Ka Nupepa Kuokoa, Volume XLI, Number 41, 9 ʻOkakopa 1903 — Page 5
| This text was transcribed by: | Dorothy Stocking |
| This work is dedicated to: | To the People of Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
Okatoba 9, 1903
Nuhou Kuloko
- - - - -
P@ ke kamailio kinipopo ana i keia @ @ a o ke kinipopo peku wawae @ @ hoohanaia mai nei.
- - - - -
Ua makemake na Repubalika o Laie @ h@le aku na Moho Repubalika mahala e haiolelo ai ma kekahi ahiahi.
- - - - -
K@he ia Moses K. Nakuina ka Moho K@ a no ke Kakauolelo ame Luna Kakau Kope o ke Kalana o Oahu.
- - - - -
Ua ke holomua nei na hana kukulu @ kaa uwila ma ke aianui Papu @ @ aku ana paha na kaa uwila @ keia alanui i kela mau pule iho.
- - - - -
Ua hookohu mai nei o Lunakanawai K@ Kalua o Maui, ia W. J. Coelho @ kakauolelo no ka manawa no k@ @ Hookolokolo Kaapuni Elua.
- - - - -
E@ ka haleleia o ke kulanakauhale @ k@ hoouna nei i na leia no na kua@ i na ia apau o ka pule. Mamua aku nei ma na la mokuahi nui wale @ e hoounaia ai na eke leia.
- - - - -
O ka aoao Repubalika wale no keia @ h@u@u mai nei i keia mau la, o na Home Rula hoi ke nee mai nei ma @ wahi e ike pono ole la aku ai ka @k@ mau hana. Heaha mai nei keia?
- - - - -
Ma ke alo o ka Hale Hookolokolo, Ahioiani Hale, e kudala akea ia aku ai ka hoolimalima o elua lo’i taro e waiho la ma Kapaloa, Awawa o Pauoa, Honolulu, Oahu, ma ka Poaono, Nov. 10.
- - - - -
Ua haawi ae o Maka Lopikana, kekahi o na moho lunakiai a ka Aoao Repubalika, i kekahi luau nui ma kona home i ke ahiahi Poakolu nei no ka poe koho balota a ua nui ka poe i hele aku malaila. Ua haawiia mai he haiolelo e pa moho luna kalana Repubalika i hiki ae malaila.
- - - - -
Ma ka Poakolu, Sept 30, o keia pule iho nei i haawi ae ai o Mr. ame Mrs. G. H. Nahuina i kekahi ahaaina hoomanao lahanau o hookahi makahiki o ka laua kamalei. Aia ka heluna o ka poe i akoakoa ae ma kahi o ka 300 a ua ai a lawa i ka lokomaikai i paneeia mai. O ka pomaikai ke ukali i keia kamaiki i na la anau o kona ola ana.
- - - - -
Ma kela ku ana mai nei a ka mokuahi Kina i loaa mai ai ka lohe ua hoao ae kekahi Pake hehena e lawe i kona ola ma ke oki ana i kona opu me kekahi kui. He kukonukonu kona eha a aohe he maopopo o kona ola. Ua hoopaaia kona mau lima mahope o kona lawelawe ana i keia hana.
- - - - -
Ma ka loheia mai ua pilikia o Waimea, Kauai, i ka wai kupono no ka inu ana, a ua houlolohiia hoi na hana e pili ana i ke kukulu paipu wai e like me na hana aupuni e ae a puni ka Teritori nei. O kekahi hoi, ua loaa aku ke kino make o kekahi Kepani Hoko o ka muliwai, a na ia mea i hoopau i ko na kanaka kii ana i ka wai o ka muliwai.
- - - - -
O KE KAHE MAU O KA HUPE, ola no ka hopena e loaa mai ana ma o ka malama pono ole ana i ka wa e loaa ai i ke anu. Aole e hiki i ka Laau Kunu a CHAMBERLAIN ke hoola i ka ma’i kahe mau o ka hupe, aka, ua hiki iaia ke hoola i ka ma’i anu a pale aku hoi i ke kau ana mai o keia haawina ino. Aole o ka hoola ana i ka mane’o o ka puu ame na akemama kana hana, aka, e hooneia aku no na kumu i ulu mai ai ka ma’i. E hoihoi hou ae no oia i ke kino a loaa ke kulana olakino maikai. E loaa mau no ke ola me ka hikiwawe. Benson, Smith & Co. na agena nana e kuai kukaa nei.
Au i ke Kai no ka Aina Nui.
