Ka Nupepa Kuokoa, Volume XLI, Number 39, 25 September 1903 — Page 6
| This text was transcribed by: | Cheryl Mokuau |
| This work is dedicated to: | KSBE Class of 92 happy 20 yrs. |
Ka Nupepa Kuokoa
KE KILOHANA POOKELA NO KA LAHUI HAWAII.
SEPATEMABA 25, 1903.
HE MOOLELO WALOHIA
NO KA
ONAMILIONA
I LAWE A HUNA MALU IA MA KA AINA MEHAMEHA
I ke ahiahi o ka Poano, ua ike aku la lakou i ka waiho mai o ke Kakela Moro o Kuba, a ua kokoke hoi e kani ka hora 12 o ka po ko lakou manawa i hookuu iho ai i ka heleuma maloko o ke awa o Havana. Ua hooholo iho la lakou e noho maluna o ka moku i kela po, a i ke kakahiaka ana ae, ua hoopili aku la lakou i ka uwapo.
I ke kakahiaka Lapule ae, ua ikeia aku la kekahi kanaka e holo pololei mai ana no ka moku, a mai na uwapo o Havana mai kona holo ana mai maluna o kekahi wahi waapa uuku. O ka ohua e hele mai ana, he wahi kanaka uuku oia me na umiumi ulaaia, a e kau ana ma kona kuka he pua lei poni moi. E noho pololei ana oia mahope o ka moku i kona kokoke ana mai, a i ka nana pono ia ana aku, ua hoomaopopoia iho la o Benada Simoa no keia, a e uhi ana hoi ka helehelena o ka lanakila maluna o kona nanaina.
I ke koke ana mai o ka waapa ma ka aoao o ka moku, ua hele aku la ke kapena o ka Helen Carmody a ku ma ke poo o ke alapii, a ia wa i haawiia aku ai o Simona i kona aloha.
“Gude moni oe e ke Kapena,” wahi ana i haawi aku ai i kona aloha.
Ua nana mai la ke kapena a kunou mai la i kona poo me ka pane leo ole.
“O Benada Simoa @wau, ka elele o ka Nu Ioka Record,” wahi ana i kamailio mai ai. “E haawi aku i ko`u pepainoa ame ko`u mau hoomaikai ia Miss Carmody ame Mr. Chalmers.”
“E pil mai oe iluna nei, e Mr. Simoa,” wahi a Kapena Balau wina i kamaiiio mai ai, “ ua hauoli wau i ka ike ana ia oe.”
“A, o Simoa keia?” wahi a Chalmers i hooho ai i kona manawa i hoea mai ai ma kahi a ke kapena ame Simoa e ku ana. “Ke hauoli nei wau i ka ike hou ana ia oe, e ka elemakule. Ke haawi aku nei wau i ko`u mau hoomaikai ana ia oe. He manaolana ko`u aole oe e hewa ana i keia hana ana.”
“Aole loa wau e papalua i ka`u hana kuhewa ana maluna o ka hihia hookahi,” wahi a Simoa i pane mai ai iaia e lululima ana me ka lunahooponopono nui o ka Record. “I ka manawa hea wau e ike ai ia Miss Carmody?”
“Eia ae oia ke hele mai nei maanei,” wahi a Chalmers i pane mai ai, ua hele mai o Miss Carmody ma ka lakou wahi e ku ana a hoolauna aku la o Chalmers ia Simoa.
“Ua hauoli wau i ko kaaua hui ana e Mr Simoa” wahi a ke kaikamahine i kamailio mai ai me ka haawi ana mai i kona lima no ka lululima ana. “Ua lohe mau wau i kou inoa a me he mea la hoi ua kamaaina mua no kaua. Ke hauoli nei wau i ka hookipa ana mai ia oe maluna o ko`u moku nei.”
Ua haawi aku la o Simoa i kona kunou hoomaikai. I kona hoomaka ana mai e hele ua hoomakaukau oia i kekahi mau olelo maikai e waiho aku ai imua o ka lede opio, aka nae, i kona ku ana aku imua ona, ua puhee aku ia ua mau manao nei ana i hoomakaukau ai. Ua ku ae la no nae oia a haawi aku la i keia mau olelo:
“Aole wau e nalowale ia oe. Ua hauoli loa wau i ka halawai ana me oe e Miss Carmody. No`u keia hauoli apau loa.”
“I keia mauolelo a Simoa, ua lilo loa iho la ia i mea akaaka nui ia e ke kaikamahine, a i ka pau ana o keia haawina o ka hauoli, ua ninau aku la oia i na mea apau e pili ana i ka loaa ana iaia o Heseka ka mea nana i hana keia mau hana kolohe, a i ka maopopo ana hoi iaia kahi i ku ai ka hale o Heseka.
Ua hu`e pau aku la o Simoa i na mea apau, a ua hoolohe pono mai la o Chalmers ma i na olelo apau i puka aku mai ka waha aku o Simoa.
