Ka Nupepa Kuokoa, Volume XLI, Number 41, 9 ʻOkakopa 1903 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA MOOLELO KAAO’O

LAIEIKAWAI

KA HIWAHIWA O KA LIULA.

 

“Iho oe I keia la, a hui oe me Kekalukaluokewa, hoi mai olua a uka nei, a laa ko kino, alaila, kii ae oe ia’u, na’u no e malama I kou pau no ka hoohaumia ana ia oe.”  E like me ka mea mau o na kaikamahine punahele.

A no keia haohao o Waka, ma ke awakea o ka lua o ka la o ko Laieikawai la hui me Halaaniani, hele aku la ke kupunawahine e ike I ka pono o kana moopuna.

I ke kupunawahine I hiki aku ai; aia nae ua pauhia laua e ka hiamoe nui, me he mea la ua lilo ka  po I manawa makaala na laua e like me ka mea mau I na mea hou.

Ia manawa, iloko o ka wa hiamoe o Laieikawai, I nana iho ka hana o ke kupunawahine, he kane e keia a ka moopuna e moe pu ana, ka mea a ke kupunawahine I ae ole ai.

A no keia mea, hoala ae la o Waka I ka moopuna, a ala ae la, ninau iho la ke kupunawahine.  “Owai keia?”

Olelo ae la ka moopuna.  “O Kekalukaluokewa no hoi.”

I mai la ke kupunawahine me ka inaina, “Aole keia o Kekalukaluokewa, o Halaaniani keia o ke kaikunane o Malio.  Nolaila, ke ha’I aku nei wau I kuu manaopaa ia ole, aole wau e ike hou I kou maka e kuu moopuna ma keia hope aku a hiki I kuu la make, no ka mea, ua pale oe I ka’u mau olelo, ka I no wau e ahai nei ia oe ma kahi nalo, e nana mai ana oe ia’u, nolaila, e noho oe mw ko kane mamuli o ka wahine maikai, o ka mana, aole ia me oe, he nani ia ua imi aku la no I ke kane, hana pono iho na lima, I kau kane na pono ame kou  hanohano.”

Mahope iho o keia manawa, hoomakaukau ae la o Waka e hana I hale hou I like me ka hale I hanaia no Laieikawai.  A ma ka mana o Waka, ua hikiwawe, ua  paa ka hale.

A makaukau ka hale, iho aku la o Waka e halawai kino me Kekalukaluokewa, no ka mea, ua mokumokuahua kona manawa I ke aloha ia Kekalukaluokewa.

A hiki o Waka ma kahi o Kekalukaluikewa, hopu aku la ma na wawae me ka naau kaumaha, a olelo aku la, “He nui kuu kaumaha, ame kuu aloha ia oe e ke Alii, no ka mea, ua upu aku wau I ka’u moopuna o oe ke kane e ola ai keia mau iwi, ka I no he  pono ka’u moopuna, aole ka, I ike mai nei ka hana I ka’u moopuna, e moe mai ana me Halaaniani ka mea a ko’u naau I makemake ole ai.  Nolaila, I hele mai nei au e noi aku ia oe, e haawi mai oe I waa no’u, amen a kanaka pu mai, e kii wau I ka hanai a Kapukaihaoa, ia Laielohelohe, ua like no a like laua me Laieikawai, no ka mea, ua hanau n’ahoeia laua.”

A no keia mea, haawi ae la o Kekalukaluokewa hookahi kaulua, me na kanaka pu no, amen a lako apau.

Mamua o ko Waka kii ana ia Laielohelohe, kauoha iho la oia ia Kekalukaluokewa, “Ke holo nei wau ekolu anahulu me nap o kou ekolu, alaila hiki mai wau.  E nana nae oe, a I ku ka puuohu I ka moana, alaila, manao ae oe ua hoi mai wau me ko wahine, alaila, hoomalu oe ia oe a hiki I ko olua la e hoao ai.”

Ma ka manao paa o Waka, ua holo mai la oia a hiki I Oahu nei, ma Honouliuli kau na waa, nana aku la no o Waka, e pi’o mai ana no ke anuenue iuka o Wahiawa.