- - - - -
I ka holo ana aku a ka mokuahi Siberia no Kapalakiko i ke ahiahi P@kahi nei, ua kau aku maluna ona ke Keikialii ame ke Kama’iliwahine Kalanianaole. He nui na hoaloha i hiki aku ma ka uwapo e haawi ai i ko lakou mau aloha a hoomaikai no ka holopono o ka laua huakai no ke kapi@ala o Amerika Huipuia.
Ua ukaliia laua e Morris Keohokalole ka mea a ke Keikialii i koho iho nei i k@kauolelo nana. Mai Kapalakiko aku @ holo loa aku ana ke Keikialii ame kona kakauolelo no ka mokuaina o Ohaio a hui pu me Senatoa Hanna, ka pukaua oolea o ka aoao Repubalika o Amerika Huipuia. E hele aku ana o Kuhio me ia ma na hana kalaiaina o ka mokuaina o Ohaio, a ua loheia ae o Samuela Paka kekahi i noila mai nei e komo pu ma ia hookele kaua kalaiaina ana. Ma keia hui pu ana me Senatoa Hanna e loaa mai ai he mau kakoo ikaika ana i ka elele alii o Hawaii, no ka mea, o keia Senatoa ke kanaka koikoi loa o ka aoao kalaiaina Repubalika.
E hookaulua iho ana ke kama’iliwahine ma Kapalakiko no kekahi manawa.
Na Pipi Wiwi Ehiku me na Pipi Momona Ehiku.
- - - - -
Ma ka haiolelo a William T. Rawlins ma Puunui, ma ke ahiahi Poakahi. Okatoba 5, 1903, ua haawi ae oia i kekahi mau olelo i hauoli loa ai ka lehulehu ma na mea e pili ana i ka moeuhane a Parao.
Wahi ana: I ka moe ana o Parao, keia Alii o Aigupita, loaa aku ia iaia he moe: ike aku ia oia ehiku Bipi momona, a moe hou iho la oia ike aku la oia ehiku Bipi wiwi. Ua ike oukou i na wehewehe ana a Iosepa no ua moeuhane la a Parao, aka, ke makemake nei au ia oukou e ike i ka pili oia me na Luna Kiai Ehiku o ke Kaiana o Oahu, e hoohalike ana au p@ei:
O na Bipi momona ehiku, oia no na Luna Kiai Ehiku a ka Aoao Repubalika, a o na Bipi wiwi ehiku oia no na Luna Kiai Ehiku a ka Aoao Home Rula, nolaila, ina e puka ana na Luna Kiai o ka Aoao Repubalika, e loaa ana ia kakou i makahiki momona a holomua e hoomalu ia ana e na Luna Kiai Ehiku; a ina hoi e puka ana na Luna Kiai a ka Home Rula, o loaa ana ia kakou i makahiki o ka wi a me ka hune; e olohaka ana ka waihona o ke Kalana, a e pau e ana no ka mauu i ka ai ia e na Luna Kiai Ehiku.
Hu ae la ka aka!
Hu ae la ka aka! – Ke Kiai
Na ka Hoao ana no e Hoike ae.
- - - - -
E LOAA NO IA OE NA HOOIAIO LAWA KUPONO MAI KO HONOLULU POE NUPEPA AKU.
- - - - -
Ina e makemake kekahi e loaa ka mea kupono no ka heluhelu ana aole e nele kona hui pu aku me kekahi mea ana i paulele ai.
Ina he hihia hoi ma ke kanawai o ka loio makaukau a maikai a ano koikoi oi@ ka mea mua e huli ai.
Ina i nalowale kou alanui oiai ma na kula panoa, o ke kamaaina ka mea nana e kuhikuhi pono mai, a he kanalua maopopo ina na ka malihini.
Ma ka hoao ana no e hoike mai i ka io o ka moolelo, a oia no hoi ka hoao a na hoaloha ame na hoanoho.
Ua hooiaioia mai na Huaale Kuananeenee ame Puupaa a Doan.
Hiki anei ia oe ke ninau no kekahi i oi ae mamua o keia?
I mai o Mr. James Stevens o keia kulanakauhale, penei:
“He loihi ko’u wa i noho ai iloko o ka akiaki mau a ka hu’i ma ka poli o ko’u iwikuamoo maluna ae o ke kikala, a pela au i hoomanawanui, ai no kekahi manawa loihi a hiki i ko’u hoao ana i ka Huaale a Doan, a’u i kuai ai ma kahi o HOLLISTER DRUG CO. He manawa pokole wale no ko’u o ka ai ana, a ua loaa ia’u ke ola, a’u e olioli mau nei i keia wa a ua hiki ia’u ke kaena i ka oiaio o ke ola o keia laau, a he kupono maoli no na poe apau i loohia i keia ma’i hookahi.
