Ka Nupepa Kuokoa, Volume XLI, Number 48, 27 November 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Nuhou Kuloko

        Ma ka Poakolu nei i haawi ae ai na wahine o ka Hui Puuwai Aloha o na wahine, he ahaaina makaluhi no ko lakou komo ana i ka hoolewa o Robert W. Wilikoki, ma kahi o ko lakou Hope Peresidena Mrs. Makue.  Ua kukulu m@@@@  ae na wahine i hui a o ka nui o na iaia i keia manawa he 300.

 

        Ua hoomaka hou ae ke Kiure Amerika i ka lakou hana ma ka Poalua nei. 

 

        Ua ae ae o Manuel Ross, keia luna@ kolohe o Puunene, i kona hewa imua o Lunakanawai Dole.

 

        Ma ka la i nehinei i malamaia ae ai @ hoomanao La Hoalohaloha ma na ekalesia o keia kulanakauhale.

 

        Ma ka auwina la Poakahi nei i huli h@ aku ai ka mokuahi kolo Bolowina @@ Kahului mahope o kona hoomaemae @@ @a maanei.

 

        Ma kahi noho o Kiaaina Carter ka hana Hawaii kahi i hookani ai i ka lakou mau hokeo ma ke kakahiaka Poakolu nei.

 

        Na ka Hui Popo Peku Wawae o Punahou ka lanakila o ka hookuku o keia Poaono aku nei mawaena oia hui ame Maile Ilima.

 

        Eia iho Kawahineokali'ula ke oi@i aku ia me ka hiehie nui no ka wa hope loa.  Heluheluia  iho no ka mea aole ia me oukou i keia oule ae.

 

        Ua lonoia mai e hiki ae ana ka Anela o Hai@i, Rev. S.L. Desha i ka aina o Kaululaau no ka hooiaa ana i kolaila Heiau e miloliiia mai nei.

 

        E hui ae ana ka poe paani polo o Honolulu nei no ka wae ana i ka poe e paani hookuku aku ai me ko Amerika mau keiki laeoo ma ia hana.

 

        Ma ka po Poalua nei, ua haawi ae ka puali puhiohe Hawaii he anaina hoolaulea no Generala MacArthur ma ke kahua maluna o ka Young Hotele.

 

        Mai ka la inehinei i hoomaha ae ai na kula aupuni no ka hoomanao La Hoalohaloha, a e komo hou ana i keia Poakahi ae.  He hana maa mau keia.

 

        E malama ae ana na Demokarata i halawai o ke pani ana i ka hakahaka o Konela W.H. Konuela i make.  Oia ke Komite Lahui oia aoao ma Hawaii nei.

 

                                                                                                                        Na ko makou mau keiki ka eo o ka hookuku kinipopo o keia Poaono aku nei, me ka Hale Hanahao.  He 13 a makou puni a he 8 wale o a ka @oe hanahao.

 

        O kela mau Kepani i hoopa'iia ai no ka hoopae wahine hookamakama e ka Aha Apana Amerika, ua hoihoila aku nei no Iapana maluna o ka mokuahi Korea.

 

        Ma ka po Poalua nei i komo aku ai o Makai-kiu McDuffie ma kekahi o na hale e ku nei ma ke alanui Muliwai a paa ae la he iwakalua-kumamakahi Pake piliwaiwai.

 

        Ma ka auwina ia Poalua nei i hemo hou ae ai na puka o ka Hale Hoikeike o Kamehameha mahope o ke paniia ana no ka hooponopono ana, iloko o na mahina eono.

 

        Ma ka Mokuahi Mauna Loa o ka Poalua nei i kau aku ai o Mrs. E.T. Timoteo.  E hoalu iki ana i ka Malu Ulu o Lele a naue aku me kana Adamu ma na hana hoeueu ekalesia.

 

        Ma ka Poalua nei, ma kahi o $800 a i ole $1,000 no paha i ukuia aku e Ilamuku Hendry i na hoike i ku ae imua o ka Aha Hookolokolo Apana Amerika ma keia kau hookolokolo iho nei.

