Ka Nupepa Kuokoa, Volume XLI, Number 46, 13 November 1903 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

Moe Kau a Hooilo

HON. ROBERT W. WILCOX.

 

HELE KOHANA I KE ALA POLIKUA A KANE.

KA HOOLEWA O KA PUA ALII HON ROBERT WILCOX

 

Ma ka auwina ia Sabati nei, iwaena o ke kaumaha luuluu o na makaainana ame ke kilikilihune a na omaka o Kulanihakoi i laweia aku ai ke kino hope @ Elele Robert Wi. Wilcox a waihola aku la ma kahi a ka Buke Nui i hoo@@@ mua ai,--"E hoi ka lep i ka lep." L@@@iha wale!

Ma ka la i oleloia ae la, ua hoike ae ua makaainana Hawaii i ko lakou pumake hope loa, no ka mea i hala aku la mamuli o ka hiki kino ana ae a h@@@ i na alanui kahi a ke kino uh@@@ i hele ae ai no kona home moe k@@@ hooilo, a ma keia wahi aole i @@@ waimaka i ka hoopulu ana iho @@ papalina o na makaainana. He @@@ ka pulu he kino wailua ka mea @@@ ae, he ukana koikoi hoi iloko o ka puuwai o na Hawaii, he pulakau@@@ na ia i hala aku, he alakai wiwo @@@ ka lahui, a he mea aloha hoi i @@@ hana aku la i ke ala polikua a @@@ Aloha no--minamina wale!

 

KE KINO WAILUA MA KA HALEPULE KAKOLITA.

a ka hora 2 auwina la, i pihaku'i a@@@ ke kahua o ka Halepule Kakoli@@@ kanaka e hookeke ana a e kali ana no ka hemo ae o na pani puka o ka luakini, a ia manawa hookahi no hoi @@ ha ae ni na alanui i na kanaka o na lahui like ole. Ma ka hora 2:30 ua hiki ae la ke kaa kupapau ma ke alo o ka halepule a ku iho la ma ka aoao mauka ia manawa i nee hou aku ai na makaainana Hawaii imua a pilipu me ka poe hapai pahu, a iwaena o keia aloku i hapaiia ae ai ka pehu kupa@@@ a laweia aku ia noloko o ka halepule a waihoia iho la malalo o na anua o ka awai; ia manawa pu no hoi i kukuiuia ae ai kekahi mau kukui ehua e a ana ma na aoaoa o ka pehu. Ua kakikoia iho o mua o ka awai ma ka huina hapa poepoe me na pua aaia, a he nani hoi keia mau hoohiwahiwa ke mana aku. Ua uhila ka awai ame ke kuahu me ka elele kanikau a mahuna iho hoi o ke kuahu e kau ana kekahi @@@ i hana malau ia me ka pua me@@@. Ma na aoao o ke pahu na hapai pahu i ku ae ai, a maluaa o ke kakou mau helehe@@@ na @@@ wai a ke aloha. Maluna o ka pahu e kau ana ka hae aloha o Hawaii, a mailoko mai o kona mau waihooluu nani e popohe mai ana na pua nani o ka aina. Ma ka noho mua loa e kokoke ana i ke kino wailua, e noho ana ka wahine-kane-make ame kana mau lei makua ole, a ma na wawae e ku ana o Kauka Walters, ke kauka o ka mea i make.

I ka wa i komo aku ai ke kino make ma ka puka o ka halepule, oia no ka wa i kani mai ai o ka ogana me kona leo kanikau, a ia wa pu no hoi i mele mai ai ka papa himeni, a pii ae ia no hoi o Bihopa Libert a komo no hoi na keiki e lawe ana i na ipu kukui mea ala ame na ke'a a nee aku la ma ko lakou wahi i hookaawaleia ai.

Eia iho ka papa kuhikuhi o na hana i hanaia maloko o ka luakini:

"Cor Jesu"  Papa Himeni

Reading--Non intres

Solo--"When the Tears:  Fr. Valentin

Libera--Ab@out

"Miseremini"  Papa Himeni

Finale--In paridisum

Eia iho na hapai pahu: G.C. Beckley, Elia Long, Palmer Woods, C.P. Iaukea, Frank Harvey, David Notley, J.H. Boyd, A. Fernandez, J.E. Bush. Sam Nowleia, C.W. Ashford, T.C. Polikapa: hapai pahu: J.W. Bipikane, D. Damien, Chas. Notley, D. Kalauokalani, Jr., J.M.  Poepoe, R.N. Boyd. J.C. Lane. J.K. Prendergast, Wm. Mossman, Jr., J.A. Akina, William White, ame Frank Harvey.