Lalau iho la oia he wahi puaa, I mea alana aku imua o Kapukaihaoa, ke kahuna nana I malama ia Laielohelohe, a pii aku la.

Pii aku la o Waka a hiki I Kukaniloko, hookokoke aku la oia ma kahi I hunaia ai o Laielohelohe, hahau aku la I ka puaa imua o ke kahuna me ka pule ana, a Amama ae la.  Kuu aku la I ka puaa imua o ke kahuna.

Ninau mai la ke kahuna.  “Heaha ka hana a ka puaa imua o’u?”

A heaha ka’u e hana aku ai ia oe”

            I aku o Waka, “Ua hewa ka’u hanai, ua pono ole, ua upu aku wau o ke Alii o Kauai ke kane, aka, aole nae I hoolohe I ka’u olelo, ua lilo aku ia Halaaniani; nolaila, I kii mai nei wau I kau hanai I wahine na Kekalukaluokewa, ke Alii o Kauai, I ku kaua I ka moku, ola na iwi o ko kaua mau la elemakule a hiki I ka make.  A loaa ia kaua kela Alii, alaila, ku ka makaia o ka’u hanai, I ike ai ia ua hewa kana hana ana.”

            Olelo mai o Kapukaihaoa.  “Ua pono ka puaa, nolaila, ke hookuu aku nei wau I ka’u hanai nau e malama, a loaa ia oe ka pomaikai, a kui mai I o’u nei ka lono ua waiwai oe, alaila, imi aku wau.”

            Ia manawa, komo aku la o Kapukaihaoa me Waka ma kahi kapu, kahi hoi I hunaia ai o Laielohelohe, hoonohoia iho la o Waka, a komo aku la ke kahuna ma kahi I hunaia ai.  A laweia mai la a mua o Waka, ia manawa, kulou aku la o Waka imua o Laielohelohe, a hoomaikai aku la.

            I ka la I lawela ai o Laielohelohe a kau iluna o na waa, ia manawa, lawe ae la ke kahuna I ka piko o kana hanai a lei iho la ma kona ai.  Aka, aole I kaumaha kona manao no Laielohelohe, no ka mea, ua manao no ke kahuna he pomaikai e ili mai ana maluna ona.

            I ka manawa I laweia ai o Laielohelohe, aole kekahi o na kauaka hoewaa I ike aku iaia a hike wale I Hawaii.

            Noho mai la o Kekalukaluokewa  me ke kali iloko o ka manawa I kauohaia.

            I kekahi la ma ke kakahiaka, iloko o ko ke Alii manawa I ala mai ai mai ka hiamoe mai, ike ae la oia ia ka hoailona a Waka I kauoha ai.  No ka mea, aia ka punohu I ka moana.

            Hoomakaukau ae la o Kekalukaluokewa iaia iho no ka hiki aku o Laielohelohe, me ka manao e ike mua ana laua I ka la e puka aku ai, aole ka!

            Ma ka auwina la, ike maopopoia aku la na waa, akoakoa ae la na kauaka apau ma ke awapae waa e iki I ke Alii, I ka manao e puka aku ana a halawai me ka kane.

            I ka hookokoke ana aku o na waa, ia manawa ka uhi ana mai o ka ohu, ame ka noe mai Paliuli mai.

            Ia manawa, kailiia aku la o Laielohelohe me Waka maloko o ka ohu, maluna o na manu a hiki I Paliuli, a hoouoho ia Laielohelohe ma ka hale I hoomakaukauia nona, malaila oia I noho ai a loaa hou ia Halaaniani.

            Ekolu mau la o Waka ma Paliuli, mai ka hoi ana mai oahu aku nei.  Iho mai la oia e halawai me Kekalukaluokewa, no ka hoao o na alii.

