoa

SUNRISE BAKERY

Alanui Nuuanu kokoke i Alanui Beritania.

He oluolu ke kumukuai no na mea a pau, a o ka wa kupono keia e kauoha a no kau mau mea i makemake ai.

Mai Poina i Kahi, Alanui Nuuanu kokoke i Alanui Beritania.

 

HOOLAHA KUMAU

 

He Mea Nui Kou Mau Niha

E Pon Ike Oe Ina ua Pono ko

Lakou Hana ia Ana!

 

He Hookahi Wale no Alahele e Pono ai, a o ka Makou ke Alahele Pono.

 

O na hana apau na ka poe wale no i hemo maikai mai na Kula Kiekie a ke hoopaa nei makou i ka lakou mau hana.  E nana no makou i kou mau niho me ka auhau ole a e hai aku hoi ia oe i na lilo no ko lakou hana ia ana.

            Ua hiki ia oe ina he manao kou aa makou e hana i kau hana ma ke kipa ana ae ma ka

 

New York Dental Parlors,

1057 Alanui Papu,

Maluna ae o ke Keena o ka Honolulu Photo Supply Co.

 

E LAWE I KA NUPEPA "KUOKOA," I IKE MAU I NA MEA HOU.

 

HOOLAHA KUMAU

 

JOHN M KEA.

 

            He Notari no ka Lehulehu; he mea hana i na Palapala Kanawai, a he mea huli i na kuleana @.  O na kauoha mai na mokupuni mai e hookoia no me ka pololei.

            Keena Hana:  Ma ka Loio Kuhina.

Hale Mana Hooko.

Honolulu, Mei 22, M. H. 1903.

 

KAUKA GEO. J. AUGUR

Kauka Kuluwai Liilii.

LAAU MOMONA AOLE MULEA

Keena Hana 431 Alanui Beritania.

Telepona Helu 1951.  Hora Hana 10-@ a. m., 3-4 ame 7-9 p. m.

Sabati 9:30-10:30 a. m.

 

O NA WAIWAI U'I LOA

NO NA

LA KULAIA

Eia ke hoikeia nei ma ko S. OZAKI Halekuai, ma Waverly Block, Alanui Hotele.

O na waiwai e laa--

NA KIMONO, NA HAINAKA SILIKA, LEI A-I AME NA PALULE O KANE,

He ohaoha wale ia no ia mau Makana a pau . . .

I NA ME ALOHA @ E PA MAI E IKE IA'U

S. OZAKI,

Waverly Block                        Alanui Hotele.

 

KUAI HOEMI NUI O NA WAIWAI KALIKIMAKA E HOOMAKA ANA MAI NOVEMABA 28, 1903

 

            Na Lole Kinohinohi ano hou loa.  Na Lole Nani Wailiula.  Na Kamaa o na ano a pau.  Na Lako Hoonani Hale.  Pale-Ili e Kane me na Wahine.  Na Waiwai Kalikimaka o na ano a pau, a he nui wale aku na waiwai i koe e hiki ole ai ke helu papa aku.

 

            Nolaila, a na makamaka, na kamama keia mau ipaka nou e kipa mai ai.  E HELE MAI PO A PAU, MOE KAOO.  E HELE MAI I KA WA KUPONO, A K WAE NOU IHO.

Goo Kima

Paina o na Alanui Nuuanu me Hotele.