 

KA HUAKAI HOOLEWA--NA KEIKI POOLA MA KA HUKI KAA KUPAPAU.

Mahope o ka pau ana o na hana hoomanao maloko o ka luakini ua ka ika ia mai ka pahu a komo iloko o ke kaa kupapau i hoomakauklauia ai, a nee aku ia ka huakai me ka hukiia ana o ke kaa kupapau e na keiki poola i aneane aku ko iakou huina i ka ehahaneri a e alakaila ana e William Olepau. Aole i komo iloko o ka huakai ka hana lahui, aka, na kekahi mau keiki o ka puali puhiohe kahiko o Hawaii nei alakai aku i ka huakai me na leo o na mea kani ame na pahu. a ma ka pa liina o Kouia i hui aku ai ka huakai me ka hana lahui.

Eia iho malalo iho nei ka papa kuhikuhi o ka huakai i hoomakaukauia:

Ilamuku o ka La. Joseph Clark. Mahele Makai. S.C. Dwight, alakai, ame ka Hui Hookuo@@@ Oiwi Hawaii.

William Kaleihuia, alakai, ame ka Hui Puuwai Aloha.

Na Laia o ka Aoao Home Rula.

Na Komite Kuwaena o ka Aoao Home Rula.

Kauka Walters.

bihopa Libert.

Hui Poola, malalo o W. Olepau, e huki ana i ke kaa Kupapau.

Na Hapai Pahu.

Kama'liiwahine theresa Owana Wilcox

Keikialii Keoua Wilcox, Kama'liiwahine Kaohi Kapumahana Wilcox

W.S. Wilcox, Mrs. W.F. Sherratt ame ke Keiki.

Chas. Wilcox, kana wahine ame na keiki.

Mrs. Gohier, E. Wilcox ame R. Wilcox.

John Napua.

Mrs. E. Johnson ame Stone.

William White ame ka wahine.

Mrs. J.A. Akina ame ka ohana.

Sam Aki ame ka ohana.

Mrs. Taylor.

Rev. Mr. ame Mrs. Manase.

Mrs. Kahuila Wilcox.

Ke'lii E.K. Kekaaniauokalani.

Ke'lii Lucy K. Peabody.

Ke'lii Kalanikiekie Henriques.

Ke'lii O. Makainai.

K'lii A.K. Palekaluhi.

Kama'liiwahine Mary Kunuiakea.

Kama'liiwahine Kekaihuihala.

Kama'liiwahine Hoonanea Simerson.

Kama'liiwahine Malaea Kahwaawelani.

Kama'liiwahine Mary Kinoole Ailau.

Kama'liiwahine Methan Beckley.

Kama'liiwahine Kahapula Beckley.

Kama'liiwahine Kahinu.

Kama'liiwahine Hannah Boyd me kona Kaikaina.

Sam. Kamaiopili me kana wahine.

Kama'liiwahine Kahalelaukoa Booth.

Kama'liiwahine D. Hopili.

Kama'liiwahine Kalinonoa.

Peresidena Kalauokalani ame kana wahine.

Hope-Peresidena J.P. Makainai ame kana wahine.

Lunamakaainana D.M. Kupihea ame kana wahine.

J.M. Kealoha ame kana wahine.

Na hoa o ka Aheolelo.

Ka Lehulehu.

Ma ka pa ilima o Kouia i ku iho ai ka huakai, a ka'ika'ila aku ia ka pahu kupapau no ka lua, a maiaila i m@@@ ae ai na hana hope loa e Bihona Libert. a waiho aku ia ke kino @@ ma kona home puanuanu no ke kali ana i ka wa e houia hou ia mai ai ko na ilina, aloha no!

 

Like Ole o Carter ame Cooper.

MA KA NINAU AINA IKAIKA A HAHANA NA HANA O KA HALAWAI MANA HOOKO.

MAKEMAKE O CARTER E IKE I KE KULANA MAOLI O KE TERITORI. "AOLE E LOAA KEKAHI O LA ANO AIA A HIKI I KONA KIAAINA ANA," WAHI A COOPER.

O ka pinau kuapo aina a ka Lunanui o na Hana Hou i hoomakaukau ai a i wahoia imua o ka halawai a ka Mana Hooko o ka Teritori, oia ke kumuhana i puka mai ai na anoninoni ikiiki a ano hahana maoli mawaena o kekahi mau paahana o ke Aupuni.

