Ka Nupepa Kuokoa, Volume XLI, Number 34, 21 August 1903 — Page 5
| This text was transcribed by: | Linda Kane |
| This work is dedicated to: | Kaliko |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa, Augate 21, 1903
Nuhou
Kuloko
E hookaawalela aku ana kahi e ki @ ai na koa ma Kakaako, e lilo aku ina kahi a lakou e ke pu nei i ke Ke@ Kaua Moana o Amerika Huipuia.
He nui na hoolaha paniku moraki a pela e puka aku nei ma keia pule. E nana pono iho ka poe i komo ma keia niu hana.
Ke a`o puhi ohe mai nei kekahi mau keiki o Wailuku, a aohe no paha e leihi ka manawa mamua o ko lakou puhi ana ae i ke akea,
Ma ka Poalua nei i hiki mai ai o Lunakanawai Apana Elua Alex. Lindsay. Opio, mai Hawaii mai po ka la@lawe ana i na hana o kana oihana kou.
Ua loaa mai ka lohe ua poinoia he elua mau e lawai`a ana me ke kiana pauia. Lohe ole no hoi kanaka i ka loa mau o keia poino.
F. W. Beckley, ka Lunahoomalu o ka Hale o na Lunamakaainani, ua ho@ he ma ke akea aohe ola e lawelawe @ i na mea pili kalaiaina ma ke koho baleta kalana mua.--- Adavatalsa
Ma ke kakahiaka Poakelu nei i noho ai o Lunakanawai Apana Elua Alexander Lindsay, Opio, ma kana oihana hou, a ua nui kana mau mea i hana ai ma ia kakahiaka.
I ka noho ana o ka Hui Kinipopo Elks i ka olelo hooholo a Lemon ma ka @`oalua nei, ua kakoola o Lemon a ua haule pahu ke peku a na Elks.
Ua noho iho nei na Home Rula i na komite he 65 o ke komite-waena. Ma kela mua iho e malamaia ui ke hulawai o ke kulana, a aohe he makemake @ na kanaka e hoike koke ae i na moho @ holo ana ma ka aoao Home Rula.
I`a hoiloila aku nei na iwi o W. M. Kipikona mai ka pa-ilina aku o Mae=mae no Lahaina e Fred H. Hayselden. Ua Kapalakiko i make ai o Kipikona @ ka makahiki 1888, mahope o kona @oho loihi ana ma na oihana aupuni b@ekie ma Hawaii nei.
Ke kanaluaia nei ke kupono o kela @ahele o ke Kanawai Aina Torena me @ Kumukanawai e olelo ana aia a ell@ a makahiki o ka noho ana, alaila, @ki ke noho ma ke kulana Mea Hoo@a a Kakau Kope. O keia ka mahele @ele ai o C. R. Buckland i keia wahi mahope o kona hookohuia ana.
Ela ke puka aku nei ma kekani wahi @ keia helu he hoolaha e pili ana i ka @awai a na Repubalika o ka Mahele @kahi, Apana Eha, no ka hoopiha ana @a hakahaka o ka ahahui mahele ame @ noonoo ana i ke Komite Kalana ma @ pa o Thos. P. Cummins, Pawaa, ma @ ahiahi Poalima o keia pule ae, Au@ate, 28.
ONA MA`I NAHU O KA OPU, Kole@a ka naau, eha ma ka opu, hi koko ame hi, he hiki mai lakou me ka hikiwawe a i kekahi wa, ua hoea mai ka make mamua o ke kaheaia ana o ke kauka, a no ia kumu, he mea pono e malamaia i laau kupono no ka hoohana ana i na wa apau. O ka Laau Nahu o ka Opu, Kolera ame Hi a Chamberlain, aohe ona lua e like ai no ka hoola ana i keia mau ma`i. Aole e hala i ka haawi ana mai i ka maha me ka hikiwawe loa ina no he ma`i kukonukpnu ia. He pahee ka lawe ana a he mea pono e hoolawa na home apau me kekahi omole o keia laau. E kii i keia la. E hoolaia no he olla. No ke kualia ma kahi o na halekuai laau lapaau apau, Benson, Smith & Co., na Agena no Hawaii.
Ahahui Repubalika
E HOOLOH!!