            Ia Waka I hiki aku ai ma ko Kekalukaluokewa wahi, olelo aku la.  “Ua hiki mai ko wahine, nolaila, e hoomakaukau oe I kauaha la e kuahaua aku I na mea apau, e akoakoa mai ma o ko olua wahi e hui ai, e hana I papai kilu, malaila e hoohilahila aku ai ia Laieikawai, I ike ai oia ia ka ino o kana hana.”

            I ka manawa nae I lawe ake ai o Waka I ka mana maluna o Laieikawai, alaila, kukakuka ae la na kaikuahine o Aiwohikupua I ka mea e pono ai ko lakou noho ana; a hooholo ae la ua mau kaikamahine nei I ka lakou olelo e pane aku’ai ia Laieikawai.

            Hele aku la o Kahalaomapuana a ha’I aku la imua o Laieikawai, me ka I aku.  “Ua kukakuka makou, kou mau kiai kino I ka manawa e pono ana ko olua noho ana me ko kupunawahine, a ua lawe aku nei kela I ka hoopomaikaiia mai a oe aku.  Nolaila, e like me ko kakou hoohiki ana mamua, “No kekahi ka pilikia, malaila pu kakou apau.”  Nolaila, ua loaa iho nei ia oe ka pilikia, no kakou pu ia pilikia.  Nolaila, aole makou e haulele ia oe, aole hoi oe e haalele ia makou a hiki I ko kakou make ana, oia ka makou olelo I hooholo mai nei.”

            A lohe o Laieikawai I keia mau olelo, haule iho la na kuluwaimaka no ke aloha I kona mau hoa kuka, ke ka I aku.  “Kuhi au e haalele ana oukou ia’u I ka laweia ana o ka pomaikai mai o kakou aku, aole ka!  A heaha la hoi, a I loaa ka pomaikai ia’u ma keia hope aku, alaila, e hoolilo no wau ia oukou apau I mau mea nui maluna o’u.

            Noho iho la o Halaaniani me Laieikawai, he kane, he wahine; a o na kaikuahine no o Aiwohikupua kona mau kanaka lawelawe.

            I ka eha malama paha o ko laua noho hoao ana, ma kekahi awakea, puka ae la o Halaaniani mai loko ae o ka hale. I hele aku iwaho, ia manawa, ike aku la oia ia Laielohelohe e puka ae ana mailoko ae o kona hale kapu.  Ia manawa, hiki hou ke kuko iloko o Halaaniani.

            Hoi aku la oia me ka manao ino no kela kaikamahine, me ka manao e kii e hoohaumia.

            Ia la no, ia laua e noho pono ana me Laieikawai, ia manawa, manao ae la o Halaaniani I hewa no Laieikawai, I mea hoi e kaawale ai laua, alaila, kii aku I kana mea e manao nei.

            I ka poi ho, olelo hoowalewale aku la o Halaaniani ia Laieikawai, me ka aku, “Ia kaua e noho nei iuka nei mai ko kaua noho ana iuka nei a hiki I keia manawa, aole he pau o ko’u lealea I ka heenalu, aia awakea, kau mai ia’u ka lealea, pela I na la apau, nolaila, ke manao nei au apopo kaua iho I kai o Keaau I ka heenalu a hoi mai no hoi.”

            “Ae,” wahi a ka wahine.

            Ia kakahiaka ana ae, hele aku la o Laieikawai imua o kona mau hoa kuka, na kaikuahine hoi o Aiwohikupua, ha’I aku la I ko laua manao me ke kane I kuka ai ia po, a he mea maikai no ia I kona mau hoa kuka.

            I aku nae o Laieikawai I ua mau hoa la, “Ke iho nei maua I kai ma ka makemake o ke kaue a kakou, I kali ae oukou a I anahulu maua, mai hoohonoi oukou, aole no I pau ka lealea heenalu o ka kakou ka ne, aka hoi, I hala ke anahulu me ka po keu, alaila ua pono ole maua, alaila, huli ae oukou ia’u.”

