Ka Nupepa Kuokoa, Volume XLI, Number 40, 2 October 1903 — Kalaiaina ma Maui PAA KA BALOTA A NA HOME RULA ME "BILA AILA" KA MOHO MAKAI NUI. HOOMAKAUKAU NA REPUBALIKA NO KA HANA. [ARTICLE]

Kalaiaina ma Maui

PAA KA BALOTA A NA HOME RULA ME "BILA AILA" KA MOHO MAKAI NUI.

HOOMAKAUKAU NA REPUBALIKA NO KA HANA.

' MAUI, Sept. 26.—A01e i noho hou na Home Ruia e malama i ka halawai aha wae moho ma ka la 23 e like me ka mea a lakou i hooholo ai ma" ka hoopanee ana aka, ua hoomaka lakou j na hana ma ka hora — a. m. o ka la 24 ae ma ka Lina Holo Hau o Wailuku. Ua lilo ka hapanui o ka la ma na halawai liilii ana, a i ke ahiahi ana iho ua waihoia mai na inoa o na moho apau a koe k" Luna Helu. Ua malama hou ia ka halawai ma nehinei, (Sept. 24) a hoopanee i ke ahiahi me ke koho ole i ka la e halawai hou ai. Eia iho ka ibalota a na Home Rula: Makai Nui—William White (Bila Aila) o Lahaina; Kakauolelo—D. H. Kahaulelio o Molokai; Luna Hooia—L. R. Crook o Wailuku; Puuku—Pia Cockett o Waikapu; Luna Helu—(Kalei) 'D. L. Kahaulelio Lahaina; Loio—John Richardson (Keoni Likikini) o Lahaiha; Ana Aina—J. K. Kahookele o Wailuku; Na LiUnakiai —T. B. Lyons ame Louia Kookoo o Wailuku; J. K. Hihio o Lahaina, Philip Kauimakaole o Hana; āme W. H. Cornwell, Jr., o Waiahuli Makawao. O George Maxwell o Wailuku ka mea \ lilo ai ke apono ana no ke kulana kakauolelo, aka, ua waiho mai oia ia kulana i kona hoa holo pu no ke kulana hookahi, D. H. Kahaulelio. Ua holo no hoi <f David Kahaulelio no ke kulan'a lunakiai mai Lahaina ame Molokai mai, eia nae, ua haule oia ia Rev. J. Hihio o Kaanapali. O L. M. Vettensen ko Crook hoa paio no ke kulana luna hooia a o ko Kalei Kahaulelio hoa paio hoi no ke kulana luna helu. Ua wanana ae kekahi poe loea kalaiaina o Maui me Pia Cockett no ka puuku, J. K. Kahookele no* ke Ana Aina ame T. B. no ka lunakial, he poe lakou e hiki ole ke wawahiia e na Repubalika. No Mr. Kookoo ame Mr. Hihio, he mau kanaka no laua i makemake nui ia, a ua maopopoia mea ma ka nui o ko laua balota i kela kau koho balota iho nei. E haawi ae ana na Home Rula i kekahi luau nul ma Wailuku iioko ae o Novemaba, i ka po iho mamua oke koho balota. E malamaia ana he huakai ka'i kukui me ka bana o Wailuku ma ke poo o ka huakai, haiolelo ma ka lina holo hau, a pela aku, O na moho lunakiai a na Hepuhalika W. F. Pogue. J. K. losepa, A. N. Hayselden mē W. H. King, e pau nui aku ana lakou no Molokai no ka haawi haiolelo ana. E hui aku ana o S. E. Kalama me lakou ma keia huakai no ka Mahele Elua.