Ka Nupepa Kuokoa, Volume XLI, Number 41, 9 October 1903 — Hoomaka na Hana Hoeueu Koho Balota. KOMO HANA NA REPUBALIKA O HAWAII. WEHEIA KE KAHUA OIHANA HA HILO. [ARTICLE]

Hoomaka na Hana Hoeueu Koho Balota.

KOMO HANA NA REPUBALIKA O HAWAII.

WEHEIA KE KAHUA OIHANA HA HILO.

HILO, Okatoba 2.—0 na hana hoeueu o ke kau holo balī>ta o ke Kalana o Hawaii Hlkina eia ke holomua nei a e hana aku ana me ka hakalia ole a hiki i ka panina o ka manawa oia ka la koho toalota. I Puna l keia pule iho i hele aku ai o L A. Andrews ame Geo. "Wiliiams ame S. L. Desha e malama i ka lakou halawai haiolelo kaiaiaina a ua nul e ko laila mau Hawaii. • Ma ka Poakahi i malama al lakou i ka halawai 1 Kapoho a ua ohohia nui ko laila mau kini, a i ke awakea Poalua ma Opihikao, a ia ahiahi no i Kalapana kahi manoanoa o na Home Rula ela nae ua hookipa maikai ia lakou me ka pulama ohaoha ia o ka lakou mau olelo. Iloko iho o Hilo, eia na Repubalika ke liuliu nel 1 na hana hoeueu nui. Ua hoolalaia a ua pau i ka hoonohonohoia na hana no ka hoonee ana i na hana imuA. E hoonohoia aku i poe kanaka kupono a maikai no na kokua ana 1 ka papainoa o na moho Repubalika noloko o ke Kalana o Hawali Hikina. NA KEENA O NA REPUBALIKA.

Na wahi hoomoana a keena hoi o na Repubalika o ke Kalana o Hawaii Hikina aia no ia i ke Alanui Waianuenue iloko o ke Kuea o Peaeoek, James D. Lewis ka mea iaia ka mana malama o ke keena a ua konoia na Repubalika o ka Teritorl o Hawaii holookoa e kipa ae ilaila ke hiki aku i Hilo. O keia kahua iho la o na Repubalika na ke komite ia J koho kahi kupono a lakou i noonoo ai ma ka halawai i malamaia i ka Poaono i hala. O na keena ua hoolakoia me na lako i kupono loa no na hana kalaiaina. O ka helu o ke kelepona o ke keena he 122, a o na hana apau e, hoikeia mai ana ma ke keiepona mai na wahi like ole mai o Hawali e noonoo koke ia no a e hoike koke ia aku me ka hoohakalia ole la. I ka po o ka la apopo e kukulula ai na hana hoeueu a pau pu me na luna hoohana o ke kau haiolelo kalaiaina i ke koho aku.—Tiibune.