Ka Nupepa Kuokoa, Volume XLI, Number 42, 16 October 1903 — Page 2

Page PDF (1.64 MB)

This text was transcribed by:  Hannah Carroll
This work is dedicated to:  Windward Community College Class of Spring 2012

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, OKATOBA 16, 1903.

 

KA MOOLELO KAAO O

LAIEIKAWAI

KAHIWAHIWA O PALIULI, KA WAHINE O KA LIULA.

   4                                                                                                      MOKUNA XXIII.

   8

Iho na kaikuahine o Aiwohikupua i Keaau, ia Laieikawai--Ua kanikau lakou no ka make o ke kana a Laieikawai--Loaa o Halaaniani ma ka moeuhane ia lakou--(Kamailio no Halaaniani)--Halawai o Halaaniani me Malio--Ka olelo kauoha a Malio i kona kaikunane--Pii o Halaaniani me Malio i Paliuli--Hele o Laielohelohe i ke kui lehua--Pii hou no o Malio me ke kaikunane, a hana i pupu lehua a hoolei iho imua o Laielohelohe--Pii hou no laua nei a hookani o Malio i ka hano--Hoike o Malio iaia imua o Laielohelohe.

                                                                                          5                                                                                                

A no keia olelo a Malio, hele aku la o Halaaniani e hoohalua mau mawaho o ko Laielohelohe hale me kona ike ole ia mai, kokoke alua anahulu kona hoohalua ana, alaila, ike ola i ka Laielohelehe hana, he kui lehua. Hoomau pinepine aku la oia a nui na la, aia no oia e hoomau ana i kana hana he kui lehua. Hoi aku la o Halaaniani e halawai me ke kaikuahine e like me kana kauoha, a ha'i aku la i na mea ana i ike ai no Laielohelohe. A lohe o Malio i keia mau mea, alaila, ha'i aku la oia i na mea hiki ke hanaia aku no Laielohelohe e kona kaikunane, me ka i aku ia Halaaniani, "E hoi oe a ma ka waenakonu o ka po, alaila, pii mai oe i o'u nei i hele aku ai kaua ma kahi o Laielohelohe." Hoi aku la o Halaaniani, a kokoke i ka manawa i kauohaia nona, alaila ala mai la oia a halawai me kona kaikuahine. Lalau ae la kona kaikuahine i ka pu la-i, a hele aku la me kona kaikunane, a kokoke aku la laua ma kahi a Laielohelohe e kui lehua mau ai. Ia manawa, olelo aku la o Malio ia Halaaniani. "E pii oe maluna o kekahi laau, ma kahi ou e ke aku ana ia  Laielohelohe, a malaila oe e noho ai. E hoolohe mai oe i ke kani aku a kuu pu la-i, elima a'u puhi ana, in a ua ike oe e a u ana kona mau maka i kahi i kani aku ai ka pu la-i, alaila ka hoi loaa ia kaua, aka hoi, i aluli ole ae kona mau maka i kuu hookani aku, alaila, aole e loaa ia kaua i keia la." Ia laua no e kamailio ana no keia mau mea, uina mai ana kahi a ua o Laielohelohe e kui lehua ai, i nana aku ka hana o laua o Laielohelohe e ha'iha'i lehua ana. Ia manawa, pii ae la o Halaaniani ma kekahi kumu laau a nana aku la. Iaia nei maluna o ka laau, kani ana ka pu la-i a Malio, kani hou aku la o ka lua ia, pela a hiki i ka lima o ke kani ana o ka pu la-i, aole o Halaaniani i ike iki ua huli ae ka maka a hoolohe i keia mea kani. Kali mai la o Malio o ka hoi aku o Halaaniani e a'i aku i kana mea i ike ai , aole nae i hoi aku, nolaila, hoomau hou aku la o Malio i ke puhi i ka pu la-i elima hookani ana, aole no i ike iki o Halaaniani i ka nana o Laielohelohe i keia mea, a hoi wale no. Hoi aku la o Kalaaniani a kamailio aku i kona kaikuahine, I mai la kona kaikuahine, "Loa'a ole ae la ia kaua i ka pu la-i, i kuu hano aku ia loaa?" Hoi aku la laua