“I ka loaa ana mai o ka Chalmers kauoha ma ke telegarapa,” wahi a Simoa “Ua ulu koke mai la ka manao iloko o`u o na uwapo hooiii papa ka`u wahi e hele mua aku e huli. Ua nui ko`u noonoo ana maluna o keia kumuhana, a ua olelo iho ia wau iloko o`u e like me keia: Ina e manao ana o Heseka e kukulu i hale nona ma na wahi wela, malia paha e kuai ana oia i ka papa o kona hale ma Nu Olina, no ka mea, o Nu Olina hoi kahi e loaa nui ai ka papa o ka hema nei. O
Ka mea nana e kukulu ka hale, e loaa no oia mai kahi a Heseka e makemake ai, aka, o ka papa mai Nu Olina mai. Ua ano poeleele ko`u hiki ana aku ma Nu Olina. Ua hele aku wau ma kekahi hotele, nana i ka`u mau leta, a i ka pau ana ua hele aku wau ma na uwapo kumoku.
“Ua hele aku wau me ka ninaninau ana i ka poe hana ma na uwapo, @ela ame na kanaka like ole e pipiii mau ana ma na uwapo, a no ka loaa ole o ka`u mea i makemake ai, ua hele loa aku la wau ma kahi a kela poe e akoakoa mau ai. I ko`u hiki ana aku malaila, ua loaa aku la ia`u he kanalima paha o keia poe maloko o kekahi lumi. Iloko o keia puulu, ua hele aku ia wau e kamakamailio me kekahi wahi keiki paele, a ua olelo aku wau haia e haawi aku no wau i ka huina e $5 ina oia e hele aku e ninau i ka poe e noho ana maloko o ka lumi ina ua hooili lakou i kekahi ukana papa no kekahi kanaka @ Walter B. Heseka ka inoa. Ua ha`i aku la wau i ke ano o ko Heseka nana~na, he kanaka @ nupepa oia a he mokuahi kona i kapaia o “Mano” ka inoa, he kanaka ano e a he minamina ole hoi i kana dala.”
“He wahi paele eleu keia,” wahi a Nimoa i hoomau aku ai i ke kamailio ana, “a ua nui kona makemake e loaa ua dala nei iaia me ka hikiwawa. Ua pil ae la oia maluna o kekahi pahu hia a hoomaka ae la e haiolelo. I kekani manawa, e hewa ana no kana kamailio ana, aka, ua ku koke aku ia wau a hoopololei i kana kamailio ana. I ka pau ana o ke kamailio ana a kahi keiki paele, ua hele mai la kekahi paele e like ka eleele me ka eki kalapu a olelo mai la ia`u heaha la
Ka`u e haawi aku ai iaia ina ula e aoike mai ana i ka inoa o ka moku i hooiliia ai ka papa. Aole wau i hoike aku ua ake nui wau e maopopo i ka inoa o ka moku, eia nae, ua olelo malie aku la wau e haawi aku no wau i $2 ina oia e ha1i mai ana i ka mea pololei. Ua hookaawale aku ia maua ma kekahi aoao o ka lumi a ha`i mai la oia he hookahi makahiki i hala ae, ua hiki mai kekahi kanaka ma Nu Olina maluna o kekahi moku i kapaia o ka “Mano” ka inoa, a o kona ona ka mea nana i hoolaia i ka hooili ana i kekahi piha papa, puka pukaaniani, ame na pono kukula hale apau maluna o kekahi kuna i kapaia o Sam Waka. Ua wehewehe mai oia i ke ano o Heseka, a ua pololei loa. Ua olelo mai oia o ka Heseka hana makemake loa, oia ke kiloi ana i ke dala i na paele e mumulu ana ma na uwapo ame ka haawi ana aku i kekahi mau apana dala no ka hulahula ana mai o na Paele. Ua hiki i keia kanaka ke ku mai maluna o ka moku a hoolei mai i ke dala no kekahi mau hora loihi, a hiki i ka poeleele ana o ka uwapo i na paele.
Ua ike iho la wau ua pololei kana hoike, a ua haawi aku la wau i ka $2 me ko`u olelo pu aku e loaa no he $10 iaia ina oia e hiki ke kuhikuhi mai ia`u kahi e ku nei ka Sam Waka. I ke kokoke ana aku i ke kuluaumoe, ua hiki aku la maua ma kahi e ku ana ke kuna maloko o kekahi lokowai. Ua uku aku la wau i ko`u hoa, a hele aku ia wau no ka “Palena Hema.” Ua makemake wau e loaa na mea apau me ka loaa ole o kekahi hoohuoi mai kekahi mea mai. I ka`u ninaninau ana ua loaa mai la ia`u ka lohe ua hele aku ka malamamoku o ke kuna ma kekahi wahi inu rama, a ia`u ma ko`u ala, ua loaa aku la kekahi hoaloha kahiko o`u ua luhe i ka wai. Ua lawe pu aku la wau iaia, no ka mea, ua makemake wau hoohana iaia @ ka wanaao o kekahi la ae, ua loaa aku la ua malamamoku nei ia maua, a ma ka ninau ana iaia, ua olelo mai oia e holo aku ana ka moku no Havana. Ua piha loa ia oia i keia manawa, a ma ka`u ki-pe ana iaia e ae mai ia`u e kau pu me lakou, ua ae mai oia. O ko`u hoaloha hoi, aohe mea nana oia e hookaawale aku, ua makemake oia e hele pu me a`u ma ka`u huakai, a o Beneda kona inoa, a ua hooholo iho la wau e lawe pu iaia.
