Ka Nupepa Kuokoa, Volume XLI, Number 34, 21 August 1903 — Page 6
| This text was transcribed by: | Szuki |
| This work is dedicated to: | to all the people who speak Hawaiian |
Ka Nupepa Kuokoa
KE KILOHANA POOKELA NO KA LAHUI HAWAII.
EONO
$6,000,000 Hoopai no ka Pakike
He manawa pokole i kaa hope ao nei , ua uku mai kekahi kanaka hookele waiwai o Kapalakiko i ka huina pokeokeo o $6,000,000 no kona paki-keana ia Claus Spreckles, ka moi kauana o ke kopaa.
O kela kanaka, oia ka peresidena o kekahi hui hana uwila ame ea, a no ke kokoke loa o keia wahi i ko ka Onamiliona Spreckles, ua hele aku oia e noi i ua peresidena nei ma he hiki ke hoemiia iho keia hana hoop@@inia wale. Ua pane mai ke@ a kanaka ia Spreckles me ke ano paki-ke, a no ia kumu, ua nui loa kona huhu.
I mea hoi e like ai a like, ua kukulu ae o Spreckles i hui hana uwila ame ea hou nona na hoolilo i hiki aku i ka $@,000,000, a hoomaka iho la e hoemi ino i ke kaki maluna o keia mau mea. Ua emi loa mai ke kaki a hiki i ka akahi-hapaha o ke kaki a ka hui kahiko,a no keia mea, ua hiki ole i ka hui kahiko ke hoomanawanui.
I kekahi la, hele mai ua kanaka nei i paki-ke ai ia Spreckles a noi mai e kalaia aku kana mau hana mamua, a e aloha aku hoi ia lakou, a ua olelo mai o Spreckles aia no kona aloha aku a kuai mai lakou i kona hale hana uwila me ka huina o $6,000,000, a ua ae mai keia poe. Oia iho la ka hoopa'i no ke paki-ke i ka Onamiliona. a Moi o ke Kopaa Claus Spreckles.
He Hana ku i ka Piliwaiwai
I ka pule i hala iho nei, ua hoopuka ae kekahi o na hui kuai kamaa nui o ke kulanakauhale nei e haawi no lakou he ki makana i kela ame keia mea e hele aku ana ma ko lakou halekuai e kuai ai i kekahi mau mea i piha ka waiwai i ka $2.50, a oia ka manawa e haawi pau loa ia ai ua huina ki nei e lakou, oia ka manawa o na mea apau e paa ana i na ki e hele mai ai e wehe i kekahi pahu aniani uuku, a aia maloko o keia wahi pahu he huina o iwakalua dala keokeo hou loa. Ua nui no hoi ka poe i hele malaila e kuai ai ai a ua loaa ka lakou mau ki.
I ka lohe ana o ka Loio Kuhina ame ka Makai Kiekie Brown i keia mea, ua heleia aku e papa keia hana, a ua haawiia aku ka lohe i ka poe i loaa na ki e hele mai e wehe i ua pahu nei mamua o ke kaihiia ana ae o ua pahu nei e ka mana o ke kanawai.
Ka Haiolelo a D. Kahaulelio
(Mai ka aoao mai)
Ia manawa i kukala ae ai ko kakou Moi i aloha nui loa ia Kamehameha III i keia mau moto kaulana elua maluna o na papalina aloha o "Kuu aina hanau e
Nou wau e mele nei
Aina maikaii
O na Makua o'u,
Me na keiki pu
E o mai o a o,
Kuu mele nei."
1. "Ua mau ke ea o ka Aina i ka Pono."
2. "O ke kanaka pono, o ko'u kanaka ia, a ma ka noho ana o ka Mana Hooko o ke aupuni, ua kukala ia a puni ka aina. e malama ia ka la 31 o Iulai i la kulaia no ke aupuni."
A ua oi aku ka malamaia ana o ke@a la 31 o Iulai, mamua o ka la Kuokoa, ka la 28 o Noemaba 1845, ame na ia hanau o na Moi, koe wale no ko Kaleiopapa Kamehameha III, ka mea i kapaia:" Ka lokomaikai nui."
Ua mau ka malama mailani ia ana o keia la ma na wahi apau a puni ka aina, aka, ma Lahaina nei ka oi loa aku, oiai, ua hoala ae ko onei mau lede hanohano, ame na keonimana koikoi o ka aina, i mau ahahui hoohauoli no ua la kulaia la, ame na ia hanau o na Moi, i kokua pu ia e ke Kiaaina. Hon P. Nahaolelua, oia hoi: Ahahui Anuenue, Lai Kealoha, ame ka Ahahui Kalepa.
A ma ka makahiki 1870, ua kapae ia ka malamaia ana o keia la, mamuli o ka huhu o ke kuhina kalaiaina F.W. Hutchson o ka Moi Kamehameha V, a pela iho la i hooholo ai ka Mana Hooko oia wa, e pau ka malamaia ana o keia la 31 o Iulai ma ke ano kula@a.
