Ka Nupepa Kuokoa, Volume XLI, Number 51, 18 Kekemapa 1903 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

Hoopukaia i na kakahaiaka Poalima a pau.

BUKE XLI HELU 51                        NUPEPA KUOKOA, DEKEMABA 18, 1903.        NA HELU APAU 2994.

 

Hiki mai ke Aumokukaua Amerika i Honolulu

__

EHIKU KO LAKOU NUI, ELUA ADIMARALA ME 3,000 KOA.

__

O Kentucky ke Alakai o na Aumoku, Nana i Lawe mua ae ka Hanohano o ke Komo mua ana Iloko o Kou.

 

(captions;

(left-MOKUKAUA AMERIKA O KA PAPA EKAHI KENTUCKY.

right-ADIMARALA ROBLEY D.EVANS.)

 

            Mamua o ka napoo ana o ka la o ka Poakolu nei ua kapalulu mai la na mokukaua Amerika he ehiku ko lakou nui iloko o ke awa o Kou nei ma ke komo laina ana mai, o kela hoi ke aumokukaua Amerika o ka moana Pakipika a i hooaiai mua ia aku hoi i ka lehulehu e hoea mai ana i Honolulu nei.

            I ka hora 9:30 o ke kakahiaka i ka alo ae ai lakou mawaho ka laina a ua nani maoli ke nana aku i ko lakou nanaina a i ka manawa i hookomo mai ai iloko o Kou ua komo pakahi mai lakou a eia lakou ke hoononohu mai nei me ka makahehi nui ia e ko Honolulu poe makaikai.

            Ma ka manawa i maalo ae ai ua aumokukaua nei mawaho pono o ka Lae Loa, ua hoopuiwa nui ia ko Honolulu poe i ke ike ana aku i ka holo laina like ana mai o lakou, o ko lakou alakai ka mua loa, ka Mokukaua Akimanala Kentucky, mahope mai ona ka mokukaua maoli Wisconsin ame Oregon a mahope mai na moku-manu wa New Orleans, Albany, Cincinati, a o Raleigh ka hope loa.

            Maluna o ka Mokukaua Akimaraia Kentucky ka Hope Akimarala Robley D. Evans, ke kanaka iaia ka mana hoomalu o na aumokukaua Amerika o ke Moana Pakipika, a malalo iho hoi na Akimarala e ae ame na Aliikoa Amerika e ae o ke aumokukaua Amerika iloko o ka Moana Pakipika.  A o ka mana nui i loaa i keia kanaka a malalo o kana alakai i hookomo mai ai ua mau mokukaua nei, ke kumu hoi i ike aku ai ko Honolulu nei iloko o na hiohiona o na mokukaua aia iloko o lakou ke ano ikaika maoli, ka hiehie o ka oihana kaua moana ame ka nani maoli o ke kulana mokukaua.

            Ma ka hookomo ana mai o na mokukaua, ua makaala koke aku ko ke @ Hoolulu Mokukaua o Honolulu nei a maluna o na mokuahi liilii i kau aku ai kekahi mau maka hanohano o ke kulanakauhale nei oia hoi na luna aupuni o ka Teritori, Lunanui o na Hana Hou Holloway Kakauolelo Atkinson ame Mr. Stackable ame ka Pailata.

            I ka manawa koke no ua huki koke ae la ke Kahua Hoolulu Mokukaua o Honolulu nei i kona hae wiwi loihi ulaula me na hoku keokeo elua maluna ona, a ia manawa koke no i huki ae ai o Hope Akimarala Cooper o ka Mokukaua New Orleans he hae keokeo me na hoku a o ka Akimarala Evans hoi i kona hae holu, he hoailona o ke kiekie loa iloko o ka oihana kaua moana a o ka ulaula ka helu elua a o ke keokeo no hoi ke pani mahope mai ma ke kulana akimarala.

            Ma keia holo ana mai o keia mau mokukaua, ua haalele aku ke aumokukaua maoli ia Lokohama, Iapana, i ka la 5 o Dekemaba nei he kanalimakumamalima hora mahope iho o ka haalele ana o ke aumoku manawa, a i ka hala ana o kekahi mau ia i ikeia ai ko lakou hui like ana ma kekahi wahi kokoke i Hawaii nei mamua o ko lakou hookomo like ana mai iloko o ke awa.

            Aia maluna o ko lakou mau oneki mai na akimarala a elua na aliikoa malalo iho a hiki i ke kanaka lalo o ke kulana kela ka huina a 2000, a oi a ua laukanaka maoli na uwapo o ke Kahua Hoolulu Mokukaua o Honolulu ni i keia mau la a piha kanaka no hoi ke kulanakauhale.

            Mahope iho o ka hui ana o ka Akimarala Evans me kona Hope ma keia Kahua Hoolulu a hoi aku i kona mo ku oia no ka manawa i ulele mai ai na hana puhi ohe o na mokukaua, eia nae aole i nele ke loheia ana o ka hana puhi ohe o ka Teritori nei i ka manawa i hookomo mai ai ua mau moku nei.

            Ma ka aoao o na mokukaua maoli ua hoolawaia ko lakou mau kini me na nupepa e hiki ai ke alawa iho i na meahou oiai ua lawa lakou me na mikini hoonoho hua-kepau ame na lako pa'i palapala, a me keia mau moku hoi he nui ka poe i maa i na hana hooikaika kino a paani kinipopo hopulima ame pakuwawae.  A ua manaoia e hauoli piha ana kela mau keiki o ke kai maloko o na paani e like me ia e hoolalaia nei oiai lakou i Honolulu nei.

            O ke kauoha i loaa mai ia lakou ma ka manawa i holo mai ai - e holo mai lakou i Honolulu nei a hoi aku i lokohama mahope iho o ka hoopiha lanahu ana, eia nae, aole i maopopo io a ko lakou manawa e malele aku ai mai Honolulu aku nei oiai aole he kauoha i waihoia mai no ka manawa e holo ai.  Ua manaoia no nae e noho iho ana lakou no elua pule.

NA AKIMARALA ELUA.

            O Hope Akimarala R.D. Evans o ia ke kanaka koa Amerika e noho mana nei maluna o na aumokukaua Amerika apau o ka Moana Pakipika nei a he kanaka i makaukau maoli @ a ia oihana a i na manawa apau ana i lawelawe ai i hana mau hoohana a na aole i nele ka holopono.

            A oiai e pau aku ana kona manawa hana iluna o ka ili e ke kai, e noho hoomalu ai ma ia oihana hanohano ua manaoia e noho ae ana kona kokua ka Hope Akimarala Philip H. Cooper o ke aumokukaua.

            Mai na anuu lalo ka pii ana mai o Cooper mahope iho o kona hemo ana mai mai ke kula mai i ka makahiki 1863 a oia hoi kekahi o na koa makaukau maoli iloko o na hana keikikane ke helu ma kahi o ka limaikaika.

            Malalo o kona mau mua ua kona o aku oia iloko o na hakako ana kahi hoi i loaa ai ka ikaika maoli o koea mau heohana makaukau maoli ana a i keia manawa oia ke noo o ke aumakumanawa malalo e ka Nope Akimarala Evans, aka, aole e liuliu loa e noho ae ai ua keiki ia me ka Evans Wahi.