E malamala ana ma ka pa o Mr. Thomas P. Cummins, Esq., ma Pawaa, Honolulu, he halawai o na poe Repubalika kupono i ke koho balota ma @a hora 7:30 p. m. o ke ahiahi Poalima, ia a o Augate, 1903, no na kumu:
1. No ka hoopiha ana i na wahi hakahaka maloko o ka Hui.
(2) No ka wae ana i na Komite Kalana.
Ma ka Poaono, Augate 28, 1903, mawaena o ka hora 2 p. m. ame hora 8 p. m. ma ia wahi hookahi no, e kohoia ai na iaia o ke Komite Kalana, malalo o na Rula o ka Aoao Repubalika o kaTeritori o Hawaii.
C. L. HOPKINS,
Presesidena o ka Hui Repubalika Mahele Akahi, Apana Eha.
Honolulu. Aug. 20, 1903.
Papa Kuhikuhi
o ke Kinipopo
Aug. 22---Kika kue ia Maile Ilima
Aug. 22---Honolulu kue ia Kam
Aug. 23---Punahou kue ia Honolulu
Aug. 23---Kika kue ia Kam
Sept. 5---Kam kue ia Maile Ilima
Sept. 5---Punahou kue ia Kika
Sept. 7---Honolulu kue ia Kika
Sept. 7---Maile Ilima kue ia Punahou
Sept. 13---Punahou kue ia Kam
Sept. 13---Honolulu kue ia Maile Ilima
Sept. 19---Kika kue ia Maile Ilima
Sept. 19---Honolulu kue ia Kam
NUHOU O KONA AINA E
Mai ka Uwea Telegarapa mai
KOKOKE E MAKAUKAU.
NU IOKA, Aug. 11.---Eia ka Reliance ame ka Shamrock ma na uwapo maloo no ka hoomakaukau hope loa ana no na heihei.
E HAALELE ANA I KONA KULANA
WASINETONA, Aug. 11.---Ua haawiia ae ka lohe i keia ia e waiho mai ana o Kakauolelo o ke Keena Kaua Elihu Root i kona noho ana i hoa no ka Aha Kuhina a Peresidena Rusawela mamua o kona holo ana aku no Ladana e noho ai iaia no ke Komisina Palenaaina Alaska.
UA HOLO KE KANAWAI AINA A-
ILIKI.
LADANA, Aug. 11.---Ua holo ma ka heluhelu ekolu ana ka bila Aina o Irelani i keia ia maloko o ka Hale o na Haku. I ka manawa i kukalaia ae ai ke kulana o ke koho ana ua nui ka uwa o na alakai o ka aoao o na Ailiki ame ko lakou poe kokua no ka holo ana o ka mea i makemakeia no na makahiki he loihi.
MAULE KA POPE
ROMA, Italia, Aug. 11.---Ua maule o Pope Pius X i keia la iaia e lawelawe ana i na hana o ka meka nui. Ua lilo keia i mea eehia iwaena o na Kadinela ame ke kulanakauhale holookoa. Ua kaheala na kauka a olelo ae lakouua ulu mai keia mea mamuli o ka nawaliwali o ka puuwai ame ka maluhiluhi no ka nui o kana hana i keia mau pule iho nei. Ua kauohaia aku ka Pope e hoomaha oia no kekahi manawa.
AOHE DALA A TUREKE.
ROMA, Aug. 12.---Ua ioheia ae ua hooholo na mana e kakoo ia Rusia ame Auseturia i ka hoonoho hou ana i ka maluhia iloko o na Balakana. Ua hiki ole la Tureke ke hana no ka nele ke dala.
SOFIA, Aug. 12.---Ua hoopahula he uwapo kaaahi e na kipi. Ke laha loa ae nei ke kaua.
CONSTANTINOPLE, Aug. 12.---Ke pau nei na koa Tureke ma Macedonia i ka holo malu no ka uku ia.
KUPILIKII KE OLA O NA KARISTIANO.
SALONICA, Aug. 13.---Ua hoolei po ka pahu aku na Tureke i kekahi wahi e kokoke ana i Monastir. Ke loheia nei ua kaukoha mai ka Porte i na koa mai hoomenemene i ka luku ana aku i ka poe kipi. Ke manao nei ke Aupuni Bulugariana e ulu ae ana kekahi luku nui maluna o na kanaka Kristiano ma Macedonia.