“I kekahi la ae, ua hui aku la wau me ka kapena a o Paka kona inoa, a he kanaka oluolu oia ma na ano apau. Ma ka`u hoohele kamailio ana, ua hiki aku maua maluna o ke kulana kukulu hale, a me ia ka hoohele kamailio ana a hiki i ka puka ana ae o ka inoa o Heseka, a maopopo iho la ia`u o Konela Makinitaea ka mea nana i kukulu ka hale, a o Havana kona wahi noho. Ua manao wale ae la no wau no Makinitaea paha keia piha ukana papa a ka moku e lawe nei, a i ka lua o ka la o makou ma ka moana, ua loaa iho la makou i ka makani ikaika a puhiia mai ko makou ala pololei aku a ke komohana-hema. I ke ahiahi o ua la nei, ua ike aku la makou i kekahi mokuahi holo lealea me he la e holo ana no Nu Olina, ua kaa ae la oia ma ko makou aoao akau. Ua nana aku la o Kapena Paka i ua moku nei a olelo ae la:
“ ‘O ka moku kela au i kamailio mai ai ia`u. E Mr. Simoa, o ka “Manao” kela.’”
“Ua kupaa oia ma keia mea, a i ka nana ana aku o ka malamamoku, ua hooia mai oia o ka “Mano” io no keia. He hookahi mile ame ka hapa paha kona kaawale mai a makou aku, a na keia ka-wa i ike ole aku ai makou i kona inoa. Ua maopopo loa ke ano o ka “Mano” i keia mau mea, a ua olelo mai laua aole laua i hewa ma keia koho ana.
“No ka ikaika launa ole mai o ka makani, ua hookauluaia ko makou hiki ana aku i Havana a hiki i ka Poalua, i ke kakahiaka. I ko makou ku ana aku, aohe o Konela Makinitaea i hoea mai ma ka uwapo, a ua nui ka`u hana o ka hele ana e huli iaia. Ma ke alanui Vedado kona wahi noho, ua kau wau maluna o ke kaa a holo aku e ike iaia. Aohe oia i loaa ak@ ia`u ma ka hale, ua hala aku oia no na kuaaina. Ua alualu aku no wau no kona wahi i hele aku ai.
I ke awakea o ia la, ua loaa aku oia ia`u.”
“Aia ihea o Konela Makinitaea i keia wa:” wahi a Chalmers i ninau koke mai ai.
“E hiki mai ana oia maanei, kokoke oia e hiki mai,” wahi a Simoa i pane mai ai. “Ua hele aku nei o Jack Kivini e kii iaia, a owau hoi, hele mai nei wau e haawi i ko`u mau hoomaikai ia Miss Carmody.”
Ua wehe ae la o Simoa i kona papale a kunou aku la ia Miss Carmody.
“Aole i pau hoi ka`u moolelo,” wahi a Simoa i hoomau mai ai i ke kamailio ana i kana moolelo. “I ka loaa ana aku o Konela Makinitaea ia`u, ua like oia me kekahi ilio huhu, a ua hoao mai oia e kaupale mai ia`u. Ua olelo mai oia aohe o`u kuleana e maopopo ai ina oia ua hana i kekahi hale no Heseka. No ko`u ike ana aohe me mea e hiki ai ke ha`i mai i ka`u mea i makemake ai, ua ha`i pau aku la wau i na mea apau e pili ana i ka hihia. Ia manawa ua kuku mai la kona mau maka a kokoke e hemo iwaho no kona piha kahaha. I kinohi, aohe ona manaoio i ka`u mea i kamailio aku ai, eia nae, mahope mai ua loli kona manao. Ua olelo mai oia he kanaka kuawili o Heseka a aole oia e hookuukuu wale aku ana i kekahi mea. I ko`u hoomau ana aku i kamailio ano, ua ano oluolu mai la kona manao a ha`i pau mai la i na mea apau.”
“Aia maluna o ka mokupuna hea kahi i kukuluia ai ka hale?” wahi a Miss Carmody i ninau aku ai.
“Aole ka hale i kukuluia maluna o kekahi mokupuni,” wahi a Simoa. “Aia ma ka aekai o Mekiko kahi i ku ai ka hale, ma ka hema o Vera Kuruse. Ma ka Konela Makinitaea hoakaka, he wahi keia e loaa ole a e ike ole ia ai paha no kekahi mau makahiki he tausani. Aohe he hele o na Ilikini ame na kanaka Mekiko ma keia wahi, ua manao lakou he nui na uhane ino o kela wahi no ka mea i ke au kahiko, ua ku kekahi luakini kahiko ma kela wahi. Aia ma keia wahi he wahi kahawai uuku e kahe ana iloko o ke kaikuono. Aohe e hiki ia oe ke ike aku i ke kaikuono aia wale @o a kokoke loa aku i ka aekai. He hookahi wale no pa@aka, koe o Kapena.
“AOLE KA HALE I KUKULUIA MALUNA O KEKAHI MOKUPUNI.”
