Ka Nupepa Kuokoa, Volume XLI, Number 43, 23 October 1903 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA MOOLELO KAAO O

LAIEIKAWAI

KA HIWAHIWA O PALIULI, KA WAHINE

O KA LIULA.

 

MOKUNA XXV.

 

Ka olelo hooholo a na kaikuahine o Aiwohikupua no Laieikawai      Kii o Kahalaomapuana ia Kaonohokala i kane na Laieikawai       (Kamailio no Laieikawai ma ia Hawaii           Ike ka Makaulai o Laieikawai ma la   Na kamailio a ka Makaula me Laieikawai ma    Holo lakou a ku ma Maui, malaila mai a ku ma Laie, ma Oahu nei.

 

            Ia Laieikawai ma i hoi aku ai mai Keaau aku, mahope iho o kona hoohilahilaia ana e Waka, a noho ma Olaa, ia manawa kukakuka ae la na kaikuahine o Aiwohikupua i ka mea hiki ke hooluolu aku i ka naau kaumaha o ke alii (Laieikawai) no kona hilahila i ka olelo kumakaia a Waka.

            Hele aku la lakou a ha ʻ i aku la i ka lakou olelo hooholo i kuka ai imua o Laieikawai me ka i aku:

            "E ke Aliiwahine o ka lai; ua kukakuka ae nei makou i mea e hoopau ai i kou naau kaumaha no kou hoohilahilaia, aka, aole o oe wale ka i kaumaha, o kakou like no apau, no ka mea, ua komo like kakou apau no ia, pilikia hookahi.

            "Nolaila e ke Alii e, ke noi aku nei majou ia oe, e pono no e hoopauia kou naau kaumaha, no ka mea, e hiki mai ana ia oe ka pomaikai ma keia manawa aku."ua hooholo ae nei makou i pomaikai like no kakou, ua ae ae nei ko kakou kaikaina e kii aku ia Kaonohiokala i kane nau, he keikialii e noho la i Kealohilani, ua hoonohoia ma ka peakepu o kukulu o Tahiti, he kaikunane no no kakou, ko Aiwohikupua mea nana i hoalii mai iaia.

            "Ina e ae oe e kiiia ko kakou kaikunane, aliala, e loaa ia kakou ka hanohano nui i oi aku mamua o keia, a e lilo auanei oe i mea kapu ihiihi loa, me ko lauana ole mai ia makou, a oia ka makou i noonoo iho nei, a ae oe, alaila, ku kou makaia, hilahila o Waka?"

            I mai la o Laieikawai, "Ua ae no wau e hoopau i ko ʻ u kaumaha hilahila, a hookahi a ʻ u mea ae ole, o kuu lilo ana i wahine na ko kakou kaikuahine; no ka mea, ke olelo mai nei oukou, he Alii kapu kela a ina paha e hoao maua, pehea la wau e ike hou ai ia oukou, no ka mea, he alii kapu kela, a oia ka ʻ u mea minamina loa, o ko kakou launa pu ana."

            I aku la kona mau hoa, "Mai manao mai oe ia makou, e nana oe i ka olelo hoohilahila a ko kupunawahine, aia ku kona makaia, alaila pono makou, no ka mea hooholo ae la o Laieikawai i kona ae.

            A no keia mea hooholo ae la o Laieikawai i kona ae.

            Ia manawa, ha ʻ i mai la o Kahalaomapuana i kana olelo kauoha ia Laieikawai, ame kona mau kaikuaana. "Ke kii nei au i ko kakou kaikunane i kane na ke Alii, e pono ai oukou ke malama pono i ko kakou Haku, ma kana wahi e hele ai malaila oukou, na mea ana apau e makemake ai, oia ka oukou e hooko aku; aka, koe nae ka maluhia o kona kino a hiki mai maua me ke kaikunane o kakou."

            Mahope iho o keia mau mea, haalele iho la o Kahalaomapuana i kona mau kaikuaana, a kau aku la maluna o ua moo nui nei (Kihanuilulumoku), a kii aku la ia Kaonohiokala.

            (Ma keia wahi, e waiho iki i ke kamailio ana no keia mea. E pono ia kakou e kamailioo no Laieikawai, ame kona loaa ana i ka Makaula nana i ike mai Kauai mai, e like me ka mea i oleloia ma na Mokuna elua o keia Kaao.)

            Mahope iho o ko Kahalaomapuana haalele ana i kona mau kaikuaana, kupu ae la iloko o Laieikawai ka manao makemake e kaapuni ia Hawaii.