ma ko laua wahi, a ma kekahi kakahiaka ae, hiki hou no laua i kahi mua a laua i hoohalua ai. Ia laua nei a hiki iho, hiki ana no o Laielohelohe ma kona wahi mau. Mamua nae o ko laua hiki ana aku, ua ha'i mua aku o Malio i kana olelo i kona kaikunane penei. "E haku oe i lehua, e huihui a lilo i mea hookahi a i lohe oe i kuu hookani aku i ka hano, oia kou wa e hookuu iho ai i kela ia mea." Pii ae la o Halaaniani iluna o kekahi laau ma kahi kupono ia Laielohelohe. Ia wa no, kani aku la ka hano a Malio, ia wa no hoi ko Halaaniani hoolei ana iho i ka popo lehua mai luna iho o ka laau, a haule pololei iho la ma ke alo ponoi o Laielohelohe. Ia manawa, alawa pono ae la na maka o Laielohelohe iluna, me ka olelo ae, "Ina he kane oe ka mea nana keia makana, ame keia hano e kani nei, alaila, na'u oe, in a he wahine oe, alaila, i aikane oe na'u." A lohe o Halaaniani i keia olelo, he mea manawa ole ia noho ana ilalo e hui me kona kaikuahine. Ninau mai o Malio, ha'i aku la oia i kana mea i ike ai no Laielohelohe. I aku o Malio ia Halaaniani, "E hoi kaua a kakahiaka hiki hou mai kaua ianei, ia manawa e lohe maopopo aku ai kana i kona manao." Hoi aku la laua , a ma kekahi a ma kekahi kakahiaka ana ae pii hou aku la. Ia laua i hiki aku ai a noho iho, hiki mai la o Laielohlohe ma kona wahi mau e kui lehua ai. Ia manawa, hookani aku la o Malio i ka hano ia Laielohelohe e hoomaka aku ana e ako lehua, aole nae e hiki, no ka mea, ua lilo loa o Laielohelohe i ka hoolohe i ka mea kani. Ekolu hookani ana a Malio i ka hano. Ia manawa no, pane mai o Laielohelohe, "Ina he wahine oe ka mea nana keia hano, alaila, e honi no kaua." A no keia olelo a Laielohelohe, hoopuka aku la o Malio imua o Laielohelohe, a ike mai la keia iaia nei, a he mea malihini hoi ia i ko Laielohelohe mau maka. Ia wa. hoomaka mai la kela e hooko e like me kana olelo mua ma ka honi ana o laua. A no ka hahai ana mai o Laielohelohe e honi me Malio, i aku o Malio, "Alia kaua e honi, me kuu kaikunanae mua oe e honi aku ai, a pau ko olua manawa, alaila, honi aku kaua." I mai o Laielohelohe, "E hoi oe a kou kaikunane, mai hoike mai iaia imua o'u, e hoi olua ma ko olua wahi, mai hele hou mai. No ka mea, o oe wale no ka'u mea i ae aku e haawi i ko'u aloha nou ma ko kaua honi ana, aole au i ae me kekahi mea e ae. Ina e hooko au i kau noi, alaila ua ku-e wau i ka olelo a ko'u mea nana e malama maikai nei." A lohe o Malio i keia olelo, hoi aku la a ha'i i kona kaikunane, me ka i aku. "Ua nele ae nei kaua i keia la, aka, e hoao wau ma kuu mana, i ko ai kou makemake." Hoi aku la laua a hiki i ka hale, ia manwa, kena ae la oia ia Halaaniani e hele e makai aku ia Laieikawai. Ia Halaaniani i hiki aku ai ma Keaau, mamuli o ke kauoha a kona kaikuahine, aole oia i ike a i lohe hoi no Laieikawai.

MOKUNA XXIV.

Iho o Waka i kai o Keaau, a halawai me Kekalukaluokewa--Kaolelo kauoha a Waka ia Kekalukaluokewa --Hoi o Waka i paliuli--Ka olelo a Malio i kona kaikunane--Laweia o Laieikawai me na kaikuahibne o Aiwohikupua i Keaau, e Kihanuilulumoku--Ike o Laieikawai ia Halaaniani, kana kane--Lilo o Laielohelohe ia Halaaniani--Pii o Kekalukauokewa e hai aku ia Waka--Lilo loa o Laielohelohe ia Kekalukaluokewa--Hoohilahilaia o Laieikawai e Waka--Hoi o Laieikawai ma i Olaa--Hoi o Kekalukaluokewa me Laielohelohe i Kauai, a noho ma Pihanaakalani--(Kamailio no ka laoaa ana o Laieikawai ia Hulumaniani, ka Makaula.