            I hala aku la laua, a hiki I kahi e kokeke aku ana I Keaau, ia manawa, hoomaka o Halaaniani e hana I ke kalohe ia Laieikawai, me ka olelo aku, “E iho mua aku oe o Kaua, a hiki I kai, e pii ae au e ike I ko kaikoeke (Malio) a hoi mai wau.  A ina I kali oe ia’u a I po keia la, a ao ka po, a I po hou ua la, alaila, manao ae oe ua make wau alaila, moe hou aku oe I kane hou.”

            A no keia olelo a kana kane, aua aku ka wahine, a I ole, e pii pu no laua, a no ka pakela loa o Halaaniani I ke akamai I ka hoopuka I na olelo pahee, ua puni kana wahine maikai iaia.

            Hala aku la o Halaaniani, iho aku la no hoi o Laieikawai a hiki I Keaau, ma kahi kaawale ae I pili oe aku ia Kekalukaluokewa, noho iho la oia malaila; a po ia la, aole I hoimai kana kane, mai ia po a ao, aole I hoi mai.  Kali hou aku la ia la a po, alaila, manao ae la o Laieikawai ua make kaua kana, alaila, ia manawa, hoomaka aku la ia I ka uwe paiauma no kana kane.

 

MOKUNA XXIII.

 

Iho na kaikuahine o Aiwohikupua I Keaau, ia Laieikawai – Ua kanikau lakou no ka make o ke kana a Laieikawai – Loaa o Halaaniani ma ka moeuhane ia lakou – (Kamailio no Halaaniani) – Halawai o Halaaniani me Malio – Ka olelo kauoha a Malio I kona kaikunane –Pii o Halaaniani me Malio I Paliuli- Hele o Laielohelohe I ke kui lehua-Pii hou no o Malio me ke kaikunane, a hana I pupu lehua a hoolei iho imua o Laielohelohe – Pii hou no laua nei a hookani o Malio I ka hano Hoike o Malio iaia imua o Laielohelohe.

 

            He mea haumaha loa ia Laieikawai no ka make ana o kana kane, nolaila I kanikau ai oia hookahi anahulu me elua mau la keu (umi-kumamalua la,) no ke aloha iaia.

            Iloko o keia mau la kanikau o Laieikawai, he mea haohao loa ia I kona mau hoa kuka, (na kaikuahine hoi o Aiwohikupua,) no ka mea, ua kauoha mua o Laieikawai mamua o ko laua iho ana I kai o Keaau.

            “He umi-kumamakahi la e kali ai” kona mau hoa iaia, a I “hoi ole aku” I na la I kauohaia e like me ka kakou kamailio ana ae nei ma ka Mokuna 22, alaila, maopopo ua pono ole.

            A no ka hala ana o ka manawa a Laieikawai I kauoha ai I kona mau hoa, nolaila, ala ae la na kaikuahine o Aiwohikupua I ke kakahiaka nui o  ka umi-kumamalua o ka la, iho aku la e ike ka pono o ko lakou hoa.

            A hiki lakou ma Keaau, ia lakou e kokoke aku ana e hiki, ike mua mai la o Laieikawai I kona mau hoa, paiauma mai la me ka uwe.

            Aka, he mea haohao nae ia I kona mau hoa ka uwe ana, a ua Akaka kana kauoha “ua pono ole” laua.  Ma ka uwe ana a Laieikawai ame na helehelena o ka poino; no ka mea, aia o laieikawai e kukuli ana I ka honua, a o kekahi lima, ua pea ae la ma ke kua, a o kekahi lima, aia ma ka lae, a uwe helu aku la oia penei:

 

                        O oukou ia-e, auwe!

                        Eia wau la,

                        Ua haalulu kuu manawa,

                        Ua nei nakolo I ke aloha,

                        I ka hele o ke kane he hoa pili –e!

                                    Ua hala-e.

 

                        Ua hala kuu lehua ala Kookoolau,

                        I ka nae kolopua,

                        Ulili nae olopua,

                        Haihai pua o kuu manawa-e.

                                    Ei-e.

 

                        Fia wau la ua haiki,

                        Ua kupu lia halia I ka mana-o-e,

                        Ke hoopaele mai nei I kuu manawa,

                        I ke aloha-la,

                                    Auwe kuu ka-ne.