            A no keia manao o Laieikawai, hooko aku la kona mau hoa i ko ke Alii makemake, a hele aku la e kaapuni ia Hawaii a puni.

            Ma keia huakai kaapuni a ke Alii, ma Kau mua, ma Kona,a hiki lakou ma Kaiopae i Kohala, ma ka aoao akau mai Kawaihae mai, aneane elima mile ka loihi mai Kawaihae ae, ma laila lakou i noho ai i kekahi mau la, no ka mea, ua makemake iho la ke Aliiwahine e hooluolu malaila.

            Iloko o ko lakou mai la malaila, ike mai la ka Makaula i ka pi ʻ o a keia anuenue i kai, me he mea la i Kawaihae ponoi la. I uka nae o Ouli, ma Waimea, kahi a ka Makaula i ike mai ai.

            No ka mea, ua oleloia ma na Mokuna mua ae nei, ua hiki ka Makaula ma Hilo, i Kaiwilahilahi; a ua loihi no na makahiki malaila o ke kali ana i kana mea i imi ai.

            Aka, no ka hiki ole i ua Makaula nei ke kali no kana mea i imi ai, nolaila; hoopau ae la oia i kona manao kali ame ka imi aku no kana mea ukali mai ai mai Kauai mai.

            Nolaila, haalele keia ia Hilo a manao ae la oia e hoi loa i Kauai, a hoi aku la. Iloko nae o ko ka Makaula hoi ana, aole oia i haalele i kana mau mea i lawe mai ai mai Kauai mai, (oia ka puaa, ame ka moa.)

            Ma keia hoi ana, a hiki ma Waimea, i Ouli, oia ka ka Makaula ike ana aku i ka pi ʻ o a ke anuenue i kai o Kawaihae, e like me ka kakou ike ana ma na pauku mua o keia Mokuna.

            A no ka maluhiluhi o ua Makaula nei, aole oia i wikiwiki mai e ike i ke ano o ke anuenue, no laila, hoomaha iho la oia malaila. A ma kekahi la ae, aole oia i ike hou i kela hoailona.

            Ma kekahi la ae, haalele ka Makaula ia wahi, oia la no hoi ka la a Laieikawai ma i haalele ai ia Kaiopae, hoi aku la a mauka o Kahuwa, ma Moolau ko lakou wahi i noho ai.

            I ka Makaula i hiki mai ai i Puuloa mai Waimea mai, ike aku la oia e pi ʻ o ana ke anuenue i Moolau, ia manawa haupu iki ae la ka manao o ka Makaula me ka nalu ana iloko ona iho, "O kuu mea no paha kela i imi mai nei."

            Hoomau mai la ka Makaula i kona hele ana a hiki iluna pono o Palalahuakii, alaila, ike maopopo aku la oia i ke ano o ke anuenue, me ka hoomaopopo iloko ona, a ike lea i kana mea e imi nei.

            Ia manawa, pule aku la oia i kona akua, e ha ʻ i mai i ke ano o kela anuenue ana e ike nei; aka, aole i loaa i kona akua ka hookoia o kana pule.

            Haalele ka Makaula ia wahi, hiki aku la oia ma Waika a malaila oia i noho ai, no ka mea, ua poeleele iho la.

            Ma ke kakahiaka ana ae, aia hoi, e pi ʻ o ana ke anuenue i kai o Kaiopae, no ka mea, ua iho aku o Laieikawai ilaila.

            Ia manawa, iho aku la ka Makaula a hiki i kahi ana e ike nei i ke anuenue, a i ka hookokoke ana aku o ua Makaula nei, ike maopopo aku la oia ia Laieikawai, e noho mau ana i ka lae kahakai. He mea e ka wahine maikai, aia iluna pono o ua kaikamahine nei e pi ʻ o ana ke anuenue.

            Ia manawa, pule aku la ka Makaula i kona akua, e hoike mai iaia i keia wahine, o kaua mea paha e imi nei, aole paha. Aka, aole i loaa ka hoike ana ma ona la, nolaila, aole ka Makaula i waiho i kana mau mohai imu o Laieikawai, hoi aku la ka Makaula a noho mauka o Waika.

            I kekahi la ae, haalele ke Makaula ia wahi, hiki aku la keia ma Lamaloloa, a noho iho la malaila. Ia manawa, komo pinepine ae la oia iloko o ka Heiau i Pahauna, malaila oia i pule hoomau ai i kona akua. Ua loihi na la mahope iho o ka noho ana o Laieikawai ma Moolau, haalele lakou ia wahi.