 

Ia manawa nae ana i hiki aku ai, lohe iho la o Halaaniani, he la nui no Kekalukaluokewa, he la hookahakaha, no ka hoao o Laielohelohe me ua Kekalukaluokewa nei. A maopopo iho la ia Halaaniani ka la hookahakaha o nalii, hoi aku la oia a haʻi aku la i kona kaikuahine no keia mea. Ia Malio i lohe ai. olelo ae la oia i kona kaikunane. "A hiki i ka la hookahakaha o Kekalukaluokewa me Laielohelohe, oisa ka la e lilo ai o Laielohelohe ia oe." A he mea mau hoi i na kaikuahine o Aiwohikupua ka iho i kai o Keaau e hoohalua ai no ka lakou kane, no ka make a make ole paha. I ua mau kakuahine nei o Aiwohikupua e iho ana i Keaau, lohe lakou he la nui no Kekalukaluokewa me Laielohelohe. I ke kokoke ana aku i ua la nui nei, iho aku la o Waka mai Paliuli aku e halawai me Kekalukaluokewa. I aku o Waka ia Kekalukaluokewa, "Apopo, i ka puka ana o ka la, e kuahaua oe i na kanaka apua, ame kou alo alii e hele aku ma kahi au i hoomakaukau ai no ka hookahakaha, malaila e akoakoa ai na mea apau. Ia manawa e hele aku oe hoike mua ia oe, a kokoke aku i ke awakea, alaila, e hoi oe i kou hale; aia a hiki aku mahope liho o ka auwina la, ia manawa e hoouhi aku wau i ka noe maluna o ka aina, a maluna hoi o kahi e akoakoa ai na kanaka. "Aia a hoomaka mai ke poi ana o ka noe ma ka aina, alaila, e kali oe ia wa, a lohe oe i ka leo ikuwa a na manu a haalele wale; ali hou aku oe ia wa, a lohe hou oe i ka leo ikuwa hou o na manu a haalele wale, a mahope o ia manawa, e hoopau aku no wau i ka noe maluna o ka aina, alaila e nana oe ia uka o Paliuli, i pii ka ohu a uhi iluna o na kuahiwi, ia manawa e uhi hou ana ka noe e like me mamua. "E kali oe ia manawa, in a e lohe oe i ke keʻu a ka Alae ame ka leo o ka Ewaewaiki e hoonene ana. Ia manawa, e puka oe mai ka hale nei aku, a ku mawaho o ke anaina. "Hoolohe oe a e kupinai ana ka leo o na manu Oo, a haalele, alaila, ua makaukau wau e hoouna mai ia Laielohelohe. "A i kupinai mai ka leo o na Iiwipolena, alaila, aia ko wahine ma ke kihi hema o ka aha. A ma ia hope koke ia oia manawa, e lohe auanei oe i ka leo o na Kahuli e ikuwa ana, ia manawa e hui ai olua ma ke kaawale. "Ia olua e hui ana, hookahi hekili e kui ia manawa, nakolo ka honua, halulu ka aha apau. Ia manawa e hoouna aku wau ia olua maluna o na manu, a mao ae ka ohu ame  ka noe, aia olua e kau aku  ana iluna o na manu me ko olua nani nui. Ia Manawa e ku ai ka makaia o Laieikawai, i ike ai oia i kona hilahila, a holo aku me he pio kauwa la." A pau keia mau mea, hoi aku la o Waka iuka o Paliuli. Mamua iho nei, ua oleloia ua hiki aku o Halaaniani i Keaau, e ike i ka pono o kana wahine (Laieikawai), a ua oleloia no hoi, ua lohe oia he la hookahakaha no Kekalukaluokewa me Laielohelohe. I kela la a Waka i hiki ai i Keaau e halawai me Kekalukaluokewa, e like me ka kakou ike ana maluna ae. Oia ka la a Malio i olelo aku ai ia Halaaniaani e hoomakaukau no ka iho e ike i ka la hookahakaha O Leilohelohe ma; me ka i aku nae o Malio i kona kaikunanae, "Apopo, i ka la hookahakaha o Laielohelohe me Kekalukaluokewa, ia manawa e lilo ai o Laielohelo @@@@ oe, no laua auanei ka hekili e ku'i, a mao ae ka ohu ame ka hoe, alaila, e ike auanei ka aha apau, o oe ame Laielohelohe ke kau pu mai iluna o na eheu o na manu." I ke kakahiaka nui o kekahi la ae, oia hoi ka la hookahakaha o ua mau Alii nei, kilia aku la o Kihanuilulumoku, a hele mai la imua o na kaikuahine o Aiwohikupua kona mau kahu nana e malama. Ahiki mai la ua moo nui nei, olelo aku la o Kahalaomapuana, "I kilia aku nei oe e lawe ae oe ia makou i kai o Keaau, e nana makou i ka la hookahakaha o Kekalukaluokewa, aia a hiki i ka auwina la a mahope iho oia manawa e kii mai oe a iho aku kakou." Hoi aku la o Kihanuilulumoku, a hiki i ka manawa i kauohaia'i, a hele mai la. I ua moo nei i hoomaka ai e hele mai imua o kona mau Haku, aia hoi, ua uhi paa ia ka aina i ka noe mai uka o Paliuli a puni ka aina; aka, aole i wikiwiki o Kihanuilulumoku i ka lawe i kona mau Haku, no ka mea, ua maopopo no ia Kihanuilulumoku ka manawa e hui ai na'lii. A ike o Kekalukaluokewa i keia noe i uhi mua mai maluna o ka aina, alaila, hoomanao ae la ia i ke kauoha a Waka. Kakali hou aku la no oia i na hoailona i koe.  