Ka Nupepa Kuokoa, Volume XLI, Number 41, 9 October 1903 — FRANK PAHIA. [ARTICLE]

FRANK PAHIA.

O Mr. Frank Pahia ka moho no ka T unn Kiai no ka Apana x Elima. he keonimana o Frank Pahia I kamaaina i na poe koho apau o ka Apana Elima: he makaukau ma ke kanawai, Ana Aina ame na lawelawe hana maoli ana. Mamuli o ka noho akahele ana, ua lawa no ke kuonoonoo e hiki ai e kii rna. ke ano kuokoa ma ke kulana ana e holo nei. ' Oiai oia he Hope Ilamuku "no ke Aupuni, ua nui kona mahaloia no ka oluolu ame ka waipahe o kana mau lawelawe ana. He Hawaii hoi i loaa na hilina! ia ana e na poe kuonoono o ka aina, a he mea hoi na na Hawaii e haaheo ai ka hookau ana aku i keia hanohano maluna o ua keonimana nei. E na Koolau «e! E ku ana anei olua a nana maka mal i ka olua keiki hiialo? E "Waialua i ke Kai o Puaena ofa nei kau e koho ai, ola na Hawaii. t E "Walanae. e kahi e ku la na niu kaulana o Poka-i,. e haawi ae la Frank Pahia i kau mau kokua ana, a e ku mai ana na opelu ame na akule. E Ewo. i ka i'a hamau leo! Hamau la. hoolono ia a pua ae ka leo kahea ia mai keiki —e koho ia Frank Pahia, he kamaaina oluolu. a e nana ana me ka makaleho i kou mau oono. E na kupa o ka TJa Kukalahale o Honolulu. e nana ae me ka ewaewa ole ia Frank Pahia, he keiki I lehia i kou mau poopoo, he keiki nau i hapai ae, h® keonimana au e hoohewahewa ole ai. Oia ka moho lanakila kou mau kulana holomua; a ola ka hune ame ka walwai.