Ama ka manawa o keia kupilikiii o ka aina, ua haku iho la ka puali paele puhiohe o ka Moi i kekahi mele kaulana ia mau @a, a ua lilo ia i Mele Lahui no na kula aupuni a puni ka Paeaina, oia iho keia malalo nei:
Aloha ka aina.
O kakou apau.
Ua lilo i ka enemi.
Ka pakaha lima nui.
Chos: -
((:Ua hoihoi mai ke Ea:))
Ua hoihoi mai ke Ea.
Kau hou ka Hae Hawaii.
Ua noho U ka Aina,
O kakou apau.
Na 'lii, na kanaka,
Na malihini pu.
Ua hiki mai ka hoola,
Kau hou ka Hae Hawaii.
Mumule ka enemi,
A hoi wale no.
Lanakila ka pule,
A na haipule no.
Mai Hawaii a Niihau,
Welo hou ka Hae Hawaii.
S. KAPU.
He Leo mai Maui mai.
Ua apono ka poe o Maui i ka hana a ka Aha Kiekie iloko o ka hihia hoopau mana lawelawe oihana loio, a mai komo ole no paha lakou iloko o ke kanikau me he poe la e hiki ole ke hoomaha@a ina o Maguna kekahi i komo iloko o ka haawina hookahi me kona mau hoa loio. He mau loio akamai o Humphreys ame Davis, eia nae, o ka lima powehiwehi, aka-ku o na hihia o Sumner ame Nobriga, oia ka mea nana i peahi mai ia laua e hele aku ma kahi o laua e ike ole ia ai, a he mea pono e hana aku ke kiure kiekie maluna o keia mau mea
I keia manawa, akahi no a hookuemi hope ia keia ano lawelawe oihana loio ana, o ka mea i koe ma Honolulu, oia ka hoouna ana aku i na koloka o kekahi o na lunakanawai i ka hale holoi lole. - Maui Bews.
Ka Aoao e Maikai ai ke Ola
He mea maa mau i ka hapanui o kakou ka loaa ana o ka hauoli piha ana i kupono ai hoi e loaa io mai e like me ke kanawai o ke ola ana. Iwaena hoi o na mea heluhelu e hoopilihua ai a e hoopalupalu ai @a kakou o ke ola kino nawaliwali oia kekahi hiki mua. Ua olelo ae o Hannah More o ka hewa ua ulu mai no ia mailoko mai o ka opu inoino. Nolaila he mea kanalua ole o ke akepaa i hoopoinoia mamuli o ke koko inoino, oia ka mea nui nana e hookau iho i na nanaina kaumaha a oi aku mamua o kekahi mau mea e ae. O ke kuluma mau o ka pilikia i ka waihona hoowali ai, wahi a kekahi kauka Pelekane, oia ke alahele no ka poino o na lala o ke kino. A owai la hoi ka mea e hoomanawanui ana i ka hana pono ole a ka eha, a hoala mai ho@ i na manao uluku makau no na mai like ole o ke kino ame ka waihona loko i kuluma mau i na kanaka. Ua like lakou me na ao hakumakuma e pohai mau ana maluna o ka lehulehu i hiki ole ke heluia. Ua hiki no ia oe ke ike i keia poe kanaka ma na wahi apau. No lakou he mea hiki ole ke olelo a@ "he mau mea maikai ma ko lakou mau aoao." A mailoko mai oia mea e ake ana ko lakou mau naau e loaa ka palekana ame ke ola. O ka laau e like me.
WAMPOLE'S PREPARARATION
Aole ia i kau aku iwaena o ko lakou nohona ame ka ohohiaia e na kanaka mamuli o na kalahea wale ana ame na hoolaha e pai ana. Ua kono ia aku ia e lawe ae iaia mamuli o ka hookoia ana aku i ka mea i haiia aku ai ia lakou ua hiki iaia ke hana. O ke kaulana ana o keia laau he mea paa ia. He oi aku kona ono e like me ka waihona meli i huipuia me na mea hooulu a hoola o ka Pure Cod Liver Oil i hoohuiia me ke Compound o ka Hyphophosphites, Extracts o ka Malt ame wild Cherry. Aole he mea i oi o kona moolelo holomua no ka hoola ana i ke kanaka koko ole, haalulu o na lala, ka alaala, na ma'i o ka puu ame ke akemama ame na ano ma'i apau i loaa mai mamuli o ke koko maemae ole ame ka pono ole o ka waihona ai. O kana hana he kokua e ike aku i ka aoao maikai o ke ola. Ua olelo ae o Kauka W.H.B. Aikins o Canada penei "Ke hauoli nei au e hai aku o ka hopena i loaa mai ma ka lawe ana iaia ua oi aku ka maikai ame ke kupono." O kela ame keia e lawe ana iaia he wahi hana kana i hana ia. "Aole loa ia e hoohoka ana." E loaa ma na halekuai laau lapaau apau.
Ua Hoao iho e Lawe i ke Ola
Ma ka auwina la Poaono nei, ma kona home e kokoke ana i na alanui Kinau ame Puowai@@, ua hoao ae kekahi kanaka o Kaimi ka inoa e lawe i kona ola. Ma ka loheia mai,he ma'i ko keia kanaka, eia nae, ua hoole ka ohana i ka haawi ana i k@ laau lapaau iaia a olelo aku o ka pule ka mea e ola'i. Ua ku-e ikaika o Kaimi i keia ano lapaau ana, a no kona ano hoohaunaele i ka poe ola ua kahaeaia ka makai a i ko ka makai komo ana mai akahi no a loaa kona laau.