 

            A lohe kona mau hoa I keia uwe a Laieikawai, uwe like ae la lakou apau.

            A pau ka lakou piha uwe, olelo mai la o Kahalaomapuana, “He mea kupaianaha, ia kakou e uwe nei, o ka hamama wale iho no ka ko’u waha, aohe kahe mai o ka waimaka, o ke kaea pu wale ae la no ia, me he mea la I paniia mai ka waimaka.”

            I mai la na kaikuaana.  “Heaha la?”

            I aku la o Kahalaomapuana, “Me he mea la aole I poino ka kakou kane.”

            Olelo mai la o Laieikawai, “Ua make, no ka mea, ia maua no I iho mai ai a mauka ae nei la, o ka hiki mai no hoi ia I kai nei, olelo mai no kela ia’u, ‘e iho e oe mamua, e pii ae au e ike I ko kaikoeke, e kali nae oe ia’u a I po keia la, a ao ka po, a po hou ua la, alaila, ua make au.’ Pela kana kauoha ia’u.  Kali iho nei wau a hala kona manawa I kauoha ai, manao ae nei au ua make, oia wau  I noho iho nei a hiki wale mai nei oukou la e uwe aku ana wau.”

            I mai la o Kahalaomapuana, “Aole I make, nanaia aku I keia la, uwoki ka uwe.”

            A no keia olelo a Kahalaomapuana, kakali aku la lakou a hala na la eha, aole lakou I ike I ke ko o ka Kahalaomapuana mea I olelo ai.  Nolaila, hoomau hou aku la o Laieikawai I ka uwe I ke ahiahi o ke kolu o ka la a po, mai ia po a wanaao, akahi no a loaa iaia ka hiamoe.

            Ia Laieikawai I hoomaka iho ai e hookau hiamoe, ku ana no o Halaaniani me ka wahine hou, a hikilele ae la o Laieikawai, he moeuhane ka!

            Ia manawa no, ua loaa ia Mailehaiwale he moeuhane, ala ae la oia a kamailio aku la ia Mailelaulii ame Mailekaluhea I keia moe.

            E kamailio ana no lakou no kela moe, ia manawa, puoho mai la o Laieikawai, a ha’I mai la I kana moe.

            I aku la o Mailelaulii, “O ka makou no hoi ia e kamailio nei, he moe na Mailehaiwale.”

            E hahai ana no lakou I na moeuhane, puoho mai la o Kahalaomapuana mai ka hiamoe mai, a ninau mai I ka lakou mea e kamailio ana.

            Ha’I mai la o Mailehaiwale I ka moe I loaa iaia, “Iuka no I Paliuli, hele ae la no o Halaaniani a lawe ae ana no ia oe, (Kahalaomapuana), a hele aku nei no olua ma kahi e aku, ku aku nei ko’u uhane nana ia olua, aole nae olua I moe, hikilele wale ae nei no hoi au.”

            Ha’I ae la no hoi o Laieikawai I kana moe, I mai la o Kahalaomapuana.  “Aole I make o Halaaniani, kali aku kakou, mai u@@@ hoopau waimaka.”

            A no keia mea, hooki ae la o Laieikawai I kana uwe ana, @@@ aku la lakou iuka o Paliuli.

            (Ma keia wahi e kamailio kakou no Halaaniani, a maanei ka@@@ e ike ai I kone kalohe launa ole.)

            Ma kela olelo a Halaaniani ia Laieikawai e pii e halawai @@@ Malio.  Ia laua I hookaawale ai  mahope iho o ka Halaaniani @@@ ha ana iaia.

            Pii aku la oia a halawai pu me Malio, ninau mai la kona @@ kuahine, “Heaha kau o uka nei?”

            I aku la o Halaaniani.  “I pii hou mai nei wau ia oe, e @@@@ mai oe I ko’u makemake, no ka mea, ua ike hou au he kaika@@@@ maikai I like kona helehelena me ko Laieikawai.