Iloko o ka halawai ua ikeia keia mau keonimana--ke Kiaaina Dole, Kakauolelo Carter, Lunanui o na Hana Hou Cooper, Puuku Kepoikai, Lunakuia nui o ka Papa Hoonaauao Atkinson, Peresidena o ka Papa Oia Kauka C.B. Cooper, Komikina Aina Aupuni Boyd, Luna Auhau Pratt, Kakauolelo Hawes, Wm. G. Irwin ame W.M. Giffard o ka W.G. Irwin Co., Kahu W.O. Smith ame ke Ana Aina F.S. Dodge o ka waiwai o B.P. Bishop.

O ka hana mua i waihoia ae ai no ka noonoo ana, oia ke kuapo aina o ke Aupuni ame kekahi poe e iho, a o na aina i komo aku iloko o keia ninau oia no na aina o Pololu, Kohala, ame ka aina kalo o Pauoa, Oahu.

O ka waiwai keia ma ka aoao o ke Aupuni a ma ka aoao elua oia ka aina o ka waiwai o Bihopa, he apana aina ma ke alanui Nuuanu ame alanui Pauea, he aina i makemake ia i paka no ka lehulehu.

O keia ka ninau i maopopo ole i ke Komikina Aina Aupuni no ka mea, aole oia i noii maluna @ ke kumuhana, a wahi a ka ninau a ke Kiaaina i ke Kahu W.O. Smith o ka waiwai o Bihopa, ina paha he hoolalelale keia no ka hana koke, ua hoike mai o Kamika he aina keia i hoopihapihaia a ina no ka laweia e ke Aupuni alaila, o na lilo o ka hoopihapiha ana kekahi mea e nanaia; aka, ina e waiho mai ana ke Aupuni alaila e hooliloia paha ma ke ano pa-hale.

Ma ka papina o keia ninau ua hoopanee ke Kiaaina i keia kumuhana a hiki i ka manawa a ke Komikina Aina Aupuni e waiho mai ai i kana hoike mahope iho o ka huli pono ana i ka waiwai io o ka aina o Pololu.

Ma keia manawa ua noonooia ae ke kumuhana kuapo aina--o kela ma na Alanui beritania, Mila ame Vinia, no ke kukulu pa halekoa ame halekula Alii a ka Lunakula nui i manao ai aole no ke Kulaalii aka no ke kula A'o Kumu.

O keia ka aina a ke Aupuni i manao ai no ke kuapo ana i loaa mai iaia ma ka haawi ana aku ma ka aoao o ke Aupuni i na aina o Aeia, o kekahi, hapa hoi ia o Honolulu Mahiko, no ke kumuwaiwai o $45,000. O na aina o ke kulanakauhale, i hoikeia ae nei ua lilo ia W.G. Irwin mai ka Papa Kahu Waiwai mai o ke Kula o Punahou ma ke kuai kudala no $45,000.

Na Cooper i hoike mai i ka waiwai io o ka aina o Honolulu Mahiko, he aina hoi nona ka ili-aina i manaoia e hoolilo ia e ke Aupuni ma kahi o 1175, eka.

 

HOOHAAHALA O CARTER.

Ma keia wahi i ku ae ai o Kakauolelo Carter a waiho mai i kana hoohaiahala no ka hoohanaia o keia kuapo aina me ka pupuahulu oiai ua hiki aku ka Mana Hooponopono Aupuni o ka Teritori o keia manawa e noho koke mai ai ka Mana Hou. Wahi ana o keia no ka pilikia o kekahi manawa aku nei i hala mamuli o ka hooholo pupuahuluia ana o kekahi mau mea a loaa ka hoohalahala ma ka aoao o ka poe uku auhau.

I ka nana aku i ke kulana o ka Mana Hooponopono e pau aku ana no ka Mana Hooponopono e noho mai ana, me he ia aole he hilinai, a i ka nana iho me he la ua oi aku ke kuleana o ke keena o na Hana Hou mamua o ko ka ooe uku auhau.

 

HAOHAO O COOPER.

Ma ka manao o Carter i hoopuka ai no ka hana pupuahulu ia o keia kumuhana ua haohao nui loa o Cooper no ia mea (pupuahulu) no ka mea aole keia he hana i hoopupuahuluia. Ma kona manawa ana i noho mai ai iloko o keia keena o na Hana Hou ua nui na hana i pau ole i ka hanaia e kona mau mua, a o ke kumuhana e noonooia nei aole e kaia ka noonooia ana.