Wata o ka “Mano,” ka mea i ike i keia wahi. O na ano moku apau e hoao ana e hookomo ma keia awa e pau no lakou i ka nahaha ma o ka hooku`i ana me na ako`ako`a o ke awa. A, eia ae o Kivini ame Konela Makinitaea.”
O Konela Makinitaea, he kanaka kino pu`ipu`i oia me kekahi umiumi eleele nui e kau ana maluna o kona lehelehe, a o kona helehelena, he eleele a kokoke e like me ko kekahi hapa paele. He ano huhu kona nanaina, eia nae, o kona ano wale no ia mawaho iho.
No na mea ana i ka aelike mawaena o Heseka me Konela Makinitaea, ua ike no kakou ia mea ma na hoikeike i hala mua ae nei. Ua hanaia kekahi aelike mawaena o laua no ke kukulu ana i kekahi hale no Heseka ma ka aekai o ke Kaikuono o Mekiko, e kokoke ana i Vera Kuruse. Na Heseka ponoi no i hana ke kii o ka hale, eia nae, ua hookomo iho o Makinitaea i kekahi mau hoololiloli. Na Makinitaea i kua ka papa ma Nu Olina, ame ekolu hoa kamana, ua holo aku lakou no keia wahi no ke kukulu ana i ka hale. Ma Vera Kuruse, ua loaa hou kekahi mau kamana, a holo loa aku lakou no ke kahua o ka hana. O na kamana ekolu i holo pu aku ai me Konela Makinitaea, He poe hana lakou no Makinitaea ma Havana.
“He hiki anei ia oe ke lawe aku ia makou no keia wahi?” wahi a Miss Carmody i ninau aku ai i ke konela.
“Ua hiki ia`u ke lawe aku ia oukou no kahi i makemakeia, eia nae aohe e hiki ia kakou ke hookomo iloko o ke kaikuono me ke pailaka kamaaina ole. He nui ka nalu o kahi e hookomo aku ai, ame ke akahele wale no e hiki aku ai maloko. O ko makou pailaka i hele mua ai, ma Tampico oia i loaa ai ia makou, a o ka`u e manao nei, e holo aku kakou ma keia wahi a kii aku iaia e hele pu me kakou. I ka manawa hea oukou i manao ai e hele aku ma ka huakai huli?”
“I ka wa e makaukau ai no ka nee ana aku,” wahi a Chalmers. “E hoopiha lanahu mua aku ana makou, a aole no hoi e loihi loa ana makou ma keia hana.”
“Ua makaukau wau,” wahi a Konela Makinitaea i pane mai ai, “He nui ka hana ma ko`u lima i keia wa, eia nae, e kapae iki ae keia mau mea. Eia wau malalo o kau kauoha i keia wa, e Miss Carmody.” Ua wehe ae la oia i kona papale a kunou aku la i ka wahine opio.
“I ko`u lohe ana i na mea apau mai a Simoa mai,” wahi a ke konela i hoomau mai ai, “ua waiho a kapae wau i na mea hana no ka manawa no ka hele ana maluna o keia hana nui.”
“Ua maopopo ole ia`u pehea la wau e haawi aku ai i ko`u mahalo no kou kokua ana mai ia makou ma keia kumuhana,” wahi a ka wahine opio i olelo aku ai i ke konela. “Eia nae, maluna o kou poho ma kou haalele ana aku i kau hana no ka manawa, aole loa oe e poino, no ka mea, ua hiki ia`u ke pani aku i ke poho e kau mai ana maluna ou.”
Ma ia auwina la, mahope iho o ke kani ana o ka hora awakea, ua puka aku la ka Helen Carmody mai ke awa aku o Havana a kamoe aku la kona ala no ke komohana. I ka uhi ana mai o ka malu po, ua nalowale aku la ka aekai o Kuba mahope o lakou. He la welawela keia, eia nae, ua uhiia ka oneki me ka uhipe’a a na ia mea i hoomalumalu iho i ka poe holomoku.
Ia auwina la, ua noho keia poe ma ka oneki e hoolohe ai i na moolelo a Simoa e pili ana i kana oihana kaku nupepa a ua nanea loa keia poe i ka hoolohe ana iaia. I kela ahiahi, ua hoi aku la lakou maloko o ka lumihookipa o ka moku a malama i kekahi mau hana hoolaulea himeni a pela wale aku.
I ka hoea ana mai o ka hora o ke aumoe, ua hoi aku la keia poe e hooluolu, a i ko lakou ala ana ae i ke kakahiaka o kekahi la ae, ua ike iho la lakou ua mau no ka maikai o ka pa ana o ka makani a e uhi ana hoi ka malie maluna o ke kai. No ka lakou hana ole, ua loaa iho la ka manawa maikai ia Chalmers e hui kamailio mau ai me Miss Carmody, a ua nui ko laua hauoli ma keia hui kamailio ana. I ko Simoa ike ana i kela mau mea mawaena o keia mau opio, ua olelo ae la oia o ka hihia huna malu keia e ulu mai ana ma ia mua aku.