Ma ka Poaono nei ua loaa iaia kekahi pahi a hoomaka e lawe i kona ola ma ke oki ana i kona poo. Ua kaili koke ia ka pahi mai kona lima mai a laweia aku oia no ka Halaema'i Moiwahine. Eia oia ke noho nei malaila i keia mau la no ke kali ana i kona o@a hou ae. Aohe i kukonukonu loa kona mau palapu.
Ke Ahahui a na Haumana Mua
Ma ke kakahiaka Lapule nei i malalamaia ai he halawai e na keiki i hemo maikai (graduates) o ke Kula Nui Sana Lui ma kekahi o na lumi kula, a ua hiki ae ma ua halawai nei he heluna o na keiki i hiki aku i ke kanalima. O ke kumuhana ano nui o keia halawai, oia no ka nooonoo ana e kukulu i kekahi ahahui o na keiki i hemo mai keia kula aku, a i ka noho ana ua kohoia o John C. Lane ka peresidena o ka manawa, a o F.L. Johnson ke kakauolelo o ka manawa.
He nui no keiki i hoike ae i ko lakou mau manao, a o kekahi mea ano nui i hapaiia mai, o@a no ke kokua ana i na keiki i hemo maikai o keia kula no ka hele ana aku ma ka aina nui e hoonui loa ae ai i ko lakou ike. Ma kekahi hoikeike pokole a Brother Thomas, ua olelo mai oia aia paha ka heluna o na keiki i hemo o keia kula ma kahi o ka ekolu tausani mai ka wa mai i lilo ai ka hooponopono ana o keia kula malalo o lakou mai ka makahiki 1883 mai.
Ua kohoia he komike o ehiku lala no ka hana ana i na rula o ua ahahui nei, a ua kohoia no hoi he komike o umikumama@ima lala no ka ike ana i na keiki i komo ole mai i ka ahahui.
Ua manaoia e waiho mai ana keia mau komike i ka laua mau hoike i ka hora 10 o keia Lapule ae ma kahi no i halawai mua ai.
Ke Komisina no ka Aina Makua
Ua hookohu aku ke Kiaaina ma ka Poalua nei o Frederick W. Macfarlane ke Komisina o ke Teritori o Hawaii ma ka Hoikeike Nui o ke Ao nei e malamala aku ana ma Sana Lui i keia makahiki ae.
Ma keia koho ana o ke Kiaaina iaia, ua holopono ia mea i ka manao o na kanaka hookele waiwai nui o ka aina nei, no ka mea, he mea o Macfarlane i noho a kupa ma keia mau kalaulu, a he kanaka no hoi e lawelawe oihana nei me na hui kuonoono like ole.
Ua kamaaina oia i ke kulana o ka aina, a no la kumu, ua kupono loa ola no keia kulana no ka hele ana e hoikeike aku i ke ao holookoa i ke ano maoli o Hawaii nei, a e hoopau aku i ka noonoo kuhihewa o na aina e aia no o Hawaii nei iloko o ka poeleele.
Ua holopono iho nei na mea e pili ana i ka uwea telegarapa uwea ole a hiki i Kauai.
HOOLAHA HOOKO MORAKI
HOOLAHA MANAO PANIKU A KA MEA MALAMA MORAKI O KA MEA PAA MORAKI.
A.W. ANDERSON.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma ka la kanakolu-kumamakahi (31) o Okatoba, 1900, i hanaia e Augustus W. Anderson ame Hannah Anderson, kana wahine mare, no Honolului, Mokupuni o Oahu, Teritori o Hawaii, ia Henry Waterhouse Company, a i kakau kopeia ma ke Keena Kakau Kope o ke Aupuni ma ka Buke Helu 215, ma ka aoao 229 et seq., a o ua moraki nei i oleleia ua waiho pono ia aku ia Charles Notley,Sr., ma kekahi palapala hoike i hanaia ma ka la kanakolu (30) o Ianuari, 1901, a i kakau kopeia ma ke Keena Kakau Kope o ke Aupuni ma ka Buke Helu 215, ma ka aoao 479, o A. Lidgate ame Cecil Brown, na Kahu malalo o ka Palapala Kauoha Hooilina Hope Loa a Charles Notley, Sr., i oleloia i make, ke manao nei e paniku i ka moraki i oleloia no ka uhaiia o na kumu i hoopaaia ma ua moraki nei i oleloia e hoike ana i ka uku ole ia o ka ukupanee i ka manawa e uku ai.
Ke haawi pu ia aku nei no hoi ka hoolaha e kuai kudala akea ia aku ana ma ke ano pakahi na aina, na hale noho ame na waiwai hooilina i hoakakaia ma ua moraki nei, ma na lumi kudala o James F. Morgan, ma ke Alanui Kaahumanu, ma Honolulu i olelo mua ia ae nei, ma ka Poaono, ka la umi-kumamaiwa (19) o Sepatemaba, 1903, ma ka hora 12 awakea o ua la nei.