            Hele aku lakou a noho ma Puakea, a no kahi heenalu malaila, nolaila, ia lakou malaila e makaikai ana i ka heenalu ana a na kamaaina, ua nanea loa lakou malaila.

            Ma kekahi la ae, ma ke awakea, i ka wa e lailai ana ka la maluna o ka aina, ia wa ka Makaula i puka ae ai mailoko ae o ka Heiau, mahope iho o ka pau ana o kana pule.

            Aia hoi, ike aku la oia e pi ʻ o ana ke anuenue i kai o Puakea. iho aku la ua Makaula nei a hiki ilaila, ike aku la oia, ke kaikamahine no ana i ike mua ai i Kaiopae.

            A no keia mea, emi hope mai la oia ma ke kaawale, pule hou aku la i kona akua e hoike mai i kana mea e imi nei; aka aole no i loaa ka hoike ana ma ona la. A no ka hooko ole ia o kana mea e noi nei i kona akua, aneane oia e hoohiki ino aku i kona akua; aka, hoomanawanui no oia.

            Hoopuka loa aku la a ma kahi o Laieikawai ma e noho ana.

            He mea pilikia loa i ka Makaula ka ike ana aku ia Laieikawai, a ia lakou ma kahi hookahi, ninau aku la ka Makaula ia Laieikawai ma. "Heaha ka oukou mea e noho nei maanei, aole he au pu me na kamaaina i ka heenalu.?"

            "He mea hiki ole ia makou ke hele aku," wahi a Laieikawai, "he pono e nana aki i ka na kamaaina heenalu mai."

            Ninau hou aku la ka Makaula "Heaha ka oukou hana maanei?"

            "E noho ana makou maanei, e kali ana i waa, ina he waa e holo ai i Maui. Molokai. Oahu. a hiki i Kauai, alaila, holo makou." Pela aku o Laieikawai ma.

            A no keia olelo, i aku ka Makaula, "Ina e holo ana oukou i Kauai, alaila aia ia ʻ u ka waa, he waa uku ole."

            I aku la o Laieikawai,. "A ina e kau makou ma ko waa, aole anei au hana e ae no makou?"

            I aku la ka Makaula, "Auhea oukou, mai manao oukou i kuu olelo ana, e kau wale oukou maluna o kuu waa, e hoohaumia aku ana au ia oukou: aka, o ko ʻ u makemake, e lilo oukou i mau kaikamahine na ʻ u, me he mau kaikamahine ponoi la, i lilo ai oukou i mea nana e hookaulana i ko ʻ u inoa, aia a lilo oukou i mea e kaulana ai au, alaila, e ola auanei ko ʻ u inoa. Na Kaikamahine a Hulumaniani, aia la, ola kuu inoa, pela wale no ko ʻ u makemake?"

            Ia manawa, imi ae la ka Makaula i waa, a loaa iaia he kaulua, me na kanaka pu no hoi.

            Ma ke kakahiaka o kekahi la ae, kau aku la lakou maluna o na waa, a holo aku la a kau ma Honuaula, i Maui; a mailaila aku a Lahaina, a ma kekahi la ae, i Molokai; haalele lakou ia Molokai, hiki lakou ma Laie, Koolauloa, a malaila lakou i noho ai i kekahi mau la.

            Ia la a lakou i hiki ai ma Laie, a ia po iho no, olelo ae la o Laieikawai i kona mau hoa, ame ko lakou makuakane hookama. Eia kana olelo:

            "Ua lohe au i ko ʻu kupunawahine ianei koʻu wahi i hanau ai, he mau mahope ka maua, a no ka pepehi o ko maua makuakane i na keiki mua a ko maua makuahine i hanau ai no ka hanau kaikamahine wale no, a ia maua hoi, hanau kaikamahine no, nolaila, ahaiia ai au iloko o ka luawai, malaila koʻu wahi i hanaiia ai e koʻu kupunawahine.

            "A o koʻu lua, lilo ia i ke Kahuna ka malama, a no ka ike ana o ke Kahuna nana i malama i koʻu kokoolua, i ka Makaula nana i ike mai mai Kauai mai, nolaila, kauoha ai ke Kahuna i koʻu kupunawahine, e ahai loa; a oia koʻu mea i ahaiiaʻi i Paliuli, a halawai wale kakou."