Mahope iho oia manawa, lohe ae la kela i ka leo o ka Ewaewaiki ame ke Kahuli, ia manawa, puka aku la o Kekalukaluokewa mai kona hale aku a ku mawaho o ka aha, ma kahi kaawale. I kela manawa, oia ka manawa a Kihanuilulumoku i Kuu aku ai i kona alelo i waho i noho iho ai o Laieikawai me na kaikuahine o Aiwohikupua. A i ke kui ana o ka leo o ka hekili, uhi ka ohu ame ka noe, a i ka mao ana ae, i nana aku ka hana o ka aha, aia o Laielohelohe me Halaaniani e kau mai ana iluna o na eheu o na manu. Ia manawa no hoi, i keia mai la o Laieikawai me na kaikuahine o Aiwohikupua e kau mai ana iluna o ka alelo o Kihanuilulumoku ka moo nui o Paliuli. Ia lakou i hiki ai i kela manawa hookahi me na mea nona ka la hookahakaha; aia hoi ua ike aku la o Laieikawai ia Halaaniani aole i make, alaila, hoomanao ae la oia i ka olelo wanana a Kahalaomapuana. I kela manawa a Kekalukaluokewa i ike aku ai e kau mai ana o Halaaniani me Laielohelohe iluna o na manu, alaila, manao ae la o Kekalukeluaokewa i kona nele ia Laielohelohe. Ia manawa, pii aku la o Kekalukaluokewa iuka o Paliuli, e ha'i aku i keia mea ia Waka. A ha'i aku la o Kekalukaluokewa ia Waka i keia mau mea, "Ua lilo o Laielohelohe ia Halaaniani, aia oia ke kau pu la me Halaaniani i keia manawa." I mai la o Waka, "Aole e lilo iaia, aka, e iho aku kaua a kokoke aku wau ik a aha, in a ua haawi aku oia i kona ihu e honi aku ia Halaaniani, ka mea a'u i kauoha aku ai aole e lilo i ka mea e ae, a ia oe wale no e laa'i ka ihu o kuu moopuna, a laa pu no hoi me kona kino, alaila ua nele kaua i ka wahine ole, alaila, e lawe aku oe ia'u i ka lua me ko minamina ole.  Aka hoi, ua hoolohe aku la ia i kaʻu kauoha, aole e lilo i kekahi mea e ae, aole no hoi e lilo ka leo ma kona pane ole aku ia Halaaniani, alila, ua wahine no oe, ua hoolohe no kuu moopuna i ka'u olelo." Ia laua i kokioke aku ai e hiki, hoouna aku la o Waka i ka noe ame ka ohu maluna o ka aha, a ike ole kekahi i kekahi. Ia manawa i hoouna aku ai o Waka ia Kekalukaluokewa maluna o na manu, a i ka mao ana ae o ka noe, aia hoi e kau pu mai ana o Laielohelohe me Kekalukaluokewa iluna o na manu, alila uwa ae la ke anaina kanaka a puni ka aha, "Hoao na'lii e!!" A lohe o Waka i keia piha uwa, alaila, hiki mai la o Waka imua o ka aha, a ku mai la iwaenakonu o ke anaina, a hoopuka mai la i olelo hoohilahila no Laieikawai. Alohe o Laiekawai i keia leo hoohilahila a Waka iaia wakania iho la kona naau, ame na kaikuahine pu kekahi o Aiwohikupua, ia manawa lawe aku la ke alelo o Kihanuilulumoku ia lakou a noho iuka o Olaa, oia ka hoomaka ana o Laieikawai e hoaaia i kona hilahila nui no ka olelo a Waka, a hele pu no hoi me kona mau hoa. I kela la, hoao ae la o Kekalukalukewa me Laielohelohe, a hoi aku la iuka o Paliuli a hiki i ko lakou hoi ana i Kauai.  (Alilo iho la o Halaaniani i me  nele loa, aole on a kamailio i koe. Noho iho la o Kekalukaluokewa me Laielohelohe ma Paliuli a pau na la, hoomakaukau ae la lakou e hoi i Kauai, a ma ko ke Alii kane manaopapa, e hoi no i Kauai, lawe ae la oia i kana wahine, ame ko laua kupunawahine i Kauai, o na kanaka pu me lakou. A makaukau lakou e hoi, haalele lakou ia Keaau, hiki mua lakou i Oahu nei, ma Honouliuli, a lawe ae la ia Kapukaihaoa me lakou i Kauai, a hiki lakou i Kauai, ma Pihanakalani, a ili ae la ka hooponopono o na aina ame ke aupuni ia Kapukaihaoa, a hooliloia iho la o Waka oia ke kolu o ka hooilina o ka nohoalii. (Ma keia wahi, e kamailio lakou no Laieikawai, ame kona loaa ana i ka Makaula ia Hulumaniani.) Ia Laieikawai ma ma Olaa, e noho ana no oia me kona nani, aka, o ka mana noho iluna o ka eheu o na manu, oia ka mea i kaawale mai o Laieikawai aku, koe no nae kekahi mau kahiko e ae, ame kekahi mau hoailona alii iaia, mamuli o ka mana i loaa i na kaikuahine o Aiwohikupua, mai a Kihanuilulumoku ae. (Aole i pau.)