Ua hoike ae o Carter--he kumuhana ano hou ka ninau e pili ana i ka aina o Aiea, no ka mea e pili ana ana i ke kukulu pa-halekoa a ua hooia mai no o cooper ia ka pololei o la manao ana peia, a mawaho ae o keia ua noi aku o Carters ia Cooper e waiho mai i hoike o ke kulana waihona waiwai o ka Teritori a ua like ole kona manao me ko ka. Lunanui o na Hana Hou no ka mea wahi a Cooper aole ana wahi kuleana e pili ana i ka ninau kuiana waihona o ka Teritori.

 

HOIKE MANAO KE KIAAINA.

Mamuli o keia hoike manao o Carter i ka hana pupuahuia ia o keia @@@ aina a Cooper i kakoo ai ma kona aoao, e hoike ana aole keia he hana i hoopapuahuluia no ka mea ua hoohaiaia he oono mahina ma keia ninau. ua hoike ae ke Kiaaina i kona manao aole he pololei o ka olelo ana i ka hana pupuahuluia o ka hana, no ka mea. aole e kaia ka noonooia ana o keia kumuhana mamua aku o ka manawa i hoomakiliia ae ai ka noonoo no ka noho mai o ka Mana Hooponopono Aupuni hou o ka Teritori.

Ua hoole ae ke Kiaaina no ka ninau a Carter e pili ana i ke kulana waihona waiwai o ka Teritori. e olelo ana aole i loaa lawa piha pono loa iaia ka ike no ia kumuhana, eia nae, ma ka panina o ka noonoo ana ua waiho hou ia ke kumuhana iloko o ka lima o ka Lunanui o na Hana Hou ma ke noi a ke Kakauolelo Carter.

 

HAHANA KA PAIO.

Ma keia manawa ua hoomaka iho la ka noonoo ana i na aina o Hawaii e hooliloia ai ia Irwin ma no ka lilo mai o na aina o ke kulanakauhale nei a maluna o keia ninau i pii ae ai na paio hahana ana. Ma ka hoala manao ana mai o Atkinson no na aina hanai holoholona o Parker ame ko Irwin aina, ua noi mai la oia e waihoia keia kumuhana iloko o ka lima o ke komite nona hoi na lala--Kakauolelo Carter, Mr. Boyd, ke Komishina Aina, ame C.B. cooper: a kokua ia no hoi ke noi.

Ma keia wahi ua hoohalahala loa o cooper, Lunanui, no kona waihoia mawaho, a ua kakoo mai hoi o Carter i ke noi e waihoia i ke komite. a o keia ka manawa i hoomaka ai ka paio hahana, a kekahi hoa i hoike ai i kona manao aole oia i ike i kekahi manawa hahana loa o ka paio ana iloko o ka halawai Mana Hooko o ke Aupuni e like me keia; koe wale no aole i hoopuka inoa inoino ia.

Ua hoike ae o Cooper he nui kana mau hana e hana aku ai a pau pono e like me ka hooholoia ana i na halawai i hala mua ae, a o kekahi o lakou oia no kona kakauinoa ana i ka aelike no ka luawai o Daimana Hila, a oia no hoi ka manawa i ku-e ikaika loa mai ai o Carter i na hana a ka Lunanui o na Hana Hou, me ka hoohalahala pu ana i ka pane ole ia o na ui o na pule i hala ae.

Ma keia ua pane ae o Cooper o keia kumuhana luawai o Daimana Hila he loaa komo mai ia i ka oihana wai, oiai o Carter e olelo ana ua pili wale no ia i ke kalana aole i ka Teritori; a o ka manao ana o ke Kakauolelo e waihoia aku na pane no kana mau pihau ua hoike ae o Cooper aole e loaa aku kekahi o ia ano a hiki i kona manawa e Kiaaina ai.

 

Kakoo Mau me Hawaii ia Dole ame Carter.

Wahi a ka nupepa "Hilo Herald" ua lokahi loa ka manao o ka hapanui o ko Hawaii poe, ka poe i loaa na iini ikaika no ka pono o Hawaii Teritori, maluna o na hookohu a ka Peresidena i hana mai nei no Hawaii.

Ua ikeia o Geo. R. Carter he kanaka kupono loa ma kahi o Kiaaina Dole a o kona pii ana ae nei ma kela wahi kiekie loa o na oihana aupuni o ka Teritori aole he nui o ka manawa i noonooia ai.