 

MOKUNA XXVI

 

Pule aku ka Makaula i kona akua, ahoikeia mai la o kana mea keia a huli nei.          Lawe ae la ka Makaula ia Laieikawai ma a hoonoho ma Honopuwaiakua, ma Kauai.    Hoakoakoaia na kaikamahine puupaa imua o ke Alii, (Aiwohikupua.) i wahine nana, na mea oi o ka uʻi i panihakahaka no Poliahu ma Hinaikamalama.              Hiki ka Makaula ma ia aha a ha aku i kona manao imua o ke Alii                  Hoopaaia ka Makaula ma ka Halepaahao aku.                        Lawe ka Makaula ia Laieikawai ma maluna o na kaulua a ma ka nuku o ka muliwai.                       Hoi ka Makaula me na kaikamahine ana ma Honopuwaiakua.

 

            A lohe ka Makaula i keia mea, alaila, hoomaopopo lea ae la ka Makaula, o ka mea no keia ana e imi nei. Aka hoi, i mea e maopopo lea ai, naue aku la ka Makaula ma kahi kaawale, a pule aku la i kona akua e hooiaio mai i ka olelo a ke kaikamahine, (Laieikawai).

            A pau kana pule ana, hoi mai la a hiamoe iho la, a iloko o kona manawa hiamoe, hiki mai la ma o ua Makaula nei, ke kuhikuhi ma ka hihio, mai kona akua mai, me ka olelo mai, "Ua hiki mai me ka manawa e hookoiaʻi kou makemake, a e kuu ai hoi ka luhi o kou imi ana i ka loa. Ano hoi, o ka mea nona ke kamailio ana nona iho ia oukou, oia no ua mea la au i imi ai.

            "Nolaila, ala ae oe, a e lawe i kau mea i hoomakaukau ai nona, e waiho aku i kau mohai imua ona me ka hoomaikai mua ma ka inoa o kou akua.

            "A pau kau hana, alaila, mai kali, e lawe koke aku ia lakou ma keia po i Kauai, a hoonoho i na pali o Haena, iuka o Honopuwaiakua."

            Ma keia mea, puoho ae la ka Makaula mai kona hiamoe ana, ala ae la oia a lalau aku la i ka puaa ame ka moa, a hahau aku la imua o Laieikawai, me ka olelo aku, "Pomaikai wau e kuu Haku, i ka hoike ana mai a kuu akua ia oe, no ka mea, he nui koʻu manawa i ukali aki ai ia oe, me ka manao e loaa ka pomaikaimai a oe mai.

            "A nolaila, ke noi aku nei au ia oe e ae mai, e malama keia mau iwi ma kou lokomaikai e kuu Haku, a e waiho pu ia ka pomaikai me kaʻu mau mamo a hiki i kaʻu hanauna hope."

            I aku o Laieikawai, "E ka makua, ua hala ke kau o koʻu pomaikai nui, no ka mea, ua lawe aku o Waka i ka hoopomaikaiia mai oʻu aku nei; aka, ma keia hope aku, e kali oe a loaa iaʻu he pomaikai oii aku mamua o ka pomaikai a me ka hanohano i loaa mua iaʻu, alaila o oe pu kekahi me makou ia hoopomaikaiia."

            A pau keia mau mea, lawe ae la ka Makaula e like me ke kauoha a kona aku, holo aku la ia po a hoonoho i kahi kauohaia.

            I ua Makaula nei me kana mau kaikamahine mauka o Honopuwaiakua, a he mau la ko lakou malaila. He mea mau i ua Makaula nei ke kaahele i keia manawa.

            Iloko o kona la e hele ana ma kona ano Makaula, iaia hoi i hiki aku ai i Wailua. Aia hoi, ua hoakoakoaia na kaikamahine puupaa apau o Kauai, ma o ka poe kaukaualii me na kaikamahina koikoi, mamuli nae o ka olelo kuahaua a Aiwohikupua, e laweia mai na kaikamahine puupaa imua o ke Alii. o ka mea a ke Alii e lealea ai, oia ka wahina a ke Alii (Aiwohikupua.)

            A hiki aku la ka Makaula iloko o kela akoakoa, aia hoi ua hoakoakoaia na kaikamahine ma kahi hookahi, e ku ana imua o ke Alii.

            Ninau aku la ka Makaula i kekahi poe o ka Aha, "Heaha ka hana a keia Aha? A heaha hoi ka hana a keia poe kaikamahine e ku poai nei imua o ke Alii?"