 

MA KE KAUOHA

HOOLAHA MANA HOOKO.

Ma ke kauoha a ke Kiaaina e haawi la i hoolaha no na Wahi Koho Balota e like me ia malalo iho ame na Lunanana o ke Kau Koho Balota no ke KKKau Koho Balota e malamala ai i ka la ekolu (3) o Novemaba, 1903, no ke koho balota ana no na luna Kalana. O ka in a mua o ka Lunanana o keia ame kela mahele e hana oia ma ke ano he Lunahoomalu.

APANA EKAHI, KALANA O HAWAII HIKINA.

Mahele   1.  Wahi koho blota. Hale Hookolokolo o Pohoiki. Lunanana Koho Balota:  H. E. Wilson.  Lunahoomalu: J.N. Kamoku ame Kauka J. Holland.

Mahele   2.  Wahi Koho Balota. Haleilio o ka Papa Alanui i ka Mile 11 3-4. Alanui Luapele. Lunanana Koho Balota;  W. M. McQuaid. Lunahoomalu; W. B. Nailima, Jr., ame J. W. Kekoakulana.

Mahele   3.  Wahi Koho Balota: Haleukana o Davies & Co., kihi o na alanui Kalepolepo ame Waiakea.  Lunanana Koho Balota; David Spaulding. Lunahoomalu:  C. N.  Prouty  ame  Wm. Geo. Kaihenui.

Mahele   4.  Wahi Koho Balota: Hale Hookolokolo Kaapuni, Hilo.  Lunanana Koho Balota:  Wm. Vanuatta. Lunahoomalu:  Ira E. Ray ame David Ewaliko.

Mahele   5.  Wahi Koho Balota:  Halekula o Papaikou. Lunanana Koho Balota:  J. T. Moir. Lunahoomalu:  J. M. Kauhi ame Siomeona Paaluhi.

Mahele   6.  Wahi Koho Balota:  Hale Hookolokolo o Honomu. Lunanana Koho Balota:  J. B. Oliviera.  Lunahoomalu:  Wm.  Hay ame H. K. Unea.

Mahele   7.  Wahi Koho Balota.  Hale Hookolokolo o Laupahoehoe.  Lunanana Koho Balota:  E. W. Barnard. Lunahoomalu;  C. H. Swain ame B. M. Kahue.

Mahele   8.  Wahi Koho Balota.  Halekula o Kaohe.  Lunanana Koho Balota Albert Horner, Lunahoomalu:  S. W. Kauwahipaula, ame Henry Louisson.

Mahele   9.  Wahi Koho Balota.  Hale Hookolokolo o Honokaa.  Lunanana Koho Balota:  Chas. H. Fox.  Lunahoomalu:  John Ai ame Geo F. Hall.

Mahele 10. Wahi Koho Balota.  Halekula o Kukuihaele.  Lunanana Koho Balota:  Wm. Horner.  Lunahoomalu:  T. N. Naleilehua, ame J. G. Jones.