            “Ma ke awakea o nehinei, ia’u I puka ae ai iwaho mai ko @@@ hale ae.  Ike aku la wau I keia kaikamahine opiopio I maikai @@@ mau helehelena; nolaila, ua pauhia mai wau e ka makemake @@@.

            “A no ko’u manao o oe no ka mea nana e hoopomaikai @@@ ma na mea a’u e makemake ai, nolaila wau I hiki hou mai @@@.

            I aku o Malio I kona kaikunane, “O Laielohelohe na, o @@@@ moopuna a Waka, ua hoopalauia na Kekalukaluokewa, I @@@ hoao.  Nolaila, e hele oe e maikai I ka hale o ua kaikamahine @@@ ko ike ole ia mai, I eha la au e makai aku ai, a ike oe I ka@@@ mau, alaila, hoi mai oe a ha’I mai ia’u, alaila, na’u e hoo@@@ oe e hoowalewale I ua kaikamahine la.  Aole e loaa ia’u @@@ mana, no ka mea, elua laua.”

 

HOOLAHA HOOKO MORAKI.

 

HOOLAHA MANAO PANIKU A KUAI A KA MEA PAA MORAKI.

 

JAMES H. HAKUOLE.

 

            I kulike ai me ka mana kuai iloko o kekahi moraki I hanaia e James H. Hakuole o Honolulu, Mokupuni o Oahu, Teritori o Hawaii, ia A. L. Shaw o Honolulu I oleloia, ma ka ia iwakaluakumamaiwa (29) o Novemaba, A. D. 1902, a I kakau kopeia iloko o ke Keena Kakau Kope o na Palapala Aina ma Oahu, iloko o ka Buke helu 247, anao 62 ame 63 ma keia ke haawila aku nei ka hoolaha ke manao nei ka Mea Paa Moraki e paniku I ka moraki I olelola no na kumu I uha’lia e hoike ana I ka uku ole ia o kumupaa ame ka ukupanee I ka manawa e uku ai, a maluna o ua paniku nei I oleloia e kuai ia aku ma ke kudala akea ma na keena kudala o James F. Morgan, Alanui Kaahumanu, Honolulu, ma ka Poaono, ka la 17 o Okatoba, A. D. 1903, hora 12 awakea o ka la I oleloia, ka aina I hoakakaia iloko o ka moraki I oleloia e like me ia malalo iho:

            E loaa no na mea aku I koe mai ka mea aku nona ka inoa malalo nei a I ole ma na keena kudala o James F. Morgan.

 

1. L. SHAW,

Mea Paa Moraki.

            O kela apana a mahele  o ka aina apau loa e waiho ia ma Kunawai, Kawaiolena, Honolulu, Oahu, oia no hoi ka Apana 2 o ka Palapala Sila Nui Helu 6764, L. C. A. Helu 6247, hookupaia ia Kanaulu, nona ka iliaina o 3 68-100 Eka, a oia no hoi ka aina I hooliloia I ka Mea Moraki Mai ma ka palapala kuai aina a Kekuialono (w) I hanaia I ka la elua (2) o Ianuari, A. D. 1900, a I kakau kope ia iloko o ka Buke Helu 201, aoao 333.

            2982-Swept. 25. – Oct. 2, 9, 16.

 

Hoolaha a ke Komisina

 

HOOLAHA PALENA AINA.

 

J.F. WOODS.

 

            Ua waiho ia mai ka Palapala noi e hooponopono ia na palena o ke Ahupuaa o Kahualiilii, ma ka Apana o Kohala Akau, Mokupuni o Hawaii, Teritori o Hawaii, U.S.A., imua o ke Komisina Palena Aina no ka Mokupuni o Hawaii, e J. F. Woods, ka mea nona ia aina:

            Nolaila, ke kauoha ia aku nei ka mea nona keia aina, amen a mea nona na aina e pili ana: oia ka Teritori o Hawaii, no Pahinahina, me Makiloa; ka Waiwai o B. Pauahi Bishop, no Honokanenui: ka Waiwai o J. W. Au@@2 no Kahuanui:  Jas. F. Woods, no Kehena: amen a mea nona na Palapala Sila Nui, Helu 2330, 780, 752, me 2642, e hoolohe ia ana keia palapala noi me na hoike e waiho ia mai ana, ma ka Hale Hookolokolo o Kohala Akau, I ka Poaono, la 14 of Novemaba M. H. 1903, hora 9.