I ke kakahiaka Poalua ae, ua puka malaelae mai la ka la, a ua waiho mai la ka nani o na puu ame na mauna o Mekiko. Ma ia ahiahi ua kuu iho la ko lakou heleuna ma ke awa o Tampico. Ua hele aku la o Konela Makinitaea, Simoa ame Kivini e imi i ke pailaka, a o Chalmers hoi, ua lawe hoomakaikai aku la oia i na lede ma na alanui o ke kulanakauhale k-hiko.
I ka hiki ana aku o Konela Makinitaea ma kahi noho o ke pailaka ua oleloia mai la ua hele aku ke pailaka no Vera Kuruse a aohe oia e hoi mai a waenakonu o ia po. Ua kali malie iho la lakou no keia kanaka.
(Aole i pau.)
Hoinoiae na Kanaka
LADANA, Enelani, Sept. 14.—Ua hoinoia o Joseph Chamberlain, ke Kakauolelo o na mokuaina, ma na alanui i kela ia e na kanaka iaia ma kona ala no ka halawai aha kuhina. Ua makemake ole na kanaka i kana mau hana e pili ana i ka dute.
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI.
GOO HOY.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma Sepatemaba, 14, 1903, i hanaia e Goo Hoy, ma ke ano he mea moraki mai, o Honolulu, Mokupuni o Oahu Teritori o Hawaii, ia Annie S. Parke, ma ke ano he mea paa moraki, o Honolulu i oleloia, a i kakau kopeia iloko o ke Keena Hoona aina iloko o Honolulu i olelo mua ia ae nei, iloko o ka Buke 227 ma na aoao 94-97, ke manao nei ka mea paa moraki e paniku i ka moraki i oleloia no ke kumu i uhaiiaa, e hoike ana: o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha mahope o ka pau ana o ekolu pule mai ka la i hoopukaia aku ai keia hoolaha, e hoolahaia aku no ka waiwai i hoopaaia ma ka moraki i oleloia no ke kuai kudala ia ma ke akea, a e malamaia ua kuai nei ma na lumi kudala o James F. Morgan iloko o Honolulu i oleloia ma ka Poaono, Okatoba 17, 1903, ma ka hora 12 o ka la @ oleloia.
O ka waiwai i hoopaaia ma ka moraki i oleloia a i manaoia e kua e like me ka mea i hoikeia ae nei maluna, ua hoakakaia e like me keia malalo iho:
O kela mau apana a mau mahele o ka aina e waiho la ma Kauluwela, Honolulu i olelo mua ia ae nei, a he mau hapa hoi o ka Palapala Sila Nui Helu 6817 L.C. A. Helu 2177 ia Nika, a i hoakaka pono loa ia e like me keia malalo iho:
Akahi. E hoomaka ana ma ke kihi hikina-hema o keia apana aina ma ka aoao Akau o ke alanui-olowi a holo ma na kuhikuhi makeneki:
1. Hema 47 ° 00 ' Komohana 66 kapuai holo ma ke alanui-olowi;
2. Akau 54 ° 00 ' Komohana 105 kapuai:
3. Akau 22 ° 50 ' Hikina 6 5-10 kapuai;
4. Akau 39 ° 15 ' Hikina 61 2-10 kapuai;
5. Hema 53 ° 00 ' Hikina 116 7-10 kapuai a hiki i kahi i hoomaka ai, nona ka iliaina o 6423 kapuai kuea, a oia no hoi ka aina i hooliloia i ka mea moraki mai i oleloia ma ka palapala kuai aina a J. H. Kunewa, i hanaia ma Aperila 19, 1901, a i kakau kopeia iloko o ke Keena Hoona Aina iloko o Honolulu i olelo mua ia iloko o ka Buke 222, ma na aoao 183-184.
Elua:
1. Akau 43 ° 32 ' Komohana 165.6 kapuai;
2. Akau 44 ° 58 ' Hikina 80.3 kapuai;
3 Hema 47 ° 02 ' Hikina 167.3 kapuai;
4. Hema 39 ° 28 ' Komohana 24.1 kapuai;
5. Akau 42 ° 32 ' Komohana 1.6 kapuai;
6. Hema 48 ° 53 ' Komohana 60.3 kapuai;
7. Hema 33 ° 18 ' Komohana 6.5 kapuai; a hiki i kahi i hoomaka ai, nona ka iliaina o 14,168 kapuai kuea, a oia no hoi ka apana aina i hooliloia i ka mea moraki mai ma ka palapala kuai aina a J. H. Kunewa, i hanaia ma Iune 19, 1901, a i kakau kopeia iloko o ke Keena Hoona Aina, iloko o Honolulu i olelo mua ia ae nei, iloko o ka Buke 223, ma na aoao 267-268.
O na apana aina i hoakakaia ae nei maluna, ua huiia laua iloko o hookahi apana, a nona ka iliaina o 20,591 kapuai kuea.
Ma ke kuike a ma ke dala gula Amerika ka makemake a ma ka aoaoa o ka mea kuai mai ka lilo o na palapala kuai.
No na mea aku i koe, e loaa no mai a W. C. Parke mai, loio iloko o keia moraki o Annie S. Parke, mea paa moraki.
