Ka Nupepa Kuokoa, Volume XLI, Number 44, 30 ʻOkakopa 1903 — Hakaka a Make Loa WEHE KA PILINA HOALOHA I KA HANA A KA OMOLE KINI. HAAWI O DANIEL NUUANU IAIA IHO I KA LIMA O KE KANAWAI. [ARTICLE]

Hakaka a Make Loa

WEHE KA PILINA HOALOHA I KA HANA A KA OMOLE KINI.

HAAWI O DANIEL NUUANU IAIA IHO I KA LIMA O KE KANAWAI.

IMa Puuloa i ke Sabati nei, ua hala aku o Kaaihue, kekahi o na kamaaina oia wahi, i ke ala hoi ole mai. he Ihopena hoi o ka hamohamo ana i ka omole kini i ukaliia e na puupuu mai na lima aku o kona hoaloha, Nuuanu. O ka moolelo o keia hana hoaloha ole i loaa mai, oia iho keia: Ma ka la i ha'iia ae la maluna, ua noke iho ia keia mau Hawaii ame kekahi poe okoa iho i ka inu kini, mai ke kakahiaka mai a hiki wale no i ka auwina la. O kahi i hanaia ai o keia hana oia no ka hale noho o Maukeala, a e noho ana lioko o keia hale, ia wa, he hookahi kane ame kekahi mau wahine. O keia iho la na hoa inu o na mea ao laua na inoa maluna ae. No ka nui loa o ka ona, ua hoi aku la kekahi o na kane e moe, a koe iho o Nuuanu o Kaaihue ame na wahine. He maikiii wale no na kukai ana mai kakahiaka mai a hiki waie i ka hora 3 o ka ouwina la, a ia manawa i hoomaka ae ai keia mau Hawaii e papaleo hookuku i na ikaika o laua. Ua nui na kukai oleio ana a laua, a iwaena oia mau kukai ana i oielo |kku ai o Nuuanu ua hiki j loa iaia ke hoohaahaa iho i ka ikaika o Kaaihue, a ia wa koke no hoi i ku ae ai laua iluna a hoomaka iho la e hakoko. Mai ka hakoko ka hele ana a hoolei puupuu maoli, a ia Kaaihue e waiho ana ilalo mamuli o kona liina anā ilalo, ua lele iho la o Nuuanu maluna a paluku iho la i kona hoa ouio me na puupuu. Ua loihi keia hakoko ana a ke pilikia loa iho la o Kaaihue, a ia wa i hooho ae ai na wahine a hoalaia aku la no hoi ke kane e moe ana, a ma kana uwao ana i hemo ae ai na mea e hakaka ana. Ua haaiele koke iho la o Nuuanu ia wahi, a hele aku la kekahi poe iho e hoala ia Kaaihue, a ia wa i ike ia iho ai e waiho mauleule ana o Kaaihue, a ma ka nana pono ia j ana, ua ikeia ua hala ka uhane. E kahe ana ke koko mai kekahi eha mai ke kumu pepeiao ae, a ua haukae hoi na maka i ke koko. Ua hoike koke ia akū keia lono i ka oihana makai o Ewa, a ua huli oono ia ae keia hana hoaloha ole. Ua hopv| koke ia ae o Nuuanu e Abe Kekai a lawe loa ia mai i Honolulu nei no ka hoopaa ana ma Kawa. I kona wa l hopula ai ua hoi mai kona noonoo mai-, kai e hoike ana hoi i kena kaumnha no ka hana i hanala. E huli pono aku ana ka Hope Ilamuku Kiliniwoki i kela mea. Ua ha'iia'ae he ohana o Nuuanu no Koolau, ke kaeaea o na pall Koolau o Kauai, a o ka inea. hoi i ai manu keokeo i ka wa l l»oo-' nana aku ai na pukea he mau makahiki i hala ae nei. |