NUI KA POINO I KA MAKANI INO.
KINGSTON, Jamaica, Aug. 13.---Uaikaika ka pa ana a ka makani ino maanei. Ua nui ka poino i ili aku maluna o ke Awa Anatonio, he eono mokuahi i ili malaila a he nui hoi na moku i ili ma ka aekai. He 30 poe i maopopo ua make i keia ino a ke manaoia nei ua oi aku ka heluna olalo maluna o keia. Ua hooneoneoia ka iea a ua hooneleia he mau tausani o na kanaka me na home a ilihune no hoi. O ke poho o na waiwai aole ia e emi mai ana malalo o umi miliona dala.
HU KA PELE O VESUVIUS.
NAPLES, Aug. 13.---Ke ninini mai nei o Vesuvius i ka pele me he mau muliwai la ke kahe ana, a ua pio-o ka poe e noho kokoke nei i keia wahi.
NI KA HEHENA MAI KE KUMU.
WINDFIELD, Kas., Aug. 13.---O Gilbert Twigs, he kanaka hehena, ua ki pu aku oia iwaena o kekahi anaina ahamele i keia po a ua make ekolu poe a eha hoi he iwakalua-kumamalima. Ua lawe oia i kona oia iho.
KAU KUIKAWA O KA AHAOLELO NUI
OYSTER BAY, Aug. 13.---Ua loaa he mai a Rusya mai ia Keikialii Ching no ka kumuhana o ke noi ana aku ia Peresidena Rusevela e hooponopono i ka ninau Manakuria.
KA WAIWAI PILIKINO O KA POPE LEO.
ROMA. Aug. 13.---Ma keia ia i weheia ai na lumi o ka Pope Leo XIII i make e na luna o ka Vatikana. Iwaena o na pono o ka Pope i make i loaa aku ai he mau milliona dala ame kekahi huina kiekie o na pohaku makamae. E oi aku ana paha maluna o ka miliona dala ka waiwai io o ka Pope Leo.
AOHE I APONOIA KA LOHE
WASINETONA. Aug. 14.---O ka lohe a noi mai ana o Keikialii Ching ia Peresidena Rusevela e lilo i mea nana e uwao i na ninau e pili ana i ke kulana ma Manakuria, aohe i aponoia e ke Keena Aina. Ua olelo ae na luna aupuni aohe lakou i lohe iki no keiamea a no ia kumu aohe lakou e kamailio ana maluna o keia kumuhana.
OKAKALA KA HULU O KA BEA.
ST. PETERSBURG. Aug. 15.---Ua kauohaia akum nei ke aumokukaua o ke Kai Eleele no na kai o Tureke. Ke hanaia nei he mau hoomakaukau anano ka hookonokono ana aku ia Tureke me ka oolea o na mea kaua, a ke manaoia nei aole e kue mai ana na mana e ae. Ke koi aku nei o Rusia i ke poho o ka powaia ana o kona kanikela ma Monastir.
O JEFFRIES KA LOEA KU`IKU`I PUUPUU
KAPALAKIKO, Aug. 14.---He umi tausani ka heluna o ka poe i hiki ae ma ka Mekanika Paviliona i kela po no ka nana ana i ka hakaka pelepele mawaena o Jim Jeffries ame Jim Corbett. He kanaono tausani dala ka i loaa ma ka puka. O Jeffriesm ka mea i ohohia nui la e ka hapanui, a he elua i ka hookahi ka pili ma kona aoao. He luna mau hakaka okoa ka i malamaia mamua o ka hakaka nui, a o ka hakaka mua, ua like. O ka hakakaelua ua eha o Fairbanks ia Evans. Eia iho ka hakaka Jeffries-Corbett ma na puni:
Puni 1.---Like a like.
Puni 2.---Hahana, oi o Jeffries.
Puni 3.---Ikaika laua a i elua.
Puni 4.---Paupauaho a pau ka mahu o Corbett.
Puni 5.---Loaa o Jeffries ma ke kino.
Puni 6.---Hina o Corbett no eiwa sekona ma ka loaa mpono ana ma ka auwae.
Puni 7.---Puili o Corbett.
Puni 8.---Nawaliwali na puupuu a Corbett.
Puni 9.---Ikaika hou o Corbett.