 

F. S. LYMAN.

Komisina Palena Aina.

Hilo , Hawaii , Sepatemaba 18, 1903.

2981-Sept. 25. – Oct. 2, 9.

 

HOOLAHA PALENA AINA.

 

WAIWAI O KAILIHUNE.

 

            Ua waiho ia mai ka palapala noi e hooponopono ia na palena o ke Ahupuaa o Kahua elua, ma ka Apana o Hilo, Mokupuni o Hawaii. Teritori o Hawaii, U.S.A., imua o ke Komisina Palena Aina no ka Mokupuni o Hawaii, e ka Lunahooponopono o ka Waiwai o Kailihune, ka mea nona ka aina I olelo ia:

            Nolaila, ke kauoha ia aku nein a mea nona keia aina, amen a mea nona na aina e pili ana: oia ka Hui Mahiko o Pepeekeo no Makahanaloa, amen a mea nona na Palapala Sila Nui Helu 1158, 194, me 1030, e hoolohe ia ana kela palapala noi me na hoike e waiho ia mai ana, me ka Keena hana o ke Komisina Palena Aina, ma Hilo, Hawaii, I ka hora 9 kakahiaka, o ka Poaono la 7 o Novemaha, M. H. 1903.

F. S.  LYMAN.

Komisina Palena Aina.

Hilo , Hawaii , Sepatemaba 18, 1903.

2981-Sept. 25.- Oct. 2, 9.

 

HOOLAHA PALENA AINA.

 

HUI MAHIKO O PEPEEKEO.

 

            Ua waiho ia mai ka palapala noi e hooponopono ia na palena o ke Ahupuaa o Makahanaloa, ma ka Apana o Hilo, Mokupuni o Hawaii.  Teritori o Hawaii, U.S.A., imua o ke Komisina Palena Aina no ka Mokupuni o Hawaii, e ka Hui Mahiko o Pepeekeo, nona ka aina I olelo ia:

            Nolaila, ke kauoha ia aku nein a mea nona keia aina, amen a mea nona na aina e pili ana:  oia ka Teritori o Hawaii, no Kulaimanu, Kawainui, Humuula, Honomu, me Kaupakuea: Ka Hui Mahiko o Onomea no Papaikou: Ka Hui Mahiko o Hakalau no Hakalau: me na mea nona na Palapala Sila Nui, Helu 1939, me 1158, ame Kuleana, Helu 5663, e hoolohe ia ana kela Palapala noi me na hoike e waiho la mai ana, ma ke Keena hana o ke Komisina Palena, Aina, ma Hilo, Hawaii I ka hora 9 kakahiaka o ka Poaono, la 7 o Novemaba, M. H. 1903.

F. S. LYMAN.

Komisina Palena Aina.

Hilo , Hawaii , Sepatemaba 13, 1903.

2981-Sept. 25. – Oct. 2, 9.

 

HOOLAHA PALENA AINA.

 

LUNA HOOPONOPONO O KE ALIIWAHINE EMMA.

 

            Ua waiho ia mai ka palapala noi e hooponopono ia na palena o ke Ahupuaa o Kawaihae 2, ma ka Apana o Kohala Hema, Mokupuni o Hawaii, Teritori o Hawaii, U. S. A., imua o ke Komisina Palena Aina no ka Mokupuni o Hawaii, e ka Luna Hooponopono o ke Aliiwahine Emma, nona keia aina:

            Nolaila, ke kauoha ia aku nei @@ mea nona keia aina, amen a mea nona na aina e pili ana: oia ka Teritori o Hawaii, no Kawaihae 1, me Waimea: G. W. Macfarlane, no Ouli: e hoolohe ia ana keia palapala noi me na hoike e waiho ia mai ana, ma ka Hale Hookolokolo o Kohala Akau, I ka Poaono, la 14 o Novemaba, M. H. 1903, hora 9.