APANA ELUA, KALANA O HAWAII KOMOHANA

Mahele   1. Wahi koho Balota. Hale Hookolokolo Kaapuni o Kohala. Lunanana Koho Balota: Geo. P. Tulloch.  Lunahoomalu:  Joseph Hussy ame Robert K. Naipo.

Mahele   2.  Wahi Koho Balota.  Hale Hookolokolo o Waim a.  Lunanana Koho Balota:  J. Crowley.  Lunahoomalu:  Chas. B. Wells ame D. W. K. Maialoha.

Mahele   3.  Wahi Koho Balota.  Hale Hookolokolo Kaapuni, Kailua.  Lunanana Koho Balota:  Thomas Aiu, Lunahoomalu:  J. L. Kawewehi ame J. K. Laioha.

Mahele   4.  Wahi Koho Balota:  Halekula o Konawaena, Lunanana Koho Balota:  W. Henry Greenwell.  Lunahoomalu:  John Keawehawaii ame R. Wassman.

Mahele   5.  Wahi Koho Balota.  Hale Hookolokolo o Hookena.  Lunanana Koho Balota:  Geo. W. McDougall.  Lunahoomalu:  J. Nahinu ame Jos. Kaeo.

Mahele  6.  Wahi Koho Balota.  Halekula o Papa.  Lunanana Koho Balota:  F. Buchholtz.  Lunahoomalu:  Sam. K. Kaaiailii ame D. Kaupiko.

Mahele  7.  Wahi Koho Balota.  Hale Hookolokolo o Waiohinu.  Lunanana Koho Balota:  Robert L. Wilhelm.  Lunahoomalu:  David K. Wailehua ame F. C. Eaton.

Mahele  8.  Wahi Koho Balota.  Halekula o Pahala.  Lunanana Koho Balota.  W. P. Fenell.  Lunahoomalu:  J. J. Kaaka ame J. K. Hoopii.

APANA EKOLU, KALANA O MAUI

Mahele  2.  Wahi Koho Balota.  Hale Hookolokolo o Pukoo.  Lunanana Koho Balota:  J. H. Mahoe.  Lunahoomalu:  D. McCorriston ame John Kamai.

Mahele  3.  Wahi Koho Balota.  Hale Hookolokolo Kaapuni, Lahaina.  Lunanana.  Koho Balota:  Henry Dickenson.  Lunahoomalu:  C. V. Dudoit ame A. Makekau.

Mahele  4.  Wahi Koho Balota.  Halekula o Honokohau.  Lunanana.  Koho Balota:  Geo. Kahui.  Lunahoomalu:  D. Kapaku ame L. K. Kalama.

Mahele  5.  Wahi Koho Balota.  Halekuai o Kahalepalaoa.  Lunanana Koho Balota:  S. Kahoohalahala.  Lunahoomalu:  M. Kealakaa ame Chas. Gay.

Mahele  6.  Wahi Koho Balota.  Hale Hookolokolo Kaapuni, Wailuku.  Lunanana Koho Balota:  Kauka R. W. Boote.  Lunahoomalu:  Moses Kauhi mahu ame Jas. L. Coke.

Mahele  7.  Wahi Koho Balota.  Haleamara ma ke Alanui Puunene.  Kahului.  Kunanana Koho Blota:  D. Quill.  Lunahoomalu:  A. C. Kanaeholo ame J. J. Walsh.

Mahele  8.  Wahi Koho Balota.  Halema'i ma Kihei.  Lunanana Koho Balota;  C. G. Hofgaard.  Lunahoomalu:  Sam. Kuula ame H. T. Batelle.

Mahele  9.  Wahi Koho Balota.  Hale Hookolokolo o Makawao.  Kunanana Koho Balota:  George Forsyth.  Lunahoomalu:  E. H. Kekapa ame Noa Kamakau.

Mahele 10. Wahi Koho Balota.  Halewiliko o Hamakuapoko.  Lunanana Koho Balota:  W. S. Nicoll.  Lunahoomalu:  J. H. Nui ame Henry Long.

Mahele 11. Wahi Koho Balota.  Halekula o Huelo.  Lunanana Koho Balota;  J. R. Meyers.  Lunahoomalu:  J. Vincent ame D. N. Opunui.

Mahele 12. Wahi Koho Balota.  Halekula o Keanae.  Lunanana Koho Balota:  Chas.  Haul.  Lunahoomalu:  D. W. Napihaa ame D. W. Kawahamae.

Mahele 13. Wahi Koho Balota.  Hale Hookolokolo o Hana.  Lunanana Koho Balota:  F. P. Rosecrans.  Lunahoomalu:  G. W. Kauhane ame B. K. Kaiwiaea.