O Mr. Stevens kekahi o ko kakou mau kamaaina. Aole anei e hiki ia kakou ke hilinai i ko kakou poe ponoi, mamua ae o kekahi mea e noho ana ma Amerika?
E kualia ana na Huaale a Doan no ke Kikala Haneenee ame no Puupaa e na poe kawili laau lapaau ame ka poe malama halekuai apau, no 50 keneta no ke poho, a he 6 poho no $2.50, a e hoounala aku no ma ke eke leta, ina e loaa mai ke kumukuai ia HOLLISTER DRUG CO., ma Honolulu, na Agena nui ma ko Hawaii Paeaina.
He Hana Ohumu Ino.
- - - - -
HILO, Oct. 2. – He eono mau Kepani i kukuluia mai imua o Lunakanawai Hapai i ka Poalua nei i hoopilia no ka hewa ohumu ino. Ma na mea i hoikeia ae, ua hele aku kekahi Kepani o Kau ame kana wahine no Puna no ka ike ana i na hoaloha ame ka huli ana no hoi i hana. Mahope o ko laua noho ana malaila no kekahi mau la, ua waiho aku ke kane i kana wahine me na hoaloha a hele loa mai no Hilo nei.
I kona hoi ana aku no Puna, ua loaa aku la iaia e noho kapena ia ana kana wahine e kekahi Kepani okoa. Ua koi aku oia e hoihoiia mai kona pili aoao, aohe no nae i ae mai ka bosi hou. Ua hele aku la ke kane mua e ninini i kana moolelo walohia iloko o na pepeiao o kona mau hoaloha, a ua hooholo ae la lakou e lawelawe lakou i kekahi mea e loaa ai kekahi hooponopono ana.
Ua koi aku la lakou no ua wahine nei, a ina no hoi e haawi mai ana oia i ka huina o $300, e pili loa aku no ua wahine nei me ia. Ua hoole mai no ua Kepani nei, a no ia kumu ua kauohaia aku kekahi mau Kepani powa o Hilo e hele mai e kokua i ke kane i hooneleia me ka wahine.
I ko lakou hiki ana aka ma Puna, ua hooweliweliia aku ke Kepani e noho ana me ka wahine e uku mai i ke dala. Ua holo mahuka aku oia mai ua poe powa nei a hoohiki i palapala hopu no ua @oe nei.
He Panahi i ke Ku’naumoe.
- - - - -
Mawaena o ka hora 2 ame ka hapalua i hala o ka hora 2 o ka wanaao Poalima nei i hoopuiwaia ae ai ke kulanakauhale nei mailoko ae o ka hiamoe ma o ka lohe ana i ke kani o ke oeoe hoopuiwa pauahi e hoike ana ai ke ahi ma ka apana pauahi 36, ma ke kihi o na Alanui Moiwahine me Rikeke ma ka aoao Ewa.
O kahi a ke ahi i holapu ae ai, he hale nui ia nona ke kiekie o elua hale, o na lumi o laio, ua hooliloia i mau halekuai e noho onaia ana e na Pake ame na Kepani, a ma ke kihi, ka lumi kuai bia Cable Saloon.
Ma ka oleloia ma ka lumi kuke o ka haleaina e ku kokoke ana i ka hale inu rama kahi i hoomaka ae ai ke ahi. Na ke kiai po o ka hale hana hao o Catton & Neill i ike mua i ke ahi a hoouna aku i ka lohe i ke keena kinaiahi.
I ka wa a ke ahi e lalapa ana, ua iho mai ka poe e noho ana ma ka hale o luna ma na ala like ole. He wahine Hawaii nui momona ka i lehei kawa mai luna mai o kekahi pukaaniani a ke alanui a ua ikeia oia mahope iho e lomi ana i kekahi o kona mau au wawae i keia mea o ka eha. He mau Pake kekahi i lehei mai e like ae la me keia wahine a halawai me kekahi mau haawina o ka ehaeha, aole no nae i kukonukonu. He kaikamahine Hawaii ka i iho mai ma ka pou telepona a ma ka nana aku me he la ua maa wale i ka pii kumu niu.
Ua hikiwawe ka holapu ana ae a ke ahi, iloko o umi minute wale no, ua puni ae la ka hale holookoa i na ula o ke ahi. Ua hikiwawe no hoi ka hoea ana ae o ke keena kinai ahi, eia nae, ua hala ka wa kupono no ka hoopakele ana i ua hale nei, a o ka hana pono wie no oia ke pale ana aku i ka hana a ke ahi maluna o na hale e ku kokoke mai ana.
No Wong Kwai, he Pake kanu laiki kuonoono kela hale keia wahi a ua paa malalo o ka inisua o $3,000 me ka hui o Walakahauki. Aia paha ka waiwai io o keia hale ma kahi o ka $6,000.