O ka waiwai i hoopaaia ma ua moraki nei, oia ke ia malalo iho:
O kela aina e waiho la ma Kulaokahua, Makiki, Honolulu, i apoia a i hoakakapono loa ia e like me keia malalo iho:
E hoomaka ana ma kekahi wahi ma ka aoao makai o ke Alanui Lunalilo, eono haneri kapuai Akau 68 degrees 48' Komohana mai ke kihi hema mai o na Alanui Lunalilo ame Keeaumoku, a o keia no hoi ke kihi Akau o ka Apana 11, a holo mai laila aku ma ka Meidiana oiaio, e like me keia malalo iho:
1. Hema 21 degrees 12' Kom. 90 kapuai holo ma ka Apana 10;
2. Akau 68 degrees 48' Kom. 33 3-10 hapuai; mai laila aku holo ma ka Apana 31, a mai laila aku
3. Akau 21 degrees 12' Hik. 90 kapuai a holo ma ke koena akahi-hapakolu o ka Apana 11 a hiki i ka laina makai o ke Alanui Lunalilo, a mai laila aku
4. Hema 68 degrees 48' Hik. 33 3-10 kapuai holo ma ka laina makai i oleloia o ke Alanui Lunalilo a hiki i kahi i hoomaka ai, nona ka iliaina o 3000 kapuai kuea, oi a emi mai; a o ka apana i hoakakaia ae la maluna he hapa ia o ka Apana 11, Kuea A, Gear, Lansing & Co., Kahua Kinipopo.
Ma ke kuike a ma ke dala gula Amerika ka makemake a ma ka aoao o ka mea kuai mai ka lilo palapala.
Hanaia ma Honolulu, Augate 15, 1903.
A. LIDGATE,
CECIL BROWN.
Na Kahu Hooko Kauoha ame na Kahu malalo o ka Palapala Kauoha Hooilina Hope loa a Charles Notley, Sr., i make.
2977-Aug.21, 28 Sept 4, 11, 18.
HOOLAHA I KA POE AIE.
WAIWAI O KILIKINA UNEA.
O ka mea nona ka inoa malalo iho nei, John T. Unea, o kona hookohuia ana iho nei i Lunahooponopono Waiwai me ka Palapala Kauoha pakuiia o ka Waiwai o Kilikina Unea (w) no Kalaupapa, Molokai, mea i make, ma keia ke haawiia aku nei ka hoolaha i ka poe apau no ka lakou mau koi i ka waiwai o Kilikina Unea i oleloia, mea i make i hooiaio kupono ia me na bila a palapala hoike no na lilo, ina he mea kekahi o ia ano a ina ua hoopaaia ia mau koi me na moraki a me kekahi ano e ae, e waiho mai ma ke keena o Smith & Lewis, Lumi 206 Judd Building (Hale), Honolulu, Oahu, maloko o Eono Mahina mai ka la aku o keia hoolaha, a i ole e hoole mau loa ia aku lakou.
Hanaia ma Honolulu, Oahu, Iulai 17, 1903.
JOHN T. UNEA,
Lunahooponopono Waiwai me ka Palapala Kauoha Pakui o ka Waiwai o Kilikina Unea, Mea i make.
Smith & Lewis and Louis J. Warren, Judd Building (Hale), Honolulu, na Loio o ka Lunahooponopono Waiwai.
2973-July 24, 31.-Aug. 7,14,21.
OLELO HOOLAHA
Ua makemakeia na Repubalika o ka Mahele Umi. Apana Elima, e halawai ma ka hale o J.L. Kaulukou, Alanui-olowi. Aala, ma ke ahiahi Poalima, Augate 28, ma ka hora 7, no ke kukulu ana i ka hui.
E hoomau aku ana no o Loio A. S. Humphreys i ka lawelawe oihana loio ana imua o ka Aha Amerika, a o Avon H, Crook ka mea e lawelawe pu aku ana me ia ma ke keena hoosa@unreadable.
Na Kauka Huki Niho Noeau,
hana pololei a hiki i keia manawa, a he haahaa ka auhau o ka huki ana. O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me na lako oihana o ke ano hou loa a maikai no hoi.
He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a @ ia no hoi ka makou e ake nei. Aohe auhau no ka nana ana. He wahine Hawaii ke kokua iloko o ke keena hana.
Keena hana ma Arlington Block, Helu 215, Alanui Hotele, ma o aku o Alnui Union.
Hoolaha Hooko Moraki
HOOLAHA MANAO PANIKU A KUAI A KA MEA PAA MORAKI.
RACHEL SHAW MEK AME HERMAN MEEK.
I kulike ai me na manao o kekahi moraki i hanaia e Rachel Shaw Meek ame Herman Shaw Meek ia W.R. Castle, Kahu, ma ka la ewalu (S) o Augate, 1896, a i kakau kopeia iloko o ke Keena Kakau Kope o ke Aupuni ma ka Buke Helu 163, aoao 316, ma keia ke haawiia aku nei ka hoolaha ke manao nei ka Mea Paa Moraki e paniku i ka moraki i oleloia no na kumu i uhaiia, e hoike ana i ka uku ole ia o ka ukupanee ame ke kumupaa i ka manawa e uku ai.