Puni 10.---Hina o Corbett ekolu manawa a heluia a hemo. Kiloi kona mau hope i ka hu`ahu`akai iluna. Lilo ka eo ia Jeffries.
Ua hina o Corbett ma ka loaa pono ana i ka puupuu ma kekahi wahi maluna ae o ka opu, a o kahi no keia ona i loaa ai i kona hakaka ana me Fitzsimmons ma Carson City. Ua like o Jeffries me kekahi pa pohaku i ka wa e loaa mai ai i na puupuu a kona hoa. Ua hoike mai oia i ka pii maikai ana ae o kona kulana ma ka pelepele ana. Ua emi hope ko Corbett kulana a aohe wahi oolea o kana mau puupuu. Ua haawi aku oia i kona hoomaikai i ka mea i lanakila.
MACEDONIA NO KE KUOKOA
LADANA, Aug. 16.--Ua kokoke loa e hoopuka ae ke Komite Macedonia i kekahi kuahaua no ke kuokoa a no ke kukulu ana i aupuni kuikawa.
NA LOAA O KA HAKAKA PELEPELE.
KAPALAKIKO, Aug. 16.---Iloko o ka hana o ka mahele ana o na loaa puka o ka hakaka pelepele, ua loaa ia Jeffries he $32,000 a la Corbett he $10,000.
KE KULANA MA MACEDONIA.
SOFIA, Aug. 17.---Ua waiho aku neio Bulgaria i kekahi mau haikeike imua o na mana e hoakaka ana i ke kulana ma Macedonia iloko ae nei o na mahina he ekolu. Ma keia ua hookomoia hana papaphikanaka, hoomainoino, puhi ahi, hao wale a hoopilikia wale a na koa Tureke ame na luna aupuni maluna o na pio Bulugariana. Ua piha na halepaahao i na kahinapule, kumu ame na kanaka kalepa, ua hanainoia na wahine a ua puhi aku na koa he ewalu mau taona liilii i ke ahi.
CONSTANTINOPLE, Aug. 17.---Ua olelo mai ke Kuhina o Beritania i ke aupuni Tureke no na mea kukonukonu a pili ana i ke kulana ma Macedonia ame ka hopena e ili aku ana maluna o lakou ina e pepehi wale ia na kanaka o na aina e.
KI POKAIA KA POE HANA ALAHAO.
KANATONA, Kina, Aug. 17.---O na haunaele i puka ae maanei i kekahi wa i hala akun nei no ka hoao ana e ku-e aku i ka poe hana alanuihao, ke laha loa ae ma na taona i komoia aku e ua alaahao nei. Ua ki pokaia kekahi o na anaaina Amerika.
$20,000 NO KA POE ILIHUNE
ROMA, Aug. 17.---Ua haawi manawalea aku nai o Pope Pius he $20,000 no ka puunaue like ana iwaena o ka poe ilihune o Roma.
KE UHI MAI NEI KA WELI O KE KAUA
CONSTANTINOPLE, Aug. 19.---Ua hiki mai nei ke aumoku Rukini maanei mai Sebastopol mai.
Ke lauahea ae nei he lohe e olelo ana ua lukuia he 800 haneri poe Tureke ma Monastir, Macedonia, e na Macedoniana ame na Bulugariana.
SOFIA, Bulugaria, Aug. 18.---Ua lohaia mai maanei ua lukuia apau loa na kanaka Kristiano o ke taona o Krushevo a eia ke uhi nei ka weli maluna o keia mau apana aina.
USKUB, Macedonia, Aug. 18.---Ua maka`u na Kristiano o Uskub i ka haalele ana aku i ko lakou mau home. Ua maka`u lakou o pau nui i ka lukuia. Ua okiia na telegarapa mawaena o keia wahi ame Constantinople a ua hookiia ka holo ana o na kaaahi mawaena o keia mau wahi.
ROMA, Aug. 18.---Ma na lono telegarapa i loaa mai maanei mai Sofia mai e olelo ana ua hoakoakoa ae nei o Bulugaria he pualikoa i hiki aku ka heluna i ke 75,000.
NUI KA UWILA AME KA HEKILI.
SAN BERNADINO, Kal., Aug. 18.---No ka hiki ana mai o kekahi ino uwila ame ka hekili maanei, ua nui ka poino i loaa he nui na mala hua ai ame waina i hanainoia.