Ka Nupepa Kuokoa, Volume XLI, Number 50, 11 December 1903 — MOKU KUU LEI DAIMANA [ARTICLE]

MOKU KUU LEI DAIMANA

Mr. Lunahooponopono, Aloha oe: Ma ka home pumehana o ko maua mau pokii aloha Mr. ame Mrs. Ed. B. Mikalemi, ma Aiea, Ewa, Oahu nei, a ma kā wehena o ke alaula o ka wanaao hora 4 o ka Poalima, Nov. 20 iho nei, aia hoi, me ka palanehe luaole, me he malu ana la a ke ao polohlwa i ka onohi o ka la, ua oili mai la he elele ike ole ia me ka upena o ka make ma kona lima, a hoohei ae la i ka hanu hope loa 0 kuu Mrs. Beke Puuhiana, a kaili aku la i ke ala koiula a Kane, a ahu iho la na pua wahawaha i Waihia, he kaa huila ole, he kino iepo, he hale naha e ku wale ana, ua helelei kona mau paia. Ua hanauia oia ma Kaunamano, Naalehu, Kau, Hawaii, i ka A. D. 1859, 1 ka malama o Augate, mai ka puhaka mai o Mr. Kanakaole ame Mrs. Poai. Ua piha iaia na makahiki 44 ma keia ao ineaa hele w*aie aku la no. Ua hoohuiia maua pia ka berita o ka mare iīia ! Naalehu, Kau, Hawaii i ka A. D. 1897, e ka Hon. J. W. Waipuilani. He makuahine aloha no ka home, he puuwai waipahe no na makamaka me na hoaloha. Nolaila, e na kini o maua mai ka la hiki a ka la kau, kona mau pokii, ua moe a ua moku a ua pio ke kukui o ka hal& o kuu hoa hoomanawanui o nei ao mauleule, ua moku ke kaula &uia o kuu lei āaimana, ua moe aku la' i ka moe kau moe hooilo no ka wa mau loa.

A nolaila, 1 o'u mau klni apau o ke one kuilima o Ewa nei, n» makamaka ame na hoaloha, e oluolu e lawe aku i ko'u hoomaikai palena ole no ko oukou ae oluolu ana mai e u pu me a'u, a moe wale aku la no ma ka ilina o ko makou mau makua i hala e aku, ma ke awakea o ka Poaono, Novemaba 21. Aka, na ke Akua no i haawi mai, a Nana no i lawe aku, e hoomaikai Ja Kona inoa. Owau iho no me ka ehaeha. — AKON'I KAWAA. Aiea, Ewa, Oahu, XoVemaba 23, 1903. —