Ke haawi pu ia aku nei no hoi ka hoolaha mahope iho o ka pau ana o ekolu pule mai ka la aku o keia hoolaha e hoolahaia aku ai ka waiwai apau loa i hoopaaia iloko o ka moraki i oleloia no ke kuai kudalaia aku ma ke akea, ma na keena kudala o James F. Morgan iloko o Honolulu, ma ka Poaono, ka la iwakalua-kumamaiwa (29) o Augate, 1903, ma ka hora 12 awakea o ka la i oleloia.
No na mea aku i koe e ike ae ia W. R. Castle, loio o ka Mea Paa Moraki.
Hanaia ma Honolulu, Augate, 7, 1903.
W. R. Castle, Kahu
. Mea Paa moraki.
O ka waiwai apau i hoopaaia maloko o ka moraki i oleloia oia keia malalo iho:
1. O kela apana aina e waiho la ma Puunui, Honolulu, mokupuni o Oahu, a i hooakaka pono loa ia e like me keia malalo iho:
E hoomaka ana ma ke kihi akau o ke alanui Liliha ame ka palena pau maluna o ke alanui-mahelelua o ka Mahele (Sub-division) Mua, a holo e like me keia malalo iho:
1. Hema 52-00 Kom. Oiaio 31 kapuai holo ma ke alanui 40 kapuai ke akea,
2. Akau 38-00 Kom. Oiaio 159 kapauai holo ma ka apana 12 no Dickson,
3. Akau 52-00 Hik. Oiaio 75 kapuai holo ma ka apana 13,
4. Hema 38-00 Hik. Oiaio 130 kapuai holo ma ka apana 16. Kuea 2 a hiki i ke alanui Liliha, a mailaila aku holo ma ke alanui Liliha a hiki i kahi i hoomaka ai: nona ka iliaina o 10,800 kapuai kuea, oi a emi mai.
O ka Apana 14 keia, Kuea 2, a i hooliloia i ka Mea Moraki Mai maka palapala kuai aina a Wong Wa Foy, i hanaia i Augate 1, 1896, a i kakau kopeia ma ka Buke Helu 165, aoao 59.
2. O ka mahele hookahi-hapaono (1-6) mahele ole ia apau loa o Rachel Meek iloko o kela mau apana aina ma ka aoao Ewa o ke alanui Smith a i ole o Alanui Konia, ma Honolulu, Mokupuni o Oahu, nona ka huina pau o 144 anana kuea a i ole o 5184 kaouai kuea, i hooliloia ia John Shaw, mea i make i keia manawa, ma ka palapala kuai aina a H.A. Widemann, a i kakau kopeia ma ka Buke Helu 36, aoao 39, ame Keakui a i kakau kopeia ma ka Buke 28, aoao 16, pau pu me na hale ame na mea i kukuluia maluna o laila, a pela pu no hoi me kona kuleana iloko o na loaa hoolimalima ame na puka e loaa mai ana mai laila mai.
2975-Aug. 7, 14, 21.
HOOLAHA MANAO PANIKU A KUAI A KA MEA PAA MORAKI.
J.T. FIGUEREDO.
Ma keia ke haawiia aku nei ka hoolaha ma o ka pono o ka mana kuai o kekahi moraki i hanaia i ka la umikuma-maha (14) o Sepatemaba, 1899, i kakau kopeia iloko o ke Keena Hoona ina o ke Aupuni, iloko o ka Buke Helu 196 aoao 278 ame 280, i hanaia e J.T. Figueredo ame Clorinda T. Figueredo, kana wahine mare, no Honolulu laua a elua, Mokupuni o Oahu, ia Cecil Brown, Kahu, o Cecil Brown i oleloia, Kahu, ke manao nei oia e paniku i ka moraki i oleloia mamuli o na kahua oloko o ua moraki la i oleloia, e hoike ana,-o ka uku ole ia o ka ukupanee i ka wa e uku ai.
Ke haawi pu ia aku nei no hoi ka hoolaha o na aina apau loa na hale ame na kuleana apau i hoakakaia maloko o ua moraki nei i oleloia e kudala ia aku ana ma ke akea e James F. Morgan, ma kona mau keena kudala ma ke Alanui Kaahumanu, iloko o Honolulu i olelo mua ia ae nei, ma ka Poaono, la elima (5) o Sepatemaba, 1903, hora 12 awakea o ka la i oleloia.