 

        Ua pau ae nei na nieniele ana a ka Aha Kiure i na mea e pili ana i na bila hoolilo o ka Hale Ahaolelo a ua hoi aku nei kekahi mau hoa o ka Hale ma na mokuahi o keia mau la iho nei.

 

        Eia no na hoike lilo o na moho i holo iho nei no na kalana ke komo ae nei ma ke Keena Hoopaa Koho Balota.  Ua ike@a iho o Moses K. Nakuina ka moho nui loa o ka lilo ma ke Kalana o Oahu nei.

 

        Aole i holo aku ka mokuahi Kinau ma kona manawa holo mau i ka Poalua nei.  Ua ka'u@ua iki iho oia a hiki i ka hora 5 ahiahi no ke kali ana i na iaia o ka Hui Mahiai a pau ka lakou halawai.

 

        Eia no o Puuku A.N. Kepoikai k@ noho nei ma kona kulana.  Aohe he mea a onioni ae ua keiki ia o Maui, ua like me ke kuahiwi o Haleakala ka paa.  Ma ke koho wale aku a kekahi p@@ ua hikiikii@a oia a paa i na kaula o Waimea.

 

        Ua hohono mai nei mai Hilo mai eia o Kiaaina Carter ke nieniele nei i ka i@@@ o Mr. Ridgway.  Ma ka moeuhane makou i ike iho ai he kulana Kakauolelo no ka Teritori.  O ka pau loa ae no ia o na oihana ia lakou nei no.

 

        O KA LAAU KUNU CHAMBERLAIN'S COUGH REMEDY ua hanaia ia i kupono wale no no ke kunu, ke anu, ka naeoa'iku, ke kunuka@ea ame ka huina anu, weia, nalulu a kunu.  Ua kaulana keia laau no kana mana hooia keia mau ano ma'i a @uni na aina naauao.  O na hooiaio hoohauoli manao no ka mana hooia o keia laau oia na mea i hoikeia ae mai ka poe i hooiaia mailoko mai o ke kuu, nalulu, wela ame kunukalea, ame ko k@ keiki.  O ka mana hooia o keia laau i ke kunu kalea ho ikaika kon@ e ho@oi pau iao ai i na anoano oia ano ma'i.  He laau makemake nui ia keia e na makuahine no ka mea he maa@ahi @oa ka haawi ana i na keiki a aohe he mea hoopiiikia ma keia haawi ana, a oia ano haawina maikai no i ka bebe.  Aole e haia kan@ mana hooia a ohe no @oi  @e hakalia O Benson, Smith & Co., Ltd., ka mea nana o kuai nei i keia laau kunu, ka Agena Kuai Kuk@a.

 

Paa ia Luna L@t@ i ka Hopuia.

 

HOAHEWALA E KE KIURE NIENIELE O MANUEL C. ROSS.  EWALU HANERI DALA I POHOLAIOA.

        Eia o Manuel C. Ross, ka lunaleta o Puunene, Maui, ke paa mai nei i Kawa no ka poholalo ana i ka waiwai o Amerika e waiho ana ma kana malama ana.  Ua hoahewaia oia e ke Kiure Nieniele i kela pule aku nei a na ka Ilamuku Hendry i hopu aku nei iaia ma Wailuku a laweia mai no Honolulu nei.

        No kekahi manawa loihi ko Manuel Ross hana ana i keia hana kolohe, a iloko o Okatoba i loaa ai keia kolohe i ka Luna Nana Leta Bricker, a nana i waiho ae i keia hihia a puka ae la ka hoahewa ana. Ua ha'lia ae ua ae o Ross i kona hewa, a ke manaoia nei e hooia aku ana oia i kona hewa ke hooloheia ae kona hihia imua o Lunakanawai Apana Dole.

        O H.P. Baldwin ka lunaleta o Puunene a o Ross oia kona hope, a ke loaa nei he uku maikai iaia. No ia mea he mea hiki ole ke koho aku i ke kumu o kona hana ana i keia hana.  O ka huina nui o na dala i laweia he $837, a o keia no hoi ka huina i hoopaaia ma kona hihia.  He elua mahele o keia ahewa ana, oia hoi he $600 i iaweia mai na dala i hoounaia ma, ka haleleta e ka poe hoouna dala, a o ka lua oia na loaa mai na pooleta mai.  O ka manawa i hoomaka ai o keia aihue ana mai Feberuari mai e hoomau ana a hiki i ka la hope o Okatoba, a i ka wa i nana ai ka lunanana i ko Puunene mau buke oia ka wa i loaa ai o keia pokole i ha'ila ae nei.