F. S. LYMAN

Komisina Palena Aina.

Hilo , Hawaii , Sepatemaba 18, 1903.

2981 – Sept. 25. – Oct. 2, 9.

 

HOOLAHA PALENA AINA.

 

KAHU MALAMA O KA WAIWAI O B. PAUAHI BISHOP.

 

            Ua waiho ia mai ka Palapala nei e hooponopono ia na palena o ke Ahupuaa o Upolu 1, ame 2 ma ka Apana o Kohala Akau, Mokupuni o Hawaii.  Teritori o Hawaii, U. S. A., imua o ke Komisina Palena Aina no ka Mokupuni o Hawaii, e na Kahu Malama o ka Waiwai o B. Pauahi Bishop;

            Nolaila, ke kauoha ia aku nei na moa nona keia aina, ame na mea nona na aina e pili ana; oia ka Teritori o Hawaii, ho Honoipu, me Kukuipahu, e hoolohe ia ana keia palapala @@@ @@

Na hoike e waiho ia mai ana, ma ka Hale Hookolokolo o Kohala Akau, I ka Poaono, la 14 o Novemaba, M. H. 1903, hora 9.

 

F. S. LYMAN.

Komisina Palena Aina.

Hilo , Hawaii , Sepatamaba 18, 1903.

2981 – Sept. 25. – Oct. 2, 9.

 

HOOLAHA PALENA AINA.

 

KAHU MALAMA WAIWAI O B. PAUAHI BISHOP.

 

            Ua waiho ia mai ka palapala nei @ hooponopono ia na palena o ke Ahupuaa o Puanui, ma ka Apana o Kohala Akau, Mokupuni o Hawaii, Teritori o Hawaii, U. S. A., imua o ke Komisina Palena Aina no ka Mokupuni o Hawaii, e na Kahu Malama Waiwai o B. Pauahi Bishop, nona ia aina:

            Nolaila, ke kauoha ia aku nein a mea nona keia aina, amen a mea n@@@ na aina e pili ana: oia o Kehena 2: K@@okalani: me Kehena @@@@@@@@@ keia palapala noi me na hoike @ waiho ia mai ana, ma ka Hale Hookolokolo o Kohala Akau, I ka Poaono, la 14 o Novemaba, M. H. 1903, hora 9.

F. S. LYMAN.

Komisina Palena Aina.

Hilo , Hawaii , Sepatemaba 18, 1903.

2981 – Sept. 25. – Oct. 2, 9.

 

HOOLAHA PALENA AINA.

 

J. F. WOODS.

 

            Ua waiho ia mai ka palapala noi e hooponopono ia na palena o ke Ahupuaa o Waiho ma ka Apana o Kohala Akau, Mokupu I o Hawaii, Teritori o Hawaii, U. S. A., imua o ke Komisina Palena Aina no ka Mokupuni o Hawaii, e J. F. Woods, ka mea nona keia aina;

            Nolaila, ke kauoha ia aku nei ka mea nona keia aina, amen a mea nona na aina e pili ana; oia ka Teritori o Hawaii no Kawaihae 1: ka Waiwai o B. Pauahi Bishop, no Honokanenui: ka Waiwai o J. W. Austin, no Kahuanui; e hoolohe ia ana kela palapala noe me na hoike e waiho ia mai ana, ma ka Hale Hookolokolo o Kohala Akau, I ka Poaono, la 14 Novemaba, M. H. 1903, hora 9.

 

F. S. LYMAN.

Komisina Palena Aina.

Hilo , Hawaii , Sepatemaba 18, 1903.

2981- Sept. 25.- Oct. 2, 9.

 

KAUKA O@@@@

 

Kauka Kuluwai Liilii

LAAU MOMONA AOLE MULEA

Keena Hana @@@ Alanui Beritania.  Telepona Helu @@@  Hora Hana 10-1@ a.m. 2-4 ame 7-8 p.m.  Sabati 9:30-10:30 a.m.