            Haʻiia mai la, "Ua kuahauaia na kaikamahine puupaa apau ma ke kauoha a ke Alii, a o ke mea a Aiwohikupua e makemake ai, alaila, e lawe oia elua mau kaikamahine i mau wahine nana, a o lana na mea pani ma ka hakahaka o Poliahu ame Hinaikamalama, a o na makua nana na kaikamahine i laweia i mau wahine na ke Alii, e hoaahuia ka Ahuula no laua."

            Ia manawa, ku ae la ua Makaula nei, a kahea aku la me ka leo nui imua o ke Alii ame ka Aha apau:

            "E ke Alii, ke ike nei au, he mea maikai no ke Alii ka lawe ana i kekahi o keia poe puupaa i mea hoolealea no ke Alii; aka, aole e hiki kekahi o keia poe kaikamahine puupaa ke pani ma ka hakahaka o Poliahu ame Hinaikamalama.

            "Ina i nana iho nei wau i kekahi o keia poe puupaa, ua ane like iki aku ka maikai me ka uha hema o kaʻu mau kaikamahine, alaila, e aho la ia. He nani no keia poe, aole nae e like aku me kekahi o kaʻu mau kaikamahine."

            I mai la o Aiwohikupua me ka leo huhu, "I nahea makou i ike ai he kaikamahine kau?"

            A o ua Makaula nei, i lilo ae la ia i enemi no ka poe nana na kaikamahine i laweia imua o ke Alii.

            A no ka olelo huhu ana mai o ke Alii, i aku ua Makaula nei, "Owau hookahi ka mea i imi ikaika i Haku no ka aina a puni na moku, a o ua Haku la o ka aina, oia ua kaikamahine la aʻu, a o na kaikamahine e ae aʻu, he mau kaikuahine no ia no kuu Haku kane.

 

MA KE KAUOHA

HOOLAHA MANA HOOKO

 

            Ma ke kauoha a ke Kiaaina e haawiia i hoolaha no na Wahi Koho Balota e like me ia malalo iho ame na Lunanana o ke Kau Koho Balota e malamaia ai i ka la ekolu (3) o Novemaba, 1903 no ke koho balota ana no na Luna Kalana. O ka ina mua o ka Lunanana o keia ame keia mahele e hana oia ma ke ano Lunahoomalu.

 

APANA EKAHI, KALANA O HAWAII HIKINA.

            Mahele 1. Wahi koho balota, Hale Hookolokolo o Pohoiki. Lunanana Koho Balota: H. E. Wilson, Lunahoomalu: J. N. Kamoku, ame Kauka J. Holland.

            Mahele 2. Wahi koho balota. Halelio o ka Papa Alanui i ka mile 11 3-4, Alanui Luapele. Lunanana Koho Balota: W. M. McQuaid. Lunahoomalu: W. B. Nailima, Jr., ame J. W. Kekoakulana.

            Mahele 3. Wahi koho balota: Haleukana o Davies & Co., kihi o na alanui Kalepolepo ame Waiakea. Lunanana Koho Balota: David Spaulding. Lunahoomalu: C. N. Prouty ame Wm. Geo. Kaihenui.

            Mahele 4. Wahi Koho Balota: Hale Hookolokolo Kaapuni, Hilo. Lunanana Koho Balota: Wm. Vannatta. Lunahoomalu: Ira E. Ray ame David Ewaliko.

            Mahlele 5. Wahi Koho Balota: Halekula o Papailkou. Lunanana Koho Balota: J. T. Moir. Lunahoomalu: J. M. Kauhi ame Simeona Paaluhi.

            Mahlele 6. Wahi Koho Balota: Hale Hookolokolo o Honomu. Lunanana Koho Balota: J. B. Oliviera. Lunahoomalu Wm. Hay ame H. K. Unea.

            Mahele 7. Wahi Koho Balota, Hale Hookolokolo o Laupahoehoe. Lunanana Koho Balota: E. W. Barnard. Lunahoomalu: C. H. Swain ame B. M. Kahue

            Mahele 8: Wahi Koho Balota, Halekula o Kaohe. Lunanana Koho Balota: Albert Horner, Lunahoomalu: S. W. Kauwahipaula, ame Henry Louisson.

            Mahele 9. Wahi Koho Balota, Hale Hookolokolo o Honokaa. Lunanana Koho Balota: Chas. H. Fox. Lunahoomalu: John Ai ame Geo F. Hall.