        I ka wa i ha'iia aku ai o keia pokole ia Senatoa Bolowina, ua hoopauia ae keia lunaleta kolohe.  O Senatoa Bolowina ka mea nana i bona i keia kolohe nui, a i kona lohe ana i ka huina i laweia ua hoopiha ae oia a hoounaia aku ke dala no Wasinetona. 

        He hapa-Pukiki-Hawaii keia kanaka kolohe, a i Puunene no kona wahi i hanau ai, a he opio hoi i hi@inaiia.  Ma ka nana aku e ahewaia ana oia a e ae ana oia i kona hewa imua o ka aha a waiho aku i kona pono na ka aha e hana mai.

 

Eueu ko Maui Papa Luna Kiai.

 

KOHO I KE KAHUA NO KA HALE OIHANA.

        Ua hoomaka ae nei ko Maui Papa Lunakiai i ka hana ma ka hoololi ana i ke kahua e ku ai ka hale oihana a e hoi aku ana ma ke alanui Makeke, a ma ka pa e pili ana me Wells Paka.  Ua anaia he eha eka o keia aina, a e hoomoeia aku ana na alanui mai na alanui Nui, Makeke ame Mi@i no kahi i manaoia.

        Ke manaoia nei ua launaia aku me ka Hui Mahiko o Wailuku, ka mea e paa nei i keia aina, a eia ke kukaiia nei me ka manao e kuapo aku i kekahi aina aupuni no keia wahi.  No ke aupuni ka aina e ku nei na hale aupuni ame ka halekula i keia manawa ame kekahi aina e pili pu la, a ua lawa hoi no ke kukulu ana aku i ka hale hookolokolo, halepaahao ame na hale oihana e ae, a ke ko ole keia mau hoolala e hanaia nei, alaila e hana aku ana ka Papa Lunakiai i na hale oihana ma keia aina o ke Aupuni.   Maui News.

       

        Ke Hoopiiia Nei No Na Auhau.

 

MAKEMAKE O LUNA AUHAU PRATT E PANI I KANA MAU BUKE.

        He kanaono hoopii no na auhau i ukuoleia i waihoia ae mua o Lunakanawai Dickey ma ka Poaha o ka pule i haia.  Ke makemake nei o Pratt e pau kana mau buke i ka makaukau mamua o ka pau ana o kona manawa, a waiho ae hoi ia C.P. Iaukea me ke koena ole.

        O ka hapanui o keia mau hoopii oia no na auhau waiwai i uku ole ia mamua aku nei.  He makahiki i haia ae nei, ua manao ka poe waiwai e ku-e aku i ke kanawai auhau waiwai me ko lakou manao peia iho @a e pau ai ia kanawai a ua paa mai lakou i ka uku ana i na auhau.  I ka wa i noonooia ai keia kanawai imua o na aha, ua kakooia ke kanawai, a o ka Aha Hookolokolo Amerika kekahi i apono i keia kanawai, a o ka poe i hookaa ole i ko lakou mau auhau oia manawa o lakou ia e ku nei imua o ka Aha Apana.

 

        Holo na Kaa Uwila no Nuuanu.

        Ma ke kakahiaka Poaono nei i hoomaka ae ai na kaa-uwila e holo ma ke alanui Nuuanu a hiki i ke alanui Kula.  Mai nei aku ke hoomoe nei ka hui i ka uwea a hiki i alanui Bates a ke paa ia o ka holo no ia o ke kaa a hiki loa i ka pa ilina o na Alii.  O kekahi papaha i manaoia oia no ka hooholo loa ana aku i na kaa a hiki i ka pa hana pohaku uwinihapa eia nae aole paha e hana koke ia ana.

        Ke pau keia hana a ka hui, e hoomaka ae ana ka hana ma ke alanui Beretania mai ke alanui Papu aku a hiki i alanui Alekanekeo.