- - - - -
MARIONETTE, Mich., Oct. 4. – Ua huli ka mokuahi Hackley iloko o ka ino o keia la. He 11 i piholo. He 9 i pakele.
- - - - -
PANE A A S. MAHAULU IA C. P. IAUKEA.
- - - - -
(Mai ka aoao 1 mai.)
nakila ka aoao i kekahi moho a mau moho paha,” malia paha ua kuhihewa io la au, he pono nae hoi ia kaua e hoomaopopo i keia mau mea i ikeia. Ma ka la koho balota o ke kau koho balota i hala aku la ma ka apana o Waiaiua nei ua alakai ia ka balota o na moho Elele e Kalanianaole moho Repubalika, oia wale no ka Repubalika i lanakila ma Waiahua nei, ka paa balota o na Senatoa, alakalia e Makainai moho Home Rula, a o ka paa balota hoi o na Lunamakaainana like a like o Naukana moho Repubalika me Oili moho Home Rula: alaila, aia iho la ihea ka lanakiia ana o ka aoao kalaiaina ma keia apana, he hookahi mea i maopopo o ka moho a’u i olelo ai iaia i lanakila ai ka aoao oia wale no ka Repubalika i lanakila maanei, haule na moho Senatoa like a like na moho Lunamakaainana. Ina manao oe, he mea ole ka moho, alaila heaha ka hoi ka waiwai o ka Ahaelele Wae Moho, kai no hoi i hanaia ia mea he ahaelele i mea e waeia ai ka moho a mau moho i manaoia oia a i ole o lakou paha na moho e ikaika a e lanakila ai ka aoao, aole anei hoi a ka ninau nui iloko o ka ahaelele oia keia; E waeia na moho kupono e loaa ai na hilinai ana o ka lehulehu, a mamuli o ka loaa ana o ia hilinai, alaila he hookahi mea aiaopopo e ikaika ana ka aoao, mamuli o ka maikai o na moho i waeia. Malia paha e i mai ana no oe he mea ole no ka moho, a o ka aoao no ka mea nui—ina no o ke KII o PAKAKA ka aoao e wae ai i moho, e koho ana no na hoa o ka aoao, a no ka mea ua ike no lakou e hilinai mai ana no ka poe koho balota i ke KII, a e hoomau mai ana no oe i kou hoole ana aohe i lanakila ka aoao ia Kalanianaole moho Elele Repubalika; a ina pela io, pehea la ka hoi oe i hiki kino ae ai i ke kakahiaka nui, oiai no maua e hiolani ana a i puoho ko’u hiamoe i kou komo ana mai ma ka puka owaho o ka lanai o ka hale a i ko’u nana pono ana mai ike mai la au ia oe a mahope iho o na panai aloha ana ua hoala aku la au i ke ‘Lii i ua kakahiaka la, a ua hoike mai oe ia maua i ke kumu o kou hiki ana ae oia hoi keia: I hele ae oe e a’o i ke ‘Lii aole e ae i ke noi a kekahi poe Elele (o ka aoao au e ku ana ia wa) no ko ke ‘Lii haawi i kona ae e lilo i moho Elele na ka aoao Repubalika, a no ka mea ua maopopo ia oe wahi au, ina e ae ana ke ‘Lii a lilo i moho Elele a i alakai no ka aoao e lanakila ana ka aoao Repubalika—pehea keia ua pololei anei, a i ole, ua hoopunipuni paha au? Aole auanei hoi oe i hoike ae iloko o ka Ahaelele o ka Teritori e i ana, ua hele aku oe i ka home o ke ‘Lii ia kakahiaka a ua a’o aku oe i ke. Alii e hoole i ke noi a kekahi mau hoa o ka Ahaelele o ka aoao au e ku ana ia wa. Auhea oe e ka hoaloha, he mau hana poholalo keia au ke a’o ana aku i na mea e haulehia ai o kou aoao ponoi; a malia paha, ma ia hana ana au he mea ia e pilikia ai o ka Lahui—a he mea kupaianaha no hoi ia’u ke noonoo ae i ka hoao ana o kekahi kanaka i manaoia he kanaka naauao e imi i na mea e haulehia ai o kona aoao a e lanakila ka aoao e ku-e mai ana i kona, ua manao au he hana hoohaahaa keia ia oe iho, a pela iho la paha i pau ai ka hilinai o ka poe Repubalika ia oe. Pehea hou keia e ke hoa? pololei anei aole paha? Malia paha e hoole mai ana no oe, a ina pela he hoole
“Inaina ia ia loko, manawaino i ka Waikoloa
“I ka hehi ku wale iho no i ke kai lai o Kuhia—e
“Kuhikuhi ke kai ma Puuloa ae ke ala
“Loaa koke aku no nae hoi oe ia’u i ke kaha o Paupea!”