O ka waiwai i hoopaaia maloko o ua moraki nei ioleloia oia keia malalo iho:
O kela mau Apana mahele-aina, na apana a mahele o ka aina e waiho la i Kewalo, iloko o Honolulu i oleloia, a i hoakaka pono loa ia ma na apana helu 7 ame 8 iloko o ke Kuea (Block) helu 3 e like me ia i hoikeia ma ka palapala-aina o na Apana o Kewalo, ma Kewalo i oleloia, Honolulu, e like me ia i hanaia no Bruce, Waring & Co., i kakau kopeia iloko o ke Keena Hoona Aina a i hooakaka pono loa ia ma ke ano he hapa o ka aina i hoakakaia iloko o ka Palapala SIla Nui Helu 5716, L.C. A. Helu 10605, a oia no hoi ka aina i hooliloia iaia e like me ia malalo iho:
O ka Apana Helu 7 Kuea helu 3, hooliloia ia J.T. Figueredo i oleloia ma ka palapala kuai a C.S.Desky, Kahu, ame kana wahine mare, i hanaia i ka la umi-kumamaiwa (19) o Novemaba, 1897, a i kakau kope ia iloko o ka Buke Helu 177, aoao 496.
O ka Apana Helu 8 o ke Kuea helu 3, hooliloia ia J.T. Figueredo i oleloia ma ka palapala kuai a Dama@so de Mello ame kana wahine mare i hanaia ma ka la iwakalua-kumamawalu (23) o Sepatemaba, 189@, a i hoopaaia ma kahi o ke kakau kope. O na aina i oleloia ae nei maluna ua hiki aku ko laua iliaina i ka 10000 kapuai kuea.
Kuike a ma ke dala gula Amerika ka makemake, a ma ka aoao o ka mea kuai mai na lilo palapala apau.
Hanaia ma Honolulu, Augate 3, 1903.
CECIL BROWN, Kahu.
2975-Aug. 7, 14, 21, 28.-Sept. 4.
HOOLAHA MANAO PANIKU A KUAI A KA MEA PAA MORAKI.
M.I. SILVA.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma ka la iwakalua (20) o Mei, 1901, a i kakau kopeia iloko o ke Keena Kakau Kope o ke Aupuni ma ka Buke 220, ma ka aoao 262 a hiki i ka aoao 264, e M.I. SILVA ame MARIANNA I. SILVA, kana wahine mare, no Honolulu, Mokupuni o Oahu, ia CECIL BROWN, KAHU, a ma keia ke manao nei o CECIL BROWN i oleloia. Kahu, e paniku i ka moraki i oleloia no na kumu i uhaila, e hoike ana i ka uku ole ia o ke kumupaa ame ka ukupanee i ka wa e uku ai.
Ma keia ke haawi pu ia aku nei no hoi ka hoolaha e kualia aku ana apau loa, ma ke ano pakahi no nae, na aina, na hale noho, na waiwai hooilina i hooakakaia maloko o ka moraki i oleloia, ma ke kudala akea ia ana e James F. Morgan, maloko o kona mau keena kudala ma Alanui Kaahumanu iloko o Honolulu i olelo mua ia ae nei, ma ka Poaono, ka la elima (5) o Sapatemaba, 1903, ma ka hora 12 awakea o ua la nei.
O ka waiwai i hoopaaia ma ka moraki i oleloia oia keia malalo iho:
O ke@a mau apana aina, apana a mahele o ka aina apau loa e waiho la ma Puunui, maloko o Honolulu i oleloia, a i maopopo hoi oia na Apana Helu 15 ame 17, Kuea 3, o Puunui Aina (Tract), o Honolulu i olelo mua ia ae nei, a he hapa hoi o ka aina i hooakakaia iloko o ka Palapala Sila Nui (Grant) Helu 3050, a oia no hoi ka aina i hoo@@@oia aku ai ia M.I. Silva i oleloia ma kekahi palapala kuai aina i hanaia ma Dekemaba 15, 1900, a i kakau kopela ma ke Keena Kakau Kope o ke Aupuni ma ka Buke 216, ma ka aoao 221 ame 223, a nona ka iliaina o 10000 kapuai kuea.
Ma ke Kuike a ma ke Dala Gula Amerika ka makemake, a ma ka aoao o ka mea kuai mai na lilo palapala apau.
Hanaia ma Honolulu, Augate 3 1903.
CECIL BROWN, KAHU.
2975- Aug. 7,14, 21, 28.- Sept.4.
HOOLAHA MANAO PANIKU A KUAI A KA MEA PAA MORAKI.
MARIA G. KAHOIWAI.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma ka la 23 o Aperila, 1901, a i kakau kopeia iloko o ka Buke 220, ma ka aoao 177 et seq.,ame ka mana iloko o kela moraki aie paku'i i hanaia ma Sepatemaba 30, 1901, a i kakau kopeia ma ka Buke 226, ma ka aoao 412 et seq., he mau moraki laua i hanaia e Maria G. Kahoiwai ame J.K. Kahoiwai, kana kane mare, no Honolulu, Oahu, ia The First AmericanSavings and Trust Company of Hawaii, Limited, a o The First American Savings and Trust Company of Hawaii, Limited, i oleloia, ke manao nei o paniku i ka moraki i oleloia ame ka moraki a@e pakui i oleloia e hoike ana i ka uku ole ia o ka ukupanee i ka wa e uku ai.