            Mahele 10. Wahi Koho Balota, Halekula o Kukuihaele. Lunanana Koho Balota: Wm. Horner, Lunahoomalu: T. N. Naleilehua, ame J. G. Jones.

 

APANA ELUA, KALANA O HAWAII KOMOHANA.

 

            Mahele 1. Wahi Koho Balota, Hale Hookolokolo Kaapuni o Kohala. Lunanana Koho Balota: Geo. P. Tulloch. Lunahoomalu: Joseph Hussy ame Robert K. Naipo.

            Mahele 2. Wahi Koho Balota, Hale Hookolokolo o Wiamea. Lunanana Koho Balota: J. Crowley, Lunahoomalu: Chas. B. Wells ame D. W. K. Maialoha

            Mahele 3. Wahi Koho Balota, Hale Hookolokolo Kaapuni, Kailua.  Lunanana Koho Balota: Thomas Aiu, Lunahoomalu; J. L. Kawewehi ame J. K. Laioha.

            Mahele 4. Wahi Koho Balota: Halekula o Konawaena, Lunanana Koho Balota: W. Henry Greenwell.  Lunahoomalu; John Keawehawaii ame R. Wassman.

            Mahele 5. Wahi Koho Balota, Hale Hookolokolo o Hookena.  Lunanana Koho Balota: Geo. W. McDougall, Lunahoomalu: J. Nahinu ame Jos. Kaeo.

            Mahele 6. Wahi Koho Balota: Halekula o Papa, Lunanana Koho Balota: F. Buchholtz, Lunahoomalu; Sam. K. Kaaiailii ame D. Kaupiko.

            Mahele 7. Wahi Koho Balota, Hale Hookolokolo o Waiohinu.  Lunanana Koho Balota: Robert L. Wilhelm, Lunahoomalu: David K. Wailehua ame F. C. Eaton.

            Mahele 8. Wahi Koho Balota, Halekula o Pahala, Lunanana Koho Balota W. P. Fenell, Lunahoomalu; J. J. Kaaka ame J. K. Hoopii.

 

APANA EKOLU, KALANA O MAUI.

 

            Mahele 2. Wahi Koho Balota, Hale Hookolokolo o Pukoo.  Lunanana Koho Balota: J. H. Mahoe, Lunahoomalu: D. McCorriston ame John Kamai.

            Mahele 3. Wahi Koho Balota, Hale Hookolokolo Kaapuni, Lahaina.  Lunanana, Koho Balota: Henry Dickenson, Lunahoomalu; C. V. Dudoit ame A. Makekau.

            Mahele 4. Wahi Koho Balota, Halekula o Honokohau.  Lunanana Koho Balota: Geo. Kahui, Lunahoomalu; D. Kapaku ame L. K. Kalama.

            Mahele 5. Wahi Koho Balota. Halekuai o Kahalepalaoa.  Lunanana Koho Balota: S. Kahoohalahala, Lunahoomalu; M. Keaiakaa ame Chas. G@y.

            Mahele 6. Wahi Koho Balota, Hale Hookolokolo Kaapuni, Wailuku.  Lunanana Koho Balota: Kauka R. W. Boote, Lunahoomalu: Moses Kauwahimahu ame Jas L. Coke.

            Mahele 7. Wahi Koho Balota. Halamara ma ke Alanui Puunene, Kahulu@. Lunanana Koho Balota; D. Quill, Lunahoomalu; A. C. Kanaeholo ame J. J. Walsh.

            Mahele 8. Wahi Koho Balota. Halema'i ma Kihei, Lunanana KohoBalota; C. G. Hofgaard, Lunahoomalu; Sam. Kuula ame H. T. Batelle.

            Mahele 9. Wahi Koho Balota, Hale Hookolokolo o Makawao, Lunanana Koho Balota: George Forsyth. Lunahoomalu; E. H. Kekapa ame Noa Kamakau.

            Mahele 10. Wahi Koho Balota. Halewiliko o Hamakuapoko.  Lunanana Koho Balota: W. S. Nicoll. Lunahoomalu: J. H. Nui ame Henry Long.

            Mahele 11. Wahi Koho Balota, Halekula o Huelo.  Lunanana Koho Balota: J. R. Meyers, Lunahoomalu: J. Vincent ame D. N. Opunui.

            Mahele 12. Wahi Koho Balota, Halekula o Keanae. Lunanana Koho Balota: Chas. Haui, Lunahoomalu: D. W. Napihaa ame D. W. Kawahamae.