KA HUA MUA I IKEIA.
O na hua pokeokeo au i hoike ae ai, aole ia na na inoa au i hoolaha ai ma ka nupepa Ke Aloha Aina i hana mamuli o ko lakou manao kuokoa, aka, mamuli no ia o kau a’oa’o ana, a ua hanaia kela palapala ma kou home ponoi, (ke ole hoi au e kuhihewa, a ina ua kuhihewa au e kala mai) a maloko o ua home la i kakauinoa ai kekahi poe o lakou—a ina paha oe i waiho na lakou e hana me ko lakou manao kuokoa, ke lana nei no ko’u manao aole kela poe e hana i kekahi hana pela ke ano, aka, ua hookonokonoia a ua hoohoihoi ia aku lakou e hana pela.
Aohe a’u mau ahewa ana ia oe no kou hana pela, a no ka mea, o na hana ana iho la no ia o neia mea he kalaiaina; aka, o ka’u e minamina nui nei oia no kou kaena ana, me ko olelo ae e pau loa ana na poe koho o ka aoao Repubalika i ka haalele a koe wale iho no na luna aupuni kakaikahi ame na poe paahana o ka Mahiko, ua ike no oe e ke hoa aole ia he hoike oiaio au, he mau olelo hoonuinui wale no ia a he moeuhane palaualelo, aole oe e aa ana e pili me ia. Ina no kaua e nana pono iho i ua mau inoa la he kakaikahi loa no na Repubalika i kakauinoa ma ua palapala la a o ka hapanui no o lakou he poe Home Rula; a o lakou no ka poe i hele ae e hoopaa i ko lakou mau inoa ma ka papainoa o ka Hui Repubalike o keia mahele koho ma ka la 29 o Aug. i hala no ka makemake e hooko i kau mau hana poholalo; ua ku-e aku au i ka Lunahoomalu o na Lunakanawai nana koho balota (judges of election) o ka hui, aka nae, aole e hiki, no ka mea ua hamama ka papainoa (enrollment list) o ka hui a hiki i ka pau ana o na hana koho elele—a ua kulike hoi me na rula hooponopono o ka hui; nolaila, ua hoopau au i ko’u mau manao ku-e.
O ke kumu nui o ko’u ku-e ana, ua ike au he poe Home Rula maopopo keia, a aohe hoi o’u makemake e hoohauhili mai lakou i ka makou mau hana koho elele o ko oukou aoao, a ua manao no hoi au pela iho la e loaa ai ia kakou na kalaiaina maemae ana (clean politics), aka nae, aole pela, ua kuhihewa loa ia au, eia ka he mau mea aku kekahi mahope mai, a oia keia: “e hele oukou e kakauinoa ma ka papainoa o ka hui a koho oukou e like me ka’u e a’o nei ia oukou a mahope aku o laila hana aku au i palapala e noi ana i ke kakauolelo o ka hui e holoiia ko oukou mau inoa mailoko ae o ka papainoa o ka hui Repubalika o keia mahele koho, a i ka makaukau ana o ia palapala e kakauinoa oukou i ua palapala ia apau, alaila na’u ia e hoolaha aku ma ka nupepa, a i ka ike ana mai o na hoa Repubalika o kekahi mau mahele koho ua nawaliwali ka aoao ma o kakou nei, malia paha, he mau mea ia e hoonawaliwaliia ai ka aoao ma kekahi mau mahele koho e aku o kakou nei!” E kuu hoaloha, akamai no, nui ka ike, waiho aku no auanei hoi ke akamai a hea, aohe hoi e hihi e noho aku ana kekahi me ka hoomaopopo me ka hakilo ana i na aui ana o ka manawa.
“I ikeia i ke kukui ahi a ka Naulu i ke kula
“I nana aku ka hana ma ka puka makani o ka Maluakele
“Ua ahuwale iho la ke kino o ka manu o Kaiona e----
“Nana aku oe ahu kupanaha ia Puuokapolei
“O ka waiho no a ke kula, o ka moe no a ka Maomao
“O ka luna o Puupuua ka’u e aloha nei
“Ka mea nana i wehe ke ki me ke pani o kuu makemake e----
@ani@uia o Fairchild.
- - - - -
“Malalo o na mea i hoomakaukauia e ke Kanawai Panalaau ame ke Kanawai Kalana, aole e hiki ke malamaia kekahi hoopaainoa ana o ka poe koho balota no ke kau koho balota kaiana mua, iloko o 1903. O ka papainoa o 1902 wale no ke hiki ke hoohanaia.”