Mahele 14. Wahi Koho Balota. Halekula o Kipahulu.  Lunanana Koho Blota:  R. M. H. Kame.  Lunahoomalu:  J. K. Piimanu ame P. M. Kaiuna.

Mahele 15. Wahi Koho Balota. Hale Hookolokolo.  Honuaula.  Lunanana Koho Balota:  A. S. K. Kaholokai.  Lunahoomalu:  Ed. Wilcox ame G. K. Kunukau.

APANA EHA, KALANA O OAHU.

Mahele  1.  Wahi Koho Balota.  Halekamala i ka pau ana o ke Alanui Punahou.  Lunanana Koho Balota:  John Effinger.  Lunahoomalu.  Harry Macfarlane ame Stephen Umauma.

Mahele  2.  Wahi Koho Balota. Halekamala kihi o na alanui Kinau ame Piikoi.  Lunanana Koho Balota. C. M. White.  Lunahoomalu:  W. C. Wilder ame W. H. K. Omakekau.

Mahele  3.  Wahi Koho Balota.  Ka Hale ma ke Kono ana aku o ka @@@ wai lalo o Alanui Nuuanu @@@@ Lunanana Koho Balota:  F. P. M. @@@@yre.  Lunahoomalu:  Albert Waterhouse ame J. P. Kahahawai.

Mahele  4.  Wahi Koho Balota. H. @@@@ kamala Emma Kuea.  Lunanana Koho Balota.  William Savidge.  Lunahoomalu:  T. C. Polikapu ame @@@@ Angus.

Mahele  5.  Wahi Koho Balota. @@@@puaiwa Hale.  Lunanana Koho Balota:  A. F. Cooke.  Lunahoomalu:  @@@@ Lilikalani ame J. Mahoney.

Mahele  6.  Wahi Koho Balota.  Honolulu Hale.  Lunanana Koho Balota:  C. C. Swain.  Lunahoomalu:  @@@@ ame John M. Mahuka.

Mahele  7.  Wahi  Koho Balota. Halekula o Waimanalo.  Lunanana Koho Balota::  G. C. Chalmers. Lunahoomalu:  John Kekuku ame A. Irvin.

Mahele  8.  Wahi Koho Balota. @@@@ Thomas (Kamaki) Kuea ma @@@@ E. Fisher. Lunahoomalu:  Fred @@@@ ame Geo. E. Smithies.

 

APANA ELIMA, KALANA O OAHU.

Mahele  1.  Wahi Koho Balota.  Hale Hookolokolo o Kaneohe.  Lunanana Koho Balota:  H. Cobb Adams.  Lunahoomalu:  S. L. Kauai ame E. @@@@.

Mahele  2.  Wahi Koho Balota.  Hale Hookolokolo o Koolauloa.  Lunanana Koho Balota:  A. W. Crockett.  Lunahoomalu:  J. Keanu ame Jos.@@@@.

Mahele  3.  Wahi Koho Balota.  Hale Hookolokolo o Waialua.  Lunanana Koho Balota:  W. L. Wond.  Lunahoomalu:  Oscar Cox ame Chas. Davis.

Mahele  4.  Wahi Koho Balota.  Hale Hookolokolo o Waianae.  Lunanana Koho Balota:  S. K. Hui ame S. N. Ka@@@@ha.

Mahele  5.  Wahi Koho Balota. Hale hulahula o Ewa.  Lunanana Koho Balota:  P. A. Swift.  Lunahoomalu:  W. P. Johnson ame B. Starr Kapu.

Mahele  6.  Wahi Koho Balota.  Hale Hookolokolo o Ewa.  Lunanana Koho Balota:  W. G. Ashley.  Lunahoomalu: Kauka Williams ame John F. Ka@@@@.

Mahele  7.  Wahi Koho Balota.  @@@@kahi a kokoke i ka Hale Kaawai o Palama.  Lunanana Koho Balota:  H. C. Birbe, Jr.. Lunahoomalu:  John K. Kaaeae ame Benjmaine Kanelehalau.

Mahele  8.  Wahi Koho Balota.  Hale ukana o W. C. Achi, kokoke i ke kihi akau o na alanui Liliha ame @@@@.  Lunanana Koho Balota:  Moreno @@@@.  Lunahoomalu.  Asa  Kauhi ame E. P. Sullivan.

Mahele 9.  Wahi Koho Balota.  Hale kamala ma ka huina o na alanui Kuakini ame Nuuanu.  Lunanana Koho Balota:  A. W. Neely:  Lunahoomalu:  S. H. Kameakapu ame C. F. Alexander.