He kanaka keia i maikai imua o na maka o ka Peresidena, a oia nei no hoi kekahi o ka poe e nele ole ai ka loaa mai o na ohaoha mai kona mau lima mai.

O keia kanaka no hoi ka mea i ike pu iaaia iloko o ka auna o na "Mikanele" a he mea malihini no hoi ia ke hoopuka ae pela, no ka mea, ina he hookahi hele ana a ke kanaka i ka pule ua lawa ia no kona lilo ana i mikanele.

Eia nae, kapae ia mau mea apau. ua waeia ae oia mai ka hapanui ae a hoonohoia aku ia ma keia kulana kiekie loa o ke Teritori. Ma keia hookohu ana mai nei o ka Peresidena ua hiki ke hoomaopopoia aole he ikaika o keia ano haawina hoino mikanele iloko o ka noonoo o ka Peresidena, a ua oi loa aku ke aiai ma kona hoopii loa ana ae ia S.B. Dole ma ka hoonoho ana iaia i lunakanawai no ka Aha Apana o Amerika Huipuia.

Ma ke ano he Lunakanawai Kiekie, oia hoi, he moa ma ia oihana ua ikeia o Dole he loea kanawai e nele ole ai ka ikeia o kona moolelo ma Wakinekona, a o kona noho Kiaaina ana no umi makahiki i hala aku, he haawina kokua nui ia i ka Peresidena i ke kukulu ana i kona manao no ka hookohu ana i kanaka no ka hoopiha makalua ana i kahi i waiho hakahaka ia.

 

EIA HOI KO MAUI MANAO.

O ka hookohuia ana mai nei o Kiaaina Dole i Lunakanawai no ka Aha Apana o Amerika Huipuia, ame Geo. R. Carter i Kiaaina no ka Teritori oia ka makana a mahalo kiekie loa a ka Peresidena Rusawela e hiki ke haawi mai no Hawaii Teritori, a iloko o keia he mau kanaka ponoi laua no ka Paeaina nei.

A o keia mau kanaka i hookohuia mai nei ua kupono loa no keia mau wahi. O ka noho ana aku la o Kiaaina Dole ma ka oihana lunakanewai. Aha Apana o Amerika Huipuia ola no ka noho ana aku ia o kekahi kanaka i like loa me ka Lunakanawai Este@ i aloha nnui ia. I hala aku nei.

A o ka lohe ia ana ae o keia meahou maikai loa, oia ka hoomauia ana o na ano ame na kulana Amerika i kukuluia e ka lunakanawai i hala aku nei. Ua kupono loa o Carter i noho aku la ma ia wahi oiai he kanaka mekaukau a hoopono oia, a he kanaka holomua a oi ioa ae oia ka loaa ana laia o na haawina i pili ai oia i ko Wakinekona, a no keia kumu e nele ole ai ka hilinai o ko Hawaii nei poe laia--Maui News

 

Aohe Kanawai no ka Hoopaapaa.

AOHE LAAU LAPAAU NO NA HOME RULA MA NA AHA HOOKOLOKOLO.

(Mai ka Advertiser, Nov. 8)

Ma na manao o kela ame keia keonimana like ole i ike kanawai, aole he mana i hooakakaia ma na kanawai o ka Teritori o Hawaii no ka hoohalahala koho balota ana, ma ke Kalana a ano e ae paha. He mea oiaio aia io no iloko o ke kanawai kalana keia mau pauku:

"Pauku 454. Koe na mea i hooakakaia ma ke ano okoa ae maloko nei, ua hiki no i kela ame keia moho holo balota no kela ame keia oihana kalana ke hoopaapaa i kela ame keia koho balota ana no ia mea, ma ke ano i hooakakaia maloko o ke Kanawai.

"Pauku 455. Ma na hoopaapaa apau e pili ana no na luna aupuni kalana, o ka palapala noi i kauohaia ma ke kanawai e waihoia aku i ka Aha Kiekie, e waihoia aku no ia i ka Aha Kaapuni ma ia Kalana, a e loaa no hoi ka mana hookolokolo ia Aha Kaapuni ma na hoopaapaa i haawila ka mana i ka Aha Kiekie e hookolokolo ma ke kanawai. A e hoike aku ia Aha i kana olelo hooholo e pili ana no ia mea i ka Papa Kiai o ia Kalana, a o ka mana i haawila maloko o ke Kanawai, i ke Kuhina Waiwai, ua loaa no ia Papa, e pili ana no ia mea."

E like ae la me ia ke maikai ia no. Eia nae o ke "Kanawai" i oleloia ae la e hooponopono ana no ke koho balota ame na hoopaapaa aole ia i mana i keia manawa.