O keia ae la maiuna i ka olelo hooholo lokahi i haawiia ae e ka Aha Kiekie o ka Teritori nei ma ka Poakahi nei i noho hoomaluia e Lunakanawai Kiekie Frear me Lunakanawai Galbraith ame Lunakanawai Kaapuni De Bolt ma kahi o Lunakanawai Perry. O ka hoopii hoohaiahala keia e pili ana i ka palapala kauoha i hoopukaia e Lunakanawai Hardy o Kauai e kauoha ana ia W. G. Smith, Chas. A. Rice ame W. G. Sheldon, na lala o ka papa hoopaainoa o Kauai ame Niihau e noho mamua o Okatoba 10, 1903, a e ae ia George I@ Fairchild e waiho aku imua o lakou i na apono ana ua kupono oia no ka hoopaa ana i kona inoa no ke koho balota ana iloko o kona mahele koho balota e noho ana.
I ka noho ana no nae o ka Aha Kiekie, ua hooholo ae lakou ua moakaka pono loa ke kanawai maluna o keia kumuhana, mamua o na koho balota kumau wale no e kakauinoa ai ka poe koho balota a aole ma na koho kuikawa.
ULUHUA IAPANA.
YOKOHAMA, Oct. 6.—Eia ka la e haalele mai ai o Rusia ia Manakuria a ke pii pu ae nei no hoi ke pihoihoi. Ua kohokoho wale ia ae no aohe o Rusia e waiho mai ana ia Manakuria ma ka la ewalu, ka manawa i hoopaaia, a ke manaolana nei ka poe hookele aupuni e hiki ana no kekahi mea k@ hanaia no ke pale ana ae i ke kaua mawaena o Rusia ame Iapana, a he mea maopopo e oni ana no ke aupuni hope ina aole o Rusia e hooko ana i ka hookaawale ana aku mai Manakuria aku ma ka la i aelikeia.
TOKIO, Iapana, Oct. 6.—Ua loaa mai ka lono maanei eia o Rusia ke kukulu nei i na papu a ke hookau nei i na pu ma Yongamoho, Korea.
HOOPA-HU DAINAMAITA IA.
BUTTE, Montana, Oct. 6.—O kekahi kaaahi Alahao Pakipika Akau ame ke alahao ana e holo ana ua hoopa-huia a poino me ke dainamaita.
HOOAUHEEIA NA KIPI.
SOFIA, Bulugaria, Oct. 6.—Ua hookaawale aku na Macedonia mai ka apana Razlo, aku mahope o ko lakou hooauhee ino ia ana.
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI.
- - -
GOO HOY.
- - -
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma Sepatemaba 14, 1901, i hanaia e Goo Hoy, ma ke ano he mea moraki mai, o Honolulu, Mokupuni o Oahu Teritori o Hawaii, ia Annie S. Parke, ma ke ano he mea paa moraki, o Honolulu i oleloia, a i kakau kopeia iloko o ke Keena Hoona Aina iloko o Honolulu i olelo mua ia ae nei, iloko o ka Buke 227 ma na aoao 94-97, ke manao nei ka mea paa moraki e paniku i ka moraki i oleloia no ke kumu i uhaila, e hoike ana: o ka uku ole ia o ke kumupaa ame ka ulupanee i ka manawa e uku ai.
Ke haawi pu ia aku nei no hoi ka hoolaha mahope o ka pau ana o ekolu pule mai ka la i hoopukaia aku ai keia hoolaha, e hoolahaia aku no ka waiwai i hoopaaia ma ka moraki i oleloia no ke kuai kudala ia ma ke akea, a e malamaia ua kuai nei ma na lumi kudala o James F. Morgan iloko o Honolulu i oleloia ma ka Poaono, Novemaba 7, 1903, ma ka hora 12 o ka la i oleloia.
O ka waiwai i hoopaaia ma ka moraki i oleloia a i manaoia e kuai e like me ka mea i hoikeia ae nei maluna, ua hoakakaia e like me keia malalo iho:
O kela mau apana a mau mahele o ka aina e waiho la ma Kauluwela, Honolulu i olelo mua ia ae nei, a he mau hapa hoi o ka Palapala Sila Nui Helu 6817 L. C. A. Helu 2177 ia Nika, a i hoakaka pono loa ia e like me keia malalo iho:
Akahi. E hoomaka ana ma ke kihi hikina-hema o keia apana aina ma ka aoao Akau o ke alanui-olowi a holo ma na kuhikuhi makeneki:
1. Hema 47° 00’ Komohana 66 kapuai holo ma ke alanui-olowi;
2. Akau 54° 00’ Komohana 105 kaouai;
3. Akau 22° 50’ Hikina 6 5-10 kapuai;
4. Akau 39° 15’ Hikina 61 2-10 kapuai;
5. Hema 53° 00’ Hikina 116 7-10 kapuai a hiki i kahi i hoomaka ai, nona ka iliaina o 6423 kapuai kuea, a oia no hoi ka aina i hooliloia i ka mea moraki mai i oleloia ma ka palapala kuai aina a J. H. Kunewa, i hanaia ma Aperila 19, 1901, a i kakau kopeia iloko o ke Keena Hoona Aina iloko o Honolulu i olelo mua ia iloko o ka Buke 222, ma na aoao 183-184.