Ke haawi pu ia aku nei no hoi ka hoolaha e kuaiia aku ana apau loa, ma ke ano pakahi, na aina, na hale noho, ame na waiwai hooilina i hooakakaia maloko o ka moraki i oleloia ma ke kuai kudala akea ia ana e James F. Morgan ma kona mau lumi kudala ma Alanui Kaahumanu, Honolulu i olelo mua ia ae nei, ma ka Poaono, ka la 12 o Sepatemaba, 1903, ma ka hora 12 awakea o ua la nei.
O ka waiwai i hoopaaia ma ka moraki i oleloia, oia keia malalo iho:
Na Apana akahi-hapalua (1-2) o 6 ame akahi-hapalua (1-2) o Apana 7, Kuea A, e waiho la ma Kulaokahua, Honolulu, Oahu, a i hooakaka pono loa ia e like me keia malalo iho:
"E hoomaka ana ma ka ma-ka ma ka aoao makai o ke Alanui Lunalilo, 375 kapuai Akaukomohana o ke kihi komohana o na Alanui Keeaumoku ame Lunalilo, a holo ma ka Meridiana oiaio:
Hema 21 degrees 12' Kom. 90 kapuai holo ma ka hapa o Apana 6, Kuea A;
Akau 68 degrees 48' Kom. 50 kapuai holo ma na Apana 26 ame 27, Kuea A;
Akau 21 degrees 12' Hik. 90 kapuai holo ma ka Apana 7, Kuea A;
Hema 68 degrees 48' Hik. 50 kapuai holo ma ke Alanui Lunalilo a hiki i kahi i hoomaka ai, nona ka iliaina o 4300 kapuai kuea, a he mau hapa hoi keia o ka Palapala Sila Nui (Grant) Helu 3400, a oia no hoi na apana i hooliloia ia Maria G. Kahoiwai i oleloia ma kekahi palapala kuai aina i kakau kopela ma ka Buke 208 ma ka aoao 51.
Ma ke kuike a ma ke dala gula Amerika ka makemake, a ma ka aoao o ka mea kuai mai na lilo palapala apau.
Hanaia ma Honolulu, Augate 6 1903.
THE FIRST AMERICAN SAVINGS AND TRUST COMPANY OF HAWAII, LIMITED,
Ma o kona Peresidena.
CECIL BROWN,
2976- Aug. 14, 21, 28- Sept. 4, 11.
O KA LOLI MAU o ka wai oia kekahi kumu e loaa ai i ka ma'i hi. Mamuli o keia, i hele mau ka poe kaahele honu@ me ka paa pu me ka omole laau kolela ame hi a Chamberlain i hiki mai ka manawa e loaa ai i keia ano pilikia alaila ua loaa no ka mea nana e hoola ae ia ino. Aohe he lua e like ai me keia laau pili i na pilikia o ka opu. Aole e hiki mai keia ano pilikia i ka manawa iluna o na kaa a maluna o na moku, a oia io no kahi i kupono loa aku ai keia ano laau. He mea pono e kuai kekahi i laau o keia ano mamua o ka hele ana. Ma kahi o Benson, Smith & Co., e loaa ai keia ano laau na Agena nui e kuai nei.
Ua kauoha aku nei ke Aupuni i ka Hui Wiliko Palonia mai hoo@eene@ mai maluna o na aina o ke Kula Lahainaluna.
MA KE KAUOHA
HOOLAHA AINA AUPUNI.
Ma ka Poaono, Sepatemaba @unreadable, ma ka hora 12 awakea, ma ka @unreadable mauka o ka Hale Hookolokolo, Honolulu, e kuaila aku @i ka Hoolimalima o na aina malalo iho, i kaheaia.
Kawainui, e waiho @a ma Onom@a, Hilo, Hawaii. 162 eka Aina Mahiai.
Manawa: Elima (5) makahiki.
Uku hoolimalima haahaa; $@50.00 @ ka makahiki.
Aina ululaau o Kawainui, e waiho @unreadable ma kahi i hoakaka mua ia ae nei @unreadable eka Aina ululaau.
Manawa: Iwakalua-kumamakahi @unreadable makahiki malalo o na kulana ululaau.
Uku hoolimalima haahaa; $50.00 o ka makahiki.
No na mea aku i koe e oili ana i keia hoolimalima, palapala aina a p@unreadable aku, e ike ae i ke Keena AIna Aupuni.
E.S. BOYD.
Komisina o na Aina aupuni.
Keena Aina Aupuni , Augate 13, 1@@@.
2977-Aug. 21, 28-Sept.4.
HOOLAHA HUI I HOOHUIIA.
TERITORI O HAWAII.
KEENA O KA PUUKU, HONOLULU, OAHU.
MA KA HANA O KA HOOPAU LOA ANA I KA WOLTERS WALDRON COMPANY, LIMITED, (KAUPA-LENAIA.)
Oiai ka Wolters Waldron Company, Limited, he hui i hoohuiia a i ku malalo ame ka malu o na kanawai o ka Tertori o Hawaii, mamuli o ua Kanawai la, a e like me ia i hoike@a malaila, ua waihoia mai ma kela keena he Palapala noi e hoopauia ua hui la, me ka Palapala Hooia i hoopili pu ia i kulike ai me ke Kanawai.