        O na kaa hoki i ho@o iho nei ma ke alanui Papu, ua hoopauia ae nei ko lakou ho@o ana, a ke paa ae ke alahao kaa-uwila ma alanui Beritania o ka pau loa no ia o na kaa hoki.  I keia wa aole he mea i maopopo e pili ana no na kaa ame na hoki.

 

        Lohi Ko Hilo Eke Leta.

        Na ka haleleta o Honolulu e hoike mai i ke kumu o ko Hilo poe kali ana i ka lakou mau leta mahope o ka manawa, ina o ua mau leta ia a maiuna mai o ka Mauna Loa i na ua loaa koke mai.  Ina o ka hoouna@a ana mai ma@una o ka Helene me ka manao oia ka mea e hiki koke mai ai ianei alaila he moowini maoli no ia manao ana.  Aole he mea maikai ma ka hana @awe leta e hoounaia na leta ma@una o na @oku piliaina ina o@a moku a e holo ana no kekahi a@a oko@.  Ua hoikeia mai e ku mai ana ka Helene ianei ma ka Poaona.  Hoike hou ia mai e haalele ana ia Mahukona i ke kakahiaka Poakahi, ma ua @a @a o ua @oaa hou mai he @ono e haalele aku ana oia ia Mahukona ia auwina @a.  Iloko o keia mau manawa aia ko Hilo nei ke ka@ ia me ka hoomanawanui o na leta i pono @oa e hoe@ mai ianei i ke kakahiaka Poakahi. Hilo Herald.

 

        Ma ke kakahiaka Poalua nei i h@@@ mai ai ka mokuahi Kona ma Honolulu nei.

 

Nuhou o na Aina E

 

KU-A MAKA'U KA MOIWAHINE O KINA.

        PEKINA, Nov. 9.    Ke hoomakaukau nei ka moiwahine no ka haalele hikiwawe ano iho i kona wahi no ka mako'u i ke aia mai o ke kaua ma keia mau nune mawaena o Iapana ame Rukini.

 

        WI MA COLORADO.

        DENVER, Co., Nov. 10.     He umi tausani  poe eli lanahu i olohani ae no ke koi o ewalu hora hana o ka la me ka hoomahuahua ana ae i ko lakou uku hana.  He nui o keia poe i haalele iho i keia wahi no ka huli hana ana ma kekahi mau wahi okoa aku a o ka poe e noho nei eia ke ike nei i ka pilikia wi.  Ke kupilikii nei na hana @@@epa i keia wa.

 

 

KI POKA IA KE KULANAKAUHALE

        SAN DOMINGO, Nov 10.     Eia ke ki poka nei kekahi mokukaua i ke kulanakauhale o Mucoria, e paaia nei e ka poe hoalakipi.

 

HOPUIA NO KA HOOHALUA.

        VIENA, Nov. 10.    Ua paa ae nei i ka hopuia kekahi poe aliikoa Bulugaria no ka hooweliweli i ke oia o ke Keikialii Ferdinand.

 

PIO IA KULANAKAUHALE.

 

        COLONA, Nov. 11.        O ka pualikoa o ke aupuni Repubalika i kukuluia ae nei ua lawe pio ae i ke kulanakauhale o Bocas Del Toro me ke ki ole i k@kahi poka.

        PANAMA, Nov. 11.       Ua hala aku nei ke Komiaina hana kuikahi alawai-oki no Wasinetona.

        BELINA.  Nov. 11.               E ku kaookoa ana o Geremania mai na hana o ka Puali o Panama.

 

PANE O RUSIA IA AMERIKA.

        ODESSA, Nov. 14.         Ke olelo nei na nupepa kuloko ua hoi ae nei o Rukini e paa hou ia Mukden he haina hoi e ku-e ana i ka Amerika papa hoonohonoho aumokukaua ma na kai o Kina.

 

MAKEMAKE E WEHE HAMAMA I A WIJU.

        WASINETONA, Nov. 14.      Ke kukai nei ke Aupuni me Korea no ka wehe ana ae i ke awakumoku o Wiju.

 

LOAA IA MAU OLELO A KA HAKU.