Elua:
1. Akau 43° 33’ Komohana 165.6 kapuai;
2. Akau 44° 58’ Hikina 80.3 kapuai;
3. Hema 47° 02’ Hikina 167.3 kapuai;
4. Hema 39° 23’ Komohana 24.1 kapuai;
5. Akau 42° 32’ Komohana 1.6 kapuai;
6. Hema 48° 53’ Komohana 60.3 kapuai;
7. Hema 33° 18’ Komohana 6.5 kapuai a hiki i kahi i hoomaka ai, nona ka iliaina o 14,16@ kapuai kuea, a oia no hoi ka apana aina i hooliloia i ka mea moraki mai ma ka palapala kuai aina a J. H. Kunewa, i ha@aia ma Iune 19, 1901, a i kakau kopeia iloko o ke Keena Hoona Aina, iloko o Honolulu i olelo mua ia ae nei, iloko o ka Buke 223, ma na aoao 267-268.
O na apana aina i hoakakaia ae nei maluna, ua huila laua iloko o hookahi apana, a nona ka iliaina o 20,501 kapuai kuea.
Ma ke kuike a ma ke dala gula Amerika ka makemake a ma ka aoao o ka mea kuai mai ka lilo o na palapala kuai.
No na mea aku i koe, e loaa no mai a W. C. Parke mai, lolo iloko o keia moraki o Annie s. Parke, mea paa moraki.
Hanaia ma Honolulu, Okatoba 9, 1903.
Annie S. Parke
Mea Paa Moraki
Ma o kona loio iloko o kela hana,
W. C. Parke.
E Malama i kou Ili
KE ANO O K AMALAMA, HOOMAEMAE ME KA HOOUI ANA I KA I@ A ME KA HELEHALENA.
No ka malama, hoomaemae a me ka hooui ana i na ili, i ole ai e loaa i ka huehue, ili pohaka ili akaakaa wale, kolekole, lena, hou nui, ili nakakaka, ili lahilahi a i na ano kinaunau lehulehu wale o ka ili aole loa kekahi kopa ili a helehelena paha e hiki ke hoohalikeia me ke KOPA KUTICURA, no ka mea, aohe kopa e ae e hiki ai ke imi aku a loaa na kumu penei: ka pa@ki@, @pehupehu a hoopaaia paha o na pukapuka o ka ili.
E Malama i kou Lauoho.
KE ANO O KE PALE ANA I KA LAUOHO HELELEI, NA EHAEHA O KA ILI POO ME KE KEPIA.
E hoioi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hame mailie me ke KUTICURA, ka laau hamo maemae loa, ke komi maile ia a komo iloko o ka ili o ke poo. O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili, a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna e ka ili maemae, a ola maikai no hoi, ma kahi i nele ai i n@ laau e ae a pau.
E Malama i kou Lima
KE ANO O KA HANA ANA I NA LIMA A PALUPALU ME KE AIAI I KA PO HOOKAHI.
E holoi a lumai i na lima i ka wa e makaukau ai e moe, iloko o ka huahua KOPA KUTICURA manoanoa hoi i hoopumehanaia. Hoomaloo pono a hamo puni me ke KUTICURA HAMO, ka laau hoola ili oi loa, a o ka oi aku no hoi o ka laau hamo maemae loa. E komo i mikilima alualu i ka po, me ka hana nae i mau pukapuka ma na manamana. No na lima ula, kalakaia, a mokumoku, maloo, nakakaka, maneo, owelawela o na poholima, malao keke@, me na manamana hu’i, o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku.
O POTTER DRUG AND CHEM. COMP., Boston, U.S.A., na Ona o na laau CUTICURA a pau loa.
Na Mea
PAANI AME HOOIKAIKA KINO
Ma Kahi o
Pearson & Potter Co.,
Limited.
ALANUI HOTELE ME UNIONA
HOOKAHI PA HAUKALIMA ME KA MEAONO NO : : : 10 KENETA
HOOKAHI KIAHA WAIU ME KA MEAONO NO : : : 10 KENETA
MA KA HALEKUAI PUHI PALAOA
SUNRISE BAKERY
Alanui Nuuanu kokoke i Alanui Beretania.