Mahele 10. Wahi Koho Balota.  Ke Kihi Komohana o na alanui Maunakea ame Pauahi.  Lunanana Koho Balota J. L. Kaulukou.  Lunahoomalu:  Abraham Bolster ame W. K. Ka@@@@huia.

APANA EONO, KALANA O KAUAI.

Mahele  1.  Wahi Koho Balota.  Halekula o Niihau.  Lunanana Koho Balota:  J. B. Kaomea.  Lunahoomalu:  J. W. Kealo ame E. K. Nohekula.

Mahele  2.  Wahi Koho Balota.  Halekula o Kekaha.  Lunanana Koho Balota. O. Omstead.  Liunahoomalu:  J. P. Kalawaawa ame L. Kilauano.

Mahele  3.  Wahi Koho Balota.  Hale Hookolokolo o Waimea.  Lunanana Koho Balota: C. B. Hofgaard.  Lunahoomalu:  S. Makaila ame A. Bomke.

Mahele  4.  Wahi Koho Balota.  Hale kula o Hanapepe.  Lunanana Koho Balota:  H. H. Brodie.  Lunahoomalu:  J. K. Palama ame Walter D. McBryde.

Mahele  5.  Wahi Koho Balota.  Hale Hookolokolo o Koloa.  Lunanana Koho Balota:  David Kapahee.  Lunahoomalu:  James Kula ame Hy. Blake.

Mahele 6.  Wahi Koho Balota.  Hale Hookolokolo o Lihue.  Lunanana Koho Balota:  H. D. Wishard.  Lunahoomalu:  M. K. Kanikanihia ame E. de Lacy.

Mahele  7.  Wahi Koho Balota.  Hale Hookolokolo o Kapaa. Lunanana Koho Balota:  J. W. Neal.  Lunahoomalu:  K. Kaumualii ame S. W. Meheula.

Mahele  8.  Wahi Koho Balota.  Hale kula Aupuni, Kilauea.  Lunanana Koho Balota:  Jas. L. Huddy.  Lunahoomalu:  I. M. Cox ame Robert Scott.

Mahele  9.  Wahi Koho Balota.  Hale Hookolokolo o Wa@@@@.  Lunanana Koho Balota:  C. H. Willis.  Lunahoomalu:  H. K. Kanehe ame C B. Makee.

GEO.  R.  CARTER. Kakauolelo o ka @@@@.  C. R. BUCKLAND, Lunahoopaainoa Koho Balota.  Hale Mana Hooko. Honolulu Okatoba 1, 1903.   2984--Oct. 9, 16, 23, 30.

HOOLAHA AINA AUPUNI.

KUAI O EKOLU LO'I KALO MA KE AWAAWA O PAUOA.

Ma ka Poaono, Novemaba 7, 1902, a ma ka hora 12 awakea ma ke @@@@ iho o ka Hale Hookolokolo e kuai ia aku ai ma ke kudala akea ka hoolimalima o ekolu lo'i kalo, e waiho la  i Kapaloa, Awawa o Pauoa.  Honolulu, Oahu.  Manawa Hoolimalima:--5 mkahiki. Uku-hoolimalima haahaa:  $220.00 @@@@ ka makahiki hookahi, uku mua i keia ame kela eono mahina -- E hoomaka a@@@@ ka hoolimaliima i Iulai 1, 1904.  No na mea aku i koe e ike ae @@@@ Keena Aina Aupuni, Honolulu

E.S. BOYD, KOMIKINA o na Aiina Aupuni.  Keena o na Aina Aupuni. Okatoba 7, 1903.  2984--Oct. 9 16, 23.

HOOLAHA AINA AUPUNI.

KUAI O KA AINA AUPUNI O PUUEO.

Ma ka Poaono, Novemba 7, 1902, a ma ka hora 12 awakea ma ke alo iho i ka Hale Hookolokolo, e kuai ia aka ai ma ke kudala akea kekahi apana @@@@ mahele o ka aina Aupuni, e waiho la i Puueo, Kau, Hawaii, nona ka ili-aina o $18 1-3 Eka oi iki a emi mai. Kulana Kuai:  Dala Kuike a ma ke dala gula Amerika no hoi.  Kumukai Haahaa.  $3.50 no ka Eka hookahi.  No na mea aku i kow e ike ae i ko Keena Aina Aupuni, Honolulu.

E. S. BOYD. komikina o na Aina Aupuni. Keena o na Aina Aupuni, Okatoba 6, 1903. @@@@--Oct. 9, 16, 23.