Hanaia ma Honolulu, Sepatemaba 14, 1903.
ANNIE S. PARKE,
Mea Paa Moraki.
Ma o kona loio iloko o keia hana,
W. C. PARKE,
HOOLAHA MANAO PANIKU A KUAI A KA MEA PAA MORAKI.
I na mea apau e pili ana i keia:
I kulike ai me ke kanawai ame ka pono o ka mana kuai iloko o kela palapala moraki i hanaia e How Chong ame Chong Dow, ka mea moraki mai ia W. G. Irwin, J. A. Cummmins, ame W. D. Alexander, na Kahu no ka Oahu Railway and Land Company, na Mea Paa Moraki, i hanaia ma ka la 29 o Novemaba 1890 a i kakau kopeia ma ke Keena Hoona Aina Hawaii ma Honolulu, Oahu iloko o ka Buke 129 ma na aoao 135-137, a o ua moraki nei ua haawiia i ka Oahu Railway and Land Company i kakauia malalo iho, a ma keia manawa oia ka mea e paa nei a ona hoi o ua mea nei, e na Mea Paa Moraki i olelo mua ia ae nei, ma kekahi palapala haawi kuleana i hanaia ma ka la ekahi (1) o Ianuari, 1897, a i kakau kopeia ma ke Keena Hoona Aina i oleloia ma ka Buke 171, aoao 67 et. Seq., a ke haawi pu ia aku nei ka hoolaha o ka Oahu Railway and Land Company, ka mea malama moraki o ka moraki i oleloia, ke manao nei e paniku i ua mea nei no ke kumu i uhaiia no ka uku ole ia o ke kumupaa ame ka ukupanee o elua palapala uku aie o ka huina o $125.00 pakahi, a i hoopaaia ma ka moraki i oleloia.
Ke haawi pu ia aku nei no hoi ka hoolaha mahope o ka pau ana o ekolu pule mai ka la i hoopukaia aku ai keia hoolaha, e hoolahaia aku no ka waiwai i hoopaaia ma ka moraki i oleloia no ke kuai kudala ia ma ke akea, a e malamaia ua kuai nei ma na lumi kudala o James F. Morgan ma Honolulu ma ka Poaono ka la umi (10) o Okatoba, 1903, ma ka hora 12 awakea o ka la @ oleloia.
O ka waiwai i hoopaaia ma ua moraki nei i oleloia a i manaoia e kuaiia aku e like me ka mea i hoike mua ia ae nei, ua hoakakaia e like me kela malalo iho:
O kela apana a mahele o ka aina e waiho la ma Pearl City iloko o ka Apana o Ewa, Mokupuni o Oahu, a i hoakaka maopopo loa ia he Apana 3 iloko o Kuea 8 maloko o kela palapala aina a kii i kakau kope ia iloko o ke Keena Hoona Aina i oleloia ma ka Buke 121 ma na aoao 243-244.
Nona ka iliaina o 11,250 kapuai kuea,
Ma ke dala gula Amerika, a ma ka aoao o ka mea kuai mai ka lilo palapala kuai.
HOOLAHA HOOKO MORAKI.
No na mea aku i koe, e loaa no ia Hatch & Lallou, na loio o ka Oahu Railway and Land Company, ka mea malama o ka moraki i oleloia.
Hanaia ma Honolulu, Sepatemaba 3, 1903.
OAHU RAILWAY AND LAND COMPANY.
Ka Mea Malama o ka Moraki.
2879—Sept. 4, 11, 18, 25.
HOOLAHA MANAO PANIKU A KUAI A KA MEA MALAMA MORAKI O KA MEA PAA MORAKI.
JAMES OSBORNE.
I kulike ai me ka mana kuai iloko o kekahi moraki i hanaia e James Osborne ia S.M. Damon, J. H. Fisher ame H. E. Waity, he poe lawelawe oihana banako iloko o Honolulu malalo o ka inoa hui o Bishop and Company, i hanaia ma ka la 10 o Feberuari, A. D. 1899, a i kakau kopeia iloko o ke Keena Kakau Kope, Oahu, iloko o ka Buke 187, ma ka aoao 355-357, a na ua Bishop and Company nei i oleloia i waiho pono aku ia H. A. Juen, ma kekahi palapala hoike i hanaia ma ka la 8 o Sepatemaba, A. D. 1903, a ua waihoia aku i keia manawa no ke kakau kopeia ana ma ke Keena Kakau Kope i oleloia, ma keia ke haawiia aku nei ka hoolaha o ka mea malama moraki i oleloia o ka mea paa moraki ke manao nei e paniku i ka moraki i oleloia no ke kumu i uhaiia, e hoike ana,--o ka uku ole ia o ke kumupaa ame ka ukupanee i ka manawa e uku ai, a maluna o keia paniku e kuai kudala akea ia aku ai, ma na lumi kudala o James F. Morgan, Alanui Kaahumanu, Honolulu, ma ka Poaono, ka la 10 o Okatoba, ma ka hora 12 awakea o ka la i oleloia, na aina i hoakakaia ma ka moraki i oleloia, oia keia e hoakakaia aku ana malalo iho.