            Mahele 13. Wahi Koho Balota,. Hale Hookolokolo o Hana. Lunanana Koho Balota; F. P. Rosecrans, Lunahoomalu; G. W. Kauhane ame B. K. Kaiwiaea.

            Mahele 14. Wahi Koho Balota, Halekula o Kipahulu, Lunanana Koho Balota; R. M. H. Kame, Lunahoomalu; J. K. Pilimanu ame P. M. Kaluna.

            Mahele 15. Wahi Koho Balota, Hale Hookolokolo Honuaula. Lunanana Koho Balota: A. S. K. Kaholokai, Lunahoomalu; Ed. Wilcox ame G. K. Kanukau.

APANA EHA, KALANA O OAHU.

            Mahele 1. Wahi Koho Balota, Halekamala i ka pau ana o ke Alanui Punahou. Lunanana Koho Balota: John Effinger, Lunahoomalu; Harry Macfarlane ame Stephen Umauma.

            Mahele 2. Wahi Koho Balota. Halekamala, kihi o na alanui Kinau ame Piikoi.  Lunanana Koho Balota: @. M. White, Lunahoomalu; W. C. Wilder ame W. H. K. Omakekau.

            Mahele 3. Wahi Koho Balota Ka Hale ma ke Komo ana aku o ka Luawai lalo o Alanui Nuuanu (Waip@). Lunanana Koho Balota: F. P. M@tyre, Lunahoomalu; Albert Waterhou@ ame J. P. Kahahawai.

            Mahele 4. Wahi Koho Balota. Halekamala Emma Kuea. Lunanana Koho Balota. William Sav@ Lunahoomalu, T. C. Polikapu ame F. B. Angus.

            Mahele 5. Wahi Koho Balota Kapuaiwa Hale. Lunanana Koho Balota: A. F. Cooke, Lunahoomalu K. K. Lilikalani ame J. Mahoney.

            Mahele 6. Wahi Koho Balota. Honolulu Hale. Lunanana Koho Balota: @. C. Swain, Lunahoomalu; C. L.Kaai ame John. M. Mahuka.

            Mahele 7. Wahi Koho Balota. Halekula o Waimanalo. Lunanana Koho Balota;; G. C. Chaimers, Lunahoomalu; John Kekuku ame A. Irvine.

            Mahele 8. Wahi Koho Balota. Thomas (Kamaki) Kuea ma Alanui Beretania. Lunanana Koho Balota W. R. E. Fisher, Lunahoomalu; Fred @ ame Geo. E Smithies.

APANA ELIMA, KALANA O OAHU.

            Mahele 1. Wahi Koho Balota. Hale Hookolokolo o Kaneohe. Lunanana Koho Balota:H. Cobb Adams, Lunahoomalu; S. L. Kauai ame F. P, A.ku@.

            Mahele 2. Wahi Koho Balota, Hale Hookolokolo o Koolauloa. Lunanana Koho Balota: A. W. Crockett, Lunahoomalu; J. Keanu ame Jos. Kekuku.

            Mahele 3. Wahi Koho Balota. Hale Hookolokolo o Waialua. Lunanana Koho Balota: W. L. Wond, Lunahoomalu, Oscar Cox ame Chas. David.

            Mahele 4. Wahi Koho Balota. Hale Hookolokolo o Waianae. Lunanana Koho Baloa: Lema Spencer, Lunahoomalu; S. K. Hui ame S. N. Kaiileha.

            Mahele 5. Wahi Koho Balota. Halehulahula o Ewa. Lunanana Koho Balota; P. A. Swift, Lunahoomalu; W. P. Johnson ame B. Starr Kapu.

            Mahele 6. Wahi Koho Balota. Hale Hookolokolo o Ewa. Lunanana Koho Balota: W. G. Ashley, Lunahoomalu; Kauka Williams ame John E. Kahoa.

            Mahele 7. Wahi Koho Balota. ma kahi a kokoke i ka Hale Kaawai o Palama. Lunanana Koho Balota; H. C. Birbe, Jr., Lunahoomalu; John K. Kaaeae ame Benjamine Kanelehalau.

            Mahele 8. Wahi Koho Balota. Haleukana o W. C. Achi, kokoke i ke kihi akau o na alanui Liliha ame Moi. Lunanana Koho Balota: Moreno Hulu, Lunahoomalu. Asa Kaulia ame E. P. Sullivan.       

            Mahele 9. Wahi Koho Balota. Halekamala ma ka huina o na alanui Kuakini ame Nuuanu. Lunanana Koho Balota; A. W. Neely; Lunahoomalu; S. H. Kameakapu ame C. F. Alexander.