Ma ke Kanawai Kumu, ma ka Pauku 7, ua hoopauia ke Kumukanawai o ke Aupuni Repubalika a he lehu lehu o na kanawai, na mokuna ame na pauku o na kanawai kivila, na kanawai karaima ame na kanawai i hoohuihuiia i hoopauia o ua Repubalika la i olelo mua ia ae nei. Iwaena o keia mau kanawai i hoopau loa ia ai e ke kanawai kumu o ke Kanawai Koho kekahi o ua Repubalike la. Ma ke kau Ahaolelo o ka Teritori, e ike ia no, aole i pakui ia aku i pauku ma ia ano me he mea ia o na palapala hooialo i hoopukaia e Kakauolelo Carter no na moho i puka iho nei o ka hopena no o keia hoopaapaa ana.

Pehea ia e hiki ai i ua Home Rula ke waiho aku i ka lakou hoohalahala i ka Aha Kiekie ina ma ke kanawai kalana ka lakou alahele e hele aku ai, a oiai hoi ia Kanawai e Hooakaka ana iloko o ka Aha Kaapuni e waiho ia ai na hoohalahala ana; o keia ka ninau a na Home Rula e ike ia ai ko lakou ike maopopo ma ke kanawai. He mea paakiki ole ke ninau ae no ka nui o na palapala hoopii hoohalahala e waiho ia ae ai eia no nae aole he kanawai i hoomaopopo ia kahi e waiho ae ai i ka hoopii.

Ma ke Kanawai Kalana ua oleloia malaila no ke koho balota, a ua hoike maopopo ia no hoi a oia no hoi ke kau koho i hala iho la, nolaila ua mana iho la oia ma ia wahi a ua olaio hoi ke koho ana iho nei. Ma na mea i ikela ua apono pu ua kanawai ia i kekahi hapa i hoopauia e ke Kanawai Kumu aole ia he mea e mana ai.

 

Hoomalamalama i na Alanui.

KANAHIKU IPUKKUI E KAU IA AKU ANA.

Malalo o ka haawina a ka ahaolelo i hala i hookaawale ai, o ka hoomalamalama ana ia Honolulu nei kekahi kumuhana i kamailioia ai. Aole i emi iho malao o kanahiku ipukukui nunui i hookaula ae ne ma na alanui pouliuli malalo o na kuhikuhi ana a W.L. Frasee, ka luna hoohana kukui uwila o ke aupuni.

Ma ke alanui Moi ke a nei na kukui a hiki ma o aku o na kula o Kamehameha, a ma ke alanui Waikiki ua hiki loa aku ka hoomalamalama ana iwaho o ka paka o Kapiolani. Maloko aku o ka paka ua hookau ae ka Hui Kaa Uwila i mau kukui nui.

Ma keia mua aku e hoomalamalama ia ana na wahi pouliuli mawaho aku nei o ke iaona he mea hoi e kokua ana i ka malamaia ana o ka maluhia ma ia mau wahi a e oluolu ai ka nohona o na kupa oia mau wahi pouliuli.

Oiaia na oi aku ka nui o ka hana o ka uwila o ke Aupuni a ua lawa kupono ole no ka hoolawa ana mai me ka malamalama, e lilo aku ana ka hoolawa ana mae me ka malamalama i ka Hui Kukui Uwila Hawaii me ka uku ana o ke Aupuni.

 

Kupono i ka Manao o Kalauokalani.

"Ua pono ko'u manao no ka ho@@ o ke koho balota," wahi a Senatoa Kalauokalani, ka Peresidena o ka Aoao Home Rula i ke @@ iho nei. Ma ka hoomaopopo ana i keia mau olelo a Kalauokalani me he mea ia aole he hoopii hoohalahala a ka aoao Home Rula ma ke Koko Kalana o Oahu nei.

"Aole wau i maopopo i na mea e pili ana no ka hoopii hoohalahala," i hoomau mai ai o Kalauokalani. "Eia no ia iloko o ka lima o na komite. Ua pono no nae ka hopena i ko'u manee. Ua maikai na hana a ka Home Rula Ua lilo mai ia'u o Maui, aneane no hoi e lilo mai o Hawaii Hikina a aneane e hapalua o Hawaii Komohana. He hookahi no hoi a'u kanaka ma Kauai a he hapa no hoi me Oahu nei. Ua pono keia hopena @@ kou manao ane."

Advertiser, Nov. @