No na mea aku i koe, e loaa no mai ka mea mai nona ka inoa malalo iho ma kona keena, Helu 79, Alanui Kalepa (Merchant St.,) Honolulu.
H. A. JUEN,
Mea Malama o ka Moraki.
1. O kela apana a mahele o ka aina e waiho la makai o ke alanui aupuni ma maulukikepa, Waikiki, Mokupuni o Oahu, a he hapa keia o ka Palapala Sila Nui Helu 3579, L. C. A. Helu 5240 ame Helu 5364 ia Kalama ame Nakookoo, a oia no hoi ka aina i hooliloia i ka mea moraki mai i oleloia ma ka palapala kuai aina mai a F. Meyer mai, i hanaia ma Okatoba 6, 1896, a i kakau kopeia iloko o ke Keena Hoona Aina iloko o Honolulu i oleloia, iloko o ka Buke 164 ma na aoao 280-1, a i apoia a hoakakaia e like me keia malalo iho:
E hoomaka ana ma ke kihi Hema o keia apana a holo e like me keia malalo iho e like me na kuhikuhi makeneki:
1. Akau 45 ° Komohana 105.6 kapuai holo ma ka pa-hale o Loiloa;
2. Akau 51 ½ ° Hikina 9.2 kapuai;
3. Hema 38 ½ ° Hikina 6.0 kapuai;
4. Akau 42 ° Hikina 123.0 kapuai holo ma ka apana i kuaiia ia Haupuu;
5. Akau 53 ° Komohana 7.0 kapuai;
6. Akau 42 ° Hikina 103.0 kapuai holo ma ka apana i kuaiia ia Lono;
7. Akau 50 ° 20 ' Komohana 101.0 kapuai holo ma ka apana i kuaiia ia Lono;
8. Akau 43 ° Hikina 10 kapuai holo ma Kahue;
9. Akau 48 ° Komohana 50.5 kapuai holo ma Kahue;
10. Akau 73 ° Hikina 159. 0 kapuai holo ma ka waiwai o Bihopa a hiki i ke alanui;
11. Hema 65 ° Hikina 109.6 kapuai holo ma ke alanui a hiki i ka pa;
12. Hema 43 ° Komohana 279.0 kapuai holo ma pa pohaku;
13. Hema 41 ° Hikina 105.6 kapuai holo ma ka pa pohaku;
14. Hema 52 ° Komohana 132.0 kapuai holo ma ka pa pohaku a hiki i kahi i hoomaka ai, a nona ka iliaina o 93-100 eka.
2. O kela apana a mahele o ka aina e waiho la ma ke alanui aupuni ma Kapaakea iloko o Waikiki i oleloia, a e pili ana hoi me ka aina i hoakaka mua ia ae nei, a he hapa hoi o ka Ili o Kapaakea, Palapala Sila Nui Helu 4475, L. C. A. Helu 7713, Apana 39, ia V. Kamamalu, a i apoia a hoakaka pono loa ia e like me keia malalo iho:
E hoomaka ana ma ke kihi Akaukomohana o ka Palapala Sila Nui Helu 3579. L. C. A. Helu 5240 ame 5364 ia Kalama ame Nakookoo, a holo e like me keia malalo iho e like me na kuhikuhi makeneki:
1. Akau 65 ° 00 ' Komohana 86 kapuai holo ma ke alanui;
2. Hema 42 ° 00 ' Komohana 112 kapua a hiki i ke kihi o ka Palapala Sila Nui 5379;
3. Akau 73 ° 00 ' Hikina 159 kapuai holo ma ka Palapala Sila Nui 5379 a hiki i kahi i hoomaka ai, a nona ka iliaina o 4611 kapua kuea.
O keia no hoi ka aina i hooliloia i ka mea moraki mai i oleloia e na Kahu malalo o ka Palapala Kauoha o B. P. Bishop ma kekahi palapala kuai aina i hanaia ma Feberuari 4, 1899.
2980—Sept. 11, 18, 25.—Oct. 2, 9.
HOOLAA LUAKINI.
E hoolaaia ana ka Luakini o ka Lanakila o ka Malamalama o ka Ekalesia o ka Jppmana Naauao ma ka Mokupuni o Lani ma ka la eha o Okatoba, 1903, no ka inoa o Iehova ke alii ame ka Haku o na Haku. E poni pu ia ana ia la o Loka Kealoha Maui i kahunapule ha`i euanelio no ka Ekalesia o ke Aia o ka Malamalama ma Keokea, Kula Maui.
E hoike pu ana na Kula Sabati a na Ekalesia o ka Hoomana Naauao ma ka Mokupuni o Maui ma ka Luakini o ka Lanakila o ka Malamalama ma Lanai ma ka la elima o Okatoba, A.D. 1903.
E noho ana ka Ahahui Mokupuni o na Ekalesia o ka Hoomana Naauao o ka Mokupuni o Maui ma ka Luakini oa ka Lanakila o ka Malamalama ma Lanai ma ka la eono o Okatoba, 1903.
Nolaila, ke polaiia aku nei ka noe apau i kuleana i na hana i hoikeia ae nei maluna e akoakoa ae lakou mamua o ka manawa i hoikeia ae nei maluna.