O ka Hau Kalima (Ice Cream) e hanaia nei ma nei mai ka waiu maikai a momona maoli i loaa mai ai, oiai o na meaono e hanaia nei aia ma ke ano maikai loa. He hookoia na kauoha p@laoa me na meaono o na ano apau no ke kumukuai kupono. E hele nui mai.
Hiki Ole ke Hele.
- - - - -
LOLO NA LALA O LUNANANA JORDAN ME KA RUMATIKA PEHU.
- - - - -
UA HA’I MAI KEKAHI LUNA KULANAKAUHALE O LYNN, MASS., I KONA HOOLAIA ANA E KA HUAALE AKALA A KAUKA WILLIAMS.
- - - - -
Aohe he kulanakauhale a kauhale mawaena o ka Atelanika ame ka Pakipika i loaa ole he heluna o ka poe i lolo i ka ma’i rumatika. Ua hoikeia ae no hoi he makehewa wale no ka noho ana iloko o ka ehaeha ame ke kaumaha ma o ka loaa ana o kekahi mea nana e pale aku i ka hoomailo ana mai a ka ma’i rumatika ma na ano apau, he laau hoi ua hiki ke hoola i na ano ma’i kulana paakiki a hoololohe no hoi. O ka olelo hoike a kekahi mea i hoola koke la iho nei, he mea ia nana e hookomo aku i ka manaolana iloko o ka mea e kuwillia ana e ka ma’i ehaeha.
O Charles F. Jordan, o Helu F. Alanui New Chatham, Lynn, Mass., he lunanana o ka hana paipu lawe mea ino, he mau makahiki loihi kona noho ana iloko o ka ehaeha i ka hana a ka rumatika pehu ma kona mau wawae, a na ia mea i hoololo mai i kona mau wawae a hiki ole iaia ke hele.
“He mea makehewa wale no ia’u ke olelo ae he eha ko’u noho’na iloke o ka ma’i,” wahi ana. “Ua nohopaa iho la ua rumatika nei iloko o na ami o ko’u mau wawae a hiki ole, ia’u @ hele. Ua akaakaa ae la ka ili o ko’e mau wawae, a ina e hoea mai ka eha, he ku maoli no i ka ehaeha ko’u kulana.
“O ka hoahanau o ka’u wahine, ua olelo mai oia ia’u e pono wau e hoao i ka Huaale Akaia a Kauka Williams no ka Poe Halkea, a ua nui ka pono ma ia hana ana. Ma ia hana ana no hoi, ua loaa hou mai la’u he olahine maikai. Ke paku’i aku nei no hoi wau, o ka’u kaikamahine hanauna, i ka lawe ana i keia a@o huaale no ka ma’i lolo o hookahi aoao o kona mau papalina, ua loaa mai ka pono iaia.”
He nui na alahele o ka lawelawe ana i keia mea o ka ma’i rumatika, peia mai no mai ka wa kahiko loa mai, a iloko o ia au hupo ua lei lakou i kekahi mau mea no ke kipaku ana aku i ka hana a keia ma’i. I keia manawa, ua nui ka poe i ike o ka mea e ola’i ka rumatika oia no ka hoomaemae ana i ke koko, a o ka mea nana e pale aku ka ma’i, oia no ka maemae o ke koko a e mau hoi kona noho maemae ana.
O na laau kau a hamo mawaho iho e like me na aila hamo a peia aku, a loaa no paha ka oluolu no kekahi wa pokole, aohe o lakou mana e hooia ae ai i ka eha a palekana e like me ka lawe ana i’kekahi hua kukui iloke o kou mau pakeke no ke pala ana aku i ua ma’i nei.
He ikaika ka Huaale Akala a Kauka Williams i ka hakoko ana aku me na mea e komo mai ana e hoi@oi@o i k@ koko a i mea hoi e loaa ai i ka rumatika. Aia no he meahuma e pili ana i ka holopono o na hana a keia huaale i ka hoola ana i na ma’i ino o ka koko ame na aniolo a i hiki ole hoi ke hoolaia e na laau e ae. E loaa @e ka Huaale Akala a Kauka Williams ma na halekuai laau lap@au apau, a i ole, mai a Dr. Williams Medicine Company mai, Schenectady, N. Y., kanalima keneta o ke poho: eono poho no elua dala me ka hapalua.
Goo Kima
MALAILA E LOAA AI NA
Mea Kuai Lole ame na Mea Nani Like Ole,
Perry Block, Kihili o na Alanui Hotele ame Nuua@.
Loaa mai na Pono Hou ma na Mokuahi Apau,
O na mea apau e like me ka mea i elehuia.