        CARIO, Nov. 15.    O kekahi mau olelo a Iesu i ike mua ole ja ai, a i kakauia ia Tome, ua loaa mai nei ma Aikupika.

 

AKE KE AUPUNI COLOMBIA NO KE KUIKAHI.

        BOGOTA, Nov. 16.                He Komiaina o ekolu @a@a, Generala Reyes, Holguin ame Ospina, ka i hoounaia aku nei no Panama no ka hoao ana e hana i ke kuikahi me na alakai o ka aoao hoohaunaele.  Ua hala aku nei lakou ma ka lakou huakai.

        WASINETONA, Nov. 16.      Ua telegarapa mai nei o Kuhina Beaupre mai Bogota mai aia ia kulanakauhale iloko o ka uluaoa.  Ke manaoia nei e ala mai ana he haunaele nui.

 

HOOMAIKAI IA PERESIDENA RUSAWELA.

        KOLONA, Panama, Nov. 16. Ua huli hoi mai nei ke Kanikela Amerika Generala Gudger a ua hookipaia aku me ka ohaoha.  Ua apo aloha ia aku oia e ke Aupuni hou.  Ua mele ae ka poe e hauoli ana i ka mele Lahui Amerika ame na mele e ae o ia aupuni.  Ua ha'ila ae na manao laula e hoike ana i ka manao mahalo o na kanaka no ko Peresidena Rusawela ike koke ana aku nei i ko lakou aupuni Repubalika.

 

        HOOPAU HOOHAAHAAIA.

        SOFIA, Nov. 16.     He hookahi haneri me kanaha mau aliikoa i hoopauia i keia ia ma ka hoopii no ko Servia-Bulugaria komo ana aku i ke kaua ku-e ia Tureke.  Ua oleloia ae na keia poe aliikoa i hoala i keia kaua a o ka poe apau i hihia aku iloko o keia hana ua hoopau@a lakou me ka hoohaahaa loa ia.

 

E HOAO HOU ANA O MAKONI.

        LADANA, Nov. 16.        Ke hoomaka nei o Makoni e kukulu i kana mau mea hana uweaole ma Pisa, a e hoao ana e kukai kamailio me Argentina.  E hoao hou ana no hoi oia  e  kukai kamailio hou me Amerika mai ia wahi hookahi no.

 

AE O KOREA I KE KOI A IAPANA AME ENELANI.

        PEKINA, Nov. 16.          Ua ae aku nei ko Korea Kuhina o na Aina E i ke noi a Iapana ame Enelani no ka wehe ana ae i ke awakumoku o Yongampho.

 

HIKI KA MOKUKAUA MAYFLOWER.

        WASINETONA, Nov. 16.      Ua hiki aku nei ka mokukaua Mayflower ma Kolona me Adimarala Eoghlan ame Adimarala Walker maluna ona.

 

        KAUA HOU MA SAN DOMINGO.

        LAE HATTIEN, Nov. 16.      Ua hoikeia mai nei ka h@hana o ke kaua ma San Domingo me ka ikiiki o na ki pukuniahi ana.  Aole i poino ke kulanakauhale.

 

        KILA KEKAHI MOKUAHI O KA HUI MOKU CLYDE.

        WASINETONA, Nov. 16.      Ua hoole ae nei k@ Aupuni i ka ike ana aku i ka poe hoohaunaele o San Domingo a ua ku-e aku nei i ka paaia o na awa kumoku.  Ua hoopuniia o San Domingo i keia wa a eia ke kipokaia nei.

        Ua ki pu a@ na hoohaunaele i k@kahi mokuahi Amerika o ka hui Clyde iaia @ hoo@ ma k@ haiku@@o @ @@mana @ia nae aole i poino ka moku.

 

KANAHA MAKAHIKI MA KA NOHO MOI.

        KOPENEHAKINA.  Nov. 16.       Ke hoomanaoia nei ma keia ame keia wahi o ka aina na hoomanao ana no ka piha ana i ka Moi Karistiano he kanaha makahiki ma ka nohomoi o De@emaka.

 

KA AHAOLELO AMERIKA.