            Mahele 10. Wahi Koho Balota, Ke Kihi Komohana o na alanui Maunakea ame Pauahi. Lunanana Koho Balota J. L. Kaulukou, Lunahoomalu; Abraham Bolster ame W. K. Kaleihula.

APANA EONO, KALANA O KAUAI.

            Mahele 1. Wahi Koho Balota, Halekula o Niihau. Lunanana Koho Balota; J. B. Kaomea, Lunahoomalu; J. W. Kealo ame E. K. Nohokula.

            Mahele 2. Wahi Koho Balota. Halekula o Kekahi. Lunanana Koho Balota O. Omstead, Lunahoomalu; J. P. Kaiawaawa ame L. Kilauano.

            Mahele 3. Wahi Koho Balota. Hale Hookolokolo o Waimea. Lunanana Koho Balota; C. B. Hofgaard, Lunahoomalu; S. Makaila ame A. Bomke.

            Mahele 4. Wahi Koho Balota, Halekula o Hanapepe. Lunanana Koho Balota; H. H. Brodie, Lunahoomalu: J. K. Palama ame Walter D. McBryde.

            Mahele 5. Wahi Koho Balota. Hale Hookolokolo o Koloa. Lunanana Koho Balota: David Kapahee, Lunahoomalu; James Kula ame Hy. Blake.

            Mahele 6. Wahi Koho Balota. Hale Hookolokolo o Lihue. Lunanana Koho Balota: H. D. Wishard. Lunahoomalu; M. K. Kanikanihia ame E. de La@y.

            Mahele 7. Wahi Koho Balota. Hale Hookolokolo o Kapaa. Lunanana Koho Balota: J. W. Neal. Lunahoomalu: L. K. Kaumualii ame S. W. Mak@ala.

            Mahele 8. Wahi Koho Balota. Halekula Aupuni, Kilauea. Lunanana Koho Balota: Jas. L. Huddy, Lunahoomalu: I. M. Cox ame Robert S@.

            Mahele 9. Wahi Koho Balota. Hale Hookolokolo o Waioli. Lunanana Koho Balota: C. H. Willis, Lunahoomalu; H. K. Kanehe ame C. B. Makee.

            GEO. R. CARTER.

            Kakauolelo o ka @.

            C. R. BUCKLAND.

            Lunahoopaainoa Koho Balota.

            Hale Mana Hooko, Honolulu. Okatoba 1, 1903.

            2984-Oct. 9, 16, 23, 30.

 

HOOLAHA AINA AUPUNI

 

KUAI O EKOLU LO'I KALO MA KE AWAWA O PAUOA.

 

            Ma ka Poaono, Novemaba 7. 1903, a ma ka hora 12 awakea, ma ke @ iho o ka Hale Hookolokolo e kuai ia aku ai ma ke kudala akea ka hoolimalima o ekolu lo'i kalo, o Waih@ @apaloa, Awawa o Pauoa. Honolulu, Oahu.

            Manawa Hoolimalima:-5. makahiki.

            Uku-hoolimalima haahaa: $22@ no ka makahiki hookahi, uku mua i kela ame keia mahina-E hoomaka ana ka hoolimalima i Iulai 1, 1904.

            No na mea aku i koe e ike ae i ke Keena Aina Aupuni, Honolulu.

            E. S. BOYD.

            Komikina o na Aina Aupuni.

            Keena o na Aina Aupuni, Okatoba 7, 1903.

2984-Oct. 9. 16. 23.

 

HOOLAHA AINA AUPUNI.

 

KUAI O NA AINA AUPUNI O PUUEO.

 

            Ma ka Poaono, Novemba 7, 1903. ma ka hora 12 awakea, ma ke alo iho o ka Hale Hookolokolo, e kuai ia aku ai ma ke kudala akea kekahi apana a mahele o ka aina Aupuni, e waiho ia i Puueo, Kau@, Hawaii. nona ka ili-aina o 218 1-2 Eka oi iki a emi mai.

            Kulana Ku@ Dala Kuike a ma ke dala gula Amerika no hoi.

            Kumukai Haahaa. $3.50 no ka Eka hookahi.

            No na mea aku i koe e ike ae i ke Keena Aina Aupuni, Honolulu.

            E. B. BOYD.

            Komikina o na Aina Aupuni.

            Keena o na Aina Aupuni, Okatoba 5, 1902.

@-O 9, 16, 23.