Owau iho no me ka haahaa.
REV. J. J. MATHEWS.
Luna ha`i Euanelio o na Ekalesia i huiia.
HOOLAHA KUMAU
Hui Alahao ame Ainao Oahu
MANAWA HOLO
Mei 1, 1903.
MAI HONOLULU AKU
No Waianae, Waialua, Kahuku ame na wahi hoolulu ma ke alahao—
*9:15 a.m., *3:30 p.m.
No Pearl City, Ewa Mill, ame na wahi hoolulu ma ke alahao--+7:30 a.m.
*9:15 a.m., *11:056 a.m., * 8:15 p.m.
*3:30 p.m., +4:15 p.m., *5:15 p.m.,
+ 9:30 p.m., +11:15 p.m.
MAI WAHO MAI
Ku i Honolulu mai Kahuku, Waialua ame Waianae mai
*8:36 a.m., *5:31 p.m.
Ku i Honolulu mai Ewa Mill ame Pearl City mai--+6:50 a.m., +7:46 a.m.,
*8:36 a.m., *10:38 a.m., *2:05 p.m.
*4:31 p.m., *5:31 p.m. *7:40 p.m.
*5:31 p.m., * 7:40 p.m.
*Kela ame keia la.
+ Sabati wale no.
+Koe ke Sabati.
G. P. DENISON,
Lunahoohana
F. C. SMITH,
G. P. & T. A.
HE
Kuai Hoopau Loa
MA KO`U HALEKUAI
Ma Alanui Hotele
E hooliloia aku ana na PALULE, PALEILI, KIMONA, PAPALE ame na pono Iapana ma na kumukuai i loaa mai ai no ka pomaikai o ka poe paa i ka hana i ke ao a hiki ole hoi ke hele e kuai i ka lakou mau mea e makemake ai.
E hamama no i na ahiahi apau, a e hele mai apau loa e nana ina aoia makou e ha`i ana i ka oiaio.
S. OZAKI,
Waverly Block Alanui Hotele.
He Huaale Maikai
Aole he like o na
“Huaalo a Ayers”
Me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi. Ina he paa kou hanalepo o na
“Huaalo a Ayers”
ka laau e hemo maikai ai, a e hemo maikai mau ana hoi mahope aku oia manawa.
Aole loa he hiki i kekahi kanaka ke Olelo ae he maikai kona oia kino ina aole he hemo o kona hanalepo he hookahi manawa o ka la, a oi aku paha. Ina i maopopo keia kanawai o ke ola i na kanaka apau, aole loa e like ka nui o ka poe ma`i me ka mea e ike ia nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maikai mamua o na
“Huaalo a Ayers’
Hoomakakkau ia e Kauka J. C. Ayer & Company, Lowell, Mass., U.S. A.
E loaa no keia mau Huanie ma ka Hale Kuai Laau o Hollister, alanui Papu.
Aole Makemake e Ai me na Paele.
ATLANTA, Ga., Aug. 24.—O Senatoa A. O. Bacon o Amerika Huinuia @ kekahi poe o Atlanta ua haalele @ lakou me ka aina kakahiaka ole @ Hamlet aku, N.C., i ka manawa e ahaaina ana o Booker Wakinekona @ Paele ame kekahi mau hoa Paele @ ona ma ia wahi hookahi.
Ua haawiia ka lumiaina nui o @ hale no keia poe Paele elele a he @ pakaukau uuku iloko o kekahi aoa@ o ka lumi heluhelu buke ua booma@ iki ia ae ma ka lawe ia ana o na @ ame na palapala e ae, a hoomakauk@ ae la he mau wahi pa no ka aina@ kahiaka o keia Senatoa Bacon @ kona mau hoa. Malalo o keia a@ hoole iho la o Senatoa Bacon ame @ mau hoa i ka ai ana ilaila.
O Hamlet he wahi-hoolulu kaaah@ kahi e ku mai ai ka laina kaaa@ Seaboard Air, kahi hoi e lele mai ai @ ohua o na kaaahi a kipa aku i @ haleaina no ka hoopiha ana @ ka @ o ka inaina.
O Senatoa Bacon ame kona mau @ hele ka poe iho a holo ana no Wilmington ua kauoha e mai la lakou i @ haleaina no ko lakou kipa aku e @ i ka manawa e ku ai o ke ka@ ilaila. Aka i ka wa o lakou i hoea aku ai ilaila ua hoopuiwa loa ia lakou i ka ike ana i na Paele e noonoo ana @ o keia lumiaina.
I ka manawa e ahaaina ana o keia poe Paele liko o ka haleaina he nui na Paele e ae o keia wahi i hele ae a kieei ma na pukaan@ni no ka nana ana i ko lakou mae hn Paele e @ ara, a me na hioaloha hauoli no hoi ke hekau ana maluna o lakou.
I keia manawa hookahi no aia o Bacon ame kona mau hoaloha ke holoholo ia ma ka papahele me na hakukoi noonoo nui ona.
ALA HOU KE KU-E IUDAIO
ST. PETERSBURG, Sept. 15.—Ua loaa mai ka lohe e pili ana i na hana ku-e Iudaio ma Ti@.