        WASINETONA. Nov. 16.      Ua hooholo ae nei ka Hale o na Lunamakaainana e iawe ia mai ke koho ana i ka Bila Kuikahi o Cuba ma keia Poaha ae.  O na hoopaapaa e hoea ae ana mai ka aoao ku-e mai no ia a e wehewehe ana i ko lakou mau manao.

        Ua hoouna aku nei o Peresidena Rusawela i ka Hale he kukai e pili ana i ke aupuni o Panama.  O keia ke kukai a Hitt o ke komite o na Aina E i waiho ae ai ma ka la mua o ka noho ana o ka Ahaolelo.

 

HOAHEWAIA IA SENATOA.

        OMAHA.  Nov. 17.               Ua waiho ae nei ka Aha Kiure Nieniele i kana hoike oiaio e hoahewa ana ia Senatoa Dietrich no ka lawe ana i ka waiwai ki-pe no ka waiho ana aku i kekahi inoa ma ke ano luna hale leta.

 

HAHA NA LIMA O AMERIKA.

        KOLONA. Nov. 17.        Eia ka papa kaua o Amerika ke huli nei i na moku e ku mai nei no na koa o Colombia.

        PANAMA. Nov. 17.       Ua kipa ae nei o Adimarala Walker ma ka hale aupuni a waiho ae i ka Peresidena Rusawela palapala hoomaikai.

 

E IKE AE ANA O FARANI IA PANAMA.

        WASINETONA. Nov. 17.      Ua hoike ae nei ko Farani Komisina, Jusserand, i a Senor Varilla, ko Panama, Agena, e ike ae ana o Farani i ka Repubalika o Panama i ka la apopo.

 

UWE HOU KA MAMANE.

        PEKINA.  Nov. 17.               Ke manaoia nei aole paha e ko ana ke kuikahi mawaena o Iapana ame Rusia.  Ke inaina nei o Iapana ia Pelekane, no ka manao ua kapeke ae ka pilina o ia aupuni mai ka noho hoaloha ana aku.

 

HOOPAA I KE KUOKOA O PANAMA.

        WASINETONA.  Nov. 20.   Ua hoopaa aku nei o Amerika i ke Kuokoa o Panama.  E ku ana keia aupuni a hana aku i na hana no Panama ame Kolona.  E hanaia ana na hana apau e kaupale aku ai i ka ma'i fiva mai na kulanakauhale ame na @aona o keia Repubalika hou.

 

HAUOLI KO HAVANA POE.

        HAVANA.  Nov. 20.     Ua nui ka hauoli maanei no ka hooholo ana mai nei o ka Hale Ahaolelo i ke kuikahi o Cuba.

 

        KE KOI A KA MOIWAHINE LILIUOKALANI.

        WASINETONA.  Nov. 21.   Ua waiho ae nei o Senatoa Blackburn he bila i ka Aha Senate e hoomana ana i ke Keena Waiwai e uku piha ae i ke koi a ka Moiwahine Liliuokalani.

 

KE KI PU LA NO.

        SAN DOMINGO.  Nov. 21.  Ua ki pu hou ae nei ka poe hoohaunaele i ke kulanakauhale me ka poino ole no nae.  Ua hooleleia mai nei na koa marina Farani no ke kiai ana i ke kanikela.

 

KA AHA SENATE AME KE KUIKAHI O CUBA.

        WASINETONA.  Nov 22.    Ua hooholo like ae nei ka Aha Senate e noonoo ana lakou a koho hoi maluna o ka ninau kuikahi o Cuba.

 

KA MOKUAHI NUI.

        BELFAST.  Nov. 22.     Ua hoolanaia ae nei ka mokuahi nui o ke ao nei, Baltic, o ka Hui Hoku Keokeo, ma keia awa.  He mokuahi keia nona na tona he 39,800.

 

LUKUIA NA MORO.

        MANILA.  Nov. 23.      Ua hoikeia ae nei he ekolu haneri poe Moro i pau i ka make, he hopena hoi o ka paio hahana ana ma Jolo.  O Mekia Scott o ka pualikoa Kaulio Umi-kumamaha ame elima koa o lakou wale no ka poe i poino ma ka aoao Amerika.  O Mekia Wood, oia ke alakai o na koa e uhai @a mahope o elua tausani Moro @ puehu @a i ka holo.