Nolaila, Ma keia ke hoolahaia aku nei i ka mea a i ka poe apau i kuleana a e kuleana nei ma na ano apau Uoko o ua hui la i oleloia e waiho mai i na kumu ku-e i ka aeia o ua noi la i oleloia ma keia keena ma ka la a mamua ae paha o ka la iwakalua-kumamawalu (28) o Sepatemaba, A.D. 1903 a o kela ame keia mea e @ akemake ana e loheia ma ia hana e hele kino ae ma ke keena oihana o ka mea nona ka inoa malalo iho ma ka Hale Mana Hooko, Honolulu, ma ka hora 12 o ua la la i oleloia @ hoike mai no ke ana la e ae ole ia ai ia noi.
A.N. KEPOIKAI.
Puuku o ka Teritori o Hawaii.
Honolulu, iulai 11, 1903.
HOOLAHA HOOKO MORAKI
HOOLAHA MANAO PANIKU A KUAI A KA MEA PAA MORAKI.
CHAS. E. MOORE.
Ma keia ke haawiia aku nei ka hoolaha mamuli o ka mana kuai iloko o kekahi moraki i hanaia ma ka la ekolu (3) o Aperila, 1903, i hanaia e Chas. E. Moore ame Mary T. Moore, kana wahine mare, no Honolulu, Mokupuni o Oahu, Teritori o Hawaii, ia Cecil Brown, Kahu, a i kakau kopeia iloko o ke Keena Kakau Kope o ke Aupuni ma ka Buke Helu 221 ma ka aoao 1@0 et seq., o Cecil Brown i oleloia, Kahu, ke manao nei e paniku i ka moraki i oleloia no ka uhalia o na kumu i hoopaaia ma ua moraki nei i oleloia, e hoike ana i ka uku ole ia o ke kumupaa ame ka ukupanee i ka manawa @ uku ai.
Ke haawi pu ia aku nei no hoi ka hoolaha e kuai kudala akea ia aku ana ma ke ano pakahi na aina, na hale noho ame na waiwai hooilina i hoakakaia ma ka moraki i oleloia, ma n@ lumi kudala o James F. Morgan, ma ke Alanui Kaahumanu, ma Honolulu i olelo mua ia ae nei, ma ka Poaono ka la umi-kumamaiwa (19) o Sepatemaba, 1903, ma ka hora 12 awakea @ ua la nei.
O ka waiwai i hoopaaia ma ka moraki i oleloia, oia keia malalo iho.
O kela apana a mahele o ka aina e waiho la ma Kulaokahua, Honolulu, Oahu, a i hoakaka pono loa la e like me kela malalo iho:
Apana Helu 11, Kuea A - e h@maka ana ma kekahi wahi ma ka aoao makai o ke Alanui Lunalilo, @unreadable k@paai Akaukomohana o ke kihi Kom@h@a o na Alanui Keeaumoku ame Lunalilo @ holo ma ka Meridiana oiaio:
Hema 21 degrees 12' Kom. 90 kapuai @ole ma ka Apana 10, Kuea A; alaila
Akau 68 degrees 48' Kom. 50 kapuai h@unreadable ma ka Apana 31, Kuea A: alaila
Akau 21 degrees 12 ' Hik. @0 kapuai hu@unreadable ma ka Apana 12, Kuea A; alaila
Hema 68 degrees 48' Hik. 50 kapuai h@unreadable ma ke Alanui Lunalilo a hiki i kah@undeadable maka ai, a nona hoi ka ilina o @unreadable kapuai kuea, oi a emi mai, a o ka @unreadable na aina kela i hooliloia i ka Mea Moraki mai i oleloia, Chas. E. Moore, @@ k@@ kahi palapala kuai aina i ha@@ma ka la ekolu (3) o Aperila, 1901.
Ma ke kuike a ma ke dala gula Amerika no hoi ka makemake a ma ka aoao o ka mea kuai mai ka lilo palapala.
Hanaia ma Honolulu, Augate 1@, 1903.
CECIL BROWN, KAHU.
Mea Paa Moraki.
2977 - Aug. 21, 28- Sept. 4, 11, 15.
OLELO HOOLAHA
E ike mai e na kanaka apau ma kela Hoolaha.
Ke ku-e a ke hoole loa aku nei au i ka oiaio o kela Palapala Kuai Aina i hanaia i June 25, A.D. 1901,mawaena o Kalaiwaa (k), o ka aoao mua, me Rev. W.M. Kalaiwaa, o ka aoao elua, i kopeia ma ka Buke Aupuni 241. aoao 151 me 152. Malalo o na kumu aole loa wau i hana Palapala Kuai, aole loa o'u kuleana aina i koe no'u ponoi ia wa. O na ona ponoi o ua aina la i oleloia, o W. Kawaimaka me W. Liana.
E nana ma ka Buke Aupuni 107 aoao 387 me 388.
Owau me ka oiaio,
KALAIWAA.
Kahaluu, N. Kona, Hawaii.
E malamaia ana ka halawai a @a Apana Elima, ma kahi o J.L. Kaulukou Aala Aalanui-olowi, i ka hora 7 o ka Poalima ia 2@ o keia mahina, E hele nui ae ka poe apau o ia mahele ilaila.