Ka Nupepa Kuokoa, Volume XLI, Number 49, 4 Kekemapa 1903 — PALAPALA HOOMAIKAI. [ARTICLE]

PALAPALA HOOMAIKAI.

Martuli o ka iaweia ana aku o ka hanu oia makamae mai ke kino aku o ka'u kane i aloha nui ia J. W. Maheloha Kuaiwa, e ka lima kakauha o ka puuwai ēleeie iima koko, (aihue moa); pela no 1 loaa mai ai ia'u na haawe o ke kaumaha luuiuu e hekau nei malu> na o kuu kino me ka ehaeha walania i kuu puuwai palupalu nei; a i hookaawaie ia aku ka noonoo maikai. a uhi iho la ke koloka kupouli aakipaa o ka pouli haalele naaupo o ka noonoo maikai ole iloko o ko'u Lunaikehala; ka wahine i hooneleia mai i ke kane, ko'u makua ame ka maua mau lei he mau keiki, a halawai iho la me keia ulia manaonao, lihaliha o ka mokuinokuahua o ko'u puuwai i awiliia e ka iuuluu ame ke kaumaha. Nolaila* ke haawi aku nei a-u i ko'u hoomaikai i ka Luna Makai Kiekie A. M. Brown, Kapena Nui Robert P. Waipa, puali makai kaulio ame kona alakāi ame ka.puali makai ku huina o ke kulanakauhale o Honolulu nei, Teritori o Hawaii ame kona alakai i ka hoohanohano ana mai i ke kino wailua 0 ka'u kane niai ka Hale o ka-Hui Hoolew r a ma ke alanui Beritania a hiki 1 ka Ilina o Kapuuokamalii, me ka maikai. Ke haawi aku nei no hoi au i ko'u hoomaikai i ka Hui Hoolewa ma ka hoomaemae ana i ke kino lepo o kuu kane me ka malama a haawi ana mai ma ka lima o ka ohana na hoalohai ame ka Hui Kaala K. P. ame ka hooko pono ana o ka Hui Hoolewa e like me ka ka Hui i hoakaka ai o ka Mahele A $100 0 ka Mahele B $50. Ke haawi hou aku nei no au i ko'u hoomaikai i ka Hui Kaala i ke ku kiai ana me ka malama ana. i ka po a ao wale no i ke kino lepo o kuu kane, ko oukou pokii a hoahanau ponoi hoi iloko o ka ohana hookahi a ka makuakane hookahi ame ka makuahine hookahi. A ke haawi hou aku nei no au i ka hoomaikai i na hoaloha apau i akoakoa ae e malama i ke kino lepo o kuu kane, mai ka po a ao a hikl i ka hoolewaia ana o kuu kane me ka eha walania au e haawi aku nei ia oukou. E o'u mau hoaloha ua piha au i ka hilahila no oukou a oia ka'u e noi aku nei e oluolu e kala mai ia'u no ko'u hiki ole aku i ka jpo e ehaeha like me oukou oiai au iloko o ka nawaliwali kupilikii loa oiai na'u ke kino lepo. Ke haawi pu aku nei au i ko'u hoomaikai i ka poe na lakou mai na pua hoohiwahiwa maluna o kino lepo o ka'u kane, oia o H. M. Dow; J. K. Kanepuu. Mai na hoaloha makai mal ame na hoaloha apau i lawe ae i ka lakou mau pua e hoowehiwehi i ke kino lepo o kuu kane. Ke waiho aku nei au i ko'u hoomaikai i ke Kula Sabati o Kaumakapili i ka haawi ana mai i ko oukou puuwai aloha hamama manawalea ia'u ame ka'u mau keiki, ma o ka loaa ana mai he makana o umi dala ma o kou komite la, oia o Kakani. Mawaho ae o keia ke hoomaiknl ae nei au ia oukou ma o na Lani la, a j na ke Akua e kiai a e kokua pakahi i mai ia kakou apau loa. | Owau no ka wahine kane-make ame ) ka'u mau keiki i hooneleia i ka makua 1 ole. \ MRS. KALAI MAHELONA KUAIWA