 

AOLE I MOE O IAPANA.

        PORT ARTHUR.  Nov 23.   He ekolu haneri koa Iapana i pau i ka haalele ia Tientsin no Iapana.  Ua holo aku nei no hoi na aumokukaua mai Jasebo aku.  He kauoha maiu ka mea i loaa aku a o ka pahuhopu aole i maopopo.

 

OLOHANI HOU NA LIMAHANA.

        LOKO PAAKAI.  Nov. 24.   Ua hoouna aku nei ke Kiaaina i ka pualikoa Kiai Lahui o Uta no ka paio ana aku me ka poe haihai kanawai a o@ohani o na limahana hana ianahu o ke Ka@ana o Carbon.

        KIKAKO.  Nov. 24.      I keia @a ua hele ae ka poe hoohaunaele e akeakea i na alanuihao me ka nounou pohaku ana i na ka@.  Ua kukai ki pu ae na makai me ka poe hoohaunaele a he he@una kanaka i loaa ae i ka poino  Ua hoike ia ae aole i loaa ke kuikahi.

 

LILIUOKALANI MA WASINETONA.

        WASINETONA.  Nov. 24.   O ka Moiwahine Liliuokalani o Hawaii ua hiki mai no ka hooha@a ana i keia kau anu maanei @ like me na wa i hala.

 

ELUA HANERI I PIHOLO.

        CALCUTTA.  Nov. 24.         Ua ulupa iho nei ka waikah@ i kekahi @ap@ o ke kulanakauhale o Vari@badi.  He elua haneri oia ki@o i piho@o a make.

 

HOAO E WAWAHI I KE KAA ALII O ITALIA.

        CHERBOURG.  Nov 24.      Ua hopuia a@ n@i kekahi k@@ no ka ho@@ ana i ka Moi ame ka Moiwahine o Italia.

 

HE ILI NANI, LIMA A'IA'I ME KA LAUOPO ULIULI KA HUA O KE

 Kopa Cutikura

        He miliona a oi ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ho lakou ili, i pau ai ka papaa o ke poo, ka unahi-pii, a i mea no hoi kekahi @ pau ai ka helelei ana o ka lauoho, a i hoopalupalu, hoa'ia'i a me ka hoou'iu'i ana i ka ili o na wahi i hele a manoanoa i ka hooikaika i ka hana, @ like me na lima, a peia no hoi e hoopau ai i na eha, ma ka ho@oi ana i na wahi eha me keia kopa, i ole oi e ike i ka aai me ka welawela;  i ole no hoi @ hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau.  O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku ke koiia mai; ina no e oleloia ana, he kupono ia ano okoa aku no na mea @ pili ana i ka ili, ke poo a me ka lauoho o na bebe a m@ na keiki.  Ua loaa mai keia waiwai nui o ke KOPA CUTIKURA mailoko mai hoi o kela laau hooia ikaika loa i kapaia, KUTICURA,  oia ka laau ikaika loa ma ka hooia ana i na popilikia a pau e @ili ana i na mea ika loa i ka pale ana i na mea in@, a he loaa no hoi ke aia maikai o na puailoko o keia kopa.  Aole loa e hiki ke hooha@@keia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-@ama, hooia, a me ka hopu'iu'i ana i ka iii, a pela aku.  Pela hoi i ka ili oke poo, ka lauoho a me na wahi @ a@. 

        Aole no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihoia i lilo ai ka waiwai o na kopa a pau i HOOKAHI no ke KUMUKUAI hoo-@, a @e Helu Ekahi keia Kopa no na poino o ka ili a me kahi auau, a hehelu ekahi no hoi no na kamaiii a pu@@ ke ao nei.

        NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka paiapu me @e kopa CUTICURA i pau ai ka paapaa lepo a ano e ae paha o ka iii, a peia hoi k@ poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA i mama ae ai ka akiaki ana a ka hu'i a me k@ ehaeha, a peia hoi e hoohana ai ka laau i kana hana a oia ka eha, alaila, e ina ka Laau Inu CUTIKURA i mea e maemae ai ke koko maloko.  Ke kuaiia, n@ keia laau ma na wahi a pau o ka honua nei.  Ma Aukekuiia:  o R. Towne & Co., o Sydney, N.S.W. ko laila Agena; a Aferika Hema Depot:  Lennon, Ltd.  Na "Hoakaka no ka Hooia ana i na Bebe a me ko lakou mau kinaunau," he loaa wale no me ke kuai ole.

        O POTTER DRUG AND CHEM. COMP., Boston, U.S.A., na Ona o n@ laau CUTICURA a pau loa.

 

Na Mea

PAANI AME HOOIKAIKA KINO

Ma Kahi o

Pearson & Potter Co., LIMITED.

ALANUI HOTELE ME UNIONA

 

HOOKAHI PA HAUKALIMA ME KA MEAONONO                 10 KENETA

HOOKAHI KIAHA WAIU ME KA MEAONO NO                      10 KENETA

MA KA HALEKUAI PUHI PALAOA

SUNRISE BAKERY

Alanui Nuuanu kokoke i Alanui Beretania.

O ka Hau Kalima (Ice Cream) e hanaia nei maanei mai ka waiu maikai a momona maoli i loaa mai ai, oiai o na meaono e hanaia nei aia ma ke ano maikai loa.  He hookoia na kauoha palaoa me na meaono o na ano apau no ke kumukuai kupono.  E hele nui mai.

 

HOOLAHA KUMAU

A@ Mea Nui Kou Mau Niho

E Pono e Ike Oe Ina ua Pono ko

Lakou Hana ia Ana!

 

He Hookahi Wale no Alahele e Pono ai, a o ka Makou ke Alahele Pono.

        O na hana apau na ka poe wale no i hemo maikai mai na Kula Kiekie a ke hoopaa nei makou i ka lakou mau hana.  E nana no makou i kou mau niho me ka  auhau ole a e hoi aku hoi ia oe i na lilo no ko lakou hana ia ana.

        Ua hiki ia oe ina he manao kou na makou e hana i kau hana ma ke kipa ana ae ma ka.

 

New York Dental Parlors,

1057 Alanui Papu,

Maluna ae o ke K@ena o ka Honolulu Photo Supply Co.

 

E LAWE I KA NUPEPA "KUOKOA," I IKE MAU I NA MEA HOU.

 

GOO KIMA

MALAILA E LOAA AI NA

        Mea Kuai @@@@ ame na M@a Nani L@@@ O@@

        P@rry Bl@@k, Kih@@ @ na Alanui Hotele @@@ @@@@@@

        @@@@ mai na Po@@ H@@ @@ @@ M@ k@ahi @@@@

        O na mea apau @ @@@@ @@ @@ mea i @@@@@

 

HOOLAHA KUMAU

JOHN M KEA.

        He Notari no ka Lehulehu:  he mea hana i na Palapala Kanawai, a he mea huli i na kuleana ai@@.  O na kauoha mai na mo@upuni mai o hookia no me ka polo@e@. 

        Keena Hana:  Ma ka Loio Kuhina, Hale Mana Hooko.

        Honolulu.  Mei 22, M.H. 1908.

 

KAUKA GEO. J. AU@UR

Kauka Kuluwai Liilii.

LAAU MOMONA AOLE MUL@@

Keena Hana 431 Alanui Beritania

Telepona Helu 1861.  Hora Hana 10-11 a.m., @-4 ame 7-8 p.m.

Sabati 9:30-10:30 a.m.

 

HE

Kuai Hoopau Loa

MA KO'U HALEKUAI

ma Alanui Hotele

        E hooliloia aku ana na PALUL@, PALEILI, KIMONA, PAPALE ame n@ pono Iapana ma na kumukuai i loaa mai ai no ka pomaikai o ka p@@ paa i ka hana i ke no a hiki oia h@@ k@ hele @ kuai i ka lakou mau mea @ makemake ai.

        E hamama no i na ahiahi apau a @ h@@@ mai apau @o@ @ nana @@@ @@@@ makou @ ha'i ana i ka oiaia.

S. OZAKI,

Waverty Block       Alanui Hotela