Ka Nupepa Kuokoa, Volume XLI, Number 41, 9 October 1903 — Eueu Nui ka Hana Kalaiaina ma Maui AIA NA REPUBALIKA I KAHUA MA NA MOKUPUNI. HULUI PAU HOI NA HOME RULA NO KA PAIO ANA. [ARTICLE]

Eueu Nui ka Hana Kalaiaina ma Maui

AIA NA REPUBALIKA I KAHUA MA NA MOKUPUNI.

HULUI PAU HOI NA HOME RULA NO KA PAIO ANA.

MAUI, Okatoba 3.—Ua mehameha na paia o Wailuku me na lea kalaiaina i kela manawa no ka mea aia lakou ma na wahi apau o ke kaiana no ka paio ana ma keia kau holo balota o na moho luna aupuni kalana. O na moho Repubalika ua mahele la ae lakou iloko o na mahele elua, hookahi e hele ana i Molokai a o kekahi e hoomaka ana ma ka aoao hikina o Maui mai Huelo aku.

O ka mahele no Molokal, oia na lunakiai hui pu la me Noa Aluli ame David Morton a o W. T. Robinson ame Lunakanawai McKay ame Hon. S. E. Kalaina o lakou ka i hala aku no Huelo e hoomaka ana i Pauwela. Inehinei ko lakou heie ana a hoomaka no i ka hana. Ua loaa pu ia lakou ka manao e hooaumoe aku i Keanae ke akakuu mai ka lno o ka ua. O na Home Rula hoi kekahi e hooikaika nei ma ka wae ana i na haiolelo maikai no ke kokua ana i ka lakou mau moho. Ua nee ae ka lakou hoeueu haiolelo kalaiaina ma Hana ae, a e nēe ae ana malaila ae a hikl i Ulupalakua, Ma ka nana aku i na paio ana he mea paakiki ke kuailo mua ae i ka mea e lawe haaheo ai i ka lanakila o ka ia koho balota.

KELA AME KEIA. 0 ke kula leno ulaula o Kihei ame ko Kula e hoowaiwaiia aku ana 1a mau kula ma ke kanu ko ke hlki aku ka hookahekahe. O ka wai e hoolakoia ai keia mau kula mai na kahawai mai no ia o ke Koolau. E noho ana ka Ahahui Kula Sabati o ka Mokupuni o Maui i I>4haina ma kona kau mau. E eleu ae na lala e pono ai na hana. 1 keia pule i holo aku ai o Mrs. Kahokuoluna i Honolulu no ka ike ana i ke keiki e waiho ma'i nei i ,ke Kula o Kamehameha. Nui ka hana a na hope makai nul no na hana o ka Aha Hookolōkolo, e noho ana i Wailuku ma ka la 14 o keia mahlna. Ma ke kanawai i hooholola iho nei e ka Ahaolelo e malama ai ka Aba Hookolokolp Kaapuni Elua he ekolu nian kau kiure o ka makahiki aole he elua e like me ka maa. E malamala ana i iloko o Malaki, lune ame Okatoba.